بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..





البارت 35 ..






الصدر ضايق مـن همـوم وكآبـه
والقلب صاح الآه من دق الأطنـاب

ونـات قلبـي بالعنـا ماتشـابـه
والقلب من رمح العزيزين منصـاب

صوتي حزينٍ مثـل جـر الربابـه
شيبت من همي وانـا تونـي شـاب

كني لبست الويل باصعـب ثيابـه
والجوف من كثر الغرابيـل مرتـاب

القلب يصرخ مير محـد درى بـه
اذا عشيري ماسمع كيـف الاجنـاب

وين الذي بالطيـب نـوّخ ركابـه
أصرخ وانادي والرجا فيه قد خـاب

دنيا غريبه اصبحـت شبـه غابـه
عدوان جوني ولبسوا ثوب الاحبـاب

ماشفت منهم غيـر غـدر الذيابـه
اشناب بالظاهر ولكن هـم اذنـاب

الشخص فيهم لا ولا احسب حسابه
كنه مخاوي ابليس جاحـد ولعـاب

يلدغ كما الحيه ويضحـك دعابـه
وانا علـى النيـه واثاريـه كـذاب

حكم القدر حتّم بـدر وااعذابـه
موناقص إلا بالشقا أصـدر كتـاب

صح المطر ينـزل ويتـرك سحابـه
عيني ولا بـد دمعهـا دوم سكّـاب

صح البحر مالح وصعـبٍ شرابـه
أنـا شربـت المـر علقـم ولا ذاب

صح الصحاري تتصـف بالرحابـه
ضاقت بي الدنيا على كثر الاتعـاب

صح الجبل في قوتـه ينحكـى بـه
لو شال ماشلته غدى كنـه تـراب

طبعي كتوم ولا اشتكـي للقرابـه
حتى لو اشكي مايفيـدون الاقـراب

باكتم انا شكواي مثـل الصحابـه
اليا شكت تشكي على رب الارباب




" منقول " ..









بعد شهرين ..




باستراحة البنات ..
احتفال بسلامة الجد ابو سطام ..




واقفه جنب العامود .. تطالع من الزجاج على الحديقة ..
تو المطر وقف عن النزول ..
سمعت صوت الكعب من وراها التفتت وابتسمت لرنيم ..
كانت لبسه فستان من المخمل بالون العنابي .. باكمام طويله ..
فتحة من الصدر بشكل المثلث .. ومن الكتف اليمن كرستالا ذهبيه .. بسيط لكنه فخم ..
مبين جمال جسمها .. و بياضه .. مميله شعرها على جنب وتاركته بحريته ..
رنيم وقفت جنبها وتنهدت بتعب / نام الله يحفظه .. تعبني ..
كانت لبسه فستان مثل العنود بس لونه اسود ..
رفعت العنود عينها برنيم وبهدوء / ايه .. كملي .. ما قالك شي عن القصة والصبغه ..
رنيم ترفع حاجبها .. / لا .. بس كان واضح انه متضايق ..
العنود ماعجبها الكلام / وما حولتي ترضينه طبعا ..
رنيم بغرور / لا .. ولا ابي اكلمها .. واحسن شي انه بعيد ..
العنود بنبرة مقصودة / رنيم .. سند مو هين ..
رنيم صدت .. يعني " قفلي على الموضوع " ..
العنود طالعت بشعر رنيم اللي قصته فكتوريا لحد الكتف بعد خروجها من الاربعين وصبغته اشقر ..
رنيم بهدوء وهي تطالع بريما / كانها متضايقة ..
العنود انتبهت لنظراتها و طالعت ريما .. وبهدوء / ما سالتيها ..
رنيم هزت راسها / لا .. بس العلم عند ريهام اكيد ..






بجهه ثانية ..






جالسة جنب نوال و وجهها احمر ..
نوال وهي تحاول تكتم ضحكتها .../ يعني نظمن العرس ..
ابرار و وجهها محمر وبعصبية تهمس / نوالوه وجع اسكتي لا تفضحيني ..
نوال وهي تغطي وجهها بظهر ابرار .. وبهمس / لالا ما اقدر هههههههههههه ..
ابرار حاولت تقوم لكن نوال ماسكه بالحزام وانشد البنطلون فاظطرت ابرار تجلس بسرعة ووجهها احمر ..
نوال انفجرت ضحك / هههههههههههههههههههههههههههههه ..
الكل التفت عليهم .. ابرار غرقت عيونها بدمع وصارت تضرب نوال بالخدادية ..






بالمطبخ ..



غرام بدلع / انا اخذ القاتوة بالشوكلاطا ..
سمر بابتسامه / اوكي .. وانا اشيل القاتوه بالفراولة ..
شجون ببرود / اوكي .. " وتوجهت لـ الكي كيك .. وشالته وطلعت " ..
غرام بعصبية / هالبنت بتذبحني ..
سمر بضيق / انا كلمتها .. وقالت مالكم دخل .. بصراحة انا دماغي مو فاضيه لها ..
اذا حسيتي انهازادت .. بلغي خالتي الهنوف ..
غرام بغضب / وهذا انا اللي قلت لها .. تدرين ايش قالت لي ..
سمر عقدت حواجبها / ايش ؟..
غرام بعصبية / كلمي عناد احسن .. تصوري .. " قالتها وهي واضح عليها القهر والصدمه " ..
سمر فتحت عيونها للاخير / .....................
دخلت رنا بضيق / هي ايش فيكم واقفين .. يالله ..
غرام تنهدت و تحركت و وراها سمر .. وطلعوا من المطبخ ..






بجهة ثانية ..




ريهام لبسه بلوزة نيليه بكم طويل مع تيور اسود قصير بقصة فرنسية ..
ريما لبسه فستان خمري طويل بحزام ذهبي ..
ريهام بخجل صدت .. وبهمس لريما / خالتي الهنوف كانها اول مرة تشوفنا ..
ريما ابتسمت / فرحانه .. الا كيف اثر الابرة يوجعك والا عادي ..
ريهام حطت يدها مكان الابرة وبخجل / لا عادي .. " وبخجل اكبر " .. اليوم اول مرة ادقق بملامح عناد ..
ريما ضحكت بخفه / عناد وسيم .. بس ملامحه قاسية ..
ريهام ابتسمت بخجل / اممم .. " سكتت لثواني وبعدها تنهدت بضيق " .. ياليت ابوي موجــ....
ريما قاطعتها بغصه / لا تكملين ريهام .. لا تكملين .. " وغصت بعبرتها .. رفعت جوالها و بضيق اغلقته "..
ريهام انتبهت لحركتها .. وبهدوء / على الاقل طمنيه برساله ..
ريما صدت عنها وجات عينها بعين رنيم .. " و رنيم اشرت لها براسها .. ايش فيك "..
ريما وقفت وتوجهت للحمامات .. ولحقتها رنيم ..







