صباح الخيرات ..........كيفك هموسة راح انظم لك هنا بعد وبحط تعليقي في كل بارت ان شاء الله وراح ابتدي من البارت الثاني هنا

......تسلم ايدك هموس على البارت الحلو ..........امممممم باين انو الشخصيات كثيرة بس ان شاء الله مانخربط فيهم مثل ماقلتي بالبداية صعب نركز فيهم بس اكيد مع الاحداث راح نحفظهم .......تعودت على اسلوبك برواياتك الي قبل كنتي كل فترة بين الاحداث تطلعي شخصيات جديدة ويكون لها ترابط بين الشخصيات القديمة

العنود ومشاري

العنود دام مشاري مو عاجبها ليه تتزوجه من الاصل اعتقد انو هو ولد عمها وعارفته والا لانه طيب بنظرها ضعيف شخصية ومعتقدة لو انو مثل فارس بتكون سعيدة اكثر يمكن لو هو مثل فارس اول المتضررين هي صحيح بني ادم مايعرف قيمة النعمة الي هو فيها الا اذا فقدها والعنود اذا استمرت على برودها ونفورها من مشاري ماراح يصبر عليها مشاري والي خلقها خلق غيرها ...........بس احس هالشي ماراح يصير الا اذا فارس تزوج ومن غيرتها من زوجته بتطلع خباثتها

شجون وغريب وفرح

فرح ماتوقعت انو حياتها بتكون بهالشكل توقعت انها بتكون مدللة عند ابوها بس الي هي فيه عار كبير تبيع نفسها ولها وجه تقابل الناس وهي تجاهر بالي تسويه .......ويوسف اعتقد انو سبق وشافها بموقف او انمسكت بالجرم لذلك يعرف الكثير عنها بس هل بيكون له احتكاك معاها ويغيرها ؟؟؟؟؟؟

اما غريب قصته مأساوية انا ماالوم فاطمة على كرهها له لانو بالنسبة لها عار ولد حرام لو انكشف سره لزوجها يمكن تخسر بيتها وماحد بيصدق انها ضحية .......بس بعد غريب ماله ذنب وربي يكسر الخاطر بس ربي كاتب له انو ينخلق ويظهر على وجه الدنيا المفروض فاطمة من البداية مخبرة زوجها وهي في نفس مكان الجريمة علشان هالعامل ياخذ جزاه لايعيد الي سواه في غيرها ......... مع انو لو تكلمت وثبت حملها مثل ماهو الولد شرعا ماراح ينترك عندها لانو ولد حرام وراح يحطوه بدار للايتام ..........يعني في جميع الاحوال غريب ماراح يعيش عيشة طبيعيه الله يعينه تحاسب على جرم وذنب ماله يد فيه .........اتمنى انو يكون حقق حلمه على الاقل يعوض نفسه في الكبر عن الي انحرم فيه بصغره متشوقة لظهور شخصيته ونعيش كل الامه وافراحه

اما شجون وربي حالها صعب بس كبرت بعيني فضلت الحلال حتى لو كان صعب عليها بس مافرطت بنفسها واغضبت ربها وعجبني تمسكها بدينها ........ومااعتقد انها اقل من فرح بالجمال لا بس شكلها موحلو لانها ماتتغذى كويس واكيد عندها ضعف بدمها فبشرتها ماراح تكون فاتحة وصحية وشعرها بيتساقط وبيتلف من قلة الاكل الصحي غير كذا شغلها بالشمس الحارة راح تأثر على لون بشرتها واذا لقت عناية ورعاية وراحة نفسية وجسدية بتتغير وبيبرز جمالها وحتى لو كانت اقل من فرح بالشكل بس عندها جمال داخلي وصبر وايمان قوي وهذا الشي يميزها عن اختها

ماادري هل بيتحقق حلمها مع غريب او بيكون مصيرها مختلف عن مابذاكرتها وهل ممكن يكون نصيبها مع فارس المغرور ماادري ليه ربطته فيها مع انو مايقرب لها اصلا

