كاتب الموضوع :
Amoonh
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
مساء الرضى والمحبة من الله
كل عام وانتم بخيييير
البارت الرابع عشر
***
¤¤¤
***
¤¤¤
***
مر شهر على الأحداث السابقه وعايلة الجد عادل وابناءه رجعوا الشرقيه....وليان وسلطان رجعوا من شهر العسل اللي تعتبره ليان شهر نكد وعذاب لها من سلطان اللي بس يمكن ثلاث مرات تعامل معها زين وماضيقها...وعبدالله وخالد رجعوا الرياض...ودلال بعد ماعرفت ان أميره وافقت بدأت تخطط من خططها الجهنميه....ومابقى الإ اسبوع ويدخل شهر رمضان على ابطالنا...وعبدالله حدد زواجه ثالث أيام العيد
***¤¤¤***
ملاك وجود والبتول عند أميره وشذى ببيت العبدالله
أميره:أشتقت لكن حيل
ملاك:تشتاق لك العافيه
جود:أقول أموره كيفك مع الخطيب
شذى:ماتصدقن مرتاااحه معه بالمره
البتول:جـــــد
أميره:لا والله تكذب مو مرتاحه ولا شي
ملاك:أفا ليش
أميره:كلكم تعرفون أني متزوجته بالغصب شلون بصير مرتاحه
البتول:عادي هونيها وتهون أهم شي شكله حلو ترززين فيه قدام البنات
أميره:أكرهــــــه ماني مصدقه أني بعد شهر وكم يوم بصير عنده ساكنه ببيته وع
جود:جهزتي شي للزواج
أميره:لا
البنات بصوت واحد:ليــــــش
أميره:مالي خلق تاركه كل شي على أمي ووعد
شذى:لو عليها كان كل شي بجايم عشان العريس عبدالله
البنات:هههههههههههه
أميره:تصدقن انا قايله لأمي تكثر جلابيات البيت عشان البسهن عنده
شذى:الدنيا أميره اللي ماتحب تشوف الجلابيه تلبسها
جود:لا وواسعه بعد ولها كم طويل
ملاك:ولها حزام ومن وراء
البتول:ومسويه شعرها جديله
أميره:بــــــنات بس عاد
البنات:هههههههههههههههههههههه
شذى:متحــــــمسه على زواج أميره
جود:وأنا بعد
ملاك:طيب أميره فصلتي لك فستان
أميره بعدم اهتمام:رحت واخذت المقاسات والباقي على وعد
جود:لاتصيرين عاد كذا لازم نشوفك احسن عروس والكل يتكلم عن الزواج
¤¤¤¤****¤¤¤¤***¤¤¤
سلطان وليان واصلين البارح من السفر وبيتهم...
ليان بغرفتها نايمه...فتح عليها سلطان الباب ودخل:مــــــاشاء الله نايمه بعد
فزت ليان من النوم:نعم تبي شي
سلطان:بقولك شروطي بالبيت وتلتزمين فيهن وأي تقصير تشوفين شي ماشفتيه بحياتك
ليان ناظرت فيه وسكتت
سلطان:أصحى من النوم القى الفطور جاهز والحين بإجازه وبعد الإجازه ارجع من الدوام والغداء جاهز والعشاء الساعه 10 يكون جاهز
ليان انسدحت:وبس طيب عارفه بكل اللي قلت
سلطان كمل:وغرفتي ماتدخلينها وياويلك ارجع البيت وانتي مو فيه او احد يعرف بعلاقتنا وطلع
ليان:وين بتروح
لف لها سلطان:واطلع ادخل مو شغلك ماتسألين وصح ملابسي تغسلينها وتكوينها وطلع
تجمعت الدموع بعيون ليان"ليش يسوي كذا يعاملني كني خدامه عنده ماكفاه اللي سواه فيني بفرنسا"ودق جوالها ناظرت وردت:هلا ميشو
مشاعل:تعالي ببيتنا مجتمعات البنات
ليان مالها خلق احد:تعبانه اعذريني
مشاعل:سلامات فيك شي
ليان:لا من السفر وابي ارتاح
مشاعل:براحتك باي
ليان:بايات
قامت ليان وناظرت بالساعه 8 المغرب اذا جت الساعه 9 اسوي العشاء وجلست بالصاله"الله يعيني ويصبرني على سلطان"
¤¤¤¤¤¤
سلطان عند سامي...
سامي بمزح:وش جايبك ليش ماقعدت مع زوجتك
سلطان:هذا اللي ناقص بعد
سامي:والله حرام ماتستاهل
سلطان:عندك شي عطني أكل جوعان
سامي:بطلب لنا بيتزا هت
سلطان:اي شي اهم شي اسد جوعي
طلب سامي لهم بيتزا وبعد نصف ساعه وصلت الطلبيه وجلسوا يأكلون...
¤¤¤¤¤"""¤¤¤¤¤
عبدالله وخالد ببيت عبدالله الجديد يشوفون الأثاث اللي وصل...
