البـــــارت الواحد والخمسون**
،،،،,,,,،،،،,,,,,،،،،،,,,,,،،،،,,,,,,،،،،،،,,,,,،، ،،،,,,,,،،،،،
مر اسبوعين على الاحداث السابقه....اميره طلعت من المستشفى وحالتها الصحيه تحسنت عن قبل بس حالتها النفسيه سيئه وتكره الرجال والكوابيس بعض الاحيان تجيها بالليل وتخاف ومع المهديات تنام وعند اهلها بالشرقيه لانها رفضت تروح لبيتها....عبدالله اشتكى عيسى بس طلع منها مثل الشعره بالعجين لان اميره انكرت انه عيسى.....ابو عبدالله يفكر يخطب دلال لعبدالله....شذى احسن من قبل بعد مارجعت اميره بس تحس ابوها الى الان زعلان منها....ابو زياد شايل هم اميره وتعبها وخايف تنتكس حالتها لانها ماتطلع من الغرفه....عبدالله حالته زفت لان اميره مي متقبلته ويحاول يساعدها عشان تحسن نفسيتها....والبقيه رجعوا لبيوتهم....
العصر الساعه 5 م....
زياد واقف عند غرفة اميره ومتردد مشتااااق لها بس خايف من ردة فعلها...فتح الباب بخفيف وتقدم وعكست صورته بالمرايه واميره انتبهت له ولفت بدون ماتكلم...
زياد:اميره
اميره بهمس:زياد
زياد ركض لها وضمها:اميــــــــــره
اميره ضمت زياد:اشتقت لك
زياد بدموع:وانا اكثر كيفك اليوم
اميره بحزن:احسن من قبل بعد العلاج بس شذى كانت عندي وطلعت وتركتني لوحدي
زياد بحزن على حالتها:اميره انتي لازم تساعدين نفسك وتطلعين من الغرفه كذا تتعبين زياده
اميره:طيب بطلع الحين
زياد مسك يدها السليمه:لا تعالي معي
اميره راحت مع زياد ونزلوا بالصاله وانتبهت لأبوها وعمها وجدها وعزيز....
اميره:السلام عليكم
الكل فرح وقام:هـــــلا وغلا
اميره باست رأسها جدها وابوها وعمها...
عزيز:كملي وانا بعد
اميره ابتسمت:هههه وانت بعد وباست رأسه
الجد:تو مانور المكان
ابو زياد مسح دموعه:تو ماحسيت بطعم الراحه
ابو تركي بابتسامه:دوم الفرح ان شاء الله
اميره جلست وحست بألم ببطنها بس تحملت...
زياد انتبه لها وبخوف:اميره فيك شي
اميره بتعب:لا بس حسيت بألم شوي بمكان العمليه
ابو زياد بخوف:اجيب المسكن
اميره:لا يخف الحين
الجد:زياد رح جب لأختك عصير وأكل من المطبخ
:لا لاتجـــــيـــــب انا جبت اللي تحبه اميره
الجد:هلا وغلا بشذى
شذى نزلت اللي معها وباست رأس جدها وابوها وعمها وحطت صحن عند كل واحد,,,
اميره بشهيه:يالله ورق عنب
شذى:انا اخترت احسن شي ورق عنب وفطائر بالسبانخ والجبن وبيتزا وسلطة ذره
الجد:لو جبتي لها فواكه احسن
زياد:ابوي ماترك شي بالسوبر ماركت البارح ماجابه من انواع الفواكه
ابو زياد:كل شي لعيون اميره اهم شي صحتها
:لا ليه الخيانه تأكلون وماقلتوا لي
عزيز:لاتخاف مانقصك شي
تركي:لا واميره هنا الحمدالله على السلامه
اميره:الله يسلمك
تركي جلس:طيب عطوني صحن
ابو تركي:ههههه انتظر كل هاذي شفاحه
تركي:جوعان تو ماصحيت من النوم
شذى:طيب اكل وسد فمك
تركي أكل:اعرف اني بأكل
الجد ابتسم:الله يهديك دايم مستعجل
عزيز دق جواله ووقف...
تركي باستهبال:ليش بنت يوم قمت
عزيز:الحمدالله شكله شارب شي قبل يجي وطلع ورد:هلا عبدالله
عبدالله:السلام عليكم
عزيز:وعليكم السلام
عبدالله:كيف الاخبار عندكم
عزيز:تمــــــااااام واميره عندنا بعد
عبدالله بفرح:صــــــدق يعني اذا جيت ماتطردني
عزيز:هههههههههههه ماأدري بس اليوم احسن العلاج جاب نتيجه
عبدالله بسرعه:طيييب انا بجي الليله
عزيز:هههههههههههههه حياك بس ترى مو ذنبي اذا اميره طردتك
عبدالله بعصبيه:عــــــزيــــــز اذا طردتني بذبح عيسى
عزيز:هههههههههه طيب اعصابك
عبدالله بقهر:ياخي افهمني مشتااااق لأميره بموت اذا ماشفتها
عزيز:اوكي حنا بانتظارك
عبدالله:انتبه لاتقول لأميره
عزيز:ان شاء الله
عبدالله:مع السلامه
عزيز:مع السلامه
بعد ساعه....اميره وشذى طلعن الحديقه يتمشن....
شذى:اموره
اميره سرحانه ولا انتبهت لها....
شذى هزت كتفها بخفيف:اميره
اميره انتبهت:هلا
شذى اشرت للكراسي:بنجلس
اميره:طيب
شذى جلست:اممم فيه احد فاقدته صح
اميره بسرحان:ميــــــن
شذى:لااااا لا عبدالله كيف نسيتيه
اميره بدموع:انــــــا مانسيته بس احس اني اخاف منه وكل شي غصب عني
شذى مسكت يدها:ادري ان اللي صار لك مو هين بس صدقيني عبدالله مستحيل يسوي لك شي
اميره مسحت دموعها:بس انا ماأثق بالرجال الحين
شذى:بس عبدالله مو أي رجال زوجك
اميره تذكرت كلام دلال يوم تهددها ليش تأخذ عبدالله وبسرحان:بس انا ماأبي عبدالله
شذى بشهقه:بس عبدالله زوجك وتحبينه ويحبك ليش ماتبينه
اميره وقفت:بندخل تعبت شوي
شذى:ياللا
اميره راحت لغرفتها وشذى راحت لبيتهم...
//@//@//@//@//@//@//@//@//
خالد رجع من عند عبدالله ورايح يمشي فوق لغرفته ووقفه صوت ابوه...
ابو وليد:خــــــالــــــد
خالد وقف:هلا
ابو وليد:ترى عمك اتصل فيني ومشاعل موافقه وحددت الملكه معه يوم الخميس
خالد بنفسه"يعني وافقت خلاص صار حقيقه مو حلم":اللي تشوفه
ابو وليد:الله يوفقك
خالد كمل طريقه وراح لغرفته ودخلها وسكر الباب وتنهد:اااهــ الله يعين ويكتب اللي فيه الخير ومسح على شعره:ماكنت احلم ان زوجتي غير شذى بس كل شي بقدرة الله
//؛؛//؛؛//؛؛//؛؛//؛؛//؛؛//؛؛//؛؛//؛؛//؛؛//
الساعه 9 م....اميره بالغرفه ومنسدحه ...عبدالله فتح الباب ودخل...
اميره ماأنتبهت له لانها كانت سرحانه....
عبدالله تقدم من السرير وبهمس:اميره
اميره بصدمه:عبــــــــــــداللــــــه
عبدالله مد يديه لأميره...
اميره رجعت وراء وبدموع:لاتقرب اطلع
عبدالله تقدم لها وضمها لصدره...
اميره بشهقات:ع ب د ال له
عبدالله:اشششش
اميره بدموع:ليش تتركني ليش وبكت...
عبدالله وهو ضام اميره:انا ماتركتك معك بكل وقت
اميره مسحت دموعها:توعدني انك ماتتركني ولا تتخلى عني
عبدالله باس خدها:وانا اقدر اترك روحي والهواء اللي اتنفسه انتي حياتي كلها
اميره ابتسمت...
عبدالله مسك وجهها:دوم ان شاء الله
اميره تحاول تقوم بمساعدة يدها اليمنى..وعبدالله ساعدها تقوم...