سحر ومشاعل وشعاع

سحر ومشاعل حبيت شخصيتهم واحس بيكون لهم مواقف وعلاقة بشجون وهل ممكن عن طريقهم تكون تغيرات حياتها بسببهم يعني يكون نصيبها لفارس او عبد الرحمن ماادري او هل بيكون غريب على وعده لها

سحر بما انها بنت عم عبد الرحمن هل ممكن تكون له في النهاية او تاخذ فارس الكريه بعد متشوقه لقصتها

شعاع ايش سبب عجزها هل هو من الولادة او حادث وليه العلاقة بينها وبين فارس سيئة وهل له يد في الي صار طيب حتى هو يكرهها مو بس هي ........وعبد الرحمن ماكره خاله الا لشي قوي ...متحمسة اعرف قصة شعاع اكثر واكثر


اعتقد انو الشخصيات الي بتظهر بيكون لها علاقة مع ابطالنا الحاليين تعودنا منك الربط بين الشخصيات وتداخلهم مع بعض وتغييرك لمجريات الاحداث بأشياء غير متوقعة متحمسة كثير للجاي ..........في انتظارك ياقلبي

حبيتي وغاليتي ووردة الزيزفوون
الشكر قليل قليل بحقك
مهما قلت وكتبت ماوفيك حقك
اسعدني فعلا تواجدك هنااااا
دائما معي ودائما
ولا احس بقيمة كتابتي الا فيك
ادخل وابحث عن ردودك المميزة والمهمة لي
غاليتي وحبيتي
انتي فعلا أخت ماجمعنا بطن واحد ولكن جمعنا منتدى واحد
لن انسى وقفاتك لي وتشجعيك وتحفيزك لي
دمتي لي بوود
محبتك دوما
هـــــــمــــس