العنود توجهت لغرفة اللي منيمين فيها العيال تطمنت عليهم و تاكدت من الغطاء عليهم وطلعت ..
وهي وتمشي لفت انتباهها لوحه معلقه على جدار كبيرة .. وقفت قبالها وهي تتامل اللوان ..
الوان ممزوجه بطريقة غريبة .. وكانه حزن مع خوف مع حب .. ابتعدت عن الوحه وشافت بين الالوان طفل مقتول ..
عقدت حواجبها وهي تحاول تفهم معاني الوحة .. ساره الي كانت لبسه فستان قصير ناعم بالون العشبي ..
تركت اماني وروان و وقفت جنب اختها .. العنود التفتت لها وحضنتها من الجنب ..
العنود بحنان / كيف سارونه حبيبة اختها ..
ساره ابتسمت / طيبه .. اخيرا افتكينا من الترم الاول ..
العنود ابتسمت / بس لزم تشدين حيلك بترم الثاني ..
ساره تنهدت / ان شاء الله .. الا ايش رايك بالاستراحة ..
العنود وهي ترفع نظرها وتطالع بالديكور والاثاث .. بهدوء / حلوة تناسق الوانها وديكور والاثاث .. كل شي انثوي ..
سارة بعجاب / حلو وبس الا روعه .. شوفي .. " وهي تاشر على الخداديات " .. ذي اماني مسويتها ..
العنود التفتت على الخداديات الموضوعه بزاوية من الزوايا بشكل تزين روعه ..
ساره تاشر على الوحه / وذي رسمتها ريهام ..
العنود باستغراب / والله .. ما شاء الله تبارك الله ..
ساره بدات تكمل لها ايش اللي سوه البنات وايش اللي جاتهم هدية وايش اللي هم غيروا ديكوراته بطريقه اللي يحبونه ..







عند الحمامات ..




ريما بضيق / انا ابي بيبي .. وهو يقول تو بدري .. وبعدين تصرفاته تضايقني ..
اقول له لا تسوي كذا يعاندني ويسويها ..
رنيم رفعت حاجب / بس ..
ريما بضيق / ايه .. بس ..
رنيم ببرود / وامي ايش قالت لك ..
ريما تنهدت بضيق / قالت ارجعي لبيتك .. البارح نمت عندهم غصب .. من بعد ما ترجوها رنا وريهام و روان ..
رنيم بقهر / امي ليش حابه ترخصنا .. " لفت عن اختها .. وبقهر مع غصة " .. تبينا نعيش مثل حياتها ..
ريما بضيق / تقول رياجيلكم يحبونكم ويحترمونكم .. ما عمرهم اهانوكم .. المفروض تشيلونهم عن الارض شيل ..
رنيم بقهر / ايه ونركبهم على ظهورنا ونصير لهم حمير بعد ..
ريما التفتت عليها باستغراب / لا عاد مو كذا ..
رنيم بحزم / اقول .. اذا ما تبين ترجعين لذا اللي ما يتسمى لا ترجعين ..
واذا امي بتغصبك على لرجعه تعالي عندي وطنشي الكل ..
ريما شهقت / هئئئئ رنيم .. ايش الكلام ذا .. " وبضعف " .. الا غيث .. يمكن الليلة ارجع معاه ..
رنيم بعصبية / ريما لا تجننيني .. وبعصية اكبر " .. اصلا انا ليه اكلمك .. انقلعي عن وجهي ..
" و تركت ريما واقفه متفاجئة وطلعت من الحمام بعصبية " ..







بجانب اخر ..


هيفاء بهدوء / اصلا واضح انها تعبانه ..
مرام بضيق / خالي عبدالعزيز اخذها للمستشفى وسوى لها فحص .. سليمه ..
هيفاء بتوقع / يمكن تعبها نفسي ..
مرام عقدت حواجبها / ممكن .. " حطت يدها على بطنها البارز بوضوح وبدات تمسح عليه " ..
هيفاء ابتسمت / عرفتي ولد والا بنت ..
مرام بهدوء / لا ما سالت .. ابد مو مفكرة فيه .. حالة خالتي مريم وطلال مشغلتني .. " والتفتت تطالع خالتها مريم "..
هيفاء تحط يدها على بطنها بتامل وبداخلها تدعي " يارب اكون حامل يا رب " ..





بجانب اخر ..




ام عزام / الحمدالله .. تطمنت على هيفاء وما غير ادعي ان ربي يرزقها ويرزق غيث الذرية الصالحه ..
ام سطام / امين .. امين .. الا ما شفت غيث ..
ام عزام / الا والله .. وقال لي الله ما راد لهم ..
ام سطام / انتي خذي مرته وروحي بها لدختورة واكشفي عليها .. هي بحسبة بنتك ..
ام عزام تنهدت / والله ودي .. بس اخاف تزعل والا تضايق ..
ام سطام بحزم / ما هي بزعلانه ولا ضايقه .. خذيها بس ..
ام عزام / ان شاء الله يصير خير ..







بجانب اخر ..




مياسه بضيق / وليه ما تقولين .. ترتاحين ..
مريم تنهدت بضيق / والله خايفه .. انا ما اقدر على زعل طلال ..
والله كل ما اشوف حاجبه واشوف الجرح اللي فيه واذكر الحادث ان قلبي يوجعني ..
انا اعرف طلال .. لو عرف ما بيسكت .. اكيد بيرجع لحركاته زمان ..
انا ما صدقت انه يعقل ويمسك البيت .. لو اقول له بيزعل .. و على الكل ..
مياسة بهدوء / وان ما قلتي له .. بتحملين ذنب .. انتي قولي له .. وما راح يسوي شي .. الحين هو متزوج وعنده عيال ..
مريم بضيق / هذا رايك ..
مياسة / وهو فيه غيرة .. وعبدالعزيز ايش قال لك ...
مريم بقلة حيلة / مثل رايك ..