اميره:التجبيره طفشتني
عبدالله:كلها اسبوعين وترتاحين منها ان شاء الله
اميره وقفت:بنطلع الصاله
عبدالله:اوكي انا بطلع وتجين بالصاله
اميره:اوكي
عبدالله طلع وبعد عشر دقايق جت اميره واجتمعوا بالصاله مع العايله....
//@@//@@//@@//@@//@@//@@
مشاعل ضايقه وطفشانه...طلعت وراحت لجهة الملاحق"اوووف مله وليان مشغوله ببنتها وانا ماأبي اشغلها بهمومي يكفي اللي صار لها قبل وتو ارتاحت"وتقدمت من الملحق وفتحت الباب:من زمان مادخلته اكيد الشباب حايسين فيه ودخلت وولعت النور وانصــــــدمــــــــــــت وبشهقه:عامر
عامر مسح دموعه:مشاعل وش تسوين هنا
مشاعل:ليش جالس بالضلام
عامر بحزن:مشاعل ليش وافقتي على خالد ليش والله بموت ماأقدر اعيش بعدك
مشاعل بغصه:عامر كل شي بالحياه مقدر ومكتوب
عامر بعصبيه:بس خالد مايحبك يحب شذى ليش توافقين عليه
مشاعل مهما كان مستحيل تقوله ان ابوها غاصبها لان اذا قالت اكيد عامر بيقول لخالد وخالد بيقول لعمه وبذاك الوقت يتفشل ابوها قدام اخوانه وهي ماتبي هذا يصير وبغصه:عامر .......
قاطعها عامر:خلاص ماأبي اسمع شي والله يوفقك وطلع بسرعه من الملحق....
مشاعل تناظر له ودموعها تنزل وحده وراء الثانيه"وانا احبك بعد بس غصب عني"وبكت....
////////@@@////////@@@////////
يوم الاربعاء قبل ملكة خالد بيوم....المغرب اميره منسدحه بالصاله وشذى جالسه تحت بالارض ومنزله رأسها وسرحانه وتحرك يدها بالارض والدموع متجمعه بعيونها,,,,
اميره:شذى
شذى ماتبي اميره تشوف دموعها وبدون ماترفع رأسها:نــــــعــــــم
اميره بتسأول:متى زواجك اتفقتي مع باسل
شذى رفعت رأسها وبعصبيه ودموعها تنزل:باســــــل اكرهه حسبي الله عليه وبصراخ:كله منك ومصايبك اللي جبتيها لنا
اميره جلست وهي مصدومه:انــــــا
شذى بعصبيه:ايه انتي لو ماصارت سالفة المزرعه كان ارتحنا وتزوجك وافتكيت
اميره بحزن:شذى انا مالي ذنب ليش تحطين اللوم علي
شذى قربت من اميره وبهستيريه وهي تضرب صدرها:ايــــــه انتي انتي والا كان الحين مرتاحه بس كيف برتاح وخالد ملكته بكره وبصراخ:كيــــــــــــف كيــــــف ردي ليش ساكته وقعدت تضربها
اميره عادت له الذكرى يوم عيسى يضربها وتشوف شذى عيسى ودفتها وبدموع وهي تصارخ:بعــــــــــــــــــدي لاتقربين بعدي
شذى بحاله هستيريه بدون ماتدري عن نفسها:انتــــــي سبب كل شي انتي
:شــــــــــــــــــذى وطرااااااااااااااخ كف على خد شذى
شذى استوعبت اللي صار ووقفت ودموعها تنزل...
عزيز بعصبيه:ليش تسوين بأميره كذا وتقدم لأميره اللي تصيح وتصارخ...
اميره بصراخ:بعدوا عني بعدوا اطلعــــــوا برا ماابــــــي احد
عزيز يحاول يهديها:اميره
اميره ماتشوف قدامها الا عيسى يوم يضربها ويحرق شعرها وبهستيريه:يمــــــه تعالي يمه
:خير وش صاير
عزيز بسرعه:زياد رح جب المهدئ لأميره بسرعه
زياد راح:طيب
شذى ندمانه على اللي سوت بس غصب عنها بدون شعور وجلست على الكنب وبكت..
اميره الى الان تبكي....
زياد جاء ركض ومعه المهدئ:عزيز خذ
عزيز صب ماء وقرب من اميره:اميره خوذي
اميره بصراخ:بعــــــد ورجعت وراء
زياد بخوف:عزيز تصرف
عزيز بعصبيه غصب عنه:شسوي انا ماأقدر اسوي شي
زياد:انادي عبدالله عند جدي
عزيز:ايوه يمكن يتصرف
زياد راح ينادي عبدالله....
شذى بدموع:عــــــزيــــــز
عزيز صد عنها:روحي هنا كل اللي صار منك
شذى راحت لبيتهم وهي تبكي...
عبدالله جاء ركض وهو خايف:وش فيها اميره وشافها تبكي وحالتها ابد مو طبيعيه...
عبدالله تقدم لها وضمها:اميره وحطها بحضنه
اميره تحاول تفك يدها منه بس ماقدرت...
عبدالله مسك يدها اليمنى وضغط عليها:اميره ياقلبي وش فيك
اميره هدأت شوي واكتفت بدموع تنزل من عيونها على خدها....
عبدالله انتبه لبرودة يدها:اميره
اميره اكتفت بنظرات غريبه له...
عبدالله بخوف:عزيز عطني العلاج
عزيز مد العلاج لعبدالله وعبدالله مده لأميره
اميره اكلت الحبه وشربت ماء ورجعت لحضن عبدالله....
عزيز جلس:انا لله وانا اليه راجعون
عبدالله:وش صار
عزيز:ماأدري بس كنت داخل وشفت شذى تضربها
اميره غمضت عيونها ونامت....
عبدالله:ايوه عشان كذا اكيد مذكرها بشي وشذى ليش تضربها وهي تدري ان بعد خطفها تجيها حالة رعب وخوف من الضرب والمواقف اللي تذكرها بعيسى حسبي الله عليه
عزيز:ماأدري
عبدالله انتبه لأميره وانها نامت:عزيز بوديها الغرفه
عزيز:اوكي رح والله يعين
عبدالله شال اميره وراح فيها فوق ودخل الغرفه وحطها ع السرير ولحفها وطلع....
,,,،،،,,,،،،,,,،،،,,,،،،,,,،،،,,,،،،,,,،،،,,,،،،,, ,،،،,,,،،،,,,
الساعه 10 م..... شذى بالغرفه ومحتاره ودها تروح لأميره بس خايفه من ردة فعلها وندمانه على اللي سوت ...فتحت الباب وطلعت وانتبهت لأبوها جالس بالصاله وسرحان....
شذى تقدمت منه:السلام عليكم
ابو زياد ببرود مصطنع:وعليكم السلام
شذى باست رأسه....
ابو زياد:ليش ماداومتي اليوم
شذى بكذب:تعبانه
ابو زياد بحده:مو عاد تهملين دراستك وتكثرين غياب
شذى:ان شاء الله
ابو زياد وقف:انا طالع
شذى وقفت:يبــــــه
ابو زياد عارف وش بتقول وطنشها وراح....
شذى تنهدت:الله يعين انا لازم اروح اشوف اميره ,,,وراحت لبيت عمها
اميره صحت من النوم وهي شبعانه نوم وتحس التعب راح بعد مانامت,,,اخذت منشفتها ودخلت الحمام وبعد ربع ساعه طلعت وانتبهت لشذى جالسه ع السرير,,,
شذى وقفت:امــــــــــــيره وضمتها:انا اسفه
اميره ابتسمت:عادي ماصار شي
شذى بدموع:والله غصب ماكنت اقصد
اميره تجفف شعرها:انسي كل اللي صار
شذى مسحت دموعها:طيب تعالي معي البيت
اميره:انتظري بلبس وانتي روحي وانا اذا خلصت اجي
شذى:اوكي انتظرك
؛؛؛,,,؛؛؛,,,؛؛؛,,,؛؛؛,,,؛؛؛,,,؛؛؛,,,؛؛؛,,,؛؛؛,,,؛؛ ؛,,,؛؛؛,,,؛؛؛
خالد واهله لهم نصف ساعه واصلين القصيم...