خالد بمزح:عبود وش رأيك تخلي نصف البيت لي كبير
عبدالله:تزوج شذى ونصير عند بعض
خالد:عشان يتساعدن علينا
عبدالله:ويهربنا من البيت بعد
خالد:ههه لو شفت ترى انا اكره ماعندي بنت وتحكم فيك
عبدالله:نشوف بعدين
خالد:اتحدى بنت تسوي لي شي والله لاأخليها خاتم بإصبعي على كيفي أمشيها
"""¤¤¤"""¤¤¤"""
البنات راحن من عند أميره...اميره جالسه بالصاله وتنتظر أمها ووعد يرجعن من السوق...
فتح الباب ودخل زياد ومعه اكياس كثيره:تكسرت رجولي الله يعين عليكم يالحريم
دخلن ام زياد ووعد ومعهن أكياس بعد
زياد:الظاهر جبتن السوق كله كيف لو أميره اللي تروح كان انام بالسوق
أميره:ههههه ارتاح بس يمكن انزل مره برمضان عشان ملابس العيد
زياد:والملابس هذي لمين من ثلاث ايام وانا رايح السوق جاي
وعد:هههه توك بعد
أم زياد جلست:والله ياأميره ذوقك صعب تكسرت رجولنا واحنا ندور
وعد:وياليت يعجبنك
أميره ببرود:أهم شي جبتوا الجلابيات
وعد بعصبيه:نــــــــــــعم جلابيات اعتقد انك ماتلبسينهن ولا تحبينهن قلت عاد ماتلبسينهن الإ يوم تزوجتي
زياد:أصلآ عبدالله مايحب البنت اللي تلبس جلابيه تبينه يهرب من البيت
أميره:كيفي طاقه برأسي اني ألبس
وعد:هذا اذا جبنا لك وحده بس البسي ذاك الوقت
أميره:بسيطه اروح انا واجيب
وعد:مــــــاأقول الإ الله يعين عبدالله عليك
¤¤¤¤¤¤""""¤¤¤¤¤¤
الساعه 10 ليان سوت صينيه بالدجاج ونوعين سلطه وفتوش وسوت عصير وجهزت كل شي وتنتظر سلطان يرجع عشان تقدم له العشاء...اخذت شاور ولبست برمودا وردي وتي شرت كت أسود وجلست بالصاله تنتظر سلطان....مرت نصف ساعه وماجاء
ليان:"وينه تأخر لايكون فيه شي الله يستر بس" ومرت ساعه وسلطان مارجع بعد
ليان:"حتى رقمه مو عندي ادق عليه"
فتح الباب ودخل سلطان وسكر وراح يمشي بيصعد فوق...
ليان:العــــــشاء
سلطان وهو واصل الدرج:أكليه متعشي وراح فوق
انقهرت ليان منه لها ساعه ونصف تنتظره وأخر شي يقول كذا راحت للمطبخ وشالت كل شي ودموعها تنزل على خدها توقعت بيأكل ويشكرها مو يجرحها كذا ويطنش...
سلطان دخل غرفته وبدل ملابسه ونزل الصاله:ليــــــان
ليان تغسل الصحون ودموعها مغطيه وجهها"وش يبي بعد ماكفاه اللي سوى ألحين"وكملت غسيل
سلطان:"وينها هذي"وقام وراح للمطبخ دخل:ليش ماتردين
ليان مسحت دموعها ولفت:نعم بغيت شي
سلطان بعصبيه:اذا نــــــاديت ماطنشين
ليان طنشت ولفت للمغسله وغسلت يديها..
سلطان تقدم منها وشدها مع شعرها:اذا كلمت ماطنشين
ليان بدموع:آآي فكني
سلطان بإستهزاء:الدموع هذي ماتمشي علي سوي لي شاهي خمس دقايق تأخرين ياويلك وطلع
...ليان جلست ع الكرسي وحطت رأسها ع الطاوله وانفجرت بكي"ليش يسوي فيني كذا ليش"
سلطان بصوت عالي:بــــــسرعه الشاهي انتظرك
قامت وغسلت وجهها وسوت له كوب وراحت له تعطيه الشاهي...
سلطان:صار طبخ بعير مو شاهي
ليان نزلته ع الطاوله بدون ماتكلم وراحت لغرفتها...
سلطان:"هههه توك بقى أكثر هذا بس البدايه خلي دلع عبدالله ينفعك"
**¤¤¤***¤¤¤***
مر يومين على الأحداث السابقه...الساعه 7 المغرب>>
ليان طفشت من البيت سلطان طالع من العصر واذا جاء مايجلس معها...قامت ولبست وراحت لبيت عمها ابو ماجد...
فيصل ومشاعل وأسماء وام ماجد جالسين بالمجلس...
