صباح الورد

اولا قاعده اقرا سالفه مو روايه هذا اللي حسيت فيه

تسعين بالميه ويمكن اكثر افكار كانت متداوله من قبل

..

السلام عليكم ورحمة الله وبركاته
مساء الرضى والمحبة من الله..

البارت الواحد والعشرون

*******
يفــــــداك من شافك على مر الاياااام...
يا"ضــــــي القمــــــر" في ليال الشداااايد...
إن غبتــــي زارتنــــي هواجيس و اوهااااام...
وإن جيتــــــي راح الهــــم عني بداااايد...
وإن زرتينــــــي بالطيف ولا بالاحلااااام...
كتبت فيك اغــــــلى حروف وقصااااايد...

[COLOR="Black"]تنهد خالد:ياربي اذا شفت شذى اتعب من التفكير واذا ماشفتها اتعب من الفراق والبعد صدق حاله ههههه خالد يحب وانا اللي دايم اضحك واعلق على المحبين بس صدق لقالوا القلب مايشاور وقام: بطلع اتمشى والله بدون عبدالله ماأسوى شي له فقده فديته الله يوفقه ويعينه على أميره...فتح باب سيارته وركب وراح يتمشى..

*******
الساعه 12 بالليل
ليان ملت وبنفس الوقت خايفه على سلطان تدق وترسل ومطنش مادرت المسكينه انه عند لمى والأخو شكله ناسي انه متزوج ضحك وسوالف وغزل وبعد بمطعم يتعشون..
لمى بدلع:حبيبي ممكن تقفل جوالك
سلطان:سايلنت حاطه
لمى:بس لما اشوف اسمها على الشاشه اموت قهر
سلطان:.....
لمى:ياليت تطلقها احسن
سلطان قام وبعصبيه:لـــ‏ـــمى ليان زوجتي ومستحيل اطلقها وغير كذا بنت عمي
لمى انقهرت:عارفه ماتقدر لأنك تحبها
سلطان بعصبيه اكثر:ايه احبها مي زوجتي
لمى تتصنع البكي:وانا وانا وين رحت
سلطان حط يده على قلبه:هنا
لمى بإبتسامه:صدق ومسكت يد سلطان بجراءه..سلطان ارتبك من حركتها وبنفس الوقت حسه انه انسان خاين وحقير ونذل كيف يطلع مع وحده غريبه وغير كذا حركات لمى المايعه غيرت نظرته للمى ...
سلطان قام:استأذن
لمى:بدري حبيبي ولصقت فيه
وحطت رأسها على كتفه
سلطان بإرتباك:لا تأخرت وراح قبل يسمع ردها او يلعب الشيطان فيه...ركب سيارته وتنهد بقوه ومشى...

********
باسل وهو ماسك زقارته بيده:الحين كيف اقدر على خالد
عيسى:شف انت رح لهم بكره بالبيت واجلس معهم وتقرب منه
عوض:وخلك ذكي حاول فيه لين يقتنع
باسل:اوكي بس انتم وش فكرتوا فيه وش بتسوون بالشركه
عيسى:كل شي بوقته حلو
عوض بحقد:بتشوف ان شاء الله اذا مادمرتهم اثنينتهم ماأكون رجال
باسل شرب زقارته وبعدها:بس اهم شي مايوصل الإنتقام زوجته
عيسى:انا ودي اعرف وش تبي بزوجته ليه تدافع عنها دامك مخطط تدمير عبدالله
باسل:لأنها بنت عمتي وخايف عليها>>>عوض وعيسى هم سبب تدمير وضياع حياة باسل بس له مده تاركهم ومع سالم بس استعان فيهم عشان ينتقم من خالد وعبدالله>>

*******
سلطان دخل البيت وهو حاس بتأنيب الضمير والذنب مره يقول ليش رحت للمى ومره يقول عادي مي حبيبتي اللي تعبت عشانها واكثر شي ندم عليه لأنه بعد ماطلع من المطعم صرخ وعصب على ليان وقالها كلام جارح...دخل الغرفه وهو يحس بآلم ببطنه فتح الكبت واخذ علاج وانسدح بتعب على السرير وهو يفكر بليان وبنفسه وبلمى...