بجانب اخر ..




ام سند باستغراب / حامل ..
الهنوف توكزها بكوعها / هصصص .. لحد يسمعك ..
ام سند " العنود " .. بضحكة / من يدري ..
الهنوف وهي تشد جلابيتها للأعلى حتى لا يوضح بطنها البارز / محد ...
العنود / ههههه .. وانت ايش تقولين انقطعت .. ههههههه ..
الهنوف بضيق / لا تضحكين .. والله اني خايفه .. ومفتشله .. يالله لا فضحنا ..
ابي ازوج عيالي وبناتي وبعد ذا العمر احمل .. ولا بعد يقولون لك ان الحمل بذا العمر خطير على الام والجنين ..
العنود بهدوء / لا ان شاء الله ربي يقومك بسلامه .. ولا فشيله ولا شي ..
علمي خالد وروحي لمستشفى وتابعي مع دكتورة .. لا تسكتين .. انتي ما سويتي شي حرام ..
الهنوف تهز راسها / وهزا اللي بيصير لمتى ابي اسكت هذا انا ابي ادخل بسادس .. الله يسهلها ..






بجانب اخر ..



الجازي بتعب / والله انتي يا الجوهرة اللي تزننين على خراب عشك ..
هذا هو سلطان له شهرين وهو ينام عند ابوة .. ولا تقولين لان ابوه مريض .. واضحه انه هاجرك ..
الجوهرة بانكسار / هذا بس علشان قلت ابي اعيش بكرامه .. ابي اسافر وانبسط بحياتي ..
الجازي بدهشه / الله اكبر عليك .. تبين تعيشين حياتك بالسفر والسهر .. يالله حسن الخاتمة بس .
الجوهرة بقهر / والله تعرفين العمر .. ناسية نفسك .. بتزوجين بنتك وتحملين ..
" وقفت " .. الحمدالله وشكر .. يشوفون عيوب الناس ولا يشوفون عيوبهم .. " وتركتها وراحت " ..
الجازي فتحت عيونها للاخير بصدمة وجرح / .............
التفتت على مريم و مياسة باستغراب وبعدها صدت بقهر ..






ــــــــــــــــــ







بيت ابو سطام ..




مجلس الرجال ..


الاحتفال مختصر على عائلة الفارس فقط ..




غيث ورعد وسلطان وابو سطام وعبدالعزيز و فهد وخالد يتحدثون مع بعض بامور عدة ..


سند و بجنبه طلال .. يتحدثون مهامسه ..


طلال بضيق / والله حاولت لكن ابد .. " هز راسه بضيق " .. ما قالت ولا كلمه .. بس شويت تعب ويروح ..
سند بهدوء / حاول تعد معاها لوحدك .. ترجاها ..
طلال يتنهد / انا افكر بشغله تخليها تقولي غصب ..
سند عقد حواجبه باستغراب / ايش بتسوي ..
طلال بهدوء / لا تخاف .. مو راجع لحركات ايام زمان ..
سند بضحكة / انتبه ولا تنسى انك زوج اختي .. لو تسوي شي كذا والا كذا راح تلقاني بوجهك ..
طلال يهز رسه ويمثل الخوف / ههههههههههه طيب .. خوفتني ههههههههه ..







بجانب اخر ..




راكان بهدوء / طيب ليه ما قلت تبي غرام ..
عناد بضيق / انت كيف تفهم .. اقولك انا مو معترض على ريهام .. انا معترض على طريقة الخطبة ..
راكان يرفع حاجب / علينا ..
عناد بعصبية / راكاااان .. انا مو مثل مانت فاهم .. انا عصبت وضقت على طريقة الخطبة .. " وبهدوء " ..
وبعدين هم كلهم نفس الشي .. بنات عمي .. والا يمكن ريهام افضل .. اكبر واعقل ..
راكان يهز راسه / طيب .. وليش رضخت للموضوع .. وقبلت وراحت حللت اليوم ..
عناد تنهد / ابوي زعل حيل والضغط كان مرتفع وخفت عليه .. وبعدين اللي الله كاتبه بيصير ..
راكان / ونعم بالله .. يالله .. " وهو يحط يده على ركبة عناد " .. الله يسرك لـ اللي فيه الخير ..
عناد بضيق / امين ..







بجانب اخر ..


بدر / هههههههههه عقبالكم ..
ياسر بضحكه / يالله انا بس يتزحزح فارس على طول خطبت ..
فارس بابتسامه هادئة / قريب ان شاء الله ..
سيف كان يشرب من فنجان الشاهي و انفجر ضحك حتى يتطاير على سامر اللي صرخ بقرف ..
سيف يوقف ويتوجه للحمام .. وفارس بقي يضحك على شكل سامر اللي ينفض ثوبه ويصارخ ..
فارس وقف و طلع للحديقة .. بدر رفع حاجب / ايش فيهم حاس ان عندهم شي ء ..
ياسر يرفع كتوفه / ما ادري ..
بدر ياشر على نايف وزياد اللي جالسين بصمت وكل واحد يدور بفلك .. / نايف مريض .. لكن زياد ؟؟!!!!
ياسر بضحكة / عطف اخوي .. ههههههه
بدر ابتسم والتفت لزياد مستغرب من وضعه ../ ...........







بجانب اخر ..




سامر بقرف / الله يقرفه ..
صقر بضيق / خلاص .. روح البيت وغير وانتهى ..
سامر تنهد وهو يمسح الثوب / لا خلاص .. " رفع راسه " .. طيب متى اخر مرة كلمك ..
صقر بضيق / قبل ثلث اسابيع .. قال انه راح يوصل الصباح .. قلت اجي اخذك من المطار قال لا ..
وبعدها معاد سمعت صوته .. ولا انا قادر اعرف هو وصل ولا لا .. ما ادري اقول لمن ..
سامر / قول لسند .. والا خالي غيث ..
صقر بضيق / لا .. ما ابي العلم يوصل لاخواتي ..
سامر بهدوء / قول لسند .. ما راح يوصل لاختك .. انا متاكد ..
صقر تنهد بضيق / يصير خير ..