خالد بطفش:اووووف هذا ليش مايرد
فارس:وانت وش فيك كل شوي تأفف
خالد بعصبيه:مــــــو وقتك انت ودق على عبدالله مره ثانيه بس مايرد
وليد:خالد هد من عصبيتك شوي وروق
خالد ناظر لوليد:عاد جاء الثاني
فارس:هههههههههه بروح الحين ينتظرونا ابوي وعمي
خالد:انا بنام تعبان من السفر
وليد وقف:وانا بروح بعد
خالد:بسلامتكم
فارس+وليد:ههههههههههههههههههههههههههه
خالد انسدح على الكنب وارسل مسج لعبدالله وسرح يفكر"انا ليش قلت لأبوي يخطب لي مشاعل والله ماتستاهل اظلمها معي بس غصب شذى حطمت كل شي فيني" ,,,,وبعد ربع ساعه دق جواله,,,
خالد:واخيرا مابغى ورد:الحمدالله ع السلامه وينك
عبدالله:كنت مشغول شوي وصلتم
خالد:ايوه وانت متى بتجي
عبدالله:بكره ان شاء الله الصبح
خالد:اميره بتجي
عبدالله:لا ماأتوقع
خالد:كيفها
عبدالله:تمام ومو تمام ماأدري وش اقولك عندها رعب من الضرب
خالد:هههه استغفرالله
عبدالله:شذى رفعت ضغطي المغرب
خالد سمع اسم شذى وبسرعه:شــــــذى وش فيها
عبدالله:هههههههه مو لازم تعرف ملكتك بكره
خالد بطفش:عبود عاد وش فيها
عبدالله بمزح:شكلها استخفت انك بتملك وضربت اميره
خالد:ههههههههههههه وعشان كذا اميره المجنونه قومت الدنيا
عبدالله:خويلد حدك لاتقول مجنونه
خالد:اممم وشذى ليش ضربتها يعني تحبني
عبدالله:لا يابابا لو كانت تحبك ماملكت على باسل انساها وفكر بمشاعل اللي مالها ذنب خالد تنهد:اقول وش رأيك تسكر بنام
عبدالله:طيب بس نام زين وانتبه تبين شي بكره
خالد:مع السلامه
عبدالله:مع السلامه
//@@//@@//@@//@@//@@//@//
شذى جهزت كل شي بالصاله من اكل ومايلزم الجلسه...وتنتظر اميره,,بعد عشر دقايق جت اميره لابسه بنطلون اسود سكيني وبلوزه ابيض ورابطه شعرها اللي لأكتفها بعد ماحرقه عيسى...
اميره دخلت وبطفش من التجبيره:السلام عليكم
شذى ابتسمت:وعليكم السلام
اميره جلست:اوووف طفشت وانا امشط شعري
شذى:شعرك يبي له قص من تحت عشان يتساوى
اميره:بقصه تدريج واصبغه بني
شذى:ومتى
اميره:امممم الاسبوع الجاي حتى اغير بشكلي
شذى:بس صعبه ويدك كذا خليه بعد اسبوعين
اميره:اوكي بعد اسبوعين بعد اسبوعين
عبدالله:عزيز وش رأيك نروح الساعه1 للقصيم
عزيز:اممم بس اجواء الشتاء ماتساعد على السفر بالليل
عبدالله:عادي احسن من بكره وعشان مانتأخر
عزيز:اوكي
عبدالله تنهد:اميره ماأدري صحت من النوم او لا
عزيز:دق شف لعلى وعسى تصير قايمه وتنقذني من الجوع
عبدالله:ومصدق نفسك اميره بتطبخ لك لا يابابا اميره الى الان يدها وقطع عليه صوت جواله,,,
عبدالله باستغراب:ابوي وبالوقت هذا
عزيز:رد يمكن احد فيه شي
عبدالله رد:هلا
ابو عبدالله:السلام عليكم
عبدالله:وعليكم السلام
ابو عبدالله:اخبارك
عبدالله:الحمدالله بخير
ابو عبدالله:اكيد بتجي لملكة خالد
عبدالله:اكيد ليه فيه شي
ابو عبدالله:لا ابد سلامتك بس زوجتك بتجي معك
عبدالله باستغراب اكثر:لاااا
ابو عبدالله:حلو
عبدالله:نعم
ابو عبدالله:لا ولاشي بس اسألك ياللا مع السلامه
عبدالله:مع السلامه
عزيز:خير فيه شي
عبدالله بسرحان:لا بس يسألني اميره بتجي او لا
عزيز بعفويه غصب طلعت:ومن حبه لأميره يوم يسأل وانتبه للي قال وتفشل,,,
عبدالله ابتسم:عادي
عزيز بفشله:عبدالله ماأقصد عفويه طلعت
عبدالله:ماصار الا الخير
@,,,,,@,,,,,@,,,,,@,,,,,@,,,,@,,,,,@,,,@,,,@
سلطان طفش من ليان ينتظرها بيسولف معها وليان مشغوله ببنتها,,,
سلطان:ليان
ليان تعانده تدري انه طفشان ومعصب وبضحكه:سلطان ماني فاضيه لك برضع تولين
سلطان بعصبيه:اووووف من هالتولين عطيني وجه
ليان:ههههههههههههههه والله عاد بنتي احذفها بالشارع
سلطان بقهر:ياليت يكون احسن
ليان بشهقه:لااااا
سلطان تقدم من ليان وهو مقهور ومد يده:عطيني بنتك
ليان مدتها له:وين بتوديها
سلطان اخذها:الحين تعرفين وطلع جواله ودق على فيصل وبعد ثلاث رنات رد فيصل,,,
سلطان:فيصل
فيصل:نعم
سلطان:تعال خذ تولين
فيصل بفرح:طيب الحين بس جهز رضعتها معها
سلطان:كل شي جاهز بس تعال
ليان:سلطان
سلطان لف لها:نعم
ليان:تولين تبكي وفشله تزعج فيصل
سلطان:لا ابد فيصل يعرف يتصرف مع البزارين
ليان:بس انا.....
قاطعها سلطان:ليان لاتخليني اعصب
:ســــــلطان وين تولين
سلطان ماحسب على الله يشوف فيصل:خذها وياليت تخليها عندك لبكره
فيصل اخذ تولين:بصير مربي ياحسرت شبابي بس
ليان:انتبه لها فيصل
فيصل يعدل البطانيه على تولين:لا تخافين بنتك بالحفظ والصون
سلطان:عاد فيصل ولقى احد يسولف معه والله مايطلع
فيصل:مع السلامه ,,,وطلع وراح لبيتهم
بعد ماطلع فيصل تنهد سلطان:واخيرا فضى لنا الجو
ليان:ههههههههههههههههههههههههههه وش عندك
سلطان تقدم منها وحط يده على كتفها:اممم مفاجأه
ليان ابتسمت:وايش المفاجأه
سلطان مسك يدها:قومي والبسي عباتك
ليان باستغراب:عباتي ليش
سلطان باس خدها:البسيها وتعرفين
ليان راحت فوق ولبست عباتها ونزلت...
سلطان:ياللا بنروح
ليان تحمست:سلطان عاد وين
سلطان ابتسم:ليلو ليش فضوليه انتظري وتعرفين
؛؛؛,,,,؛؛؛,,,,؛؛؛؛,,,,؛؛؛,,,,؛؛؛,,,,؛؛؛,,,,؛؛؛,,,؛ ؛؛,,,,؛؛؛,,,؛؛
عبدالله وعزيز الى الان بالصاله,,,اميره جت تمشي واشرت لعزيز يسكت وتقدمت من عبدالله وغطت عيونه بيدها...
