كاتب الموضوع :
مشاعل السعودية
المنتدى :
القصص المكتمله من وحي قلم الاعضاء
بسم الله الرحمن الرحيم
السلام عليكم ورحمة الله وبركاته
الحمد لله والصلاة والسلام على رسول الله
توكلنا على الله .. لا اله الا الله محمد رسول الله ..
البارت 18 ..
شبيه الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبيه الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي
شبيه الريح
أنا مقدر أكدر صفوك العاصف
شبيه الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبيه الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبيه الريح وش باقي ؟!
سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبيه الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبيه الريح
أنا ودي أكدر صفوك العاصف
شبيه الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبيه الريح
كيف أسألك : وش باقي ؟
وأنا الباقي من إحساسي
ذرته الريح
" عبدالرحمن بن مساعد .. شبيه الريح " ..
الضيقة اللـي مالهـا حـزه ولا منهـا مصـد....أخـاف ساعـات العصيـر المقبلـه تاتيبهـا
يالله دخيلك من قسـى وقتـي وحـظٍ ماصمـد...في وجه صكـات اليالـي يـوم يقنـب ذيبهـا
جالس على طرف السرير .. تنهد .. ابتسم وهو يشوف رد عناد ورعد له بالواتس ..
بتال / .. من متى وانتم بالمزرعة ..
عناد / من اسبوع .. الا بسم الله عليك من الضيقة .. تعال غير جو وشوف الكاسر ..
بتال ابتسم / الا كيف الوضع ..
رعد / اقول لا ياصل خبر خيلك عند ابوي .. تراه كسر يد الشايب المسيكين ابو محمد ..
بتال رفع حاجب / لا لاتقوله .. انا قايل لابو محمد لا يدخل عنده ..
عناد / تراه مو بصاحي هالكاسر .. واذا قعد على حاله يمكن يموت ..
بتال / انا جايكم .. " قفل جهازة ووقف " .. مشى خطوتين ووقف ..
بتال يضرب جبهته / اوووووه وهذي وين اوديها .. اممممممممم
" رفع جواله واتصل على راكان " ..
راكان بصوت ضايق / بتال الحمد لله انك اتصلت ممكن تجيب العنود وتجيبها مستشفى ***
بتال عقد حواجبه / خير عسى ماشر ..
راكان يتنهد / امي تعبت وجبتها المستشفى والله ما ادري ايش اقول لـ الدكتورة احسني ضايع ..
بتال / امم طيب الحين اجيبها .. " قفل الخط وتوجه لغرفة العنود وهو كاره يشوف وجهها " ..
العنود كانت جالسه على السجادة بعد ما صلت العصر .. جالسه تستغفر وتسبح .. التفتت للباب ..
بتال وهو يطق الباب / اجهزي ابي اودك لامك تعبت وودوها المستشفى ..
" ترك الباب وتوجه لغرفته .. كاره شوفتها .. " .. العنود فزت واقفه وراحت تجري تفتح الباب ..
بس مالقت احد واقف رجعت لغرفتها ورمت جلال الصلاة ولبست العباية .. وطلعت ..
بتال داخل غرفته واقف عند الباب .. يطالع بجواله وتعليق عيال عمه على رده بالواتس اب ..
عناد / علشان الكاسر جاي ..
رعد / احسن خله يفكني منه هد حيلي ..
عناد / ههههههههههههه واحد قلك تجرب تمتطيه ..
بتال / " فيس معصب " .. ومن سمح لك ..
العنود / انا جاهزة ..
التفت متفاجأ من جاهزيتها بهالسرعة .. رفع حاجب وهو يطالعها من فوق لتحت ونظرته نظرت قرف ...
العنود لبسة القفازات السوداء والعباية الراس والبرقع ومنزلة الشيلة على عيونها ..
العنود تطالع فيه وفي نظرته وهي مستغربه / فيه شي ..
بتال صد بقرف عنها وسحب شماغه والمفاتيح والمحفظة وطلع .. لحقته العنود وطلعوا من الشقة ..
وتوجهوا للمستشفى .. بعد ما وصلوا .. نزلها بتال ووصلها لمكان راكان ..
بتال / السلام عليكم ..
راكان / وعليكم السلام .. العنود شوفي امي داخل ..
العنود دخلت عند الدكتورة .. بتال / سلامات .. ايش فيه الولدة ..
راكان بالم / ارتفع عندها الضغط .. الدكتورة تقول من زعلها .. هي تسولف والا تحس باللي حولها علشان احد يزعلها ..
بتال .. بعد فترة / كيف الشركة ..
راكان / متحسن الوضع الحين .. للحين خايف من الوضع بس احسن من قبل .. ما نقول الا الحمد لله على كل حال ..
بتال يهز راسه / حتى بالشرقية .. وضع الشركة مايطمن .. الا على طاري الشرقية انا رايح لهم ويمكن اطول كم يوم ..
راكان يهز راسه / شفت الرسايل .. الله معاك .. انا بحاجة العنود في البيت ..
بتال رفع حاجب / المهم انت بتجلس في البيت ..
راكان / ايه وراح ابات الليله عندهم .. بكره خميس وماورانا شي ..
بتال بنبرة مقصودة / طيب انتبه على اختك .. وفتح عينك ..
راكان يبتسم / خايف يصيبها شي .. لا تخاف هي في العيون ..
بتال يتنهد / سلام .. " انا وين وانت وين يا راكان " .. وترك راكان وطلع من المستشفى وتوجه لشرقية ..
ـــــــــــ
بيت ابو سند ..
غرام جالسه على الكنب .. تتنفس .. وبصوت مرهق متعب / احس الهواء يدخل كل جسمي ..
سند يبتسم / .......
رنيم وهي لبسه بنطلون جينز ازرق ضيق وبلوزه حمراء وعلية جاكيت صغير جينز ازرق .. وجزمه كعب حمراء ..
رنيم تبتسم / قولي الحمد لله ..
غرام تنهد / أي والله الحمد لله والشكر .. الواحد ما يحس بنعمة ربه الا لفقدها ..
سند يراقب حركات رنيم وهي تصب له شاهي وتحط له كم قطعت معجنات ..
رنيم لبسة بنطلون جينز ازرق ضيق وبلوزه حمراء وعليها جاكت صغير بدون اكمام وجزمة حمراء ..
رنيم بهدوء لسند / تفضل ..
سند وهو يطالع شفايفها الي تجذب بروجها الاحمر .. تنهد / زاد فضلك ..
رنيم رفعت نظرها لعيونه وصدت بسرعة .. سند ابتسم ..
رنيم تنحنحت .. و بابتسامه / احم احم اقول غرومه اطلب وتدللي .. الحين الفرصة كبير .. اطلبي سفرية وتغيير جوا ..
غرام / ههههه قولك ..
رنيم تغمز لها / مجربة .. " وبتذكر " .. الا انا رايحة لصالون ابي اصبغ واقص .. تبين شي انتي اطلبهم للبيت ..
غرام / ابي اضبط قصة شعري " تمسك شعرها القصير" بس مو الحين ..
سند بهدوء / بعد ما نسافر لمكة ونعتمر وبعدها ترجعين وزنك وصحتك زين .. قصي وسوي اللي تبينه ..
غرام / ايه والله .. ابي مكه وريحة الحرم ..
سند / كلها كم يوم ونسافر .. انا حجزت امس .. بس ننتظر نتائج التحاليل وبعدها نسافر ..
رنيم تطالع بسند / ................
غرام تنهد / على خير ان شاء الله ..
سند يحط فنجان الشاهي على الطاولة .. ويوقف / يالله انا استاذن عندي مشوار مهم .. تامرون على شي ..
غرام / سلمتك .. " رفعت نظرها لرنيم "..
رنيم بهدوء / شكرا ..
طلع سند .. غرام بهدوء / رنيم .. انتي زعلانه من البنات ..
رنيم عقدت حواجبها وباستغراب / أي بنات ..
غرام / بنات عمنا من يعني !! ..
رنيم تجلس على نفس الكنبة اللي جلس علية سند .. / لا ..
غرام / اجل ليش مقاطعتهم ..
رنيم / .. مشكلة فيني مو فيهم ..
غرام تطالعها باستغراب / مو فاهمه كيف يعني فيك ..
رنيم / .. غرام ما ابي اتكلم بالموضوع .. ممكن تغيرين السالفه ..
غرام / اهاا .. " وهي تهز راسه بنعم " ..
ـــــــــ
بالمستشفى ..
راكان يتنهد .. وفي يده كيس الادوية / يالله .. خلصنا ..
العنود توقف وهي تعدل عباتها على راسه / الدكتورة تقول لزم لها متابعه .. واذا ارتفع عندها مره ثانية لزم تنويم ..