دخلت ليان:السلام عليكم
الكل:وعليكم السلام
أم ماجد:هلا والله تو مانور البيت
ليان باستها على رأسها:منور بوجودك
فيصل:اخبارك ليون
ليان جلست:بخير اخبارك انت
فيصل:تمــــــام
مشاعل:عاد فيصل لو سمحت قم اترك ليان ترتاح من الغطا
ليان:لا عادي اجلس والله ماتقوم
فيصل:يابعد كبدي يامرت أخوي اللي ماشفته من يومين
ام ماجد بشهقه:ماشفت اخوك
فيصل:والله اصحى المغرب من النوم ومايكون موجود واذا رجعت من الشباب ارجع متأخر وماأشوفه
مشاعل قربت من ليان:كيف سلطان معك اليوم
ليان:عادي زي كل يوم
مشاعل:اخوي هذا ودي أذبحه عديم احساس
فيصل:هيه وش تساسرون فيه
مشاعل:مو شغلك يعني لازم تعرف
أم ماجد:مشاعل قومي جيبي لنا مكسرات نأكل مع الشاهي
فيصل:أحــــــلى وين ابوي يشوف
ام ماجد:فيــــــصل
أسماء:عادي يمه صادق عشان يدري انك ماعجزتي
مشاعل وليان:ههههههههههههه
ام ماجد قامت:أروح اسوي عشاء لأبو ماجد أحسن وراحت
فيصل صفق:أحــــــلى وناظر للبنات:وش فيكــــــن تضحكن وتساسرن
أسماء:ياتقعد ساكت ياتقوم
فيصل:ايــــــه صح ليان متزوجه كيف سلطان معك رومنسي والإ
ليان انحرجت من فيصل وشدت على رجل مشاعل
مشاعل:لا بالعكس رومنسي وبزياده بعد
فيصل عادي يحب يحرج وليان يعتبرها مثل خواته: صراحه اشك ان سلطان رومنسي قالب علينا وبس معصب
أسماء:لاتقعد تسب أخوك انت
فيصل:انا صادق أخلاقه على رأس خشمه
********
سلطان له ربع ساعه راجع البيت وجالس بالصاله..ومعصبين فيه الشباب وعصبه زياده ليان مي بالبيت ومايعرف رقمها..قام وراح معصب لبيت أهله...دخل ووقف عند المجلس وسمع ضحك مشاعل وليان وفيصل يتكلم...
دخل سلطان وبإستهزاء:ماشاء الله جالسه سوالف مع فيصل وانا انتظر بالبيت
ليان طاح قلبها ببطنها من الخوف
فيصل بنفسه"وهذا الرومنسي جاي معصب وبيحط حرته بليان الله يعينها بس"
مشاعل:هــــــلا سلطان
سلطان ناظر فيها وسكت
فيصل بصوت عالي:ههههههههه ههههههههههههههههههههههههههه
سلطان:فيه شي يضحك
ليان استغلت الفرصه وراحت لبيتها..
فيصل قام:تــــــصبح على خير وطلع
سلطان جلس:أمي وينها
أسماء:تو طلعت
قام سلطان:سلميني عليها وطلع
مشاعل بنفسها"ألحين يسوي ليان شي بعد الله يستر بس">>طبعآ مشاعل تعرف كل شي بين ليان وسلطان>>
********
ليان اول مادخلت البيت دق عبدالله وراحت فوق تكلمه..
سلطان دخل وراح فوق ووقف يسمع...
ليان:كيفك عبودي
عبدالله:تمام اخبارك انتي وأخبار سلطان
ليان:بخير وانت خلصت اثاثك
عبدالله:بقى شوي
سلطان دخل وجلس ع السرير وجنب ليان
ليان ارتبكت وأربكها أكثر سلطان حط يده على شعرها...
عبدالله:ليان وش فيك
ليان:هــــــه لا مافيني شي
عبدالله:هههههههه سلطان جاء صح
ليان:ايــــــوه
عبدالله:اجل باي أكلمك بكره
ليان:بااااي
سلطان ناوي يهاوش ليان بس انجذب بشكلها وضاااع كل اللي بيقوله...حط يده على كتفها...ليان ارتبكت أكثر...
سلطان وهو مازال حاط يده على كتفها:وش فيك
ليان نزلت رأسها وبكت...
سلطان حط رأسها بحضنه ومسح على ضهرها...
ليان زاد صياحها وشهقاتها...
سلطان ضمها أكثر له:خلاص ليون
ليان بصياح:ليــــــش تسوي فيني كذا ليش
سلطان:........
ليان مسحت دموعها:مع انك تعذبني وتعصب علي بس حبيتك غصب عني وقامت وطلعت من الغرفه...
سلطان كأن احد كب عليه ماي بارد ليان واعترفت انها تحبه هو كان حاس انها تحبه بس يكذب نفسه مايبيها تحبه وتعلق فيه هو بس يبي فتره لين خالد يتزوج ويطلقها ..حط يديه على وجهه وقام وطلع من غرفة ليان...
ليان جالسه بالصاله اللي فوق ويوم شافته طالع من غرفتها..
ليان:سلطان اذا مو متعشي هنا بروح اتعشى عند البنات
سلطان بدون مايناظر لها:بكيفك انا بروح لسامي
***¤¤¤***¤¤¤***
الساعه 9
أميره بالصاله وتلعب مع يزيد بلاستيشن قالها وماتبي تكسر بخاطره ولعبت معه...
يزيد:أميره صدق انتي بتزوجين عبدالله وتتركينا
أميره ضمته:ماعاش من يترك هالعايله
يزيد:طيب زيزو يقول انك بتروحين وعبدالله بيأخذك بالعيد أنا ماأحب عبدالله ليش بيأخذك عنا
أميره:وحتى أنا ماأحبه بعد بس كمل لعب والإ بقوم
يزيد:لا خلاص أنا ماأبي ألعب وقام..
أميره:وين بتروح
يزيد:بروح لماما وراح...
***¤¤¤***
أم زياد وأبو زياد جالسين بالمجلس وعندهم وعد ووليد...
