(رواية) أريد منك أكثر مما أريد - الصفحة 99 - القصص المكتمله من وحي قلم الاعضاء

31-10-12, 05:05 PM

المشاركة رقم: 491

المعلومات
الكاتب:	#الكريستال#
اللقب:	ناقد أدبي

البيانات
التسجيل:	Dec 2011
العضوية:	233277
المشاركات:	2,614
الجنس	أنثى
معدل التقييم:
نقاط التقييم:	7632

االدولة

مدونتي

الإتصالات
الحالة:
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء

رد: أريد منك أكثر مما أريد

مآشالله ..

ألله لايحرمني هالتواجد .. يآكبر سعادتي فيكم

الذين يشاهدون محتوى الموضوع الآن : 14 ( الأعضاء 5 والزوار 9)
‏#الكريستال#, ‏الوان العالم, ‏خجولة المبسم, ‏اردنية بعز بلادها, ‏احساس ورد

31-10-12, 05:32 PM

المشاركة رقم: 492

المعلومات
الكاتب:	#الكريستال#
اللقب:	ناقد أدبي

البيانات
التسجيل:	Dec 2011
العضوية:	233277
المشاركات:	2,614
الجنس	أنثى
معدل التقييم:
نقاط التقييم:	7632

االدولة

مدونتي

الإتصالات
الحالة:
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء

رد: أريد منك أكثر مما أريد

السلام عليكم ورحمة الله وبركآته ...

ألي يآبت التوقع صح في أخر اللحظآت ( سحر عيني ) ..

فاجئتني بصرآحة .. مآشالله عليهآ .. طبعآ أنتم مو مقصرين

بالتحليل والتوقعات والله .. بس كنت مهتمة أكثر لربط الدقيق

فالأحدآث وأذآ بينكشف الغموض ولا لأ ..

يلا قرآءة ممتعه أحبة الحلم ... لا أنسى

عن ألي طلبت أوضح أكثر عن ألي بيكون لهم دور قوي في حياة لافي

وليليآن وبتظل تحت رحمتهم وذكرت أنآ أنهم أربع شخصيآت .. والله أعرف نفسي لو قلت

شي زود رآح أجيب العيد ^ ^ .. مآفي مجال ..

الفصل الثلاثون ..

الخطوة الخامسة والعشرين .. خطوة البحث عن حلم أريد منك أكثر ممآ أريد ..

( لافي .. هل لك أن تطير في السمآء .. تنسآني وتهديني النسيآن ..!!!)

طالعت البآب حتى تشوف أختهآ وضحى تدخل وورآهآ خزنه

وبنت مآعرفت من هي ...!!

للحظآت حست أنهآ تحلم .. لزوم تحس بهالأحسآس وأختهآ من زمآن

مآلفت عليهآ .. من أيآم المرحوم أبوهآ .. أو يمكن أكثر ..

تعرف زين أن الزمن أبعدهم بعد هالمسآفآت بينهم ..

أن الدنيآ تركت في قلوبهم حكآيآ وحكآيآ توآرثوهآ وصآر

كلن يحكيهآ للي بعده .. لكن هي قررت تسكت .. وتترك هالحكآيآ

مدفونه ...

الجده حمده بصوت وضحت فيه فرحتهآ أكثر من دهشتهآ : يآحيالله أوخيتي ..

والله هذي الساعة المبآركة ..

وضحى تتقدم لهآ : ألله يحييتس ويبقيتس ... أخبآرتس يآحمده .. عسآتس

طوويبه ..

وقفت قبالهآ .. حتى تبوس رآس حمده أختهآ الكبيرة .. كآنت الملامح

قآسمه الأختين لأثنين .. وكأنهم توأم .. ضخآمة الجسم .. العيون بشكلهآ الدآئري

تقريبآ تلتف حولهآ التجآعيد .. والشي الوحيد ألي نآزع يحسم هالأختلاف

هو الطول .. وضحى أصغر من حمده بكثير ..

أبعدت حمده حتى تقرب خزنه بنحآفة جسمهآ وقوآمه الطويل تقريبآ

حتى تسلم على حمده وبصوت غليض ..

خزنه : أخبآرتس يآم فلاح .. علومتس ..

حمده بصوت هآدي أخفت فيه أشيآء كثيرة : الحمدالله .. مآننشد ألا عنكم ..!!!

تقصد أن هالزيآرة أكبر من كونهآ هديه صدف حلوة ... ألي سوته

أختهآ مع زوجة رآشد ألله يرحمه بآقي في قلبهآ ..

يحرقهآ تأنيب ضمير وندم .. قدرت وضحى تستميل أختهآ وتشوه صورة

بنت بنتهآ .. وهي عآرفه زين أن حمده شآآيله على رآآشد ولدهآ

كثير بسبب قسآوته مع الجوهرة .. تحركت وضحى حتى

تلمح ليليآن متمدده بجنب الجدآر وبآين أنهآ بردآآنه حيل وهي تشد

اللحآف على جسمهآآ ..مع صوت أنفآسهآ المنتظم ..

وضحى ببرود تطالع ليليآن : هي وش فيهآ ..؟

حركت خزنه بدون نفس عيونهآ لهآ .. وأبتسآمة طنآزة أرتسمت على

ملامحهآ من ورآ نقآبهآ .. تأملت شعرهآ .. ملامح وجهآ الي أختلفت

كثير عن أيآم يوم كآنت معهآ فالبيت .. هالحين طالعه لهآ خدود

والعآفيه تحس أنهآ بتطلع من عيونهآ .. أعتقدت هالأعتقآآد

وهي تقول بنفسهآ ليش مآتكون بصحة وعافيه دآم أنهآ في بيت

بنت الشيخ لافي .. أي حظ صآدفهآ .. من يصدق أنهآ بتعيش

في بيت يعزهآ ويكرمهآ من بعد أبوهآ ..!!!

الجده حمده : تعبت من هالبرد ألي لفى علينآ والله ..

وضحى تتحرك متقصده تجلس جنب رآسهآ : ليش مآجودت نفسهآ من البرد زين .. والله أنكم مير أشوآ مننآ .. بردنآ في العظآم يآحمده ..

حمده تأشر لهم تبيهم يدخلون غرفة التلفزيون : حياكن دآخل عن هالبرد ..

وضحى تأشر بيدهآ : لالالا .. خلينآ هنيآ .. دآم أن هالقهوة قبالنآ ..

خزنة تأشر صوب البنت : هذي يآخالة بنت صنيتآن .. البندري ...

الجده حمده : مآشالله ..

البندري تتقدم للجده : أخبآرتس خاله ...؟

الجده حمده : الحمدالله .. ( سكتت وهي مآتدري كيف بتخليهن يدخلن الغرفه

عشآن هالي متخبي دآخل الغرفه يطلع لا تصير مصيبه ) حيآآكن .. تفضلن ..

هالقهوة توهآ مصلحة ..

تحركت خزنة وجلست قبال وضحى وليليآن .. والبندري جلست وعيونهآ

تطالع ليليآن .. ألي رغم أنهآ حآآسة بالكل .. مصدووومة بنبرآت

هالصوت .. بالجيه .. بس مالهآ حيل أبد تتحرك أو حتى تفتح عيونهآ ..

وهو وآقف ورآ البآب لاصق فيه يستمع لهن بصمت ...

وش جآآبهن من السعوديه لحد الكويت .. ومن ألي جآبهن .. لايكون

سآآمي ألي دآخل الديوآنيه مرتز فيهآ ... حس بالقهر يفور

في عروقه .. يبي يطلع ولايدري كيف ..؟

تحرك بخطوآته الوآسعه صوب الشبآك .. فتحه ببطء والحديد المتمآيل

ورآ الشبآك مانعه لاينط .. ماله أي فرصه لطلعه برآ .. مديده حتى يمسك الحديد

وهو يحآول يدفه ويبعده عن هالشبآك .. وبمحآولات حذره

حآول بس مآقدر ..

علي : هلافيك يآبومسآعد ..

ضم شفآته ولحظآت طلع علي بس وقف أول مآشآف فهد

من ورآ الشبآك وآقف .. وعلى طوول تحرك وعيونه تروح

لبآب المدخل ..

علي بقهر يوقف قبال لافي : مهبول أنت ورآ مآطلعت

لافي متورط وبصوت وآطي حيل : شسوووي أنآ ... يوم نويت أطلع

ألا الحريم قدآمي ..ألا من ألي دآخل ..؟

علي صد بعيونه ورجع يطالع لافي : أحسن لك مآتعرف

لافي على طول تكلم : سآآمي ... صح ..

علي هز رآسه : لأ .. أخوهآ صالح مع عمه بو مسآعد .. مآعطيت صالح

ويه أبد .. بس سويت الوآجب علي .. وهو قآعد يتبوووسم ..

لافي بغيض : شنوووو ..

علي : ألله العالم هالزيآرة ورآهآ بلاااا ..ألله يستر ..

لافي يطالع خاله : ................

