ربي في كل صباح...
اجعل قلوب احبتي هنا تشرق ارتياح. ..
حتى يستشعروا قوله تعالى

(ان مع العسر يسرا )
جمعه مباركة وصباحكم راحة. .. ماشالله متواجدين

عضوات بأول رد لهم وعن جد اسعدوني بهالطله. .

ربي لا يحرمني منكم. ..

ميرو >> ههههههه. .. ربي يسعدج قولي اميييين. ..
ان شالله راح تعرفينه بالاحداث اليايه

احاسيس مجنونه ؛

اشتقت لردج وبقوووة. . حبيبة قلبي مابقى شي
من هينا لباجر الصبح اذا ألله أراد بتواجد انا والبارت. .
وبتعرفين كيف بتكون ردة فعله. .. بس ردة فعل اهله
اممممم بنشوف فالبارت القادم. .
بجد تعليق يشرح الصدر وتسلم يمناج عليه. .

البتول :

هلا وغلا في متصفح اختج كريس نورتينا بجد. ..

هههههه غلاي انتي. . بس والله ماعرف هالقصه. .
تصدقين انج حمستيني اعرفها. . ببحث عنها بالنت. .
لاتحرمينا من هالطله. .

انة الجروح :

صباحج رضا وطاعه. .. انة الجروح. .

مرور اسعدني وتواجد افتخر فيه. . يكفي علي هالحروف
ألي نثرتيها لي غلاي
. . التعليق طبعا على عيني وراسي. .بس في مجتماعاتنا الخليجيه
ما أظن صغير في ظل انه هالحين من تتعدى البنت عمر
25سنه في معرضة لظاهرة العنوسة
وأكثر شي يفضلونه الي يبون يتزوجون شرط صغر عمرها. .
. .. تخيلي يعني
يكون في يوم بناتنا بهالعمر ويسمون عوانس وانا ماتكلم
من عبث هذا من وجهه نظر دراسات واحصائيات قريتها.غير انه حوالي اشوف هالشي يعني صديقاتي تتزوجوا من عمر
17 والي من 19 سنه
حتى صار الي يبي يتتزوج زوجه ثانيه اهم شي عنده
صغر سنها
المعادله هنيه تختلف وانا بكل الاحوال ضد هالشي ولا اتفق
معه بتاتا... وهي قضيه ترى خطيرة. .
ع العموم عمر فهد اممم مابقول توقعج صح او لا بالاحداث
بنعرف. .
لا خلا ولا عدم. .

وردة الزيزفون ::

هلا والله بوردتنا. .. شنو هالنور كله. . تواجدج كالعاده

تميز وتألق وحروب وخناقات ههههههه. .. وردتنا

خفي على شينة الحلايا شوي ياوالله انج مسويه عليها

حمله من نوع ثقيييل. ... >>> لايقوم علي احد مو انا

الي قلت شينة الحلايا فالبدايه

خخخخخ. ....شفتي كيف بطلع روحي. ..

يعني تعليق تتنازل له حروف الابداع تاجها وتسلمه لج

بدون اي اعتراض. .. يخليج ربي على هالرد الي ولا

اروع. ..تغريد بتقابله عن قصد حتى توضح الامور

لكن في هاللحظة وبتواجدها بتكون زادت الطين بله
ع قولتهم. .. مابتكلم كثير لاني اعرف نفسي يمكن

اقولج وش بيصير بالبارت الياي هههههه. ...


("لاتنسون قراءة سورة الكهف حبايبي. ..في هالجمعه
المباركه )

ليليآآن بصوت رآآح : وخخر عني .. شتبي فيني .. وخر يآآنجس ...
جددده .. ألحقي علي ..



كآآنت تصآآرخ .. ترجف .. وبدون مقدمآآت لف أيديهآ حول جسمهآآ ألي
كآآن متهآلك .. روح مآشآآفهآ غير أنهآ تكآآبر علي شي مآآهي بقده ...
لمهآآ بقوة ورص جسمهآآ على صدره .. وهي صآآرت تحآآول ترفع أيديهآآ
بعنآآد ..