راكان وهو يدفع العربية " الكرسي بالعجلات " جالسه ام راكان عليه / هي اول مره تتعب كذا والا من قبل تعبت ..
العنود / لا اول مره ..
راكان يساعد امه بالجلوس في السيارة .. وبعد ما ركب وركبت العنود وراء .. حرك السيارة ..
راكان / اهم شي راح تنامين عندها ..وتفهميني للوضع كله .. ابي اعرف كل شي يا العنود .. كل شي ..
العنود / .............
راكان / لا تسكتين ردي ..
العنود بهدوء / وانت مستعد لتسمع كل شي ..
راكان / ايه .. " وصل البيت " .. ما دام بتال بيطول بالشرقية فـ راح اخذ راحتي معاك ..
العنود بداخلها " احسن خليني ارتاح كم يوم .." / ...............
نزل راكان وساعد امه ووصلها داخل البيت .. العنود اخذت كيس الادوية ونزلت وراه ..
العنود وهي تسحب نقابها بعد ما دخلت لنص الصالة .. / السلام عليكم ..
سمر وساره / وعليكم السلام .." ساره تجري وتحضن العنود " ..
راكان بتعب / وين زياد وابوي ..
ساره / عند جدي ..
العنود / خليني ادخل اسلم عليهم " ودخلت عند جدها وسلمت وطلعت " ..
راكان والعنود ساعدوا امهم اللين طلعوها فوق الغرفة ..
العنود / انا راح انيمها ..
راكان / بعد العشاء ابيك بالسطح ..
العنود تبتسم / مو لحالي اللي راح اتكلم وانت بعد ..
راكان يتنهد / وانا بعد بصدري كلام ابي اطلعه ..
العنود بنبرة الم / يعني لو مافي صدرك كلام .. ما طلبت مني نتكلم ..
راكان يتافف / اوووووووف العنود لا تبداين فيها .. لطلعنا فوق نتكلم بهدوء ورواقة ..
العنود تنهد / طيب انيم امي وانزل .. تعبت اليوم حيل ..
راكان يهز راسة / طيب .. الله يعينك .. سلام ..
وطلع من الغرفة .. العنود غيرت ملابس امها و اعطتها ادويتها ونيمتها .. ونزلت تحت ..
سمر شافت العنود نازلة من الدرج .. وبنبرة غرور وتعالي / وين راكان ..
العنود التفتت لها ورفعت حاجب وبنظرة سخرية طالعتها وصدت ..
زهرة وهي لابسه جلال الصلاة / اهلا اهلا بالشيخة العنود ..
العنود تحضن زهرة / هلا بك .. وحشتيني ..
سمر وقفت وطلعت الدرج معصبة وتوجهت لغرفة راكان ...
راكان منسدح على السرير من الصبح وهو واقف على رجليه .. من الشركة للمستشفى .. اتعب هاد حيله ..
سمر تفتح الباب وتقفلة بعصبية / اختك على ايش شايفة نفسها ..
راكان يفتح عيونه ويطالعها وبصوت تعبان / من تقصدين ..
سمر / خواتك كلهم عقد عووووووووووووووووووووووقد .. اللهم لا شماته ..
راكان قعد بسرعة وطالعها بنظرا قاتله / سمر .. انتبهي للفاظك ..
سمر خافت / ايش قلت .. " جلست جنبة " اسال اختك اقول لها وين راكان طنشتني وراحت للخدامه ..
راكان يحط يده على راسه ويتكي على ركبته ../ من .. من اختي ..
سمر بكره / العنود ..
راكان رفع راسه لها / وليه نطقتيها كذا وكانها ذبحه لك احد ..
سمر بكره / لاني اكررررررررررررررررررها ..
راكان رجع انسدح / علشان قالت لك .. اني احب مها وابي اتزوجها .. كانت تختبرك ..
والا العنود مافي منها لا بتواضع ولا بحنيتها ولا بشخصيتها واذا كرهتيها او حبيتيها ..
مو منقص ولا مزود فيها شي .. وطفي المبة لاني تعبان وابي انام شوي ..
سمر تضربه على كتفه .. والدموع مغرقة عيونه / ما يكفي انها جرحتني ..
راكان يسحبها له .. وبهمس / لانها خلت تغارين علية ..
سمر ترفع حاجب / من قال ..
راكان بهمس / عصبيتك قالت .. سمسم انا احبك انتي وبس .. خلي ثقتك بنفسك كبيرة ..
" وبخبث " قومي طفي المبة وتعالي وحشتيني ..
سمر تبعد عن حضنه .. وتتوجه للمكان مفاتيح الاضاءة .. طفت الاضاءة ورجعت لحضنه ..
راكان يشدها لحضنه وبهمس / احبببك يا الزعول ..
ــــــــــــ
بالمزرعة ..
فؤاد صديق عناد / وهذا لؤي ..
عناد / ...............
سند من وراءه / لؤي شغله عندي ...
فؤاد يمد يده / لحضه .. لحضه وقف .. لؤي بوجهي واللي ياذيه او يغلط عليه كانه اذاني انا ..
عناد / فؤاد انت اطلع منها ..
فؤاد / لا حبيبي لؤي من اقرب الشباب لقلبي الصغير .. يعني ما استغني عنه .. قول اللي عندك واخلص ياحبيبي ..
سند بهدوء / محد له دخل بيني وبين لؤي .. انا ابي اتكلم معاه سوي ويرجع معاك ..
لؤي / خلاص فوفو نتكلم شوي وارجع .. واذا صار شي نطلب المساعدة ما نستغنى عنك يا كنج ..
فؤاد / اذا انتي تبي هذا براحتك ..
عناد حاس بغثيان من الاشكال اللي يشوفها .. رعد يصد عنهم وهو يهتز من ضحك على شكل عناد وهو متقرف ..
سند اخذ لؤي لمكان بعيد شوي بس يشوفونهم عناد ورعد وفؤاد ..
سند جالس على كرسي خشبي وبينه وبين لؤي طاولة .. سند طلع جهز عناد وفتح المقطع ..
لؤي من سمع المقطع تنهد .. / ايش تبغى دحين ..
سند / ابي اعرف من وين اخذت هذا المقطع .. ولا تكذب وتقول البنت كلمتك ..
لؤي / لالا يا ابوي انا صحيح صاحب حركا بس مثل الكنج البنت اللي تغلط مانرحمها ..
سند بحدة / لا تلف وتدور .. جاوب على الاسئلة وبس ..
لؤي بلع ريقة / هذي وحدة شفتها مع صحبتي سابقا وعجبتني .. وصاحبتي سجت هذي المكالمه بينها وبين البنت ..
كيف ما ادري .. المهم انه البنت ماتعرف حاجة " يقصد رنيم " ..
سند / وبعدين ..
لؤي / هددت صاحبتي اذا ماجابت البنت راح افضحها هي اعطتني هذا التسجيل ورقمين معاها وقالت تصرف ..
وانا ما كنت مركز فاغلطت وارسلت على الرقم تبع ابوها واتوقع ابوها دبحها ..
سند متقرف منه / ومن صاحبتك ..
لؤي / ههههههههه خلاص كانت دحين ماتت ..
سند تفاجا / كيف ماتت ..
لؤي / انا ارسلت كل صورها وكل حاجة تخصها لاهلها ..
سند بحدة / استغفر الله العظيم .. قولي اسم البنت وخلصني ..
لؤي تراجع للخلف من الخوف / اسمها صالحة *** وولد عمها ..
سند قاطعه / خلاص .. خاف ربك واستر على الناس .. " وقف وتركه جالس " ..
سند يمر من عند عناد / خلاص .. خلص الموضوع .. " توجه لسيارته وراح " ..
عناد / خذ صديقك وتوكل " ومد له ضرف " ..
فؤاد / لا والله ماناخذ حاجه .. هذا رد لمعروفك لمن حليت لي واجب العلوم .. تذكر ..
عناد / اذكر .. زمان وراح ..
فؤاد / بس انا اللي يسوي لي معروف لو صغير ما انساله .. باي ياحلو ..
وراح هو و لؤي ركبوا سيارتهم وطلعوا بوقت دخول بتال ..
بتال ينزل من سيارته / السلام عليكم .. من هذول ...
عناد ورعد / وعليك السلام ..
عناد / شغله تخص سند .. تعال ارتاح وتقهوا وبعدين تعرف السالفه ..
ــــــــــــ
بيت ابو نايف ..
الموقع السطح ..
الساعة 10 مساء ..
راكان يجلس على احد الطوبات / ايه .. تفضلي ..
العنود واقفه ومتكيه على احد الجدران / .........
راكان / العنوددد لا تسكتين ..
العنود تنهد م ما ابي اسكت .. بس ابي اعرف من فين ابدا ..
