صباح الخير .......داخلة اكتب تعليقي على البارت الي راح تفاجأت انك نزلتي البارت الجديد .....بارت حلو ومشوق وقلب موازين كثيرة للاحداث الجاية

عمر وسويرة

سارة غبية ومتسرعة نفس صاحبتها ماادري لو عمر مادفع لابوها وتزوجها شبيغير من وضعها مو ابوها مزوجها شايب وقابض ثمنها رافضة الشباب وولد خالها وراضية بالشايب اجل تورينا كيف بتمنع مخطط ابوها دام فكرة عمر وامها مو عاجبتها ....
الي فهمته انو ابوها مزوجها وانو عمر بيدفع مبلغ كبير مقابل تطليقها وتزويجها له .........بس بعد الجنون والاهانات الي صارت ماادري مصيرها الى وين بينتهي ....... هل عمر بمساعدة اهله الي رايح لهم راح يكمل مخططه بنجاح او في شي بيعرقل كل الي صار وسارة تكون ضحية طمع ابوها وتخسر حياتها على يد شايب يحطم بقايا انوثتها ومنها تتغير وتصير شخصية مكسورة

ام عمر هالحقيرة شجايبها مو هي تكره المسلمين ليش اجل جاية دولة مسلمة ........الله ياخذها هي وامثالها وينصر الاسلام ويرد كيدهم في نحورهم .......امثالها ماخلو عندنا صبر واحترام لهم حاربونا بحرق قرأنا والاساءة لنبينا وبكرة الله العالم لوين بيوصلو والي يقهر انهم لولا الدول الاسلامية والعقول الاسلامية ماوصلو لهالمستوى من الثقافة

طلال ومريموه

افا ياطلال بس سمعتها تتبكبك نخيت .......اجل ليش مسوي فيها رجال دمك حامي وماادري ايش خلاص كان انطرمت من الاول وسكت بس الظاهر كلام ليليان كله صحيح .......انت بصوب والرجولة بصوب ثاني مقهور انو مريم جات تكلمك وانت رايح بوقاحة تكلم ليليان صدق رخمة مالت طحت من عيني

اما مريموه لولا الكلام الجارح ورفض طلال لها كان لليوم تستشير تغريدوه وتاخذ منها الوصفات عن كيف تتعاملي بوقاحة تحت مسمى الحب ........بس ربي جازاها وعلمها قدرها ........

انعدام الثقة الي فيها مخليها تصير مسيرة لكلام النس وكلام سالم كان احد الاسباب لانفجارها ......شفيها لو كتمت مشاعرها من الاول ورضت الي يكتبه لها ربها يعني لازم الوحدة اذا حطت عينها على واحد لازم تتزوجه واذا ربها موكاتب هالشي خير بتموت هي ........الحين بيتم زواجها وطلال الي كان كارهها بتصير هي المظلومة ولا كأنها غلطت وهو الظالم .......اعتقد الحين بتتقلب الادوار طلال هو الي بيركض طالب حب مريم الي بعد الزواج بتطلع لنا بموال الكره له وعدم قبوله .......لازم تعرف انو غلطتها وعدم اعتمادها على شخصيتها هو الي وصلها لهالمرحلة ماتقدر تعبر عن ارائها الشخصية بطريقة صحيحة ..........لو ماملكت الجمال الي عند غيرها لابد انو عندها الي مايملكه غيرها يمكن عندها ذكاء مو عند غيرها خفة دم طيبة قلب ابيض ترى مو كل الي نشوف قشرهم الخارجي قمة الجمال صارو يتميزو عن غيرهم وهم الي يملكون الحظ الاكبر في السعادة .....اتمنى انو مريم تجلس بينها وبين نفسها وتحاول تطلع الي داخلها والي تملكه من اشياء مخفية عن الغير وترمي الضعف ورى ضهرها لانو ضيعها