فهد ينحني برآآسه ويحط شفآآته عند أذنهآ : أهدي .. أهدي أنآ زوجج
مآعآآد أني غرريب




هذي هي قدآآمه بقآآيآ وبحضنه كتآآب بشري لقصص وحكآيآ خرآآفيه ..
كآآنت بين أيديه مثل وردة ذآآبله ...
حست بصوتهآآ التعبآآن يتعرى قبآآل هالأيدين الملتفه حولهآآ ..
وهالصدر ألي حضنهآ بليآآ قيود ...
أندفعت ريحة أنفآآسه ألي محملة بريحة السجآآير لرئتهآ بقوة ...
حسستهآآ بمشآآعر هآآيجه .. متخآآذله ..
زوجهآآ ... الغريب زوجهآآ ...!
شلون زوجهآ وهي متأكده أنهآ قآآريه أسم
سآآمي ... بس كل شي أنهآآر أول مآآحط كف يده على رآآسهآآ
يبيهآ تدفن هالملامح في صدره ...
يبي ينسى أنه أخذ وحدة صآآرت تمثل له الألم ...
تشبه لوحدة طعنته في يوم ...
كل ألي يتذكره
أن ضحكته قبل سنين غآآدرته ورحل هو من بعدهآآ ..
كل ألي
يعرفه أنه صآآآر رجل ينتهي ويبدى بحكآيه متمآآثله في التشآآبه ...
كآآنت تبي تسأله :: كيف تزوجهآآ ..؟
كيف أبعدهآ من العذآآب ..
بس أبعدت عنه بسسرعه وهو مآكآآن ينتظر منهآ شي غير أنه تدآرك الحركة ألي سوآهآآ
وعلى طول طلع ...
دخلت الممرضة ومن شآآفتهآ منزله المغذي منهآآ عصبت ..


الممرضه : ليه يسوي جذييييه ..!!
ليليآن وهي ترفع يده مو مستوعبه ألي صآآر : هآآآ
الممرضه تمسك يدهآآ تبي ترجعهآ لسرير : أنتي تعبآآن ..لازم فيه رآآحه ..


أخذت نفس وهي تحس بريحته علقت في ملابسهآآ .. في شعرهآآ
في بشرتهآآ ...
تحركت بخطوآآت بطيئه وجلست على السرير ..

الجده حمده تفتح البآآب وتدخل : يلا يآآبنيتي خلينآ نطلع ..
ليليآآن بصدمة تتكلم : جده .. من ألي تزوجني ..؟
الجده حمده بعصبيه : الشيخ لافي ألي طلبتي منه الزوآآج ...!
ليليآآن جمدت وهي تطآآلع بالجده :من ..؟
الجده حمده : أنتي مآآتوحين
ليليآآن : ..............
الجده حمده وهي معقده حوآآجبهآ : وترآآه زوآآجن بالسر مآآيعرف فيه ألا أنآآ ولافي
وزوج أمج علي
ليليآآن بأندهآآش : بالسررررر ..!
الجده حمده بتأكيد : أيه بالسر .. طبخن طبختيه يالرفلى كووليه ...
ليليآن : أنآآ شفت أسم سآآمي .. متأكده جده .. متأكده .. وبعدين شلون بالسر وصالح وسآآمي..؟
الجده حمده تآآخذ نفس يقلة صبر : صالح سد فمه ولدي بالفلوس وسآآمي
قبل لا يملج عليج بلغ عليه علي الشرطة وسحبوووه مدري وش أتهمه فيه .. تبين تمشين ولا تقعدين
الممرضه فتحت عيونهآ : شنو يمشي ...؟
الجده حمده بقهر : عطينآكم فلوسكم وش تبون بعد ...!