دخل يزيد:بابا وجلس جنبه
ابو زياد:هلا وغلا وباسه
يزيد:بابا أميره ماتحب عبدالله هي قالت لي
ام زياد:يزيد وش هالكلام
يزيد:والله العظيم وانا بعد ذاك المره سمعتها تقول لشذى أكرهه جعله يموت وافتك منه انا بس عشان جدي وابوي وافقت
وعد تعرف كل شي وأميره قايله لها وبعصبيه:يــــــزيد
وليد:تعال شاطر بقول لك
ابو زياد:صدق الكلام والإ تكذب
وعد:لا يبه هذا بزر ومايعرف شي أميره أنا أعرفها عدل وماتخبي شي عني ماقالت شي
وليد حط يزيد بحضنه:حبيبي عيب تقول لبابا كذا
يزيد:أنا صادق ماأكذب
وعد لوليد:هذا بيفضح أميره وش رأيك نطلع فيه احسن
قام وليد وأخذ يزيد معه وطلعوا...
وعد راحت لأميره وقالت لها كل شي...
أميره:يافشلتي صدق هالبزر فضيحه
وعد:تستاهلين ليش تقولين له
أميره:ماكنت اعرفه ان بيقول لأبوي
وعد:المهم اذا قال لك ابوي شي جهزي لك كلام
أميره:لاتوصين أنا أميره مو اي احد
ابو زياد:يعني كلامه صدق
ام زياد:هذا بزر ماينصدق
ابو زياد:انا لازم اسأل أميره
ام زياد:لاتسألها ولاشي ألحين كل شي صار وعطيت الرجال كلمه وحدد زواجه
ابو زياد:وانتي الصادقه وعبدالله رجال وماينخاف عليه
***¤¤¤***¤¤¤***
عبدالله وخالد بالحديقه وجالسين وعندهم بيبسي وبيتزا ويسولفون...دق جوال عبدالله وناظر..
عبدالله:رقم غريب
خالد:رد وشف من
عبدالله رد:هلا
:السلام عليكم
عبدالله بإستغراب:وعليكم السلام
:انت عبدالله محمد
عبدالله:ايوه خير ان شاء الله
:انا صديق اخوك عامر وحبيت أقول لك انه يحب أميره
عبدالله بعصبيه:وش تقــــــول انت
:أنا صديقه وكل شي يقوله لي ويحبها من سنتين تقريبآ وهي بعد تحبه بس يوم خطبتها مايبي يخرب عليك سكت
عبدالله:انت واحد كذاب
:كذاب ليش بس ماهان علي أشوف عامر يتعذب كذا ويتعب
عبدالله بتهديد:شف لو تدق على رقمي ثاني مره مو احسن لك
:المهم انا بلغتك وانت كيفك اسأل اخوك وشف وش يقول لك ومع السلامه وقفل
عبدالله ضغط على جواله بعصبيه ويده الثانيه شد فيها شعره بعصبيه
خالد:عبدالله مين هذا وش يبي
عبدالله تنهد بضيق:شفت ان عامر يحب أميره
خالد:عبدالله هذا كلام انتهينا منه وأميره بتصير زوجتك ألحين
عبدالله:أنا لازم اتأكد بنفسي
خالد:اقول أكل وانسى كل شي وريح نفسك
***¤¤¤***¤¤¤***
عامر بغرفته يلبس بيطلع للشباب...دق جواله وناظر"غريبه مين"
عامر:هلا
دلال:السلام عليكم
عامر عرف صوتها:اللهم طولك ياروح وش تبين انتي ترى من البارح مزعجتني
دلال"مالت مو حبآ فيك عشان تكتمل خطتي"وبدلع:عمور انا أحبك حس فيني حرام عليك
عامر بإستهزاء:بعد عبدالله جيتي لي انا
دلال:شسوي عاد احبك
عامر يقلد صوتها:بس أنا ماأحبك
دلال:ليش طيب
عامر بكذب:لأني أحب غيرك ياحلوه
دلال بسرعه:أميره صح
عامر:عاد هذا شي محتفظ فيه لنفسي
دلال:انا عارفه انك تحب أميره
عامر يبي الفكه منها:ايه أحبها وأموت فيها بعد عندك مانع
دلال:بس عبدالله خطبها طوط طوط طوط
عامر قفل بوجهها"صدق قليلة أدب ماتستحي"وطلع من الغرفه وراح للشباب"ألحين ليش يقولون اني احب أميره أنا لاأحبها ولاشي اصلآ ماأعرفها عشان أحبها"
***¤¤¤***¤¤¤***
دلال جالسه بالصاله وحاطه رجل على رجل"هههه وأخيرآ
لقيت شي عليك ياعامر"واخذت جوالها ودقت على خليل>>طبعآ مو حبآ فيه لا عشان يساعدها وتخرب على عبدالله وخليل يحسبها تحبه>>
خليل:هلا وغلا بحبي
دلال بدلع:هلا حبيبي سويت اللي قلت لك عليك
خليل:ايوه دقيت عليه بس شكله ماصدق
دلال:اوكي قلبو كل بعد فتره دق وقله
خليل:وانتي وش تبين فيه لايكون تحبينه
دلال بكذب:لا ماأحبه ولاشي بس وبتغير الموضوع:فكنا منه اخبارك أنت
خليل:بخير بس ناقصني شوفتك
دلال بدلع:لا ياقلبو ماأقدر
خليل:ليش طيب مو انتي مواعدتني
دلال:يصير خير ويالله حبيبي أشوفك ع خير
خليل:باي حبي
دلال:بايااات
***¤¤¤***¤¤¤***
مر الأسبوع بسرعه على الكل ورمضان بعد يوم...ومجتمعين عبدالله وخالد اللي واصلين البارح من الرياض..وعامر وفيصل وعمار وفارس بالصاله...عامر سرحان وأبد مو معهم يفكر باللي سمع العصر واكتشف...