ليليان

مشكلة الثقة الزايدة الي فيها راح توديها بداهية .......مصدقة انها صقرة وفهد صيدة سهلة مسكينة ماعرفت من الحياة شي مازال عظمها طري ......وبعدين مافكرت هالصقارة هي ايش تمتلك علشان تقدر تصيد ........شفيها زود عن تغريد الي بيخليها فهد وبيجري وراها لاكلام مثل الناس لاشهادة لاثقافة حتى الجوال ماتعرف له ........على ايش بيجيها فهد مسلم رايته مسكينة احلامها بتطيرها فوق وبترميها في القاع ......هي حتى لو كانت اول انثى بحياة فهد ماتملك مقومات كيف وفي معاها منافسة قوية ومن كثر عشق فهد لها يدور لها العذاب وهو اصلا يبغيها قربه ويتعذر بالانتقام .........اليوم ابتدى عقاب تغريد وبكرة عقابها على الماضي ياويلها على الي سوته تتحمل جزاء غبائها


فهد وتغريد

من البارت السابق توقعت انو فهد ناوي على تغريوه نيه سوداء والا يطلبها بالسر ليش علشان لاحد ينقدها من عقابه
المشكلة انها معاشرته وتعرفه من قبل مو مثل ليليان يوم تتخذ قرار غبي بدون ماتشاور ويكون قرارهم مشترك تتحمل الحين عاقبته ولا نفس السبب القديم مو جود ماتغير ليش الحين راجعه وتبغيه يرجعها ومن قبل متخلية عنه ويومها خايفة عليه ليش ماراعة نفسيته وخافت عليه من ابتعادها وهو كان بحالة صعبة فقد اخوه وبعدها فقد الحبيبة لو مالصدمة اثرت عليه وحطمته ماتعب نفسيا وانهار وهو القوي

كان من الاول تركت خبر عند اهله على الاقل او خالها علي هو الي يوصل له سبب تركها وابتعدت على الاقل بتكون الصدمة غير ولها اعذار اما الان تتحمل الي بيجيها والي بتدفعه غالي ....

كان عندها فرص تخبره عن مرضاها وضيعتها الحين بيكتشف بسبب تدهور حالتها الين يصير الي خايفة منه ....الا اذا خبرته بأسرع لحظة ........بدل ماهي رايحة تنصح الناس نصايح مثل وجهها حلت مصيبتها وراحت للجدة حمدة وخبرتها الحقيقة وهي بدورها بتخبر فهد بس اذا فات الفوت ماينفع الصوت .......وماادري ليش حاسة انها بتتبلى على ليليان من خلال الي عرفته من قبل ومن خلال الي سمعته من سامي وبتسبب لها مصيبة


اما فهد معتقد انو بالي راح يسويه راح يرتاح ابد مابيرتاح لانو الي قدامه حبيبته السابقة وحتى لو الحين يكرهها مااعتقد انو مشاعره تجاهها كلها تبخرت ....بس لما يلاحظ مرضها وتزيد حالتها بيندم بس بعد بيلوم ابوها الي ماخبره ولا خاف على بنته حتى وهو عارف انها بتواجه مصير اسود مع فهد ..........

اذا مع تغريد هذا الحقد الي بقلبه اجل ليليانوه الي سوته في القديم وبعد الرجوع شراح يصيبها ....ياني متشوقة لكسرة راسها قال صقارة قال ......خلي تخلفها وجهلها ينفعها


وسميووووووووووووه

فرحانة مع وجهها وطايرة اي هين هي لو مامرض بنتها الي بيمنعها من الزواج لو تطلقت كان من زمان طلقتها ولو فهد ظل على ماهو والحالة المادية مثل قبل ماهمها ولد اختها اصلا لو بنتها سليمة وفهد فعلا معاق مارضت بس ترضى لولد اختها زوجة مريضة وهو سليم يعني اذا ماخبرته بنتها ماراح يكتشف اجل تنتظر نهاية بنتها الي باعتها علشان الفلوس ماهمها الطريقة الي بترجع بنتها لفهد همها تفوشر عند الجدة حمدة وترفع خشمها بنشوف ردة فعلها لو عرفت الي بقلب فهد ونواياه لبنتها الي بترجع لها محطمة وخلي الفلوس تنفعها