بجانب اخر ..



بتال بضيق / قلت لابوك .. و قال امك ما تبي لها دكتور نفساني امك انا اعرف علاجها ..
سعود تنهد بضيق / لها كم يوم ما تكلمني .. و مجافيتني ..
بتال / حتى انا .. " هز راسه بضيق " .. والله مو مضيق صدري الا وليد ..
سعود عقد حواجبه / ليه .. صحته فيها شي ..
بتال ز راسه / لا .. بس شاف امي وابوي اكثر من مرة يتهاوشون .. وهو اللي طل عمرة شايفهم هادين ..
مو على ايامنا .. العصى تلولح والعقال يرقص .. على الكبير والصغير .. " تنهد بالم " ..
سعود بضيق / الله يفرجها .. ويهدي امي ..







ــــــــــــــ






يوم جديد ..




بيت ابو طلال ..



بجناح ام طلال ..



طلال بحزم / الا يمه .. فيك شي .. ايش هو يمه .. والل ما اطلع اللين تقولين لي ..
ابو طلال يدخل عليهم وبهدوء / ايه فيه ..
مريم تحاول تبلع الغصة .. وبضياع وهي تمسك يد طلال اللي جالس جنبها / يمه .. طلال .. تدري اني احبك ..
" نزلت دموعها ".. انا والله ما سوت ذا الشي .. الا لاني خايفه تروح عني .. بس مو قاطاعه ..
انا ربيتك و تعبت عليك .. صح هي امك ... بس انا امك .. خفت تحبها اكثر ..
طلال عاقد حواجبه ومو فاهم ايش الموضوع .. / ايش امي و امك وربيتيني .. ما فهمت ..
مريم بضياع وخوف من انه يزعل / انا ما خليتك .. تشوف امك .. بس ما كنت اعرف ايش اقولك ..
خفت تزعل عليه .. وتروح وتخليني .. " هينا الشهقة فلتت منها " .. انا ما اقدر اتخيل حياتي بدونك ..
انا تعبت وذقت الويل اللي حبيتني و صرت ما تفارق حضني ..
طلال يطالع فيها بدهشه وشفتها السفليه ترجف من الصدمه .. وعيونه مفتوحه للاخير / يعني .. انا لي ام غير ..
ابو طلال بهدوء / طلال . .اسمع .. انت لمن ولدت .. امك .......
وقف طلال بصدمة وغضب / لحظة .. لحظة .. يعني .. يعني انا .... يعني .... " غص بالكلمه " ..
من يدري .. فيه احد يعرف غيركم ..
ابوطلال باستغراب من وقفته وعصبيته ما توقع الموضوع يوصل لها الشكل .. / ايه كل الكبار يدرون ..
وايش فيها يعني .. حرامـ........
طلال يقاطعها بجنون وهو يصرخ / الكل .. الكل يدري .. وببساطه كذا تقولها .. يعني الكل يعني اني انا .. انا ....
" غص بباقي الكلام وطلع مثل المجنون من الجناح و طلع بعدها من البيت كله بسرعة وغضب " ..
ابو طلال لحقه لكن طلال ركب سيارته وطلع بسرعة مجنونه من المجمع ..
ابو طلال يصفق بيدينه سوى / لا حول ولا قوة الا بالله ..






بالجناح ام طلال .. تبكي بجنون ..
ام طلال / راح .. انا قلت لكم .. بس انتم ما صدقتوني .. وهذا هو راح ..
ابو طلال بضيق / اهدي يا مريم .. انا لو اني مكلمه بنفسي ولحالي كان احسن ..
مريم تشهق / روح دوره .. لا تخليه يبات وهو زعلان .. دخيلك يا عبدالعزيز .. ما ابي يسوي بعمرة شي ..
ابو طلال يسحب شماغه .. ويلبسها / هذا انا رايح ادوره .. " وطلع من الغرفة " ..





الساعة 10 ليلا ..





بشقة مرام ..
مرام تبكي / للحين ما اتصل ولا احد يدري عنه .. وتقولين اهدي .. من الفجر طالع ولا ندري عنه ..
نوال تحاول تقوي نفسها / مدام مو بالشرطة ولا المستشفى هو بخير ..
مرام تشهق رفعت يدها و مسحت دموعها .. رفعت جوالها باليد الثانية واتصلت على سند ..






قبال البحر ...





سند يوقف سيارته خلف سيارة طلال ..
شاف جواله يرن .. قفله بدون لا يشوف الاسم .. نزل بهدوء من السيارة وتوجه لطلال ..


