صباااح السكر ..:)

الف الف الف مبرووووووووووك ندووووش

لا تتخيلى مدى سعادتى النهاردة و انا بفتح و لقيت رسالتك
و الله كنت هصرخ من السعادة -خصوصا لما اكتشفت انها هتبقى من عدة فصول
يعنى مش قصيرة اوى زى ما انا كنت متوقعة- بس مسكت نفسى لا يقولى عليا فى البيت اتهبلت

اولا شكرا جـــــــــداااااااااااا على الاهداء يا سكر تسلم لى يا رب
اخجلتينى يا بنوتة و مش عارفة ابعبر انا

ثانيا انا عارفة طبعا انى صدعتك من كتر هذرتى<<فيسى الخليجى
بس انا مبسوطة من هنا لاخر الدنيا انه جه بفايدة

و بشكر الثنائى اللطيف اللى زهقك و خلاكى تهربى منه وتكتبيلنا القصة دى بس مش الثنائى كله يعنى فى حد منهم مش بشكره خاااالص و عايزة اعضه
<< انتى عارفة طبعا انا بشكر مين من الثنائى و التانى بقى ...يلا و لا بلاش

انا واثقة مليون فى المية انها هتبقى فى منتهى الروعة زى ما اتعودت منك دايما..
بجد و الله مش مصدقة انى هقرأ لك حاجة جديدة و قريب كده انا كنت سستمت نفسى خلاص على انى هستنى الرواية اللى هتتنشر ان شاء الله

نيجى بقى للرواية

ايييييييييييه كم الجرأة الفظييييييييع اللى فى البطلة ده
اى نعم هى مش قالت الا كلمتين بس كان مفعوله قاتل بالنبة لى طبعا لسه بقى لما نشوف تأثيرهم
على ماكسى هيبقى ايه
واضح انه فعلا البطلة دى مختلفة تماما عن البطلات اللى فاتوا كلهم هتبقى مميزة و متفردة مع انه ايف كانت حادة و لسانها طويل بس مش كانت جريئة
حتى الشكل هيبقى مختلف عن اللى اتعودناه
منك بطلة شقراء و جميلة جدااا من صورتها

السؤال بقى يا ندوشتى الحلوة هل هى مستفزة زيهم و لا لأ....؟!!؟؟!

ماكسى بالرغم انه مواصفاته الى حد ما تقليدية بس انا عارفة انه اكيد هيبقى فى مفاجأة منك و بصمتك هتيان انا حبيته خلاص و بعدين اسمه ماكسيميليان ده بالنسبة لى سبب قوى جدا
و شكلى هتعاطف معاه بشدة واضح انها هتتعبه معاها

الاسم حلو و يشد انتى ما شاء الله عليكى زى ما قلت لك قبل كده
مميزة و موفقة جدا فى اختيار العناوين

الغلاف جميل تسلم ايد واكسن عليه مشكورة يا قمر

فى المجمل الملخص العنوان و الغلاف و اسمك يجبر اى حد انه يقرأ الرواية ان شاء الله

ندى بالتوفيق يا سكر انتى تستاهلى و انا منتظرة على نااااار

و الحمد لله انى فضيت هتلاقينى مرابطة هنا و هتابع لايف اخيرا هتابع رواية لديو لايف

اخر حاجة معلش انا عارفة انه الرد جه متأخر بس انتى كنتى عارفة الظروف الف مبرووووووك مرة تانية يا سكر
و شكرا عدد لا نهائى من المرات على ذوقك و على الرواية