عبدالله:عامر
عامر ماانتبه له:.......
عبدالله:عامر أكلمك
عامر:......
خالد:مو معك سرحان
عامر:هــــــه احد يناديني
عبدالله:اللي أخذ عقلك يتهنى فيه
خالد:لا ومره سرحان بعد
عامر بضيق:ارتاحوا مو اللي ببالكم
عبدالله بإستهزاء:مــــــو علينا هالكلام واضح اصلآ
عامر قام وبعصبيه:عبدالله اللي فيني كافيني فرجاء اسكت
عبدالله:طيب طيب هد نفسك لاتعصب نمزح
عامرجلس:انت بالذات ياعبدالله اسكت مو وقت مزح
وسرح باللي سمع العصر هو وفيصل معهم أغراض لليان جايبهم عبدالله وقالهم يعطونهن ليان وراحوا واستوقفهم عند مدخل البيت صوت سلطان وليان يتاهوشون...
ليان بصراخ:أنت واحد ماتستاهل احد يحبك
سلطان بعصبيه:ليان اللي اقوله لك غصب تسوينه
ليان بصياح:انــــــا صبرت وتحملت مو عشانك عشان عبدالله اخوي
سلطان جلس:اللي غصب تسوينه لو اقول طبي من الشباك تطبين
ليان بكت بقوه... عامر راح لسيارته مقهور من سلطان ليش يعامل ليان كذا وفيصل راح وراه
سلطان بإستهزاء:ومن الليله ياحلوه مافيه غرفه لوحدك وقام:والله هالدموع الظاهر مو مخلصه وراح فوق..ليان بكت بقوه ورمت نفسها على الكنب"ليش يعاملني كذا ليش من البدايه تزوجني آآآه بس بعد ايش بعد ماحبيته صدق مايستاهل"
***"""***"""
فيصل ركب وسكر الباب...
عامر:ليش سلطان يعامل ليان كذا مع انها تحبه ومو مقصره معه
فيصل:الله يهديه وعصبيته من العلاج
عامر بإستغراب:اي علاج
فيصل بحزن:ســــــلطان فيه الــــــــــــــــــسرطان ببطنه
عامر بصدمه:ســــــرطان
فيصل بحزن:ايوه بس الحمدلله بسيط ومع العلاج يروح
عامر:ومن متى ليش ماقلتوا لنا
فيصل:سلطان مايبي احد يعرف بس انا كان تعبان ورحت معه وقالي الدكتور
عامر بحزن:وأهلك يعرفون
فيصل:لا بس انا وسامي وقلت لك ألحين ولاتقوله لأحد لأن سلطان مايبي احد يعرف
عامر:اعتبره سر وماأقوله لأحد
فيصل:خلنا نتمشى شوي وراحوا فيصل وعامر يتمشون...
ونعود لجلسة الشباب بعد ماعرفتم ليش عامر متضايق...
عبدالله لخالد:ياخوفي اذا كان يفكر بأميره
خالد:عبدالله ترى طفشتني خلاص أميره لك ألحين يفكر فيها والإ مايفكر
فيصل عارف عامر وش يفكر فيه وسرحان حب يلطف الجو شوي...
فيصل بمزح:أقول عامر وش رأيك تخطب دلول بكره وتزوج مع عبدالله
كمل فارس:وتصير الفرحه فرحتين
عامر:قلن البنات آخذ قليلة الحياء
عبدالله:ليه بتدخل أخوي مستشفى مجانين من ألحين
خالد:هههههه بس تلوع كبده بدلعها
عامر يقلد صوتها:حبيــــــي عبدالله.. عبدالله لي أنا وبس
الشباب:هههههههههههههههههههه
عبدالله:حبتها القراده يارب ناقص انا بعد
عامر:هههههههههههه لا حولت علي ألحين
خالد بخبث:اخطبها وش رأيك
عامر:ههههااااي ضحكتني أصلآ ماأبي اتزوج وش لي بعوار الرأس
فيصل:والحنه ليل نهار خلك كذا اريح ماأحد يقول وين رايح من وين جاي
دخل سلطان وهو مستأنس وطاير من الفرحه تو جاي من المستشفى وفحوصاته ايجابيه بس قاله الدكتور يداوم على العلاج مدة ثلاث أشهر ومايزيد الجرعه لأنه اذا زادها تأثر عليه والآلم اللي يصيبه بين فتره وفتره عادي مجرد مغص وتقلصات ببطنه...