علي : ألا هالحين من بقوله يصلح قهوة وشآي ..؟

لافي بدون مقدمآت : دق على عمتي ... أمي لا تتوهق مع هالحريم ..

هبت هوآء بآآردة تحركت لهآ أطرآف غترة علي وهو رآميهم لورآ

كتفه حتى يرتفع طرف منهآ ويطيح على صدره .. الشمس غآيبه

من ورآ الغيوم ونورهآ الخفيف يغطي الكون بروعة هالأجوآآء ..

سحب جوآله ومآحسوآ ألا بخطوآت تطلع من الديوآنيه ..

رفع عيونه لافي بصمت وقهر حتى يشوف صالح وآقف

فآتح الخشه يطالعهم ... وجهه الميت ببشره تميل لسوآد

تبعث فالنفس النفور .. وعلي على طول حرك رآآسه

صوبه حتى يحرك يده وهو يحس أن هالأدمي وآقف في بلعوومه ...

علي : خير أن شالله ... شكلك مضيع ..

صالح بخطوآت متوآزنه يقرب منهم : لا وشو مضيع .. ( طالع لافي

وهو مبتسم ) شكلك مزنوووق بهالغرفه .. هههههههه

لافي بنظرة صآآمته : ..........................

صالح رفع يده وصآر يحرك عقاله ويضبط شمآغه ألي

الهوآ تلعب فيه : ألا أقوولكم يالربع أختي وين هي ...؟

مد لافي يده نآوي عليه بس مآرده غير الحديد وصالح

بخرعه رجع كم خطوة ..

لافي بصوت وآطي : قلهآ مرة ثآآنيه والله لا أدفنك في مكآنك وأنت حي ...

صالح مسك رقبته وقآم يفركهآ : ترآ الربع حآضرين وفي نيتهم يخطبون

أختي لسآمي ألي غآثهم فيهآ ..

علي أنعقدت حوآجبه : شنوو

سكتوآ .. وعمرهم مآرآح يشوفون وقآحة نفس وقآحة هالبشريه ..

يتهمونهآ بشي مآهو فيهآ ثم بكل بسآطة

هذا واحد منهم واقف ولا كأن في شي صار ..!!!

صالح بصوت وآطي : أنآ جيت أقولكم وأنتم دبروآ أعمآركم .. دآم

( أشر صوب لافي ) هذآ زوجهآ

علي بقهر : قصصر حسك جعله للقص .. أستغفر الله العظيم ..

صالح أبتسم : تبوني أحلكم هالموضوع ( رفع يده وصآر يحرك أصآبعه وهو يطالع لافي) أبي قروووش .. تخبر وأنآ أخوك الحيآة صعبة واللقمة مآتجي بالساهل ..

علي بنبرة كره : أنت مآتخآف الله فيهآ .. على كل شي نويته فيهآ وكل شي أتهمت فيه أختك يالخسيس

ويآي بقوآة عين تبي قروش ..!!

صالح رفع حوآجبه: وشووو .. وش سويت أنآ لهآ ...

...رفع لافي حآجبه بأستغرآب

من هالخبث وكأن ألي سوآه مآفآد أبد ..وعلي مآقدر يتحمل .. شحنة غضب

خلت أعصآآبه تنفلت وبدون مقدمآت جره بقوة

بعيد عن الديوآنيه وبآب المدخل

للسيب ألي كآن قريب لهم .. دفه على الجدآر ورفع أصبعه

بنبره حآآدة ..

علي : أسمعني زين .. أنت شكلك مآتعرف أنت قآعد مع مين ولا بأي

عرب رآفعن خشمك وأنت أنجس منك مآفيه ... شووف يالوسخ أختك من ورآهآ

أخذت فلوس مآتحلم تشوفهآ حتى في منآمك ...

صالح رفع صدره وهو يقرب من علي يقال ثآير : أنت وش بلاك علي ..مآخذن

من حلالك شي أنت ووجهك ..

حرك يده علي وبأقوى مآعنده ضرب صدره وعلى طول رجع

صالح بخطوآته على الجدآر وفجأة قآم يكح ..

علي : لا ماشالله .. أشوفك حمقآن وعينك صآيرتن قويه بس والله

لا أبطهآ لك وأخليك تعرف أن الله حق ..

صالح : ..................

علي جره مع كتفه : أنت تحسبنآ مآ نعرف أنك كنت بسكرك ووسآختك حآولت

تقرب من أختك .. وأن أبووك مآت من عرف هالسالفه ...

صالح طآرت عيونه : ...................

علي بقرف دفه : والله العظيم مآتشوف فلس وآحد وأن تحجيت بس وقلت أن

أختك متزوجه والله لا أخلي الشرطة تسحبك نفس مآسحبت سآآمي ..

تعفن فالسجن وألي نفسك مجرد تحليل بس ويعرفون هالسم ألي أنت قآعد تشربه .... أن كنت مآتعرف أن أختك هالحين ورآهآ رجال مآيرضون

عليهآ شي فأنآ بخليك تشوف هالشي بعينك يالخسيس ..

ظل مآسك صدره ونبرة علي ونظرآته الحآقده عليه

خلته يسكت .. مآتآب من الطلقه ألي صآآبت سآآمي

وخلته يتنآفض قباله في الصحرآ من لافي ,,,,

بس الشيطآن لعب في عقله وشآف أنه قآدر يكسب من أخته

فلوس دآم أن سر هالزوآج كرت رآآآآبح في يده ...

علي : فلوس وقلت لك مآنتب مآآسك قرش وآحد وقدآآمي يلا أشووف

سوآ ألي تبي تسويه .. والله لاتفتح لنفسك نآرجهنم وأنآ حذرتك ..

قال هالكلمتين حتى يسحبه ويدفه بقرف بعيد عنه ... طآرت عيون

لافي من شآآف صالح يطلع قباله وهو يحآول يتوآزن من دفة علي

.. طآح على وجهه ومسرع مآقآم وآقف وشمآغه أعتفس فوق تحت ...

أبتسم غصب على شكله وهو رآآح لديوآنيه حتى مآفكر يلتفت للافي ..

علي يمشي وهو يفرك أيديه حتى يوقف قبال الشبآك : أنت شآيف كيف

السم ذآآبحه .. حتى الدف مآهو قآدر يمسك نفسه عنده ... مآقول ألا

يآآآلله حسن الخاتمة بس .. الوآحد المفروض يقول الحمدالله على الحال ألي

هو فيه لاشاف حالته ..

لافي : شنو قلت له .. الرجآل رآح مآيشوف الدرب

علي بضيق : خله يولي بسسس ..

لافي بوهقه : خالي .. دبرني .. أبي أطلع طيب

علي بقلة حيله : وأنآخالك مالك ألا الدعآآ .. بس أكيد الدبره عند حمده لا تخآف ..

أبتعد عن الشبآك ورآح يمشي بخطوآت بطيئه وهو يطالع شاشة

جواله ومسرع مآحطة عند أذنه ..ظل الخط يدق ويدق حتى

رد صوت خلاه يبتسم

عبدالله بصوت هآدي : هلا ..

علي : يآحيالله هالصوت .. هآآ أشوف صوتك متغير

عبدالله ضآيق من رفض علي لروحته لبيت جدته : .............

علي : هههههههه .. أنت رآد علي عشآن تسكت ولا يعنني أسمع صوتي

وأعرف أني زعلان هآآ

عبدالله بعد صمت : أيه ..

علي مآقدر يمسك نفسه : هههههههههههههههه ... يآبوك قلت لك أنآ مآنيب

رآيح على طول لعند أختك ..

عبدالله بقهر : أييه .. خليتني أروح أخذ من ملابسهآ عشآن تعرف مقاسهآ

ورحت لسوق من ورآي وشريت لهآ أنآآ عآآرفن زين أنت وش تفكر فيه ..

علي وهو مبتسم : مو أنآ رحت لشغلي ثم لسوق وهذآني عندهم ..

عبدالله : حتى أنآ بشري لأختي شي ..

علي : بسس .. هذآ ألي تبيه .. والله يآعببود ومالك ألا طيبة الخآطر ..

بس نخلص من الرجال ألي عند أمك العودة ثم تروح تشري لهآ ألي تبي ..

عبدالله : أنت أصلن مدري وش بلاك علي .. حتى يوم قلت لك بروح أنآ

وأختي نتمشى .. سحبت علي ورحت معهآ لحالكم ..مع أن هذي فكرتي

علي : هههههههه .. والله شكلك شآآيلن علي .. أقول أنآ جآآيكم أصلن

وبآخذكم لعند بيت أمك العودة بس عطني أمك وين هي ..

عبدالله : أممم .. دقآيق يبه ..

31-10-12, 05:34 PM

المشاركة رقم: 493

المعلومات
الكاتب:	#الكريستال#
اللقب:	ناقد أدبي

البيانات
التسجيل:	Dec 2011
العضوية:	233277
المشاركات:	2,614
الجنس	أنثى
معدل التقييم:
نقاط التقييم:	7632

االدولة

مدونتي

الإتصالات
الحالة:
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء

رد: أريد منك أكثر مما أريد

فز وآقف من على الكنبه وشآشه البلازمآ فالغرفه شغاله

على أفلام كرتون ... بجنبه الابتوب ألي كآن يتعلم عليه ودفآتر

قباله على طآولة صغيره مفتوحة ... تحرك بخطوآته الوآسعه ووقف عند بآب الغرفه ..

