كاتب الموضوع :
Amoonh
المنتدى :
القصص المكتمله من وحي قلم الاعضاء
السلام عليكم ورحمة الله وبركاته..
البارت التاسع والعشرون
سلطان:ايه عندك مانع
ليان بدموع:حرام عليك حرام انا ابيه انا وجلست ع الأرض تبكي
سلطان بصراخ على الدكتوره:بسرعه انتــــــي
الدكتوره بإرتباك وهي معها الأبره:يمكن تنكسر بيدها
سلطان بعصبيه:احــــــسن انا اساعدك امسكها ومسك ليان
ليان بصراخ وهي تدفه:حرام عليك بعد بــــــــــــعــــــد
سلطان مسكها بقوه عشان ماتحرك:بسرعه انتي يابارده
الدكتوره مرتبكه ومسكت يد ليان بس دفتها ليان بقوه وبصراخ:بعدي انتي ياحيوانه
الدكتوره بعصبيه:خلاص ماني معطيتها ابره
سلطان بصراخ:غصب عنك ياحيوانه والــــــ5000 اللي عطيتك
ليان بصياح وهي طايحه عند رجول سلطان:طــــــلبتك سلطان لاتخليها تسقطه انا ابيه وبشهقات:سلطان الله يخليك يكفي انه منك تكفى سلطان انا تحملت العذاب عندك لأني احبك تكفى سلطان ومسكت رجلين سلطان وهي جالسه على ركبها وتبكي:ليش تسوي فيني كذا ليش طلقني وريحني بس اهم شي تترك اللي ببطني
سلطان واقف ويناظر بليان وحن عليها بس ساكت...
ليان بصياح:ادري انك قاسي واناني واللي براسك تسويه بس اتركه الله يخليك سلطان
الدكتوره كسرت خاطرها ليان وطلعت دموعها...
ليان بكت ومدت يدها للدكتوره:اعطيني الأبره بسرعه ولفت لسلطان:اذا رجعت البيت وانا سالمه من الأبره طلقني وانفجرت بكي...
سلطان جلس مقابل لها وضمها:ليــــــــــــان سامحيني انا آسف
ليان رمت نفسها بحضنه وبكت بقوه...
سلطان مسح دموعها بيده:أنــــــــــــا أحــــــ وطلعت لمى بمخيلته فجأه وسكت
ليان بصياح:كملها ليش سكت قل انك تحبني ريحني ارحمني من العذاب
سلطان تركها ووقف:الحقيني ع السياره بنرجع البيت
ليان مسحت دموعها وعدلت عباتها وقامت وحست بدوخه وجلست:يارب ارحمني تعبت وقامت وراحت للسياره...
سلطان بالسياره وندمان:ياربي ليش سويت كذا ليش وضرب يده بالسكان :شسوي كل هذا ماأبي ولدي يتعذب بس ليان آآآه ياليان وقطع عليه فتح ليان للباب...
ليان ركبت وسكرت الباب بدون ماتكلم...وسلطان مشى بالسياره وساكت بعد لين وصلوا البيت ودخلوا...
ليان بهدوء:طــــــــــــلقني
سلطان طنشها وجلس على الكنب وشغل الــــTV
ليان بصراخ وهي تبكي:خــــــلاص تعبت تعبت منك طلقــــــني
سلطان بعصبيه:وحتــــــى انا تعبت وطلاق ماني مطلقك
ليان بصياح:ليش طيب ليش
سلطان قام وبصراخ:كــــــذا ماني مطلقك
ليان مسحت دموعها:اذا كان عشان خالد فريح نفسك خالد خاطب
سلطان:لا مو عشان خالد وجلس وبهدوء:عشان اللي ببطنك
ليان بإستهزاء:هههه وصار يهمك وانت قبل شوي ناوي تقتله حتى مافكرت بربك بتقتل نفس
سلطان بصراخ:ليــــــان بعدي عني وهدأ من صوته شوي:وياليت تروحين عند مشاعل او لبيت اهل الليله لأني خايف ارتكب فيك جريمه
ليان جلست:لا بروح لعبدالله
سلطان انهبل خايف يخليه عبدالله يطلقها ومايبيها تبعد عنه اصلآ هو يحبها بس يكابر وبهدوء:لا وبعدين السفر مايصلح لك وانتي حامل
ليان بإنفعال:بــــــروح لعبدالله بروح
سلطان بتهديد:لو رحــــــتي لعبدالله تشوفين وش بسوي فيه وانتي بكيفك
ليان بحزن:طيب اذا رحت لمشاعل اهلك يشكون انا بيننا شي
سلطان وقف:انا بروح لسامي خلاص وطلع...
ليان انسدحت بتعب والدموع مجتمعه بعيونها"معقوله مريض والإ كذا طبعه بس هذا طبعه قاسي واناني وعصبي والله يعيني بس والله يهدي من كان السبب في زواجي منه"
&&"""&&"""&&
الساعه 9 م
عبدالله:خالد فيك شي
خالد وراسه مصدع لأنه ماأكل حبه اليوم:لااا بس ضايق شوي
عبدالله بخوف عليه:من ايش
خالد بحزن:من كل شي
عبدالله:خالد انت فيه شي مخبيه عني
خالد بإرتباك:لا لا مافيه شي
عبدالله انتبه لإرتباك خالد:خالد انا اعرفك عدل ومن بعد رجعتي من شهر العسل وانت متغير
خالد:.......
عبدالله مسك كتف خالد:حط عيني بعينك
خالد نزل رأسه خايف عبدالله يكشفه...
عبدالله:ليش نزلت رأسك ارفعه
خالد:......
عبدالله وقف:وأنا ملاحظ عليك شي نومك زايد وعصبيتك زايده ودايم تأخر عن الدوام وش السبب
خالد بعصبيه لأول مره لعبدالله:عــــــبدالله خلاص اتركني بحالي مالك شغل فيني انا حر بنفسي
عبدالله بهدوء:خالد انا استفسر ماقلت شي
خالد بصراخ:بــــــس خلاص اطــــــــــــلع ماأبيك رفعت ضغطي
عبدالله انهبل اول مره خالد يعصب عليه وغير كذا يطرده من البيت وناظر بخالد نظرات حيره واستفسار....
خالد بعصبيه:لاتناظر فيني كذا
عبدالله بيطلع بس قبل يطلع وقف عند الباب:11سنه مارفعت صوتك او عصبت علي والحين تطردني وتبينا نفترق بعد هالعمر وطلع وراح لبيته...