الجدة حمدة

اعتقد انها بتعلن الحرب على فهد واعتقد انو وسميه علشان تقهر الجدة بتخبرها انو تغريد عنده ...مابيهمها تحذيرات زوجها ......بيكون همها تبعد ليليان الي اذا عرفت انها زوجة لفهد ومن زمان بيجن جنونها لانها عارفة انو فرصها مع فهد اكثر من بنتها المريضة

الجدة حمدة سحبت ليليان لانها خافت عليها من انتقام فهد لو عرف الماضي .......ووجود سامي الي قاعد يخطط راح يسبب مصايب كبيرة

اما البندري عديمة الاحساس مازالت تلعب لعبتها وماهمها الي ممكن يصير لليليان من ورى سوالفها ....شدراها انو سامي مايلتقي بليليان ويعرف انو الجوال مو عندها ويكتشفها ويخبر اهلها فعلا اتمنى تنكشف وتتعاقب عقاب كبير

حبيت اعلق هالمرة على طول اخاف ينزل

بارت وانا ماقدرت اعلق على هالبارتين

السلام عليكم ورحمة الله ...

الجميل في هالرواية انو الشخصيات لها العديد من الابعاد وكل واحد يشوفها بطريقته.
روايه قمه بالروعه
تعجبني كثير الروايه الي فيها تحدي
بااارت مسسسكت وفخم وطوويل ودسم وملياان غموض كأن كل حوار وتفكير يفتح فصل جديد بالروايه
ماشاء الله تبارك الرحمن مع اني طول الليل كنت مشغووووله ومهدود حيلي وأدور المخده بس يوم شفت البارت وضخاامته
والكرم الحاتمي قلت حراام أنام مابردت كبدي وقدرنا هالمجهووود الراقي .
الله لايحرمنا من هالتواجد كــــريسوول الصراحه اخجلتينا ....

أحــــــــــداث البارت ..

ليوونه / شخصيه رائعه وحقدت ع لافي ببداية الروايه ..
كثير الردود الي كانت تحتقر شخصية ليوونه وان هي شخصيه تميل للوقاحه
بس انا اشوف شخصيتها مقتبسه من ابوها والزمن اوجعها بالحيل ومالومها ...
الكل بعد يقوول الحب نقطة ضعف بعكسي متأكده انها رح يكون هالقلب الدافع الوحيد للتغيرها للأحسن ممكن تخطي وتزل بس بحدوود ..
الأكييد تعصب وتبكي ومستحييل تنكسر وتخليهم ينظرون لها بعين الشفقه ...
تنغبن وتنظلم وتنسب لكن كرامتها فوووق ماتتنداس وماتسمح لهم حتى تنلمس ..
تسمع كلام وقذف بعض الأحيان تصرفها عندي مجهوول ومتاكده من غير ما اعرف رح يعجبني ..


تسللت لقلب لافي بااقي القليل وتسيطر عليه واللي يصير فيه اكبر دليل على كلامي..
قال بلسانه صووتها اللي يهواه أهتمامه بس ليش رفض تسكن بالملحق !!!
خووف عليها من شي!!
خووف منها وتفكيرها يتغير فيه !!!
ماأعرف لكن متأكده مو لعيوون ذكرياته مع تغريدووه..

ياااالله قد أيش صعب موقفها لما طلبت من علي جوال " وش حدك على المر إلا اللي امر منه " ويقول اطلبي من امك كأنها عاااله وكملها بكلامه عن تغريد ولافي ...
صح خال تغريد ويخاف عليها وعلى مصلحتها لكن يأخي البنت "ليوونه" يتيمه ومااالها بالدنيا بعد ربي إلا هاللافي .
راااضين بالزوجه الثانيه بس تتكلم وتقول ادخلت بينهم لييه سايبه ولاسايبه وش دخلها الظروف حدتها على هالافي ..
والله حاجزين لافي بسم الامييره تغريد بيت واقف لاحد يجيه ولايقربه وهي متخليه عنه ...


لافي / ليلة تصادم مع اخوه سعود كانت هالتغريد مسويه شي !!
طيب سؤال أكتشفت المرض قبل وفاة سعود او بعد ؟


ممكن يأذيها وتتضرر كثيير لانها من غير أدويه بس الجده رح توقف هالعقاب بعد فوات الاوان أو قبله الله أعلم..
...


