السلام عليكم ورحمة الله وبركاته

صباح الخير...صباح السعاده...صباح المحبه....صباحك رياحين
تسلم يدينك ميشوو على هالبارتات الحلوووه ...بس ماتصيرين ميشو اذا مارفعتي ضغطي
ونرفزتيني....انتي الواحد يتوقع معك الا متوقع دائما تفاجائن باحداث جديده الله يستر من الجاي

العنود وبتال
الطلاق كنت متوقعته انه بيصير ياليوم او بكره لان المشاكل وسوء الظن واللبس الي بينهم وعدم الثقه
والعوامل الخارجيه>>شريفوه وجويهر<<يهيؤن لهالنتيجه بس متاكده ان بتيل بيتحسف قد شعر راسه
على الي سواه ببنت عمه هذا الامانه الي ماتنها اياه راكان يسوي فيها كذااا ...وبدال لايطلق يستفسر يسال
مو ياخذ كلام البقره امه واخته كلام منزل ويامن به....من اول ما خذها وهو ما غير نازل فيا تكفخ وضرب
وكلام مثل السم ومعامله زفت لو انها اخته رضا ركان يعاملها مثل كذاااا والا لان العنود ابوها مغيب ونايف
لاحول له ولاا قوه والاثنين وجودهم مثل عدمه جالس يسوي الي يبي

مع اختفاء راكان وسفر نايف بتطيح كل المسؤليه على زياد ولاا راح يكون قدها فبيضطر بتال انه يرجع العنود
عشان على قولته بيحمي بيت عمه او انه جده وابوه راح يجبرونه انه يرجعها
ومع الوقت بيكتشف حقيقة العنود وانه اهو واهله ظالمينها بس ياريت يكون قبل فوات الاوان

العنود تراك تتحمليين جزء كبيؤر من الي صار الى متى وانتي ساكته مو راضيه توضحين حقيقة الي صار
لبتال الرجال دائما يطيح معك في مواقف غلط وغير زن امه واخته فوق راسه وكملها متيعيب بكلامه
اكيد انه بيثور بس المفروض تصارحينه بالحقيقه وان الفكره الي ماخذها عنك غلط ترا هذا ما يقلل من قدرك شي

الجوهره وسلطان
ياااااا سبحان الله من حفر حفرة لاخيه المسلم وقع فيها جالسه تعبي راس ولدها على زوجته ولاا بعد تبيه يطلقها
والا ياخذ عليها هذا ربي جازها على نيتها الشينه وطاحت بشر اعمالها
سلطاان تسلم يمينك والله اخيرا تحركت وادبت هالعجوز المتصابيه الي هاملة بيتها وزوجها واعيالها
وتراكض ورى خبالها..ولاا بعد كملها اخوه جعله يسلم ايه والله خلها عندهم لين تتادب ويرجع عقلها
لراسها وتعرف ان الله حق

راكان وقردته
اقلب الحله على فمها تطلع البنت لامها...وهذا سمر نسخه امها اجل وشهالنفس الخايسه الي تقبل فيها
حمواتها ولاا الاخت موعاجبها ان راكان يتقرب من خواته ويجلس معهم...والي صار لها نتيجه نيتها الشينهد
على العنود ربي سلط عليها الي مايخافون الله وذبحوا الي بطنها ,,وهذا هي بترجع بيت اهلها وبتفقد تدلل راكان لها
ويمكن اهلها يفهمون ان رجعتها لهم وعدم سؤال راكان عنها لانهم زعلانين من طلاق بتال للعنود

راكان يمكن الي اخطفوه هم نفسهم الي جالسين يحاربونه بالسوق والي حاطين عليه مراقبه بس وش يستفدون
من سالفة خطفه

سند ورنيم
والله ان حسافة سند فيك وبيجيك اليوم الي تتمنين منه لفته او نظره ....وبتعترفين ان قلبك سلم امره لسند
وبتعرفين قيمته عدل يكفي كل الي سواه لك ...اقل شيء ممكن انك تسوينه تبينين اهتمامك فيه وتريحينه

رعد وهيفاء
شوفي انتي خذيتي رعد وعارفه ماضيه كله ومدى تعلقه بزوجته السابقه يعني المفروض انك ماتتفاجاين
من الي صاااار...لاااا والله يعني بطرقتك ذي انك تغرينه ومدري ايشب يسلم رايته لك غلطاااانه حتى لو استسلم
بيكون عشان شيء معييين بس وهي يشبع نفسه المفروض تفكرين كيف تكسبين قلبه من خلال تعاملك الحلو له
ولامه وابوه ولعايلته

مرام وطلال
لاخيراااااا صحت الاميره النائمه خخخخخخخخ والله اني رحمة طلال مسكين كنه يتيم ولقى امه
بس ميشووو عورني قلبي حييل على سالفه امه ياني بكيت عليهااا حسبي الله على العم سند كرهته من شين
فعايله بالعايله مافيه مصيبه الا هو وراها

غرااااام
الحمد لله على سلامتك..واخيرا ربي من عليك بالشفاء بس ياليت يكون لك سبب عشان ماتمدين لسانك على
الي اكبر منك ولا تتقوين على الفقراء
حتى حاله ام عزوز اكسرت خاطري امفروض انهم ماينسونهم ويحاولون يساعدونهم مدام عندهم خير كثير

ميشووووو ياعسل تسلم يدينك على البارتات لاخلاا ولاعدم

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..




البارت 20 ..





جيتك , وأنا في داخلي زحمة كلام
......... ألف أبو مليون .. قصه , وسالفه !
شي حزن,
......... وشي بوح,
................. وشي ملام
وأكثره (( آهات روحٍ )) .. تالفه
قلت أسولف لك عساي أقدر أنام
وأستريح .. من العنا .. وموالفه !
طارت أسراب الحكي بإسم / ..... السلام
........... تحلم بـ ( غصن السماع ) .. تحالفه
ماتحقق حلمها ,,, ومات الـحمام
والبقيه ,, بـ رأس (باقي السالفه) !







واقفه على الشباك.. تطالع بالسماء .. الغيم اسود ومتوقع نزول المطر .. هالايام الاجواء باردة ..
تراجعت خطوتين للخلف ..رفعت نظرها وشافته واقف مستند على جدار الدرج ..
....... بابتسامه هادئة / من زمان واقف .. ما حسيت فيك ..
....... عدل وقفته .. و بنبرة مقصودة / في ايش كنتي تفكرين ..
.......بنبرة مقصودة / في اللي كنا نتكلم فيه قبل ساعة ..
..... رفع حاجب ../ يعني انا ما اعرف العنود بنت الظبي ..
العنود بنبرة مقصودة / يمكن ..
...... تقدم خطوتين وجلس على الكنبة / الجو بارد اليوم بزيادة .. تعالي اجلسي طولتي وانتي واقفه ..
العنود تقدمت وجلست بتعب / الله يجازي امهاتنا بالجنه .. والله الوحدة ما تقدر تعب امها الا بعد ما تجرب الحمل ..
....... ابتسم / مانتي راضية تقولين ايش جنس اللي ببطنك .. اذا ولد سميه متعب .. ابي اقهر ابوه ..
العنود تحاول تخفي ابتسامتها / انت متى تبي تكبر للحين انت وابوة خنايق ..
متعب يسحب ترمس القهوة ويصب له فنجان وبضيق / ما احبه حاولت احبه بس مااا " وهو يهز راسة وكانه متقرف " ..
العنود صدت عنه / ..................
متعب بنبرة مقصودة وهو يرتشف من القهوة / تحبينه ..؟
العنود بعد وقت ليس بطويل ولا قصير .. بغموض / ما اكرهه ..
متعب انبسط انها جاوبته .. وبداخله " اخيرا .. ثلاث شهور وهي ما تتكلم .. محد يدري ايش سبب طلاقها ..
وحلفت 100 حلف ما نسالها ولا نبلغ احد عن مكانها .. ساره وزهرة اللي يدرون بس " ..
متعب بهدوء / اسمعك .. تكلمي .. ترتاحين شوي .. مو لازم تتكلمين .. ابكي على الاقل ..
العنود التفتت علية بحدة / مو العنود بنت الظبي تبكي يا خال ..
متعب / ............
لوقت طويل ساد الصمت .. سوا صوت فنجان القهوة ..
العنود مريحة جسمها على الكنبة ..تنهدت وبنبرة مؤلمة لمن يعرف العنود جيدا ../ كنت ضايعه بالصحراء ..
حولي حجار حادة حوافها .. السماء صافيه .. والجو حااااااااااااااااار .. العطش ذبحني .. والخوف هد حيلي ..
وفجأة طلعت غيمة سوداء .. فرحت وخفت .. صابني ضياع اكثر .. يا هالغيمة تنقذني من العطش والمكان اللي انا فيه ..
يتجرفني بسيلها وترميني وسط الحجارة وتقتلني .. " تنهدت " ..
متعب مركز معاها .. يحاول يلتقط كل المقصد .. يبي يفك اللغز اللي هي قوقعت نفسها فيه ..
العنود تميل راسها على الخداديه .. بلعة ريقها / الغيمة .. لا اذبحتني ولا ريحتني .. جمدتني وراحت ..
كتمت انفاسي ..ما سمحت لي بالبوح ولا رمـ..
........ بصوت انثوي مرح / سلاااااااااااام ..
متعب بغضب / وجع ..
تراجعت للخلف بخوف .. مندهشة / ايش فيه .. ما سويت شي ..
العنود عدلت جلستها وبصوت مرهق / هلا مشيرة وعليكم السلام ..
متعب بغضب / انقلعي .. وقولي لا اشوف احد فوق اللين انزل .. " وبصراخ " اصلان من جابكم المزرعة ..
مشيرة فاتحه عيونه للاخير ../ ....................
العنود بضيق / متعب .. خلاص .. وبعدين ناسي ان اليوم مسوي سهرة حضرتك وانت اللي طلبتهم يجون ..
صرخت طفل رضيع .. رسم ابتسامة على وجه العنود / يا فديته .. اعطيني شيخ المنصور كلهم ..
متعب بغضب / انا ايش قلت .. انقلعي انتي وقردك .. والسهرة بطلناها ما عاد فيه ..
العنود بعصبية / اووووووووف خلاص متعب ... صجيت راسي .. قوم انت كل ماجيت الا تغث كبدي ..
متعب بغضب يوقف / غيثت كبدك ... انا وصلاح كنا على نار مقلاه قاعدين .. تزوجتي .. وانضربتي ..
وانهنتي .. وانطردتي .. وتطلقتي .. وحلفتينا ما نقول شي .. " ضرب فمه بقوة " وهذا حنا سكتنا ..
علشان طلبك .. لكن من حقنا نعرف ايش جاك .. وليش هذا كله يصير لك .. ليش ما قلتي لنا .. لييييييييييييييييييش ..
ابو عبدالعزيز من خلفه .. بصراخ / وللللللد .. ايش بلاك تصارخ ..
متعب بغضب / يبه .. انا تعبت ما عاد فيني صبر يا تتكلم يا تنقلع لـ اهلها .. المزرعة تتعذرها ..
العنود بغضب / انت اللي تطلع والا ناسي ان المزرعة مزرعتي .. وكلام ماني متكلمه ..
و والله والله والله .. ان قلت لحد عن مكاني يا متعب ليكون اخر يوم بيني وبينك .. وللساني مايطب لسانك العمر كله ..
متعب بغضب / لـ ... " ليسكت جراء ضربة قوية على كتفه " ..
ابو عبدالعزيز يرفع عصاة / والله ان ما سكت لقص لسانك يامتيعب .. وانزل تحت جهز الاغراض مع اختك ..
وبنيتي مالك دخل بها .. يالله روح << بصراخ ..
متعب بعصبية / طيب يا العنود .. اسكتي واسكتي .. لكن مردك بتقولين كل شي غصب والا طيب ..
ترك المكان ورحل .. لتأوه العنود وتميل بجسمها للجنب الاخر ..
ام عبدالعزيز التي دخلت مع ابو عبدالعزيز / استغفر الله .. الله يهدية بس ..
العنود بتعب / حياك يبه هلا يمه .. تفضلوا ..
مشيرة تبعد الخداديات ../ انسدحي وريحي جسمك .. شكلك تعبانه ...
العنود وهي تضع يدها على جنبها الايسر .. بصوت مرهق / لالا كذا مرتاحة ..
ابو عبدالعزيز يجلس مقابل لها ../ الله يفرج لك يابنتي ويقومك بالسلامه .. ويرقك بالذرية الصالحة ..
العنود تبتسم / امين .. العذر والسموحة يبه .. ما قدرت استقبلكم زين ..
ابو عبدالعزيز بابتسامه حنونه / افاا يابنت اختي اذا مو انتي الي تستقبلين زين من اللي يستقبل ...
ما شفنا منك الا كل زين يابنتي .. معذورة ياعين خالك " اشرت ام عبدالعزيز لمشيرة بان تتركهم وتطلع " ..
مشيرة تحمل ابنها وبتحجج ../ عن اذنكم شكل البطل سواها ..
العنود بمحبة / غيري له وجيبيه .. ابي العب معاك ..
ام عبدالعزيز / يابنيتي وهو يدري عنك توه فطيس ماكمل شهرين ..
ابو عبدالعزيز بنظرات للعنود غامضة /...............
ام عبدالعزيز تنهدت بعد ماراحت مشيرة / .........
ابو عبدالعزيز بهدوء / ما ودك نقول لجدك انك عندنا ..
العنود التفتت له وبنبرة يفهمها ابو عبدالعزيز .. اخو الظبي من الرضاعة ../ احد سال عني يبه ..
ابو عبدالعزيز يهز راسه بـلا / .............
العنود / اجل ماله داعي نرمي نفسنا يبه .. خليني الملم ما بقالي من كرامه ..
ام عبدالعزيز / لا حول ولا قوة الا بالله ..



ــــــــــــــ



بشركة الفارس ..


سند يدخل على بتال وهو حامل ملف ازرق .. / مشروع الرياض خلاص انتهاء .. لازم تروح وتشوفه ..
بتال تنهد / ما اقدر اخلي اهلي بهالوضع واسافر .. خلي غيري يروح ..
سند يجلس على الكرسي المقابل لمكتب بتال / انا قلت يمكن فرصة يروح يشوف زوجته ..
بتال .. بعد صمت لثواني .. وبضيق / طلقتها ..
سند بذهول / نعم .. ايش قلت ما سمعت ..
بتال تنهد / طلقتها ..
سند بذهول / تمزح ..
بتال يهز راسة بلا / ............
سند تراجع ليريح جسدة على الكرسي / احد يدري ..
بتال / انا ما قلت لاحد .. " هز كتفيه " اذا اهي قالت لاحد ما ادري ..
سند / رجعها قبل لا يعرف جدي ويصير شي ما يعجبك .. اللي فينا مكفينا يا بتال ..
بتال / ما اقدر .. خلصت عدتها من يومين ..
سند / والسبب ليه طلقتها ..
بتال بغموض / ما حبيتها .. انت تعرفني زين .. ما احب انغصب على شي .. وهم غضبوني عليها بشكل غير مباشر ..
سند يطالعه بنظرات / .............
بتال ابتسم بارتباك / ايش فيك تطالعني كذا ..
سند بنبرة مقصودة / ابد سلامتك .. " وقف " .. عازمك على الغداء اليوم .. سلام ..
بتال / ههههه قصدك تحقيق ..
سند عند الباب / تحقيق .. وبعد شي يخص راكان وزياد ..



ــــــــــ



بمكتب سلطان ..


سلطان / الارض انشقت وبلعته يعني ..
عبدالعزيز / المستشفيات زرناها وحدة وحده بالرياض وبعد مراكز الشرطة ما في شي ..
خالد / هذا شي طيب .. معناته انه بخير ..
سلطان تنهد / سمر اتعبتني وهي تبكي وتسال .. الحمل و .... " سكت وهو يضع يده على راسه " ..
عبدالعزيز / رجع امها للبيت يمكن ترتاح نفسيتها شوي ..
سلطان يرفع راسه وبغضب / لا ..
خالد / الله يهديك بس .. " وقف " .. المهم .. واحد من العيال يروح لـ الرياض .. الخساير على الشركة هدت حيل زياد ..
عبدالعزيز / يا يروح سند ياعناد .. و واحد ثاني من الشباب ..
خالد / انا اشوف يروح سند .. فا الاول كنت ابي طلال .. بس مرته يا اليوم يابكرة تولد ما يصير ..
سلطان يفرك جبينه الصداع ازعجه ../ سند وعناد يروحون .. ويحلون الموضوع اذا قدروا ..
عبدالعزيز / حالة الشركة صعبه جدا .. ما اظن تخرج سالمه منها ..
خالد / الله يعين .. عن اذنكم ..
عبدالعزيز / اذنك معاك .. " التفت لسلطان " .. انتي ما....
سلطان يقاطعة / اذا بتتكلم عن موضوع الجوهرة فاطلع برا راسي بينفجر ومالي خلق لطاريها ..
عبدالعزبز يوقف / عقلك في راسك تعرف خلاص .. بس هي كلمه ولا زم تسمعها ام عيالك لازم ترجعها للبيت ..
طلع من المكتب .. سلطان تنهد / ماني مرجعها اللين يرجع عقلها لراسها ..