عبدالله لمس يدها:امورتي صح
اميره باست خده:كيف عرفت
عزيز:اكيد بيعرف مافيه احد بالبيت بيد وحده الا انتي
عبدالله سحبها جنبه وحط يده وراء ظهرها:اصلآ اعرف اميرتي وباس خدها
عزيز حط يده على عيونه:عيــــــب استحوا
عبدالله بيعانده حط اميره بحضنه:عــــاجبك والا قم
اميره:ههههههههههههههه وش فيك كشرت
عزيز:قرف ووقف:خلو رومنسياتكم بالغرفه
عبدالله+اميره:ههههههههههههههههههههههههه
عزيز:الحمدالله والشكر اروح اجهز شنطتي احسن
اميره:وين بتروح
عزيز:القصيم انا وبعلك
اميره بشهقه:عبودي بيروح
عزيز يقلد صوتها:ايه عبودي بيروح
عبدالله لأميره:بروح عشان خالد
اميره:اهــ ودي اروح بس الضروف
عبدالله:مره ثانيه ان شاء الله
/؛؛/؛؛/؛؛/؛؛/؛؛/؛؛/؛؛/؛؛/؛؛/؛؛/؛؛/؛؛/؛؛/؛؛/؛؛/
فيصل بالصاله ويلاعب تولين,,,مشاعل نازله وانتبهت لتولين وجت ركض:تولين هنا
فيصل:ايوه وباس خد تولين:ياناس تسحر فديتها
مشاعل اخذتها وباستها:عسل لبى روحها
فيصل:العسل هذي سلطان وليان متكاثرين وجودها
مشاعل:هههههههههههههه سلطان يمكن بس ليان مستحيل
فيصل:كلهم بالهواء سواء
مشاعل جلست وبحضنها تولين:متى بيأخذونها
فيصل:ماأدري بس قال لاتجيبها الا بكره
مشاعل:هههههههههههههههه وانت بتجلس عشانها اتركها عندي ورح للشباب
فيصل:بروح بس انتظري مامليت منها
مشاعل مسكت يد تولين:وهذي احد يمل منها
@؛؛@؛؛@؛؛@؛؛@؛؛@؛؛@؛؛@؛؛@؛؛@؛؛@
سلطان وليان وصلوا الفندق اللي حاجز فيه سلطان غرفه ومجهزها بأحسن مايكون من شموع وورود وما الى ذلك.....فتح الباب ودخلت ليان وانبهرت بشكل الغرفه,,,
سلطان:وش رأيك
ليان ضمت سلطان:خيااااال ماأدري ايش اقول صراحه تسلم
سلطان باس ليان:اهم شي تعجبك ونسهر احسن سهره
ليان:امممم وتولين
سلطان كشر:ياالهي من تولين ترى بديت اغار منها خلينا نأخذ راحتنا
ليان:بس انا ماني مرتاحه خايفه عليها
سلطان:لاتخافين ادق على مشاعل واقولها تخليها تنام عندها والليله بنغير جو عن البيت ومانبي نرجع الا بكره الظهر
ليان ابتسمت:اوكي بس.....
قاطعها سلطان:لاتقولين تولين او ملكة مشاعل فيه وقت بكره
ليان بنعومه:ههههههههههههههههههه
سلطان وقف:ليلو قربي
ليان وقفت وقربت من سلطان....
سلطان لبسها سلاسل الماس وباس خدها:هاذي هدية ولادتك متأخره بس ولدتي بضروف صعبه
ليان ضمت سلطان:الله لايحرمني منك
سلطان همس بأذنها:ولا منك محلوه بكثير بعد ماجبتي بنتك
ليان استحت منه....
سلطان مسك يدها:تعالي نتعشى
ليان راحت معه وقعدوا يتعشون......>>ونطلع عنهم ونتركهم بسهرتهم والله يتمم عليهم,,,,
@@@,,,,,,@@@,,,,,@@@,,,,,@@@,,,,
تخيلت الغياب إللے يجے فے يوم للأحباب?•?
لقيت الوصف يتعبنے وطعناتہ آعانيہا???
لمست الود فے قلبگ ولا تسأل عن الأسباب?•?
غلاگ بداخلے اگبر من الدنيا
وما فيہا???
,,,,,@@,,,,,@@,,,,,,
الساعه 5 م.....خالد الى الان منسدح بفراشه ولا له نفس لأي شي ويتمنى الوقت يتأخر وينقلب كل شي وتصير شذى بدل مشاعل بس الظروف والقدر اقوى من كل شي,,,,جلس وانتبه للباب يفتح,,,
خالد عرف انه عبدالله وانسدح وسوى نفسه نايم....
عبدالله دخل:خـــــــالـــــــد
خالد:............
عبدالله جلس على طرف السرير:خويلد مو وقتك نايم
خالد ماقدر يمسك نفسه وانفجر ضحك:ههه هههههههههههههههههههههههههههههههههههههههه
عبدالله:دب ليش تسوي نفسك نايم
خالد جلس وبعد البطانيه بيقوم:كذا
عبدالله:ترى مافيه وقت لازم تكشخ
خالد مد يديه لفوق:اممم مو لازم
عبدالله:غصب عنك وتحدد لحيتك وتعدل وجهك اللي تقول ملعب نص فيه شعر والنص الثاني مافيه
خالد:ههههههههه ملعب مره وحده
عبدالله:بسرعه ادخل الحمام وتسبح عشان نروح الحلاق
خالد بغرور:مو لازم اروح انا حلو
عبدالله:لاتغتر علينا حلو بس مخرب شكلك واضح انك من زمان ماحلقت
خالد اخذ منشفته ودخل الحمام....وعبدالله دق على اميره,,,
اميره ردت وبنعومه:اهلين بالغلا كله
عبدالله:كيفك حبي
اميره:اممم مو تمااام
عبدالله بخوف:ليش فيك شي ياروحي
اميره بدلع:لا بس انت بعيد عني
عبدالله انسدح ع السرير وبهيام:بكره وراجع لك ياروحي
اميره:اشتقت لك حيييل
عبدالله:وانا اكثر كيف يدك اليوم
اميره:تمااام متى الملكه
عبدالله:بعد المغرب
اميره:اهـــ طيب وينك الحين
عبدالله:بغرفة خويلد انتظره
اميره:ههههههه طيب اكلت شي اليوم
عبدالله:ايوه وكثرت بعد
اميره:عليك بالعافيه بس انتبه لصحتك
:تـــــــراي خرجت>>قالها خالد وهو يمسح شعره بالمنشفه
عبدالله:اميرتي بنروح الحلاق تبين شي
اميره:لا بس انتبه للطريق ولاتسرع
عبدالله:ان شاء الله ,,,باي
اميره:بايات
عبدالله:ياللا خالد مانبي نتأخر
خالد:القصيم عادي مو زحمه مثل الرياض
معنا وقت
,,,,,,,,//,,,,,,,,,//,,,,,,,,,,,//,,,,,,,,,//,,,,,,,,,//,,,,,
مشاعل مسحت دموعها وناظرت للأساور اللي من عامر لأخر مره وسكرت الكبت...ووقفت وتنهدت بحزن:بطلع قبل يجي احد ويشك فيني اني ابكي
طق الباب....
مشاعل:تفضل
ليان دخلت:مساء الورد
مشاعل بابتسامه غصب:اهلييين
ليان:ياللا مانبي نتأخر ع المشغل سلطان ينتظرنا بالسياره
مشاعل:اوكي بلبس عباتي واجي
ليان:ياللا انا رايحه تجين بالسياره وطلعت...
@؛؛@؛؛؛@؛؛؛@؛؛؛@؛؛؛@؛؛؛@؛؛؛@؛؛؛@؛؛@
عامر بسيارته جاي بعد مالف شوارع القصيم كلها وموقف وسرحان....شاف خالد وعبدالله طالعين وخالد يضحك...ضرب يده بالسكان بقهر....
خالد وعبدالله انتبهوا له....
خالد قرب من سيارة عامر وبابتسامه:اهلين ابو الشباب اخبارك
عامر ناظر له وطنشه....
خالد باستغراب:عامر فيه شي
عامر بدون نفس:لا مافيه شي
عبدالله بشك:كيف مافيك شي وانت.....
قاطعه عامر بعصبيه:ايه مافيه شي غصب يصير فيه شي ونزل وسكر الباب بقوه:اووف
خالد هز كتفه:وش فيه
عبدالله:ماأدري
خالد فتح باب سيارته:ياللا مانبي نتأخر وركب,,,
عبدالله ركب:الله يعين ابوي يقول تجي بعد المغرب ماأدري وش عنده
خالد شغل السياره:الله يعينا يتحكمون فينا غصب
@//@//@//@//@//@//@//@//@//
شذى طلعت من الحمام>>اكرمكم الله>>وجففت شعرها...ولبست بنطلون اسود وتي شرت احمر وطلعت الاستشوار بتستشور شعرها ودق جوالها....
شذى ناظرت وردت بدون نفس:خيييير
باسل:الخير بوجهك بس انا عند الباب افتحي
شذى بعصبيه:بـــــــاســـــــل وش جايبك بعدين ابوي هنا
باسل ببرود:واذا هنا مو انا زوجك
شذى بصراخ:انت ماتفهم ابوي هنا بتزيد المشاكل بعد
باسل بعصبيه:قلت افتحي الباب افتحي
شذى هدأت نفسها:باسل انت ليش ماتفهمني اقولك ابوي هنا وماأبيه يعصب علي
باسل بحده:شذى افتحي الباب احسن لك
شذى سكرت بوجهه وهي مقهوره....