*******
ليان بعد عصبية سلطان وصراخه وكلامه لها جلست بالغرفه وبكت...بكت عيشتها مع سلطان وبكت حبها له وبكت حضها النحس وبكت كل شي بحياتها اهم شي تفرغ كل اللي كابته بصدرها...
دخلت مشاعل وشافتها تبكي راحت لها وضمتها...ليان رمت نفسها بحضن مشاعل وبكت
مشاعل بخوف:ليان وش فيك
ليان بصياح:تعبت تعبت من حياتي مع سلطان
مشاعل:هدي نفسك وقولي وش صار
ليان مسحت دموعها:بالبدايه سكت عشان مايضر عبدالله وألحين ساكته وصابره لأني أحـــ‏ــ ـ ــ ـ‏ـ ـ ـبـ ــ‏ ـ ــه قالتها بشهقات
مشاعل ضمتها:خلاص ليان قطعتي قلبي بصياحك
ليان بشهقات:تعبت وماأحد يحس فيني اقرب الناس لي سلطان ولا هميته[/COLOR]


********
الساعه 4 الفجر بتوقيت السعوديه وصلوا لأسبانيا
وخلصوا كل شي وراحوا الفندق واول مادخلوا من تعب السفر ناموا حتى ان اميره نامت بالغرفه عند عبدالله ولا قالت شي مالها خلق للهواش ولعبدالله...

*******
الساعه 9 ص
ليان:انا ودي ارجع القصيم
عمار:ليش ترجعين معنا
ليان:لأني حاسه ان سلطان فيه شي
عمار:اوكي بحجز برحلة الساعه 2
ليان:خلاص وتروح معي
عمار:اكيد اني بروح معك

*******
سلطان صحى من النوم واخذ شاور ع السريع وبدل ملابسه واخذ جواله وشاف مسج فتحه(صباحو لاتنسى موعدك واتمنى انك مازعلت)ابتسم"انا ازعل من سامي ماعاش من زعل منه"وطلع وراح للمستشفى لأن له موعد بس ناسي والبارح يوم رجع من لمى تذكر...

*******
الساعه 2 ظهرآ
عمار وليان ركبوا الطائره
عمار وهو يربط لليان الحزام:الى الآن تخافين
ليان:مو بس اخاف احس قلبي بيطلع
عمار مسك ليان:دامي معك لاتخافين... واقلعت الطايره متوجهه الى مطار القصيم...

*******
أميره صحت وشافت عبدالله نايم قامت وناظرت للساعه بجوالها"شكلي بكمل نومي احسن بس بالصاله" اخذت جوالها وطلعت للصاله واخذت معها بطانيه وانسدحت على الكنب وتذكرت شذى وابتسمت"ليش ماأكلمها دام عبدالله نايم اذا صحى ماأخذ راحتي"ودقت على شذى...

*******
شذى بالمطبخ معصبه لأن تركي طلب منها تسوي لهم شاهي لأنه مايحب الخدامه تسوي وجوالها بالصاله...تركي واقف عند باب المطبخ وينتظر شذى تخلص..سمع صوت جوالها ومن النغمه عرف انها اميره راح ركض ورد..
تركي:هلآ وغلآ بالعروس
أميره:مساء الورد كيفكم
تركي:مساء الياسمين ههه بخير بس فاقدينك يالدبه
أميره:وانا بعد وين شذى
تركي:كارفها انا بالمطبخ
أميره:ههههه حرام تلاقيها الحين معصبه
تركي وهو يدخل المطبخ:احسن عشان تصير حرمة سنعه
شذى:مين بعدين وش لقفك
تركي:اميره ومد الجوال لشذى
شذى بصراخ:هلآ وغلآ وحشتيني اشتقت لك
أميره:وانا اكثر كيفك
شذى:لحظه اميره وكلمت تركي:خلصت حط كاسات بالصينه وخذ الشاهي وطلعت من المطبخ:علومك
أميره ببرود:عادي
شذى:كيف عادي وين رجلتس
أميره:شذى وعع لاتكلمين كذا
شذى:هههه عادي طيب وين حبيبتس
أميره بصراخ:شذى لاتخليني اسكر
شذى:هههه طيب خلاص وين عبدالله
أميره:نايم
شذى:وانتي وش مصحيك
أميره:شبعت نوم وتذكرتك ودقيت