راكان / من الاول .. من الاول يا العنود ..
العنود تمشي بهدوء وتجلس جنبه على طوبه وطالعة امامها / بعد وفات جدتي وخالي نايف .. بشهرين تقريبا ..
شفت تغير على شخصية بوي .. " التفتت لراكان " واولها تنازلة عن ادارة شركة السعد لك ..
" رجعة وطالعت امامها " .. وبعدها بدا بتصرفات مو تصرفات سطام .. يجلس لحاله ساكت وكانه ضايع ..
يسال انا وين .. فجاه لشافني والا شاف نايف يصارخ انقلعوا كله منكم .. يضرب امي يضربني ..
وبعض الاحيان يضرب نفسه .. ترك امي ودخل بغرفة الي الحين ينام فيها .. يوسخ على نفسه ..
بعض الاحيان يحبس نفسه بالحمام واتعب انا ونايف لحد مانطلعه .. شهور وانا اراقب ابوي ومستغربة صمت امي ..
طلع امي بعد تعبانه بس امي استحلها الصمت واستوطنها .. ولمن اخذتها لدكتور قال زهايمر .. صدقت ..
وابوي قالوا بسبب الازمة العالمية اصابت العديد من رجال الاعمال حالات نفسية مشابها .. وصدقت ..
لكن بعد شهور من التغير .. سنة بعد وفاة جدتي .. جاء وزارنا متعب وطارق وابو عبدالعزيز ..
ونبهتني ام عبدالعزيز على حالتهم .. وقالت وديهم لشيخ .. بس انا قلت هذا الوضع اللي دايم الناس ..
يتوقعه بهذا الامراض .. ما علاجه الا الكوي والشيخ .. اؤمن بن القران علاج .. بس مو كل حالة ..
" تنهدت " .. وبيوم قال نايف انه نوديه شيخ موجود با احد الاستراحات اللي باطراف الرياض ..
وليتنا ماوديناه .. كواه براسه كويه اخذت شهور وهي تنزف قيح ويتالم منها .. "حطت يدها على راسها " ..
وبعدها ودية لشيخ طلع جال طلب فلوس منا باللوف وداهمت المكان الهيئة .. والله للحين كل ما اتذكر اللي صار ..
ما اتذكر كيف طلعنا .. بلمح البصر كنا في البيت .. وبعد شهور طويلة .. جاتنا ام طارق ودلتنا عن شيخ قريب ..
بمسجد *** شيخ معروف وماقصر الله يشافية ويرجعه لعيالة سالم غانم .. بس تعب قلبه وعيالة سفروة يتعالج بالخارج ..
واخذت شهور وانا الخوف من اني اروح ادور شيخ يقرا عليهم .. اذكر اخذت امي لشيخ وبداء يخنقها ..
وهو يقول الجني اللي فيها لازم يطلع .. اللين صرخت على نايف لا يذبحها وفكها نايف من بين يدينه بالقوة ..
سنتين وحنا ندور ما بين الشيوخ .. " التفتت لراكان .. وشافته مزل راسه يطالع الارض " ..
راكان بالم / وانا ليه ما قلتي لي ..
العنود / ليه .. بهالسنتين يا راكان كم مرة جيت وشفت امك وابوك .. تبيني اقول لك كم مره ..
ست مرات .. بالسنتين .. بعيد الفطر وبعيد الاضحى وبليلة رمضان .. لا بعد بليلة رمضان وانت واقف ..
وتقول انا رايح الشرقية عازميني على الفطور مع السلامة وتطلع لا كيف حالكم ولا ايش اخباركم ولا محتاجين شي ..
ابد .. وانت عارفني ياراكان .. وعارف اللي ربانا عليه ابوي ..
راكان يقاطعها بقهر/ من صد عنك صد ولو تموت لا تطلب عونه .. وهذا اللي انا سويته ابي صد عني وانا صديت عنه..
العنود / وامك .. متى صدت عنك ..
راكان / وامك متى ما كانت بمكان غير مكان ابوك .. كانت دايم ضلة ..
العنود بحنية / ياخوي لا تنسى الدنيا دواره .. واللي تقدمة اليوم لامك وابوك بكرة يقدمونه لك عيالك ..
راكان وقف / ايش قال لك الشيخ ..
العنود تنهدت " عارف راكان ان قطع موضوع ما يبي يتكلم فيه " ../ قال مسحورين ولازم ينفك السحر ..
طلع اللي بجسمهم الحمد لله بس المخفي .. ما عرفت مكانه .. ولا عرفوا هم ..
راكان / من تتوقعين ؟ ..
العنود / في البداية كنت شاكة بالخدامة الإندونيسية .. بس مره شريفة قالت لي شغلة شككتني فيها ..
راكان يلتفت لها وباهتمام / وايش قالت ..
العنود وهي تتذكر / مره رجعت من المستشفى كان فيه مراجعه لامي .. كان بعد موت جدتي 8 شهور ..
لقيتها بتغير بالاثاث وبتبيعه وتفضي الغرفة التحتية وبتسكن هي وعيالها فيها ..
راكان قاطعها بحدة / هذا اللي باقي ..
العنود بهدوء / خليني اكمل .. دخلت لقيتها هي وبناتها يتكلمون هذي الغرفة لمن وهذي لمن .. خانقتها وهددتها ..
باني اجيب لها الشرطة .. قالت البيت بيت ابوي .. وفهمتها بان البيت مكتوب باسمك .. واذا ما طلعت ..
راح اتصل عليك .. وانت تتفاهم معاه .. راحت تصارخ عليه وتسب وتلعن .. ومن ضمن اللي قالته ..
طيب يالعنود انتي وراكان ان ما ربطتكم مثل امك وابوك ما اكون شريفه .. في البداية ما اههتميت بس بعدين ..
لمن قال لي الشيخ عن السحر .. تذكرت الكلام .. وشكيت فيها ..
راكان / وليه ما بلغتي الهيئة .. ليه ما قلتي انا شاكة فيها ..
العنود / واذا ما طلع عندها شي .. ايش اسوي اروح في بلاغ كاذب و قضية قذف ومحاكم ..
انا ارسلت احد يدخل بيتها وبفتش بكل مكان وله معرفه بهالشي .. بس المفاجأة بيتها خالي ..
بس انا ما يآسة .. ارسلت من يراقبها .. وبرمضان مسكوا اللي تتعامل معاهم بالسحر .. ومالقوا شي ..
يعني الشكوك تدور حولين الخدامه .. يمكن اللي سوتهم شريفة بالأكل وطلع .. بس اللي المخفي يمكن مع الشغالة ..
راكان / ومن راقب شريفة ..
العنود / واحد ..
راكان بسخرية وهو يتخصر / لا والله فكرته ثنين ..
العنود توقف .. وبخبث / اللي لك عرفته .. واللي لظبي مالك فيه ..
راكان يبتسم / خاطر اعرف هالظبي ويش معطيتك " تذكر " .. الا العنود .. جدتي الظبي تقرب لنا ..
العنود / ههههههههههههههههههههههههههه لا ما اعرفها ههههههههههههههه ويش هذا الذكاء ..
راكان يتارك الموضوع / لا اقصد تقرب لعائلة الفارس ..
العنود تصد عنه وهي تنزل الدرج / لا . انت تعرف كيف ابوي تزوج امي ..؟!!
راكان وهو ينزل وراها / ايه .. بس يوم خطبتك ابوي سعود ذكر اسم الظبي وقلت يمكن جدتي ..
العنود بسخرية / خطبتي ..
راكان / ايه .. الا على هالطاري كيف وضعكم .. شكلكم مو عاجبني ..
العنود تنهد وهي توقف على الدرج وتلتفت له / تبي الصدق ..
راكان يوقف وباهتمام / اكيد انا السبب في زواجكم ..
العنود تكمل نزول / مختلفين يوم نكون متفاهمين وعشر لا ..
راكان يمسك كتفها ويوقفها / ايش اللي صاير ..
العنود بصراحها / مغصوبين على بعض لا انا اللي متعودة على الغصيبة ولا اهو .. كلنا حر متعود على قنصة ..
راكان بحنية / تبيني اتدخل ..
العنود بسرعة / لا .. اذا زاد الوضع سوء طلبت مساعدتك .. يالله خليني اشوف ساره ..
راكان / الا كيف منار ..
العنود تبتسم / ايش فيك اليوم .. منار طيبه .. ايه تراها تزوجت من ولد عمها عمر ..
راكان / لا .. عساها تعقل بس .. " ابتسمت العنود وتوجهت لساره " ..
راكان وقف يطالع بالصالة والغرف اللي قباله وكل الذكريات ترجع له .. وقف نظرة على غرفة ابوه ..