باسل ضرب رجله بالارض:الحيوانه قفلت بوجهي وانتبه لأميره جايه لبيت عمها,,,
باسل"لبى روحها هاذي اموره"وبابتسامه:مساء الخير اميره
اميره:مساء النور اخبارك
باسل:تمام واخبارك انتي
اميره:الحمدالله بخير ليش واقف هنا
باسل:انتظر شذى تفتح لي بس شكلها مو فاتحه
اميره بجد:باسل اكيد عمي هنا وانت تعرف عمي من بعد ماعطيته الكاميرا وهو زعلان من شذى
باسل يصرف:بتدخلين انتي
شذى فتحت الباب وانتبهت لأميره عند باسل...
اميره:شذى فتحتي
شذى باستهزاء:لايكون جاي يشتكي لك
باسل:لا ياحلوه ماشكيت لها بس حضرتك تتمسخرين
شذى:اميره ياليت تدخلين ناقصين مشاكل بعد
اميره:اوكي بروح لغرفتك ودخلت,,,
شذى تنهدت:وانت شكلك ماتفهم
باسل طنشها وقرب منها وباس خدها بقوه:ليش معصبه
شذى مسحت خدها وبقرف:وعععع اكرهك
باسل انقهر منها وباسها بأقوى من الاولى مع خدها الثاني:غصب بخليك تحبيني وتنسين الوسخ خالد
شذى بعصبيه:الوسخ انت واشكالك
باسل يصفق:احلى احلى لاتنسين ان ملكته بعد المغرب وقرب من أذنها وهمس:يعني بينساك ويحب خطيبته وانتي فعل ماضي وانتهى
شذى سرحت"يعني خالد خلاص بينساني ويحب مشاعل"ودمعت عيونها....
باسل مسح دموعها:لا لا ونذرف الدمع بعد وشالها وهي تبكي وجلس على احد الكراسي وحطها بحضنه:ليش ياروحي تبكين لاتخافين انا بنسيك خالد وطوايفه بعد
شذى زادت شهقاتها,,,
باسل يلمس وجهها:شذى
شذى قامت عنه وبعصبيه ودموعها تنزل:انقلـــــــع اذلـــــــف اكرهــــــــــــــك وبتدخل وانتبهت لأبوها واقف عند الباب ويناظر لهم بسخريه,,,,
شذى بصدمه:يـــــــبـــــــه
باسل وقف,,,,
ابو تركي بعصبيه:وانـــــــت ماقلت لك لاأشوف وجهك
باسل:والله عاد زوجتي ولي الحق اني ازورها بأي وقت
ابو تركي بقهر:الحـــــــين تذلف باللي مايردك وياويلك اذا شفتك عند باب بيتي انت وفعايلك السوداء
شذى دخلت البيت وراحت ركض لغرفتها وهي تشاهق,,, فتحت الباب ودخلت وسكرت الباب ورمت نفسها عنده وانفجرت بكي,,,
اميره اللي تنتظرها بالغرفه خافت يوم شافت حالتها:شـــــــذى وش فيك
شذى بصياح:اكـــــــرهــــــه اكرهه ليش يتزوجني ليش
اميره ضمتها:شذى هدي نفسك
شذى بشهقات:اصلآ هو مايحبني يحبك بس نذل اناني
اميره:طيب هدي نفسك
شذى مسحت دموعها:محتاجه اجلس بروحي شوي
اميره:براحتك انا بروح البيت واذا احتجتي شي قولي لي
شذى مسحت دموعه:اوكي
اميره طلعت وسكرت الباب,,,,شذى قامت وانسدحت على السرير وسرحت وكلام باسل يتردد بأذنها...
خالد ملكته بعد المغرب وبيحب خطيبته وينساك ضربت يدها بقهر على السرير واخذت جوالها:انا لازم اكلم خالد واللي بيصير يصير ودقت رقم خالد بيدين مرتجفه....بعد ثلاث رنات جاها صوت خالد...
خالد:نعم
شذى اكتفت بأنفاس سريعه وقلبها يدق بقوه...
خالد:شذى بغيتي شي
شذى بشهقات:خـــــــالـــــــد لا تملك الله يخليك وبكت...
خالد بحنيه:شذى لاتبكين خليني اعرف وش تبين
شذى بحزن:لاتحـــــــبها الله يخليك ولا تمسك يدها ولا تقرب منها وانفجرت بكي...
خالد تنهد:شذى هدي نفسك
شذى بشهقات:انـــــــا احـــــــبك والله اني احبك بس انت....
قاطعها خالد بعصبيه:شـــــــذى انتي بعتيني وملكتي على باسل وتركتيني والحين جايه تحاسبيني
شذى بصياح:خالد والله غصب عني بتعذرني اذا عرفت
خالد باستهزاء:وانتي ليش ماعذرتيني قبل تفسخين الخطبه
شذى بغصه:والله ندمانه صدقني ندمانه
خالد من وراء قلبه:شذى ملكتي بعد شوي وياليت ماتعطليني
شذى بصياح:خـــــــالـــــــد الله يوفقك ومع السلامه وسكرت قبل تسمع رده....
خالد يناظر للجوال:طيب دامها تحبني ليش وافقت على باسل
:خـــــــالـــــــد ياللا بنروح المسجد
خالد وقف وتنهد:متى أذن
عبدالله:له خمس دقايق
خالد:رحت لعمي
عبدالله:لا بعد المغرب
شذى انفجرت بكي وهي تضرب يدها بالسرير"احبه والله احبه واكره باسل هو سبب كل شي",,,ووقفت وطاحت على الارض مغمي عليها,,,,
/,,,/,,,/,,,/,,,/,,,/,,,/,,,/,,,/,,,/,,,/,,,/,,,/,,,/,,/
بعد المغرب,,,وصل الملاك والكل مجتمع بالمجلس...ملك الملاك لخالد وبدأت التبريكات تنهال عليه بالمجلس وطبعا الملكه عائليه...عامر ماسك نفسه عشان ماأحد يشك فيه وقام وبرود يبارك لخالد:مبروووك
خالد مستغرب من تغير عامر المفاجئ:الله يبارك فيك
عامر ماقدر يتحمل وطلع وركب سيارته وراح......
مشاعل عليها فستان سكري قصير لحد الساق وعاري ومن عند صدرها ضيق ونازل منه مجموعة اكسسوارات لتحت صدرها بشوي وماسك على جسمها...وصندل ملفوف ع الساق بلون سكري وعالي شوي....وتاركه شعرها مفتوح وفيه اكسسوار ونازله خصله...وميك اب ناعم وهادي مبين ملامح وجهها الجميل...
ليان بانبهار:وااااو والله لاغير يجن خالد الليله
مشاعل ابتسمت بحزن....
ليان بشك:مشاعل فيه شي
مشاعل بارتباك:لا مافيه شي بس متوتره شوي
دخلن مها وخلود وريم وأسماء يزغردن....
ريم باست مشاعل:مبرووووك
مشاعل:الله يبارك فيك
مها باست مشاعل:خالد بيطيح ومأحد مسمي عليه الليله
خلود:ميشو بجد اليوم غير خياااال
مشاعل:تسلمين من ذوقك
:مـــــــيشـــــــو
البنات تغطن وفيصل دخل:لا لا انتي مشاعل والا انا غلطان
مشاعل بتوتر:فيصل
فيصل باس خدها:على البركه
مشاعل:الله يبارك فيك
فيصل:ياللا ياحلو خالد بالمجلس
مشاعل بخوف:لا فيصل
فيصل سحبها مع يدها:اقول تعالي بس بتحرمين خالد هالكشخه
مشاعل بعصبيه:فيصل ماأبي ماأبي
فيصل:مشاعل ابوي مرسلني بعدين ليش ماتبين خالد يلبسك الشبكه
مشاعل برجفه:لا بعدين مو لازم
فيصل:ياللا بس بلا دلع خليه يلبسك عشان اروح اكل
مشاعل:وانت ماأهمك الا بطنك
فيصل يسحبها:ياللا بس بتحرمين خالد هالزين
مشاعل رجفت اكثر وبقلبها:"يارب يكون حلم يارب اااه والله ماأبي خالد"
فيصل بيخوفها اكثر:ترى ابوي واعمامي بالمجلس
مشاعل وقفت:نعـــــــم وش قلت لا مستحيل ادخل ولبسي كذا عند اعمامي
فيصل:هههههههههههههههههه وخالد يعني عادي هاه
مشاعل بتكلم بس شافت سلطان جاي يمشي ويبتسم.....