خالد ضرب يده بالكنب:ليش سويت كذا ليش هذا عبدالله مو اي انسان ووقف:كله من القرف اللي أكل حسبي الله عليك ياباسل اشوف فيك يوم ان شاء الله ودق جواله ناظر وطنش:ناقص انا بعد قرف بطنشهم الليله ولو يموتون مايوصلون للي يبون ولازم احول بعض رصيدي لحساب عبدالله
&&&""""&&&
عيسى يشرب زقاره:مايرد الكلب
باسل:يمكن عنده عبدالله
عيسى بإستهزاء:لو يعرف وش بسوي فيه ماطلع من بيته ولاضيع ولا فرصه
باسل بإستغراب:وش تقصد
عيسى:كل شي بوقته حلو
عوض:من صدقكم بتأخذون اللي بحساب خالد
باسل:ايوه
عوض:يعتبر سرقه
عيسى:لاتخاف هو اللي بيعطينا
عوض:ههههه تحلمون
باسل:ياغبي وهو تحت تأثير المخدر
عوض:بس اذا صحى وبلغ عنكم
باسل:مايقدر من يعطيه مخدرات
عوض:وحاسبين حساب كل شي
&&"""&&"""&&
الساعه 10 وربع م...
عبدالله دخل البيت وهو الى الآن مصدوم من خالد"وش فيه ياربي معقوله لا لا خالد مايسويها بس حركات وتصرفاته مثل تصرفات المتعاطين بس خالد لا لا مايسويها مستحيل وش ناقصه اذا تعاطى...."وقطع عليه صدم بأميره طالعه من الغرفه ماشافها...
اميره:خير ماتشوف
عبدالله:انا آسف ماأنتبهت
اميره مشت:ليه اعمى والإ تتعمد تسوي كذا
عبدالله عصب لأن ماله خلق لها يفكر بخالد:اميــــــــــــــــــره
اميره طنشت ودخلت غرفتها وصفقت الباب بقوه...
عبدالله هز رأسه ودخل غرفته:بتجيب لي الضغط والسكر الله يعين عليها ونزل شماغه ورماه ع السرير وفتح ازارير ثوبه:ياربي وش فيه خالد ونزل ثوبه ولبس بيجامه وانسدح على السرير بتعب...وبعد عشر دقايق وصله مسج من خالد(عبــــــود لاتزعل مني أنا آسف كنت ضايق بس لاتزعل)
عبدالله ابتسم:بطنشه اسوي نفسي زعلان
أميره لابسه بنطلون جنز وبدي ابيض ومستشوره شعرها وجالسه على اللاب توب ومقفله باب الغرفه .... ودق جوالها ناظرت:عزيز وردت
اميره:مرحبتين
عزيز:بس حبتين ابي اكثر
اميره:مرحبآ ملايين وبلاييين تكفي
عزيز:ايوه الحين تكفي اخبارك
اميره:تمااام انت اخبارك مختفي
عزيز:حسبي الله عليهم من اسبوع ودوامي 24 ساعه
اميره:يووه ولاجيت لبيت عمتي
عزيز:لا بس من الحين افتكيت ثلاث ايام بإجازه
اميره:يووه بس طيب وش رايك تجي ألحين
عزيز:مع ان الوقت حلو الساعه عشر ونص بس تعبان ودي انام
اميره:لا عزيز تكفى والله ملانه
عزيز:وعبدالله وينه
اميره:شكله نايم
عزيز:ربع ساعه واكون عندك انتظريني
اميره:حياك ولاتأخر
عزيز:اوكي باي
اميره قفلت اللاب توب وراحت بالصاله...
&&"""&&"""&&
خالد انتظر عبدالله يدق او يرسل بس طال انتظاره ودق على عبدالله بس عبدالله مارد وحاول اربع مرات بس مارد واخر شي دق على تليفون البيت
اميره واقفه بالصاله ودق التليفون ناظرت وشافت رقم خالد وطنشته ودق مره ثانيه وشافت عبدالله جاي يمشي...
عبدالله:ميين
أميره:ماأدري وجلست
عبدالله ناظر للتليفون وبعدين ناظر لأميره:خالد ليش مارديتي
اميره بكذب:خالد توقعت احد ثاني
عبدالله انتبه لها وتفحصها من راسها لين اخمص قدميها...
اميره ارتبكت من نظراته:فيه شي
عبدالله تقدم لها ونظراته خوفت اميره...
اميره وقفت...
عبدالله قرب منها لين جسمه لاصق جسمها ومسك ذقنها...
اميره ارتبكت اكثر وقلبها يدق بقوه ونزلت رأسها...
عبدالله وهو ماسك وجهها:ارفعي راسك
اميره بإرتباك:بعــــــــد ع عني
عبدالله قرب وجهه لها وزاد ارتباك اميره ودقات قلبها...
عبدالله قرب فمه من أذنها:تدريــــــــــــــن ان....وقطع عليهم صوت الجرس
عبدالله ويده على كتف اميره العاري: ههههههه دايم يجون بالأوقات الغلط
أميره قامت:عزيز
عبدالله طارت عيونه:وبتفتحين له ولبسك كذا
أميره:ليه فيه شي لبسي
عبدالله بإستهزاء:لا ابد مافيه شي ونص ظهرك طالع واكتافك
أميره:عادي تراه عزيز
عبدالله:عندك عادي بس انا لا روحي بدليه بسرعه
عزيز مل له عشر دقايق واقف عند الباب:اووف ليش مايفتحون ودق الجرس مره ثانيه
أميره:انت رح افتح الباب بسرعه
عبدالله راح للغرفه بسرعه:بنزل البيجامه وافتح
أميره راحت تفتح لعزيز وطنشت كلام عبدالله ولا بدلت لبسها وفتحت:اهــــــــــــلين
عزيز:ساعه عشان تفتحون وضم أميره:اخبارك
أميره:بخيــــــــــــــر
عزيز بمزح:وش هاللبس وغمز لها
أميره عرفت قصده وولع وجهها من الإحراج وقلب احمر...
عبدالله جاء يمشي ولابس بنطلون كحلي وتي شرت ابيض وانقهر من أميره...
عبدالله ونظراته لأميره:حياك عزيز تفضل
عزيز بمزح:ادري اني بتفضل غصبآ عنك
عبدالله سلم على عزيز:مختفي تو تطلع
عزيز:غصب عني لو على كيفي كان جالس بالبيت ودخلوا بالصاله....