راكان يتقدم ويدخل غرفة ابوه .. فتح الباب بهدوء وقفله بهدوء ..طالع ابوه .. احساس غريب بصدرة ..
تقدم وسحب الكرسي الوحيد اللي موجود بالغرفة وجلس قبال ابوه النايم ..
راكان والعبرة خانقته / يبه .. بي غصة بحلقي .. طعمها مر .. وبي غصة بصدري .. توجعني ..
يبه تذكر لمن ضربت ولد المدير و جات الشرطة من المدرسة واخذتني .. تبي تعرف ليش ضربته ..
لانه قال انك من ابوي .. لو ابوي كان تجي وتاخذ شهادتي من المدرسة .. انا مثل وحدي اللي من دار الايتام ..
محد يجي ويعطية هدية لتفوقة الا المدير وانا محد يعطيني هديتي الا المدير .. وقتها ضربته قهر ..
لو كنت بالشرقية ما كان احد تكلم .. ضربته اللين جات الشرطة واخذتني واخذت يوم كامل بالتوقيف ولا احد درا عني ..
الا لمن اتصلت على بيت جدي وقلت له وجاء من الشرقية علشان يطلعني .. وانا اللي قلت له ماعاد ابي ارجع لرياض ..
بس انت زعلت وصرخت عليه .. وجدي قال ارجع .. وانا حلفت اني ما ارجع راكان الاول .. للحين يبه زعلان منك ..
لاني اتصلت عليك وقلت تعالي .. صرخة علية وقلت ارجع البيت لخواتك وانا وراية سفر .. وقفلت الخط يبه ..
ولا سمعت باقي كلامي .. ولمن رجعت لرياض ضربتني ضرب يبه .. علم بظهري للحين .. زعلان يبه للحين ..
احضني يبه وقول والله ما سمعتك وانا اسامحك يبه احضني لني تعبت من الجفا والبرد كسر اعظامي ..
" رمى براسة بحضن ابوه وبكى .. بكى الم غربة هو بالوطن .. بكى جرح كبرياء وقهر .." ..
العنود اللي كانت تبي تدخل لغرفة ابوها بس وقفت لمن سمعت صوت راكان .. وسمعت كلامه ..
تراجعت ونزلت لتحت .. لعند زياد وسارة ..
زياد يبتسم / وين راكان والله اشتقت لجلسات زمان ..
العنود / بس ناقصة ..
سارة / ولا مرة اكتملت اصلان وان اكتملت تخانقتوا وتفركشت بسرعة ..
زياد / ..............
العنود / ...............
ساره / هااه جات النفسية ..
العنود / ويش عنك انت كلي وانتي ساكته ..
ساره / اووووووووووووف .. " والتفتت لتلفزيون تتابع الفلم اللي حاطيه بالدي في دي .. " ..
العنود / وين سمر ..
ساره التفتت لها / تجي هنا ..
العنود / ايه زياد يجلس هينا وسمر هناك بجلال الصلاه وغطاها ما فيها شي ..
ساره تقز واقفه / رايحه اناديها .. " وطلعت جري لفوق " ..
ساره تفتح الباب على سمر / تعالي اجلسي معانا مايصير تقعدين لحالك ..
سمر بغرور / ومن قال باجلس لحالي راكان الحين يجي ..
ساره بسخرية / عشتوووووا لا حبيبتي اليوم السهرة تحت .. " وبجدية " ..
العنود وزياد وراكان وانا وانتي .. يالله البسي جلال الصلاة وغطاك وتعالي تحت بدون كلام ..
راكان من وراها وهو يتنحنح يعدل صوته / ايش عندك انتي ..
ساره نقزت / بسم الله الرحمن الرحيم ..
راكان دخل بسرعة ورمى بلوزته اللي لبسها واخذ الفوطة ..وبامر / سمر انزلي تحت .. دقايق وانا نازل ..
سمر تطالعه مستغربة .. ساره تبتسم / انا انزلها ولا يهمك .. بس بسرعة تحمم ..
راكان دخل الحمام وطنشها .. سمر / روحي سارة انا انزل مع راكان ..
ساره بجدية / براحتك بس لا تفكرين تغيرين راي راكان ..
سمر رفعت حاجب .. سارة نزلت تحت بسرعة .. وفتحت الباب لغرفة الجلوس ..
العنود بحدة / بنت شوي شوي جدي نايم لا تزعجينه ..
ساره / هوهو جدي لو نستلف قنبلة نووية من ايران ونفجرها جنب راسه ما قام ..
زياد / ههههههههههههههههههه
العنود / اذكري الله .. استغفر الله العظيم من ذا البنت مطفوقة .. وين سمر ..
ساره تبتسم / سويت حركات الحموات فيها وقلت يالله انزلي ولا تغيرين راي اخي واا .. كذا يعني بقوة ..
العنود وزياد يطالعونها مو فاهمين شي .. العنود تسلم على يدها كفى وجه / الحمد لله والشكر على نعمة العقل ..
راكان يدخل ووراه سمر / السلام عليكم ايش فيكم ..
الكل / وعليكم السلام ..
سارة بابتسامه / سويت شغل حموات على زوجتك ..
راكان يبتسم / لا والله وتتفاخرين يها قدامي ها .. " مسكها ورفعها فوق " هاااا عيدي حركاتك وشوفي ايش اسوي فيك ..
ساره تصرخ خايفة تطيح على راسها / اااااااااااااااااااااااااا لالالالا خلاص مااسوي شي مااسوي شي ..
" واول ما نزلها راكان التفتت لسمر وهي تعدل بلوزتها " .. حشيتي راسه له هاااا ..
راكان تقدم لها وهي صرخة ونطت بجنب زياد والعنود .. راكان يتهديد / قول اسف يالله ..
ساره تطالع بزياد / قول ..
زياد باستغراب / وانا ايش دخلني ..
ساره / يقول قول اسف يالله .. ومافي مذكر غيبرك ..
العنود / هههههههههههههههههههههههههههه
سمر تطالعهم وهي واقفه وكان محد شايفها ومحد قال لها تفضلي ..
راكان / ههههههههههه انتي ناسية انك راكان صغير يعني مذكر ..
ساره تنفح شعره .. وبخوف / بسم الله علة نفسي .. انا نعومة جنس حواء كلها ..
العنود / بلعدال لا تنكسر رقبتك .. وارحمي جنس حواء دخيلك بس ..
راكان يجلس جنب العنود والتفت لسمر باستغراب / ويش فيك واقفه تعالي اجلسي ..
سمر جلست جنبة وبهمس / بدري ..
بس راكان ما انتبه لها لان العنود كلمته / ما اتصل نايف عليك ..
راكان يمسك ريموت الدي في يد .. / ايش الفلم اللي حطيتوه ..
زياد / اللي جبته انت وقلت شغله ..
راكان بابتسامة خبيثة / اهاااا ساره روحي نامي احسن لك ..
ساره ببرائة / ليش ..
راكان / لانه مصاصين دماء وحق كبار عيب يعني ..
ساره وقفت وعصبت / تبي تنتقم انت ووجهك ..
العنود / ما عليك فيه .. واذا ما عجبك الفلم نغيرة وهو يقلب وجه وينام ..
راكان التفت عليه / وليه زعلتي ..
العنود / ............
راكان يتنهد / ما سالت عنه ولا ابي اسمع صوته ..
العنود / .........................
راكان بطفش / بطقاق .. " وشغل الدي في دي " ..
ـــــــــــــ
بعد يومين ..
المزرعة .. العصر .. عناد وبتال ورعد .. تحت العريش يشربون الشاهي ..
رعد / الحمدلله ان ما انكسرت يدك ..
بتال بضيق / عمري ماشفته ثاير بهالشكل حتى لمن اول مرة جبته هينا ..
عناد / بعض الاحيان اقول يحس بصاحبة و..
بتال يقاطعة / يا اخوي صاحبة ماااااااااااااااااااات ماااااااات وورثته تعبوا منه وباعوه ..
رعد / وانت تعرف ورثته ..
بتال / اللي باعه ما يعرفه مشترية من واحد يقول من قصر وهو قاله عن سالفته ..
عناد / وانت صدقت ..
بتال / بصراحة انا ما همني الا الخيل وابيه لو كذا زينه يقعد قبالي ..
رعد / اناني يا بتال ..
بتال / خليني اناني بسبب الكاسر اقبلها كل شي اقبله من الكاسر ..
عناد / اووف عشق هذا ..
رعد بابتسامه / بصراحة يابتال تنحسد .. العنود والكاسر .. بصراحة اثنين " يهز راسة " ولا اروع ..
ما شاء الله عليك .. تف تف .. حتى ليصيبك شي .. هههههههههه
عناد / ههههههههههههههه
بتال يبتسم / بس ما تروضت ولا عرفت اروضهها عجزوني ..