فيصل بكذب:سلطان الحـــــــق اختك الخبله تقول ......
قاطعه سلطان قبل يكمل:رح للرجال بس وخل عنك الكذب
مشاعل:ههههههههههههههههه حلوه الكسحه
سلطان باسها:مبرووووك
مشاعل بغصه:الله يبارك فيك
سلطان مسك يدها:تعالي معي خالد ينتظرك
خالد جالس بالمجلس وعلى نار يبي بس يلبس مشاعل الشبكه ويفتك"اوووف هاذي وين ذلفت"وتذكر كلام شذى....
خـــــــالـــــــد انا احبـــــــك
لو تدري ليش وافقت بتعذرني الله يخليك
لاتحبها لاتمســـــــكـــــــها لاتقرب منها
لاتحبها لاتمســـــــكـــــــها لاتقرب منها
لاتحبها لاتمســـــــكــــــها لاتقرب منها
تنهد وانتبه لسلطان يدخل ومعه مشاعل اللي منزله رأسها....
سلطان:السلام عليكم
خالد:وعليكم السلام
سلطان:هذي زوجتك....وطلع
مشاعل جلست وهي منزله رأسها وماسكه نفسها ماتبكي....
خالد"هذي ليش ماترفع رأسها اوووف وش اقول ايه صح":اخبارك مشاعل
مشاعل بهمس:بخير واخبارك انت
خالد ببرود:ليش مبعده ماني بأكلك
مشاعل رفعت رأسها وخالد جمـــــــد بمكـــــــانـــــــه وطارت عيونه ومو مصدق لالالا هاذي بشر والا ملاك ماتوقعها كذا وبلع ريقه....
مشاعل تناظر بخالد اللي سرحان فيها واول مره تشوفه كذا شكله غييييير رزه ومحليه اكثر خشمه سلة سيف وعيونه ورموشه الكثيفه وغير كذا سكسوكته اللي مخليته انسان ثاني
مشاعل بنفسها"لا اااا لا هذا مو خالد معقوله خطيبي زين كذا لا ياربي جنان شكله"
خالد انتبه لنفسه وتكلم:اتمنى اني اسعدك بقدر ........
قاطعته مشاعل اللي غصب انفجرت ضحك:هههههههههههههههههههههههههههههههههههههه
خالد استغرب وانصدم منها"هذي وش فيها لايكون جنت":وش فيه
مشاعل صابتها حاله هستيريه من الضحك خلت خالد غصب ينفجر ضحك معها:هههههه هههههههههههههههههههههههههههههههههههههه
:الحمـــــــدالله والشكر وش فيكم>>قالتها مها وهي داخله ومعها الشبكه
مشاعل حست على روحها وسكتت وهي منفشله.....
خالد سكت بعد وببرود لمها:نزلي الشبكه واطلعي
مها نزلتها:الحمدالله وناظرت لمشاعل وغمزت لها وطلعت.....
خالد تذكر كلام شذى واخذ الخاتم ونزله على الطاوله وبرود يقتل:البسيـــــــه
مشاعل سوت نفس حركته ونزلت دبلته ع الطاوله وسكتت......
خالد ابتسم بسخريه:مبروووك عليك انا
مشاعل انقهرت من غروره وحركته وبعصبيه غصب:ومن زيـــــــنـــــــك انت
خالد بغرور:غصب عنك زين ههههه ووقف وباسها مع خدها غصب عنه جذبه شكلها ولبس الخاتم وطلع.........
مشاعل ضربت يدها بالطاوله ولبست الخاتم قبل احد يجي:هذا اللي ناقص عاد وسكتت لان البنات دخلن وهن متحمسات بيسألنها ويزغردن:قولولييييش قوليييييش قولييييييش
ليان باست مشاعل:مبروووووك
مشاعل ودها تبكي بس ماتبي تخرب فرحت البنات ومسكت نفسها...
مها بخبث:ميشو وش كان يضحكم هاه اعترفي
البنات:صح وش كان يضحك انتي وخالد مها فضحتكم ههههههههههههه
مشاعل استحت:بناااات يافشلتي والله صابني شي وغصب ضحكت والله غصب عني وخالد شكله انتقدني وضحك
البنات:ههههههههههههههههههههههههههههههههه
خالد دخل المجلس وسلم وجلس.....
عبدالله:بشر كيفك
خالد ببرود:امممم عادي وتذكر شكل مشاعل وسرح,,,,
فيصل انتبه لخالد:ههههههههههههههه وش فيك سرحان اختي طيحت قلبك احم احم
كمل عمار:لا الرجال شكله هيمان
كمل فارس:ياهو وين
خالد بعصبيه:وجـــــــع وش فيكم
عبدالله قرص خالد بخفيف مع فخذه:تكفى لاتعصب تجيب العيد
فيصل صرخ:صـــــــح خالد جاء ياللا تعالو نأكل
الشباب:هههههههههههههههههههههههههههههه
فارس وقف:ياللا خالد الشيبان وافتكينا منهم
خالد وقف وبغرور:احم احم وناظر للقاتوه الكبيره:بسم الله وين السكين
فيصل باستهبال:لا والله رحنا فيه خالد انت ناعم خلني انا اقصها
خالد قص الكيكه وباستهبال:بسم الله وعلى بركة الله ههههههههههههههههه
الشباب صفقوا له.....
عبدالله:هههههه خالد خخخخ مو لايق
خالد:وجععع انتم وش فيكم علي اليوم
فيصل:اقول ابأكل بس
خالد قص كيكه كبيره وحطها بالصحن ومدها لفيصل:خـــــــذ سد فمك
الشباب:هههههههههههههههههههههههههههههه
وبدأو يأكلون ويستهبلون......
؛؛؛؛,,,,؛؛؛؛,,,,,؛؛؛؛,,,,؛؛؛؛,,,,.؛؛؛,,,,؛؛؛,,,,؛؛ ؛,,,؛؛؛,,,,؛؛؛
بعد ساعه...اميره راحت بتشوف شذى وتطمن عليها...دخلت بيتهم وواجهها تركي...
تركي:هلآ وغلآ بالزين كله هههههه
اميره:ههههه مساء الورد
تركي:اهلين مساء الوردات
اميره:ههههه وين شذى بغرفتها
تركي:شكلها بالغرفه بنروح لها
اميره:ياللا
تركي راح قبل اميره وفتح الباب واميره وراه....
تركي:شـــــــذ.......وانصدم يوم شافها طايحه وبصراخ:شــــــــــــــذى
اميره دخلت وبخوف:تركي وش.....وسكتت لانها شافت شذى طايحه.....
تركي بخوف وهو يضرب وجه شذى بخفيف:شذى شذى وبصراخ:شـــــــذى شذى قومي
اميره بدموع:انادي عمي
تركي بدموع:ايوه بسرعه وبصراخ:شـــــــذى ولمس وجهها مولع نار وبخوف اكثر وهو يصارخ:يبــــــــــــــه يمـــــــه
اميره بدموع وهي تصارخ:عـــــــم عمـــــه
ام تركي طلعت بخوف من الغرفه:خيـــــــر وش فيه
اميره بصياح: شذى ماأدري وش فيها
ابو تركي جاي وسمع اسم شذى وبخوف:وش فيه وراح ركض لغرفة شذى......
تركي يبكي:شذى الله يخليك قومي وش فيك شذى
ابو تركي دخل وبخوف:وش فيها
ام تركي بدموع:بنتـــــــي وش فيها
ابو تركي بسرعه:تركي رح جهز السياره بسرعه
تركي راح ركض يجهز السياره.....
ابو تركي بدموع:بنتي وش فيك
ام تركي بصياح:ياحسرتي عليك يابنتي
ابو تركي شال شذى وراح فيها للمستشفى......