الــ ج ــزأ الــثــالــث
في الاستراحة
سلطان: العب فارس وخل عنك الجوال يرحم والديك
فارس: اصبر علي شوي وطلع برا يكلم صديقه احمد طيب حجزت لي
احمد : ايه لقيت حجز لاحلى مدن اوربا
فارس: وين ؟؟؟؟
احمد : فرنــــــســـــــا
فارس: اوووه حلووووو وناسه
احمد: ايه وناسه موووت ناخذ راحتنا لاهيئه تراقبنا ولاغير
فارس: صدقت ماحد يقدنا نسهر ونلعب مع بنات على راحتنا طفشت من التقييد هنا هنا فرررري سوي كل شي على راحتك
سلطان: يالله فارس كل هذي سوالف صارت سوالف حريم موب سوالف رجال
فارس: احمد لازم اسكر الحين هالغثيث سليطين ازعجني يناديني جوا بس لاتنسى اكد الحجز
احمد: اوك ولايهمك
فارس: سكر ودخل عند الشباب
سحر: كانت رايحة تتمشى جنب قفص الارانب لانها تحبها وسمعت مكالمة فارس ميلت شفايفها مالوم نفسي لو كرهتك داشر اعوذ بالله رجعت تدخل جوا الا بسيارة مشاري تدخل جو وينزل منها مشاري تغطت زين وتسترت ولازم تمر من عنده علشان تروح للدكة الي جالسين فيها البنات
مشاري: عرفها لانها يذكرها من يومها صغيرة ويلاعبها مع اخته مشاعل وبنت اخته غلا ابتسم بحنان اهلين سحر كيفك
سحر: بصوتها المميز ببحته هلا وغلا الحمد لله انت كيفك
مشاري :تمام ايش الي مجلسك هنا؟؟؟
سحر: تخربطت لانها طبعها خجول وماتحب تتكلم مع ناس مو محرم لها حتى لو كان مشاري الي متأكدة ان نيته زينه ومافك الميانة الا لانه مازال يعتبرها صغيرة بس الخجل مايفرق قالت بخجل كنت اشوف الــ مممم
مشاري: اشر باصبعه وفتح عيونه لاتقولي كنتي تشوفي الارانب وضحك عليها
سحر: غاصت بهدومها وماقدرت تتكلم
غلا: جت مسرعة ناحيتهم وتدخلت مثل عادتها ياحليلك ياخال مازالت هالهبله تحب الارانب تظن نفسها مازالت نونو وعمي وانت تهدون لها ارنوب صعنون كل ماتكمل سنة جديدة من عمرها ههههههههههههه
سحر: نفسها تكفخها بس ساكته مستحيه من مشاري ورجولها مو شايلتها
مشاري: سحوره تظل صغيره بعيوننا وان شاء الله اذا كملت 19 سنة راح اهدي لها 19 ارنب كل ارنب مقابل سنة حلوة وجديدة من حياتها وانتي ياغلو موتي بغيظك وضحك وراح وخلاهم
سحر: ماتحركت من مكانها
غلا: تأشر بيدها هيه بنت تراه راح اكشفي
سحر: ساكته وماتكلمت بشي
غلا: يا أختنا الفاضلة هيه تحركي خلينا نروح للبنات تلقينهم اكلو علينا الشيبسات وشربو والببسي كله
سحر: مازالت ثابته
غلا: قربت منها تكشف غطاها وهي تقول اللهم سكنهم مساكنهم بس تفاجأت ان سحر وجهها مولع نار وواضح انها معصبه حيل
غلا:فسخت صندلها وجري
سحر: تجري وراها وغلا تصارخ وصلو عند دكة البنات وطبت سحر على غلا وتشدها من شعرها
مشاعل ومها فز سحر بلا جنون
غلا: ااااي فكوني منها
سحر: علشان هالحمارة مرة ثانية تربط لسانها ولاتستخف دمها قدام خالها وتحرجني
غلا : ميتة ضحك
سحر: تشد عليها بعد تضحكي
غلا: وهي تمسك ضحكتها خلااااااص توبة سحورة توووووبة
سحر:خلتها وجلست واخذت فاين تمسح وجهها
مشاعل: ممكن تفهموني ايش صاير
غلا: قصة لهم القصة وهي تضحك
مها:ياويلكم من زوجته العنود لو شافتكم تهبل فيكم
مشاعل:بحزن اصلا من قالك ان العنود حاسه فيه
غلا: الاتموت فيها من يحصل لها رجال زي خالي مشاري حبوب وخلوق وطيوب حيل