ـــــــــــــ



بيت ام عزام ..


غيث بعصبية / كم مره اقول ما تمسك التلفون ولا تطلع من البيت بدون شوري ..
ام عزام / كلمت بنتها يا ولدي ما كلمت غريب ..
غيث / يمه .. بنتك يبي لها دار العجزة .. خلاص خرفت وبتفضحنا ..
الجوهرة تبكي / هذي اخرتها يا غيث .. انا اختك الـ ..
غيث بغضب / اص وقص .. انتي لو تبين الحشمة من الغير كان حشمتي نفسك .. قومي قومي انقلعي عن وجهي ..
الجوهرة قامت وراحت لغرفتها .. " غرفة الخادمة سابقا " .. مقهوره وتبكي .. شافت ذل وقهر خالتها ام فهد ما ذاقته ..
ريما / ..................
غيث يجلس بجانبها .. وبهدوء / صبي شاهي ..
ريما صبت شاهي وراحت لغرفتها / .....................
ام عزام / ياولدي لا تـ ..
غيث / يمه واللي يطول بعمرك ويخليك لنا .. الجوهرة لازم تعرف قيمة الحياة اللي عايشتها ..
اجل تقول طول عمري عايشه بحرمان .. وقهر .. أي قهر وحرمان .. وما سافر بها خارج المملكة ..
فيه ناس ما طلعوا من بيتهم .. اول زواجهم عيشها بظلم ... وضرب .. من اللي اول حايتها الزوجية سعادة ..
لزم تصير مشاكل .. بس اللي سوته هي ما ينبلع يمه .. اجل تلبس لبس ماهو لها .. وتسوي سوالف ماهي بسوالفنا ..
ولا عاداتنا ولا تقاليدنا .. اصلن سنها ما يسمح بهالشي .. عيالها كبار .. وبكره بتصير جده .. لا المصيبة الكبراء ..
تخطيطها لسفر لدبي .. تبي تسافر دبي علشان ام بندر .. يمه تعرفين من ام بندر وزوجها ..
من اكبر رجال الاعمال بالسعودية صح .. بس زوجته وبناته معروف مشيهم البطال وعياله بعد .. صار مضرب للمثل ..
عايلة فلان عايلة الـ*** .. والعياذ بالله .. الناس ما تصاحبها الا لقضاء مصالحهم .. عندي ملفات وقضايا عنهم ..
ما اقول الا ربي يسترنا بسترة .. وتقوم ذي تصاحبها وتمشي معها وهي بعد الياس تطلب الرجاء .. يمه ..
خلي بنتك يرجع لها عقله .. علشان يرجع لها زوجها وعيالها .. برغم اني عارف ان سلطان ماهو مرجعها على الهين ..
ام عزام تنهدت / .............. " محد حاس بالنار اللي داخلها " ..
غيث وقف ../ عن اذنك يمه .. اكيد ام رفيف ضاقت وهي داخل .. سلام ..
ام عزام تهز راسها / .. مع السلامة ..



دخل غرفته وشاف ريما جالسة على الكنب وبيدها الاي باد ..
غيث / ايش فيك ..
ريما بصد / ولا شي ..
غيث يجلس جنبها .. مد يده وحضنها من الخلف / تكذبين عليها ..
ريما تنهدت .. / تبي الصدق .. ضايق خلقي على خالتي الجوهرة ..
غيث تنهد / وانا مو ضايق صدري .. هذي اختي الكبيرة .. بس لازم تعرف قيمه سلطان علشان ما تخسره ..
ريما بعد فترت صمت / بعض الاحيان .. اقول معاها حق .. اللي شافته اهي وامي وخالتي وجدتي من حياة ..
صدق معاهم حق يعترضون الحين .. حرمان من طفولة ومن عيشه كريمة .. هم عاشوا طول عمرهم بكبت ..
يعني متوقع انفجارهم بيوم .. لمن اسمع قصصهم .. اقول هم كيف عايشين للحين .. كيف استحملوا ..
غيث يسحب يده من على كتوفها ../ بس عمامك وخوالك غيروا اطباعهم .. لو عاشوا بعيشة خالتي شيخة ..
ياللي اتوقع موتها .. لو بوقتنا الحالي .. كان تحولة لجريمة قتل .. تهز المجتمع .. مره سمعت قصة عنها ..
يقولون حامل باحد الحملات اللي طاحت .. او اللي قتله ابوهم .. وتوحمت على سكر .. لقت اوقه .. تعرفين ايش الاوقه ..
هو وحدة قياس مثل الكيلو والجرام .. بس بورق يلفونه على شكل أسطوانة مثلثه .. جابها جدك سند مونه للبيت ..
قامت اكلت السكر كله .. وما انتبهت الا ان الاوقة خلصت .. راحت تجري لبيت جدك سعود تبي فزعت اختها ..
وقامت اعطتها خالتي موضي الاوقة اللي عندها بس من قرادت حضها شافها جدك سند .. ويوم وصلت للبيت ..
وسوت الشاهي و اعطته ايها تقهوة وعين من الله خير سالها من وين لك السكر .. قالت له اللي انت جبته ..
وقام وسحب عقاله وطاح فيها ضرب .. تكذبين علية .. ما خذه من بيت اخوي تبين تفضحيني عن الناس ..
ويقولون سند ما يكرم بيته .. ما فكها الا يوم دخل جدك سعود وخالتي موضي .. الا خالتي شيخة دمها تحتها بحر ..
مات الولد اللي في بطنها واخذت فترة وجعانه والا احد يدري عنها وان دروا محد يقدر يقول عالجوها ..
" التفت لريما " من اللي حياته صعبة الجوهرة والا جدتك شيخة .. اللي جدك سند اجرم فيها ..
ريما / ...................
غيث / انا ابي الجوهرة تعرف قيمة العز اللي عايشه فيه .. " ضم ريما " .. انا ضاق صدري من الجوهرة وسوالفها ..
قبل عنقها بجنون .. وبهمس / وحشتني ريما الدلوعة ..
ريما / غيث .. اذا يوم زعلت مني .. تضربني ..
غيث يبتعد عنها .. وبابتسامه / اضرب نفسي .. اذبح نفسي انا وين وانتي وين ..
ريما وجهها حمر / لا جد اتكلم ..
غيث بابتسامه / يعني انا العب اول ...
ريما عقدت حواجها .. وبينه انزعاجها / ...........
غيث يبتسم / لا ما راح ازعل منك .. وانا ما احب اسلوب العنف مع النساء ..
" شف نظرت السخرية من ريما " .. الا الجوهرة لانها تستاهل . هههههههههههه ..
ورجع قبلها بجنون وهو يهمس ../ ممكن تتركين العالم الخارجي وتعيشين بعالم غيث .. غيث وبس ..



ــــــــــ



بيت ابو عناد ..


غرام وهي تصارخ " وتدور بغرفة شجون " / يعني رايك ادخل علاقات اجتماعية والا ايش ..
شجون من غرفة الملابس .. / لا ادخلي رياض اطفال لان انا ابي احول علية .. " رنة جوال تنبا بوصول رسالة " ..
غرام كانت قريبه من الجوال التفتت وشافت اسم ورقم خلاها تفتح عيونها للاخير مذهوله ..
شجون تكمل / تصدقين قسم روضة الاطفال يجنن .. يوم تجيبين طفل يوم لعايب يعني وناسة ..
" شجون خرجة من الغرفة وهي لبسه بنطلون اسود ضيق وبلوزة ورديه لنص الفخذ " ..
شجون تطالع غرام / ايش فيك ساكته ..
غرام بغموض / جاتك رسالة .. " وهي تمد الجهاز لها " ..
شجون ارتبكت / ومن سمح لك تفتشين بجوالي ..
غرام بسخرية / صدفة .. افضل من الف ميعاد ..
شجون تصد عنها / ..............
غرام بحدة / شجون ايش علاقتك مع ياسر ..
شجون بارتباك / مابيننا شي .. وياسر من ..
غرام بحدة اكبر / الرقم رقم ياسر .. وانتي كاتبة يوسه .. تضحكين على مين انتي .. ومن اللي يتدلع بيوسه ..
شجون .. انتي لك فترة متغيرة .. ايش فيك ..
شجون بقوة / انا وياسر نحب بعض ..
غرام فاتحة عيونها / .............
شجون منزلة راسها وتطالع بالرسالة / .................
غرام فجأة انفجرت ضحك / هههههههههههههههههههههههههههههه واي شجون مزحتك بايخة وثقيلة ..
شجون رفعت راسها وباستغراب / أي مزحة .. انا اتكلم جد ..
غرام سكتت وبعصبية / مجنونه انتي .. أي حب واي خرابيط .. شجووووووووون ..
شجون بصراحة / نعم .. ايه احبه .. وخليني مجنونه .. انتي ما سمعتي ابوي وجدي هذاك اليوم ايش يقولون لعناد ..
انت مسمى لغرام .. ما راح تتزوج الا هي .. وبناتنا ما يطلعون للغرب .. وانا مسماه لياسر ..
يعني بالاخير بيتزوجني فليه احرم نفسي من هالحب ..
غرام مصدومه / بنت .. انتي اكيد انجنيتي .. ايش دخل سالفتي انا وعناد فيك الحين ..
شجون / نفس الشي .. انتي وعناد تحبون بعض بس ما تبون تقولون .. وانا وياسر نحب بعض وبتصريح ..
غرام / انا .. احب .. حسبي الله ونعم الوكيل بس .. " تركت شجون ولبست نقابها ورمت عبايتها على الراس " ..
شجون توقفها عند الباب .. وبرجاء / غرام .. لا تزعجين ياسر ..
غرام / اقول انا رايحة الحين .. بس لا تفكرين اني ساكته .. لا ابد .. راجعه لك ..
وابي اكسر راسك وراس يويسر .. انقلعي دفعتها عن الباب وطلعت.. " وطلعت وتوجهت لبيتهم " ..




ـــــــــــ



بـ اليل في مزرعة العنود ..

الجو البارد .. وريحة القهوة .. و الحطب .. تشرح الخاطر .. رفعة عينها لسماء .. القمر مكتمل بدر ..
تنهدت بتعب .. التفتت لام عبدالعزيز وهي تحط الشال الصوفي على كتوفها ...
ام عبدالعزيز / تدفي يا امي لا يسقط البرد بعظامك ويوجعك ..
العنود ابتسمت / ...............
ام عبدالعزيز تمد كوب الحليب بالزنجبيل / اشربي .. يدفيك .. والحليب زين للحامل ..
ابو عبدالعزيز / الا يابنتي كم بقالك على الفرج ..
العنود / اذا الله اراد وكملة 4 اشهر ..
مشيرة / ان شاء الله يكمل وتولدين بالسلامة .. بس انتي لا تتعبين ظهرك ..
العنود بعد ما شافت ام عبدالعزيز وابو عبدالعزيز التهوا بالكلام وتذكر الماضي والجوري تسمع لهم ..
همست لمشيرة / كيف الوضع ..
مشيرة تشرب حليب / لمين تقصدين ..
العنود / لمين يعني .. ؟ .. امي وابوي وسارة ..
مشيرة / بالحفظ والصون .. طارق ما يفوت يوم مراجعة لهم .. والحمد لله متحسنين كثير ..
امك بدات تتذكر اسماء الاكل .. يعني لعطشت تطلب ماي ..لجاعت طلبت اكل ..
وزهرة الله يجزاها خير ما تخليهم وصبري كذلك ..
العنود / الحمد لله ..
مشيرة / وابوك معاد يصارخ ولا يأذي نفسة .. بس .. " بتردد " .. جدك ..
العنود بخوف تعدل جلستها / أيش فيه جدي ..
مشيرة / تعب شوي وقامت خالتك خديجة اخذته للبيت ..
العنود ترجع تنسدح وتريح نفسه / ما دام اخذته خالتي خديجة ما علية خوف ..
مشيرة بتردد / شريفة رجعت تدخل البيت .. بس على فترات بعيدة ..
العنود التفتت بسرعة لمتعب ../ متعب ..
متعب اللي جالس اسفل الجلسة يرتب الشوي .. وعلشان الدخان ما يضايقهم .. ببرود / هاا ..
العنود تمسك بطرف الجدار الصغير اللي مستنده علية .. / هواء عدوك بالبير ...
" ضربته بعصى ابو عبدالعزيز على راسة " .. قرب ..
ابو عبدالعزيز وام عبدالعزيز مندمجين بسالفه من الماضي ويتذكرون تفاصيلها .. ويشرحون للجوري بعض المعاني ..
متعب يوقف على ركبة ويتكي على الجدر قريب من العنود .. وبنبرة مقصودة / مو انا اغث كبدك ..
العنود تمسك اذنه / بلا لعانه .. " تركت اذنه وقربت منه وبهمس " شرفوه ايش اخر اخبارها ..
متعب تنهد وبهمس / الموضوع عند صلاح واخر ما قال لي انها جالسة فترة طويلة في البيت ..
الظاهر انها انرعبت من يوم امسكت خالتها .. بس قبل فترة طلعت وراحت لبيت بحي شعبي قديم ..
واخذت فترة واقفه عند الباب وبعدين مشت ..
العنود التفتت على مشيرة شافتها تسولف مع الجوري وتضحك.. التفتت على متعب / بيت من ..
وايش علاقته فيها .. " متعب ياشر لها ما ادري " ..
العنود / كيف يعني ما تدري ..
متعب / صلاح ما قال شي .. الظاهر يراقب البيت ..
العنود تمسح جبينها / اتصل على صلاح واساله ..
متعب / اذا لقى شي مهم اكيد بيقول .. المهم تراه ترك ملف بالمكتب فوق يقول تخص شركة السعد ..
العنود بعدم اهتمام / ايش فيها .. خسرت .. قلعتها خلها تفلس .. وتتقفل .. خلي اخواني ينتبهون لنا ..
متعب / ..................
العنود تنهدت / ما توقعت راكان ما يسال عني حتى زياد .. ساره تقول راكان ولا يمر لبيت ..
ليه كل ذا ايش سويت انا .. والله ان راكان اوجعني اكثر من غيره .. الله يسامحه بس ..
متعب بصراحة صدمت العنود / سمر صار عليها حادث بالجامعة ومتهمتك انتي اللي دبرتي لها هالحادثة ..
العنود / ...................
متعب / ايش اللي بينك وبينها حتى هي تتهمك واخوها يضربك و يطلقك ..
العنود / ايش صار لها بضبط .. و معقول راكان صدق اني انا راح اضر سمر .. راكان مو كذا ابد ..
متعب يرجع ويجلس ويقلب اللحم ويحرك الفحم .. ورجع للعنود ... / اللي صار يا طويلة العمر ..
ان سمر اعتداء عليها بنتين في الجامعة .. يقولون وحدة دفعتها وطاحت على راسة .. ووصل بلغ لحارسات الامن ..
اللي بالجامعة ان فيه بنت بالحمام مغمى عليها .. والدم ينزف من راسها .. ولمن اخذوها للمستشفى ..
وحقق معاها الشرطي قالت ما ادري عن شي ولا شفت شي .. بس الحقيقة .. انها قالت انتي اللي ارسلتي البنات ..
العنود تنحنح / احم احم انا .. ليه .. وانت ايش عرفك باللي قالته ..
متعب / ليه انتي هذي عندك .. ومن وين عرفت .. من خزامى بنت عبدالمحسن سمر قالت لها السالفه .. ووصلت لي ..
العنود / ......................
متعب بنبرة مقصودة / ليش ..
العنود / .................
متعب بقهر / لا تسكتين تكلمي ..
العنود / لقلت لي ايش قصة نايف اقول لك ليش ..
متعب / ايش بلاه نايف غلط وصلحت غلطة ..
العنود / الا انا لا تحاول تكذب عليه .. اعرفها من عيونك انك كذاب .. نايف انا اللي ربيته يامتعب انا ..
متعب صد عنها ورجع يقلب الحم / .....................
العنود رجعت وانسدحت / ................
متعب يغني وبصوته الثقيل /
الله على جو ينشك براده
في ليلة قمرا ولا حولك أجناس
من بين ضوح نور وعتمة سواده
النار يوقدها الحطب سمر كالداس
يمر فكري مثل نظم القلاده
الماضي الي عشته أيام مع ناس
القلب هزه من زمانه وداده
غنيت يا مغناي وما نوخ الراس
والراس به من جور وقتي جلاده
حزت رخا من بين حزات محتاس
احدً موفق حظ وحصل مراده
واحدً شحيح الحظ رده على الساس

العنود تنهدت وبهمس / صدقت .. احدً موفق حظ وحصل مراده .. واحدً شحيح الحظ رده على الساس ..




ــــــــ



يوم جديد ..


بشركة الفارس ..