عبدالله بصوت عالي : يممآآآآآآه .. يمآآآه .. أبوي علي يبيتس بالجوآل ..

الجوهرة بالمطبخ : زيين يممه .. يآيه لك أنآ ..

طلعت من المطبخ بسرعه حتى تلمح ولدهآ وآقف ينطرهآ

عند البآب وأول مآوصلت له مد هو الجوآل لهآ

الجوهرة تآخذه وتحطه عند أذنهآ : هلا علي ..

علي : أقول جهزي حالج أنتي وعبود والبنآت .. اليوم فيه ذبيحه

عند بيت خالتي حمده

الجوهرة أنعقدت حوآجبهآ : ذبيحه .. ليه من عندهآ ..؟

علي : أهل السعوديه ..

الجوهرة بأستغرآب : من ألي من أهل السعوديه بيزور أمي ...!

علي : يآآكثر أسئلتج .. يلا أنآ مسآفة الطريق ووآصل للبيت ..

أبعدت الجوآل عن أذنهآ ودخلت بسرعه دآخل الغرفه.. عيونهآ

على ولدهآ ألي رد مكآنه .

الجوهرة : يمه .. أبوك مآقال لك شي ..

عبدالله رفع عيونه : مثل ..؟

الجوهرة : يقول أن فيه ذبيحة عند بيت أمي وأهل السعوديه عندهآ ... ألله يستر

قوم يمه ألبس وتجهز بيوصل هو هالحين ..

عبدالله يطالع الابتوب : بس أطفيه وبقوم ...

ظلت وآقفه تفكر من ألي من أهل السعوديه ممكن يزور أمهآ ..

بس مسرع مآطرى عليهآ تدق على أخوهآ وتعلمه ... ضغطت

على رقمه وعلى طول أستقر الجوآل عند أذنهآ ويدهآ الثآنيه

على خصرهآ .. بس عطآهآ مشغول .. لوت فمهآ وأبعدته

حتى تتحرك طآلعه من الغرفه وتروح بخطوآت وآسعه

لغرفة المجلس .. ومن \دخلت

الجوهرة : بنآت قوموآ تجهزوآ في عشآ عند أمي يلا ..

عبير وهي وآقفه بملل : عشآ...!!!

الجوهرة هزت رآسهآ بالرضآ : أيه عشآ يقول علي أن فيه أحد من أهل

السعوديه زآير امي ..

مرآيم رفعت حوآجبهآ : أنآ طيب مآعندي لبس ..

الجوهرة : دقي على أمج خليهآ توصل مع رحيم ملابس لج ..

سكتت وصدت بعيونهآ بعيد .. من أمس جوالهآ يدق ولاردت على أحد ...

تعرف وش رآح تلقى لاردت ..

حتى منآير فوق العشر مكآلمآت وأخر شي قفلت هي جوالهآ ...!!!

طالعتهآ عبير بقهر ومسرع مآطالعت عمتهآ

عبير : مآعليك عمه أنآ عندي ملابس هنيه تقدر تلبسهآ ..

الجوهرة : زين أيل .. لا تتأخرون ترآ خالج قالي أنه بيي يآخذنآ ..

أول مآطلعت .. لفت عبير لمريم وبطفش

عبير : خليج جذي .. عبالج سالم بيظل سآآكت ..

مرآيم : ................

عبير ترفع أيديهآ : والله العظيم للحين مو مصدقه أنج تجرأتي وقلتي

هالشروط في المجلس ... مو مرآيم ألي أعرفهآ

مرآيم تهز كتوفهآ حتى تطالع عبير : وصدقيني ولا أنآ .. مدري شلون قلتهآ ..

كيف طلعت ببالي .. حسيت بحزتهآ أني مو مرآيم .. لا مو أنآ

عبير رفعت حوآجبهآ : بالله ..!! أنتي أظن أخذتي من تغريد جرأة تعرفين

زين صغرت بعيون الكل بسببهآ ..

مريم رفعت أيدهآ : لا يآحبيبتي بسم الله علي أكون نفس تغريد .. وبعدين شنو فيهآ

شروطي .. أنآ مآ طلعت لعمي مفسخه ولا قلت شي غلط ..

أنآ مو وآثقه في أخوووج .. تسمعين .. مو وآثقه فيه ولا أدري هو شنو يبي

فيني ..

عبير بأستسلام : مقتنعه بالي سويتيه يعني.. أولهآ رآيحه له تقولين

أحبك حبج برص ثم تقعدين تتشرطين عليه ولا من زين الشروط .. ترآ

لمعلوميتج مآحد رآضي فيهآ ..

سكتت وبدآخلهآ عوآصف من الخوف تعبث فيهآ ...

في عالم ذآتهآ المنهآر تطل من شبآك الأحلام تحآول تتنفس

الثقه في هالتصرفآت ..

تبي تقنع نفسهآ أنهآ على حق ...

تقول أن الخوف بدآخلهآ هو رآدع له في هالشروط ..

أصلن مآتدري من ألي تكلم حزتهآ .. هي .. ولا ضعفهآ ..

ولا ثقه ضيعتهآ ويآمآ حآولت تبنيهآ وهذي بدآيتهآ ..

في الوقت الغلط ظهرت مآبين ضلوعهآ ...

هزت رآسهآ بالرفض مع في دآخلها صرخة تجلجل تقول

أيه وآثقه .. رفعت عيونهآ لعبير وبسرعه نزلت دموعهآ ,,,

مريم : مو عآرفه أنآ شسويت في حالي عبير .. مو عآرفه ..

عبير جلست جنبهآ : أستغفر الله .. أنتي أظن بتهبلين فيني ... بس

لازم تشوفين حل لأخوج .. ترآ والله لايرجع وييرج مع شعرج

مريم وهي تبكي : والله لايكسر عظآمي أعرفه أخوي زين دمه حآمي ..

أنتي لو شآيفته بالمجلس كيف طالعني ..!!!

عبير سحبت جوالهآ وعلى طول حطته بين أيدين مريم : مآلج ألا أمج بس ..

خليهآ هي ألي تتصرف

مريم تمسك الجوآل وبتردد : أمي تلقينهآ مشعلله هالحين ..

عبير بحزم : نآر أمج ولا نآر سالم ...!

أخذت نفس بقوة ورغم أنه مآعندهآ شجآعه تدق بس لقت نفسهآ

تضغط رقم أمهآ وآحد وآحد لين مآضغطت أتصال ...

وعلى طول عبير قآمت

عبير : بروح أشوف لنآ لبس .. وأنتي لاخلصتي ألحقيني

تحركت بخطوآتهآ الوآسعه وهي بخوف حطت الجوآل عند أذنهآ ..

ضمت شفآتهآ بقوة ومن سمعت .. ( ألووو ) أنهآرت تبكي ..

أم سالم بخرعه : يمه مريم ..

مريم : ..

أم سالم بصوت دآفي : زين يمه أنج دقيتي علي .. حرآم عليج من أمس

مآرديتي علي ولا على منآير .. أزعجت الجوهرة كل شوي أتحجى ويآهآ

مريم تحآول تتكلم : يي ..مم

أم سالم تبي تهدي خوفهآ وهي عآرفه ومتأكدة أنهآ خآيفه : يمه مآعليج الأمور بخير .. وأنتبهي تردين مع سالم .. هالولد رآكبه الشيطآن مآعرفنآ له ...

عصب يوم رفضتي ويوم وآفقتي عصب

مريم بلعت ريقهآ وتكلمت بصعوبه : بس .. بس يمممه هو .. هو عصب

على شروووطي ..

أم سالم بأبتسآمة : هو أنتي بعرف شنو طلبتي .. تبين تقعدين في بيت عمج

والمفروض أنج تكبرين في عين طلال مو العكس هالحين البنآت مشآكل

بسبة هالقعدة في بيت حموآتهن ..طلبتي مآيتم الزوآج ألا بعد التخرج و أنآ

ولا أنتي نعرف رب العالمين شنو كآتب لنآ بآجر ..

مريم حآولت تمسك دموعهآ وكلام أمهآ مثل المطر غسل كل

شي تحس فيه وتآعبهآ من أمس : ..........................

أم سالم ضحكت : وهالزوآج .. هو أصلن في أحد من عايلتنآ قدر يآخذ

الثآنيه .. يآحظي الأقسآط والقروض مآتركت لعيالنآ مجال .. أيل

كيف بطلال ألي رزقه على هالرسم واللوحآت ...!!!

مريم بكت : أبييييج يمه ..