مها: لاتلومينها العنود جميلة حيييييييل ومع احترامي لمشاري مو قد جمالها العنود طول وعرض وبياض صارخ ((( مها بنت عمهم بعد )))
سحر: عمرنا ماقسنا جمال الرجال بجمال وجهه الرجال ينقاس بجمال اخلاقه وماشاءالله عليه مشاري مافيه اطيب ولا احن منه في العايلة وانا بالنسبة لي جمال العنود مايعجبني كل شي فيها حاد عيونها كبار مرة ماشوف في عيونها جمال طولها بارز ماحس فيها نعومة
مشاعل: اقول يابنوته ياكتكوتة خلي عنك مشاري والعنود مالك الا شيخ المزايين فارسوووه
سحر: يييييييييييييييييييييع
البنات: هههههههههههههههههههههه
مها: يامجنونة احد يحصل زي جمال فارس ويرفضه
سحر: انا كيفي مجنونة مهبولة كيفي ماواطنه ياناس ماطيقه
غلا: تناظر اظافرها ايه مابعد الكره الا حب ماحست الا بالمركى على راسها اااااااي وجع
البنات ههههههههههههههههههههه
*******************
سلطان: ايش عندك انت واحمد
فارس: وهو يلعب بالبالوت ابعد الزقارة عن فمه حاجز لي انا وياه رحلة لاوربا تبي تروح معنا
سلطان: لافكني مو راعي هالخرابيط انا وانت تعرفني زين ماعندي اصلا جواز احمد ربي ماعمري سافرت للخارج اصلا
فارس: شفط شفطة من زقارته ياخي روح ووسع صدرك
سلطان: عاد الي يسمعك يقول ميت بالبنات الي تشوفهم او تتعرف عليهم ماعمرك شفت بنت الا تشبكها ان كثرت اسبوع بعدين تهزاها وتهينها وتتركها
فارس: لانهم كلهم حثالة ومافيه بنت شدتني او اعجبتني اتسلى فيها ثم ادوسها زي مادوس زقارتي هذي
سلطان: اتمنى اشوف بنت تجيب راسك وتسرق قلبك
فارس: الي تحاول تسرق قلبي راح اقطع يدها قبل تسرقه انا فارس مو أي واحد
سلطان: لاتغتر مرة بانك جميل والبنات يموتون فيك صدقني راح يجي يوم وتطيح بنت بحبها
مشاري: السلام عليكم
فارس: على طول طفى الزيقارة وعليكم السلام هلا والله بابو بندر
مشاري: كح كح الله يهديك كتمتنا بدخانك ربي ابتلاك فيه لاتبلي غيرك
عبدالرحمن: وهو يلعب بلاستيشن وش تقول ياخال ناس ماعندهم احترام لغيرهم
فارس: رمى الورقة وقام عليه لاتطول لسانك على الي اكبر منك
عبدالرحمن: وقف بعصبيه اذا صار الي اكبر مني مايعرف يحترم غيره ولايرحم ولايحن على اقاربه ماله احترام عندي
فارس: انا خالك غصب عنك وعن الي خلفوك
عبدالرحمن:مايشرفني تكون خالي
مشاري: خلاااااااااااااص انت وياه مافيه احترام ولاتقدير للي اكبر منكم اول مادخلت تستقبلوني كذا احسن اطردوني وريحو عمركم وترا الشيبان بالخيمة لو اسمعو صوتكم راح تكون مصيبة
فارس: جلس وهو يناظر عبدالرحمن بحقد
وعبدالرحمن : طلع من الغرفه كلها ماحس الا باليد الي تمسك كتفه
مشاري: افا عليك وانا خالك كذا تغلط على خالك فارس
عبدالرحمن: ارجوك ياخال مالي الا خال واحد اسمه مشاري وبس
مشاري: يظل فارس خالك صح انه عصبي بس تراه قلبه حنون
عبدالرحمن: التفت بعصبية خال ايش تقول فارس حنون لو فيه ذرة حنان ماترك خالتي شعاع كل هالمدة بالله عليك ياخال هذيك النسمة الي ماتعرف تأذي احد ولاتجرح احد تستاهل كل هذا منه خال يمكنك ماتقرا الالم والعذاب الي اقراه بعيونها تراها تخفي ورا ابتسامتها الشي الكثير وربي اغلب ليالي انام وانا ابكي كل ماتذكر حالتها ليه انتم مو حاسين فيها ليه وراح وركب سيارته وخلاه