عناد يلتفت .. وباستغراب لا تخلو من الابتسامه / اوووووووووووووووووووف قوية ..
رعد / هذا اللي مضيق صدرك وجابك يمنا..
بتال يتنههد / تقدر تقول كذا ..
عناد / الله لا يبلانا انت وسند قطبان متنافران .. تزوجتوا سوا وحالتكم .. " وهو ينفض يده " الله لا يبلانا ..
بتال يبتسم بسخرية / ................
رعد / لالا سند عاشق .. اجل محل اجهزة كامل يجيبه لرنيم بس علشان عناد قال له لو تحرمها من التلفون تسلم ..
بتال عاقد حواجبه / متى قلت له ..
عناد / يوم الحفل قبل ما نقلط العشاء لرياجيل ..
بتال / وانا اشوف الرصاص من النظرات ..
عناد / لا والله يوم جاني بعد العشاء وشافني واقف عند الباب وقال لي ايش عندك ..
شفت الورع الصغير يوم يسوي خطاء ويمسكونه اهله كيف احساسه .. اها انا صر بي كذا ..
بتال و رعد / هههههههههههههههههههههههههههههههههههه
عناد يبتسم / سند احترمه كثير .. وبعد ماتغير جسمة وانتفخ ما شاء الله علية .. صرت ارتعب منه كثيرررر..
رعد وبتال / ههههههههههههههههههههههههههههههههههه
عناد / اضحكوا اضحكوا المزاج رايق والاخلاق عال العااااااااااااااال
بتال / ههههه جعله دوم ماهو بيوم .. والله ورجع عناد القديم ..
رعد / صفقا صفقات .. مو دايم .. بس صاريتقبل مشاهدة افلم عدنان ولينا ..
عناد يبتسم / على قول راكان نينه ومنيلة بستين نيله .. هههههههههههههههههههههه
رعد وبتال / ههههههههههههههههههههههههههههه
ـــــــــــــــ
بيت ابو سند ..
رنيم تتنهد وهي تتصفح احد المنتديات ..
سند بهدوء وهو واقف اما التسريحة يجهز نفسه طالع / ايش فيك ..
رنيم بدون نفس / ما فيني شي ..
سند يلبس شماغه .. اخذ المحفظه والمفاتيح وجواله .. وبامر / ساعة وارجع .. ابيك جاهزة طالعين مشوار ..
رنيم تلتفت علية / ما ابي اطلع ..
سند وهو عند الباب / ما شاورتك .. خلك جاهزة " وطلع " ..
رنيم بعصبية / لا والله .. ما ابي البس ولا اجهز اوووووووووووف منه ..
جلست شوي على المنتدى وطفشت .. فتحت الواتس تشوف دردشة البنات بس هي ما تعلق ..
ريما / طاحت رجولي بالسوق ..
نوال / اهم شي الااااااااااااااا ^_*
رنيم ابتسمت / ...........
ريهام / بلا حركات نوال .. اعتدلي ..
شجون / ريمووو ليه ما قلتي لي اروح معاك ..
نوال / امبيييييييييييييييييييييييييييه شجون وين تروحين لنعومي .. ^_^
شجون / لا مانتي صاحيه فيك شي ..
سمر تدخل / سلام بنات وحشتوني ..
شجون / هلا وغلا ^_^ وحششتييينيي
ريهام / هلا سموره كيفك حبيبتي ..
سمر / تمام كيفك الملحق خلص ..
ريهام / لا باقي له شغل كثير .. الحين العمال يشتغلون فيه اضاءة واشياء هذي ..
سمر / اهااااا
ريما / من واقف عليهم ..
ابرار / جدي فديته .. قال لا تقولون لاحد اني فازع لكم قولوا بلحالنا مسوينه واكسروا عيون الشباب ..
سمر / متاكده محد يدري ..
ابرار / ههههههههههههههههه لا بس جدتي وخالاتي وحريم عمامي ههههههههههههههههه
رنيم تنهدت وقفلت جوالها .. دخل سند / ما جهزتي ..
رنيم بخنقة / ماللي نفس ..
سند يجيها من خلف الكنبه ويضمها وبهمس / تجهزي هذا المشوار علشانك ..
رنيم رفعت عينها فيه .. بعدت يدينه عن صدرها ووقفت / ...............
سند يطالع فيها وهي تلبس و واضح الضيقة الا بوجهها .. صد عنها .. تنهد / انا تحت انتظرك ..
رنيم بضيق / ما يحتاج خلصت ..
طلع سند ورنيم معاه ... سند مر على المطبخ واخذ سلة فيها ترمس قهوة وترمس شاهي وفناجين ..
رنيم بستغراب / هذا ايش ..
سند يبتسم /قهوة وشاهي .. " مسك يدها " تعالي بس ..
وطلعوا من البيت ..
ـــــــ
بيت ابو طلال ..
طلال يطالع التلفزيون ما لقى برنامج مسلي كلها مؤمله .. شاف مرام نايمه .. وهو طفشان .. قفل التلفزيون ونزل تحت ..
بصالة تحت ...
اماني جالسة قبال التلفزيون ومو معاه مشغولة باللي في يده ...
طلال يجلس جنبها / سلام ..
اماني ترفع راسها .. وبابتسامة / هلا وعليكم السلام .. " ورجعت تشتغل " ..
طلال / وين الجماعة ..
اماني / امهاتي عند امي العودة .. ونوال عند ابوي بالمكتب وسيف بالمطبخ ما ادري ايش عنده بربر فوق راسي وراح ..
" طول ما هي تتكلم عاقدة حواجبة ومركزة باللي في يدها " ..
طلال يطالع اللي بيدها و باستغراب / ايش تسوين ..
اماني ترفع راسها / هذا عمل فني للاستراحه حقتنا ..
طلال / خياطة بالاستراحة ليه بتسون مشغل ..
اماني / هههههههههههه لا هذي لبس لبعض الخداديات .. يعني اطرز ذي " مجموعة رسومات بقماش"..
و البس الخداديات اللي مثل هذي " وهي ترفع احد الخداديات الصغيرة اللي بجنبها " .. ونحطها بزوايا معيناه ..
لديكور يعني ..
طلال فاتح فمه .. / يا كثر بربرتكم يالحريم .. قولي شغله لديكور وخلاص ..
اماني ترفع حاجب / اقول لا يكثر .. وامسك .. عبي هالورده .. " اعطته قطعة قماش مرسوم فيها ورده " ..
طلال يطالعها وباستغراب / ايش اسوي بذي .. كانها خلية نحل .. مع هالفتحات ..
اماني تترك اللي بيدها / امسك هالخيوط الصوف الحمراء واربطها في الاعمدة واحشاء هالورده .. فهمت ..
طلال يهز راسه .. / ايه فهمت ..
سيف يطلع من المطبخ ومعاه شاهي وفطاير .. بابتسامه / حتى انت شغلت ..
طلال يبتسم / والله شغلة حلوة ..
سيف يجلس بالارض وياخذ قطعة قماش مشغول نصها / شوف انا سويتها ..
طلال / والله حركات .. انا ابي اسوي بعد ونشوف من شغلة احلى ..
وبدا كل واحد يشتغل والتهاء عن التفكير والهم .. واماني كل بعد شوي تعلم ذا وتعدل لذا ..
بالمكتب ..
عبدالعزيز / ها يابنتي ايش قلتي ..
نوال / يبه انا قلت رايي بهذا الموضوع ..
عبدالعزيز يتنهد / ليش رافضتيه اسبابك ما اقنعتني ..
نوال تتنهد / يبه تبي الصدق لو قبل كم شهر جايني وقايل ان سعود خاطبك بوافق وبدون تفكير ..
عبدالعزيز بابتسامة / والله .. طيب ايش غير الراي .. تراه مثل ما هو .. " يغمز لها " .. ما تغير ..
نوال تضحك بخجل / ههههههههههههه يبه ..
عبدالعزيز / ههه طيب قولي ايش اسبابك ..
نوال تبتسم .. تنحنحت بحرج / احم يبه .. الكلام اللي سمعته .. وهو يصارخ ويقول ما تشتغل وهذي بتجيب مشاكل ..
وبتوسخ سمعتنا وما ادري ايش جرحني يبه واستفزني .. يتحاكم فيني وفي تصرفاتي وهو ماله علاقة فيني ..
قهرني .. وبعدين انا مو متعودة على احد يقيد حريتي .. او يعاقبني بدون مايفهمني او يسمعني ..
انا تعودت على الحوار معاك مع طلال مع سيف نتفاهم بعض ونفهم بعض ارائنا وايش الصح وايش الخطاء ..