هذي هي كمآآئن الصدف .. أقدآآر مآآمنهآآ مفر ...
وااقف بصمت عند العربآآنه وهو متسآآند بكتفه على بآآب السآآيق
ينطر الجده وبنت عمته ألي تزوجهآ بالسر يطلعون من المستشفى ..
مآآزآآل فيه أورآآق لازم يروح لسفآآرة الفرنسيه حتى يخلص من هنآك
أجرآآءات الزوآآج ..رفع عيونه لشمس هالصبح ألي يآآمآآ تعود عليهآآ تشرق
كآآسره وهم جميل بدآآخله ...
يتنفس بهدوء ودقآآت قلبه على رغم الأنبهآآر فيهآآ
لازآآل ينبض بأنتظآآم ...
أنبهآآر من ألم أرتسم في ملامحهآ ..
من شي يحس أنه سوآآه وهو كآرهآآ ...
أبعد عن البآب وفتحه حتى يركب ويشغل السيآآرة أول مآآلمح أمه طلعت
وورآهآآ ليليآآن تمشي بتعب وبطء ...
مر ذكرى أمس أول مآآدخل عليهآآ بالشقه ولمحهآ تركض هرب منه
متوجه للحمآآم ..
كآآن متشوق يشوف ردة فعلهآآ لا عرفت أنه خلاص صآآر زوجهآآ ...
بس فآآجأته بهروبهآآ ..
ومآآيمديه يلحقهآآ ويسرع بخطوآآته ألا نطت بقوة ودخلت الحمآآم ..
أبتسم من هالحركة ألي كآآنت مدفوعه بخوف منه ..
طق البآآب وظل يطقه بدون أيه فآآيده .. صآآر يحآآول يتذكر أسمهآ بس عجز
للحظة نسآآآه ... وصآآر ينآآديهآ بــ ( يآآبنت ) وبدون أيه فآآيده ...
رآآح وجلس على كنبه ينطرهآ تهدى تطلع على الأقل .. بس كل شي بدى
يزيد عن حده أول مآرجع يطق البآآب وبدون أي رد ..
وآخر شي قرر يكسر البآآب .. صآآر يدفه ويرجفه برجله لين أنفتح
حتى يشوفهآ متمدده والكلوركس مفتوح وفمهآ لونه مآيل للأزرق ...
شآلهآ مثل المجنون مغطي ملامحهآ وأخذهآ للمستشفى ...
كآآن خآآيف عليهآ تموت قبل لايقولهآآ أنه مآآهآآن عليه
يتركهآآ لوآحد طلعهآ من بيت الشيخ لافي غصب وقدآآمهم ...
رجولته مآآسمحت له يظل مكتف ...


دق جوآآله وبسرعه مآآل مطلعه من جيبه .. وهو تآرك بآآب السآآيق مفتوح ..


فهد : ألو ..

.......... : والله لا تندم يالوآآطي .. أنآآ تدخلني السجن وتخليني فيه يالتسذووب ..
فهد رفع حوآآجبه بأحتقآر : سآآمي ..!
سآآمي : ع بالك حرمتني من خطيبتي ... أنآآ متزوجهآ متزوجهآآ .. ووالله لا أخليك تندم
ع قد شعرك
فهد رص على أسنآآنه : عآآرف أنت منو قآآعد تكلم ..
سآآآمي بطنآزة : من لايكون أوبآآآمآ وأنآ مدري
فهد بهدوء شحنه بنآآر ولعهآ كلامه بقلبه : والله فيك الخير يالرخمه يوم أنك تعرفه ..
أن كنت رجآآل تعآآل وآآجهني
سآآمي بصرآآخ : أييييييه رجآآل ... ليليآآن تحبني ويآآمآ كلمتني وصآآر صوتهآآ
ملك لي .. مستحيل أنت وأشكالك تمنعوني عنهآآآ ..
فهد وهو يرص أصآآبعه على الجوآآل : يصير خير .. لاشفنآ بعض علمني وش تعرف
عن البنت .. هآآآآ ...
سآآآمي : بنتوآجه بليل وبجيب صآآلح معي ..
فهد لوى فمه : طيب ...