أم سالم : والله هالولد حالفن مآروح لج ولا جآن من زمآن عندج ...بس

مآعلي منه .. مآحد على كيفه يسيرني

مرآيم بخوف : حآآقد علي يمممه .. عشآني بس قلت شروطي

عند لافي وعمي

أم سالم : ترآج رآكبج الغلط عآد بهالشي .. أنتي خليج عند عمتج

لين أقولج شنو تسوين

مريم بصوت مخنوق : يمه عند أمي العودة عشآ ..

أم سالم : غريبه مآحد قالي ..

مريم : أكيد بيدقون عليج ويعزمونج ... أقدر أروح يمه ..؟

أم سالم : أييه روحي وونسي عمرج يمه ... الجوهرة متى بتمشي لأمهآ ..؟

مريم تطالع بآب المجلس : تقريبآ الحين ..

أم سالم : طيب .. لا تقطعين يمه فيني كل شوي دقي علي وجوالج

أفتحيه ترآ منآير بالحيل تحآتيج

مرآيم هزت رآسهآ وهي تآخذ نفس : أن شالله ..

مهمآ كآنت الظروف قآآسيه ..

مهمآ تعثرت خطوآت أمآنينآ

وجرفتهآ لأبعد حلم نقاسي ويآه السرآب ..

بيظل لنآ فسحة نتنفس فيهآ الأمآن ..

فسحة ينبض فيهآ قلب الأم حب وقصآيد مآتنتهي ..

نزلت أم سالم الجوآل وهي شآآيله هم هالبنت ألي بدآية

هالزوآج هالشكل ...!!

قآمت من على الكنبه وتحركت بخطوآتهآ طالعه من الغرفه حتى

تتعلق عيونهآ على بآب الصالة مفتوح على الأخر ... أبتسمت وصوت

ورد بنتهآ وهي تضحك مع بكآ فهد الصغير تحمله نسمة الهوآ معهآ ...

خطوة ورآ الثآنيه حتى توقف عند بآب المدخل وقبالهآ الحوش الوآسع..

زآدت أبتسآمتهآ من شآفت ورد قآعدة فالترآب وهي تلعب فالحصآ

وفهد الصغير يحبي يبي يآخذ وحدة من الحصآ وهي ألا تعآنده ...

لحظآت حتى سمعت صوت خطوآت تبعتهآ صعدآت لدرج الصغير

منآير وهي لابسه درآعه تملاهآ التطريزآت : وين رحتي خالتي ..

من أولى أنطرج ع الشآي والقهوة

أم سالم لفت لجهة اليسآر : مرآيم دقت علي ..

منآير بسعآدة : ألله يطمن قلبج عليهآ .. أخبآرهآ

أم سالم بعد صمت : هالسالم وينه .. البنت نفسيتهآ تعبانه من ورآ رآسه

منآير بصوت متردد : لا تتحجين معآه والله سوآتهآ مشعلله

النآر في قلبه .. مآشفتيه بليل قآم يصارخ علي عشآني بس

يبت طآريهآ

أم سالم تتحرك نآزله من الدرج : لاحول ولا قوة ألا بالله ..

رآحن يمشن صوب طآولة فالحوش عليهآ صينيه القهوة

والشآي .. لعل وعسى تنحل الأمور ومآتزيد تعقيد ..

×××××××××××××

دخل بخطوآت وآآسعه صوب أبوه وأخوانه ألي مجتمعين

فالديوآنيه وبين أيديه أورآق وصور ..

منهم من كآن بسفر ورجع ومنهم من تآخذه دنيآه

لأبعد نسيآن أقرب دوآ ...!!

الأبتسآآمة الوآسعه

على شفآته مآتفآرقه وهو يكون أوسط أخوآنه ..

والشمس خآرج نطآق أنفآسهم تميل للغروب ...

جلس قبال أبوه وبسرعه تكلم ..

فوآز : لو أقوولك يبه شي مآرآح تصدقني

بو فوآز ينزل الفنجآن على الطآولة الصغيرة قبآله : هآت ألي عندك ..

نمر : هذآ من حضر معرض ولد فلاح وهو مختفي مدري

شسالفته ..؟

فوآز بأنتصآر يعطي أبوه الأورآق : هآآك يبه .. معصبن علي ليش أني حضرت

معرض ولد الشآيب ... هههههه .. يبت لك ألي يبرد قلبك يابوفوآز

بو فوآز طالع الأورآق ومسرع مآطالع فوآز : تحجى يآولد والله أني

مو فآآهمن شي من ألي تقوله ...

بينهم .. شخص يختلف في الزمان والمكآن ..

كآن ينتمي لهم وهالحين يحس أنه بلا أنتمآء

شخص تبدلت نفوس الكل ألا هو ..!!

تحركت عيونه بنظرتهآ الحآدة صوب أخوه .. ووحدة من رجوله مآيثنيهآ ..

أعآقه كآنت تحتوي هالسآق تنتفض من بين شكلهآ أورآق

مآضي حولتهآ النيرآن لرمآد تلاشى وسط الأمكنه ...!!

وبيده متسآند فيهآ على عصآ ومتمسك فيهآ بقوته وعيونه بدت تنتقل

مآبين فوآز وأبوه ... عمره مآيتجآوز الثلاثين سنه ..

بس الصمت والمآضي والذكريآت المترآكمة تشآطره حتى جسمه ..!!

تحركت شفآته الصغيره وسط عوآرض يملاهآ السوآد ..

ضاري : شنوو السالفه ..؟

طالع فوآز أخوه ضاري ومسرع ماطالع نمر بنظرة سريعه

حتى تثبت عيونه على أبوه ..

فوآز : اليوم طبعآ المعرض مآشالله الكل حضره ..

بو فوآز بحقد : وهذآ شين يبرد قلبي ..!!!

فوآز كمل : وألتقيت في الشيخ لافي ( قالهآ بطنآزة ) ويوم لمحت عنده وعند

أخوه أني أبكتب عن المعرض قالي أنه بيكتب عني وعنك يبه وعن مآضينآ

بو فوآز أنتفض : شنو .. شلون سمحت له يقول هالكلام لك

نمر بدون نفس : الحمدالله أني هالفترة مسآفرمع زوجتي وعيالي ولا ألتقيت فيه

ولاجآن ثورت فيه من زمآن .. شآيفن نفسه فوق مدري على شنو ..

بو فوآز أبتسم : ذآبحتهم الشيخه ألي رجعت لأهلهآ .. ع بالك سهلتن

عليهم ..!!!

ضاري بصمت يطالعهم : ....................

فوآز أخذ نفس : تخيل يبه لقيته وآقفن مع وآحد أجنبي .. وعآد ولدك

لقآهآ فرصه .. حسيت أن هالريآل لاشكله ولا حتى حضوره للمعرض من الله ..

( طالع أبوه ) تخيل من طلع يبه ..

بو فوآز : مين ...؟

فوآز بأحتقآر : ألي لافي من ورآه أخذ الجنسيه ... أسمه ميشيل والريال

شخصيه وآصله لسمآ في فرنسآ ..

بو فوآز طآرت عيونه : ...................

نمر طالع فوآز : من صج تتحجى أنت

فوآز : وقسم بالله ...

ضاري عيونه بصمت تتحرك مآبين فوآز وأبوه : ...................

نمر : ألا يالخسيس .. متفآخر بالي سوآه رآيحن عآزمه للمعرض

حرك بو فوآز عيونه للأورآق وبأهتمآم تعدل بجلسته ...

قعد يقرى التقرير ألي مطلعه فوآز عن ميشيل .. أبعد الورقه

حتى تظهر من ورآهآ صور للافي ببدلة أرمآني تحمل من الرسميه

الكثير .. على يسآره

عمر وبالجهة الثآنيه ميشيل .. متمآيل لافي بهيبه ويده فضلت

تتستر بقمآش الجيب بعيد عن فضول المصورين ..

بو فوآز بفخر : والله أنك ذيب .. خله هالحين تنفعه هالصحبة الطيبه

فوآز : بجهز لهم يبه في الجريدة مقال بيشرح صدورهم لاقرووه .. والله

لا أفضحهم فضيحه تهز عآيلتهم بكبرهآ ...

ضاري فز وآقف : أنآ بعرف شي وآحد بس .. أنتم هالحين شنو تبون

بالريال .. مو كآفي ألي يآآه

بو فوآز بدون نفس : أنت خلك بعيد ولا لك شغل في أمور القبيله

.. لأننآ بنحآفظ على سمعة هالقبيله قمت تنآطحنآ

ضأري : بتحآفظ عليهآ ولا يبه حآرقه قلبك أمور فآتت

فوآز فز وآقف : أطلع منهآ ضاري أحسن لك ...

نمر أشر بيده صوب أخوه : يآخي خلك نفسي ... أسمع أمورهم من برآ

لبرآ وبعدين توك رآآد من قطر ...لاتدخل نفسك بشي مآيعنيك ..

تحركت عيونه لهم وآحد وآحد ... هو الأكبر من بينهم ..

ومع هالشي تتنآزل المقامات عند نوآيآ أخوآنه ...

ضاري بعصبيه : لا مو سآكت وبدخل نفسي بالي أبيه ..