سلطان بإبتسامه:السلام عليكم وجلس
الشباب:وعليكم السلام
فيصل:اشوفك مستأنس دوم ان شاء الله
سلطان:اكيد بستأنس دام كل شي تمام وع العال
عامر وفيصل عرفوا وش يقصد لأن سلطان قايل لفيصل بيروح المستشفى له موعد اما الشباب مايدرون وش السالفه على بالهم مستأنس ومرتاح مع ليان
فيصل قرب لسلطان:صدق
سلطان بصوت مايسمعه غير فيصل:ايوه بس عطاني علاج ومدته ثلاث أشهر
فيصل:المهم لاتنساه وداومه صح
عامر:سلطان
سلطان بعفويه:يالبى قلب سلطان
فيصل:ليان عن غفله
سلطان:ههههههه عفويه طلعت
خالد لعبدالله:ياشينه اذا صار رايق
عبدالله:هههههههه حتى اذا صار معصب
خالد:كله على بعضه
فيصل:بتسجل بالتاريخ الجلسه هذي
الشباب بإستغراب:ليــــــــــش
فيصل:لأن الأعداء الثلاثي ماتهاوشوا ولا تعاندو
الشباب ماعدا سلطان:ههههههه هههههههههههههههههههههههههههه
سلطان قام:عن أذنكم وراح ركض للحمام وهو حاط يده على فمه
فيصل حس ان سلطان فيه شي وقام وراح له...
سلطان بعد ماأستفرغ>>أكرمكم الله>>مسك رأسه ووقف عند المغسله وفتح الماء وسرح"ليش كل ماهاوشت ليان او عصبت عليها يصير فيني شي معقوله أنا ضالمها"
فيصل شافه سرحان وعند المغسله جاه وحط يده على كتفه:وش فيك
سلطان:مافيني شي
فيصل بحنيه:اذا الله كاتب لك شي بيصير
سلطان ضم فيصل وتجمعت الدموع بعيونه..
فيصل ضمه أكثر:لا تضيق خلقك
سلطان مسح دموعه وبعد عن فيصل:بروح البيت ارتاح
فيصل:براحتك بس لاتنسى ان كل شي مقدر ومكتوب
***"""***
ليان بالمطبخ وجالسه على الكرسي وحاطه راسها ع الطاوله وتفكر بسلطان"ابي اعرف ليش يعاملني كذا وايش سر العلاج اللي اشوفه أكثر من مره يأكله معقوله يكون مريض بس لو كان فيه شي مشاعل قالت لي"
دخل سلطان وشافها تقدم وحط يديه على كتفها:وش تفكرين فيه
ليان رفعت رأسها:فيه احد غيرك شاغل بالي
سلطان سحب كرسي وجلس:ليان ماأبي أكذب عليك وأتركك تحبيني وتعلقين فيني تدرين أنا ليش تزوجتك
ليان بحزن:لأن عمي قالك
سلطان:لا عشان خالد مايتزوجك واذا تزوج اطلقك
ليان كأن احد كب عليها ماي بارد من الصدمه وإن سلطان بيطلقها ماتقدر تتركه او تبعد عنه صح يعذب فيها بس تحملت لأنها تحبه قامت بهدوء وطلعت من المطبخ وجرحها كل مره يزيد وسلطان مافكر فيها حتى التفكير ماتوقعت انه قاسي وأناني كذا دخلت الغرفه وجلست ع السرير وأسندت ضهرها ومدت رجولها وغمضت عيونها"ليش يصير فيني كذا ليش"ونزلن دموعها ومسحتهن"سلطان مايستاهل دمعه وحده تنزل على شأنه"
سلطان الى الآن بالمطبخ"هذا احسن شي اقوله لها عشان ماتحبني لأني ماأبي احب غير لمى وش استفد من الحب ألم وعذاب"وقام وراح الصاله وانسدح ع الكنب"ليان ماتستاهل بس غصب اذا شفتها احس ان عبدالله عندي بالبيت"
***¤¤¤***¤¤¤***
أميره عند شذى بغرفتها وجالسه ع السرير وشذى واقفه عند التسريحه وتزين شعرها....
شذى وهي ترفع شعرها:أميره وش رأيك الليله نطلع نتمشى
أميره:وين نطلع الجو حار ويطفش
شذى:نروح السوق او...
قاطعتها أميره:والله السوق وملينا من الدوران فيه والكورنيش بعد ملينا منه
شذى:طيب وين نروح ودي نغير جو
أميره قامت:انا اقول لك وين نروح لبيتنا احسن
شذى:ههههه فيه احد عندكم
أميره:هههههه لا حتى امي مي فيه
شذى:روحي وأنا بعد شوي اجي
طلعت أميره:لاتأخرين وراحت لبيتهم...
*******
زياد وتركي بالصاله ومنسدحين..والمكان عندهم حوسه الخداديات بالأرض وعلب ببسي وشيبسات...
أميره دخلت وبعصبيه:بــــــزارين انتم ليش المكان حوسه
زياد:والله طفشنا ولعبنا بالخداديات فيها شي
أميره وهي تناظر للأرضيه:وش القرف هذا ليش الببسي منكب والشيبس
تركي:سهله نادي سالينا وتنظفه
أميره بصراخ:أنــــــاديها بس قوموا اذلفوا
تركي قام ولأنه يعرف ان أميره تعصب اذا قالو لها عروس قال:نطلع بس اعصابك ياعروس
زياد:بعدين مي حلوه منا نعصب بأختنا عروستنا اللي كلها شهر وتروح عنا
أميره عصبت بس سكتت وجلست ع الكنب...