عبدالله صحى واخذ شاور ووقف عند باب الغرفه يسمع أميره
أميره:اممم بسألك تدرين عن باسل
شذى:عدنا على طيري ياللي
أميره:مجرد سؤال
شذى:انتي الحين خلاص انسي باسل وفكري بعبدالله
أميره:اتركينا من عبدالله وكيف الأخبار عندكم
شذى:فاقدك طفش
أميره:تصدقين اني حتى انا طفشانه وعلى كثر ماأكرهه عبدالله احسه عادي
شذى:كيف عادي
أميره:يعني ودي اعصب اذا شفته بس ماأدري وش فيني اسكت
شذى:ههههههه انا ادري وش خوف
أميره:هذا اللي ناقص عاد انا اخاف من عبدالله
شذى:لاتقولين وبعدين اتركينا منه لايقوم ويسمع عاد
أميره:بكيفه خليه يسمع واذا سمع بيقص رقبتي مثلآ
شذى:طولت عليك والإتصال دولي
أميره:عادي بس انا الحين بقوم اخذ شاور عشان انشط
شذى:اوكي باي
أميره:بايات
بعد ماسكرت أميره قامت وراحت للغرفه..دخلت وشافت عبدالله لابس بس منسدح وسرحان
أميره فتحت شنطتها بدون ماتكلمه واخذت لبس ومنشفتها ودخلت الحمام...
عبدالله بنفسه"كنت بطلعها ونستأنس بس بعد كلامها مالي خلق الله يعيني"


*******
سلطان رجع من المستشفى وهو تعبان من الساعه 10 بالمستشفى ومادخل عند الدكتور الإ الساعه 12...رمى نفسه ع السرير"ياربي احس جسمي بيتكسر من التعب بس الحمدلله كل شي تمام والفحوصات ايجابيه ونهائيآ تلاشى المرض حتى انه قالي اترك العلاج بس انا ماني تاركه خايف يرجع لي"قام وحط ورقة الموعد وعلبة العلاج على التسريحه وبدل لبسه وراح لسامي يتغدا معه...

*******
أميره طلعت من الحمام وهي لابسه بنطلون اسود وتي شرت ابيض...وقفت عند التسريحه تجفف شعرها...
عبدالله متجاهلها ولا كأنه يشوفها...
أميره وهي تمشط شعرها:ترى مليت من الفندق بطلع
عبدالله:بس انا مالي خلق اطلع
أميره لفت له:بكيفك انا اطلع وحدي ترى هذي رابع مره ازور اسبانيا اعرف كل شي فيها
عبدالله:مو على كيفك تطلعين الإ معي بس مو ألحين
أميره:تدري احسن انت برأسك تغث هنا كيف عاد اذا طلعنا
عبدالله بعصبيه:حسني اسلوبك وتكلمي عدل
أميره ببرود:كيفي اسلوبي وانا حره فيه
عبدالله:مو عشاني ساكت خايف او ماعندي شخصيه لا ياحلوه قلت يمكن تعدلين بس مافيه فايده
أميره:متعدله قبل اشوف خشتك يا.....
عبدالله عصب وقرب منها ومسك كتفها:أمـــــ‏ــــــ‏ـيره
أميره وهي حاطه عيونها بعيون عبدالله:لاتحسب انك اذا سويت كذا بتخوفني او بتحرك شعره من شعراتي
عبدالله ناوي يضربها بس من نظراتها تراجع جاء بيضمها بس بسرعه ابعد شعوره وطلع من الغرفه...
أميره:الحمدلله والشكر وش فيه
عبدالله جلس بالصاله وتنهد:آآه الله يعين
أميره طلعت من الغرفه وشافته جالس مرت من عنده وراحت المطبخ واخذت عصير ورجعت للصاله وجلست تشرب..
عبدالله ناظر فيها وبنفسه:"كني واحد غريب عليها حتى ماجابت لي او على الأقل سألتني"
أميره:فيه شي بوجهي يوم تناظر
عبدالله بإستهزاء:يمكن فيه
أميره:تصدق ماشفت انسان مثلك
عبدالله بغرور:طبعآ مافيه انا احلى واحد بالكون كله
أميره بسخريه:ايه واضح
عبدالله قام ووقف مقابل لها:غرورك هذا بأكسره ولاتقولين عبدالله ماقال
أميره وقفت:لاتحسب اني خايفه منك لا بس ساكته لأن مااطيق الكلام معك
عبدالله بعصبيه:عـــــ‏ـاد انا اللي اطيقك والإ اطيق الكلام معك
أميره ببرود:ماأحد طق ايدك وقال تزوجني
عبدالله بصراخ:لأنـــــ‏ـي غبي والإ فيه واحد يأخذ وحده مثلك
أميره بصراخ:لـــــ‏ـيه وش فيني احسن واشرف منك
عبدالله جلس:ههههه اشرف مني هههه وباسل ومقابلك له بالمزرعه والإ نسيتي
أميره بعصبيه:مو شغلك بعدين حتى انت والإ نسيت دلال
عبدالله بيقهرها:لا مانسيتها كيف انسى حبيبتي
أميره:الحين مالي خلق اسوي مشاكل بس اول مانرجع السعوديه تطلقني غصب
عبدالله بإستهزاء:لا ياقلبي ليش اطلقك وش بتقول الناس بنت عبدالله تطلقت بعد شهر العسل
أميره:عادي يقولون اللي يقولون
عبدالله:عندك عادي بس انا ماأبي يقولون عن حبيبتي كذا ودق جواله ناظر وابتســـــ‏ـم
عبدالله:مرحبآ ملايين ولايسدن وان زادن لابأس
خالد:فديتك لك وحشه اخبارك
عبدالله تنهد وناظر لأميره:بخير
خالد:من صوتك مو بخير اكيد أميره مطلعه الشيب برأسك
عبدالله قام ودخل الغرفه:بتجنني ياخالد
خالد:ليه لايكون تبكي
عبدالله:هههه تبكي شكل انا اللي ببكي عليها قوه ماأدري من وين تجيبها
خالد:الله يعينك بعدين لاتسكت عنها تمادى
عبدالله:انا ماأبي مشاكل بس شكل ماني راجع السعوديه وانا بخير
خالد:بسم الله عليك المهم طلعتوا
عبدالله:لا مالي نفس اليوم
خالد:تصدق اني طفشان بعدك
عبدالله:وانا بعد
خالد:عبود جدي ينادي بروح اشوف وش يبي واكلمك بكره
عبدالله:انا اذا طفشت اكلمك
خالد:باي وسلمني على اميره
عبدالله:بايات
طلع عبدالله وشاف اميره مشغله التلفزيون وتتابع وتهز رجلها بعصبيه...
عبدالله جلس:خالد يسلم عليك
أميره ناظرت فيه وسكتت بعدين ناظرت للتلفزيون
عبدالله:وش فيك ياساتر
أميره بصراخ:خـــــ‏ــــــ‏ـلاص اسكت ترى مو رايقه لك
عبدالله بصوت عالي:
ههههههههههههههههههه
أميره قامت وراحت للغرفه وصفقت الباب وراها...