فتحت الجده البآب ألي ورآآ وهي تبعد الأكيآآس عشآآن بنتهآآ ..ومن جلست ليليآآن
سكرت البآآب وفتحت البآآب ألي قدآآم حتى تركب ..


الجده حمده تنحني حتى تجلس على السيت : بسم الله ..( سكرت البآب وبهدوء ) أبلشتني هالممرضه ..
فهد وهو يرمي جوآآله ويسحب نظآآرته بلونهآ الأسود مخبي فيهآآ نظرة
عيونه ألي تشتعل غضب ونآآر : ليش ..؟
الجده : مدري عنهآآ تقول أن بنيتي تعبآنه
فهد بصوت عآلي وقهر : وهي شكو .. دكتور هي وأنآ مدري ..
الجده حمده لفت له : ورآآك عصصبت ..
فهد بعد صمت وهو يتحرك بالسيآآرة : ولا شي ...


أخذ نفس ومسرع مآمد يده وشغل المكيف ..


الجده حمده : رحت للجآخور ..؟
فهد وهو يحآآول تكون نبرته هآآديه : أيه ترآ كومآر ذآبحته النشله
الجده حمده بخرعه : أعوذ بالله ..
فهد يلف يطآلع جدته : خفتي عليه ..!
الجده حمده : أييه .. هذآ ألي شآآيل الجآخور فوق رآآسه يآآوليدي
فهد يرجع يطآآلع الشآآرع : صآآجه ..



مغمضه عيونهآ تستمع لسوآآليفهم بصمت ...
مآآهي مصدقه أن سآآمي رآآح بخيره وشره عنهآآ ...
رآآح بعذآآبه ..
وقفت عن التفكير مآآتبي تفكر بشي ألا بعد مآآترتآآح ألي مرت فيه كآبوس ..
كآبوس أزعجهآآ حد الألم ..
وقفت السيآرة وعلى طوول فتحت البآآب ..


فهد : يمه ترآ بروح لسفآرة .. في أورآق محتآآجه توقيع ..
الجده حمده تفتح بآآبهآآ : طيب يآآوليدي فمآآنة الله ..



.......... : فهد أنطططر ..


لف لمصدر الصوت حتى يشوف أخوه سيف طآآلع من بيت الجده لابس بنطلون
رصآآصي على تي شيرت أسود ..
طالعه بنظرة من فوق لتحت .. وعلى طول فتح البآآب ونزل من السيآآرة
رآآيح له


فهد يتقدم لأخوه تحت المظله ويسلم عليه : سيف صآآير شي ..
سيف يرفع نفسه ويسلم عليه : وش دعووووة .. ترآ قسسم بالله ويهي أبد مو ويه
مصآآيب ..
فهد أبتسم : لا حشآآك ..
الجده حمده بعصبيه : أطلع من بيتي ولا أشوفك دآآخله بهالخلاقين
سيف : أفآآ يآآيمه ,,أفآآ .. خليني أسلم عليج بس .أبوس رآآسج يمكن أنجح بدون درآآسه
بركة هالبوسه
الجده حمده ترفع يدهآ : أن قربت مني لا تلوم غير حالك ..
فهد : هههههههههههه ... ( مسك سيف ودفه لسيآآرة ) أركب بوصلك للبيت ..
سيف يقرب من أخوه وبصوت يقآل أنه وآآطي :معك فلوس ..
فهد ينزل نظآرته الشمسيه : ليه تسأل ..
الجده حمده بهآآوش : ليه .. هذي الفلوس لو تكلمت قالت فكوني منه ..
سيف بنظرة مكسورة : يآآخوووك جيبي مآفيه غير مية فلس .. وطلال صآآير قعييييطي ..
تقول له 5 دنآآنير تقول قآآيل له عطني 500
فهد يدخل يده في جيبه ويطلع بوكه : كم تبي ..؟
سيف : أنت وهالبوك كرمى وأنآ أستآهل
فهد وهو يصغر عيونه : تكفيك 10 ..
سيف يسحبهآ بسرعه من شآفهآ : نعمة كريم .. يلا سي يوو ..( رآآح يمشي بس وقف
كأنه تذكر له شي ) ترآ عبير دآآخل تنطرك ألله يعينك عليهآ
فهد بصوت عآآلي : على وين ..؟
سيف يروح يركض طآآلع من تحت المظلة ع الشآآرع : رحييم ينطرني قريب من هنيه ..