فوآز بقهر : أنت أكثر وآحد رموك ولا سألوآ فيك .. شلون تعيبت رجلك .. هآآ

ضاري رفع حآجبه الكثيف لفوق بحده : قضآء رب العالمين

بو فوآز : هآآآ ... أسمع أسمع ..

نمر بهدوء : شنو هالبرود ألي عندك يآخي من طيآر له رتبه وحيآة

لعآجز بسبب سعود وأخوه هالي ذبحه !! مو أنت كنت مع سعود بالسيآرة ..

هآآ .. مو أنت ألي خلوك بالمستشفى ولا أحد سأل عنك ..

مو أنت ألي يوم تعيبت رجلك مآحدن منهم يآ وتحمد لك بالسلامة ..

خلنآ من ذآ كله .. روح لهم يلا أطلب يد بنتهم لزوآج والله لايمسكونك

البآب ...

بو فوآز بحقد : أنآ يآمآ قلت لك هالبشريه مستحيل بيزوجونك .. مخبين

لنآ الكره والحقد ورآيحن ورآ سعود ألي وعدك من تدخل أخته الثآنويه

فهي لك .. وهالبنت هالحين لهآ جم ..؟!! وين سعود ألله يرحمنآ برحمته

فوآز يطالع أخوه بدون نفس : بلاه غبي ..

تسآند بيده على العصآ وتمآيل بجسمه حتى يقوم وبسرعه

صآر يعرج حتى يسحب فوآز بقوة مع صدره

ضاري : شنو قلت ...؟

فوآز صد بعيونه بخوف : ...............

ضاري هزه : لاتحسبني مو فآهم ليه تبي تحط رآسك برآس لافي ..

تبي تطعنه مثل مآطعنك وأخذ منك تغريد بنت خالته .. هآآ ..

مقهور ليش أنهآ فضلت الشيخ عليك .. مع أني قلت لك تبعد عن البنيه ..!!

من يوم وهي صغيره وهم لبعض

نمر قآم وقرب يبي يبعد فوآز عنه : صلوآ على النبي ..

ضاري شدد من قبضه يده : أسمعني أنت .. الرجولة والشيخه مقآبل وجه

لوجه ومآهيب لعب من تحت لتحت ..

فوآز مد أصبعه وصآر يضرب صدره : كلام سعود وألي علمه لك من صحبته

الفاشله وفره لنفسك أحسن لك ... والتفلسف منك بالذآت مآعآد يلزمني ..

مآشوفهآ فآدتك ألا أنهآ خلتك أنسآن معيوب .. تسمعني ...

رفع يده بسرعه يبي يكفخه بس نمر مسك يده

بو فوآز وقف : أشفيكم أنتم تبون تآكلون بعضكم قدآمي ..!!

فوآز رفع صوته : ذبحنآ بالقرقرة .. أنآ شيخ ولد شيخ وألي مو عآجبه

يطق رآسه بالجدآر ..

بو فوآز بثقه : وانت رجال ونص .. خلك منه ذآ من طقهآ ذيج الأيآم صحبه

مع سعود وسفرآت وأنآ غآسلن يدي منه ..

زفر هوآ بقهر .. وعلى طول تحرك وهو يتمآيل كل مآتسآند

بالعصآ ,,

نمر : وين ضآري ..!!

ضآري بصوت عالي : لستين دآهيه مالك شغل ..

صآر يسحب خطوآته صوب مخرج يتنفس منه الخلاص ..

شعره فوضوي بشكل منسق .. يمتلك وسآمة مبدأهآ أبتسآمته

ألي عمرهآ مآفآرقت شفآته ..

بس غآبت شمس سعود وأذآ فالكل يدفع ثمن هالغيآب .. وكآن هو

من بينهم ..

مآزآل هو الشخص الي خآرج حساباتهم .. الشخص الأكثر وجع

ورآ النور .. طلع من الديوآنيه حتى تعانق خطواته باب الشارع ..

والهوآ المندفعه تحرك ثوبه يمين ويسآر .. صآر يمشي ومآيدري هو

وين رآيح ... ولا مين بيقعد معه .. أخذ نفس بقوة والقعدة

في بيت أبوه تذبحه ... وعلى طول لفت سيآرة سودآ من أول الشآرع وهي

تمشي بهدوء .. حتى تمر من عنده وعيونه فالأرض بس بسرعه

وقفت السيآرة ونزل صآحبهآ مو مصدق أنه يشوف

ضآري .. أيه هذآ ضآآري

........ : ضآآري ..

وقف وبهدوء رفع رآسه ولفه لورآ ألا هذآ علي جآي له يمشي

وهو مو مصدق أنه يشوفه .. قرب منه وصآر يسلم عليه بحرارة ..

علي : والله مو مصدق أني شفتك .. لي شهرين عنك .. أخبآرك

ضآري وهو يصآفح علي : كنت مسآفر لقطر والله .. تعرف رجلي ومتآبعتهآ

هنآك مآبين قطر وكندآ ... أسآفر لكندآ عشآن العلاج والراحة في قطر

علي بضيق : أنت شنو حادك على هالبهذله .. يآأخي خلك في كندآ ولا خلصت

تعال الديرة

ضآري صغر عيونه بحدة نظرتهآ حتى يبعدهآ عن علي : مآعآدت الأمور تونس

فالديرة يآخوك ...!!

31-10-12, 05:36 PM

المشاركة رقم: 494

المعلومات
الكاتب:	#الكريستال#
اللقب:	ناقد أدبي

البيانات
التسجيل:	Dec 2011
العضوية:	233277
المشاركات:	2,614
الجنس	أنثى
معدل التقييم:
نقاط التقييم:	7632

االدولة

مدونتي

الإتصالات
الحالة:
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء

رد: أريد منك أكثر مما أريد

علي : وكل أمورك لرب العالمين ... أحمد ألله أنك طلعت من بعد الحآدث

تمشي مآنت بحآجة أحد .. غيرك ( قالهآ بصوت وآطي ) أحتآج ولا لقى أحد

ضآري قرب من علي حتى يحط يده على كتف علي : سلمني على لافي

كثير السلام يوم وصلت دريت أنه هنيه ...قله يآخذ حذره من فوآز .. ترآه نآون ينزل مقال عن وآحد أسمه

ميشيل شآفه أظن فالمعرض مع لافي

علي أنعقدت حواجبه : منو ميشيل ...

ضآري : يقول فوآز أنه يوم تقصى عنه عرف أنه ألي عطى لافي الجنسيه

علي طآرت عيونه : نعم ...!!!

ضآري : عط هالعلم للافي لأني وآثق أنه الوحيد ألي قآدر يوقفه .. أنتم

عيال عمي ومن نفس القبيله ولارآح أرضى بالمضره لكم ولا له ولأبوي ..

هذآ بيفضحنآ وبيخلينآ سيرة على كل لسآن لاكتب شي عنكم ..

مهبول مآيدري أنآ كلنآ فالهوآ سوآ .

علي : .................

ضآري يطالع البيوت قباله : جود كلامي زين ياعلي .. ترآ الأوضآع مآتطمن ..

( طالعه ) العذر والسموحة يآخوك ورآي أشغال لزوم على أقضيهآ ...

تحرك معطي علي ظهره حتى يمشي مبتعد عنه ... وعلى طول أبتعد علي

بخطوآته حتى يرجع لسيآرته .. يركبهآ ويكمل طريقه لبيته ..

أبتسم وصوت السيآرة تبتعد عنه ..

هذآ هو مآيلقى في وجه كل هالأعآصير حوله ألا يبتسم ...

كل شي مآعآد يحمل بين طياته الأهتمآم من بعد مآغآدر دنيآه

سعود ...!!

××××××××××××××××

مفتوح درجهآ وهو منحني يفتش فيه .. الفضآوة والزهق والقهر

مآدلوه ألا لحل وآحد .. يعبث بأغرآضهآ وأصوآت الحريم أختفت فجأة ..

في حالته هذي أدرك وأستسلم لحالتين مالهم ثالث ..

يآ بينكشف وبيظطر يعلن هالزوآج قدآم الكل أو بتصير معجزة وبيقدر

يطلع من هالمكآن .. مع أن هالشي مستبعده وفيه عزيمه برآآ ..!!!

طالع درجهآ بطفش مرة ثانيه

كله قمصآن وملابس دآخليه ... مآيقدر يصنفهآ من أي نوع ...؟

أخذ نفس وهز رآسه ..

أصلا هالبنت ألي هو متزوجهآ عجز يلقى لهآ أبجديه تضآهي

شي بدآخله سكن لهآ ...

هي البنت ألي قدرت تصحي أحلى أحلامه النايمه ..

يقدر يحس في هالأحلام تصحى في حضرتهآ ..!

لكن

أنعقدت حوآجبه وهو مستغرب من ألي يشوفه.. هذي عجيز ولا بنت

عمرهآ بس 16 سنه .. !!

تعدل بوقفته ورفع عيونه للغرفه يطالع فيهآ

.. السرير .. الطآولة .. الملابس المكومة على السرير ..