*******
الساعه 4 ونصف
ليان وعمار وصلوا القصيم وراحوا البيت...
عمار:معك مفاتيح
ليان:ايوه
عمار:انا بروح للشباب العب معهم كوره واذا جاء المغرب اجي
ليان:خذ راحتك
فتحت ليان بيتها ودخلت وعمار راح للشباب...
نزلت ليان عباتها وناظرت للبيت اشتاقت لسلطان اخذت شنطتها وراحت فوق لغرفتها...فتحت الباب ودخلت الغرفه سحبت شنطتها ونزلتها بالغرفه فكت شعرها وطلعت لها لبس واخذت منشفتها ودخلت الحمام...

********


سامي:سلطان فيك شي
سلطان:لا
سامي:اكيييد احس فيك شي
سلطان:لا لاتخاف مافيني شي
سامي:طيب وش رايك نطلع نتمشى
سلطان:براحتك عشان نشم هواء بعد
قام سامي:اسوي قهوه ونأخذها معنا
سلطان:لا نأخذ لنا عصير احسن
طلعوا سلطان وسامي وراحوا يتمشون ويغيرون جو...

********
خالد جالس عند الرجال ومتصبر بس وش يسوي عبدالعزيز نايم وعامر وفيصل مو فيه والبقيه كلن بشغله...باسل جاي مع ابوه مو حبآ فيهم او بيوسع صدره لا عشان يتقرب من خالد...
بعد ماسلموا على ابو باسل وباسل جلسوا وطبعآ باسل جلس قريب من خالد...
خالد بنفسه"يارب صبرني اذا قمت بيزعل جدي وابوي لأن ماعندهم احد من الشباب"
باسل:اقول خالد
خالد بدون نفس:نعـــــ‏ـم
باسل:وش رأيك تجي تسهر معنا الليله دام عبدالله مو عندك وماعندك احد
خالد بإستهزاء:انـــــ‏ـا اسهر معك لا يابابا هذا اللي ناقص بعدين ماشكيت لك عن حالي
باسل:لا بس شفتك جالس وماعندك احد قلت لك عشان تغير جو
خالد:اذا بغيت احد الشباب موجودين ومو مقصرين
باسل:بس الاستراحه غير وناسه
خالد بغرور:بس انا ماأسمح لنفسي اروح معك انت بالذات يمكن غيرك اوافق
باسل:براحتك بس متى مابغيت تجي فهو مرحب فيك