عمر & سارونه / اللحين أخته من أبووه صح ..
ومحضرين لهم أستقبال على أنها زوجته هالسارونه ...

متحمسسسه كثير لردة فعله وش رمة نفسها فيه ...

...

مريم & طلوول/ ياااابو قلب رهييف بنتقم وبسود عيشتها وباقي واجيك بيتكم تعتقها اخرتها من دمعتين تسامحها وقلووب طلعت من عيونك...

انا تابعت ملسل كوري كان البطل رسام "لووف راين " يقوول مايرسم بنت بحياته إلا اللي بيتزوجها ^^
وشكل طلوول ذاايب من اول .. لكن مريووم عافته وش رح يصييير !!

...

سااامي /وين نصرفه هذا وأم تغريد ناااشبين لي أعوذ بالله منهم ..

هالأتصال اللي سمعته تغريدوه متأأأكده رح ينتقل لأذن لافي وربي يصبر قلبك يااليونتي ...


...

كــــــريسووول الله يسعدك يالغلا على هالعطاء المفرح رغم أنه الاحداث تجلطني لكن ما أقدر أقااوم أحرفك الالمااسيه

رااائعه كما تعودنا ...

تذكرت هالكفخه يووم يطردها من الملحق...


أجل يروح ياخذها للتغريدووه ... وليوونه يطردها من الملحق تكككفى عاد من زينه تحته بير بترول ولادرينا كلها غرفتين ومافيها مطبخ وطلول مشاركها البيت يعني مافيه حووش وهو اكثر مكان تحبه اسأليني انا ادرى..

تدرين البارت اللي فات أرتحت من سامي مايعرف طريقها... اللحين عصبت انها رجعت له برجوولها ولافي بعد غيير موجود خارج الخدمه ..


رااائعه كما تعودنا ...

يا مرحبا بالحلوين و المميزين اللي ناويين علينا..

لا كوكو بلييييييز ما نبي تغريد تتأذى بعيونها و يعيش فهد مع احساس الندم و يكرس حياته لها ابدا.. لان من المستحيل انه يتشفى فيها و يتشمت لمصابها حتى يحسسها بالنقص و العجز اللي كان عايش فيه..

عمر و سارة... مجنونة هالبنت والا شووو ليش هالتصرفات الصبيانية و المتهورة رجل بيلخبط حياته كلها عشان يخلصك من اللي ابوك بيرميك عليه هذا هو جزاءه عندك للاسف بس ان شاء الله ما يكون سببلك شي عاهة لما رماك ع الارض مع انك بتستاهلي...

ليليان.. حرقت قلبي يوم طلبت من علي و رد عليها هالرد اللي ابدا ما كان وقته.. هو مسكين نيته طيبته انه ليش علاقتك بأمك بهالشكل رسمية و مو علاقة طبيعية... والا لحظات الضعف اللي صابتها من فهد و فقدانها لابوها و كل الضغوط اللي عليها من كل صوب مسكينة.. هل بتفقد فهد و ما بيكون ملجأها و سندها بالحياة.. مستحيل يتخلى عنها و هو كل يوم بيحس انها بتتغلغل فيه و بتأثر عليه بكل تصرفاتها..

مريم و طلال... بتمنى انو يسامحها و يغفرلها زلتها و غلطها الفادح.. بس نحنا بني آدم مو معصومين عن الخطأ و هي معترفة بخطأها الكبير فلازم يسامحها.. بس كمان بدها شوي تأديب منو حتى تحس اكثر بعظيم فعلتها..


ام تغريد.. ابو تغريد...
أنتم عار على الابوة و الامومة!!

الجدة حمدة.. هي الوحيدة العارفة و الفاهمة فهد على شو ناوي.. و نيتو سوداء كسواد الليل... الله يستر.. بس استغربت ليش قالت تبي تنقل بيت بو سعود و بعدين رجعت بيتها هذا اللي مو قادرة استوعبه هل كانت بدها تكشف نية فهد و الا؟؟!!

كريستالة مضيئة و منيرة في سمائنا دمتي لنا و دام عطائك يا مبدعة و مبهرة...




تم الإرسال من جهازي GT-I9001 بواسطة تاباتوك 2