سند يدخل على مكتب بتال .. وبامر / قوم ..
بتال رفع راسة مستغرب / ايش فيه ..
سند يطالع ساعته / وقت غداء .. وانا عازم نفسي على الغداء على حسابك ..
بتال ابتسم / صدقني امس سمر تعبت ورحت لها والا ...
سند يقاطعة / بلا تبريرات فاضية وقدامي يالله ..
وقف بتال وهو يقفل القلم ويرمة على المكتب .. ابتسم / حسستني مسحوب لمركز الشرطة ..
سند / على طاري الشرطة ما جاء خبر عن راكان ..
بتال / خلنا نروح للمطعم ونتغداء وبعدين نتكلم ..



ـــــــ



بمكان اخر بعيد جدا ..


........ دخل وابتسامة النصر على وجهه / عرفنا من اخذ البضاعة طال عمرك ..
........ رفع راسة عن الاب توب .. وباهتمام / مين ؟ عجل علية ..
رمى على الطاولة ملف اسود / شخص ما توقعناه ابد ..
فتح الملف بسرعة .. مسك صورة لشخص المعني / لا ما اصدق ..
...... / ولا احنا .. بس شوف رصيده اللي بالحساب...
تصفح باقي الاوراق / ههههههههههههه .. صدق من قال الحجر الي ما يعجبك يفجك ..
جهز نفسك يا بطل رجعنا لـ ارض القلوب الطيبة .. ههههههههههههههههههه ..
" مسك الصورة بين يدينه " .. " وبكرة " .. راجع لك وراح اطلع هالطيبة من عيونك ..




ـــــــــــ




بيت ابو نايف ..


سارة واقفه عند باب الغرفة / زياد .. افتح الباب والله تعبت .. طيب بس تغداء ..
انت من يومين ما اكلت شي .. زياااااد .. افتح الباب زياااااد .. " التفتت لزهرة " .... مو راضي يفتح ..
زهرة / خليه الحين .. يمكن نايم ..
ساره بضعف / يمكن ..
داخل الغرفة .. وباحد اركان الغرفة .. جالس يبكي كالطفل صغير .. وحيد .. خايف .. و ضايع ..


قبل سنين مضت ..

كان بعمر 8 سنوات .. اليوم هم بمزرعة الجدة الظبي .. ابوه وامهم مسافرين من يومين ..
يمشي وهو فرحان .. اشترا من البقالة حلاوة وبسكوت وعصير .. طالع بالكيس وشاف الحلاوة اللي تحبها العنود ..
ابتسم .. وبصوت طفولي / راح اعطي الحلوة العنود والبسكوت والعصير انا و راكان ..
سمع صوت .. رفع راسه وشهق بخوف / ................
تقدم منه .. وكان اطول منه .. السعابيل تنزل من فمه .. هذا كلب مزرعة جار جدته ...
الوقت قريب المغرب .. والمنطقة بعيدة عن المزرعة .. بقي يشهق .. لا هو قادر يصرخ وينادي ..
ولا هو قادر يهرب منه .. تقدم منه الكلب الاسود الضخم .. حتى طاح على الارض زياد ..
تقدم الكلب منه ونزل راسه لوجهه اختلطت انفاس زياد بأنفاس الكلب الكريهة .. غمض عيونه ..
وفجاة سمع صوت وابتعد الكلب ... / زياد .. زياد .. افتح عيونك انا راكان .. زياد لا تموت ..
فتح عيونه .. وهو مو مصدق ../ راكان .. اهئئئئئئئئئئئئئئئئئئئئئئ .. " رمى نفسه بحضن راكان " ..
راكان يحضنه / خلاص لا تبكي .. انا معاك .. انت لا عاد تروح لحالك لاي مكان بعدين يجيك شي و تموت لحالك ..


عاد بذاكرته ..
الان ..
زياد يبكي / راكان .. راح اموت .. بيسجنوني واموت .. تعال .. انا والله ما رحت مكان انت رحت ليه .. تعااال تعااال ..



ـــــــــــ



بالمطعم ..

سند / طيب ليش طلقتها ..
بتال بضيق / ما حبيتهاااا .. ما ارتحت معاها .. حولت .. بس كل شي " هز راسه " ... ما حبيتها وبس ..
سند / قصرت بشي من جهة البيت .. من جهتك .. ما احترمتك .. يا اخي الحب مو بسرعة يجي ..
اهم شي المودة والرحمة والاحترام بين الزوجين تكفي .. اما الحب والعشق والهيام .. يجي مع الوقت ..
بتال ابتسم .. وهو يقطع من الخبز / اسمع من يتكلم .. انت العاشق الولهان تقول هالكلام ..
سند ابتسم / انا غير .. وبعدين لا تغير السالفه ..
بتال تنهد / من جهة البيت .. لا ما نقصت بشي .. ملابسي نظيفة ومكواه ومرتبه .. الاكل جاهز بوقته ..
القهوة " تنهد " .. كل شي .. ما ابي اظلمها البنت من ذا الاتجاه ما قصرت .. بس " وهو يضرب على قلبه " ..
ما طالع .. وذا " وهو يضرب على راسه " .. ما قدر .. وذا " وهو يضرب على راس انفه " .. ما رضى ..
سند بنبرة / وذا .. " وهو ياسر على فمه " ما قدر يقنعني ..
بتال / ...............
سند / اعرفك مثل ما اعرف كف يدي يا بو سلطان .. به شي كبير .. خلك تسوي كذا ..
بس اعرف .. ان راكان ما راح يرضى .. وجدك .. يعني .. جهز نفسك للمشاكل ..
بتال / راكان .. كل شي يعرفه وما خبيت شي عنه من الاول .. وهو اخطاء قبل لا اخطي ..
سند عقد حواجبه / ايش خطاه ..
بتال / خلها مستورة يا بو فهد ..
سند / افااا .. هذا مقصدة كبير يا بتال .. " وبنبرة " قذف ..
بتال / ...............
سند / وراكان يدري با ايش .. وانت ايش دخلك ..
بتال تنهد / البنت قبل ما اتزوجها خطبها ولد خالتها وكانت راح تتزوجه بس جدك واخوها وقفوا بطريقهم ..
وانا قبلها قايل لراكان .. ان اختك مشيها ماهو زين .. انتبه لها .. وهو ....
قاطعة سند / مجنون انت .. كيف تقول كذا عندك دليل عليها ..
بتال / ايه شفتها وسمعتها وعاشرتها بعد .. وغير ذا كله .. حرقة يد امي قبل .. واذت سمر ..
وكانت راح تسبب مشكلة وتعقد زواج سمر من راكان .. البنت ... اووووووووووووف يا سند .. الا تخلين اتكلم ..
سند / لا حول ولا قوة الا بالله .. والله اني شايل هم رجعت راكان .. من وين بيلقاها .. خسارت الشركة ..
والا الديون .. والا القضايا اللي انرفعت علية وهو غايب .. والا زوجته وحملها .. الا كيف اختك الحين ..
بتال تنهد / هذاك اليوم تعبت ووديتها الدكتورة .. تقول الدم عندها 6 ولزم لها تنويم .. والجنين صغير ..
ما كانها بعد اسبوع بيكمل 4 اشهر .. " ابتسم " سبحان الله .. طاحت وانضرب راسه والبنج لأجل الخياط ..
والادوية .. ونقلتها من الرياض لـ الدمام لـ الخبر .. ونفسيتها .. واللي صار كله .. وما موته .. تفاجأنا بالدكتور ..
يوم جانا وقال المدام حامل .. ههههههههههه .. والله اتذكر ذاك اليوم .. الدكتور وجه انخطف ..
وقاعد يقول " دا الحمل تلات اسابيع ازاي يعيش " .. وابوي وجدي هبو بوجه اذكر الله .. والله رحمته الضعيف ..
سند / يعني كم كان الحمل وقت غياب راكان .. اسبوع والا اكثر ..
بتال / يمكن اسبوع او اقل .. ما ادري كيف يحسبونها .. بس سبحان الله كيف عايش للحين .. " وهز كتوفه " ..
سند / سبحان الله له حكمته بكل شي .. يمكن هالجنين يكون رحمة لراكان من اللي راح يجيه بعد رجوعة ..
بتال / لمن افكر باختفاء راكان عقلي يوقف .. وين يروح .. الشرطة وسألنا عنه .. المطار .. المستشفيات ..
مافي .. وكان الارض انشقت وبلعته .. مخي يوقف عن التفكير ..
سند / بصراحة مره خطر في بالي شي .. بس نفيته ..
بتال بسرعة / ايش ..؟!!
سند / يكون مطلوب امني .. وبسرية اخذوة واخفوا هالشي ..
بتال / .............
سند / بس سحبت هالتفكير على طول راكان ماله تصرفات مشبوهة ..
بتال/ وانا فكرت انه انخطف .. بس بعد سحبت الفكرة .. هو ايش عندة علشان ينخطف . لا اموال تهد البنوك ولا شي ..
سند / افكر اكلم متعب .. يسال عنه بداهليس السجون يمكن نلق شي ..
بتال بعصبية / اعوذ بالله .. وبعدين قالب لنا افلام تركية .. اهجد بس ..
سند / ههههههههههههههههههههه .. كل هالعصبية علشان سيرة متعب ..
بتال بضيق / يا اخي ما اطيقه ..
سند / لانه اخذ الصقلاوية منك .. والا لانه هو اللي خرب عليك خطبتك لـ بنت عبدالمحسن ..
بتال بضيق / كلها .. " وهو يقلد متعب " البنت لولد عمها وهو محيرها ..
سند / مو هذا اللي سوتوه مع العنود وولد خالتها ..
بتال يضغط جبينه / خلالالالالالالاص سند ادوخت راسي وصدعته .. " فتح علبة الماي ..
وسحب من جيبة بنادول واخذله حبة " .. صارت ما تفارقني .. والصداع مغير يخف ويرجع ..
سند / افحص طيب ..
بتال بضيق / فحصت وما فيني شي .. انا اعرف السبب .. بس يبيله صبر ..
سند / ايش هو علاجك ..
بتال بضعف / القهوة ..



ــــــــــ



بغرفة شجون ..

شجون ماسكه الجوال / والله ياسر مو انا قلت لها .. وبعدين ليه معصب ..
ياسر بعصبية / لانها جاتني وقعدت تصارخ فوق راسي ..
شجون بصوت مخنوق من العبرة / طيب ايش اسوي .. كل شي صار غصب ..
ياسر / حبيبتي لا تزعلني .. بس انا ما ابي أي مشكله .. ما بقى الا فويرس يتزوج ويفكني ..
ما ادري ليش كل ما احد يتزوج الا اخوك الاكبر اول وبعده انت .. اوووووووه نسيت عناد بعد ..
شجون ابتسمت / وايش دخل اخوي بالموضوع ..
ياسر / اخوك .. لا زم يتزوج علشان ينفتح الطريق قدامي وقدام بدر الله يرجعة بالسلامة .. بدون عراقيل ..
مو احنا متفقين نتزوج انا واياه سواء بليلة وحدة ..
شجون / اممممممم
ياسر ابتسم / شنو اممممم ..
شجون / ههههههه لا بس امممم كذا ..
ياسر / هههه طيب ابي انزل اتغداء لا اتاخر وتفتح فمها غرام وتعطيني محاضرة .. اسمعي اسمعي ..
شجون باهتمام / نعم ..
ياسر / راح اجيب لك جوال وشريحة غير اللي عندك .. وكل شي بالجوال القديم امحية ..
والجوال الجديد دائم على الصامت ويكون بالسر بيننا ولا احد يدري عنه .. واذا سالتك غرام قولي ماعاد اكلمه ..
وكذا ما عاد راح تشك .. وانا من عندي راح اوعدها واقولها كم كلمه تقنعها وتلهيها عني ..
شجون / طيب .. اللي تشوفه ..
ياسر / يالبى اللي يفهم يالبببببببى .. احبك يا بنت احبك ..
شجون بخجل / طيب .. روح تغداء ..
ياسر / افاا .. اقولك احبك تقولين طيب .. ما في احبك شي ..
شجون / بعد العرس اقول اللي يعجبك .. يالله باي .." وقفلت المكالمة " ..
ياسر وقف / طيب يا شجون تقفلين بوجهي ..



ــــــــ



يوم جديد ..

بالمستشفى ..
متوجهه لعيادتها ..
....../ دكتورة نوال ..
نوال التفتت وبهدوء / نعم ..
د. ايمان / كيفك .. " مدت يدها لسلام " ..
نوال تمد يدها / الحمد لله انتي كيفك ..
د. ايمان / بخير .. بس غيري لا ..
نوال عقدت حواجبه / من غيرك .. وعسى ما شر ..
د. ايمان / غيري اخوي ايمن .. ما يدري متى يتقدم لك .. اخر مرة كان بيتقدم لك ..
وجيت حتى اقولك طلع عندكم ظرف في العايلة وطلعتي بسرعة .. فقلت اخرها شوي .. وطال هالشوي ..
نوال بهدوء / ايمان بهذا الموضوع انا ما الي أي علاقة .. كل الموضوع عند ابوي .. متى تتقدمون ..
موافقه او لا كله عند ابوي ... فهمتي .. انا استأذن الحين " وراحت وخلتها " ..
ايمان / يا ربي على الغرور .. ما ادري ايمن على ايش حبك ..



ـــــــــــــ



بيت ابو بتال ..

سمر منسدحه على سريرها .. وابوها جالس قبالها على الكنبة وجنبة وليد ..
سمر تبكي / ابغي امي .. تعبت والله تعبت .. يبه رجع امي البيت ..
سلطان يوقف .. وببرود / تبين امك .. روحي لها .. لكن تجي .. لا ..
" وقف و طلع لجناحه " ... وليد يطالع ابوة .. وبعد ما ابتعد ..
وليد / سمر .. ابوي زعل من امي بسببي ..
سمر تمسح دموعها / لا حبيبي .. بس امي وابوي زعلوا شوي من بعض .. كلها ايام و ماما ترجع ..
تعال جنبي حبيبي " فتحت يدينها " .. " قام وليد ورمى نفسة بحضنها " ..
وليد بعبرة / حتى انا ابغى ماما .. بس خايف بابا يزعل عليه ..
سمر / نروح لها .. و نقعد عندها اللين بابا يصالحها .. ونرجع سوا البيت .. ايش رايك ..
وليد / وبابا ما راح يزعل ..
سمر / ....... ما سمعته قال روحوا لها ..
وليد يهز راسه / اهاا ..
سمر / خلاص نروح لها وهو ما راح يزعل ..



ــــــــــ



يوم جديد ..

مزرعة العنود ..
مشيرة / انتي تعبانه ..
العنود بجمود / لا ..
مشيرة / انتي ايش صار لك .. احس ما اعرفك ابد .. تغييرتي يا العنود ..
العنود تنهد / ولا انا اعرف نفسي يا مشيرة .. صابني برود .. برود غريب ..
كل ما احاول انفض نفسي .. الا اطيح وارجع ابرد ..
مشيرة تطالعها بنظرات / .................
العنود ببحه / تعبت من ممشى على غير مشهاي
وتعبت من صبر على غير غايه
طاحت عزومي لين قلت نوياي
وابعدت من مبداي لصوب النهاية
الوقت ذا هو .. هو بطبعه و انا اياي
انا صدوق وذا زمان الدعايه
يالله ان تعاوني على كبر بلواي
ويالله ان تدليني طريق الهدايه
أشكي من الماضي و خوفي من الجاي
ولي في ملمّات الليالي درايه
لو كنت اعرف دواي ما خفت من داي
آخر من طبّة طبيب الوقايه
سبحان من يعرف مقاسيم دنياي
في صفحتن ما تنعرض للقرايه
إليا غدى وقتي جزوعٍ من احكاي
أدوي بهاجوسي على كل نايه
وليا كسرني هاجسي صوب مركاي
فايه جبرني نخوة دموعي آيه
وان شفت همّي ما نقص من تشكواي
اخترت من نطح الهموم القفايه
وقتن غدى كنه عليّ اكبر عداي
يفرح علي مجمّعين الوشايه ..

مشيرة / ...................

متعب اللي كان طالع الدرج وسمع كل كلامها صد ورجع نزل بدون ما يشوفه احد ..



ــــــــــــــــ



بيت ابو نايف ..

ساره / زياد ايش فيك .. اذا علشان الشركة خلاص ما نبغاها .. واذا تبغي فلوس عندنا كثير .. بس انت لا تزعل ..
زياد بضعف / لا .. انا ماني زعلان .. بس راكان ..
ساره / للحين ما كلمكم .. ما عرفتوا شي ..
زياد يهز راسه بـ لا/ ...............
ساره بضيق / طيب عيال عمك اللي دايم راكان تاركنا ورايح لهم ايش يسوون ..
زياد / يدورون عليه .. اليوم او بكره سند وعناد بيجون الرياض ..
ساره / ايش يبون ..
زياد / بيساعدوني علشان الشركة وعلشان يدورون راكان مره ثانية ..
ساره بكره / ما اقول الا مالت عليهم ما يجي منهم الا الهم والغم ..
زياد نزل راسه وسكت / ................