اميره تقدمت لأم تركي:عمه لاتخافين ان شاء الله بخير
ام تركي مسحت دموعها:الله يقومها بالسلامه
اميره:امييييين وتقوم بالسلامه
؛؛؛؛,,,,؛؛؛؛,,,,؛؛؛؛,,,,؛؛؛؛,,,,؛؛؛؛,,,,,؛؛؛؛,,,,؛ ؛؛,,,,؛؛؛,,,
الشباب بعد ماكلوا جلسوا يسولفون.....
خالد:صح عامر وينه
عبدالله وكأنه شاك بشي:ايوه وينه
فيصل يصرف:عنده شغل ضروري
خالد:اهـــ
عمار:والشغل مايتأجل
فيصل:اسأله عاد لاتسألني
عبدالله وقف:شباب ياللا مانبي نتأخر ع الصلاه
فيصل يناظر بالساعه:ياللا مابقى على الاقامه الا خمس دقايق
الشباب قاموا وراحوا يصلون صلاة العشاء....
؛؛؛,,,؛؛؛,,,؛؛؛,,,؛؛؛,,,؛؛؛,,,؛؛؛,,,؛؛؛,,,؛؛؛,,,؛؛ ؛,,,؛؛؛,,,؛؛؛
بالمستشفى....ابو تركي تطمن على شذى وصحت من الاغماء ....
ابو تركي:دكتور بشر
الدكتور:نازل ضغطها وعندها انهيار عصبي ياليت تبتعد عن اي مؤثر
ابو تركي بهمس:انهيار عصبي
الدكتور:ايوه وياليت تجلس عندنا ثلاث ايام ع الاقل
ابو تركي بنفسه:"الله يقومها بالسلامه كله مني تكلمني واطنشها اكيد بتنهار الله يعين" ودخل على شذى وشافها سرحانه وتناظر فوق وابرة المغذي بيدها...
ابو تركي باس رأسها:الحمدالله ع السلامه
شذى بتعب:الله يسلمك
دخل تركي وبصراخ:شـــــــذاوي كيفك
ابو تركي بعصبيه:قصر صوتك
تركي باس شذى:خوفتيني يادبه
شذى ابتسمت مع ان مالها نفس بس تركي خلاها غصب تبتسم....
ابو تركي بابتسامه:تركي رح جب امك عشان تطمن على شذى
شذى:لا انا بطلع البيت
ابو تركي:لا لازم تجلسين بالمستشفى يومين او ثلاث ع الاقل
تركي طلع يجيب امه وابو تركي سرح يفكر بشذى.....وشذى سرحت تفكر بخالد وملكته,,,
//@//@//@//@//@//@//@//@//
الساعه 9 م.....عامر رجع وهو ضايق واللي يشوفه يقوله له سنين مانام وفوق رأسه هموم الدنيا كلها.....دخل بيتهم بدون احد يشوفه وراح لغرفته.... فتح الغرفه واخذ نفس وتنهد بقوه وسكر الباب....وفتح ازارير ثوبه ونزل ثوبه ورماه ع الارض وفسخ فنيلته واخذ منشفته ودخل الحمام ودخل تحت الدش وتسبح بماء بارد بينسى كل شي....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,
عبدالله:عمار عامر رجع
فيصل يصرف:ايوه جاء وبينام تعبان من الشغل
عبدالله:اهـــ ودق جواله.....
فيصل قط وجه وناظر وبلقافه:امورتي مالت
عبدالله ضربه مع رأسه:لقافه بسم الله
فيصل بترجي:تكفى برد
عبدالله دفه:هنا بس هذا اللي ناقص عاد ووقف:اطلع احسن
فيصل يقلد صوته:ابرك اجل تغثني بكلامك حبيبتي وامورتي
عبدالله:ههههههههههه ورد على اميره:هلا بروحي
اميره بهمس:مساء الشوق لأغلى ناسي
عبدالله بهيام:مساء الورد ومساء الكادي وكل شي حلو بحياتي
اميره:كيف الجو عندكم
عبدالله:عادي بس اممم بسألك
اميره:امر حبيبي
عبدالله:عامر من يحب
اميره بارتباك:م ماأدري عنه وانا وش دخلني عبدالله:عامر قالك صح والا
اميره تصرف:عبدالله متى تجي
عبدالله يدري ان اميره عنيده:بكره
اميره انتبهت لتركي يدخل:عبدالله لحظه تركي بشر
تركي:لا تمااام بس بينومونها ثلاث ايام
اميره:اهـــ اهم شي انها قامت بالسلامه
عبدالله بخوف:اميييييره وش فيه
خالد دخل وجلس جنب عبدالله.....
اميره:شــــــذى
عبدالله:شذى ليش وش فيها
خالد بشهقه:شــــــذى وش فيها
عبدالله مسكه بمعنى اسكت خلني اعرف:طيب وش فيها
اميره:ماأدري بس لقيناها مغمي عليها بالغرفه
عبدالله:طيب كيفها الحين
اميره:يقول صحت بس بيتركونها ثلاث ايام
عبدالله:طيب مع السلامه ولف لخالد:انت وش فيك ماتقدر تجلس ساكت لين اخلص
خالد وقف وبعصبيه:عــــــبدالله وش فيها شذى
عبدالله:اششش قصر صوتك لا يجي احد ويسمعنا
خالد وده يمسك عبدالله ويضربه:يابرودك اقولك شذى وش فيها
عبدالله قاله كل شي.....
خالد سرح"ااهــ ياشذى اكيد بسبتي صار لك كذا"وبتنهيده:طيب كيفها
عبدالله بخبث:وانت وش عليك البنت وخلاص تملكت وانت بعد
خالد بضيق:واللي يرحم والديك عبدالله اسكت اللي فيني كافيني
عبدالله وقف:انا بروح اشوف عامر وراح....
خالد وقف ويحس نفسه مكتومه طلع وراح يتمشى.....
/@/@/@/@/@/@/@/@/@/@/@/
اميره تفكر:ليش يسألني لايكون صاير شي لعامر بدق اسأله.....ودقت على عامر
عبدالله طق غرفة عامر ومافيه رد فتح الباب ودخل.....وعرف ان عامر بالحمام من صوت الماء وعقد حواجبه باستغراب:هذا وش فيه رامي ملابسه كذا وجلس ع السرير ينتظره وسمع صوت جوال عامر ناظر بالرقم:عبدالله2 مين عبدالله 2 وانتبه للرقم:هذا مو غريب من وانــــــــــــصــــــدم:هــــــــــــذا رقم اميره
عامر طلع وهو لاف المنشفه عليه وباستغراب:عبــــــدالله
عبدالله ماسك جوال عامر وبصراخ:رقــــــــــــــــــــــــم اميره ليش عندك
عامر بارتباك:رقم اميره
وصل مسج لجوال عامر.....
عامر بعصبيه:عــــــطني جوالي
عبدالله فتح المسج(مساء الخير عامر....ليش مارديت عبدالله يسألني من تحب وصرفته بس وش فيك انت طمني عنك)
عبدالله رمى جوال عامر بالجدار وتقدم منها وطــــــراااااااااااااااااااااخ كف على خده:تخون اخوك يالنذل
عامر مسك خده ونزلت دموعه:عبدالله حرام عليك اللي فيني كافيني ودخل غرفة الملابس
عبدالله ضرب رجله بالارض:انا لازم اكلم اميره ودق على اميره.....
اميره تلبس عباتها بتروح لشذى:اوووه وقته لا يمكن عامر وناظرت عبدالله وش فيه وردت:هلا
عبدالله بعصبيه:وش كنتي تبين بعامر
اميره"لا ورحت فيها ياعامر":عبدالله انا مشغوله الحييين
عبدالله بصراخ:امــــــــــــيــــــره احسن لك وش كنتي تبين منه
اميره ببرود:اسأل عامر وقفلت بوجهه وهي مقهوره ليش يشك فيها....
عامر طلع من غرفة الملابس ووقف عند التسريحه يمشط شعره
عبدالله بقهر:عامر احسن لك تكلم مو انت ساكت واميره تصرف
عامر بغصه:عبدالله انت حتى الاحترام ماأحترمتني وقومت الدنيا عشان حبيبتك والا انا خسرتــــــــــــها راحت مني ونزلت دمعته ومسحها....