تركي بيقهرها:مافيه دوران بالشوارع مع جود شذى ملاك البتول
كمل زياد:مقيده مافيه روحه لمكان الإ بإذن الحبيب عبدالله
تركي:ويمكن يسمح او لا مو عمي تدلعين عليه ويوافق بسرعه
أميره خلاص فورت من العصبيه وبصراخ:انــــــقلعوا هنا خلاص
زياد جاء عندها وطلع لسانه:ههه هاهاه ومافيه كل اجازه سفر
تركي:هههههههههههههههههههههه
ويمكن تسكنين بالقصيم وععع
أميره قامت وبعصبيه:أنتم ماتفهمون أكلم الجدار أنا
تركي وقف عند الجدار:ياجدار اذا كنت تسمع أميره تكلم
زياد:هههههههههههههههههههههههه
أميره جلست:الحمدلله والشكر صدق بزارين
دخلت عليهم شذى:هاااي ياحلوين
زياد+تركي:هايات
شذى:أوووف أيش هالحوسه
زياد:كيفي بيتنا نسوي اللي نبي
شذى:أموره وش فيك معصبه
أميره:أحد عنده مجانين مثل اللي عندنا ومايعصب
زياد+تركي:والله ماأدري من المجانين
شذى:أقول أموره تعالي لغرفتك احسن
زياد:والله ماأدري وش فيها هالغرفه كل ماجيتن رحتن لها
أميره بدلع:يكفي اني انا فيها
وراحن لغرفة أميره...
الساعه 11 ونصف الصباح>>
سلطان صحى من النوم ودخل الحمام يأخذ شاور وليان حست بحركته وجلسة والبطانيه مازالت عليها حطت يدها على شعرها ونزلت رأسها تنتظر سلطان يطلع من الحمام...بعد ربع ساعه طلع سلطان وشافها...
ليان رفعت رأسها وبعدت البطانيه عنها وقامت...
سلطان وقف عند التسريحه:وش فيك مبــــــوزه على هالصبح
ليان اخذت منشفتها وناظرت له وطنشت ودخلت الحمام...
سلطان بنفسه"لا وتطنش بعد طيب اذا طلعتي تشوفين"وجلس ع السرير .....
***¤¤¤***¤¤¤***
عبدالله صحى من النوم واخذ شاور وخلص وخالد الى الآن نايم...
عبدالله فتح الشباك وطفى المكيف...
خالد غطى نفسه بالبطانيه عن أشعة الشمس وبنوم:عبدالله ترى مانمت الإ الساعه 7 ارحمني
عبدالله سحب البطانيه:قم الساعه 12
خالد سحب البطانيه:عبدالله الحين تخليني انام عندك وتزعجني
عبدالله:لاتنسى ان عندنا سفر للرياض
خالد بخبث:خلني انام والإ ترى اذا تعبت ماأسوق عنك
عبدالله سكر الشباك وولع المكيف وبسرعه:خــــــلاص نام نام واذا صحيت دق علي انا بروح ألحين لأبوي وطلع...
خالد غطى نفسه بالبطانيه:"شسوي ماينفع فيه الإ كذا"
****¤¤¤****
سلطان وهو ينتظر ليان دق جواله وطلع بالصاله يكلم...ليان طلعت وماشافته حمدت ربها ولبست وجففت شعرها وراحت تجهز لسلطان فطور والإ هي ماتحب تفطر تشرب كوب حليب وبس...بعد عشر دقايق جابت له الفطور ونزلته عنده...
سلطان:تعالي افطري
ليان ومعها كوب حليب:مو مشتهيه ودق جوالها وناظرت وابتسمت..
ليان:هلا وغلا
عبدالله:صباح الخير
ليان:صباح الورد
عبدالله:اخبارك
ليان:تمام
عبدالله:سلطان عندك موجود
ليان:ايوه بغيت شي
عبدالله:لا بس اول بجيك قبل اروح الرياض
ليان:طيب عادي تعال
عبدالله:اوكي بعد صلاة الظهر
ليان:اجهز لك غدا
عبدالله:لا بتغدا مع ابوي وأعمامي
ليان:انتظرك
عبدالله:بايو
ليان:بايون
سلطان بإستهزاء:لايكون حظرتك بيجي عبدالله
ليان:واذا جاء مو بيت اخته وولد عمه
سلطان بعصبيه:هــــــذا اللي ناقص بعد عبدالله يدخل بيتي
ليان قامت وبعصبيه:عـــــبدالله اخوي ومن حقه يجي ولاتنسى انه ولد عمك
سلطان سكت وبنفسه"يجي بس أنا مستحيل اروح لاتقول له ليان شي بعد ويقول لأبوي وتصير مشاكل بعد"
***¤¤¤***
بعد صلاة الظهر وبعد مارجع عبدالله من المسجد..راح لبيت ليان..
سلطان بعد مارجع من المسجد جلس بالصاله...وليان تنتظر عبدالله ومستأنسه ماشافته بعد ماجاء من الرياض الإ مره وبيت عمها...سمعت صوت الباب وراحت ركض تفتح..
