كاتب الموضوع :
Metvirus
المنتدى :
مدونتي
رد: إجابة على سؤال ضائع .. !!
عادي جدا
----------
عادي جدا
إنك تصحى الصبح
تلقى نفسك جنبك
غرقانه فـ الحلم البايت ..
من زمن الوهم
عادي جدا
إنك ترفع راسك ..
وإنت بتغسل همك
فتلاقي مرايه بتعكس روحك
تكسرها ...
لكن تفضل حي
ميرشق فيك مليون سهم
عادي جدا
لما تسيبها وتنزل الشارع
تفرح بالجزء الواسع جواك
فتقابلك بنت ..
مافيهاش غير قلب
تحلم يملاك
تاخده ..
بعديها تجيبلك ألف مبرر
علشان تنساها ..
عادي جدا
عاااااادي جدا
أنك ترجع تقلع عقلك ..
ويا هدومك
لما تحس انك ماعملتش حاجة
غير انك وزعت الضحكة البهتانه
وأكلت الحزن الي ف عين الناس
بعديها .. تحاول تكتب حاجه جديده
بحروف تانيه
تفشل ..
وتلاقي نفسك زي ماهيا
تحضنها
و
ت
ن
ا
م
عادي جدا
2011
|