سند يجلس بجنب طلال وبدوء / السلام عليكم ..
طلال صد عنه و تنحنح وبصوت مبحوح / وعليكم السلام ..
سند باستغراب رفع حاجب .. لانه واض حمن صوت طلال انه يبكي / لهدرجة الموضوع كبير ..
طلال تنهد بالم وبغصة / انت تدري ..
سند بصدق / لا .. بس سمعت من زمان بس قلت يمكن مو ماكد و لانك ما تزورها ولا تكلمها ما حطيتها في بالي ..
وعلى بالي انه عندك علم .. بس استغراب الحين الخبر وانه مؤكد و لا توقعت انك بتاخذها لدرجة ذي من الاهمية ..
طلال بعصبية و صدمة وقف / اشلون ما اخذها بها الاهمية .. انت .. انت متخيل .. متخيل ان طول عمرك ..
عايش وسط ناس .. ناس مو اهلك .. اشلون يقولون بعد ماجابتك تعبت وشالت الرحم .. وماقدرت تجيب بعدك ..
علشان كذا انت وحيده .. طلع لااا انا مو ولدها اصلا .. بس ربتني .. وحرمتني من امي .. وبعد ما ماتت تبلغني ..
سند يطالعه مستغرب ومو فاهم .. وبهدوء / طلال .. انت ايش قالت لك امك ..
طلال بضيق وهو يسحب ثوبه من جهة صدرة ويتنفس بعمق / كلام كثير .. انا ربيتك .. وخفت تروح ...
آآآآآآآآآآآآآآآآآآآآآآآآآه .. لا والمصيبة الكل يدري .. كلهم وساكتين .. ليه .. لللييييييييييييييييييه ..
سند وقف ومسك طلال من كتوفه وهزه / طلال .. انت ايش اللي تقوله .. الظاهر فهمت الموضوع خطاء ..
طلال يبعد يدين سند / اشلون فهمته خطاء .. اشلوووووووووون .. هي قالت لي بلسانها ..
سند / يمكن خانها التعبير .. وانت ما فهمت الموضوع .. وحصل لبس ..
طلال بالم / هههههههههههه ما ايه ههههههه ... " سكت ثوني وبغصة " .. سند .. من اهلي ..
سند تنهد بقهر / طلال .. امك وابوك .. مريم وعبدالعزيز .. بيـ....
طلال صرخ / لا تضحك عليه .. من .. قلي من وخلاص ..
سند بحدة / اسمع الكلام للاخير وبعدها صارخ ..
طلال سكت والغصة خنقته /................
سند بحدة / السالفة وما فيها .. ان بعد ما خالتي مريم جابتك تعبت حيل و ماقدرت ترضعك ...
وقتها خالتي ام راكان الله يرحمها رضعتك .. يعني راكان واخوانه اخوانك انت برضاعه ..
وامك زعلانه وضايقه لانه محمله نفسها انها حرمتك من امك اللي برضاعه و حرمتها منك ..
هذي السالفه ومافيها وانت بجنونك و صرقعتك المعتاده فهمت الموضوع على كيفك ..
والحين كلم امك وطمنها لانه بالمستشفى تعبانه .. " رفع يده واشر له " .. سلام ..
طلال يطالع بسند وهو فاتح عيونه للاخير .. وسند تركه وتوجه لسيارته ركب وحرك ..







ـــــــــــــ






يوم جديد ..



الفجر ..


بيت ابو طلال ..

في الصالة ..



طلال / كح كح .. ايش يدريني هذا اللي تصورة مخي .. كح كح ..
سيف بضحكة / الظاهر بدايت تاثير السخونه كانت ..
طلال يتنهد بتعب وهو يوقف / يالله انا ابي انام ..
سيف يوقف معاه / وانا بعد .. " بف يده على كتف اخوه " .. الا لو ما طلعت اخوي كيف كنت اشبهك .. هههههههه
طلال ضربة بالكوع وبعد عنه وبدا يطلع الدرج وهو مبتسم / ...............
سيف بضحكة / لا تنسى اليوم روحتنا للمزرعة ..
طلال وقف بنص الدرج وبتعب / ما اظن اروح امي تعبانه وانا تعبان ..
سيف ابتسم / امك اول وحدة رفضت لمن قال ابوي مانا رايحين .. والله لا يعوقنا بشر .. رايحين رايحين ..
والسواقه والامور الثانية انا متكفل بها .. مخدوم يعمي .. امر بس انت ..
طلال هز راسه وهو مبتسم / حبيبي ربي يخليك لي .. يالله اشوفك العصر على خير .. " وطلع شقته "..






ـــــــــــــ





الساعة 9 صباحا ..


بيت ابو سطام ..


العنود واقفه عند باب المدخل من الداخل .. تلف سلطان والظبي بشال ثقيل عن البرد .. وجلستهم بالعربية ..
راكان من وراها سحب المفاتيح من جيبه .. / جدي وجدتي راحوا ..
العنود تعدل نفسها / ايه .. وساره راحت مع عمتي مياسه ..
راكان بعصبية / ليه ..؟
العنود تنهدت / جننتني ماتبي تروح معانا تبي البنات .. قلت لها روحي ..
راكان تنهد / طيب انا رايح اشوف العمال ايش سوا في البيت وارجع ..
العنود بهدوء / طيب ..
طلع راكان من البيت وهو يلبس نظاراته الشمسية السوداء .. شاف زياد يجهز السيارة ..
ونايف جالس على الكرسي ومسرح .. تنهد بضيق من شهرين ونايف متمسك بالصمت ..
وان تكلم قال كلمه والا حرف وسكت .. توجه له وجلس جنبه وبهدوء / ما دام زياد يجهز السيارة ..
ايش رايك نروح انا وانت لبيت نشوف ايش باقي وايش سوا العمال ..
نايف / .....................
راكان حط يده على يد اخوه وبالم / نايف .. والله الي تسويه يذبحنا ..
نايف /.......................
راكان قبل راس اخوه بعمق والم و وقف وراح للبيت ..







ــــــــــــــــــ






بالمزرعة ..

بعد ما وصل الجميع .. وارتاح .. ما عدا عائلة العزام ..

الساعة الان بعد صلاة العشاء ...




بالفلة عند الحريم ..


البنات جالسين على الارض ..



ام سطام توقف / هااا يالله .. لا اله الا الله .. قومو يابنات والبسوا عبيكم وتعالوا ..
نوال وهي تاكل من المعمول / اشلون نجي الا اذا الشباب طلعوا ممكن ..
العنود تشرب من فنجان القهوة وتهمس لرنيم / ليه هذي اول مرة يطلبكم جدي كذا ..
رنيم هزت راسها والتفتت لجدتها .. ام سطام بحزم / بكيفكم بس لاهاوشكم جدكم انا مالي دخل ..
" تركتهم ام سطام وطلعت .. العنود ام سند والهنوف والجوهرة ومريم والجازي ومياسة لبسوا عبيهم وطلعوا " ..
العنود تطالع في البنات مو فاهمه ليش جدها طلب الكل لـ الخيمة .. / ............
ريما بستغراب / الحين جدي ليش طلبنا .. وبالخيمة مكان تجمع الشباب ونومهم ..
نوال بغضب / والله ما اروح .. هذا اللي باقي اشوف خشت سعيدان ..
سمر رفعت حواجبها وبقهر / سعيدان بعينك .. اسمه سعود وهو زوجك ..
نوال تمق وتكش بيدينها / مالت عليه ..
سمر بغضب / نوال احترمي نفسك ..
نوال بغضب / انـ... " قاطعها صوت ريان " ..
ريان بصراخ / جدي يقولكم تعالوا بسرعة وكلكم ..
العنود بهدوء / من فيه ريان ..
ريان بابتسامه / كللللللللللهههههههههههههههههههم ... جدي وابوي وعمي سلطان وعمي رعد و ......
البنات / خلااااااااص ..
العنود بضيق تطالع البنات .. طالع ريان بابتسامه / خلاص حبيبي شوي ونجي ..
العنود وقفت / قوموا البسوا عباياتكم و خلون نروح نشوف ايش فيه يمكن جدي بيقول لنا شي مهم ..
البنات فزوا بسرعة وهم يفكرون ايش بيقول جدهم .. العنود فتحت عيونها للاخير وطالعت مرام اللي ابتسمت لها ..
العنود بضحكة / ايش فيهم .. هههههه الحمد الله على نعمة العقل ..
مرام توقف بصعوبه وبابتسامه / قلتي لهم شي مثير وما تبينهم يتناقزون ..
العنود / هههههههههههههههههه ..