لو تزوجت سعود .. سعود مافيه عيب صح بس طريقة تفكيرة اسلوبه مع اولادة مستقبلا كل هالامور خوفتني ..
وخاصة بعد الحركات اللي سواها لي بالعيادة ..
بعد صمت .. عبدالعزيز تنهد / يا بنتي .. لزم تعرفين ان راح تقابلين برفضك .. زعل جدك وعمك ويمكن العايلة كلها ..
نوال تنهد / ادري يبه .. بس انا مايهمني بالكون كله كثرك انت واخواني ..
عبدالعزيز .. حك حاجبة / انا ابي ابلغ اخوانك برايك واسبابك .. وشوفي رايهم ..
نوال / بلغتهم .. وهم معترضين على اسباب رفضي .. يقولون حكمتي على سعود غلط ..
عبدالعزيز يهز راسة / وانا قلت بنفسي كذا وعندي فكرة اني اخلي سعود يجي ويشوفك النظرة الشرعية وتتفاهمين معاه ..
نوال بحزم / لا يبه .. ما ابي اشوفه .. وانا رافضته ورافضة الزواج من أي شخص من اقاربي ..
عبدالعزيز باستغراب / اجل من أي طبقة ..
نوال / من دكتور من استاذ جامعي من أي واحد يفهم حرية المرأة اما عايلة الفارس لا ..
عبدالعزيز / مو كانك سبيتيني وعيبتي فيني يابنت ..
نوال تبتسم / سلامتك يبه انت غير فديتك ..
عبدالعزيز يوقف / خلينا نطلع لاماني نشوف ايش تسوي ..
بالصالة ..
طلال / والحين ايش اسوي ..
سيف / وانا كمان ..
اماني تاخذ القطع / الحين دوري شوف ايش اسوي "وبدات تلصقهم في بعض وتدخلها بطريقة فنية وخاطتها بالخدادية "..
والحين ايش رايكم .. " وهي فاتحة خشتها باكبر ابتسامة " ..
طلال باعجاب / والله روعة ..
سيف / طلعتي موهوبة وماعندنا خبر ..
اماني / كل وحدة من بنات العايلة عندها موهبة .. بس للاسف مافي احد ينميها ..
طلال يسحب خدادية كبيرة ويتكي فيه على الارض / ليه طيب ماتقولون عندنا ..
اماني / لمن نقول .. ولا الحمد لله حالتنا احسن من بنات كثير .. احنا بينا نساعد بعض ونشجع بعض ..
ام في عوائل بناتهم يحطمون بعض اكثر ليه لان ماله داعي ومحد بيشوفها .. " التفتت لسيف " ..
تذكر الوحة اللي بغرفتي وسالتني من وين اشتريتها .. هذيك رسمتها ريهام بنت عمتي ..
والمستودع حق بيتهم ماليان بلوحاتها .. بكره راح ناخذ منها ونعلقها بالاستراحة ..
بصراحة ريهام عندها موهبة رسم خطيررررررررررررة .. بس للاسف محد يساعدها ويعرضها لها ..
عبدالعزيز و نوال / السلام عليكم ..
الكل / وعليكم السلام ..
اماني / يبه شوف شغل عيالك .. يالله وريي شطارتك وتعال اشتغل ..
عبدالعزيز يجلس جنبها / افاا انا اشطرهم واوريك ها هاتي قطعه
" اماني مدت يدها واعطته قطعة وقالت له ايش يشتغل ووزعت على اخوانها وكل واحد بداء يشتغل في شي " ..
ـــــــــــــــ
وقف سيارته ..
سند / وصلنا ..
رنيم تلتفت يمين ويسار وبدهشه / الشاليه ..
سند يفتح الباب / ايه .. شفت الجو حلو وقلت خلنا نغير جو " نزل وقفل الباب " ..
رنيم تفتح الباب وتنزل / ................
سند يفتح الباب الخلفي ويسحب السلة مسك يدها / تعالي ..
قابل حسني عند بوابة الشاليه / كيفك يا عم حسني ..
حسني / بخير .. اهلا وسهلا انا قهزت كل حاقة امرت بيها يا فندم ..
سند / شكرا .. " وتقدم داخل الشاليه الى ان وصل قبال البحر " .. ها ايش رايك ..
رنيم تطالع بالفرشة .. وقبالها عدة الشوي .. بخنقة / ليه ؟
سند التفت لها .. وبمداعبة / هينا نجلس وهينا نشوي .. اخذت العده من الحاج عمرعلي التركي .. تعالي ..
جلس على الفرشة واشر جنبة / تعالي هينا .. وارمي العباية ما عندك احد وحسني ماهو جاي .. خذي راحتك ..
رنيم ترمي عباتها جنب سند ومشت الا ان وقفت قبال البحر .. حاسة بضيق بصدرة .. وبوحدة ..
ودها تصرخ وتبكي بعالي صوتها .. حست ببرودة ضمت يدينها وبدات تمسح عليه يمكن يدفا ..
فاجاها وهو يضمها من الخلف .. وبهمس / طوليتي وانت واقفه لك نص ساعة ..
رنيم تحاول تبلع غصتها / ما حسيت ..
سند بهدوء وهو ما زال ضامها / تعالي اشربي شي دافئ .. وبعدها نبي نتكلم بموضوع مهم ..
رنيم تنهدت ومشت بهدوء الا ان جلست على الفرشة .. / .................
سند يصب فنجان قهوة ويطلع التمر .. / تفضلي ..
رنيم تطالع فيه بهدوء ..نزلت نظرها و اخذت الفنجان / ...............
سند بهدوء / في خاطرك شي تبين تقولينه ..
رنيم تنهدت / لا .. انا ان قلت والا ما قلت مخطيه ..
سند ابتسم / انتي قولي لي اللي تبينه ومحد راح يخطيك كل اللي تقولينه صحيح ..
رنيم تلتفت له و بابتسامه باردة / ايش عندك جبتني هينا ..
سند ابتسم / ولا شي ..
رنيم تصد عنه / كذاب ..
سند يرفع حاجب / افااا ..
رنيم / اجل قول بدون لف ودوران ..
سند بجديه / عرفت اللي سواه المقطع والسبب ..
رنيم التفتت له وباهتمام وترقب مخلوط بخوف / مين ؟
سند / ...... صالحة ..
رنيم اختنقت بالعبرة / ليه ؟
سند صد عنه وعن سؤالها / .. يتيمة عايشة في بيت خالها امها متزوجه .. زوجة خالها موريتها الويل ..
ماعندها اخوان لا برضاعة ولا شقايقها .. لها اخوان من امها بس صغار اكبرهم 12 سنه ..
ماهي مخطوبه ولا عقدة قران ولا شي .. صاحب الصوت اسمه لؤي وهو اللي شفتيه معاها ..
رنيم بالم / انا شفته متى ؟
سند / لمن كنتي تروحين مع خواتك وامك للحديقة علشان تغيرون جو وتقابلين صالحة ..
رنيم تقاطعة / بس معاها اهلها واخوانها وو ..
سند / كانت وقتها تكون هربانه من بيت خالها .. البنت عانة كثير من الضيم .. تعرفين كيف حياتها ..
رنيم تهز راسه بلا / .................
سند / وكنتي تشتكين من حياتك ومن طريقة العيش اللي عايشتيها ..
رنيم تهز راسه بنعم والدموع تسيل على خدها / ........................
سند تنهد / وهي تحبك وتبي تساعدك بانك تلقين حل .. بس طريقة حلها غلط .. وانت غلطك اكبر ..
رنيم تشهق / هئئئئئئئئئئ اناااااااااااا ايش سويت ..
سند / ما ساعدتيها .. ولا سمعتي منها .. وضيعتيها ..
رنيم تطالع فيه متفاجأه / ......................
سند / انتي قوقعتي نفسك .. حدث عشتيه وحكمتي عليه .. تقوقعتي بانانية وكان ماحولك احد ..
رنيم / .....................................
سند / من اخر مره حتي معاي لامك ولا مره زرتيها .. ولا حتى مكالمه حتى اخواتك قطعتي علقتك فيها ..
رنيم بحدة / لانهم كذبوني وصدقوا الـ ..
سند يقاطعها / وليه مادافعتي عن نفسك .. ليه ماكسرتي لحبس اللي يحاولون يحبسونك فيه .. انت ضعيفه ..
رنيم بحدة / لا ..
سند / اجل ليه تستسلمين ..
رنيم حدة / وانت ايش عرفك بصالحة هااا .. من وين جبت هالمعلومات ..
انت غلطان صالحة صديقتي واعرف كل شي عنها .. اللي قلته كله كذب ..
سند يهز راسه / اللي ارسل المقطع على ابوك جبته الشرقية قبل يومين ..