انتهى
لاتلهيك الرواية عن الصلاة وذكر الله
البارت القادم يوم الاثنين ان شاء الله
تحياتي:Amoonh

السلام عليكم ورحمة الله وبركاته

مساء الورد ..


البارت الثاني والعشرون

********
ليان طلعت من الحمام ووقفت عند التسريحه تجفف شعرها ولفت انتباها ورقه وعلبة علاج اخذت العلبه وهي مستغربه فتحتها بس مافهمت شي كلها انقلش صح تعرف تقرأ بس ماتعرف المعنى بالعربي..اخذت الورقه وقرأتها وانصـــــ‏ـدمت وطاحت منها وسالن دموعها شلال على خدها... جلست على السرير وقرأت الورقه مره ثانيه بس ارتاحت لأن النتيجه سليمه وتلاشى المرض نهائيآ قامت"ياقلبي عليك مريض وانا اقول ليش معصب بس غريبه ماأحد يعرف"راحت لغرفة المكتب وفتحتها ودخلت وسكرت الباب ماشافتها من يوم تزوجت دايم سلطان يقفلها بس اليوم شكلها ناسي قربت من الكبت وفتحته وطلعت اوراق كثيره قلبت فيهن بس مافهمت شي كلهن اوراق مواعيد وأوراق تخص شغله فتحت الكبت الثاني وانـــــ‏ــــــ‏ـصـــــ‏ـدمت من اللي شافت صور لمى تقريبآ 20 صوره ووحده صورة سلطان معها وضامها انجنت وانقهرت وعصبت شدت الصوره بيدها بقوه ماتوقعت سلطان كذا رجعت الصور لمكانها وطلعت من الغرفه وهي معصبه ومنقهره وكارهه سلطان راحت غرفتها وانسدحت ع السرير وهي حاقده على لمى وتفكر بحياتها اللي منقلبه فوق تحت...
بعد نصف ساعه جاء سلطان ودخل الغرفه وانصدم يوم شاف ليان"متى جت حتى ماقالت انها بتجي"
سلطان:السلام عليكم
ليان جلست وناظرت فيه وطنشت
سلطان تقدم من السرير وجلس:وش فيك
ليان ببرود:مافيني شي
سلطان استغرب من برودها من يوم آخذها ماعاملته مثل اليوم..لف سلطان وانتبه لورقته وعلبة العلاج...
سلطان ناظر لها:قريتيهن صح
ليان بنفس البرود:واذا قريتهن فيها شي
سلطان بعصبيه:وعـــــ‏ـرفت ألحين ليش تطنشيني اول موحبآ فيني شفقانه علي
ليان قامت وبعصبيه:أصـــــ‏ـلآ ماكنت عارفه انك مريض
سلطان بصراخ:بـــــ‏ـس ولا كلمة اول شفقه والحين يوم عرفتي اني تـــــ‏ـشافيت بديتي تطنشين
ليان بصراخ:قـــــ‏ـل كل شي ودك تقوله ماتهمني الشرهه علي انا جايه لواحد مثلك
سلطان حس بتعب لأنه مانام زين وكل يومه بالمستشفى وجلس على السرير:اطـــــ‏ـلعي عن وجهي
ليان شافت ملامح وجهه وعرفت انه حس بتعب وخافت لايكون مثل اللي بشهر العسل تقدمت منه:ســـــ‏ـلطان انت تعبان
سلطان بصراخ:اطـــــ‏ـلعي تراي ماأحب احد يشفق علي
ليان بحنيه:سلطان انا ماقصدي شفقه بس شكلك تعبان
سلطان قام:اطـــــ‏ـلع احسن وخســـــ‏ـاره مصدق نفسي واحسبك تحبيني مادريت انه شفقه وطلع من الغرفه..
ليان تنهدت:ياربي والله ماقصدي اعصب فيه بس غصب انقهرت يوم شفت صور السخيفه انا لازم اروح واحرق بصورها وطلعت من الغرفه وراحت لغرفة المكتب...
سلطان منسدح بالصاله فوق شافها يوم تدخل بس ليان ماانتبهت له...
دخلت ليان الغرفه وقربت من الكبت فتحته واخذت الصور...