خارج البيت ..
سيارة سوداء .. فيها شخصين تراقب من بعيد ..
.......الاول / له اسبوع ما خرج من البيت ..
..........الثاني / يمكن مريض ..
........الاول / هو معروف انه ما ينقطع عن الصلاة بالمسجد ..
.........الثاني / يسرق ويصلي ..
..........الاول / هذي الناس اللي تشتغل صح .. حتى محد يشك فيها يا غبي ..
...........الثاني ابتسم / بس حس بالشبع من البضاعة وقال ماله داعي هالمظاهر ..
بكرة يغير هالحي وهالفله ويروح يسكن بحي ملوكي وقصر وحراس ..
............الاول / انا ابي اعرف كيف قدر يصرف البضاعة ..
.......الثاني / صح ما عرفنا .. تصدق من اول وانا حاس ان في الموضوع شي ضايع ..
...........الاول / ايش رايك نقول لطويل العمر ..
........ الثاني / لالا مو الحين .. خلنا نراقب الحين وان شفنا شي غريب قولنا كل شي عندنا ..




ــــــــــــ



بيت ابو سند ..

شقة سند ..

دخل وما شاف رنيم .. تقدم متوجه لغرفة النوم ..
رنيم تتكلم تلفون مع ريهام / مااااا ابيه ما تفهمين .. خاطري انزله .. لا طبعا ما قلت له ..
اصلا انا مو متاكدة .. لا ما رحت لدكتورة .. ويشلون اروح لدكتورة .. ومن بيوديني ..
هو مايبيني اروح مع غيره .. " بضيق " من يعني هو .. استاذ سند ..
ما احبه ريهام ماااا احبه حولت احبه بس ما قدرت .. حتى احترام .. ما قدرت ..
" وبقرف " بعض الاحيان ودي .. ودي اذبحه .. وخاصة لمن يقرب مني ..
" برجا " ريهام مو وقت محاضرات .. " وبضيق " اوووووف ...
الحين بتقولين لي قصيده بأستاذ سند وكرمة .. ما احتاج منه شي ولا ابيه بحياتي ..
ليته يطلقني وافتك .. اقولك ما ابي هالحمل تقولين قولي لسند عنه .. ابوه ..
" وبعصبية اكبر " .. انا راح اخذ أي دواء علشان يموت وينزل ..
" وبخوف " كيف ؟.. صدق !! .. طيب ويشلون اطيحه ...
" بضيق " ريهاااام ما ابي شي يربطني بهالسند اكرررهه .. ما تفهمين اكرهه ..
" تراجع سند للخلف بهدوء " .. فتح باب الشقة واقفله بقوة لتنتبه لدخوله " ..
رنيم طلعت من الغرفة والجوال بيدها / خلاص ريهام بعدين اكلمك .. باااي ..
رنيم بهدوء / متى جيت ..
سند بغموض / توني .. خير فيه شي .. " مر من جنبها ودخل الغرفة " ..
رنيم استغربت من تصرفه .. بالعادة يحضنها ويهمس لها بكلمات حب واشتياق ..
رنيم / فيك شي ..
سند يطنشها ويغير ملابسه ويدخل الحمام / ........
رنيم مغصها بطنها وبهمس / يمكن سمع كلامي مع ريهام .. اوووف ...
سند يطلع من الحمام وشكله متوضئ ويبي يصلي ..
رنيم باستغراب / للحين ما صليت الظهر ... " طالعت الساعة " .. باقي وقت على صلاة العصر ..
سند ياخذ السجادة ويتوجه لغرفة الثانية ويفرد سجادته ويصلي / .............
رنيم جلست على الكنب بصالة وهي تفكر ايش صار ومعقول سمعها ...
سند يطلع من الغرفة .. وبهدوء / انا مسافر لـ الرياض عندي شغل وراح اطول كم يوم ..
رنيم بفرحة ما اخفتها / خذ راحتك .. راح اجهز الشنطة لك .. "وقامت تجري للغرفة "..
سند مجروح بس يحاول يخفيها / شوي شوي لا تطيحين ..
وبداخله " الله يسامحك يا رنيم بس ما راح اعدي هذي يا رنيم الا ولدي ما اسمح لك تأذينه " ..
دخل الغرفة وشافها ترتب ملابسة .. / طول ما انا مسافر ما تطلعين من البيت شبر واحد ..
رنيم رفعت راسها متفاجأه / ..............
سند يكمل / مصروفك تأخذينه من ابوي .. والا اقول ما يحتاج مصروفة .. واذا نقصك شي اطلبي امي وهي تجيب لك ..
رنيم ترمي الملابس الي بيدها .. وبصراخ / نعممممم ...
سند طالعه بنظرة جمدتها .. وبهدوء / صوتك لاترفعينه ..
رنيم / انت ما تقول لي ايش فيك ..
سند يمسك جواله ويشوف الواتس / ايش فيني ..
رنيم / اليوم متغير ما انت طبيعي ..
سند / والله لو انك حرمة صاحية كان عرفتي اطباعي بس الشكوى لله ابتلينا ..
رنيم بذهول / نعم ابتليت ..
سند / .................
رنيم والعبرة خانقتها / اذا مضايقك وجودي طلقني ..
سند يطالع بالجوال ومطنشها / ....................
رنيم تقرب منه وبعصبية تضرب كتفه / رد عليـ .. " سند مسك يدها وسحبها لحضنه " ..
" رنيم صرخة برعب " .. آآآه .. " فتحت عيونها وطالعت سند باستغراب " ..
سند بهمس / اطلقك .. دخول الحمام مو مثل خروجه يا مدام ..
رنيم تتنفس بسرعة .. قرب سند وقبله على شفاتها وحملها لسرير ...



ـــــــــ



بيت ام عزام ..

لطيفة " زوجة عزام " / بكرة عزام جاي ان شاء الله ..
ام عزام / الحمد لله انه قرب شغلة .. الامارات قريبه كل اسبوع عندي .. مو بديار الغربة بالشهور والسنه ما نشوفة ..
لطيفة / الحمد لله .. الله يرجع كل غريب لدياره بالسلامة ..
ام عزام / امين .. " التفتت للجوهرة اللي خارجة من غرفة سمر " ..
لطيفة / اكلت ..
الجوهرة / ايه ..والحين نامت .. وحامها صعب .. ونفسيتها تعبانه .. حسبي الله ونعم الوكيل على من كان السبب ..
ام عزام / هي ما شافت اللي ضربتها .. ما تهاوشت مع احد ..
الجوهرة / توها سمر قالت لي كل السالفه .. وما قالت لي الابعد حلوف ونذور عليها اللين نطقت ..
لطيفة / وليه كل ذا .. خايفه من شي ..
الجوهرة / بتال حالف عليها انها ما تعلم احد السالفه .. بس والله ما اسكت سكت كثير وخلاص .. ما عاد فيني ..
ام عزام / الله يكفينا شرك يا الجوهرة لا تسببين مشاكل فوق المشاكل اللي حنا فيها ..
الجوهرة / حق بنتي راح اخذة يعني اخذة .. غصب عن الكل .. " وقفت وتوجهت لغرفتها .. وبين يدينها جوال سمر " ..
ام عزام / الله يهديها .. " التفت يمين ويسار " وليد وينه ..
لطيفة / يلعب مع رهف و وليف في الغرفة ..



ـــــــــ



بيت ابو بتال ..

مكتب سلطان ... كان يطالع باحد الملفات ويشتغل فيها .. رن الجوال وقطع شغله .. شاف المتصل سمر ..
سلطان بحنان / هلا بابا ..
الجوهرة / انا الجوهرة يا ابو بتال ..
سلطان عدل جلسته و بجفاف / ايش تبين ..
الجوهرة / ابي حق بنتي ..
سلطان رفع حاجب / أي حق يا الجوهرة اهرجي زين ماني فاضي لك ..
الجوهرة / ابي حق بنتي من اللي اعتداء عليها بالجامعة ..
سلطان / محد يعرفهم علشان يناخذ الحق منهم ..
الجوهرة بضحكة خبيثة / هههه واضح انك مهتم بعيالك يا سلطان علشان كذا تعرف كل اللي يصير لهم ..
سلطان بعصبية / الجوهرة اعرفي حدودك زين ..
الجوهرة / انا عارفه حدودي زين .. بس غيري ما يعرف حدودة .. العنود بنت اخوك .. كانت تبي تذبح بنتي ..
سلطان وقف وبعصبية / اقصري الشر يا الجوهرة واتركي الولد ومرته بحالهم ..
الجوهرة بسخرية / ههههههههه مرته .. بتال طلق مرته .. لان هي الا كانت ناوية تذبح اخته ..
سلطان قفل المكالمة وتوجه لغرفة بتال بعصبة فتح الباب / بتااال ..
بتال اللي منسدح على سريرة .. فز واقف / سم يبه ..
سلطان / من اللي السبب باللي صار لاختك ..
بتال يصد / ...........
سلطان بصراخ / رد ..
بتال / العنود بنت عمي سطام ..
سلطان بعصبية / انت متاكد ..
بتال / يبه البنتين قالوا ارسلتنا العنود .. قالوها صريحة لسمر ..
سلطان / وانت تاكدت من ذا الشي .. علشان كذا طلقتها ..
بتال فرك جبينه / ايه يبه .. متأكد .. ومو بس علشان كذا طلقتها فيه اسباب كثيرة يبه .. وارجوك لا تسالني ليه ..
سلطان يهز راسه / حسبي الله ونعم الوكيل .. حسبي الله ونعم الوكيل ..
بتال بسرعة يتوجه لأبوة / لا تزعل يبه دخيلك " قبل راسة ويده " .. كله ولا زعلك يبه ..
سلطان / ليه ما قلت لي " وجلس على طرف السرير " ..
بتال يجلس جنبة / يبه .. الزواج شركة طوال العمر .. يا تكون اساسا صالح حتى ما تنتج منتجات سيئة ..
يا اساس فاسد وراح يخرب عليك حياتك .. انا اخترت الطلاق حتى ما يصير شي اكبر واندم عليه ..
سلطان / ايش اللي شفته على بنت عمك وخلاك تطلقها ..
بتال ينزل عن السرير وبرجا اوجع قلب سلطان / تكفى يبه لا تطلب مني شي ما اقوا عليه ..
سلطان / لها الدرجة كبير ..
بتال صد / ..................
سلطان تنهد ووقف / براحتك .. بس اللي يجيك من جدك تحمله .. و لا تدخلني فيه ..
بتال يوقف / يبه لا تقول له الحين .. " وباستفسار " .. الا يبه انت من قالك ..
سلطان بضيق / امك ... انت مع وجهك قايل لسمر كل شي .. وهي قالك كل شي لامك ..
بتال حط يد على راسه ويد على خصرة / .. يبه ما ابي السالفه تكبر ..
سلطان / رح جيب امك واختك واخوك .. و اختك .. انت قص لسانه .. وامك خلها عليها الظاهر ما تتربى كذا ..
بتال بضيق / يبه ..
سلطان / اصصصصص اللي بيني وبين امك لا تتدخلون فيه .. " وتركة وطلع من الغرفة " ..



ـــــــــ



يوم جديد ..


بسيارة سند ..

عناد / ايش فيك .. من يوم ركبنا السيارة وانت ساكت ..
سند عاقد حواجبه ويسوق / ولا شي ..
عناد / سند .. مو عليه هالكلام .. حنا مكشوفين لبعض ..
سند تنهد / لا بس افكر ايش نسوي لشركة السعد ...
عناد / عيني فعينك ..
سند ابتسم غصب / بس عندي مشكلة خاصة مضايقتني شوي ..
عناد بمزحة / اكيد المدام .. علشان كذا انا اشجع العزوبيه .. لا تلاوموني وانا متناقر مع جدي علشان لا يزوجني ..
عناد ما انتبه لعصبية سند .. عناد يكمل وهو يطالع الخط قباله / الا يبي يزوجني ..
ما ادري احسها عقدة عند جدي بس يشوفنا مشغولين .. ومو قادرين نحك راسنا من المشاكل ينط لنا ويقول تزوج ..
مدري العرس يعني بيجيب الفرح والسعدة وتقعد 24 ساعة مبسوط .. هذا طلال وبتال وراكان وانت ورعد ..
من يوم تزوجتوا والعقدة ما فرقتكم 24 ساعة يا تفكر يا معصب .. بالله غلطان .. " التفتت لسند " ..
سند يحاول يهدا .. بغموض / لا .. بس مو دائم تكون الضيقة من الزوجة ..
عناد / اذا مو كلها ثلاث ارباعها .. الا ايش نسوي بالشركة راكان كان يقول الشركة ما تمشي الا بالمشاريع الصغيرة ..
ومره وحدة طب بمشروع يا كبرة .. ايش الي خلاه يطب .. قرادت حض .. هذا هو مطلوب بقضايا مالية ..
سند / مقادير .. ربي كاتب هالشي يصير ..
عناد تنهد / والله فاقدة .. كنت كل يوم اكلمه .. والحين 3 شهور وزود ولا سمعت له حس ..
سند / ادعي له .. الله يرجعة بالسلامة ..



ـــــــــــــ



بيت ابو سطام ..

بشقة رعد ..

هيفاء تضبط شعرها قدام المرايه / يالله مشينا ..
رعد يطالع بمكياجها / كانه ثقيل مكياجك ..
هيفاء / عاجبني ..
رعد / خففي الكحل والروج ..
هيفاء تطالع برعد / غير غترتك والبس شماغ .. " سحبت يده " وطلع ذي الكبك ..
رعد رافع حواجبة / عجيب ..
هيفاء / اجل مالك دخل في لبسي ... والا ناسي انك ما تدخل بخصوصياتي .. " وقعدت تضبط فتحت البلوزة " ..
رعد بعصبية / هيفاء ..
هيفاء بنعومة / لبيييه ..
رعد صد عنها واخذ نفس / انا بالسيارة انتظرك ..
هيفاء " تدرس بالجامعة " ابتسمت بخبث / رعودي ممكن تشيل الشنطة والاب توب ..
رعد وهو عند الباب التفت .. وبحدة / لا والله ..
هيفاء تتقدم منها وبدلع / تكفى رعد على شاني .. " تلعب بلياقة الثوب " .. والا انا مالي خاطر ..
رعد يصد عنها / وليه مو انتي تشيلينها ..
هيفاء ضمت شفايفها الغليضة وصغيرة / يدي تعورني .. والمسافه من هينا لسيارة بعيده .. مو مثل الجامعه ..
رعد يلتف لها ويحط يده من وراها / يعني من هينا لسيارة بعيد ومن السيارة للجامعة لا ..
هيفاء تقبله على خده / احملها وبدون كلام ..
رعد يسحب يده وبنرفزة / هيفااااء .. " حط يده على عيونه " .. انتي ايش تبين ..
هيفاء ترمي الشيله على راسه .. وتمر من قباله .. وبدلع / تشيل الشنطة والاب توب بس ..
رعد بعد ما ابتعدت لف على الشنطة والاب توب اللي في شنطته تقدم منها وحملها ولحق هيفاء ..




ــــــــــــــ



بالمزرعة ..

العنود تفتح عيونها .. رفعت راسها وشافت الجوال .. فتحت المكالمه .. وبصوت متعب ناعس / الوو ..
....... بحنان / يابعد الدنيا كلها .. صحيتك من النوم يا الغالية السموحة ..
العنود تعدل جلستها / لا فديتك .. نايف ايشلونك ..
نايف / بخير الحمد لله .. انت كيفك وكيف الحمل معاك ..
العنود وتحس بالم قوي اسفل بطنها / الحمد لله بخير .. بس مشتاقه لك ..
نايف / الله يعدي هالايام على خير واجيك ان شاء الله ..
العنود / نايف ؟ ..
نايف / سمي ياروح نايف ..
العنود / ايش اللي يصير .. حاسة بانه فيه شي يصير .. ما انت خالي .. ومتعب يعرف هالشي بس ما تبون تقولون لي ..
نايف / هذا انتي قلتيها .. والله يا العنود في الوقت المناسب راح اجيك واقولك كل شي ..
العنود تنهدت .. تأوهت من النغزة القوية اللي جاتها / آآآآآآآآه .. " عضت شفاتها بقوة "..
نايف بخوف / بسم الله عليك .. فيك شي ..
العنود / لالا " تضغط على شفايفها " .. بس لويت نفسي خطاء وتعورت .. لا تخاف حبيبي ..
نايف / انتبهي لنفسك يا روح اخليك ترتاحين الحين .. مع السلامة ..
العنود / مع السلامة .. " رمت الجهاز وصارت تاخذ نفس وتطلعه " ..
مها تدخل .. وبابتسامه / صباح الخـ ... " وانتبهت لحال العنود " العنود ..
" وبخطوات سريعة " .. بسم الله عليك .. "وضعت يدها على جبين العنود " ..
انتي تعبانه .. راح اكلم متعب يوديك المستشفى .. " وبخطوات سريعة طلعت من الغرفة " ..




ــــــــــــــــ



بيت ابو عبدالعزيز ..

بشقة طلال ..