مشاري: كان يتابع عبدالرحمن بنظراته ومامنعه انه مايروح تنهد بضيق ويكلم نفسه ومنو قالك ياولد اختي اني ماقريت الألم في عيونها وان قلبي مايتقطع الف مرة وانا اشوفها تذبل قدام عيوني ومو قارد اسوي لها شي ااااااااااه بس الي فات فات والي انكسر ماراح يتصلح ابد
دخل مشاري جو الغرفة وهو سرحان بكلام عبدالرحمن
سلطان: وين عبدالرحمن يامشاري؟؟؟
مشاري: بألم راح
سلطان: افا راح قبل مايتعشى
مشاري: رفع عيونه وناظر فارس بعتاب ايه اهم شي راحته
هيثم: يالله ادخلو تقول الحريم العشاء جاهز
مشاري: تـأخر بالدخول للعشاء يوم مر من عنده فارس شده مع يده وجلسه جنبه يوم فضت الغرفة كلمه ياخوك الى متى تظل انت وعبدالرحمن كذا مهما كان هذا ولد اختنا الغاليه نوال لاتخلينا نحس لاننا مواشقائك ماتهتم فينا ولابعيالنا
فارس: نوال تعرف حبي لها وانت يابو بندر غلاك فوق الراس وماعمري حسيت بيوم انك موشقيقي بعدين هو راكب راسه ويكرهني وكل مايشوفني يدق بالكلام علي
مشاري: تعرف ليه يكرهك سكت شوي فارس الى متى تظل انت وشعاع كذا وو
فارس: رفع يده يعني لاتكمل وقام ياخوك الكلام بالي فات نقصان بالعقل
مشاري: وقف جنبه وحط يده على كتفه ياخوك الي صار صار بقدر ربنا ولازم تحن عليها هذي اختك شقيقتك هذي شعاع يافارس شعاع الي كانت زي الشمس ببيتنا تمده شعاع بضحكها ومزحها نسيت يافارس كيف كنتو تحبون بعض يوم طاحت واحتاجت لك تخليت عنها فارس ن...
فارس: خلاص لاتكمل يرحم والديك مابي اسمع شي خلوني براحتي خلاااااص مابي اسمع شي وطلع من الغرفة بس ماراح يتعشى راح يشرب زقاير وحدة ورا الثانية لعلها تطفي القهر الي بقلبه
************************
في سيارة عبدالرحمن
عبدالرحمن: وصل لبيت جده بندر وطلع مفتاح البيت وطلع فوق لغرفة شعاع ناظر غرفتها شاف نورها مفتوح فرح انها مازالت صاحية طق بابها
شعاع: سكرت كتاب ابن كثير البداية والنهاية وابتسمت ادخل دحووومي
عبدالرحمن: فتح ويوم شافها ابتسم ابتسامة كبيرة وتنهد براحة وقال بقلبه سبحان الله مجرد شوفتها تشرح صدري ويروح همي سكر الباب اهلين ياساحرة
شعاع: اهلين يامشعوذ ههههههههههههه
عبدالرحمن: عساها دوم الضحكة يارب
شعاع: بطاعة ربي ثم بوجودكم حولي بس قلي ماسرعك رجعت
عبدالرحمن: طفشت ورجعت
شعاع: افا لايكون صار بينك شي انت وفارس
عبدالرحمن: تعشيتي ؟؟؟
شعاع: عبدالرحمن لاتصرفني جاوبني صار شي بينك وبينه
عبدالرحمن: شي بسيط ماينذكر
شعاع: وانت كل ماتشوفه تنط له بكلمة
عبدالرحمن: تصدقين افرح يوم اشوفه متنكد ومعصب
شعاع : بعصبيه لاياعبدالرحمن لااااا مهما كان هذا خالك وقبل مايكون خالك لاتنسى انه اخوي قطعة مني من لحمي ودمي ومايهون علي احد ينكد عليه او يجرحه بكلمة
عبدالرحمن: بعصبيه وهذا الي قاهرني وهذا الي محرق دمي انتي تموتين فيه وتدافعين عنه وهو يكرهك وتخلا عنك كل اهلك مانسوك كل اهلك وقفو حولك الا هو منعته غطرسته وكبره وعجبه بنفسه انه يجيك يسال عنك يوقف مع اخته الي كانت توأم روحه
شعاع: بلعت عبرتها يكفي عبدالرحمن والكلام اذا طال يكون ماله معنى ولافيه فايدة اذا كنت تغليني لاتجرح فارس ولاتضايقه ابد