رجع يطالع فالدرج ومسرع مآسكره بهدوء .... تحركت عيونه

بعبث فالغرفه ألي تعتبر صغيره تقريبآ ... أرتفع صدره ونزل بسرعه

ومسرع مآطالع أكيآس مربوطة بجنب الكبت .. وبدون أدنى أهتمآم

سحبهآ ورمآهآ على السرير وبخطوآت وآسعه جلس على السرير

وهو حتى في فضوله أدق التفآصيل تشغله ..!!

فتح الكيس حتى تتسع عيونه بقوة وهو يشوف ألي دآخل الكيسه

بلايز وتنآنير .. صآر يطلعهم ويسحب معهم فستآنين تصميمه كل وآحد منهم

تملاه الحشمة .. رفع وآحد من الفسآتين ومآثآره أي شي

من هالي يشوفه ..

أكثر شي يحبه التفآصيل الأنثويه الي تملاهآ فسآتين شبه عآريه ..

مآيحب تتستر هالتفآصيل وألي المفروض تلبس

هالفسآتين حلاله ..!!

بس ليش مخبيتهم بأكيآس .. وش حآدهآعلى هالشي تقول

مسويه جريمة ..!

سحب وآحد من هالفسآتين حتى يدفن خشمه فيه ..

كم لزمة من الوقت حتى تستميل قلبه وحده نفسهآ ...؟

في أي جسر من النسيآن كآن يوقف ..

وفي أي جسر خآنته الخطوآت هالحين.. حتى يوقف بجنون اللحظآت على

جسر يميل للأنهيآر .. بيسحبه للقآع ...

هو ألي كآن يبتلع الأخبآر الحزينه ... يخفيهآ بهموم شغله وأخترآعآته ..

وأذآ فيهآ أمه الوطن .. الكويت .. تنآديه من جديد ..

ويعود لأحضآنهآ ..

حتى يعيش دآخلهآ في مدن أحلامه ..

بين عشق يستلذ قي خطوآته ..

لحظة مجنونة لقآهآ ..... صدفهآ .. ظروفهآآ ..

أخذ نفس بقوة .. حتى تتغلل هالريحة ألي بين فستانهآ لأنفآسه

..

( بصوت عالي ... : حياكن دآخل ذبحنآ البرد أعوذ بالله .. )

( وبتتركين البنيه لحالهآ فالصاله .. هي أمهآ وين هي ..!! )

( مآعليك يآوضحى .. غرفتهآ هنيه مآهيب بعيده .. يلا يلا حياكن ..)

ترك الفستآن وبسرعه تحرك للبآب .. بيروحن للغرفه أخيرآ ...!!

عمره مآتوهق هالكثر وأنحشر بمكان لاحول له ولا قوة ..

تمايل برآسه وصوت الفنآجيل مع الكآسآت وهي تنحط على الصينيه

صدى يتردد صوتهآ على مسامعه وكأن فيه أحد يجمعهآ ..

لحقهآ حركة غريبه ..

مآلقوآ يجون ألا بهالوقت ... !!

رفع طرف شمآغه لفوق حتى بآن شعره الرمآدي المبعثر وهو بس ينطر اللحظة الي

بيطلع فيهآ

صوت بنت نآعم .. ( مآعليك يآخاله .. أنآ ألي بشيل الأوآني .. وأرتب

الصاله )

تبعهآ صوت جدته .. ( ألله يعافيح ويصلحج ..)

ظل وآقف وهو يتسمع عشآن لاختفت الأصوآت بيفتح البآب ..

حرك يده ومسك يد البآب .. وبس يطلع والله لايسود عيشة

هالي يتسمى صالح ..أختفت الأصوآآت والأنتظآر لازآل يحرقه

..حرك يد البآب يبي يفتحه بخفه والشمس

أعلنت مغيبهآ .. بس تحركت يد البآب من حاله وبكل خرعه صآر يرجع

ورآ لين ضرب ظهره الجدآر ... أنفتح البآب وأندف على خفيف

ولأن عبآيه ليليآن متعودة تعلقهآ ورآ البآب قدر بحركه

يغطي جسمه لاحد يكشفه ... سمع حركة وصوت يردد ( يآآرب .. يآآرب ..)

عقد حوآجبه وهالصوت غريب عليه .عمره مآسمعه ولا مر عليه ..

وبسرعه مال براسه حتى يشوف طرف عباية وحدة

طولهآ متوسط .. والعبايه تتحرك بسرعه وكأنهآ تتلفت بخوف

وربكة ... تمآيل برآسه أكثر وأكثر وهي معطيته ظهرهآ ...

تحركت صوب الطآولة وفتحت الدرج حتى ترمي فيه شي وتطلع تركض

من الغرفه مسكره البآب ورآهآ ..!

تحرك بخطوآته الوآسعه صوب الطآولة حتى يسحب الدرج

بدون مقدمآت ... ثبتت نظرات عيونه على جوال أسود مرمي بين

شرايط وأوراق بيضآ .. تحركت يده حتى تاخذ هالجوال

ويستقر بين أصابعه ...

رجع يطالع البآب المسكر وهو مو مستوعب الوقاحة

في هالي دخلت غرفة زوجته ..

بكل ثقه تدخل عيني عينك وتحط الجوال في غرفتة ليليان..

وش مصلحتهآ من هالحركة ..

معقولة صالح رآسلهآآ .. أخوها الخسيس هذآ كل شي صآر يتوقعه

من بعد مآشافه ..

شد على قبضته للجوال وحواجبه أنعقدت بشكل يدل على هالحيرة

ألي تحوي ملامحه ..!!

ألي سوته شي كبير ولا بعد في بيت الشيخ حمده ..!

رجع يطالع الجوآل وبحركة سريعه حرك الجوال حتى يطالع الشاشه

ويبدى يفتش فيه .. اللأستديو .. فآضي ..!!

فتش بالملاحظآت نفس الشي ..!

ومن فتح على جهة الأتصآل حتى تتوقف أصآبعه عن الحركة

ومآكآن موجود ألا رقم سآآمي .. أنعقدت حوآجبه أكثر وأكثر

وعلى طول توجه للرسآيل حتى يصآدف الفاجعة .. رسآيل قلة أدب

منه وأغلبهآ تهديد ووعيد فيه هو شخصيآ وأنه بينتقم لي ليليان ..

بيتزوجهآ ...

يترجآهآ ترد ...

تجآوبه .. تتوآصل معه ..

أنه مغروم فيهآ .. يبي الزوآج منهآ ... !

وليليآن عمرهآ مآكآن عندهآ جوال من تزوجته ...!!

تحركت عيونه بأتجآهآت مختلفه وهو يحاول يفسر ألي يشوفه ..

يلقى تفسير مقنع .. أستنتآج يحل هالسالفه الكبيره ألي صآرت قباله

وفي بيت أمه العودة ..

ولمين ..؟!! لزوجته ..!

صد بعيونه وحط يده على خصره .. والدم بدى يغلي بين عروقه ..

معقوله سآمي ألي مرسل هالبنت ..

أنهم جآيين يبون المكيده للزوجته .. وبهالطريقه يقدرون يخلون سآمي

يتزوجهآ ...

أغبيآء .. !!!

أجل هالطلقه ألي صآبت يده كآن المفروض برآسه هالنجس

ويلفض من ورآهآ أنفآسه ...

ترك كل شي وبخطوآت وآسعه طلع من الغرفه وهو مو شآيف أحد

بطريقه .. مر من عند ليليآن ألي غرقآنه فالنوم ولا تدري

بالعاصفه ألي تلوح قبالهآ .. تبي منهآ الهروب لأبعد مكآن ..

حتى يطلع للحوش .. ومن طلع من بآب الشآرع ألا هذآ

علي جآي لمه ووراه عبدالله ... ومن البآب الثآني كآنت الجوهرة وعبير ومريم توهن

بيدخلن ...

علي أبتسم : وأخيرآ طلعت ..!!

فهد بدون أي تعبير : بروح لمشوآر ضروري .. لاحد ينطرني بس

قال هالكلمتين وتحرك بخطوآته الوآسعه صوب العربانه

حتى يفتح الباب ويركب ... لفت عبير صوب أخوهآ ألي أول مآشغل

سيآرته دعس على البنزين بقوة وتحرك .... حتى علي بخوف لف برآسه

صوب السيآره وهو مآيدري ليش مسرع بهالطريقه ...

وش ألي أهم من ألي ينتظرهم بالديوانيه ومشعلله بهالطريقه ...

وش أهم من ألي عرفه ...!!!

عبير بخلعه : يمممه ورآه أخوي

الجوهرة تفتح البآب وتدخل : علمي علمج ..

دخلت بخطوآتهآ الوآسعه والسمآ فوقهم بدآ الشفق الأحمر

يحتضن أحلام أفقهآ .. خطوة ورآ خطوة حتى تدخل

الصاله وتوقف خطواتهآ بخرعه وهي تشوف بنتهآ متمددة بالصاله

والتعب سآرق من ملامحهآ الفرح والأبتسآمة ..

