كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: أريد منك أكثر مما أريد
السلام عليكم ورحمة،الله وبرككاته
أنا متابعة معاج روايتج الأولى لين فصلتني،عن الرد اختباراتي النهائية، وبعدها لما حاولت أدخل ضيّعت الباسوورد، وبعد 17 جزء تقريباً من روايتج الجديدة حاولت أشارك وأعلق وأتفاعل ، فطلبت الباسوورد أكثر من مرة وأدخله ويقولي غلط! آخر شي سجلت باسم جديد وفعلته وكل مرة أؤجل دخولي ههه،، الحمدلله أخييييراً دخلت بهالنك الجديد،،،
أولاً يعطيج العافية ع روايتج الأكثر من رائعة،، و جزاج الله خير ع النصايح القيّمة اللي تنوجد،بشكل مباشر أو غير مباشر بين كلماتج الكرستالية ،، من أكثر النصايح المؤثرة موقف تغريد لما حست بالموت وكيف كانت تخاطب نفسها وتحاسبها،، جداً أبدعتي عساه بميزان حسناتج،،
فيه أشياء متأكدة بتحطينها باابارتات الجاية وهي،توبة ليليان من عقويها بأمها ،،، ذكرج لمواقفها مع امها آلمني،جداً حطيت نفسي،مكان الجوهرة تعبت نفسياً ! والجوهرة أم مثالية صبرت ع قلة أدب،بنتها ومازالت ،، اللي،خلاني،انتظر توبة ليليان واحساسها بالذنب هو صدمتي،بردود البنات والأمهات المتهمة للأم!!!
الجوهرة انظلمت بحياتها مع زوجها ومن حقها تتطلق،وتشوف،حياتها ،، بالنهاية بنتها بتتزوج وتعيش،حياتها بعد !!
الأم ماغلطت هذا حقهاااا،، وهذي،هي،ليليان تطلب الطلاق لانها تشوف من حقها تتطلق،وتتحرر من قيود،لافي،، ومتأكده انها بتسويها لو كان عندها عيال منه
اعرف حرمة كويتيه عاشت الأمرين مع زوجها من دوله خليجيه وتطلقت منه ،، وبعد سنيين اضطر زوجها ان ياخذ عياله معاه بما انه بيرد يشتغل في ديرته ،، بناتها حقدوا علئ امهم وكرهوها !! الام تزوجت وتكلمت مع زوجها الثاني،يوديها لعيالها ) نفس سالفة الجوهرة يوم تسافر لأجل عيالها ( لكن الفرق ان هالام شافت،الصد،من بناتها،، كانت تبكي وكبروا بناتها وتزوجوا ونفس،الشي،مايبونها،، والأم قالت بيجربون الامومه ويحنون علي !! لين البنت اللي،تقول لامها ليش،ماتحملتي،عشاننا ومن هالكلام،، طلبت الطلاق مع زوجها بالرغم ان عندها عيال!! لين تطلقت منه ونفس الشي قعدوا عيالها عندها،، وتمر السنين ويكبرون بناتها وقررت توافق ع اللي،خطبها،، تدرون وش قالوا بناتها لها؟ ان تزوجتي لا انتي،امنا ولا احنا بناتج !! وفعلاً تركوها وراحوا لابوهم،،، ي سبحان الله !! دارت الايام وصارت بموقف امها !! وابشركم ان تجمع شمب الجدة بهالبنت والحفيدات ردوا لامهن لما تطلقت ( يعني،لاحظوا تزوجت بالرغم من تهديدهن لها ولا فكرت ان امها مرت بموقف مشابه لموقفها ) فليليان اللي،تسويه بامها عقوق،والله لو تافله بوجه بنتها وطاقتها طق تقول ابشري ولبيه يمه ! كاتبتنا الكرستال مو قاعده تقولكم سخافات وخيالات خلكم واقعيات بنات شلون توقفون مع البنت،وتشجعونها ع الغلط،وتتهمون امها؟ مع اني ماشفت،امها قاسيه بالعكس حنونه،، وحتئ لو كانت قاسية تحترم نفسها وتكلم امها باحترام ماهو تصدها !! ترا الام ماهي،بحاجة البنت !! البنت هي،اللي تحتاج لرضا امها عليها عشان تدخل الجنة ،،
ليليان تحب نفسها راحت لامها عشان مصلحتها ماهو عشان ترضي،امها ،، هالنقطه جداً قاهرتني،وللاسف محد مهتم بعلاقة ليليان بامها كل همكم الرجال!! القصة ماهي رومنسية ولا للافي والبنات فقط ،، خلكم واقعيات يرحم امكم
ليليان فيها سلبيات كثيرة جداً لو كانت بنتي،كفختها هههه لكن تظل صغيرة ومراهقة وكل اللي،تسويه الحين وجنونها ماهو الا عشانها محتاجه رحل في،حياتها،، هي ماهي طفله ولا حولها ،، الطفله تفكر بالعابها ورفيجاتها هذي،بس تفكر بلافي
سلبية اخرى: قلة ادبها مع عبير يختي وش،يفيد لبسج الساتر والقفازات دام اخلاقج جذي؟ الرسول،عليه،الصلاة والسلام يقول: "إن من أحبكم إليّ وأقربكم مني مجلساً يوم القيامة أحاسنكم أخلاقا، وإن أبغضكم إليّ وأبعدكم مني،يوم القيامة،الثرثارون،والمتشدقون(أي:المتطاول على الناس بكلامه) والمتفيهفون" قالوا :يارسول الله قد علمنا الثرثارون والمتشدقون فما المتفيهقون؟ قال: المتكبرون) أخرجه الترمذي.