*********************
في الإستراحة
تفرقو وكل واحد راجع لبيته البنات واقفات ينتظرون اخوانهم
مشاعل: واقفة جنب مها تنتظر اخوانها
سلطان: وقف على جنب ينتظر امه واخته سلطانة طلعت ...
ام مشاري وراح وسلم عليها بدون مصافحة طبعا اهلين ياخالة كيفك طمنينا عنك
ام مشاري: بخير فديت قلبك ماشفت فارس
سلطان : اركبي ياخالة انا اوصلك
ام مشاري: لافديت قلبك راح يجون عيالي الحين ان شاءالله
سلطان: افاا ياخالة انا وعيالك واحد والبيت جنب البيت
ام مشاري: يافديتك ماتقصر بس تعرف فارس اخاف يزعل
سلطان: ماعليك منه الدوب انا اادبه لك ههههههههههههههههههه
ام مشاري: الله لايحرمني منك ولامنه بس خلاص هذي سيارته جت
مشاعل: تتابع كلام سلطان مع امها وهي ضاغطة على يد مها بدون ماتحس
مها: ااي وجع يدي يامجنونة
مشاعل: هاه اسفة آلمتك اسفة ياقلبي
مها: تتريق عليها بكل برود هاه اسفه آلمتك عارفه الي ماخذ عقلك يتهناء فيه
مشاعل: لاتلومني يجنن يامها يجنن ادب وذوق ليته يعلم الذوق شوي لاخوي فارس
مها: عاد سبحان الله يموتون ببعض
مشاعل: ايه سبحان الله اصحاب واشد من اصحاب من أيام الطفولة بس عادات سلطان تفرق كثيررر عن اخوي فارس
مشاري: جاء بعد فارس وركب العنود قدام شاف اخته نوال واقفة هي وغلا وسحر نزل نوال ترا عبدالرحمن راح من زمان
نوال: الله يهديه راح وخلانا
مشاري: بابتسامة تلقينه رايح لشعاع وناسي العالم تعالي ياختي اركبي معانا
نوال: لاياخوي ابدق على عبدالرحمن او ابوه يجون ياخذوننا
مشاري: والله ماتجيبنهم مشوار واحنا داخلين داخلين ياختي لو ابشيلكم على راسي فداكم مو عاد طريقنا واحد والبيوت قريبه حيل من بعضها اركبي يالله
نوال: ماتحب تركب تخاف تضايق العنود وبنفس الوقت ماتبغى تزعل اخوها استعانة بالله وركبت
غلا: طول الوقت تضحك وتسولف وتمزح مع خالها
مشاري: مبسوط من سواليفها ويضحك على هبالها
غلا: خالي ياقلبي انت وياروحي انت ويادنيتي انت ممكن تشتري لي موكا بارد
مشاري: ياليل المصالح بس هههههههههه
غلا طلبتك خالو وربي مشتهيته
مشاري: امرنا لله وقف سيارته وسأل كل وحدة عن طلبها جاء دور سحر سحر ايش مشروبك ؟؟؟
سحر: لامشكور مابغى شي
مشاري: افا سحورة ماراح احرك حتى تطلبين
غلا: زيي خالو تحب موكا بارد ماعليك منها مسوية البنت المستحيه
سحر: قرصتها
غلا : آآآآآآآآآآآآآآآآآآآآآآآآآآي وجعه يالدوبا
مشاري: قسم مجنونة وضحك وطلب لهم وحرك
سحر: ميته من الحياء
العنود : تغلي من الداخل وماتكلمت ورفضت تشرب شي مع ان مشاري تعب وهو يترجاها تشرب
مشاري: مسك يدها بعد مانزلهم وحرك ليه حبيتي طول الطريق ساكته
العنود : بعدت يدها بسرعة أسال نفسك ونزلت من السيارة وسكرت بابها بقوة وطلعت غرفتها
مشاري: راح وراها بسرعة افا عنودي ليه زعلانة وايش مضايقك
العنود : ياسلام تستعبط سحورة وماسحورة
مشاري: فديت الي تغار ياعالم وربي اني اعتبرها زي اختي ميشو وغلا المجنونة ايش جابني لها هي صعنونة ومن يوم تجي بيت عمها وانا ارحمها واحن عليها كانت غلا كبرها وتاخذ حقها وهي دايم هاديه وساكته وواضح عليها انكسار اليتيم صعب تعيش بدون ام وابو يالعنود انا ابحسسها انها موغريبة عنا انا جربت يتم الأم يالعنود واحس بمعناتها