ـــــــــــــــــ






بعد لحظات ..


البنات يدخلون للخيمة مجموعات ..


اول من دخل غرام وسمر وشجون ورنا .. وجلسوا بزاوية جهة الامهات ..
بعدها اماني وسارة وروان ..
بعدها ريهام ومرام و نوال و ابرار ..
كانت بينهم من 5 لـ 10 دقايق ..





الجد ابو سطام / ما بغيتوا تجون ..
البنات يطالعون بعضهم كلهم صفوا جنب بعض ..
ابو سطام / وين العنود ..
ام سند / سم يبه ..
ابو سطام بخرشة / ماهو بانتي .. ام سلطان وينها ..
البنات يدقون بعض .. غرام / تنيم عيالها وبعد رنيم ..
عناد زفر بصوت واطي ... راكان ابتسم وهمس / ههه ما تحبها ..؟!!
عناد بخفوت / انطم ..
راكان بخفه / هههههه ..
ابو سطام بهدوء / ايه .. " والتفت على عياله وبدا يسولف والحريم يسولفون مع بعضهم والشباب يسولفون مع بعضهم " ..
البنات يطالعون فيهم ويرجعون يطالعون في بعض .. مستغربين .. ليش ناداهم جدهم وايش يبي و ليش طنشوهم ..


بعد نص ساعة ..


دخل بهدوء وثقه .. عباية على الكتف وسيعه و البرقع والشيلة اللي من فوقها الطويلة توصل لـ الخصر .. ووراها رنيم ..
العنود بصوت واثق جهوري / السلام عليكم ..
الكل التفت لها / وعليكم السلام ..
العنود توجهت لمكان بين الحريم والبنات .. البنات ما كانوا يبون يروحون جهته لان راح يمر بهم من نص المجلس ..
بتال يحاول مايرفع عينه ويدعي انشغاله بالجوال .. سند رفع عينه وشاف رنيم شايله فهد ..
سند وقف وتوجه لها واخذ فهد منها .. ورجع مكانه ..
ابو سطام يبتسم / هاته .. هاته يا سند .. هات الشيخ خلني احب " اقبله " عليه ..
سند وقف وراح لجده و بعد ما الجد قبل خد فهد ودعى له بالصلاح .. رجع سند لمكانه ..
رنيم كانت بالبداية مثل البنات تطالع مستغربه .. اما العنود فبدات تتكلم بهمس مع الجازي وعادي ..
رنيم تضرب العنود من الجنب وتهمس / البنات يقولون ما قالوا لهم شي .. ليش ما يتكلمون ..
العنود بضحكه خافته وهمس / يبي يجمعكم سوا وبس ما يبي يقول شي .. خلك طبيعية ..
رنيم رفعت حاجب وصارت تطالع مثل البنات باستغراب وصمت ..
اما بتال فهو يرفع نظره لجهة العنود بسرعة ويصد ما يبي احد ينتبه له وسند مو مقصر فيه بتعليق ..






ــــــــــــــ






يوم جديد ..





وصلت غيث لـ المزرعه ..
نزلت ام عزام و لطيفه وبيدا مولودها الصغير اللي توه عمره شهر " محمد " .. وبناتها .. " رهف و ولايف " ..
ام عزام تمشي ووراها لطيفه دخلوا الفله ..
غيث لبس بلوزة سوداء عليها جاكيت ابيض وبنطلون اسود .. ولف شال اسود وابيض على رقبته ..




البنات بعد ما افطروا طلعوا برا يشربون القهوة .. وكانت الجلسه قبال الفلة ..
رنيم ما كانت معاهم توها دخلت الفله .. لان فهد يصيح .. العنود مع اولادها داخل ..
سمر وغرام يجهزون لروحة لـ الاسطبل .. اماني وروان و سارة بعد ما افطروا طلعوا يتمشون بالمزرعة ..


ريما سمعت ريان و وليد يصارخون باسم رهف و ولايف .. رفعت راسها وجات عينها بعين غيث ..
غيث ابتسم لها .. اما هي صدت و عينها مغرقة دمع ..
فزت متفاجأه والبنات سكتوا فجاه لمن سمعت صوته / ريما .. ممكن شوي يا بنات ..
البنات وقفوا وكانوا بيروحون لكن غيث .. / لالا .. انا خيكم .. ومسك يد ريما وسحبها ..
البنات كانوا لصقين في بعض متجمدين .. ريما وقفت غصب ومشت معاه بعيد عن البنات ..
نوال ترجف / يمه جرييييء الله يعين ريما ..
ابرار بلعت ريقها / احس كل شعره بجسمي واقفه ..
ريهام / بنات انا ما ابي اقعد خلاص .. خلونا نمشي ..
رنا / ايه خلونا نروح جهة الاسطبل غرام وسمر يجهزون لروحه ..
نوال / يالله .. " وهي تمشي قبالهم " ..






ـــــــــــ






في مجلس الرجال ..



ابو سطام / و ايش قال ..؟
ابو محمد / قال .. تم .. و ان شاء الله نجيكم ..
ابو سطام / زين .. انتم جهزوا الذبايح وجهزوا القهوة ..
سند دخل و عقد حواجبه / .............
ابو محمد / خير ان شاء الله .. " وقف وطلع من المجلس " ..
سند / بيجون ضيوف ..
ابو سطام / ايه .. انا عزمت راعي المزرعه اللي جنبا .. اللي شراها جديد ..
سند / ايييييه .. اجل خلني اروح اساعد ابو محمد ..
ابو سطام / الله يعطيك العافية ..