أميره:وش تحب تشرب
عزيز:شاهي بالنعناع
عبدالله يناظر لأميره:وجيبي عصير برتقال
أميره انقهرت من نظراته وراحت للمطبخ....
&&"""&&"""&&
11 م
خالد ركب سيارته عشان يروح البنك وبعده بيروح لعبدالله مايبيه يزعل منه....بعد ربع ساعه وصل البنك وحول تسع ملايين وتسع وتسعين الف وتسع مئه لحساب عبدالله وترك 5000 بحسابه وبعد ماخلص راح لبيت عبدالله....
&&&""""&&&
أميره جابت العصير والشاهي وبيبسي ومكسرات وشيبس وفطاير وبيتزا....
عزيز:شكلي بطنش الشاهي اغريتيني بالبيبسي
أميره:عاد تشربه غصب مو مسويته ومتعبه عليه
عبدالله:ياساتر ترى كلها ابريق شاهي
أميره بقهر:مو شغلك انت اشرب عصير وانت ساكت
عزيز بصوت عالي:هههههههههه اميره وش فيك
عبدالله قريب من أميره وحط يده على كتفها:حالات تجيها دايم بالوقت بدل الضايع
أميره بهمس لعبدالله:بعد يدك عني اقرفتني
عبدالله بعناد ضمها لصدره:تصدق ياعزيز اني امووت بأمورتي فديتها
عزيز بإستهبال حط يده على عيونه:نحن هنا ارفق بحالنا
عبدالله ترك اميره:وش رأيك ازوجك
عزيز انتفض مايحب طاري الزواج:لا عبدالله بسم الله علي
عبدالله+اميره:هههههههههههههه
عزيز اكل بيتزا:تدري اني انسان احب الحريه والزواج كتم للحريه وتحسك مقيد
عبدالله يناظر لأميره وبإبتسامه:بالعكس تحس بالاستقرار وبخبث:خــــــــــــــاصه اذا صارت زوجتك تحبك وتموت بترابك
أميره تشرب بيبسي ونزلته وعيونها طايره فوق وبنفسها"مصدق نفسه اخر انسان احبه انت"
عزيز يناظرلأميره:لا لا واموره تحبك
عبدالله:مــــــــــــــو بس وقطع عليهم صوت الجرس...
عزيز:مــــــــــــــن
عبدالله:احساسي يقول انه خالد وناظر لأميره:قومي ادخلي
أميره وقفت وحطت يدها على خصرها:لا والله لايكون بتقوله يدخل
عبدالله بنظره:اميــــــــــــــره
اميره خافت منه وراحت للغرفه وهي تسب وتدعي على خالد خرب عليها سهره مع عزيز...
عبدالله فتح الباب وسكت...
خالد تقدم وضم عبدالله:زعلان
عبدالله:شوي
خالد ضمه اكثر:ماعاش من زعلك
عبدالله:ادخل
خالد:عزيز داخل شفت سياره
عبدالله:ايوه
خالد وعبدالله دخلوا...
عزيز:اهــــــــــــــلين خلود جيت يالمنتف
خالد:وانت هنا يالحاظر الغائب
عزيز+عبدالله:ههههههههههههه
خالد:احلى احلى وسهره بعد ولا قلت لي ياعبدالله
عزيز:بدون مايقولك قاط وجهك قاطه
خالد جلس واخذ كوب عصير وشرب...
عزيز:عبدالله شفت المشفوح ماحسب على الله يشوف شي قدامه
عبدالله:اللي يشوفه يقول بمجاعة افريقيا
خالد زاد معه الصداع فجأه وتغيرت ملامح وجهه
عزيز انتبه له:وش فيك
خالد:مافيني شي
عبدالله يتفحص وجه خالد هالات سود تحت عيونه ولون عيونه احمر ووجهه متغير ونحفان شوي
خالد بإرتباك:و وش فيكم تناظرون فيني
عزيز:شكلك مريض لازم نأخذ المستشفى
خالد انتفض خايف اذا راح المستشفى يكتشفونه:لا مافيني شي من قال وبإبتسامه:خلونا نسهر سهره حلو
بعد ساعه ونصف...اميره منقهره ومعصبه تسمع ضحكهم وسوالفهم وفلتهم ووناستهم وهي بالغرفه طفشانه سبت عبدالله وخالد وكل شي قالته فيهم من القهر بدلت ملابسها ولبست بيجامه ورمت نفسها عشان تنام ومافيه احسن شي عند اميره غير النوم...
"""&&&"""
الساعه 2 ص
ليان جالسه على طرف السرير وراسها مصدع وتعبانه استفرغت>>اكرمكم الله>>لين تعبت وجلست ونزلت عندها كوب عصير ليمون عشان تشرب وترتاح شوي...انسدحت وهي تحس بحزن وبكآبه وضيقه طلعت دموعها ومسحتهن بطرف كفها"ياربي هالدموع مو راضيه توقف وصايره حساسه بزياده الله يعين بس ويهدي سلطان ويلين قلبه لي يارب"
&&""""&&
سامي جالس بالصاله وسلطان نايم على الكنب...
سامي يقرأ كتاب ومندمج معه...
سلطان حلم حلم مخيف ومرعب يشوف نفسه طايح بمكان مظلم ومقرف وليان تناظر له من بعيد وتبكي وتصارخ انــــــــــقذني انقــــــــــــــذني سلطان بينقذها بيقوم بس مايقدر نار قدامه وكل ماقرب لها زادت النار ولمى جالسه وعندها واحد وتناظر بسلطان وتضحك بقوووه وسلطان يحاول يقوم ويروح لليان بس مايقدر وصدى ضحكت لمى يزداد بالمكان....فــــــــــــــز سلطان من النوم وهو يصارخ:ليــــــــــــــان ليان
سامي رمى الكتاب اللي معه وراح لها:ســــــــــــــلطان
سلطان جلس وجسمه يرتعش:ليان وين ليان
سامي ومعه ماء:سلطان اشرب وهد نفسك هذا حلم
سلطان شرب ماء:وين جوالي
سامي:وش تبي فيه
سلطان:بأتطمن على ليان
سامي:اولآ الوقت متأخر وليان نايمه بعدين هذا حلم وساوس شيطان
سلطان وهو يتذكر الحلم:بس قلبي مو مرتاح احس ليان فيها شي
سامي مد له الجوال:كلمها وريح نفسك
سلطان دق على ليان وبأخر رنه ردت ليان وبنوم:نعـــــــم
سلطان ارتاح:نايــــــــــــمه
ليان:ايوه وبخوف:فيك شي
سلطان:لا بس اسأل
ليان انقهرت منه قومها من النوم وبعصبيه:حـــــــــــلوه مصحيني من النوم واخر شي تسأل
سلطان:آسف بس وسكت
ليان:بس ايش
سلطان:ولا شي مع السلامه
وسكر قبل يسمع ردها..