الجوهرة : ليليآن ..!

تحركت بسرعه وعلى طول أنحنت وهي تتلمس جبهة بنتهآ وخدودهآ ..

الجوهرة : يمه ليليآن .. شنو فيج ..؟

لحظات حتى سمعت خطوآت أمهآ

تطلع من الغرفه وهي تسكر البآب ورآهآ ..

حمده تطالع عبير : نزلي عبايتج يمي وروحي للحريم قهويهن .. بسرعه

عبير على طول تحركت : أن شالله ..

حمده تأشر لمريم : وأنتي بعد عآونيهآ ..

عبير توقف وتلف للجده : يمه خالي يآيب حلويآت ويآه .. نسيت أنزلهم

الجده حمده بضيق وبصوت وآطي : وحدة منكن تروح للحريم بسسرعه ..

الجوهرة ترفع عيونهآ لأمهآ : يمه ينتي شنو فيهآ .. من متى طآيحه ..

عليهآ حرآرة ولا أحد قالي ...

أخذت نفس الجده والضيق وآضح على صوتهآ ... طالعت مريم

وبقهر

الجده حمده : ورآآج وقفتي يامال الصلاح .. روحي بسرعه

عبير تطالع مريم : أنتي روحي قهويهن وأنآ بطلع لخالي أييب

الحلا ألي يآيبه ..

مريم تنزل عبآيتهآ رايحه صوب الغرفه ألي فيهآ الضيوف: طيب ..

بصوت عالي طلع منها ( لااااأله ألا الله ) حتى تتحرك وتجلس بجنب ليليآن ...

وعبير طلعت من باب المدخل ..

الجده تطالع الجوهرة وبصوت واطي : ذآبحتج بنتج مير ومقطعة حالج أشوووف ..عليهآ أسمعيني عاد

أنآ مآعآد لي بالخبال حآجة .. البنيه دآم عندي فهي بنيتي ..

ماهيب بحاجة أحد

الجوهرة بقهر : ليش مآحد قالي .. ليش يمه ..

الجده : زوجج مآقصر

الجوهرة طآرت عيونها : علي يدري يمه .. ولا قالي..!!

الجده تطالع ليليآن ومسرع مآطالعت الجوهرة : أنتي تعرفين من ألي

موجود

الجوهرة بعد صمت : أييه يمه .. أهل السعوديه ..جذي قالي علي

الجده من ردهآ عرفت أنهآ مو عآرفه من الضيوف : خالتج وضحة وخزنة

مع بنت صنيتان ..!!

سآد الصمت كل تصرفآتهآ وببطء حركت عيونهآ صوب الجده

والصدمة من ذكر زوجة رآشد ألجمهآ ..!!!

هي أكثر وحدة ذآقت الويل من حركآت خزنة وتصرفآتهآ وبعد كل شي

عدآ عليه الزمن وجآر .. جآآيه بقوآة عين لبيت أمهآ ..

بأي صفه تحضر .. من لهآ عشآن تزور أمهآ ...

الجوهرة : نعم ..

الجده حطت يدهآ بيد الجوهرة : أسمعيني وجودي كلامي زين هذلن مآهن

جآيآت لوجة رب العالمين .. وأنتبهي يجي لسانج لسان وحدة منهن .. خليني

أنآ بطلع ألي عندهن

الجوهرة بعصبيه : شنو يآيه تدور ذي .. شنو تبي أختج حآآضره يمه .

هآآآآ

الجده : أسمعيني ... يآتمسكين لسآنج ولا ألبسي عبايتج وأرجعي لبيتج ...

الخطآ مآيطلع من بيت حمده ..

الجوهرة : أيه يمه مسكنآ هالحجي طول عمرنآ شنو حصلنآ غير أنهن

ركبن فوق روسنآ ... طالعي يمه .. ( أشرت بيدهآ وبكل قهر ) الخطآ رآكبهن

من سآسهن لراسهن ويآيآت ولا همهن .. يبن السوالف والحش والقيل والقال

الجده بصوت وآطي : قصري حسج عمى في عين العدو ... قومي أشوف

قدآمي روحي لهن ومدي لسانج .. عطيهن مآيبنه .. يلا ..

الجوهرة صدت بعيونهآ : ........................

الجده حمده : مو المفروض تضحكين وتسولفين وتبطين كبدهن .. وتعلمينهن

أنج عشتي حيآتج وكل شي قآسيتيه رب العالمين عوضج فيه ..

تحركت بتعب حتى تفتح عيونهآ وتظهر لها ملامح الجده ...

( يمه أبي مآآآي )
أول ماسمعت صوتها الجده أبتسمت ...

31-10-12, 05:37 PM

المشاركة رقم: 495

المعلومات
الكاتب:	#الكريستال#
اللقب:	ناقد أدبي

البيانات
التسجيل:	Dec 2011
العضوية:	233277
المشاركات:	2,614
الجنس	أنثى
معدل التقييم:
نقاط التقييم:	7632

االدولة

مدونتي

الإتصالات
الحالة:
وسائل الإتصال:

كاتب الموضوع : #الكريستال# المنتدى : القصص المكتمله من وحي قلم الاعضاء

رد: أريد منك أكثر مما أريد

الجده : ثواني وبيكون عندج الماي .. بس زين أنج نمتي عندهن .. هههههه ..
( طالعت بنتهآ ) قامت خزنة تسلم وتسولف عليهآ وبنتج عطتهآ الصد ونامت ...
ههههههههههههه
الجوهرة أنحنت وبآست بنتهآ : ألله لايلومهآ .. أنآ بروح أييب مآي لهآ

مسكت الجده عبآية الجوهرة ومسرع مآقآمت ..

الجده : هذي بنيتي ولاحدن بيلبي طلبآتهآ غيري .. أنتي روحي
شوفي شغل الحريم ألي فالحتن فيه دآخل .. ودقي على أم سالم وأم سعود
أعزميهن ..
الجوهرة بعد صمت : طيب يمه ..

تحركت عبير تركض بسرعه حتى تنط لصاله وتنفجر متقطعه ضحك ..

عبير : ههههههههههههه ..
الجده تلف بحده صوبهآ .. : أقطعي حسج ..
عبير وهي تحآول تمسك روحهآ : يمه خالي .. ألا بيوريني الشغل ليش
أنه سألني أذآ كشخته حلوة ولا لا وقلت له وععع .. ههههههه
الجده لفت بعيونهآ بعيد عنهآ حتى تطالع بنتهآ : هآآ .. هذآ ألي نآقصنآ ..
الجوهرة قآمت وطالعت عبير : وععع .. هآآ هين بس
عبير نزلت الأكيآس وسحبت لهآ كم صحن حلا : هههه .. لالا .. يهبل .. يينن ..
أصلن ترآ رفيجآتي لمآ يشوفون صورة خالي يقولون نبي نفسه مطوع وبهالزين ..
الجوهرة تأشر للغرفه : يلا يلا .. روحي سآندي مريم على هالمصايب القاعدة
عبير هزت رآسهآ بدون تعليق : من عيوني ..

وبكل دلعهآ ألي يحويه جمال رباني رآحت صوب الغرفه والجوهرة ..
تحركت بخطوآتها صوب غرفة بنتهآ ومن دخلت أنعقدت حوآجبهآ
وهي تحس بالغرفه ريحة عطر رجالي يشبه العطر
ألي دوم تشمه مع لافي ,,, نزلت عبايتهآ وهي تفكر بهالريحة
كيف وصلت لغرفه بنتهآ .. ومسرع مآوقفت قبال المرآيه تطالع
مكيآجهآ والدراعه الفخمة ألي لابستهآ ... طلعت بعد مآتأكدت
من كشختهآ حتى بخطوآت وآثقه ونفس مآقالت الجده تدخل لعندهن..
قامت خزنه على طول وهي تطالع الجوهرة من فوق لي تحت ..
مآتنكر أن هالجمآل ألي تمتلكه كآن أكثر شي خلاهآ تحقد عليهآ
ورآشد مآكآن يملك نفسه في حضرتهآ ..
يتمآيل خصر الجوهرة بخطوآت متزنه حتى تمر من عند خزنه معطتهآ
الحقران والصد وخزنة أنحنت تبي تسلم عليها بس تعدلت بصدمة
أول مآنحنت الجوهرة معطتهآ ظهرهآ حتى تسلم على وضحى

الجوهرة : أخبآرج خاله
وضحى بصوت وضح فيه الضيق : بخير ..

تعدلت وقفتهآ ورآحت جالسه قبال عبير ألي نزلت عيونهآ بسرعه
وهي كاتمة ضحكة على شكل خزنة المسيكينه ألي ظلت وآقفه وكأنهآ
مآستوعبت الحركة .. ومريم ظلت بصدمة تطالع الموقف ..

الجوهرة تأشر بيدهآ وبأنتصآر : تفضلي .. لاتكلفين على روحج بالوقفه ..

