وسط القلب

السلام عليكم ورحمه الله وبركاته





ياعنــــاد لاتســال عــــن أللــــي شغلنــــي


اللي سلـــب روحــي جعلهــــا في نقصــان



غالـــــي وحبــــــــه فالحشـــــا ممتحنــــي


ياعنـــاد لاتلومـــن مـــع تــــرف الأعيــان



سكنــــاه وســــط القلـــب ماكــن ومنـي


ماأقوى الصبر عن شخص مجمول وفتـان



مــــدري السبب يغيــــب لحظات عنــــي


يجعـــل حياتــي كلهـــا هــــــم وأحـزان



أبكـــي بعد ماكنــت في يــوم أغنـــي


اتبدلت حالــي أنـــــا أصبحـــت ولهـــــــان



دمـــوع عينـــي تنهمـــــــل تفضحنـــــــي


لعل دمعي يكـــون حجـــة وبرهـــــــــان



أعاتبـــــــه والــــــروح لجلـــــــه أعنـــــــي


وأشوفــه من نفسي مثل قلــــب منصــــان



شامــــخ شمــوخ العــــز مايــــوم يدنــــي


مثـــــل القمــــر لابان نـــوره بالأكـــوان



لو هـــو طلـــــب روحي أبــــــد ماأمنــــــي


أكـــون له مخلص على مــــر الأزمـــــان



لاتلومنـــــي ياعنــــاد حبــه ملكنــــــي


ماأقوى غيابـــه وان حصل صرت حيران



أطلـــــب مــــن الله يحرســـه مطمئنـــــي


ويكون قربــي دوم هانـــي وفرحـــــــان



يكفيـــه شر أللي على السو سايرنــــي


ويجعل فعايلهم علــى الدوم خســــــران



ياعنــاد لــو تعـــرف حبيبــــــي تعنــــــي


وتطلب منـــه يرحــــم محـــب وشفقــــان



وتقــــول لـــــــه قلبي أبـــد مايكنــــــي


خفـــاق ودموعـــــي مثل وبل الأمـــــزان



حبـــــــه لهيـــبٍ بالحشــــا شاقينــــــــــي


قلبـــي جعلتـــه له منــزل ومسكـــــان