طلال واقف عند الطاولة .. توه خلص فطور / تبين شي ..
مرام بتعب / لا .. سلامتك .. " تنهدت " ..
طلال يقرب منها ويقبل جبينها / اشوفك على خير ..
توه خطا خطوتين ليسمع صرخة من مرام اجبرته يالتفت / بسم الله عليك ..
مرام تمسك ظهرها .. وهي تضغط على شفايفها / اممممممممم آآآآآآآآآآآآآآه ...
طلال / انا قايل لك من البارح شكلك مو عاجبني تحسين بشي اوديك المستشفى وانتي لا لا ..
مرام تاخذ نفس / ما ابي استعجل .. وبعدين اطول بالمستشفى اللين اولد .. ما غير يتعبوني ..
طلال يحرك يدينه بقلة حيلة / طيب .. طيب روحي الحين واذا قالوا ما عندك ولاده والا لسه باقي وقت وعد رجعتك ..
مرام تتنفس بتعب / احلف .. ما تقول اقعدي شوي ..
طلال بسرعة / لالا ما اقول .. وهذا انا احلف ..
مرام توقف / ابي الحمام قبل وبعدين نروح ..
طلال / طيب .. انا اجهز عباتك .. واكلم امي تروح معاك ..
مرام عند باب الحمام بتعب / لا ما يحتاج ..
طلال راح لغرفة النوم وسحب عباية مرام واخذ شنطة اليد حط جوال مرام فيه ..
شاف الشنطة فيها كل الاوراق يعني مجهزة نفسها مرام .. انتبه لشنطة ملابس صغيرة جنب التسريحها سحبها معاه ..
طلع لصاله وسمع صوت مرام تناديه من الحمام .. طلال رمى كل اللي بيده على الكنبة وتوجه بسرعة لمرام ..
طلال بخوف / مرام فيك شي ..
مرام بألم / طـ .. طلا .. ل .. طلال ..
طلال يفتح الباب / .......................


و ..




ـــــــــ





انتهى ..

لا اله الا الله .. محمد رسول الله ..

اتمنى يعجبكم .. واعذروني على القصور و الاخطاء الاملائية ..

اختكم .. مشاعل السعودية ..

بسم الله الرحمن الرحيم

السلام عليكم ورحمة الله وبركاته

الحمد لله والصلاة والسلام على رسول الله

توكلنا على الله .. لا اله الا الله محمد رسول الله ..




البارت 21 ..





من هجركم دمعي على الخـد سكـاب
ومن جوركم ضاقت علـي المداهيـل

عـزاه يـا سحـر النـواظـر والالـبـاب
ضاع الوفـا وانبـت حبـل المواصيـل

لا هـاتـف يـزهـم ولا واحــد جـــاب
منـك الخبـر والا العتـب بالمراسـيـل

ترى الزعل من دون شرح للاسباب
يجـعـل لتشكـيـك الـعـواذل مداخـيـل

اللـي لهـم عـاده بتشتيـت الاصحـاب
مـن يمـهـم لا تسـمـع الـقـال والقـيـل

لا من تعكر يالغضي صفو الاحبـاب
عاداتهـم نصـب الشـرك والمحابـيـل

وش خانـة الصحبـه بـلا ود وعتـاب
وش خـانــة الـرفـقـه بـلـيـا تـعـالـيـل

لاصار قلب الخل فـي الخـل يرتـاب
وش عــاد يبـقـى للقـلـوب المغالـيـل


" خالد بن سعود الكبير " ..




بيت ابو عبدالعزيز ..
بشقة طلال ..

طلال واقف عند الطاولة .. توه خلص فطور / تبين شي ..
مرام بتعب / لا .. سلامتك .. " تنهدت " ..
طلال يقرب منها ويقبل جبينها / اشوفك على خير ..
توه خطا خطوتين ليسمع صرخة من مرام اجبرته يالتفت / بسم الله عليك ..
مرام تمسك ظهرها .. وهي تضغط على شفايفها / اممممممممم آآآآآآآآآآآآآآه ...
طلال / انا قايل لك من البارح شكلك مو عاجبني تحسين بشي اوديك المستشفى وانتي لا لا ..
مرام تاخذ نفس / ما ابي استعجل .. وبعدين اطول بالمستشفى اللين اولد .. ما غير يتعبوني ..
طلال يحرك يدينه بقلة حيلة / طيب .. طيب روحي الحين واذا قالوا ما عندك ولاده والا لسه باقي وقت وعد رجعتك ..
مرام تتنفس بتعب / احلف .. ما تقول اقعدي شي ..
طلال بسرعة / لالا ما اقول .. وهذا انا احلف ..
مرام توقف / ابي الحمام قبل وبعدين نروح ..
طلال / طيب .. انا اجهز عباتك .. واكلم امي تروح معاك ..
مرام عند باب الحمام بتعب / لا ما يحتاج ..
طلال راح لغرفة النوم وسحب عباية مرام واخذ شنطة الايد حط جوال مرام فيه ..
شاف الشنطة فيها كل الاوراق يعني مجهزة نفسها مرام .. انتبه لشنطة ملابس صغيرة جنب التسريحها سحبها معاه ..
طلع لصاله وسمع صوت مرام تناديه من الحمام .. طلال رمى كل اللي بيده على الكنبة وتوجه بسرعة لمرام ..
طلال بخوف / مرام فيك شي ..
مرام بألم / طـ .. طلا .. ل .. طلال ..
طلال يفتح الباب / .......................


و ..


صوت طفل يصرخ معلن .. وصله لها الدنيا ...


ـــــــــــ


بالسيارة ..

مشيرة / بسرعة متعب شكلها مره تعبانه ..
متعب بخوف وهو يلتفت لوراء / بتولد .. مو وقت ولادتها الحين بقي لها 3 شهرور على الولاده توها بالسادس ..
مشيرة تبكي / ما ادري .. متعب وجهها يصب عرق وهي مو راضية تقول كلمه ..
العنود تتأوه / آآآآآآآآه .. اممممممممم " تعضي شفايفها تحاول تتحمل الالم " ..
مشيرة / العنود ايش تحسين .. حتى اقول لدكتورة ..
العنود بألم / جنبي الايمن سكاكين فيه .. ما عاد اقدر اتحمل ..
متعب يزيد السرعة / ..............
مشيرة وهي تحضنها / الله يستر .. الله يحميك ويقومك بالسلامه ..


ــــــــــ


طلال من شاف مرام وحالها .. وسمع صوت الطفل وهو يدور بالصالة مو عارف ايش يسوي ..
ام طلال بعبايتها تطق باب الشقة .. جايه مثل ما قال لها ولدها بتروح مع مرام المستشفى ..
طلال يفتح الباب لامه ووجهه مخطوف لونه .. بخوف / يمه .. يمه .. ولد .. بنت .. مرام .. حمام ..
ام طلال بخوف / بسم الله عليك .. " تحضن ولدها " .. طلال اعوذ بالله من الشيطان .. ايش فيك يمه ..
طلال ياشر على الحمام / .... مرام .. ولدت ..
ام طلال سمعت الصوت وتوها انتبهت رمت عباتها واتجهت للحمام ../ لا اله الا الله محمد رسول الله ..
طلال يمه .. نادي خالتك الجازي ونادي جدتك وعماتك واتصل على الاسعاف بسرعة ..
طلال واقف عند باب الحمام بس ما يشوف مرام .. يهز راسه .. رمى شماغه وراح يجري ..
طلال على الدرج / مرام ولدت فوق .. خالتي .. امي .. ولدت " وهو يتكلم وياشر على فوق " ..
الجازي تهز راسها مرعوبه ولا فاهمه شي .. سيف اللي واقف عند باب البيت بيطلع ..
سيف / حرمتك بتولد طيب نزلها ودها المستشفى .. ايش بلاك انت ..
طلال يحط يديه على راسه وبخوف / ولدت .. ولدت ..
سيف انتبه / ولدت في البيت .. " انتبه لحالة اخوه راح لتلفون واتصلعلى الاسعاف وبلغهم " ..
الجازي استوعبت الموضوع وراحت تجري لفوق .. طلال نزل وراح يجري لبيت جدته ..

دخل بسرعة لبيت جدته ..
طلال بصراخ / ياااا جددددددددددههههههه يااااااااا جددددددددده ..
ام سطام وابو سطام ومياسة بالصالة يتقهون / يالله سترك ..
ابو سطام يوقف / ايش بلاك يولد ..
طلال / مرام ولدت ..
ابو سطام يرفع عصاته / كل هالرجه والصراخ علشان ولدت اول وحدة والا اخر وحده تولد ..
طلال بخوف وهو ياشر بيده جهت الباب / في البيت .. ولدت في البيت وامي تبي امك ..
ابو سطام يهز راسه / تبي امي ..
مياسه / مرام ولدت في البيت .. " وقفت " يمه اكيد مريم محتاجتنا ..
ام سطام توقف وتحث الخطاء تبي توصل لمرام / يالله سترك .. يا الله .. يا الله .. " وبكل خطوة تنادي بـ يا الله "..
طلال يركض لبيته .. شاف سلطان خارج بيركب سيارته / مرام ولدت .. " وكمل ركض " ..
سلطان يطالع فيه مستغرب ومو فاهم .. ام سطام خرجت من البيت بدون عباية .. بالشيلة والبرقع ..
سلطان / صبحك الله بالخير يمه ..
ام سطام / وصني بيت اخوك عبد العزيز بسرعة " وركبت السيارة " ..
سلطان يحرك السيارة ويرجعها لورك بمسافة طويلة وبسرعة / يمه ايش صار ..
ام سطام وهي تنزل / مرام ولدت في البيت .. ولا حولها احد ..
شاف مياسة لبسه عبايتها وتجري لبيت عبدالعزيز .. شاف العنود جايه من بيتها تجري والعباية طايرة وراها ..
والهنوف وراها .. سلطان نزل من سيارته وهو يشوف امه شبه تجري طالعه لبيت اخوه .. بخوف / الله يستر ..

فوق ..
مريم لفت الولد بفوطة ..
الجازي مرمية على الكنب مغمى عليها ..
العنود تبكي / ياويلي يا بنتي ..
مياسه / اذكري الله .. الحمد لله ان مريم تعرف لها الامور ..
ام سطام / الهنوف سويتي سكر وماء ..
الهنوف / ايه يمه ..
دخل الدكتورة والممرضتين معاها .. / السلام عليكم ..
الدكتوره شافت الزباله وشافت المقص وضافت وضع مرام والطفل ../ من اللي ساعدها بالولادة ..
مريم / محد .. يوم جيتها والا هي والد .. بس انا قصيت سر الولد و ساعدتها انها تطلع اللي في بطنها ..
الدكتوره بعنجهية / المقص معقم .. والرباط اللي ربطتي فيه السر ..
مريم بحدة / مسمية بالله ومتوكله عليه ..
الدكتورة سكتت .. الممرضتين اخذوا مرام وفوقوا الجازي ..
ام سطام بسخرية / طالبينك عون .. وطحتي عليهم ..
الجازي " ام سيف" / ياويل حالي من يوم شفت الدم معاد اذكر شي ..
ام طلال " مريم " .. والعنود راحوا مع الدكتورة ..
الهنوف ومياسه وام سطام / هههههههههههه ..


تحت ..


سيف مسك اخوه وجلسه على الكنب وجاب له كاسة ماء وخلاه يشرب / اذكر الله يارجال ..
طلال يتهد / لا اله الا الله .. " التفت لسيف " .. ولدت قدامي .. فلم رعب ..
سيف مقدر يكتم ضحكته على شكل اخوة المرعوب فعلا / هههههههههههههههههههههههههههههه ..
طلال انتبه لـ الاسعاف والدكتورة والممرضتين نازلين وهم حاملين مرام على الحماله والطفل بحاضنه صغيرة ..
طلال يوقف / وين بتودونهم ..
ام طلال / لـ المستشفى وين ..
طلال يهز راسه / طيب .. ابي اركب معاها ..
الدكتورة / ما يحتاج انت الحقنا بسيارتك الخاصة ..
سيف يمسك اخوه / خلنا نلحقهم بسيارتي ..
ام طلال والعنود وطلال ركبوا مع سيف بسيارته ولحقوا سيارة الاسعاف ..



ـــــــــــــ



عند بوابة المستشفى .. قسم الطواري ..

متعب يساعد العنود في النزول .. وركبها الكرسي المدولب ..
مشيرة تمشي بجنب العنود ومتعب .. الا ان دخلت قسم النساء والولادة الطواري ..
متعب وقف جنب الباب .. شاف الاسعاف تدخل ابعد عن الباب ..


طلال قبل ما يوقف سيف فتح الباب ونزل ..
بسرعة تحركوا الممرضة والدكتورة ودخلوا مرام والطفل المصعد وطلعوها فوق لغرفة العمليات قسم الولادة ..
طلال واقف عند باب الطواري / يمه طلعوها مدري وين ..
العنود تدفع الباب وتدخل .. / .............
ام طلال / يمه انا ادخل واشوف ايش يقولون .. اكيد هي تحتاج متابعه .. وفحوصات .. لا تخاف يمه .. واذكر ربك ..
طلال يهز راسه / طيب .. طيب ..
سيف بعد ماوقف سيارته بالمواقف ورجع لاخوة ../ طلال اذكر ربك يارجال واهدا .." فتح علبة ماي واعطاها طلال " ..
اشرب اشرب .. شفايفك بيضاء .. ايش رايك تفحص لا يكون الضغط والا شي جاك من ذي الخرعة ..
طلال / لالا .. " يشرب ماي " .. بس اتطمن عليهم اصير تمام ..



متعب ابتعد عن نظر طلال وسيف .. رفع جواله واتصل على مشيرة ..
مشيرة / نعم ..
متعب / حريم الفارس عندكم .. الظاهر عندهم وحدة ولدت ..
" همهمه بين العنود ومشيرة " ..
مشيرة / متعب العنود تبي تطلع .. ووضعها خطير الدكتورة تبي تنومها ..
متعب بعصبية / مجنونه ذي .. " سمع صوت غريب وهمهمه " ..
مشيرة بارتباك / متعب العنود رمت المغذي .. ولبست عباتها بتطلع .. لحضه .. لحضه ..
متعب يسمع كلام الدكتورة والعنود .. وما كان واضح كثير ..

العنود جالسة على السرير ..
العنود / دكتورة انا رايحة لمستشفى ثاني مو راجعه البيت ..
الدكتورة / انتي حالتك صعبه محتاجه لراحة و المراقبة .. المشيمة نازلة .. و الجنين نبضه ضعيف والمويه ناقصة ..
العنود بتعب تنهدت / دكتورة انا اذا بقيت بهالمستشفى بتحصل لي مشاكل ممكن تخلين اطلع ..
الدكتورة / لاحول ولا قوة الا بالله .. طيب .. بس بشرط .. تروحي لمستشفى **** قريب من هينا ..
لدكتورة نرجس هي دكتورة ممتازة وان شاء الله تساعدك ..
العنود / شكرا دكتورة ..
مشيرة قدمت الكرسي وجلست عليه العنود .. العنود / ممكن ما تذكرين اسمي عند احد ..
الدكتورة تطالعها باستغراب / حاضر ..
طلعت مشيرة والعنود وتوجهوا لمتعب وطلعوا من المستشفى بدون لا ينتبه لهم احد ..



ـــــــــــــ



بمستشفى اخر ..

نوال شبه تركض خارجة ..
ايمان / نواااال نواااال ..
نوال التفتت لجهتها و بسرعة / نعم ..
ايمان باستغراب / ايش فيك مستعجله ..
نوال بفرحة / طالعة .. اخذت استأذن .. زوجة اخوي ولدت ..
ايمان / مبروك ..
نوال بفرحة / الله يبارك فيك .. صرت عمه .. ياااي .. شعور يجنن ..
ايمان بنبرة مقصودة / عقبال ما اصير انا عمه ..
نوال شافت جوالها .. / عن اذنك ابوي وصل .. بااي ..
ايمان بضيق / بااي .. الله يا اخوي يعينك ما تعلق قلبك الا في ذي ..


ــــــــــ


بالشركة ..

توه وصل .. تاخر بزحمة الشوارع .. وصل هيفاء الجامعة ودخل الشركة مستعجل ..
فارس وبيده ملف وبفرحة / هلا خالي رعد ..
رعد رفع راسه مستغرب من متى يا نادونه الشباب عمي والا خالي .. / خير فيك شي ..
فارس كتم ضحكته / لالا .. انا ما فيني شي .. الا اني صرت خال ..
رعد ما فهم / اهها طيب .. " جاء بيتحرك مسكه فارس " ..
فارس يضحك / هههههههه اقولك صرت خال .. المفروض تبارك لي ..
رعد يهز راسه / فارس مو فاضي لحل الالغاز .. ايش الموضوع ..
فارس / ههههههههههههههههههههههههههههه اكيد مانت فاضي .. " سحب منديل من جيبه ومسح خد خاله " ..
خذ .. خذ " وهو يعطيه المنديل " .. امسح اللي بخدك لا تنفضح .. هذا اذا ما انفضحت وخلصت ..
ههههههههههههههههههههههههههه " ترك رعد وراح مكتبه " ..
رعد يلتفت يدور مرايه او أي شي يشوف فيه وجهه .. شاف واجهت مكتب سعود ووقف قبالها يمسح خده ..
سعود يفتح الباب وهو يضحك / هههههههههههههههههههههههههههههههههههههههههه .. صباح الحب ..
رعد نقز وبحرج / اص لا تفضحنا انت الثاني .. وانت كيف شفتني ..
سعود / هههههههه لا لا الخاله مأخذه عقلك نهائيا .. ناسي ان زجاج مكتبي اشوف الخارج والخارج ما يشوفني ..
رعد بحرج / طيب طيب .. انا مشغول .. سلام ..
سعود / هههههههههههههههههههههههههههه التفت لليمين وشاف فارس يضحك ..
رعد يدخل مكتبه المشترك مع عناد / الله لا يبارك في ابليسك يا هيفاء فضحتيني ..



