السلام عليكم ورحمة الله وبركاته
أخيرا وصلت معاكم لآخر بارت وبعد القراءه المتصله وقفت إجباري
والله تمنيت الروايه مكتمله الله يعطينا الصبر
كرستووو أشكرك على الروايه قمه في الروووووووعه وكل بارت
يقول الزود عندي ويزيدنا حماس وتشويق للجاي
فهد & ليليان
فهد في البدايه حسيت إنه ضعيف شخصيه يمكن موت أخوه وصدمته في تغريد وطرده من ديرته صدمه وخلاه يستسلم لهم ولطرده وإتهام ليليان له بلا أي مقاومه لأنه عاف الحياه او عاف الحياه معهم اللي تذكره بآلامه لكن بعد رجعته تغيره شخصيته او بمعنى أصح ظهرت شخصيته الحقيقيه اللي أعجبتني والظاهر إنه حب ليليان خاصه بعد ماظهرت براءتها لكن محتاج وقت حتى يكتشف حبه لها أتوقع كردة فعل على تغريد راح يعلن زواجه من ليليان حتى يقهرها
ليليان رغم إن البعض واقف ضدها حبيتها وإتهامها لفهد أعذرها فيه
وحده في عمرها ذاقت الويل من أخوها وسامي وقاومت وحافظت على نفسها لكن حطمها برميها في البر لوحدها زين إنها مافقدت عقلها واللي قالته عن فهد من خوفها وجهلها ظنت إنها بتنقذ نفسها باللي قالته وما دريت إنها غرقت نفسها زياده واللي سوته مع فهد بعد مارجع من الغربه مالومها وهي متعقده من الرجال إذا كان أقرب الناس لها آذوها ومارحموها كيف الحال بالفرنسي الغريب اللي بيسكن معهم في البيت
هي ماتعرف إنه ولد خالها أعتقد إنها تملك من الذكاء الكثير اللي راح تبهر به فهد ويمكن تكمل دراستها وتتفوق وراح تحب فهد وتعرف كيف تكسبه
تغريد
ماحبيتها من البدايه مغروره وحقوده والظاهر اللي مزعل فهد منها شيء ثاني غير إنها تخلت عنه ولو كانت صادقه أعتقد أهلها معطينها حريه كان قدرة وصلت لفهد رأيها لا لا فيه سبب أقوى يمكن سامع رفضها له أو شايفها مع أحد أ و إكتشف خيانتها وبكلامها الأخير خسرت فهد للأبد
الجده
هذي داهيه وتخطط تخطيط على المدى البعيد هي عارفه إنه مستحيل فهد يتقبل ليليان بين يوم وليله لأن حب تغريد السابق وكره الحالي لها عاميه
ويحتاج لوقت حتى ينسى تغريد ويفكر في غيرها وهي جالسه تقرب بين فهد وليليان بالتدريج لين يتعودون على بعض ويحبون بعض
سامي
صايع وحاقد على فهد وأعتقد راح يستغل ضعف تغريد ويتقرب لها
حتى ينتقم من فهد بأنه أخذ اللي كان يحبها منه وهو مفكر إنه مازال يحبها وهي راح تميل له حتى تنتقم من فهد إنه فضل ليليان عليها
وخلهم كل واحد يطيح بكبد الثاني لايقين على بعض
على & والجوهره
على والله إنه رجال عقل وأخلاق وطيبه ما أدري وش اللي عاجبه في الجوهره
الجوهره إسم على غير مسمى فيه أم تتخلى عن أولادها طيب بالأول لوقلنا أبوهم أخذه غصب طيب بعد ماتوفى وخاصه بعد ماعاشو عند أمها وينها عنهم حتى بنتها أول موقف إحتاجتها فيه تخلت عنها وصدقت الشينه فيها وتخلت عنها
عبير
دلعها ماصخ أحس مالها شخصيه وماتوزن كلامها
سالم & وزوجته
لايقين لبعض الله يديم عليهم السعاده ويكفيهم شر الحسود تغريد
طلال &مريم
طلال مالومه لو كره مريم والا فيه وحده عاقله وتستحي تكلم رجال وتقوله أحبك
مريم تستاهل الغبيه تسمع كلام تغريد لو عندها عقل تغريد ماهدمت بيتها بنفسها إذا كان المتكلم مجنون المستمع عاقل
فلاح
ماعجبني وماحبيت تصرفاته أحس عياله وأمه أعقل منه مسوي فيها رجال على الفاضي مايقدر يأخذ موقف في الأمور اللي تحتاج يأخذ فيها موقف صح ويصر عليه
سيف & وعبد الرحمن
الله يستر ماني مرتاحه لتصرفاتهم وطلب سيف فلوس من كل واحد
وين يودي فلوسه
ساره & عمر
أظن إن عمر راح يتزوج ساره حتى ينقذها من أبوها واللي ناوي عليه يمكن ناوي يزوجها أبوها لواحد طمعان في فلوسه
كرستووو يعطيك العافيه منتظرينك يالغاليه بفارغ الصبر
15-07-12, 03:14 AM
جديد مواضيع قسم القصص المكتمله من وحي قلم الاعضاء
العرض العادي