العنود: بس كل شي له حدود
مشاري: قرب لها وهي صادة عنه وحط يدينه على كتوفها اموت بغيرتك قسم
العنود: التفت له موغيرة بس المسألة مسألة احترام لوجودي
مشاري: اختفت ابتسامته ونزل عيونه وتنهد بضيق وراح متجه لدورة المياه يتحمم
العنود: تكتفت بعدين ماعمري ابد رحت او جيت لحالي لازم معاي احد
مشاري: الظاهر ركبت اختي وبنتها مو وحدة غريبه
العنود: ليه ماتركب مع فارس والا له هيبته والكل يحسب له الف حساب وزوجي ياحسرة ماله هيبة في قلوبهم
مشاري: لو أهلي يهابوني كان تبريت من عمري وكرهت نفسي انا احبهم وابغى زي ماحبهم هم يحبوني عمر الخوف ماجلب محبة يالله على اذنك اباخذ دش وانام
العنود: بدون نفس نعيما مقدما
مشاري: الله ينعم عليك
*************************
في مزرعة ابو رامي
خلصت الحفلة والكل تفرق
فرح: تلبس عباتها علشان ترجع البيت
ابو ررامي: وهو معاه كاسة الخمر تراني حجزت لك انتي ونادين ورها تسافرون معاي لفرنسا
فرح: وهي تلف شيلتها عقدت حواجبها متى؟؟؟
ابو رامي: بعد شهر
فرح: كذا بدون ماتشاورني
ابو رامي: بضحكة هزت مزرعته ضحكة تريقه ومن متى وانا استأذن الانسة فرح عفوا على كلمة انسه نسيت انك ماصرت آنسه وضحك ضحكة اقوى منها
فرح: تنقهر من تصرفاته وغروره وعجرفته واحتقاره لها بس ماتقدر ترد عليه بضيقة بس ولو يابو رامي لازم تسألني انا عندي دراسة واختي ماقدر اتركها
ابو رامي: قرب منها ونفث دخان معلسه بوجهها بعد شهر فيه اجازة اسبوع تروحي وترجعي واختك مو آكلها الذيب
فرح: وهي تبلع ريقها ارجوك ابو رامي اعفيني عن هالسفرة ماقدر اروح شجون ماقدر اتركها ابد ان وافقت نادين او رها يكفون ويوفون
ابو رامي: وهو يقرب منها اكثر تعرفي انه مافيه وحدة زي دلعك وجمالك وجاذبيتك وكل زبايني الخاصين يطلوبنك انتي بالاسم
فرح: تنهدت بضيق يصير خير يالله مع السلامة تأخرت حيل الساعة تعدت ثلاثة
راحت للبيت وهي مهمومة وتفكر بسفرها دخلت غرفتها هي وشجون شافتها وهي نايمة بعمق وواضح عليها التعب قربت منها وتمسح على شعرها قالت بهمس ياروحي انتي اكيد تعبت نفسها بالشغل اليوم علشان تجيب لابوي فلوس تشوف ملامحها تنهدت بضيق الي يشوفك ياشجون يعطيك اكبر من عمرك سواد حول عيونك بشرتك خشنة وسمرت حيل نحف واضح عليك الله يسامحك ماترضين تاكلين من الي اشتريه تكرهيني وتكرهين حتى فلوسي تذكرت كلام ابو رامي ياربي كيف اسافر واخليها شوي الا يدق منبه شجون
شجون: فزت وسكرت المنبه يوم شافت فرح وشافت ملابسها الفاضحة ومكياجها وزينتها الصارخة وريحة عطرها الفواح عقدت حواجبها وقامت
فرح: وين لسه باقي ماأذن
شجون: بدون خلق ابصلي وتري قبل مايأذن الفجر
فرح: تقبل الله ياروحي
شجون: بعصبية ارجوك لاتقولي روحي مو من الي تغرينهم بكلامك المعسول
فرح: قامت ابفهم ليه تكرهيني كل هالكره
شجون: لفت تناظرها من فوق لتحت نظرات استحقار واشرت عليها باصبعها شوفي ملابسك ومصاختك واسألي نفسك من وين جايه وتلومني ليه اكرهك
فرح: حاولت تستر بيدها صدرها المكشوف قالت بخجل تعرفي ان شغلي يتطلب كذا