ــــــــــــــــ






عند ريما وغيث ..


جلسوا عن الجلسة اللي بجنب النخل ..
غيث ماسك يد ريما .. وبهدوء / طيب وبعدين ..
ريما صاده عنه و دموعها بعينها / ..............
غيث حط يده بفكها ولف وجها على جهته .. وبهمس / زعلانه من اعيوني ارضيك ..
روحي اقدمها لك هديه .. بس لا تصدين عني ..
ريما تبتعد عنه وهي تبلع غصتها .. / بشروط ..
غيث ابتسم / امري وتدللي ..
ريما / اول شي حركاتك اللي تسويه قدام امك والناس تبطلها ..
غيث ضحك بخفه / انا زوجك وهذا شي عادي ..
ريما بعصبية توقف / لا مو عادي .. عيب .. انت تحرجني ..
غيث يمسك يدا ويشدها للجلوس / طيب خلاص .. موافق .. وغيره ..
ريما بهدوء / نفحص ..
غيث عقد حواجبه / نفحص ايش ..
ريما تنهدت بضيق / ابي احمل غيث .. ابي يصير عندي بيبي ..
غيث يشدها اقوى حتى تجلس / طيب .. نروح نفحص .. امري ..
ريما / احلف ..
غيث بهمس / فيه مرة طلبتي شي وما نفذته ..
ريما بغنج / لا ..
غيث ابتسم / اجل ماله داعي الحلف .. " رفع يدها وقبلها بعمق " ..
ريما تسحب يدها / غييييييييث ..
غيث يضحك / ههههههههه ان بس بوست يدك مو .. " بهمس خافت " .. شفايفك ..
ريما توقف وبعصبية / انت ما تتادب ..
وقف غيث / ههههههههههه .. " ومسك يدها وصار يمشي ويمشيها معاه " .. وحشتيني طيب ايش اسوي ..
ريما تضربه على كتفه بخجل / ........................
غيث / ههههههههههه فداك ..






ـــــــــــــــــ






في الفله ..


رنيم تنهدت وهي شايله فهد / ايش رايك نطلع نتمشى شوي ..
مرام / اي والله خاطري ..
العنود / انا عندي اولادي ما اقدر ......
زهرة تقاطعها / العيال نايمين .. روحي انتي .. انا ابقى عندهم .. لان ابي انام شوي ..
العنود ابتسمت / حبيبتي .. وشكل الوحام تاعبك ..
زهرة توقف / ايه مرة .. الله يعيني ..
العنود / ربي يقومك بسلامه ..
زهرة وهي متوجها لغرفة الاولاد ../ امين ..
رنيم / يالله ..
العنود / يالله ..






ــــــــــــــــــــــ







عند اسطبل الخيل ..


راكان / والله ابتسامتك ذي وراها ان ..
عناد / ههههههههههه يعني ايش فيه يعني ..
راكان / انت كان متلبسك جني .. مرة معصب ومرة تضحك .. الله يعينك ..
عناد / هههههههههههههههههههههههههههه
راكان رفع حاجب مستغرب / جعله دوم ..
عناد ابتسم / وياك يارب ..
راكان بجدية / لالا .. فيك شي .. قول .. ايش فيه ..
عناد بهمس وابتسامه / التحليل ..
راكان عقد حواجبه / تحليل ايه ..
عناد يهز راسه / ايش فيك .. تحليل ما قبل الزواج ..
راكان بدهشة / طلعت .. علشان كذا فرحان ..
عناد يهز راسه وهو مبتسم / بس محد يدري .. انا قلت بس بدر لانه مسويها قبل ..
خلني استانس بالطلعة .. وابوي و امي والكل ..
ركان / بالعكس ان قلت لهم طلعت بيفرحون اكثر ..
عناد بنبرة مقصودة / لا النتيجة ما تعجبهم ..
راكان بصدمة / يعني ايه .. يعني ما توافقت ..
عناد يبتسم / ايه .. الحمد الله .. جات من الله ..
راكان بابتسامه / عادي .. عادي ما احبها .. والله انك كذوب ..
عناد / ههههه والله ما احبها .. بس انا ما حبيت ذا الخطبه لانها غصب فهمت ..
راكان بنبرة مقصودة / ايييييييه فاهم ... فاهم ..
عناد / هههههههههههه ما ابي ارد عليك لاني فرحان ..





ــــــــــــــــــ







عند مجلس الرجال ..


سند / يا مرحبا بكم .. حياكم الله ..
........./ الله يبقيك .. " وبصوت جهوري " .. السلام عليكم ..
كل من بالمجلس وقف وبا صوات متفرقه / وعليكم السلام .. يا مرحبا .. هلا .. حياكم الله ..
وبعد السلام والسؤال عن الاحوال و التعارف .. دخل راكان وعناد و زياد ..
وبعد السلام على الضيوف .. راكان جلس وبجنبة زياد ساله بهمس / وين نايف ..
زياد / جالس برا .. معاه صقر و سامر ..
راكان هز راسه .. و رجع يطالع باحد الضيوف وهمس لعناد / هالرجال كاني اعرفه ..
عناد / اي واحد ؟..
راكان / ابو نظارات سوداء ..
عناد / وين تعرفه .. هذولا من تبوك .. يقولون اشتراء مزرعة ابو مبارك الله يرحمه قبل فترة ..
راكان باستغراب / من تبوك يشتري مزرعة بالشرقيه .. ليه ..
عناد / يمكن يبي تجارة .. حنا ما نعرفه ..
راكان عقد حواجبه وبهمس وكانه يفكر / تبوك .. انا شايفه متاكد بس ما ادري وين ..
الضيوف هم رجل كبير بالسن .. و رجل باخرات الاربعين وشابان بعمر الثلاثين ..
احد الضيوف يطالع براكان من خلف نظاراته وهو راسم ابتسامه خفيفه على شفايفه ..






ــــــــــــــــ




عند البنات ..



العنود / بنات هذي عمتي مياسة متصلة عليه .. تقول انه وصلوا الضيوف خلونا نرجع ..
غرام / ايش له نرجع .. تلقينهم عجايز ..
العنود بحدة / بنت .. الضيوف كبار والا صغار لزم تحترمينهم .. يالله اللي تبي ترجع ترجع والا ما تبي براحتها ..
تركت البنات وتوجهت للفله .. رنيم رجعت مرام نوال وابرار وريهام .. اما الصغار بقيوا ..