سامي:ارتحت ألحين
سلطان:ايوه وقام:عندك اكل جايع
سامي:تدل المطبخ
سلطان:اجيب لك شي تأكله
سامي:لا مابي شي وتذكر:الإ جب لي ماء
سلطان دخل المطبخ وفتح الثلاجه:وش أشرب بيبسي والإ عصير لا شكلي بأخذ عصير احسن واخذ عصير كوكتيل وجبنه وزيتون وحطهن على الطاوله واخذ توست وخبز وببسي وماء لسامي وراح للصاله عند سامي وجلسوا يأكلون ويسولفون لين أذن الفجر وراحوا المسجد بعدين رجعوا وناموا...
&&"""&&
أشرقت شمس صباااح جديد على الكل وكل واحد بدأ يومه اللي بداومه واللي بمدرسته واللي نايم ومريح....
عبدالله بالشركه وطفشان واخلاقه زفت والله يعين اللي قدامه بس....
السكرتير طق الباب....
عبدالله بدون نفس:ادخــــــل
السكرتير فتح الباب:استاذ عبدالله
عبدالله:خيير فيه شي
السكرتير:خالد الى الآن ماجاء وثلاث موظفين بعد
عبدالله ناظر بالساعه:الساعه 10 وبعصبيه:اي واحد يجي غير خالد تطرده وتقولهم انذار لأخر مره والإ يعتبرون انفسهم من بكره مطرودين واذا جاء خالد خبرني
السكرتير:ان شاء الله
عبدالله:جب لي قهوه تكيف رأسي
السكرتير:دقايق وتكون عندك وطلع...
عبدالله دق على خالد بس مارد ودق على عزيز بس مارد رمى السماعة ع الطاوله بقوووه"اوووف هذا ليش مايرد ليش متأخر وش اللي قلب حياته وش اللي قلبه فجأه"وطلع جواله ودق على بيت عمه ناصر...
فارس اليوم عنده اوف ومانام جالس بالصاله ومشغل TV
ومندمج معه وقطع عليه صوت التليفون...
فارس قام:وقته على هالصبح وناظر بالساعه 10 ونصف راح الوقت وانا مانمت
فارس رد:هلا
عبدالله:صباح الخيير
فارس:عبدالله صباح الورد
عبدالله:خالد موجود بالبيت
فارس:قبل ربع ساعه طلع وهو مستعجل ليش ماجاء الشركه
عبدالله:لا بس اكيد انه بالطريق
فارس:وش فيك احس انك معصب
عبدالله:اقول مع السلامه بس
فارس:مع السلامه
&&""""""&& الساعه 10ونصف
خالد بسيارته ومعصب ويضرب السكان بيده:اوووف هذا وينه ساعه انتظر
باسل طلع وبيده زقارة حشيش وبدون نفس:خير خالد ازعجتنا بصوت الهرن
خالد:عطني بسرعه بروح الشركه
باسل بإستهزاء:ماعندنا شي
خالد فتح عيونه ع الأخر:نعــــــــــــــــــــــــــــم
باسل:اللي سمعت
خالد يترجى باسل:تكفى باسل الله يخليك رأسي مصدع
باسل بخبث:وانا وش دخلني فيك
خالد:طلبتك باسل ولك اللي تبي
باسل بفرح:اعطيك بس بشرط تعطيني الحين 2000 وتكتب لي شيك 50 الف
خالد:اوكيه بس عطني بسرعه
باسل مد لخالد اربع حبات واخذ الفلوس ورجع للإستراحه...
خالد اكل الحبه وراح للشركه:ولد ابوه مصدق نفسه اكتب لك شيك بس فاضي ههههه اصلآ رصيدي محوله لحساب عبدالله وفتح درج سيارته وحط الثلاث حبات فيه...وصل الشركه ونزل وهو مبسوط ع الأخر بعد الحبه ومايبي احد ينكد عليه...
عبدالله يمشي بممرات الشركه وكل شوي يناظر لمكتب خالد يشوف جاء او لا...
خالد دخل يغني وطربان الأخو:جيــــــــــــــت وش جابك حبيبي بعد طول المغيبي وشاف عبدالله وشكله معصب وسكت..
عبدالله حاط يده على خصره:كان كملت وجلست بالبيت احسن
خالد بصوت عالي:ههههههه وش فيك معصب عش حياتك واترك التعصيب على جنب
عبدالله بجد:خــــــــــــــالد ناظرت بالساعه قبل تجي امس ماجيت واليوم متأخر
خالد مشى لمكتبه وبرود:كيفي متى مابغيت اجي جيت
عبدالله معصب خلقه وعصب فيه خالد زياده تقدم ومسك خالد مع كتفه ورص على اسنانه:انــــــــــــــت وش فيك وش قلبك فجأه قلي
خالد بإرتباك:ع عبدالله اتركني
عبدالله ترك خالد:انت تتعاطى
خالد انهبل طاح قلبه ببطنه كيف عرف عبدالله وبإرتباك:لا لا م م من قال
عبدالله بشك:واضح من حركاتك وشف عيونك
خالد بطبيعته المعتاده:عبدالله معقوله تقول كذا وتشك فيني
عبدالله ارتاح:طيب ممكن اعرف وش فيك
خالد بكذب:الحب وعذابه وشذى احسها بترفض تأخروا بالرد
عبدالله:يلعن الحب ويأخذ شكل بنت تسوي بخالد كذا
خالد ارتاح لأن عبدالله صدق الكذبه:الله يستر بس
عبدالله سحب يد خالد:تعال عندي بمكتبي
خالد راح مع عبدالله ودخلوا المكتب...