وسئلته وهو قال كل شي .. واعطاني ملف يخص صالحة ..
رنيم بستهزاء / وكيف عرفت انه اهو ..
سند / من رقمه .. طلبت مساعدة واحد من الأصدقاء يشتغل بالاتصالات وسوالي برنت عن اخر الارقام على ابوك ..
واخذت الرقم اللي ارسل باليوم والساعة .. ومساعدة واحد من اصدقاء عناد جبته .. وقال كل شي ..
رنيم / ...............................
سند / ...................
بعد وقت / انا .. انا ... " واختنقت بعبرتها " ..
سند بهدوء / زعلانه على حالك والا حالها ..
رنيم تنزل راسها / ما عمري سالتها عن وضعها .. دايم اتكلم عن زيارتي سوالفي مع اخواتي ..
ولا مره تكلمت عن شي يخص اهله الا يوم قالت لي انها انخطبت .. وبدات تسولف لي عنه ..
وكانت صوتها متغير .. فرحانه فرحانه كثير .. وتقلد صوت خطيبها وتقولي انتي قولي بدال عني ..
" التفتت لسند " وهذا هو سجلته وغيرت المكالمه عالشان تضيعني ..
سند / يمكن هذا حلم لها وتخيلة حقيقة ..
رنيم / ..............
سند صد عنها وبدا يطلع الحم المتبل والجاهز لشوي .. / انا جعت وابي ابدا اشوي ..
الحمد لله الثلج ما ذاب كله والحم بارد .. " سحب كيس الفحم واشعل النار ..
وسحب كيس الحم المتبل من ترمس الثلج ووضعه على الفحم " ..
رنيم قفت وتوجهت للبحر .. وقفت قبال البحر وبدات تفكر وتعاتب نفسها ..
بعد فترة .. حست بسند يحضنها .. وبهمس / ضايقتك ..
رنيم تهز راسها بلا / .............
سند بهمس / لا تغلطين مره ثانية وتخسرين ناس يحبونك ..
رنيم رفعت راسها له وطالعته / ....................
سند بابتسامه / اقصد خواتك .. ريما تجهز نفسها لزواج وانتي ما ساعدتيها .. مو المفروض تكونين معاها بهالايام ..
رنيم تصد عنه وتطالع البحر / تعبانه .. ما ابي اشوف احد ..
سند يزيد من ضمها / بسم الله عليك من التعب ..
رنيم بكت .. وبكت بقوة / تعبانه ومقهورة .. امي تركتني .. امي .. امي .. صدقت اللي سمعته ..
سند ضمها اكثر / ..............................
رنيم / اشتقت لها .. اشتقت لسوالف معاها .. ادري انها ضايقه الحين لان ابوي رجع ...........
سكتت ... سند بهدوء / رجع ليه ..
رنيم تبعد سند عنها وتمسح دموعها / ولا شي .. ولا شي ..
سند ابتعد عنها واعطاها حريتها .. ورجع للفرشة .. / العشاء جهز تعالي كلي .. راح يعجبك ..
رنيم رجعت وجلست على الفرشة في البداية تمنعت عن الاكل بس سند غصبها عليه ..
ــــــــــــــــ
يوم جديد ..
بيت ابو سطام ..
ابو سطام بعصبية / هذا اللي بقى .. وهي له شور .. تروح بغصب عنها وتحلل ..
عبدالعزيز بهدوء / يبه والله ما يصير بالغصب .. وهذا مـ..
ابو سطام يقاطعه / مايصير باخر عمري تقولي يصير ما يصير .. اجل اسمع العلم ..
والله ان ماتاخذ غير سعود لو يشيب راسة وان اتزوجت غيرة ياعبدالعزيز لغضب عليك ليوم الدين هاااه ..
" ليقف ابو سطام تارك المجلس " .. عبدالعزيز برجاء / يبه دخيلك لا تزعل علية ..
ابو سطام ابعده وتركه .. سلطان يقف / تعال يا عبدالعزيز تعال .. الحين الوالد معصب مايسمع لحد ..
عبدالعزيز يتنهد / لا حول ولا قوة الا بالله .. ياخوي تعبت .. والله تعبت .. يكفي اللي عانيته ..
سلطان بتهداه / خل الموضوع الحين اللين ابوي يهدا وبعدين نتفاهم فيه ..
عبدالعزيز يفتح اول ازارير لثوبه وبصوت متعب / يكفي اللي شفته .. والله كل ما شفت مريم ..
اتذكر اني السبب بحرمانها من الضنى .. والوجع اللي تحس فيه .. كل ما اشوفه تحط يدها على بطنها ..
افز خايف يكون تتالم من شي وماتبي تقول .. هي كتوم كتوووم وتوجعني بكتمانه .. وانا بدال ما اريحها ..
عذبتها بزواج طلال غصب عنه ليه .. علشان يعقل .. " تنهد بوجع " .. وهذا هو كل يوم والضيقة بوجها ..
ولاني قادر احلها له .. تعبت ياخوي والله تعبت ..
سلطان يضع يده على كتفه اخيه / ماجورة ياخوي ماجورة .. وربي يحمي له طلال ويبلغها بعيالة ..
عبدالعزيز من قلب / اميييييييييين ..
سلطان / وانت كنت طايش وصغير وهي صغيرة وجسمها هزيل .. ما استحملت .. والحمد لله انهم سمحوا لك توديها المستشفى تولد هناك والا اللحين الوضع اختلف .. الله يسامحهم جميع ..
عبدالعزيز يتذكر ليلة زواجه من مريم ..
سند " الجد " / ياولد خلك رجال الليلة ..
عبدالعزيز اللي يطالعهم مستغرب .. امس خبروه بان غدا ليلة زواجه / ..........
سطام / انتبه للبنت يا عبدالعزيز .. تراها يتيمه وصغيره ..
سند ينهره / اترك كلمم هالرمه عنك .. خلك رجال .. " وبصرخة " .. سمعت ..
عبدالعزيز يهز راسه ويدخل على النساء .. ليرتفع صوت الزغاريد وقرع الطبول ..
ابو سطام واقف بالقرب منهم ولكن التزم الصمت .. فعبدالعزيز الطائش امر اخيه سند بزواجه بسرعة ..
حتى لا يضيع مثل سطام ويتزوج اجنبية بلا اصل .. " كما كانا يعتقدون " ..
عبدالعزيز في ريعان مراهقته لقد وصل من السفر من سوري قبل امس ولقد راء مالم يره في حياته ..
نساء فاقوا تصور الجمال لديه .. وكان على شفى حفرة الهاوية .. ولكن صديقة الصدوق طلال ..
المتوفي من سنوات عديدة .. سحبه عن المستنقع الذي وقعا فيه ليهربا عائدين لـ السعودية ..
وعند معرفة عمه القاسي بالامر حكم عليه بزواج وبين يوم وضحاها اصبح يحمل على ظهرة حمل كبير ..
عبدالعزيز يقف امام زوجته .. صغيرة و هزيلة جدا وخبر وفاة والدها قبل اشهر قليلة ويتبعها والدتها بعده بشهرين ..
اتعب قلبها وجسدها فهي وحيده لا اخ ولا اخت .. ليس لديه الا ابناء عم ابيها سند و سعود .. ليفاجئوه بزواجها ..
ولكن هذا افضل فزواج ستر وسند كما قالت الولادة " الداية " .. تقدم منها عبدالعزيز ليجدها منزلت راسها خجله ..
فستان اخضر مطرز بالذهبي يبدو ليس له كبيرا جدا عليها .. تاركت شعرها الطويل بحريه ..
تقدم اكثر ليصبح رجل حقيقي كما اخبره عمه .. لم يراعي صغر سنها ولا ضعفها ولا فارق الجسد بينه وبينها ولا القوة ..
ليتفاجأ بعدها بشهرين بانها حامل .. وعند ولادتها عانت وتعبت جدا .. كان يسمع صراخه واستنجاده به .. ولكن ..
عمه زجره بان لا يقترب منها بل يبقى في مجلس الرجال الا ان ياتيه خبر وصول ولده .. لكن عبدالعزيز ترك المجلس ..
ليركض ويجلس امام باب الغرفة اللتي توجد بها مريم ..و اصبح يبكي عند عتبت ذلك الباب ..
ليصل سطام ويصرخ به ان يحمله للمستشفى .. حملها بسيارة سطام لقرب مستشفى ..
ليفاجئا بخبر نزيفها الحاد ووضعها الخطير .. وسيستلزم وضعها لعملية قيصرية واحتمال يتدهور الوضع ..
وبعد وقت عصيب رزق با مولود اسماه طلال على اسم صديقة المتوفى .. ومريم .. تم استئصال الرحم ..