ـــــــــــ



بيت ابو عبدالعزيز ..


ام عبدالعزيز قفلت المكالمة من متعب / يقول نومها .. خلنا نروح نزورها ..
ابو عبدالعزيز يوقف / يالله مشينا ..
رن التلفون .. رجع ابو عبدالعزيز جلس على الكنبه ورفع التلفون / الو .. هلا وعليكم السلام ..
بخير .. انت ايشلونك واشلون مرتك وبنيتك .. عساكم بخير .. الحمد لله .. الله يوفقكم .. امك ايه ..
خذي كلمي ولدك محسن .. " مد سماعة التلفون " ..
ام عبدالعزيز تاخذ السماعة / الو .. هلا امي .. وعليكم السلام ورحمة .. ايشلونك يابوي .. عساك بخير يا روح امك ..
ومرتك وبنيتك .. عسى ربي يرزقكم بسند و اخوا لبنيتكم .. الله كريم وانا امك الله كريم .. فمان الله ..
ابو عبدالعزيز بعد ما قفلت التلفون / ما قالك شي ..
ام عبدالعزيز تنهدت / من اخر مره ماقال شي .. الله يشافيه ويرزقه ..
ابو عبدالعزيز / امين .. هم قالوا له عندهم علاج لتاخر ذرة والا لا ..
ام عبدالعزيز / يقول ان قالوا فيه بس .. " وهي تفتح يدها " الله هو الرازق ..
ابو عبدالعزيز يوقف / الله كريم .. ويرزقهم باخ لبنيتهم .. سند وعزوة لها .. يالله مشينا لا نتاخر على العنود ..
ام عبدالعزيز توقف / مشينا ..


ـــــــــــ



بالمستشفى ..


طلال يدخل على مرام ..
ام طلال بهدوء / تعال حبيبي ادخل ..
طلال بهمس / نايمه ..
ام سند / الحين تصحى ..
طلال يتلفت / وين البنت .. بنت صح ..
ام طلال تبتسم / ايه حبيبي بنت .. الله يحفظها لكم ويصلحها .. تجنن .. مثل القمر ..
طلال / ما شفت شي منها ..
ام سند تبتسم / ايش بتسميها ...
طلال يقبل يد امه / مريم اكيد ..
ام طلال بفرحة / حبيبي انت .. بس ما يصير تسميها بدون ما تاخذ راي امها ..
طلال / انا ابوها وسميتها .. وبعدين ولدت على يدينك خلاص .. هي اختارت الاسم ..
مرام تنحنحت / مـ .. مويه ...
طلال من بعيد / الحمد لله على السلامه ..
ام سند شربت بنتها شوي من الماي / بسم الله .. خلاص ماما هذا يكفيك حتى لا تتعبين شوي كذا اشربي زياده ..
مرام تهز راسها بـ نعم/ ..............
ام طلال تاشر لولدها قبل جبين حرمتك .. بس هو واقف مكانه ...
طلال بتهرب / ايه صدق .. نسيت اكمل البيانات والاوراق .. سلام .. " وطلع " ..
مرام تطالع مو صاحية تمام للي يصير .. غمضت عيونها ورجعت نامت ...
ام طلال باستغراب / ايش بلاه .." تقصد طلال " ..
ام سند عاقده حواجبها / ليكون اللي خبرك ..
ام طلال / هاا ..
ام سند / مو انتي قلتي شافها يوم ولدت ..
ام طلال / الا .. " وبتدارك لفهمها المقصود " .. لالا ان شاء الله .. بس يمكن من جد انشغل ..
ام سند / ان شاء الله .. يكون كذا .. والا لو قرف .. الله يعين بنيتي ..
ام طلال / بعد الـ 40 نشوف ايش يسوي .. وان كان فيها كذا والا كذا عالجناه ..
ام سند تهز راسها / خير .. خير ..




ــــــــــــ




بالمستشفى ثاني ..


العنود تنسدح على السرير .. / وهذا انا نمت وارتحت خلاص ..
متعب / لا مو خلاص ابي اعرف ليش هالتعب ..
مشيرة / عادي يا عمي .. هي حامل .. وشي طبيعي تتعب ..
متعب بحدة / لا العنود لا مو طبيعي .. انتي تعبانه من حرما بي جوفك .. مقهورة .. قولي لي ايش سوا بتال ..
خلاك تنقهرين كذا ..وتتعبين .. ابي اخذ حقك واطفي حر جوفك ..
العنود تنهدت / لو ابي اخذ حقي اخذته بدون مساعدتك .. اقدر اسوي اللي ابيه .. وماني محتاجة لك يا متعب ..
وانت تدري .. فاقصر الشر واسكت ..
مشيرة تراقب / .............
متعب / لا ما ابي اسكت تفهمين .. ابي اعرف ..
دخل ابو عبدالعزيز وام عبدالعزيز / السلام عليكم ...
الكل / وعليكم السلام ..
ابو عبدالعزيز / انت ايش بلاك ..ازعجت المرضى اللي حولكم استح ..
العنود بحزم / مضايقتك يا متعب بوجودي عندك .. اذا مضايقتك .. قولي بيت ابوي لساته عامر ماني بحاجتك ..
متعب بزعل / هذا اللي فهمتيه .. " صد عنها وطلع من الغرفة " ..
ابو عبدالعزيز / لا حول ولا قوة الا بالله ..
مشيرة بسرعة / يمه .. وين ولدي .. خليتيه عند مين ..
ام عبدالعزيز / عند عمتك الجوري .. " التفتت للعنود وشافتها صاده و نايمه " ..
ابو عبدالعزيز يهز راسه / لاحول ولا قوة الا بالله ..
ام عبدالعزيز تمسح على راس العنود .. وتتمتم بآيات قرانيه .. وادعيه ..
ابو عبد العزيز بهمس / وانا ابوك متى بيرجع رجلك من ينبع ..
مشيرة / بعد شهر يبه ..
ابو عبدالعزيز / الله يوفقكم يا وليدي ..



ــــــــــ



العصر ...


الكل متجمع عند مرام .. ويهني ويبارك ويتحمد لها بالسلامة .. والورد والهدايا بكل الجناح ..
ابو طلال وبحضنه مريم الصغيرة / بسم الله عليك .. ما شاء الله تبارك الرحمن .. كانها تشبهك يا مريم ..
مريم تطالع فيها / البنت وجهها مو باينه ملامحها .. اشلون تشبهني ..
ابو طلال بعفوية / مزيونه .. وما اخذت الزين الا منك ..
طلال من فوق ابوة وامه / في ذي صدقت ..
ام فارس تصب لمرام حليب و مسويه نفسها ما تسمع .. بس داخل القلب مشتعلة نار الغيرة ..
ام سند بغيرة / الا تشبهني بس انتم ما عندكم ذوق .. " وبنغزة " وما كان حولكم من المزايين ..
ابو طلال فهم المقصد / الا والله الغرفه بها من الزين اللي يشرق ..
الجازي ابتسمت .. لان دايم يناديها بهذا الاسم يا ام زين يشرق ..
نوال / طلال انا طلعت 50 اسم بنات يهبببببببل ..
طلال / انا ما ابي من الخمسين الا واحد ..
مرام بتعب / وهذا الواحد بيدوخنا اللين نلقاه ..
طلال يصد بس ما يبي يوضح / لالا لقيناه .. مريم ..
مرام / ....................
نوال متفاجأه / سميتهاااا مريم ..
اماني اللي جالسة على ارض الغرفة والكل ناسي وجودها .. رمت الاوراق / لالالالالالالالالالالا
الكل نقز / بسم الله الرحمن الرحيم ..
ابو طلال / من وين طلعتي ..
اماني بابتسامه شاقه الوجه / من هينا " وهي تاشر على المكان اللي جالسة فيه" ..
" التفتت لطلال .. وبجدية " .. اسمع .. انت اخوي الكبير صح .. بس .. " وهي تاشر بأصبعها "
طلال يهز راسه بـ نعم / ................
اماني تكمل / ما راح اسمح لك تسلب حق من حقوقي لكوني عمة بنتك ..
انا اتعب واقطع بالاوراق واكتب واخر شي تقول سميتها خلاص ..
طلال / اجل .. ايش تبين ..
اماني عدلت وقفتها / ابي اكتب اسماء باوراق صغيره واطبقها لمكعبات صغيرة .. وارجها ارجها ارجها بين يديني ..
وبعدين انا اختار اسم واقولك سميها كذا وانت تروح زي الشاطر وتسميها ..
طلال بسخريه / حضر عمتي تبين شي ..
اماني بابتسامه عريضة / لا .. بس تنوية حبيت اسم عمتي يليق فيني صح ..
طلال / اصلن من قال اني ابي اخلي بنتي تناديك عمه ..
اماني انمحت ملامح وجهها / هاااا ..
طلال بضحكة / راح اخليها تقولك امون الهبله ..
اماني صدقت / من جد ..
الكل / ههههههههههههههههههه
مرام / ...............................
دخل ابو سطام وام سطام .. طلعوا الموجودين علشان يدخلون غيرهم .. وهكذا ..



ـــــــــــ



يوم جديد ..


بيت ام عزام ..

بيت غيث ..
غيث قسم البيت الى قسمين .. بعد انتقال عزام للأمارات .. وسكن زوجته وبناته في البيت ..
فترك الدور الاول لوالدته وزوجة اخوة .. والدور الثاني له اهو وزوجته ..

رعد وهيفاء زاروهم .. بعد الحاح من غيث وريما و طلبهم بالسهر عندهم والعشاء ..
هيفاء / وااي احمد ربي اني طلعت لدوام .. والا كان حضرت الموقف ..
ريما / والله مسكين طلال يقولون مرعوب مره .. وملاحظ عليه ..
رعد ابتسم / مسيكين .. سيف يقول لو ما مسكته و هديته شوي والا كان بيركض بالشارع ..
غيث يميل على ريما / عقبال ريميتي ..
رعد / شد حيلك ..
هيفاء تبتسم / لالا ... اسمعي ريما .. اذا بتولدين خذي الشهر التاسع كله بالمستشفى لتولدين في البيت وغيث ينهبل ..
غيث / انهبل .. انا منهبل وخالص " وهو يقبل ريما على خدها بقوة " ..
ريما تمنت الارض تنشق وتبلعها .. خجل واحمر وجهها / ......................
رعد احمر وجهه خجل وصد / ..................
هيفاء / اسمع غيث ان جبت بنت انا راح اسميها ..
غيث / اذا ولدتي ريما مثل ام طلال سمي المولود ..
هيفاء / ووووووووووووووووووووووووووواع بسم الله عليه شايفني ام زكي اولدها ..
غيث بضحمة / انتي مو ام زكي انتي فيريال السانك يا طولة ..
هيفاء شهقت / هئئئئئئئئ انا فيريال .. يا ابو النار ..
رعد يطالع في كلامهم وهمس لريما / مو يغثون ..
ريما تهز راسها بنعم / ......... " وقطع عليهم صرخة هيفاء "..
غيث يعضيها / انا ابو النار .. انا المحامي غيث تشبهيني بذاك .. قولي معتز ابو شهاب اصطيف اقبل ..
بس ابو النار لا ... " هيفاء تحته وتحاول تبعدة عنها " ..
هيفاء / قوووووم .. ههههههههههه قوووم خلاص .. ههههههه راح اسميك عصام خلاص ..
غيث يزيد يضغط عليها / انا المزواج .. يعني تمنين اتزوج على ريما .. يعني تكرهينها .. وهذي عضه ثانية ..
رعد متفاجأ من تصرفاهم صحيح هو وخواته يمزحون مع بعض .. بس مو لدرجة غيث وهيفاء / ................
ريما تبعد غيث عن هيفاء / ذبحتها خلاص ابعد ..
غيث يسحب ريما لحضنه / فديت الحنين انا " ويقبلها بقوة على خدها " ..
ريما بهمس / عيب غيث عييييب ..
هيفاء ترمي نفسها بحضن رعد وبزعل / رعودي خذ حقي من الدب وعضي مرته ..
غيث / ما يقدر لان ريما حلوة فما راح يعطيه قلبه يعضيها ..
هيفاء / هئئئئئئ يعني انا شينه .. " تبعد عن حضن رعد " .. رعوووودي .. قول شي ..
رعد تضايق من حركتها وهي مرتمية بحضنه / ما اقول الا الله يشافيكم ..
غيث يبتسم / شفتي قلت لك ما راح يقدر " التفت لريما وقبلها وسط محاولات منع من ريما " ..
رعد اول ما شاف غيث التهاء عنهم ابعد هيفاء بجفاء وهمس بحدة / تادبي وبلا حركاتك الماسخه ..
هيفاء التفتت له وبهمس / ابي اسوي اللي طلبته .. قدام الناس عادي وكانا متزوجين .. " وصدت عنه " ..



ـــــــــ



بيت ابو بتال ..


ابو بتال / اسمع يا بتال .. امك ان شفتها بمكان في البيت ياويلها .. تقعد بجناح بنتها .. ولا تطلع منه ..
وهذا انا انبهك للمرة الثانية ونبهت اختك واخوانك وقلت لهم يوصلون العلم لها .. لا اشوفها ..
بتال تنهد / يبه والله اللي بينكم ما ...
ابو بتال يقاطعة وبحدة / مالك دخل باللي بيننا .. وصل العلم لامك وبس ..
بتال بهدوء / ان شاء الله يبه .. بس ..
ابو بتال بحدة يقاطعة / ولد تراددني .. بس وما بس ..
بتال / يبه اسمعني الله يطول بعمرك ..
ابو بتال / قول .. اسمعك ...
بتال / يبه هي بتزور جدتي .. عمتي بنت عمتي اللي توها والد بتبارك لها وانت منعتها من التلفون ومن الطلعه يبه مـ ..
ابو بتال يصغر عيونه / تبيها تمسك التلفون وتزور علشان تعلن بتال طلق وبتال سوا ..
امك خلاص فصخت الحياء والعقل خلاص سفيه .. حبسها احسن .. واسلم لنا ..
بتال تضايق من الكلام هز راسه / اللي تشوفه يبه ..
ابو بتال بضيق / قم الحين اطلع عندي شغل ..



ــــــــــــــ



يوم جديد ..


بيت ابو سطام ..
شقة رعد ..
هيفاء ترتب ملابسها / اليوم اخذت استأذن ابي السوق .. فاضي توديني والا اكلم غيث ..
رعد معصب من حركتها امس ومعصب من لبسها / ...............
هيفاء استغربت سكوته .. التفتت له وهي بتعلق الملابس / ليش ساكت ..
رعد بعصبية / ابي اشوف نهاية هالمهزلة ..
هيفاء تترك اللي بيدها وقربت منه .. وبهدوء / أي مهزلة ..
رعد الشهور اللي مضت اتعبته .. بحدة / انتي مو شايفه تصرفاتك كيف .. وهذا انا موضح كل شي من البداية ..
هيفاء تنهدت .. وبهدوء تجلس جنبة / رعد .. ممكن تهدئ وتتكلم بوضوح علشان افهمك ..
رعد يوقف / وانتي تفهمين .. علشان اتكلم معاك وافهمك ..
هيفاء تمسك يده وتوقف معاه .. وبهدوء / ليش معصب كذا " حطت يدها على خدة وقبلت الخد الثاني " ..
واذا ازعجتك بطلبي انا اسفـ .. آآآآآآه ..
رعد بحدة يمسك يدها ويلفها لخلفها / ان قربتي مرة ثانية جنبي كذا ما يحصل طيب ..
هيفاء متفاجأه من حركته / ...............
رعد ابعدها عنه و توجه لشماغة المعلق على الشماعة .. اخذه وجاء بيطلع .. الا بيد هيفاء تمسكه ..
هيفاء بهدوء / لانك منزعج ومعصب ما راح ازعل من اللي صار .. بس لهديت تعال نتكلم ..
واذا فيه شي خطاء نصلحة ..
رعد بسخرية / لا .. عدلي الاول علشان يتعدل الثاني ..
هيفاء / اللي هو ..
رعد بعصبية / لبسك .. تصرفاتك .. كلامك .. كل شي .. كل شي .. " تركها وطلع " ..
هيفاء تقدمة من المراية وتطالع لبسها .. كانت لبسه بنطلون ضيق لحد الركبة اسود وبلوزة سكري عريانه بدون اكمام ..
قصة الظهر فاتحة وواسعة بوسط الظهر سلسلة اكسسوار .. ومن الامام فحة الصدر واسعة وبها سلاسل متدليه منها ..
هيفاء ابتسمت / لالا .. حس .. توقعتك قالب ثلج وكنت راح احبط .. " غمزت بعينها " نجحت اول خطوة يا بنت ..