راشد موظف بالشركه شاف خالد وعبدالله وسمع سالفتهم ورجع لمكتبه وضرب بالطاوله:ياكرهي لهم يرفعون الضغط والله يصبرني بس اصبر ياعبدالله اموال الشركه آخذهن آخذهن والله يعيني على عيسى لازم كل شي يصير بالشركه اقوله له بس وش ناقصني آخذ فلوس وانا مريح كلها اتجسس على عبدالله وخالد واشوف كل جديد يصير بالشركه واقوله لعيسى واكسب وهذا اللي ابي
&&"""""&&
الساعه 11 ص
عيسى قام:أنا بنام وياويل اللي يصحيني او يقرب لغرفتي
باسل وهو ميت نوم وتعبان من كثر الشرب:اصلآ كلنا دايخين نبي ننام
خليل وقف:انا رايح البيت
سالم:انتظرني عشان توصلني شقتي
خليل:الحقني بالسياره
سالم راح مع خليل ووصله لشقته وبعدين راح لبيت اهله...
&&&""""&&&
الساعه 12 ونصف الظهر
أميره صحت من النوم واخذت شاور ولبست فستان سماوي واسع لتحت ركبتها بشوي وضيق من عند خصرها وتحت جوارب شفاف وردي وربطت شعرها فوق وراحت المطبخ واخذت لها لبنه وزعتر وتوست وسوت لها كوب شاهي وراحت بالصاله وجلست تأكل....
خالد وصل عبدالله لبيته لأنه عبدالله قال لواحد من موظفين الشركه يودي سيارته المغسله...
عبدالله:انزل تغدى عندي
خالد:ههههه هذا اذا انت لقيت غدا
عبدالله:يوووه فشلتني اسكت عاد
خالد:تدري عاد لو انا بمكانك كان غصب عنها تطبخ
عبدالله فتح الباب بينزل:اميره تكرهني كيف لو قلت لها اطبخي تكرهني زياده
خالد:ههههه وبجد:انت ربها عدل وتسنع
عبدالله:بجرب خططك واشوف
خالد بثقه:جرب وشف مو كل شي خططت له نجح
عبدالله:ماتقصر بس لو تقولي وش قلبك فجأه كان ارتحت
خالد يصرف:مع السلامه تأخرت على اهلي يأكلون الغدا عني ومشى بسيارته....
اميره اكلت شوي:اوووف برد شكل الشتاء على الأبواب بقوم اشوف كبت عبدالله يمكن فيه جاكيت جاهزه والبسها انا ماأحب البرد وقامت ودخلت الغرفه وفتحت كبت عبدالله
اميره:وش البس كلهن حلوات بس بأخذ هاذي واخذت وحده لونها زيتي ومن فوق فيها ريش
أميره لبستها وناظرت بالمرايه:هههههه واسعه علي بس بكيفها اهم شي ادفي نفسي وطلعت من الغرفه وشافت عبدالله داخل ويسكر الباب.....
أميره:يوووه وطحتي بمطب ياأميره
عبدالله شافها وابتسم:مساء الورد
أميره جلست:مساء النور
عبدالله جلس:تراي ميت جوع
أميره ناظرت له:تدل المطبخ
عبدالله:مسويه غدا
أميره:انا والله ماسويت قبل وتبيني اسوي الحين
عبدالله شاف اكل اميره منزل وآكله منه شوي وسحبه...
أميره شهقت:اكلي
عبدالله اكل ويقلد صوت اميره:تدلين المطبخ
أميره:تسمم فيه
عبدالله يأكل بتلذذ عشان يقهرها:تصدقين ماأحب اللبنه مع الزعتر بس الحين احبها عشانك اكلتي منها
اميره دخلت يديها بالجاكيت:اجل من اليوم ماابي اكل منها
عبدالله:معجبتك الجاكيت خوذيها فداء لك
أميره:وععع مو من زينها بس بردانه
عبدالله شرب شاهي وعشان يشوف لبس اميره لأنه مو واضح مغطيته الجاكيت:وجاكيتي بتدفيك اكيد لأن انا البارح لابسها
اميره نزلتها وحذفتها عليه بقرف:وععع خذها
عبدالله ابتسم وطارت برأسه فكره وناظر لها بخبث:عاد تدرين انك كذا احلى اصلآ انا اذا شفتك كذا انسى الدنيا ووقف...
أميره ارتبكت وخافت من نظراته ووقفت:اقول لو تسكت احسن
عبدالله قرب منها وحط يده على خدها:ممكن اعرف ليه انتي عنيده ولمس أنفها بخفيف
أميره بعدت يده:بعد لو سمحت عبدالله قرب منها اكثر وحط يديه وراء رقبتها ووجه قريب من وجهها وناظر فيه وبرومنسيه:أحبك بس للأسف ماتحسين فيني بس يكون بعلمك اني اعشقك واموت فيك وكل شي سويته تأكدي انه من حبي لك وباسها مع خدها الأيمن وراح يمشي لغرفته فوق....
أميره الى الآن واقفه ولاتكلمت وتناظر لعبدالله..
عبدالله وصل لأخر درجه ولف لأميره:فكري بحياتنا بالله عليك حياة متزوجين وبإستهزاء:متزوجين وحتى الشهرين ماكملنا
أميره بإستهزاء:وانت تسمي نفسك رجال بالله عليك فيه رجال يقال عنه رجال ويتزوج مثل طريقتك
عبدالله بعصبيه:غصبآ عنك رجال وبإستهزاء:والإ مافيه رجال غير باسل عندك
أميره بتقهره:طبعآ مو حبيبي اكيد انه بنظري رجال
عبدالله انقهر وجاها يركض من فوق وهو راص على اسنانه ومسكها مع كتفها بقهوه:حبتك القراده وبصراخ:أنا حبيبك وبس انتي لي وبس
أميره ألمتها مسكته ودفته بيدها الثانيه:أنا شخص وحيد حبيته وماني حابه غيره فهمت والإ لا وبصراخ:اكرهك اكرهك
عبدالله وده يمسكها ويذبحها رفعت ضغطه مسكها مع شعرها ودفها:من اليوم تطبخين غصب عنك وفطوري وغداي وكل اشغال البيت تسوينهن فهمتي
أميره وقفت وبصراخ:اكرهك اكرهك اكرهك يا...... يا..... وراحت ركض للغرفه وهي تبكي....
عبدالله بقهر ضرب الطاوله برجله:اذا ماخليتك تندمين ياأميره تشوفين وقام:اخذ جوالها عشان ماتروح تدق على اهلها والإ عزيز وراح لها فوق...
أميره جالسه ع السرير وتشاهق وتمسح دموعها ومعها جوالها:طيب يشوف ال.... اذا ماخليته يندم
عبدالله دخل وشافها وسحب الجوال منها:كنت عارف
أميره بدموع:عطني الجوال احسن لك
عبدالله بصوت عالي:هههههههه هههههه وراح يمشي متوجه للباب:اذا بغيتي تكلمين احد قولي لي وطلع وراح لغرفته:بريح شوي لين يأذن العصر
&&!!!!!!!!!!!&&
الساعه 3 م
ليان عندها عامر وجالسين بالصاله...