عبدالله تنهد:طيب وش كانت تبي اميره
عامر:اسألها لاتسألني
عبدالله بعصبيه:عــــــــــــامــــــــــــر
عامر بصراخ:عبدالله اللي فيني كافيني رجاء ارحمني
عبدالله بشك:انت تحب مشاعل
عامر بعصبيه:عبدالله اطلع
عبدالله قرب منه وبهدوء:تحــــــبــــــها
عامر بانهيار:عبدالله لاتزيد المواجع علي مشاعل خلاص وبغصه:راحت لغيري والله يوفقها وحط يده على رأسه ومسح عليه:ااه راحت من ايدي كل شي حلمت فيه ضاع
عبدالله:طيب ليش ماقلت لخالد
عامر بعصبيه:كيييييف اقوله كييييف بعدين انتبه انت تقوله
عبدالله:طيب عادي خالد ....
قاطعه عامر:لاااااا واذا قلت له لأعرفك ولا تعرفني
عبدالله:............
عامر انسدح ع السرير:عبدالله انا تعبان وبنام
عبدالله وقف:اوكي انا طالع
عامر غطى نفسه بالبطانيه يحاول ينام بس مو قادر يفكر بمشاعل.....
عبدالله طلع وسكر الباب ونزل تحت وواجه ابوه قدامه....
ابو عبدالله تذكر:صح تعاااال ابيك بموضوع
عبدالله مستغرب وجلس:تفضل
ابو عبدالله:اخبار زوجتك
عبدالله:الحمدالله بخيييير
ابو عبدالله:كيفها مع الجنون
عبدالله بصدمه:جــــــنون اي جنون
ابو عبدالله:مو فيها حاله نفسيه وجنت بعد خطفها
عبدالله بعصبيه:يبــــــه من قالك هالكلام
ابو عبدالله:ماأحد قالي وتراي خطبت لك خساره تضيع شبابك مع وحده مجنونه
عبدالله جنت جنونه ماحسب على الله اميره ترضى ويقول له انه خاطب له وبعصبيه:انــــــــــــــــــــــــا مستحييييييل اخذ على اميره او اتزوج غيرها
ابو عبدالله بعصبيه:لاتــــــرفــــــع صوتك علي عشان وحده مجنونه
عبدالله بصراخ:امــــــيــــــره مي مجنونه
وزواج على اميره مستحييييل اتزوج مجنون انا
ابو عبدالله ببرود:انا خطبت لك دلال ووافقوا اهلها
عبدالله بقهر وصراخ:دلال هذا اللي ناقص عاد اتزوج دلال لا وعلى اميره
ابو عبدالله وقف وبتهديد:شــــــف اذا ماتزوجت دلال انسى ان لك اهل وانسى تجي هنا بيتنا يتعذرك
عبدالله بحزن وهو يغلي من داخل:يبه انت ليش كذا معي انا ولدك الكبير ليش تحرمني السعاده
ابو عبدالله ولا كأنه يسمع طلع وطنشه.....
عبدالله جلس على الكنب ونزل رأسه بالارض ويده على رأسه وتنهد بتعب:اميره اذا عرفت بتكرهني وتتركني وانا ماأقدر على فراقها ودلال لو تموت ماأخذتها قلن البنات
؛؛؛؛,,,,؛؛؛؛,,,,؛؛؛؛,,,,؛؛؛؛,,,,؛؛؛,,,؛؛؛,,,؛؛؛؛,, ,,,؛؛؛؛,,,,,
يوم جديد اشرق ع الكل...ولا جديد فيه...الا ان عبدالله وخالد راحوا الشرقيه....وشذى بالمستشفى.... الساعه 7م....
خالد:عبدالله فيك شي من البارح وانت ماأنت على بعضك
عبدالله قاله خطبة ابوه له وكل شي دار بينه وبين ابوه...
خالد بقهر:عبدالله مع احترامي لعمي انسان حشري
عبدالله بسرحان:خالد انا صح قريب من اميره بس اميره زعلانه
خالد:لايكون قلت لها
عبدالله:لا بس تهاوشنا البارح عشان سالفه
خالد بهمس عشان ماأحد يسمع:طيب دامنا هنا عندهم نادها وتفاهم معها
عبدالله:تعبت وانا اناديها بس مارضت تكلمني
خالد:هههه طيب بلشه الحين اذا عرفت بسالفة دلال
:وش فيها دلال
عبدالله بدأ قلبه يدق طبول من الخوف عزيز اكيد اذا عرف شي بيقول لأميره
خالد يصرف:مافيها شي بس شكلها بتسافر
عزيز جلس:اهــــــ صح عبدالله اميره تنتظرك بالصاله
عبدالله وقف وبفرح:صدق
عزيز:هههههههه لاتفرح بتخليك توديها لشذى
خالد سرح"شذى وشذى انا لازم ازورها لازم اشوفها"
عبدالله طلع وراح لأميره وشافها واقفه ولابسه عباتها:مساء الخير
اميره ضمته:مساء الورد
عبدالله باسها:امورتي رضي.....
قاطعته اميره وهي تحط يدها على فمه:اششش خلاص انسى
عبدالله مسك يدها وباسها:اخبارك
اميره بدلع:تمااام بشوفتك
عبدالله بهمس:اميييره لاتدلعين ترى ماأقدر انا
اميره:هههههههههههه وعدلت طرحتها:ياللا بنروح لشذى البنات عندها
عبدالله:البنات
اميره بغيره:عبدالله
عبدالله باس خدها:تدرين ياقلبي ان البنات ولا شي عندك
اميره:احم احم ترى اغتر كذا
عبدالله بابتسامه تسحر:يحق لك
اميره بهيام:عبوودي
عبدالله فتح باب السياره لها:عيونه
اميره ركبت:تسلم لي هالعيون
عبدالله ركب وسكر الباب:تدرين اني ماارتحت الا الحين لأنك بجنبي
اميره:تدري اني بغيت اكمل زعل بس قلبي ماطاوعني
///@@///@@///@@///@@///@///
ملاك وجود والبتول عند شذى بالمستشفى...
ملاك:هههه شذى توي ادري ان الحب عذاب
شذى بحزن:ملوكه خليني انسى
البتول:طيب باسل يعرف انك بالمستشفى
شذى بحقد:عرف اليوم وجاء يقهر
جود:احمدي ربك جاي يزورك هذا يبشر بخير
ملاك:طيب الحين امك وينها
شذى:راحت البيت وبترجع بعد ساعه
:مساء الورد>>قالته اميره وهي تدخل
ملاك بمزح:اهليييييييين بأم يد
اميره كشرت:ملاك عاد
البنات:هههههههههههههههههههههههههههههه
اميره سلمت على البنات:اخباركم
البنات:تماااام وانتي
اميره جلست:الحمدالله بخير وبكره بفتك من التجبيره
شذى:من جابك
اميره بدلع:عبودي الله يخليه لي
ملاك:الله يالدنيا اميره تذكرين يوم تسبينه وتدعين عليه
اميره:عاد حبيته واموت بالارض اللي يمشي عليها
جود:الله يديم المحبه عليكم
البنات:امييييييييييين
اميره:شذى باسل جاك
شذى كشرت:ايه
البتول بمزح:وماتشوفين الورد اللي قدامك منه الرجال متيم بحبها
شذى:ايه واضح
جود:اتركنا من باسل وخلنا نستأنس
شذى تنهدت بتعب:ياربي طفشت بالمستشفى بطلع
وجلسن البنات عندها ساعه ونصف ورجعن للبيت...
؛؛؛,,,؛؛؛,,,؛؛؛,,,؛؛؛,,,,؛؛؛,,,,؛؛؛,,,؛؛؛,,,؛؛؛,,, ؛؛؛,,,؛؛؛,,,؛؛
الساعه8:30 م.... ابو تركي وام تركي وتركي جايين لشــــــذى.....فتح ابو تركي الباب وانــــــــــــــــــــــــصــــــــــــدم من اللي شاف...شذى وخالد قريب منها ومنزل رأسه بيبوس خدها وشذى ماسكه يده بقوه....
خالد رفع راسه وشهق:خــــــالــــــي
شذى ويدها على فمها:يبـــــــــــــــــــــه
انـــــــــــتهـــــــــــى...
لاتلهيك الرواية عن الصلاة وذكر الله
البارت القادم يوم الاربعاء ان شاء الله
تحياتي:Amoonh
08-10-12, 02:28 PM
رد: روايتي قلبي مملكة غير امورتي مااحد يملكه
جديد مواضيع قسم القصص المكتمله من وحي قلم الاعضاء
العرض العادي