هزت الجده رآآسهآآ بأسف ورآآحت تمشي وليليآن تتحرك ببطء وتعب .. وصلت لبآآب الشآآرع
حتى تدخل منه على الحوش وتشوف عبير وآآقفه ومن شآآفتهآ
صدت بعيونهآآ عنهآآ .. رفعت ليليآآن حوآآجبهآآ وكأنهآآ تنطر منهآ سلام أو حتى كلمة ..
هالشي تبيه من زمآآن ..

الجده حمده تدخل وعلى طول تقدمت عبير تسلم عليهآ : أخبآآرج يمه ..؟
الجده حمده بفرح : بخير .. من متى أنتي هنيه ..؟
عبير بأبتسآآمه دآآفيه : أمممم ييت مع عمتي الجوهرة لأني أمس كنت نآآيمه عندهآآ ..
الجده حمده بخرعه : الجوهرة هنيآآ .. ( رفعت صوتهآ مبتعده عن عبير ) أنطري يآآبنيتي ..
ليليآآن لفت صوب الجده وهي تنزل شيلتهآ وبصوت خآآفت .. متعب : يممه مآآلي حيييل أوقف برتآآح
الجده تتقدم منهآآ : عآآرفه ..

طلعت الجوهرة بخرعه للحوش وهي تطآآلع ليليآآن مو مصدقه أنهآ تشوفهآآ ...



الجوهرة تتقدم لهآ : ليليآن ........
الجده حمده بصرآآمه توقف بين ليليآن وأمهآ : لاتقربين منهآآ ويالله شيلي حآآلج وأطلعي
من هالبيت
الجوهرة بصدمة : يممه ..!!


دخل فهد خطوة ومن شآآف عبير أبتسم وعلى طوول هي بآست خده وكتفه ..


عبير : أخبآآرج ..؟
فهد وعيونه غصب تروح لهم : الحمدالله ..


الجده حمده تنآآدي : ميييييري .. يآآمييييري
الجوهرة مو فآآهمه شي : شسآآلفه يمه ...
ميري تطلع من بآآب المدخل : يس ..
الجده حمده بهدوء : تعآلي خوذي بنيتي وحطيهآ بغرفتي ولا ريحتيهآ على الفرآش
قفلي الغرفه عليهآ وهآآتي مفتآآحهآ لي ,,
ميري تهز رآآسهآآ : أووكي ..



رآآحت صوب ليليآآن ألي الدنيآ بدت تدور فيهآ ومآآعآآد هي قآآدرة حتى تفتح عيونهآآ


الجوهرة : ليليآآن شنو فيهآ...؟
الجده حمده بقسآآوة : لا مقطعه حالج أشووف على بنتج .. أسمعيني يالجوهرة علمن
يوصلج ويتعدآآج هالبنت دآآمهآ في بيتي فهي بنيتي وألي بيطولهآآ بكلمة
وحدة بيتي يتعذره ... وقولي هالكلام لزوجج وأخوج فلاح ..
ولا عآآد أبي منهم لا سلام ولا كلام
الجوهرة تطالع بنتهآآ ألي وجهآ أبد مآيطمن ومسرع مآآطآآلعت حمده : يممه لا تلوميني وألي
سمعته من أخووي شي جبير ..
الجده حمده تقآآطعه : أنتي أم أنتي .. !! شنو له متعبه حآآلج وجآآيبه عيآآل .. هآآ ..
أنآآ لو سمعت كلمة سوء فيج والله لا قص لسآآن قآآيلهآآ


<<

<<

<<


كــــــــــــــــــــــت ..


يوم أو يومين وبجهز البآآرت القآآدم

تحيآآتي