عامر وده يتكلم بس مو عارف كيف يبدأ وكل شوي يشبك يده ببعض ويتحرك...
ليان:عامر فيه شي بتقوله
عامر بإرتباك:هاه لا لا مافيه شي
ليان:عامر انا عارفه ان عندك شي قل عادي
عامر:....... ونزل رأسه
ليان بخوف:عامر لاتخوفني تكلم
عامر:سلطان
ليان وقفت وقلبها يدق بقوه:وش فيه تكلم قل بسرعه
عامر وقف:.......
ليان حست بدوخه وجلست:عامر لاتسكت تكلم لا تعلب بأعصابي
عامر"اقولها وتنصدم ويصير لها شي وهي حامل بعد":ليان هدي نفسك مافيه شي بس
ليان بدموع:بس ايش عامر قل وريحني
عامر خاف على ليان وبيصرف الموضوع:سالفه مالها داعي بعدين اقولك وبروح الحين بيأذن العصر....
ليان اخذت جوالها ودقت على سلطان...
سلطان له عشر دقايق جاي من عند لمى متغدين بمطعم واتفقوا على موعد الزواج منسدح بالصاله طبعآ بشقة سامي ويناظر فوق ويتذكر كلام لمى ويبتسم...دق جواله وشاف رقم ليان وكشر ورد بدون نفس:خيييير
ليان:اخبارك
سلطان:بخير دامي بعيد عنك
ليان جرحها كلام سلطان ونزلن دموعها:.........
سلطان بإستهزاء:داقه وساكته تبين شي
ليان وصوتها فيه شوي بكي بس ماسكه نفسها:لا بس حبيت اسأل عنك
سلطان كسر خاطرها صوتها واشتاق لها بس داس على قلبه وبقساوه:قلت لك اني بخير ومرتاح دامي بعيد عنك وكلها كم يوم وافتك منك وسكر بوجهها...
ليان طاح جوالها منها وكلام سلطان يتردد بأذنها وقفت وراحت لغرفتها وصوت شهقاتها يزداد بالمكان....
عامر واقف عند باب البيت بيدخل وهو سرحان يفكر بسلطان وكلامه اللي سمعه يوم يقوله للمى...>>عامر كان بالمطعم مع واحد من اصدقاءه وشاف سلطان مع لمى وسمع كل الحوار اللي دار بينهم وهم واقفين خارج المطعم>>
فتح باب البيت ودخل وهو كاره سلطان وحاقد عليه وخايف على ليان وكاسره خاطره...
&&&""""""&&&
بعد صلاة العشاء....
عبدالله طلع من المسجد ودخل البيت وشاف أميره منسدحه بالصاله والتلفزيون مشغل بس واضح انها مي معه وسرحانه...
عبدالله طفى Tv وجلس بدون مايتكلم
أميره جلست وحطت رجل على رجل:داخل مكان حيوانات
عبدالله يهز كتفه:يمكن ليش لا
أميره:والله الحيوان انت
عبدالله:اقول بس سويتي العشاء
أميره وقفت وبعصبيه:تبي عشاء قم وسو لك
عبدالله:ههههههههههههههههههه ضحكتيني وأنا مافيني ضحك وبإستهزاء:قومي بس سوي العشاء وانتي ساكته
أميره بصراخ:قلت لك ماني مسويته ماتفهم انت
عبدالله وقف:بتروحين بالطيب والإ اوريك وجهي الثاني
أميره بإستهزاء:ليه جوال لك وجهين
عبدالله شالها واميره تصارخ:نزلني نزلني
عبدالله رفعها فوق:دبه عجزت عنك
أميره بصراخ:عبدالله نزلني
عبدالله نزلها بالمطبخ وباسها:عاد ياحلوه سوي العشاء واذا خلصتي قولي لي وقفل المطبخ عليها وطلع...
أميره ضربت يدها بالجدار:حيوان بيذلني بس والله لو يموت ماسوي له عشاء وفتحت الثلاجه واخذت لها سنيكرس وجلست ع الطاوله تأكل....
&&!!!!!!!!!&&
خالد جالس بسيارته وينتظر باسل عشان يعطيه شيك ويفتك منه....شاف عبدالعزيز طالع من البيت ومعه فارس
خالد فتح الشباك:على وين
عزيز:بنروح السوق بتروح معنا
خالد بقرف:لا هذا اللي ناقص
عزيز:براحتك يالله فارس مانبي نتأخر وراحوا....بعد ربع ساعه وصل باسل
خالد:ياكرهي له جاي مصدق نفسه ان الشيك فيه شي ههههه
باسل وصل عند سيارة خالد:وين الشيك
خالد:هذا اللي هامك حتى السلام ماسلمت
باسل:لاتأخرني عطني بسرعه وراي شغل
خالد مد الشيك له وبخبث:لاتنسى تباشر على الشباب الليله
باسل:مشكور وراح
خالد نزل من سيارته:مشفوح على الفلوس صدق ولد فقر ودخل البيت......
&&!!!!!!!&&
بعد ساعه
عبدالله منسدح بالصاله ينتظر أميره تخلص من العشاء:مو معقوله كل هالوقت تسوي عشاء بقوم اشوف وراح للمطبخ....
أميره ماسوت عشاء فاتحه الكبت وترتب الأواني وقالبه المطبخ فوق تحت وتغني...
عبدالله فتح باب المطبخ وأميره سمعت فتحت الباب وبدأ قلبها يدق بقوه من الخوف بس تسوي نفسها عاديه...
عبدالله تكتف:ماشاء الله وش تسوين
أميره ببراءه:ماسوي شي ارتب
عبدالله:طيب وين العشاء
أميره بإرتباك:م م ماسويت
عبدالله عارف انها تعاند وقف جنبها ومسكها مع كتفها:اتركي العناد احسن وسوي عشاء والإ نومك الليله بالمطبخ
أميره بعصبيه:ماني مسويه اكره الطبخ ماأطيقه
عبدالله:وانا قايل لك حبيه يالرفله
أميره مسكت كتف عبدالله:احترم نفسك بعدين جب خدامه وش ناقصك
عبدالله بقرف:لا ماأحب طبخها
أميره غسلت يديها:اجل شسوي فيك طبخ لو تموت ماطبخت هذا اللي ناقصني وبغرور:اميره بنت عبدالله ال...... تدخل مطبخ
عبدالله انقهر منها مو قادرها راح وفتح الثلاجه واخذ تفاحه وغسلها وأميره ابتسمت ابتسامة نصر...