عبدالله ضمها:السلام عليكم
ليان:وعليكم السلام حياك تفضل
عبدالله بنفسه"اللهم طولك ياروح الزفت هنا لا وجالس بعد"وباس ليان مع خدها:لك وحشه
سلطان يوم شاف عبدالله ضام ليان وباسها ولع قهر وبعفويه:هيــــــه انت وش قاعد تسوي
عبدالله بيقهره ضم ليان:أختي ومشتاااق لها فيها شي
سلطان انتبه لنفسه"عاد بكيفه وش علي منه وش فيني انا معقوله اغار لا لا وش قاعد اقول انا"
عبدالله جلس وليان راحت تجيب عصير...
سلطان:بتمشي اليوم
عبدالله:ايوه
جت ليان ومعها عصير نزلت واحد عند سلطان وواحد عند عبدالله
ليان:ليش بترجع الرياض
عبدالله:عندي شغل
ليان:الله يوفقك
عبدالله شرب عصير:أخبار سلطان معك
ليان بإرتباك:هـــــه تمام وماقصر معي
عبدالله بمزح:لو يقول لك شي قولي اغسل شراعه غسل
ليان بدلع:لا عاد هذا سلطان ماأرضى عليه
عبدالله:أحــــــلى احلى وصرنا مانرضى بعد
سلطان بإستهزاء:ليش شايفني واحد ماينحب والإ مشوه
عبدالله:ترى ماأقصد شي
ليان:عبدالله يمزح
سلطان:يمزح مايمزح ترى ماهمني
عبدالله قام:استأذن بروح
سلطان بنفسه"فكه مابغى يقوم"
عبدالله طلع وليان طلعت معه...
عبدالله:ليون اذا بغيتي شي ترى حطيت بحسابك
ليان:ماتقصر وطمني اذا وصلت
عبدالله باسها مع خدها:بايات وراح
ليان بنفسها"الله لايحرمني منك ماارتحت الإ عندك قبل ابوي وألحين سلطان عاد هذا حاله ثانيه"
سلطان بنفسه"وش فيها تأخرت لايكون تقول لعبدالله شي" وقام"بروح أشوف"
ليان بعد ماطلع عبدالله وقفت عند الباب وسرحت تفكر بسلطان وحياتها معه...
سلطان شافها واقفه لوحدها وارتاح عبدالله مو هنا..
ليان لفت وشافته واقف:بتروح تغدا مع عمي
سلطان:لا مو مشتهي بنام واذا أذن العصر قوميني
ليان:ان شاء الله وألحين بروح لبيت عمي
سلطان:بكيفك وراح فوق...ليان لبست عباتها وراحت لبيت عمها...
***"""***
العصر الساعه 5 ونصف فيصل مع عامر بسيارته ويحوس فيها...
عامر:فيصل اول مره تركب سيارتي
فيصل فتح كبت السياره وشاف سلسال واخذه ورفع وفتح عيونه ع الأخر..
عامر:وش فيك
فيصل يحرك السلسال:وتقول بعد ماأحبها بعد وش هذا
عامر:ههههه من قال اني احبها تذكر يوم كنا بالمزرعه وبحادثة البنات رحت لمكانهن ولقيته واخذته
فيصل:كيف لو شافه عبدالله وش بيسوي
عامر:لاتخاف اذا تزوجت عبدالله برجعه لها
فيصل:بس انتبه مو عبدالله حاضر او يشوفك
عامر:لاتخاف عارف لو شافني جن جنونه
***"""***"""
شذى وأميره وتركي وزياد عند جدهم بالملحق...
الجد:أميره فيك شي احسك متضايقه
أميره بإبتسامه:لا مافيني شي
زياد:ياجدي بس عندك والإ بالبيت تقول حلق دلال
تركي:بس عندك ياجد يسون محترمات
شذى:الله العالم من الفأر بالبيت وناظرت لتركي
الجد:هههههه عيب ماهما صار انتم اخوان واحترموا بعض
أميره:هم كذا ياجد دايم
الجد ناظر لتركي وزياد:اخر مره اسمع انكم تقولون شي أو تأذون أميره وشذى
زياد فتح عيونه:ياجد كذابات مانقول لهن شي
الجد:بــــــس اسمع كلامي
أميره:هههههه لقط وجهك
دخلوا نايف وعبدالله:السلام عليكم وباسو رأس ابوهم
زياد:هلا والله نور المكان
جلس نايف:منور بوجودكم
الجد:هــــــه عسى ان شاء الله الشغل ماشي معكم
عبدالله:الحمدلله وبادين بمشروع جديد
الجد:الله يوفقكم
قامن شذى وأميره:على أذنكم
نايف:وين اجلسن
أميره:عندنا شغل
شذى:ودنا نخلصه بدري
تركي لزياد:اللي يشوفن يقول حريم وسنعات بعد
زياد:ههههههههههههههه صادق
ناظرت أميره بزياد نظرات قوويه وطلعت وراحت معها شذى....
انتهى ....
البارت القادم يوم السبت ان شاء الله
لاتلهيك الرواية عن ذكر الله والصلاة
|
11-07-12, 01:34 PM
جديد مواضيع قسم القصص المكتمله من وحي قلم الاعضاء
العرض العادي