بسبب نزيفه الحاد .. عانت كثير بعد ولادتها ليزيد عليها بخبر زواجه من اخرا .. وايضا بسبب العم سند ..
"فاق من غيبوبة الذكريات ليتنهد بالم ويرفع راسه وشاف سلطان سرحان و يفكر " ..
عبدالعزيز ببحه / ايش فيك ..
سلطان انتبه و هز راسه / لا سلامتك .. قوم قوم روح بيتك .. ابطينا هينا ولا حولنا احد ..
ــــــــ
بيت ابو نايف .. الساعة 3:00 صباحا ..
العنود تلف الشيلة على راسها .. وبسرعة تتجه لغرفة راكان لتطرقه طرقات سريعة ..
راكان يقفز من نومه ليفتح الباب .. بصوت غليض بسبب النوم والفزع / العنود ؟ ..
التفتت العنود اللي واقفه قبال باب غرفة امها / امي تعبانه حيل .. لزم نوديها المستشفى .. بسرعة البس ..
عاد راكان لغرفته ليغير لبسه .. ويلبس الثوب وباخذ شماغة والمفاتيح ..
سمر ترفع راسه .. وبصوت ناعس / رااكااان ..
راكان التفت لها بسرعة / انا رايح اودي امي المستشفى .. ومافي جامعة اليوم اجلسي مع سارة .. لان احتمال نطول ..
خرج من الغرفة وتركها في دوامه النعاس و ما يتكلم عنه راكان .. لتفتح فمها باستغراب / ...........
بعد ساعات طوال با سياب المستشفى ..
راكان بتعب / رايح اجيب شي نفطرة وارجع .. تبين شي معين والا على ذوقي ..
العنود / جيب كوفي و كروسو .. ابي اصحصح ..
راكان يلتفت لامه النائمة / بتال راح يرجع يا اليوم يا بكرة .. من راح يرافق على امي ..
العنود بحزم / اكيد انا راح ارافق عليه .. واذا رجع ايش اسوي فيه .. امي اهم ..
راكان يبتسم بتعب / انا اكلمه بس لا تعصبين ..
العنود صدت عنه / ..........................
راكان تنهد / رجعنا لزعل ..
العنود / مو زعلانه .. بس جيب لي قهوة اعدل راسي ..
ابتسم راكان وراح يجيب قهوة ..
ـــــــــــــــ
في البيت ..
ساره / زياد ابي اروح لها .. ابي اتطمن عليها ..
زياد المتعب من سهر البارح فقد رافق العنود وراكان للمستشفى والان عاد لخذ بعض الحاجيات لوالدته
زياد بتعب / ساره والله بخير بينومونها كم يوم بس وراح ترجع بخير .. اطلعي شوفي ..
خلاصة زوجت صبري الاغراض والا لا .. بسرعة ..
زهرة تنزل الدرج .. ومعاها شنطة صغيرة للملابس .. / هذي الملابس وانا مسوية قهوة وشاهي وديها للعنود ..
زياد يهز راسه / شكرا ..
اخذ الاغراض وطلع .. سمر تنادي ساره / ساره .. راح زياد .. كنت ابي اعطيه الجوال حق راكان ..
زهرة تطالع سمر بنظرات " مو عاجبتها " / .............
ساره / ايه راح .. اذا تبين راكان يكلمك ارسلي رساله على جوال زياد وقولي له اذا وصل المستشفى ..
خلي راكان يتصل على جواله وكلميه انتي عادي ..
سمر بدلع / واااااااي فشيلة ما اقدر .. خلاص مو مهم .. " وتركتهم ورجعة غرفتها " ..
زهرة تكش بيدينها / يععععععع ياختي اخوك ايش صابوه يحب هذي ..
ساره / ليه ايش فيه سمر بنت عمي وناعمه وحلوه ودلوعه ..
زهرة / لو تشد نفسها وتبطل دلع تطلع حلوة لكن دلعها ماااااااسخ .. ماحبيتها ..
ـــــــــــ
يوم جديد ..
بتال رجع الرياض .. وتوجه للمستشفى يزور خالته ام راكان ..
وهو بالمصعد توه وصل لدور الغرفة اللي منومه فيه خالته .. انفتح المصعد وكان بيخرج شاف متعب وام عبدالعزبز ..
متعب اللي مكان منتبه للمصعد و لوجود بتال / العنود ماعجبني صوتها ..
بتال بجفاف / السلام عليكم .. " وتركه وتوجه لغرفة خالته والكلمة ترن باذنه " ..
بتال بداخله " ما عجبه صوتها يعني كلمها .. اكيد بيكلمها .. اصل ايش اللي جابه الرياض و المستشفى .. اكيد هي ..
مسويه فيها لقائات غرامية يا العنود ايه مقيولة لغاب القط العب يافار .. طيب يا عنيد طيب الوعد في البيت "..
طرق الباب .. ليتنحح ../ احم احم ياولد ..
العنود / تفضل ..
بتال دخل ليجد العنود وحدها وزادت عصبيته وغضبة اكثر / قاعدة بالحالك ..
العنود بهدوء / وعليكم السلام .. " وبداخلها .. يقاعدين يكفيكم شر الجايين " ..
بتال بغضب / ايش جاب متعب هينا ..
العنود / هشششششششش .. وطي صوتك انت بمستشفى .. وايش .. ايش جابه .. يبي يزور ..
بتال بعصبية / وا...
ليقطعة دخول راكان وسمر / السلام عليكم ..
بتال والعنود / وعليكم السلام ..
راكان يسلم على بتال وبعد السلام والسؤال عن الحال وحال الاهل بابتسامه / الله يعينك الليله تباد عزوبي ..
بتال بجفاف / اعذرني يابو سطام .. مرتي ماله نومه اللى في بيتها .. وانا شرهان عليك يا ابو سطام ..
راكان يطالع العنود اللي صدت وواضح انه في شي بينهم .. / اطلب الحق وانا اخوك وابشر به ..
بتال / وشلون حرمتي تنام بالمستشفى بلا علمي ..
راكان / الامر ضروري .. والا من تبي ينام عند امي ..
بتال / زوجتي ما ابيها تنام .. واذكر عندكم خدامه .. تنام معاها ..
العنود التفتت له وبحدة / مو بحاجت الخدامه وبنتها موجودة ..
بتال عصب اكثر/ والله ان مـ ..
راكان يتدخل / اذكروا الله .. مايصير اللي تسوونه .. " التفت للعنود " روحي مع زوجك ..
وامي ترافق عليها سمر والا ساره .. واذا قدرتي تعالي زوريها ..
العنود بحدة / لـ ...
راكان بحزم / هششششششش خلص روحي مع زوجك الله يستر عليك ..
العنود تطالعه بقهر .. صدت عنه ولبست نقابها ورفعت عباتها على الراس لبست قفازاتها السوداء وطلعت ..
بتال / ما تشوفون شر .. سلام .. " ولحق العنود بخطوات سريعة وحاده .. مسك يدها بقوة ليبدا بضغط بها " ..
طول الطريق وهي ساكته وهو ما خلا كلمه وما قذفها بها .. العنود بداخلها " صدق من قال تجيك التهايم وانت نايم " ..
دخلت الشقة سحبت نقابها بحدة / انت ماتقول ايش فيك ..
بتال يقفل الباب بحده .. ليلتفت لها ويصفعة كف ارماها ارضاً / انا ما عمري شوف وحدة بواقحتك ..
العنود / .........................
بتال يرفسها وبصراخ / قومي عن وجهي لقتلك . قوووووووووووومي ..
العنود قامت وتوجهت لغرفتها قفلت الباب بحدة وقفلت عدت قفلت بالمفتاح ..
ــــــــــ
بالمستشفى ..
سمر / ايش بتال معصب ما عمري شفته بهالوضع ..
راكان بسخرية / واحد تعبان من السفر ويبي زوجته ايش تبين شكله يكون رايق ..
سمر / لا ما اتوقع تعب سفر شكله زعلان من العنود .. اكيد غاثته ..
راكان التفت له وبحدة / سمر .. انتبهي لكلامك .. ولا تتدخلين باللي ما يخصك مفهوم ..
سمر / وانا ايش قلت ..
راكان بحدة / اص وبلا هرج فاضي ..
سمر تنتظر الفرصة علشان تقول لامها الاخبار .. اللي شافته بين العنود وبتال شي كبير ..
ــــــــــ
انتهى ..
سبحان الله .. والحمد لله .. والله اكبر ..
اتمنى يعجبكم .. واعذروني على القصور والاخطاء الاملائية ..
اختكم .. مشاعل السعودية ..
|
04-10-12, 12:10 AM
جديد مواضيع قسم القصص المكتمله من وحي قلم الاعضاء
العرض العادي