أنحنت خزنة جالسه والصمت سكن بالأنفس ومسرع مآتكلمت
وضحى

وضحى : هو عبدالله وليدي وينه عسآه طويب يالجوهرة ..؟
الجوهرة تأشر بيدهآ : الحمدالله ... هالحين يدرس حآسب وأنجلش ..
ومآفيه شي نآقصه الخير موجود دآمه عند أمه .. أمه ياخاله ..
خزنة أبتسمت بطنازة : أييه .. مآشالله .. ألله يذكر أيآمك يآرآشد بخير بسس
الجوهرة بثقه وأبتسآمة هآديه : ألله يرحمه ويرحم أموآت المسلمين ..(قلدتهآ)
بسسس

شبكت عبير أصآبعها بتوتر وهي تحس الأجوآآء صآرت
مشحونة ... والوضع مآيطمن ..
لحظة ثآنيه حست بتصير هوآشه ..
رآشد هو زوج عمتهآ الأولي .. أجل ألي قبالهآ هي الزوجة الثانيه لأبو ليليآن ..
وألي جنبهآ أكيد أخت جدتهآ من قالت لهآ الجوهرة ياخاله ..
مالقت طريقه تبعد عن نفسهآ هالأجوآء ألا أنهآ تقوم تربط
وتستنج على كيفهآ ...

وضحى طالعت الجوهرة : هي وين هي حمده ... نآديهآ أبيهآ
الجوهرة قآمت : .......

رآحت تمشي وبنفسهآ تتمنى فرقاهم .. وأول مآطلعت لصاله
ألا هذي أمهآ قآعدة ترش مآي على وجه ليليآن وتمسح عليه وهي
تتكلم معهآ بدفآ وحنآن .. متسآنده ليليآن بأيديهآ على الأرض

حمده : هالحين بفهم ورآج يمي ألا بتتعبين نفسج ...
ليليآن وهي بالعافيه تتكلم ونفسهآ ضآق فجأة : يمه أنآ ..أقدر ..( أخذت نفس
بصعوبه ) أغسل وجهي ..بس أحس ( أخذت نفس وزفرته ) عظآآمي .. توجعني
حمده طالعتهآ بضيق : هو أنتي تنكتي ..
ليليآن حطت يدهآ على صدرهآ وقآمت تكح : .....................
الجوهرة توقف قبالهم : يمه خالتي تبيج .. ( أنحنت وجلست عند بنتهآ )
هآ يمه .. أحسن هالحين ..
ليليآن هزت رآسهآ بالرضآ : .................
الجده بقهر : والله صدرهآ تعبان .. مير هالحين لازم تآخذينهآ للمستشفى ..
الجوهرة بخوف طالعت ليليآن وهي تتكلم : أدق على علي ونمشي ..
الجده رجعت تطالعهآ : تقدرين يمي تتحملين لي بعد صلاة العشآ
ليليآن هزت رآسهآ : أيييه ..

رجعت بظهرهآ لورى متمدده .. وكل شي تحس أنهآ تفقد
الأتصال فيه ومآيبقى عندهآ ألا هالتعب ..
مو قآدرة حتى تفكر بأحد ...

الجوهرة : خليني يمه أخذهآ هالحين
الجده : عندنآ ضيوف مآظنتي هذآ الوقت منآسب بعد العشآ تروح ..

قآمت ببطء متسآندة بيدهآ على الجدآر حتى توقف وتتحرك خطوآتهآ
للغرفه ..مسكت الجوهرة يد ليليآن بس هي
سحبتهآ ببطء ..

الجوهرة بصوت وآطي : بخليج يمه ترتآحين وبروح أشوف سآلفة
خزنة وأمهآ ,,,!!

غمضت ليليآن عيونهآ ومآأبدت أي شي تجآه أمهآ وعلى طول قآمت الجوهرة
وتحركت بخطوآتهآ السريعه صوب الغرفه .. دخلت حتى تشوف عبير
جالسه تحت الدريشه وبجنبهآ مريم متكتفه ورجولهآ متمآيله فيهآ بحيث
أنهن يكونن فوق بعض .. على الجهة الثانيه البندري ألي منزله
نقابهآ ومنزلة شيلتهآ على كتوفهآ .. تقعد جنبهآ وضحى وخزنة تسترق
النظر حتى تطالع الجوهرة بأحتقآر وهي جالسه جنب وضحى ..
وحمده فضلت تجلس فالجهة المقابله لعبير ومريم .. وعلى طول جلست
الجوهرة جنب أمهآ ..

قآمت عبير وسحبت ترمس القهوة حتى تمر عليهن وتصب من جديد
القهوة لهن ...

وضحى : حنآ جيتنا اليوم نبي فيه التوفيق .. ونقرب رآسين بالحلال
يآحمده .. تكون بينآ ونشوف ردتس ثم عآد الباقي
على رب العالمين ..
حمده طالعت أختهآ بنظرآت ثآبته .. وآثقه : أيه ..
الجوهرة وعيونهآ طآرت يوم حست أن بنتهآ بتدخل بالسالفه : .................
خزنة : الستر هو مقصدنآ
حمده رفعت يدهآ : يآخزنة .. خليج بعيده عن الأمور ألي مالج فيهآ
لامن بعيد ولاقريب ..
خزنة طالعت وضحى بصدمة : ....................
الجوهرة تكتفت وبنظرة نآريه طالعت خزنة والأمور كل مالهآ وتزيد أكثر تعقيد : ......................
وضحى تكلم حمده : أنتي ورآتس تقول عصبتي .. أقطعي درب الشيطآن ..
حمده : درب الشيطآن لو دالن بيتي مآظنتي بيكون لج مآطى عليه
وضحى بضيق : وش قصدتس ..
حمده حركت أصآبعهآ صوب وضحى وعيونهآ أرتكزت على عيون
أختهآ : دآمني عآيشه والأمور الفآيته مستتره عليهآ ,, خليهآ مستتره
لا تصيرين مثل ألي يقول غبر ياثور على قرنك ..!!
وضحى قآمت تضحك وتوزع أبتسآمآت : : ههههههه .. هذي أنتي يآحمده
طول عمرتس حآآميه .. عووذه ...
حمده : طبعي ولانتي غآديتن عنه ..
وضحى : أنتي نسيتيني ألي بقوله .. حنآ جينآ هنيا عندتس نبي نخطب
بنتنا ليليان لولدنا سامي ..
الجوهرة فكت أيديهآ وقالت بصوت عالي : شنوووو ..
حمده : .............................
عبير طالعت عمتهآ ومريم نفس الشي: ...........................

الغريب .. في هالدنيآ الفانيه لمآ تبقى الملامح .. الطبآآع تعيش
على حآفة نهر وعلى حافته الثانيه تعيش حكآيآ خرآفيه عن نوآيآ أصحآب
هالملامح ..
ممكن تنكسر مرآيآ الثقه في تصرفاتهم ...
وتبقى الفاصل مثل العملة .. لهآ وجهين ..
كيف يمتلكون اللسان الحلو ..
الطبايع الحلوة ...
الأبتسآمة كيف يرسمونهآ قبالنآ بأحلى صورة ..
ولمآ تغيب ملامحنآ .. قلوبنآ الغرقانه في بحر السطحيه ..
يبقون هم مجرد آكلي لحوم البشر ...
تعرفونهم زين .. هم ألي يجلسون على طآولة صيف مسائيه ..
مستعدين دوم لألغآم الرغبه القاتله في نهش يدنآ ألي أمتدت
بالعطآ لهم ...
تكلمت .. بأبتسآمة النوآيآ الطبيه ..

LinkBacks (?) LinkBack to this Thread: https://www.liilas.com/vb3/t175256.html
أرسلت بواسطة	For	Type	التاريخ
طھطظ…ظٹظ„ ط±ظˆط§ظٹط© ط§ط±ظٹط¯ ظ…ظ†ظƒ ط§ظƒط«ط± ظ…ظ…ط§ ط§ط±ظٹط¯ - ط£ط®ط¨ط±ظ‡ظ…	This thread	Refback	15-01-18 06:51 PM
Untitled document	This thread	Refback	26-01-16 11:27 AM
Untitled document	This thread	Refback	14-10-14 08:10 PM
ط£ط±ظٹط¯ ظ…ظ†ظƒ ط£ظƒط«ط± ظ…ظ…ط§ ط£ط±ظٹط¯ ط§ظ„ظ‚طµطµ	This thread	Refback	05-08-14 11:38 AM
ط£ط±ظٹط¯ ظ…ظ†ظƒ ط£ظƒط«ط± ظ…ظ…ط§ ط£ط±ظٹط¯ ط§ظ„ظ‚طµطµ	This thread	Refback	04-08-14 03:50 PM
ط£ط±ظٹط¯ ظ…ظ†ظƒ ط£ظƒط«ط± ظ…ظ…ط§ ط£ط±ظٹط¯ ط§ظ„ظ‚طµطµ	This thread	Refback	03-08-14 12:20 PM
Untitled document	This thread	Refback	02-08-14 01:20 PM