اذا انتي ماتحبين دلعها ونعومتها خشيها بقلبك شلون تجرحين البنت؟ واستغرب ان محد تكلم عن سلبيتها هذي،وانتقد هالصفة الخايسة ،، حتئ بالبر متهاةشه مع لافي،تحط حرتها بهالعببر الطيبه،،،
هذي،الصفة جدا منفرة واتمنئ البنات اللي،انعجبوا بشخصية ليليان يعرفون ان هالصفة مو حلوة ولا تعبر ابدا عن قوتها وشخصيتها !!!
نجي عند تغريد،، ابدأ،بسالفة تركها للافي،هالشي،يعتبر رايها وموقف شخصي،، كيف اتمنى لها الموت؟ انا انصدمت من الردود و حتب الكاتبه انصدمت،ان،اللي،يتابع روايتها (بعضهم ) عندهم،الموت عادي!! معقوله تتمنون لها الموت عشان تركت لافي بعز حاجته ا و عشانها متبرجة؟ امبيه لا مو صج،، اقولكم ( كلامك ماهو معقوله كلامك منهو يقوله ههههه منقوله من اناشيد تغاريد )
كلامكم هذا يحسسنا ان انتوا ماعندكم ذنوب
هل انا بتمنئ،لليليان الموت عشان سلبياتها؟ لا طبعاً ،، بالعكس انا،اقول اتمنئ تطلق وتعيش،حياتها وتتزوج واحد،يناسبها،، ليش،تنظلم مع رجال متزوج وهي،صغيررة؟ طبعاً بغض النظر عن حركتها،اللي،مالها داعي يوم تخطب نفسها للافي ،، لان مافي بنت بتسويها بهالزمن،، سامي انسان عادي حاله حاله غيره من الشباب،دامها بهالقوه كان طلعت قوتها عليه وخلته يتغير ،، او تفكر بأي حل ثاني غير هالطريقة المهينة لنفسها :( لازم تتطلق وتاخذ غيره عشان تحس،انها مرغوبه وشخص،تعنئ وخطبها ،، عشان بكره منو يضمن لها لافي،مايعايرها؟.
نرد لتغريد،، تبرج البنت ماهو شرك بالله،، عصت ربها يا ناس،معقوله كل من يعصي،الله بروح اتمنئ له الموت؟ عقوق الوالدين كبيرة من الكبائر ع فكرة !
راعوا مشاعر بنت متابعه القصة وماتغطي،وجهها راح تنصدم بنظرات احتقاركم،، وهاالشي في ديننا مايجوز،، احنا لازم ننظر لصاحب،المعصية بنظرة رحمة وشفقة وليست كره واحتقار و تكبر استعلاء،، ونشوف نفسنا افضل منهم ،، ماتدرون يمكن ا
هم افضل عند الله مننا !!
تغريد شخصية ضعيفه وانا اكره الضعف المبالغ فيه عند المرأة،حقوقها تضيع،، وهالشي شفناه حقها ضاع عند اهلها وصديقتها الخاينة و زوجها القاسي،، هل ياترى بتتغير ف النهاية وتتغلب ع هالسلبية؟
فيه شي عجبني،بتغريد هو طاعتها لوالديها،ولزوجها ،،
بخصوص الروايه انا واقعيه لازم هي تكمل مع زوجها،، يعني،منو بيرضئ فيها؟ معقوله فواز؟ وهل هي راح تقبل بفواز عقب لافي؟ شي،مستحيل،بالواقع !
احس،لو بقت،معاه وهو مطلق ليليان، راح يتزوج عليها عشان العيال ،،، قلبه خضر مثل رياجيلنا بو سراويل وفنايل هههههههه
ماعندي،وقت اتكلم عن باقي،الشخصيات قاعده اكتب،بسرعه بسرعه،بالملاحظات في،تلفوني،وبنزله بسرعه قبل،لا ينزل،البارت..
عاد طوفوا البدليات ماراح اراجع كلامي هههه
شبلتس
|
13-07-13, 11:22 AM
جديد مواضيع قسم القصص المكتمله من وحي قلم الاعضاء
العرض العادي