ــــــــ



بالجامعة ...


سمية بابتسامه / والله .. واضح عليك ..
شجون باستغراب / كيف واضح ..
سمية / فيه لمعة بعينك .. وفرح بوجهك ..
شجون ابتسمت بخجل / ................
سمية / ههههههههههههههه لالا انا ما اقدر على الخجول انا ..
شجون / هههههههه
سمية / بس بصراحة احسدك على هالحب .. صدقيني لمن تتزوجين عن حب .. راح ترتاحين ..
مو مثلي تزوجت بطريقة التقليدية .. وشوفي كيف .. بالاخير مطلقه وعلية اثنين ..
شجون / ما ادري خايفه ..
سمية / ليه .. احل شي بالحب المغامرة والجنون ..
شجون / اخته عرفت بالموضوع وسوت لي مشكلة .. والاصعب انها اقرب وحدة لي من البنات ..
مستغربه ليه زعلت .. وهي عارفة كيف عايلتنا وكيف تقاليدنا .. الحين اهي مسماه لخوي ..
واخوي يقول ماابي .. بس جدي وابوي وامي وحتى عمي مصرين يتزوجها والا بتصير مشكلة ..
واهو كانه طخ ولئن .. وانا مسميني لاخوها يعني بالاخير بنتزوج ليه اعترضت ما ادري ..
سمية برفعة حاجب / ما تدرين .. والله انك مسكينه وعلى نياتك .. هذي ما تبيك تفرحين وتعشين حياتك مثلها ..
شجون باستغراب / كيف يعني ..
سمية / انت مو توك تقولين اخوك بيتزوجها واهي مسماه له وكان رافض وما ادري من كلمه والحين كانه طخ و لئن ..
لا حبيبتي هي وهو يعشقون بعض وسوالف مع بعض وهي مبسوطة وفرحانه بس ما تبيك تفرحين مثلها ..
شجون / لالا ما اتوقع غرام غير ..
سمية / ايش يدريك .. طيب انا ابي اسالك وانتي جاوبيني .. لمن تسولفون عنها ما يركز معاكم ..
شجون / اممم ما انتبهت بس يمكن ..
سمية / لا اكيد بس يسوي نفسه مو مهتم لانه عارف اصل بالموضوع ..
طيب اذا قلتوا تعبانه او صارت لها مشكله ما يزعل ويتضايق ..
شجون / الا يتضايق بس هذا ...
قاطعتها سمية / هذا العشق .. وهم مثلك انتي وذا ايش اسمه ..
شجون بابتسامه / ياسر ..
سمية / ياسر ولد خالتك ..
شجون / لا ياسر ولد عمي فهد ..
سمية وهي تهز راسها / اهمممم .. يالله قومي المحاضرة بدأت ..


ــــــــ


بيت ابو سند ..


مرام فرشت لها امها غرفة جنب مجلس الحريم ..
رنيم بحضنها مريم / شوفي اول ما حطيتها بحضني نامت ..
مرام مستنده على يدها / ايه ..
غرام تقرص خد مريم / انا اصحيها الحين ..
مريم الصغيرة / وااااااااااااااااااااااااااااااااااااااااااااااااااااااااااا ااا ..
غرام تصرخ بفرحة / واااااي يجنن صوتها ابيها دايم تبكي ..
مرام تاخذها من رنيم وبعصبية / غرام ليه الحين ما تسكت ..
غرام بابتسامه عبيطة / احسسسسسسسسسسسسسسسن ..
رنيم / هههههههههههههههههههههههههههه ..
مرام بقهر / تضحكين .. بكرة يجيك البيبي وتسوي لك كذا ..
رنيم بجمود / ............................
غرام شهق / ههئئئئئئئئئئئئئئ الحين تشبهين بنتكم الشينه انتي وطلول بـ ولد سند ورنيم .. معصي ..
ولدهم راح ادللا دلال ولا تدللاه السلطان سليمان بحد ذاته ..
رنيم صدت / ..................
مرام وبنتها تصيح بين يدينها / اووووف حسبي الله على ابليسك ياغرام ..
غرام تضحك وتصد عنهم .. حطت يدها على فخذها .. وضغط باسنانها على شفاته تكتم الالم ..
رنيم انتبهت لها .. وبهمس / ايش فيك ..
غرام هز راسها .. بلا / ولا شي ..
رنيم التفتت على مرام وشافتها تعطي مريم صدرها ترضع .. وبهمس / عليه .. شكلك فيك شي يوجعك ..
غرام زاد عليها الالم / لا .. عادي .. شد عضلي ويروح ..
رنيم بسرعة رفعت تنورة غرام وشافت قدمها ملتوية .. بخوف / غرررررررررااام من متى ..
غرام / عادي .. اكيد ما راح يروح كل شي بسرعة ..
رنيم بهمس / سند يدري ..
غرام تاخذ نفس بعد ما خف الم الشد / لـ ... " قاطعها دخول ام سند وهي حاطة الجوال على اذنها " ..
ام سند بحنان / عقبال ما اشيل ولدك .. ها حبيبي هذي اختك .. " مدت يدها لمرام " ..
مرام اخذت الجوال .. وبهدوء / الوو .. هلا سند .. الحمد لله .. تبوس يدك .. رنيم ما ارسلت الصور عليك ..
هي اكثر وحدة صورتها .. عقبال ما اصور ولدك قريب ان شاء الله ..
رنيم توقف وبهدوء / عن اذنكم .. " وطلعت " ..
العنود تطالع برنيم بنظرات غريبه / ................
توها رنيم بالممر اللي بين الغرفة والمجلس الا دخلت الهنوف وريهام .. / السلام عليكم ..
رنيم / وعليكم السلام هلا يمه " قبلت يد امها وراسها " .. " وسلمت بالخد على ريهام " ..
ام صقر .. تفسخ عباتها / كيفك حبيبتي ..
رنيم ترفع شعرها عن وجهها / بخير .. كيفك ماما وكيف صقر له كم يوم ما اشوفه ولا يتصل وانا اتصل مقفل ..
ام صقر تدقق بوجه بنتها / طيب .. بس شريحته اللي قبل انحرقت وغير الرقم امس .. خذيه من اختك ..
رنيم وهي تهز راسها / اهااا ..
ام صقر بنيرة مقصودة / رنيم .. انتي تعبانه .. وجهك مصفر ..
رنيم ارتبكت / لا ماما .. بس يمكن السهر ..
ريهام رفعت حاجب / .................
ام صقر / وليه تسهرين .. يا ماما يقولك السهر سقِم .. يعني مرض ..
رنيم تبتسم / ايش عندي اصحى بدري .. فاضية وغرام فاضية وعلى النت ..
ام صقر بنيرة مقصودة / انتبهي على نفسك .. لتكونين حامل وتضرين نفسك ..
رنيم تصد عن امها وبارتباك / لا ماني حامل .. توني مغتسلة من كم يوم ..
ريهام فتحت عيونها / ..................
ام صقر بعد ما سمعت ام سند تناديها / الله يرزقك الذرية الصالحة .. وانتبهي على نفسك واتركي السهر ..
بعد ما غابت عن الانظار ام صقر .. ريهام بهمس / مو حرام الكذب ..
رنيم بضيق / اسكتي ريهام والله مو ناقصة " ولمعت عيونها بالدمع " .. مخنوقة ابي اتكلم ..
ريهام / خلينا نغير المكان ونسولف .. وقولي اللي بخاطرك .. انا جيت خصوصنا علشان السالفه اللي خبرك ..
رنيم بضيق تهز راسها / اهاا ..



بشقة رنيم ..


ريهام تجلس على الكنبة ..وهي تطالع بالديكور / والله ذوق هالسند .. ومكلف على نفسه ..
رنيم تجلس جنبها / ما طلبته ..
ريهام بهدوء / ايش عندك مدام رنيم .. ولا تقولين ما احبه .. اهم شي يحترمك ..
رنيم بضيق / اووووووف .. " ضغطت على راسها " .. طيب مو لازم احبه .. بس فيه شي اسمه اقبله ..
انا مره ما ابيه يقرب مني .. احس بقرف .. بالقوة اتحمل شوفته .. اكرههه ..
ريهام / يمكن بسبب الحمل ..
رنيم بعصبية / لا .. ولا عاد تطرين هالقرف اللي انا فيه " قالتها وهي تضرب بطنها " ..
ريهام تمسك يد رنيم وبذهول / مجنونه .. ايش ذنب هالروح البريئة ..
رنيم تبكي / ما ابيه ماااااااا ابيه ..
ريهام تضمها / خلاص حبيبتي اهدي اهدي ..
رنيم تبكي / اكرهه .. ما ابيه .. " شهقت " .. غصبوني عليه .. وحاولت اغصب نفسي ..
بس والله ما قدرت ماااااااقدرت .. " وانفجرت بكاء بطريقة جنونيه " ..



تحت بالمجلس ..


ام صقر بهمس / اقول العنود .. رنيم كانها تعبانه ..
ام سند تبتسم وبهمس / ايه كان فيه شي بس ما تدري مثل امها ..
ام صقر تبتسم بهمس / انا ما يوضح اني حامل الا بعد 3 شهور .. تكون الدورة ملخبطه عندي ..
ام سند بهمس / بس يوضح بوجهك ..
ام صقر بهمس / انا ابي اطلع لها وابي اخذها للمستشفى تفحص ..
ام سند / ايه روحي لها ..
ام صقر بسرعة تخرج وتطلع فوق ..



رنيم بسخرية / تصوري من يوم ما سافر ما تصل .. اتوقع سمع المكالمة اللي بيني وبينك ..
ريهام بخوف / لا ان شاء الله .. والله سند مافي مثلة .. يكفي حنانه ..
رنيم / ما ابي هالحنان امي تكفيني حنان قد الدنيا ..
ريهام / الله يخليها لنا .. ولا يحرمنا منها .. ويطول بعمرها .. بس اذا سمعت كلامك هذا ..
والله لو تموتين ما راح تاخذين نظره منها امي تحب سند ما تتصورين قد ايش ..
رنيم / ..............
ريهام / حطي عقلك براسك يارنيم .. اذا ما اتصل عليك .. اتصلي عليه .. قولي له كلام لين ولبق ..
مو رومانسي وحب وعشق .. بس اعطيه احترام ..
رنيم بجمود / اول ما يرجع راح اخليه يطلقني ..
دخلت ام صقر وبحدة / ووين بتروحين بعد الطلاق ..
رنيم فزت واقفه / يمه ..
ام صقر بحدة / وصمه .. والله يارنيم ان ما تركتي هالجنون اللي عندك .. وعقلتي ..
لا تشوفين اللي عمرك ما شفتيه .. دلعتك وخربتي .. سند ايش سوا لك .. ضربك ..
رنيم / ............
ام صقر بحدة / ضربك ؟ .. جاوبي ..
رنيم / لا ..
ام صقر / اهانك .. جوعك .. جرحك بالكلام .. خانك .. سوا لك سوات ابوك فيني ..
رنيم ودموعها تنزل .. هزت راسها / لا .. بس ما احبة ..
ام صقر / حبك برص .. حبتك القرادة .. ليه تحبك الا هي حبتك وخلصت من يوم هذا كلامك ..
"خرجت من الشقة وهي معصبة " .. رنيم تلحقها وبرجاء / يمه .. يممممه .. يمممه .. الله يخليك يمه اسمعيني شوي ..
ام صقر تنزل الدرج وما ردت ابد .. رنيم تبكي / يمممممممممممممممه .. لاتسوين فينا كذا يمه ..
يمه لا تذبحيني يمه .. " مسكت يد امها ووقفتها عن المشي " يمه .. انتي ظلمتيني قبل وعاقبتين على ذنب ماسويته ..
ام صقر بعصبية / ما سويتيه .. فعلك مع اللي ,, اللي ,, ما ابي اقول اسمها ... ما كان خطاء اسلوب كلامك ..
صدق تصرفاتها .. انتي كلك خطاء .. لمن يرجع عقلك لراسك هذاك الوقت حاسبيني يا بنت ..
" نفضت يد رنيم بقوة موجعه وراحت " .. رنيم تطالع جهت امها .. التفتت بتطلع لشقتها قبل لا يجي احد ..
ريهام تنزل بعبايتها .. وبهدوء / انا رايحة الحين .. اول ما تهداء امك راح ارجع لك .. " قبلت خدها بسرعة " ..
انتبهي على نفسك .. واقري قران راح يدلك على الصحيح ويفرج همك .. فمان الله .. " وراحت وتركتها " ..
رنيم طلعت تجري لشقتها وهي تبكي ... وما انتبهت لغرام اللي واقفه اسفل الدرج وشافت خالتها وريهام خرجين ..




ـــــــــ



بالمستشفى ..


العنود / اووووف .. طفشت .. ابي اطلع من المستشفى ..
مشيرة / مجنونه انتي .. ماراح تطلعين الا اذا سمحت لك الدكتورة .. ما شاء الله عليها هالدكتورة من وجهها مريحه ..
العنود تهز راسه / ايه .. الحمدلله اللي رزقني بها .. اهم شي الالم اللي بخصري خف ..
مشيرة / الحمد لله .. وان شاء الله يتعدل الجنين .. ويقوى الرحم وتولدين بحمل كامل سالم امين يارب ..
العنود ... " ترفع شعرها عن وجهها " / امين .. كلمتي امك اليوم ..
مشيرة / ايه .. اخذت امك وودتها الشيخ .. والحمد لله متحسنه وتذكرت امي وسالتها عن حالها ..
العنود بفرحة / يا ربي لك الحمد ..
مشيرة / أي والله الحمد لله على كل شي .. " وبتذكر " .. ايه ماجد يسلم عليك ..
العنود / الله يسلمه ويسلمك .. الا ما قال متى اجازتهم ويرجعون ..
مشيرة / اهو يقول ان تخصصة وتخصص نايف غير فاذا جاء نايف واهو ما جاء لا نخاف ..
لان الاجازات مو مثل بعض .. " وبضجر " .. هذر هذرة ياطولها ما فهت شي منها ولا اخذنا منه لاحق ولا باطل ..
العنود / .....................
مشيرة تطالعها / ايش فيك ..
العنود تهز كتوفها / ما عجبني الكلام .. ماجد مكشوف لي .. اذا لف ودار معناتها عندهم مصيبة .. اهو ونايف ..
مشيرة بخوف / عنود بالا حركات خبالك .. لا ترعبيني ..
العنود / ههههههه لالا لا تخافين ولا تشيلين هم .. الا كيف شيخك " تقصد ولدها " ..
مشيرة / بخير ... اليوم راح تجيك الجوري .. و انا راجعه للبيت ..
العنود بامتنان / تعبتكم معاي ..
مشيرة بنص عين / احلفي بس .. " ابتسمت " .. لا تعب ولا شي .. تعبك راحه يا العنود ..
انتي لو تطلبين الروح ترخص لك ..
العنود ابتسمت / اوف اوف اوف .. لا يسمعنا ابو الشيخ يغار ..
مشيرة / ...............
العنود / ليش سكتتي ..
مشيرة / لا والا شي ..
العنود / مشيرة ... نايف معاد يرجع والحي ابقى من الميت ..
مشيرة بعبرة والدمع بعينها / وانا ما قلت شي .. العنود لا تتكلمين دخيلك .. لاحد يقول انسي نايف لانه مات ..
هو هينا حي وما راح يموت الا لمات هذا " وهي تاشر على صدرها " ..
العنود تنهدت / الله يرحمه ..



ـــــــــــــ



يوم جديد ..


صوت ضربات قوية على الباب .. صوت المنادي " صلاة الفجر " ..
فتح عينه وشاف نفسة في نفس المكان .. كان يتمنى انه حلم وفاق منه .. وان اللي يصحيه لصلاة زياد والا سمر ..
غرفة مترين في مترين .. جدار ابيض .. باب حديد صغير ابيض واسفله فتحة مغلقة ..
مكتبه صغيرة .. فيها قران و كتب دينيه .. باب صغير لحمام من خشب ابيض بدون قفل ..
نزل من السرير الابيض .. قعد على ارضية بيضاء بارده .. رفع شعرة الطويل عن وجهها ..
راكان تنهد / لا اله الا الله .. حسبي الله ونعم الوكيل ..
التفت على الكتاب اللي جنبه ووضع خط ليكتمل اليوم شهر اخر ..
راكان / امممم يعني اليوم 1 جماد الاول .. آآآآآآآآآآآآآآآآآه .. " وقف وتوجه للحمام اكرمكم الله " ..
راكان بداخله " هذا انا لي خمس اشهر وايام .. ولا ادري وين انا فيه .. والا ايش السبب اللي جابني لهينا " ..
خرج من الحمام " اكرمكم الله " .. فرش سجادته وكبر يصلي الفجر ..




ـــــــــــ



بيت ابو سطام ..