عبدالله جلس على الكرسي:الليله سمحت لك بس من بكره تبدين بكل شي بدايه من الساعه 7 تجهزين لي....
قاطعته اميره بشهقه:لا عاد الصبح بنام
عبدالله:هذا اللي شاطره فيه النوم
أميره بدلع:كيفي بنام
عبدالله:طيب اعفيك من الفطور بس تسوين الغدا والعشاء
أميره:ماأعرف اطبخ
عبدالله:مو عذر افتحي النت وكل شي فيه
أميره:طيب ماأحب افتحه اكره النت
عبدالله ناظر لها بنص عين:والتليفون اللي طول الوقت مشغول وش السبب
أميره:ههههههههه عاد انت لا تمسك الكلام حبه حبه وتفسره
عبدالله قرصها مع خدها وبصراخ:أحببببببببك وأعشقك اموووت فيك وضمها لصدره بقوه......
&&!!!!!&&
الساعه 10 م
شذى رمت جوالها بعصبيه:اووف هاذي ليش مقفله جوالها وتليفون بيتهم ماأعرفه وطلعت من الغرفه تنادي:تركي تركي
تركي طالع مستعجل بيروح:نعم بغيتي شي
شذى:تعرف رقم تليفون عبدالله
تركي:عبدالله مين ...زوج أميره تقصدين
شذى:ايه
تركي:لا بس اسألي خالتي ام زياد وكمل طريقه
شذى رجعت لغرفتها:اوووف من أكلم طفشت البنات وسخيفات نايمات وأميره جوالها مقفل بدق على مها اسولف معها لو ان سوالفها تحوم الكبد
ودقت على بيت عمتها نوف.....
خالد جالس بالصاله وعنده مكسرات وشاهي ويتابع فلم أكشن....دق التليفون
خالد:وقته الله يزعجك ونزل المكسرات ومد يده وسحب السماعه:الوووو
شذى"يووه":.......
خالد:الووو
شذى يدق قلبها بقوه:.....
خالد بعصبيه:مييين تكلم وجع
شذى بإرتباك:ال السلام عليكم
خالد يدقق بالصوت:وعليكم السلام
شذى:ممكن أكلم مها
خالد عرف صوتها وبإبتسامه:يامراحب شذى
شذى:ممكن أكلم مها
خالد يستأنس اذا عاندها:مافيه اخبارك علومك
شذى طفشت منه:خاااالد
خالد:ياعيونه
شذى بعصبيه:قلة ادب عطني مها
خالد:ههههه ليش قلة ادب مو انتي زوجة المستقبل
شذى:سخيييف بعدين لاتفرح ماصار شي
خالد:بيصير قريبآ
شذى بإستهزاء:يالله كل هاذي ثقه
خالد:طبعآ مو انا خالد بن ناصر ال.....
شذى:اقول بس بتعطيني مها
خالد:افا مسرع تملين
شذى سكرت بوجهه....
خالد استأنس:وأخيرآ ريحت قلبي سمعت صوتها وقام:بروح انام بريح ودق جواله...ناظر وكشر:يععع وقته يدق لازم يقطع الأحلام الحلوه ورد بدون نفس:خييير
باسل بعصبيه:من وين لنا الخير وانت موجود
خالد:اقول احترم نفسك وتذكر من تكلم
باسل بعصبيه:احترم نفسي عشانك يال.... معطيني شيك ورصيدك فاضي
خالد ماسك نفسه لايضحك:صدق مافيه شي متأكد
باسل بإستهزاء:لا وتسوي نفسك ماتعرف
خالد يسوي نفسه جاد:صدق باسل اكلمك لايكون احد اخذ رصيدي او حسابي فيه شي
باسل بتهديد:مو انا اللي ينلعب علي وتشوف اذا ماندمت وسكر بوجهه
خالد:وجععع احسن فكه سكر والحمدلله اني حولت رصيدي لحساب عبدالله قبل يلعب علي وانا ماني بوعيي وراح لغرفته....
&&!!!&&!!!&&
بدأ يوم ثاني جديد على الكل وبدأت الأجواء تبرد اعلان لدخول فصل الشتاء...ونفس الروتين اليومي الكل راح لدوامه وشغله....سلطان عند سامي ولا راح لبيته وليان بالجامعه...عبدالله مرتاح اليوم لأن خالد مداوم بدري..وأميره نايمه....
الساعه 11 ونصف...
أميره بالمطبخ تفطر عشان تسوي لعبدالله غدا جالسه على الطاوله:يطفش خرب نومي بس يشوف وابتسمت بخبث بعدين كشرت:يقهر حتى جوالي معه طفشت ودي اكلم البنات اتسلى معهن
&&!!!!&&
عبدالله وخالد بمكتب عبدالله وعندهم فيصل ويتكلمون بعقارات ومشاريع تخص الشركه ومقفلين الباب...وراشد واقف عند الباب ويسمع عشان يقول لعيسى...
عبدالله بعد ماراجع حساباته:خالد حسابي منزل فيه تسع ملايين و.....
قاطعه خالد:عارف انا محول رصيدي لحسابك
عبدالله بإستغراب:لييش
خالد بكذب:بطاقتي ضايعه وخايف رصيدي يسحب
عبدالله:آه وبمزح:مافيه سحب كله لي
خالد:حلالك لو اخذته كله
فيصل:ألحين جايبيني ومثل الأطرش بالزفه
عبدالله:صح بنرجع لحديثنا أنا فاتح حساب لأميره وكل شهر بنزل فيه 10000 اكتب عندك عشان اذا راجعنا حسابات الشركه نشوف وش الناقص والزياده
فيصل:كتبت وبعدين
عبدالله:50 الف شهريآ تبرع لجمعية الأميرسلمان لمرضى الكلى
خالد:و70 الف تنزل بحساب عبدالله شهريآ
فيصل:وانت
خالد:لا انا لأحد ينزل بحسابي
عبدالله بجد:وانتبه زين لحسابات الشركه
خالد:ولو نقص شي انت مسؤول
عبدالله:لأنك مسؤل الحسابات بالشركه
فيصل بثقه:لاتخافون اذا نقص شي او صار شي أخبركم
راشد راح ركض لمكتبه عشان ماأحد يشك فيه....
