بيب ....بيب ....بيب...انا القطار السريع ....احب دائماً الاكلات السريعة والذيذة
وعشان كذا جيتكم اليوم بطبق ....سهل ,,,,سريع ,,,,,,فاخر ,,,,,,, لذيذ ,,,,,,, غير مكلف
يلا معاي نروح مطبخي المتواضع واجيب لكم قصه هذا الطبق
في يوم من الايام بعد العصريه وانا اتكلم مع عمتي الغاليه الا وتقول لي في حلى حلو مره شفته على التلفاز امس واشتهيته شو رايك نسويه اليوم وانا اتحمس بعد الخمول اللي صايبني هذه اليومين واقول شو المقادير المطلوبه اخاف ماتكون متوفره وتقول لي عمتي كل مقاديره متوفره في اي بيت لانها كلها سهله واقول لها يلا فرغي جعبتك لي ولاخواتي في منتدى ليلاس
والمقادير المطلوبه كالتالي :
العجين : كيلو دقيق ابيض _ 3 بيضات _ 3ملاعق حليب بودر _ 2ملاعق زبده او سمن _ قليل زيت _3ملاعق سكر _ ملاعق صغيرة ملح _ رشه بيكربونات الصوديوم _ نص ملعقة خميرة كيك _ ملعقة صغيرة خميرة خبز_ ماء دافي للعجن .
للحشوة: كوب قرفه مطحونه ناعم _ كوب الا ربع سكر _ زبدة
للصوص : 2ملاعق زبدة _ كوب سكر بني _ علبة قشطة ونخلطهم معاً ونتركهم على نار هادئة مع التقليب المستمر حتي الغليان ونتركهم على جنب لوقت الاستعمال
واروح اصلي المغرب وارجع اعجن مقادير العجينه مع بعض واتركها نص ساعه
وبعدين اقسمها نصين وارش سطح دولاب المطبخ بالدقيق واخذ نص العجين وافردها ....وافردها ....وفردها
لحد ماتصير خفيفه بسمك 1سم
وبعدين امسح عليها بالزبدة بكل مكان يعني مااطرح مكان يزعل علينا وارش نصف كميه القرفة والسكر
وبعدين لفيتها صغير ....صغير ....لحد ماكبرت وخلاصة العجين المفرودة قدامي
بعدين جبت السكين ومارحمت المسكينه قطعتها ل15 قطعة بالتساوي وبحجم عريض شوي يعني زي الصورة
وبعدين اخذت كل قطعه ولفيت طرفها تحتها وخليتها بالطول وضغط عليها براحت يدي بس بالشويش
وبعدين رصيتهم في صحن الفرن بعد مارشيته سمن وغطيت عليهم بكيس وعملت باقي العجين بنفس الطريقه وخليتهم ساعة كاملة عشان يخمروا وبعدين دخلتهم الفرن
خليتهم على نار متوسطة لحد ماحمروا من تحت وبعدين خليت النار من فوق لحد ماحمروا يعني كل العمليه ماتحتاج وقت طويل في الفرن كله بسرعة فخلي بالك منهم وهم في الفرن ترجعي تنسيهم يحرقوا
طلعتهم من الفرن وعلى طول رشيت عليهم الصوص البارد اللي حضرته من قبل بعد ماعجنت العجين
انا هنا عملت الصوص لنص الكمية عشان اللي يحب ياكلها من غير صوص لانها بكل احوالها لذيذة
شو طعمه ,,,,,,شو لذيذة ,,,,,,كل اللي عندي تهبلوا عليها ,,,,,,وتسلم دياتك ,,,,,,وربي مايحرمنا ابداعك
يلا حبايبي روحوا جربوها ماراح تندموا ان شاء الله
07-06-12, 05:05 PM
سينامون
جديد مواضيع قسم الحلويات
العرض العادي