ابو سطام .. وزوجته .. وبنته مياسة وبناتها وولدها صقر .. على سفرة الفطور ..
ابو سطام / صقر .. وين ابوك .. له كم يوم ما اشوفه ..
صقر بلع لقمة اكله بصعوبة .. / مسافر ..
ابو سطام عقد حواجبه / وين راح ومتى سافر وليه ما قال ..
صقر / ..............
ام صقر رفعت نظرها لولدها .. وصدت عنه .. وبدخلها " حسبي الله عليك يا راشد .. احرجت الولد وفشلته .." ..
ابو سطام / ليه ما ترد ..
صقر بضيق / ما ادري يا جدي .. لا رجع اساله .. " وقف " .. يالله يا بنات اوصلكم ..
وقفت رنا و روان .. " رنا ثاني سنه بالجامعة .. وروان اول سنه بالثانوية " ..
رنا لامها / اليوم راح اخلص بدري المحاضرة .. راح ارجع مع شجون .. " بابتسامه لجدها وجدتها " ادعو لي ..
ام سطام / الله يوفقكم ويحميكم ..
ابو سطام بعد ما خرج صقر وخواته وريهام طلعت لغرفتها .. / راشد وينه يا مياسة ..
مياسة بضيق / ما ادري يبه .. ما اسال عنه ولا ادور اخباره ..
ابو سطام يضرب بعصاته الارض .. وبعصبية / شايفتني بزر يا بنت .. وينه فيه ..
مياسة وقفت وبضيق / اسال اخوانه يبه .. انا ما ادري عنه .. عن اذنكم .. " وطلعت لغرفتها " ..
ام سطام تنهدت / لا حول ولا قوة الا بالله .. البنت ما هي خاليه شايفة الظيم وساكته ..
ابوسطام بنبرة مقصودة / لو مو شايف حالها كان خليتها في بيتي .. البنت شايفة ومن اسنين ..
بس ما تتكلم ابيها تتكلم احول بس هي ابد .. " تنهد .. وبضيق " .. انا ماعاد فيني شده .. العيال يراددوني ..
والبنات يعصوني ... الحال مو عاجبني ابد .. بتال له شهور هنيا لا راح لمرته ولا جابها .. وكل ما قابلته ..
تروعص " يعني ارتبك " .. وانا مشغول وقال ما اشوف الا غباره .. " ياشر بيده في الهواء " .. به بلا ..
ام سطام / لا ان شاء الله ما بهم شي ..
ابو سطام يعض شفاته / والله ان ماكان مسوي بلية ما يكون ولدي اللي ربيته .. انتي ناسية انه انا اللي ربيت الكبار ..
على يدي " وهو يفتح يده اليمنى " .. واعرف اللي فيهم من مثل ما اعرف يدي .. بتال به بلا .. والا عناد ..
من يوم جاء من ديار الغرب وهو يقاتل ذبان وجهه .. " ابتسم " والحين هوين ويتضحك ..
ام سطام / أي بالله .. ما ناقصة الا العروس ..
ابو سطام ابتسم / غرام عروسته .. " يقلد عناد " .. صغيرة وانا ما افهم للحريم .. " ضحك " ..
ههههههه ولا جابوا طاري غرام راحت عيونه تلاقط كانه بس " قطو " .. مهتويها مير ما يبي يتكلم ..
" وبضيق " والا سند طويلة السان رنيم ماهي مريحته .. والا هو غرقان في هواها .. عيونه دايم سأهيه ..
يفكر ومهموم .. بالاوله قلت اخته متعبته بهمها .. وبعد ما تشافت عرفت ان البلا رنيم .. وطلال ..
طفاقته لا الحين لشفته اشوف عبدالعزيز بشبابه .. ما تدرين ايش يبي .. ورعد خبل مثلة .. عنده مرة مزيونه ..
ومنطقها يبسطك .. وهو كل ما شافها عقد حواجبه وبرطم .. " وبنبرة مقصودة " ما قالت لك شي ام عزام ..
ام سطام تهز راسها / لا بالله بس اهم يحسبون ان مانا عارفين ايش بينهم ..
ابو سطام / الا انت ايش عرفك ..
ام سطام / مريم الخدامه .. قالت لي ان رعد ما يرقد مع مرته .. وهيفاء ما تغير بها شي من يوم ما تزوجت مثل ما اهي..
ابو سطام / هي الوحدة تغير بعد العرس ..
ام سطام / ايوه تتغير .. شغل حريم خله لنا نعرفه .. لكن خذ العلم الاكيد انها بنت وولدك ما جاها ..
ابو سطام / ابي اعسه " يعني يجس نبضة " .. واشوف ايش يقول ..
ام سطام تنهدت / وراكان ما جاكم علم عنه ..
ابو سطام بضيق / والله ولا خبر .. لا هو حي ميت .. ما ادري ..
الارض انشقت وبلعته " فتح يده واعاد قبضتها بسرعة يعني لا اعلم بالأمر "
وزياد هناك ابوه طارق ولد عبدالعزيز ما يقصر ياخذه و يوده لشيخ .. سند وعناد يقولون والله ما قصر ..
واقف معهم وقفه تشد الظهر .. رجال ولد رجال .. الله يرحم ابوة ويغمد روحه الجنة .. لكن الشركة ..
يقولون عليها ديون وخساير وقضايا .. وبه طلب على راكان من الحقوق المدنية .. قلت لهم يسددون الديون ..
ويخلصون اللي على راكان وسطام ويخرجونهم باقل الخساير .. يقولون محامي الشركة قال ما اقدر ..
وما ادري ايش وتملص منهم .. وكلمهم غيث وقال كل القضايا اللي على راكان هو يتابعها .. الله يبارك فيه ويستر عليه ..
ام سطام بعبرة / ها السطام من يوم يومه والشقى مخاويه .. تغرب بصغرة .. وحمل حمل اكبر منه ..
اشتغل بالكدادة " النقل " وسنين وهو رايح جاي من جدة لدمام ولرياض ولجازان ما ارتاح اللين ....
ابو سطام بضيق / اصصص يا مرة اصص اللي راح راح خلاص ..
ام سطام توقف / اللي راح راح .. ما اقول الا الله يسامح من كان السبب .. " وتركته وتوجهة لغرفتها وهي تستغفر "
ابو سطام يذهب بفكره الى الماضي القديم ..


سطام بعمر18 .. يوقف بعصبية / يخسى ويهبا .. والله ما ياخذ الارض لو يموت ..
سند / اجل ايش تبي نسوي .. الحلال هالسنة صابة الوباء ومات .. والزرع صابة الصفار ..
سطام يلتفت لخوانه واولد عمه الاصغر منه سنن / انا اجيب اللي يبي .. هو متى قال لكم يبي حقة ..
سند / نهاية السنة ..
سطام / اجل بحول الله .. بعد العيد الكبير ياخذ حقة كله وفوقه هدية ..
سند بحزم / ولد من وين بتجيب الفلوس .. ليكون بتروح لدرب الرخوم ..
سطام بحدة / اخو العنود .. ماني من الرخوم علشان امشي مشيهم ..
سند / اجل من وين بتجيبها ..
سطام / لي رفيق يعرف واحد بجدة رايح اشتغل معاه ..

وبعد ذاك اليوم باسبوع جاهم وودعهم وسافر مع صديقة لجدة .. واشتغل بحمل البضائع من ميناء جدة لجازان ..
ولـ الرياض والدمام والشمال والجنوب وبعض الاحيان لليمن و دول الخليج .. وكان من احب الشباب لقلب سند سطام ..
يجعله يجلس بصدر المجلس وكلما قال سند شي ايده بذالك ..

وبعد سنة ..

اتى اليهم واخبرهم بانه يريد الزواج من فتاة غريبة .. ليصرخ بوجهه سند ويغضب منه غضب شديد ..
ليغضب الاخر ويغيب عنهم سنتين وعاد اليهم بامراه وهي تحمل طفل بين يديها لا يتجاوز عمرة الشهرين ..
قال بانها زوجته وطفله .. اسماه راكان ..




ــــــــــــــ



بيت ام عزام ..


قسم غيث ..


ريما بضيق / طيب ليه .. انا ابي اجلس عند امي ما ابي اسافر ..
غيث بعصبية / انا اقول بتروحين معي ..
ريما تقرب منه وتضمه .. وبدلع / غيث حبيبي انت ابي اقعد عند امي وحشتني النومه عندهم ..
غيث استغرب حركتها / لا والله .. بعد هالدلع واضمة تبيني اخليك .. اخلي راكان يروح وراء الشمس ولا اخليك ..
" ضمها بقوة وبهمس " .. انا اذا ما شفتك كل يوم وشميت ريحتك اتعب .. " قبلها بقوة بخدها " ..
ريما تبعد عنه وتجلس على الكنبة / اااااااي .. غيث لا تبوسني كذا ..
غيث يوقف / يالله قومي بلا كسل خذي كم لبسة لسفر ..
ريما تنام على الكنبة / ما ابي اخذ شي ولا ابي اروح ..
غيث / مو لازم .. انا ارتب ملابسك ..
ريما بزعل / لا .. ما ابي اروح ..
غيث وهو واقف عند دولاب الملابس / طيب على راحتك ..
ريما نقزت فرحانه / صدق .. " قامت من الكنبة .. وضمته بقوة " .. احببببك ..
غيث يبتسم بخبث / طيب رتبي شنطتي على الاقل ..
ريما تبعد عنه / من عيوني ..
غيث يهز راسه والابتسامة ما زالت على وجهه .. ويجلس على الكنب يراقب ريما .....




ــــــــــــ




بيت ابو سند ..


غرام / ما ادري يمه .. بس خالتي كانت زعلانه لمن طلعت ..
ام سند / انا كلمت مياسة قالت صقر طلب شغلة وانا رحت اشوفه وبس ..
غرام / الموضوع فيه شي .. " وبعد ثواني صمت " .. يمه !! ..
ام سند وهي تلبس مريم / هااا ..
غرام / ما لحظتي ان سند ما يتصل على رنيم .. ويسالنا عن اخبارها ..
ام سند / لا اكيد سند يتصل عليها .. واذا سال يمكن يسمع صوتها تعبان قال يمكن فيه شي ويبي يتاكد مننا ..
غرام / ما اتوقع انا اعرف سند زين ..
ام سند التفتت لها / خلي هالحكي عنك الحين وشوفي اختك خلصت حمام ..
مرام واقفة عند باب الغرفة / أيه يمه .. " ابتسمت بحنان " .. لبستيها الفساتن الاحمر .. انا كنت ابيها تلبسة بليلة الحفل ..
غرام وهي تشوف رنيم تدخل من وراء مرام / سند يقول فستان الحفل والهدايا وكل شي علية ..
رنيم / .......................
ام سند / هلا يمه رنيم .. وينك يمه اليوم ما افطرتي ولا تغديتي معانا ..
رنيم تجلس بتعب / ماني مشتهيه ..
ام سند / وجهك اصفر .. رنيم تحسين بشي تعبانه تبين المستشفى ..
رنيم / لا خالـ.... " قطع كلامها رنة جوال غرام .." ..
غرام / عن اذنكم " وقفت وطلعت من الغرفة " ..
ام سند / اليوم بعد المغرب اجهز نروح للمستشفى ..
رنيم تبتسم / ماني تعبانه خالتي ما يحتاج مستشفى ولا شي .. لا تتعبين نفسك ..
وبداخلها " ما تدرين ان ولدك حالف ما اطلع .. احمد ربي واشكرة ان مرام ولدت بذا الوقت ..
علشان اشوف الناس واتحجج عن الخروج بكم " ..


بمجلس الحريم ..


غرام / احنا كلنا بخير .. بس فيه احد تعبان و واضح انه تعبان حيل ..
سند باهتمام / من ؟..
غرام بنبرة مقصودة / رنيم ..
سند ببرود / والله .. ما عندي خبر ..
غرام بنبرة مقصودة / انتم زعلانين من بعض ..
سند ببساطة / لا ..
غرام / مو واضح .. فيه شي بينكم ..
سند / غرام ابي اكلم امي .. هي جنبك ..
غرام توقف / لحضه بس .. الا اقول سند ما عرفتوا أي خبر عن راكان ..
سند يتنهد / لا والله .. كيف زوجته ..
غرام / تعبانه .. الحمل متعبها والنفسية مرة معدومه وبس تبكي ..
سند / الله يعينها ..



بالغرفة ..

رنيم بهمس / ما ادري خاله من متى .. بس امس شفتها تتالم من يدها .. وقبلها رجلها ..
ام سند بخوف / قلتي لسند ..
رنيم تهز راسها لا / ...........
غرام تدخل / ماما سند يبي يكلمك ..
ام سند تاخذ الجوال وتطلع من الغرفة ../ هلا حبيبي ..
سند / السلام عليكم .. كيفك يمه ..
ام سند / وعليكم السلام .. بخير حبيبي .. طمني عنك ..
سند / بخير .. يمه غرام تقول ان رنيم تعبانه ..
ام سند / ورنيم تقول ان غرام تعبانه .. فشوف من التعبان فيهم ..
سند باهتمام / غرام ايش فيها ..
ام سند / رنيم تقول شفتها اكثر من مره تشتكي من الشد العضلي وتلتوي رجلها ويدها .. وهي تتالم بس ساكته ..
سند تنهد براحه / ايه يمه .. ادري .. انا شفتها اكثر من مره وهي نايمه .. عادي يمه .. بس اهم شي ..
تستمر على الرقية وعلى الزيت المقري فيه وسماع القران وخليها تخفف من الخروج والجلسات ..الحين رنيم ايش فيها ..
ام سند / ما ادري .. بس شاكه بشي ..
سند بنبرة مقصودة / حامل ..
ام سند بفرحة / والله .. والا فرحتنا وانا امك لـ...
سند يقاطعه وهو مبتسم / يمه .. يمه .. انا اقول شكك بانها حامل .. يعني حتى انا مو متاكد بس شك ..
كنت ابي اوديها المستشفى بعد ما ارجع بس شكلنا مطولين .. الله يعنا .. فابيك تاخذينها وتودينها المستشفى ..
تسوي الفحوصات الزمة وتطمينني عليها ..
ام سند بفرحة وتامل / من عيوني .. الله يبلغني واشوف عيال عيالك ..
سند بمحبة / امين يمه .. يا لله سلمي لي على الجميع ..
ام سند بسرعة / لحضة لحضة ..
سند باهتمام / هلا ..
ام سند تدخل الغرفة / كلم زوجتك وقلها طلبك ..
سند / ..............
رنيم تطالع خالتها / ................
ام سند تمد يدها بالجوال / كلمي زوجك يبي يتطمن عليك ..
رنيم توقف و بضيق تاخذ الجوال وتطلع من الغرفة تروح للمجلس وتقفل الباب .. و بحدة / نعم ..
سند بحزم / راح تطلب امي طلب منك تنفذينه بدون اعتراض .. وان فتحتي فمك وقلتي كلمة وحدة ..
تحسس امي وابوي بان فيه شي صاير ما يحصلك طيب واهتمي بنفسك وبلا دلع .. سلام " وانهاء المكالمة " ..
رنيم ترمي الجوال على الكنبة وبعصبية / غبي .. اوووووووووووووف .. " جلست على الكنبة وهي معصبة حدها "..




ـــــــــــــــ



بعد صلاة العصر ..


ريما وغيث بالسيارة ..

غيث من اول ما طلع من البيت ومعاه ريما وهو يحكي لها قصص عن بعض القضايا و كان يقولها بطريقة تسحر ..
طول الطريق ريما فاتحه فمها ومندمجة اخر اندماج ولا حاسة باللي حولها جالسة تطالع بغيث وحركاته وتعابير وجهه ..
غيث بابتسامة / ريمي .. ما راح اوحشك ..
ريما بدلع / الا ..
غيث / ما راح تشتاقين لي لا غبت ..
ريما بدلع / الا .. " التفتت للأمام "
غيث التفت لها وبابتسامه / كيف يهون عليك اروح وتبقين لوحــ.....
قطع عليه صرخت ريما / غييييييييييييييييييييييييييييييييييييييييييييييث ..







انتهى ..


لا اله الا الله .. محمد رسول الله ..


اتمنى يعجبكم .. واعذروني على القصور والاخطاء الاملائية ..


اختكم .. مشاعل السعودية ..

السلام عليكم ورحمة الله وبركااتة

يعطيك الف عافية شعوله

بتال والعنود

العنود احصدي زرعك انتي بدايتك. غلط وماااحاولتي ابد توضحين. اوتصححين فكرة بتااال عنك بالعكس كنتي كأنك فرحااانة بأنه متضايق من أشياء يعتقد انك مستويتها وش ضرك لو فهمتيه. ان غيرك الي كانت تكلم وان. وان.
المشكلة انك تعلقتي فية وهو لو كابر يبيك. بس الي صار اول وتالي ضد حبكم وزواجاااااكم.
أتوقع يمسكون البنات الي في الجامعة ويعترفون. والله يعينك يابتال. على وجع القلب والضمير

رااااكان من الي خاطفة يكونون. العصابة الي يبون زيااااد !!!!!! ممكن

الجوهرة الله يخلف على امن جابتك كان هاذي عمايلك بس أكيد انها بدت تندم من الي شأفته،،،،
رنيم

الا دميم. ماهي رنيم. والله انه حسافة عليك سند. ليته هو الي ماذا أخذ العنود. وانتي بتال. علشان. يمسيك ويصبحك طراااقات

ننتظرك بكل الحب شعوله