&&&!!!!!!&&&
الساعه 2 الظهر
عبدالله رجع من الشركه وهو حده جوعان دخل البيت وشاف اميره جالسه ولابسه قميص بيت أزرق غامق ويفقع العيون لونه وواسع مره ومخرب شكلها ومسويه شعرها جديله.....
عبدالله"لا ليش تسوي بنفسها كذا تعاندني ادري"وبنظرات لها:شكل بنعمي من بكره
أميره تسوي نفسها ماتدري:ليش فيه شي وتناظر لشكلها
عبدالله:لا اميره حرام عليك ومسكها مع خدها:الوجه الحلو هذا يلبس كذا والله ظلم
أميره استأنست عشان كل يوم تقهره باللبس:أنا معجبني طيب
عبدالله:والله عاد تبين الصدق لو تلبسين خيشة رز حلوه لأن الجميل جميل لو لبس المستحيل
أميره:بالله من وين جايب المثل هذا
عبدالله يسوي نفسه بريئ:ماأدري اذا شفتك انا انسى كل شي ويضيع كل الكلام
أميره:اقول بس عن الهياط تبي غدا
عبدالله بشهيه:ايوه ومسك بطنه:تراي جايع وعصافير بطني بدأت
أميره:انتظر حبيبي كلها خمس دقايق ويكون الأكل جاهز وراحت
عبدالله بنفسه:والله احساسي يقول وراء كلمة حبيبي شي كايد الله يستر بصراحه احس مسويه بالأكل شي بس والله ماأكل الإ اذا أكلت
أميره حطت صحن كبسه وسلطه لعبدالله وحطت فوقهن ملح وحطت صحن سلطه وكبسه لها وراحت للصاله تمشي
عبدالله يناظر لها:"والله ان وراها شي":لو تشوفين نفسك وانتي مسويه بشعرك كذا مثل المسكينات
أميره نزلت الصحون على الطاوله وجلست:اقول بس تعال تغدا
عبدالله قام:صايره حرمة سنعه اليوم وسحب الكرسي وجلس
أميره تناظر فيه:تغدا
عبدالله اخذ الصحن بس ماأكل ينتظرها تأكل...
أميره اكلت:وش فيك ماتأكل
عبدالله ارتاح واكل اول لقمه وتغيرت ملامحه من الملح بس سكت واكل الثانيه وماقدر يكملها وحط يده على فمه وقام ركض للحمام...
أميره استأنست بس بنفس الوقت خايفه من عبدالله...
عبدالله يمسح فمه:مجنونه انتي تأكلينه مالح
أميره تأكل بتلذذ:لا مو مالح وتسوي نفسها معصبه:جزاتي اسوي لك وتقول مالح
عبدالله جلس:اللي هذا اوله ينعاف تاليه خلاص لاتسوين ماني ناقص تسمم بعد
أميره استأنست وبعفويه:وهذا اللي ابي الخطه ونجحت
عبدالله سحب صحنها وأكل منه وناظر لها بعصبيه:ادري تسوين كذا عناد وبصراخ:والله العظيم ان ماتعدلتي وعدتي هالحركه لاأخليك تطبخين من جديد
أميره قامت:اقول يازينك ساكت بس وراحت فوق لأنها ماقدرت تحمل لبسها دخلت الغرفه وقفلت الباب ولبست بنطلون اسود وتي شرت رصاصي وفوقه جاكيت أسود وفكت الجديله وتركت شعرها مفتوح...وجلست ع السرير:يععع طفش روتين ممل يانايمه ياجالسه عند Tv لي اسبوع بالرياض وماطلعت لازم اقول لعبدالله بروح السوق او اي مكان بس لا لا اذا رحت يصير معي وانا يالله متحملته بالبيت وقطع عليها صوت طق الباب...
أميره:نعم
عبدالله:افتحي
أميره فتحت:خييير
عبدالله:اكوي ثوبي
أميره ببرود:ماني كاويته
عبدالله حط الثوب على سريرها:بعد اسبوع اجازة عيد الأضحى واذا ماكويتيه مافيه روحه للشرقيه
أميره كشت على عبدالله:بكويه وبعدين ترى ماأحب حركات المذله والتهديد واخذت الثوب
عبدالله حط يده بشعرها:ايوه خليك دايم مطيعه
أميره:بعد يدك لاتجبرني اقص شعري
عبدالله:ياويلك اذا قصيته اقص رأسك
أميره:طيب شعري وأنا حره فيه
عبدالله انسدح على سرير أميره:اذا خلصتي كوي قولي لي
أميره:طيب لو سمحت قم عن فراشي ماأحب احد ينسدح عليه
عبدالله:انا مو اي احد انا زوجك وتلحف بالبطانيه وشم ريحة عطرها فيها:عطرك حلو....
أميره قاطعته بعصبيه:عبدالله قم وبلا سخافات ورمت ثوبه:انقلع
عبدالله عصب منها وحذف بطانيتها وقام:ومن زينك انتي وفراشك يالبزر وطلع من الغرفه...
&&&"""""&&&
مر اسبوع بطيئ على الكل وبقى اسبوع على اجازة عيد الأضحى...وسلطان مارجع لبيته يبتعد عن ليان عشان مايضعف قدامها ويطلقها ويخطب لمى...واميره تطبخ لعبدالله وتلبس اذا صار عبدالله بالبيت جلابيات وقمصان بيت الوانهن غامقه وتجعد شعرها واذا طلع عبدالله من البيت تلبس بناطيل وبجايم وتغسل شعرها عن التجعيد لأنها ماتحب التجعيد وهاذي حياتها طول الأسبوع...عبدالله يكره التجعيد ولبس أميره محوم كبده وعارف انها تعانده بس ساكت بيشوف وش يصير...باسل عرف ان خالد خاطب شذى ولأن خالد معطيه شيك فاضي يخطط يفركش الخطبه ويخلي شذى ترفضه...
&&++++++&&
العصر الساعه 4 ونصف....سلطان جالس عند ابوه ومرتبك وخايف يقوله بس توكل على الله وبدأ...
سلطان:يبه بغيتك بموضوع
ابو ماجد بإستغراب:موضوع اي موضوع
سلطان بإرتباك:انا انا ب بخطب
ابو ماجد بصدمه:تخطب وبعصبيه:وليان
سلطان بإرتباك اكثر:بطلقها
انتهى......
|
15-09-12, 02:14 PM
جديد مواضيع قسم القصص المكتمله من وحي قلم الاعضاء
العرض العادي