:وش تـــــ‏ـسوين

طاحت الصور من ليان من الخوف والربكه.....



*******
شذى طفشت بالبيت وطلعت للحديقه وجلست...باسل طلع من عند الرجال شافها وراح لها...
شذى خافت منه"وش يبي هذا"
باسل قرب منها:السلام عليكم
شذى بإرتباك:وعليكم السلام
باسل:اخبارك
شذى بتمشي:بخير وراحت
باسل:شذى لحظه
شذى وقفت ولفت له:نعم
باسل قرب منها:اخبار أميره
شذى:اعتقد اميره تزوجت مالك شغل فيها ألحين
باسل:الله يوفقها ممكن اسألك
شذى بدون نفس:قل بسرعه

خالد طفش من الرجال وطلع وشاف شذى عند باسل وجن جنونه وراح لهم وهو مفور من العصبيه ويغلي من القهر...
باسل:اممم والإ خلاص ماأبي شي
شذى بعصبيه:ألحين مجلسني واخر شي ماعندك شي
باسل انتبه لخالد جاي...
شذى ناظرت للمكان اللي يناظر له باسل وشافت خالد وخافت...

خالد مر من عندهم وبإستهزاء:عفوآ اذا قطعت عليكم الجو الغرامي
باسل بإرتباك:لاتفهم غلط
خالد بصراخ:انت اخر من يتكلم ولف لشذى:ادخلي احسن لك
شذى راحت وهي خايفه"ياربي كل من باسل ألحين خالد يفهم غلط"
خالد بعصبيه:ممكن اعرف وش تبي بشذى
باسل:اسألها فيها شي
خالد بصراخ:ايه فيها شي وبعدين ماتستحي انت اول شي أميره وألحين شذى
باسل بعصبيه:انت مو شغلك بعدين ليش تفهم غلط واذا بتروح تقول للرجال شفهم بالمجلس واشر له
طراااااااااااخ كف من خالد لخد باسل
باسل بحقد وهو حاط يده على خده:تضربني تدميرك على ايدي ولاتقول باسل ماقال وراح...
خالد بنفسه"وععع ياكرهي له وآآآه ياشذى ماتوقعتك كذا وانتي لي وبس واتحدى احد يوقف بطريقي"

شذى دخلت بيتهم وبوجهها شافت عزيز...
عزيز يسوي نفسه معصب:وين كنتي
شذى بإرتباك: ك كنت كنت بالحديقه
عزيز استغرب من ارتباكها:ومن كان عندك
شذى ارتبكت اكثر وخافت"لايكون خالد قايل له":ماعندي احد وش فيك تسأل
عزيز:ههههههههههه ابد مو طبيعيه كل هذا فقد لأميره
شذى ارتاحت:فقده وبس طفشت
عزيز:مابقى شي على المدرسه
شذى:وععع لاتذكرني
عزيز بيقهرها:بس بقى تسع ايام استعدي
شذى:عزيز وش رأيك تطلعني
عزيز:نو بروح مع الشباب للبر
شذى:ياحظكم بنروح
عزيز:لا هذا اللي ناقص نخاف يمه حشره وحش قالها وهو يقلد صوت شذى
شذى:اروح لغرفتي احسن وراحت....

********
:وش تسوين

طاحت الصور من ليان من الخوف والربكه من صوت سلطان
سلطان تقدم وبعصبيه:وش لقفك على اشياء ماتخصك
ليان خافت من عصبيته وسكتت
طراااااااااااخ كف على خد ليان من قوته طاحت على الأرض
سلطان بصراخ:ثاني مره ماتدخلين الغرفه هذي
ليان ناظرت فيه بعيون دامعه حزينه كسيره وقامت:لاتنسى انا الله مايرد دعوة المظلوم وطلعت من الغرفه قبل تنفجر بالبكاء
سلطان اخذ الصور وقطعهن قطع وحذفهن بالزباله وجلس ع المكتب وهو يفكر بليان كسرت خاطره وندم..
ضرب يده بالطاوله:يارب ارحمني تعبت وقام وطلع من الغرفه وراح لليان...دخل الغرفه وماشافها وسمع صوت الماء جلس ع السرير وهو يناظر بالأرض...سمع صوت شهقات ليان قام وراح لها
ليان شافت عكس صورته بالمرايه وزادت صياحها
سلطان تقدم منها وجاء بيضمها بس طلعت صورة لمى بوجهه تركها ورجع للغرفه...
ليان مسحت دموعها وغسلت وجهها"يارب ارحمني تعبت ماني قادره اتحمل سلطان"