العنود اول ما دخلت فتحت برقعها وبصوت جهوري / ما شاء الله .. السلام عليكم ..
الضيف التفتوا عليها وسكتوا معاد وحدة وقفت ولا انتبهت للباقي ..
العنود وقفت مصدومه وباستغراب / ام لطام .. " تحركت ببرود " .. يا مرحبا ..
ام لطام وقفت بارتباك ../ هلا .. " و سلموا على بعض ببرود " ...
كانت مع ام لطام 3 نساء اخريات .. 2 قبلوها ببرود .. واخر قبلتها بخجل و ارتباك ..
العنود جلست جنب عمتها مياسه وبرود / حي الله ام لطام .. اشلونك ..
ام لطام وهي تحاول تتملك اعصابه / بخير .. ايشلونك يا اخت نايف ..
العنود بابتسامه بارده / بخير .. الا ايش الساعة المباركة اللي جابتكم يمنى ..
ام سطام / هذا جارنا هنيا بالمزرعة ..
العنود ببرود / اييييه .. جيران الفارس يا ام لطام .. جيرة خير ..
ام سطام / الا من اللي معاك ..
ام عزام مستغربه تصرف العنود مع ام لطام .. الكل مستغرب ..
ام لطام / هذي بنتي عبيدة البكر .. وذي بنتي بعد عايشة الصغيرة .. وذي ام تركي مرة ولدي الوحيد ..
العنود طالعت بزوجة لطام وشافتها تبتسم .. " اهااا هذي زوجتك والله ما تستاهلها .. هي اطهر واجمل منك "..
العنود وقت ببرود / اسمحولي .. رايحة اشوف عيالي .. " وراحت وتركتهم " ..
ام لطام وكان احد كب عليها ماي بارد .. التفتت لبناتها ورجعت طالعت ام سطام ...
ام لطام بارتباك / هذي بنتكم .. ما شاء الله ..
ام سطام / ايوه بنت ولدي الله يحفظها ..
ام لطام / متزوجه ..
ام سطام بارتباك / هاا .. ايه متزوجة وعنده ثنين من العيال .. الله يحفظهم ..
ام لطام بنبرة غامضة / اييييه .. الله يحفظهم ..






ـــــــــــــــــ






بعد الغداء ..



بمجلس الرجال ..





ابو لطام / كثر الله خيركم .. وما قصرتوا ..
ابو سطام / يا مرحبا بكم .. وهذا حق واجب ..
ابو لطام / هي فمان الله .. عند الوعد بكرة غداكم عندنا ..
ابو سطام / خير ان شاء الله .. فحفظ الرحمن ..



لطام واقف عند السيارة / لا مو رايح .. انت سمعت سند حلف اني اشف المزرعة معاه ..
زوج عايشة وابن عم لطام " حزام " .. / لطام ابعد عن البنت هي تزوجة خلاص ..
لطام بعصبيه هو يعض على اسنانه / مهي متزوجه .. تطلقت خلاص ..
حزام بحدة هامسه / انت ما ترتاح الين تذبح ابوك .. شوف وجهه يوم عرف من انت مجاور ومتعني علشانه ..
ابو لطام اللي وصل لهم وهو يحاول كتمان غيضة وغضبة / هذي اخرتها يا لطام ..
لطام ابتسم / على هونك يا روح لطام .. " وبغضب وهو يطالع لنساء المتقدمين لسيارة " .. هذي من جابها ..
ابو لطام التفت وشاف ام لطام وبناته وبنت اخوه زوجة لطام .. بحدة / انا .. هي قل كلمة تغثها ..
لطام بغضب يترك المكان ويتوجه لجهة سند اللي واقف مع غيث ورعد قريب من النخل ..







ــــــــــــــــــــــ







بغرفة العنود ..



العنود تحاول تتصل بس مقفل جهاز الشخص اللي تتصل عليه ..
العنود تحط جوالها على جنب / اووووووووووف وقته ..
دخلت رنيم وبهدوء / عنوده صليتي العصر ..
العنود / ايه ..
رنيم / طيب ايش رايك نطلع مادام طلعت الضحى تكنسلت ..
العنود توقف / يالله " التفتت لـ الظبي وشالتها " .. ومرة وحدة خليني نمشي الظبي .. " قبلتها وهي تسمي بالله "..






ـــــــــــــ






بعد فترة تجول .. لا تزيد عن النصف ساعة ..




رنيم بضيق / لالالا ..
العنود التفتت عليها / ايش فيك ..
رنيم بضيق وهي تاشر / الشباب قدامنا ..
العنود التفتت على الجهة اللي اشرت عليها رنيم وشافت سند ورعد وغيث ولطام .. كانوا بمسافه مو بعيده عنهم ..
لطام بكل وقاحه يطالع في العنود ولا رخى نظره وبابتسامه مستفزة على شفاه ..
رنيم بعصبية / وجع وجع .. شوفي ذا ..
العنود بعصبية / ذا يبي له كسر راس وظهر .. امشي ..
رنيم والعنود غيروا الجهة وتوجهوا للبيت ..
سند بحدة / غض نظرك يا الضيف ..
لطام بابتسامه مستفزة / .............
راكان و بتال ونايف كانوا يمشون من الجهة الثانية ..
بتال يمشي ولده سلطان / ههههههههه شوي شوي يا بابا ..
سلطان يضحك ويحاول حرك رجوله بسرعة ...
راكان / هههههههههههههههههههههه
نايف اللي اجبره راكان يمشي .. ابتسم على حركات سلطان ...
راكان بهمس / هالادمي انا متاكد اني فته بس فين ما اذكر ..
نايف رفع راسه وشاف الشخص اللي مبتسم باستفزاز له ..
نايف بغضب / انت ..











انتهى ..


لا اله الا الله محمد رسول الله ..

سبحان الله .. الحمد الله ... الله اكبر ..



اعذروني على القصور والاخطاء الاملائية ..


لا تنسوني من دعائكم ..

اختكم ..

مشاعل السعودية ..