********
مرت يومين على الأحداث السابقة وماتغير شي...ليان مطنشه سلطان وسلطان بارد معها..أميره مطنشه عبدالله ومجننته بأسلوبها وتطلع معه بس تطنشه...باسل يحاول يتقرب من خالد بأي طريقه بس خالد مطنشه ومايعطيه وجه وحاقد عليه خاصه بعد ماشافه مع شذى...لمى كل يوم تحاول تعزم سلطان وتطلع معه بس يصرفها...والعوايل اللي بالشرقيه رجعوا ماعدا نوف وعيالها جلست عند اهلها...

*******
عوض:حياك ماتنشاف
خليل:شسوي اشغال
عيسى:افا الأشغال تنسيك عنا
خليل:ماعاش من ينساكم
عوض:اخبار حبيبتك تكلمها
خليل:ايوه آآآه بس مع اني احبها احسها ماتحبني
عيسى:ليش طيب
خليل تنهد:ماادري وعلى فكره طلعت بنت عمة عبدالله
عيسى بصرخه:صدق عبدالله ماغيره
خليل:ايوه عبدالله بن محمد
عيسى بإبتسامة خبث:عشان تساعدنا على الإنتقام
خليل بإستغراب:اي انتقام بعدين دلال مالها شغل
عيسى:اهم شي انت علق دلال فيك
عوض:وجب لنا اخبار منها عن عبدالله
خليل:مع اني ماأدري وش السالفه بس بساعدكم


********
العصر
أميره من بعد ماشربت العصير وهي تحس بألم ببطنها لأنها شربته وهي صاحيه من النوم وطبعآ ماتحب تشرب شي وهي تو قايمه خاصه اذا صار حالي بس الجوع ومايسوي لأنها صحت الساعه 8 الصباح واكلت نص كروسان والساعه 10 رجعت وكملت نومها ويوم صحت العصر حست بجوع وشربته...
أميره مسكت بطنها:آآآه ليتني ماشربته وانا اعرف ان اي شي حالي وانا جايعه يوجعني ببطني آآآه ومسكت بطنها بقوه
عبدالله طلع من الغرفه بعد ماأخذ شور بعد النومه المريحه من البارح الساعه 2 وهو نايم بس يصحى يصلي ويرجع ينام
وشاف أميره تمسك بطنها...
عبدالله بخوف:أميره فيك شي
أميره تألم بس تكابر:لا
عبدالله جلس وبنفسه:"وش فيها احسها تعبانه اصلآ واضح من وجهها"
أميره بنفسها:"ماني قادره اتحمل بروح الغرفه انسدح على بطني يمكن يخف الألم"وقامت
عبدالله:على وين
أميره:بروح الغرفه وراحت..
عبدالله بنفسه:"طيب ياأميره حتى الجلسه معي ماتطيقينها"وقام وراح للغرفه وشاف أميره ع السرير وتقلب من الألم...
عبدالله تقدم منها:فيك شي
أميره بألم:بطني
عبدالله:بطنك من ايش
أميره صرخت من الألم...
عبدالله بخوف عليها:اكلتي فيفادول
أميره:لا آآآه ماعندي
عبدالله فتح شنطته وطلع فيفادول وسكوبينال وجاب ماء وعطى أميره
أميره اكلت الدواء:آآآه وغمضت عيونها
عبدالله جلس ع السرير وحط رأس أميره بحظنه ومسك يدها وأميره اذا حست بألم تشد يد عبدالله ومرت ربع ساعه ونامت أميره من التعب حطها عبدالله ع السرير وباس جبينها ولحفها وجلس هو ع السرير ومد رجوله والمخده وراء ظهره طلع جواله ودق على خالد وقعد يكلمه....

انتهى

لاتلهيك الرواية عن الصلاة وذكر الله
البارت القادم يوم الاربعاء ان شاء الله
تحياتي:Amoonh