شجون: قالت بتريقه شغلك هذا الشغل الي جابتنا امي له مو بس ابو خان وصية امي حتى انتي على الاقل لو مافيك خوف من ربك الي فوقك تذكري امي الي انتي تذكرينها ونعمتي من حنانها مو زيي ماذكر شي منها امي يافرح لو هي موجودة تتوقعي ترضى عنك لو تشوف بنتها في بيوت الدعارة
فرح: خلاص شجون يكفي الله يرحم والديك الي فيني كافيني
شجون: فرحت حست ان اختها تأثرت بكلامها جلست جنبها ارجوك ياختي خلي هالشغلة عنك توبي لربك قبل مايخذك عنده
سعد: دخل مثل الاعصار عليهم وبصوته الخشن وريحة المسكر تفوح منه الله ياخذ عمرك ويرحني منك قبل ماتخلي اختك هالشغلة مسكها مع شعرها يشدها بقوة تبينا نشحذ يعني تراني ماتحملتك الا علشانها وتجين تلحسين عقلها بكلامك الفاضي ويشد اكثر عليها
شجون: متحملة حتى الانين كاتمته
فرح: تشده مع كتفه طلبتك يبه فكها علشاني
سعد: خليني يافرح اعلمها الاصول وان الي مالها فيه ماتتكلم فيه وتحشر نفسها
فرح: طلبتك يبه فكها اصلا من قالك اني ابسمع كلام هالمجنونة شوف حالها كيف مجنونة انا اصير زيها
سعد: فك شجون هذي بنتي الي اعرفها كفو يابنت ابوك
فرح: بدلع ايه بنت ابوي والكل يتطلع مني اعطيه بس نظرة وهو يعطيني الي ابغاه اصلا ابو رامي قبل شوي يقولي ان زابينه الخاصين يطلوبني بالاسم فكت شنطتها وطلعت الف ريال وعطتها ابوها
سعد: الله يفرح قلبك زي مافرحتي قلبي من اسمك فرح جيتك للدنيا فرحتي والحين مايفرحتي غيرك موزي الحزن الي من جيتها للدنيا شفت الحزن والغم وطلع وخلاهم وهو يعد بفلوس فرح
شجون: نذلة حقيرة ماكذب انتي بنت ابوك وانا بنت امي وراح اظل بنت امي
فرح: رفعت راسها ومابان على ملامحها أي تاثر لكلام اختها عكس الي يحترق جواتها
************************
في المستشفى
مها: اقول طيف منوهالدكتور المزيون الي متعين هنا جديد ايش اسمه وايش تخصصه
طيف: اسمه الدكتور ياسر توه راجع من المانيا تخصص جراحة قلب ليه عجبك ههههههههههه
مها: ياختي اسمراني يجنن عليه عيون تسحر وحواجب مرسومة وجسم وطول كأنه من مثلين هوليود
طيف: الي يسمعك يقول انه مدير قسمنا صلاح
مها: يع صلاح كأنه مهند ابيضاني مالغ مافيه ملح
طيف: كل واحد وذوقه بس انا ذوقي احب البياض
مها: لاياختي انا احب هالاسمراني الي طير عقلي من يوم شفته كل من دعوة ميشو
طيف: ههههههههههه ليه ايش داعية عليك
مها: تقول الله يبلاك بالحب وشكل الحب يطق بابي
طيف: عاد احذري شكله من النوع الثقيل وملتزم وصعب يعطي وجه
مها: ايه ياحليلك ابسوي ثقل عليه حتى اطيحه بشباكي
طيف : ردت على التلفون طيب دقايق واجيبها لفت على مها شكل حبيبك الجديد حس فيك طالبين اوراق لمكتبه يالله ورينا شطارتك ياثقيل هههههههههههه
مها: يابختي هاتيها عدلة نقابها وتأكدت من جمال عيونها بالنقاب لانها راسمه عيونها بدقة وتعدلت زين وراحت له شافت مكتبه مفتوح لانه ماعنده مريض يطلع الممرضة الي معاه علشان الخلوة حرام طقت باب المكتب وهو مفتوح
ياسر: رفع راسه
مها: شافته من قرب شافت رجال اسمر عريض وواضح طوله وهو جالس عيونه كبار تزيد جماله لحيته الي مايلمسها اقتداء بنبه
ياسر: نزل راسه واشر على مكتبه يعني حطيها وروحي
مها: مصممه الا تطول شوي وتكلمه له بكلمتين تطيب خاطرها قالت السلام عليكم
ياسر: وهو منزل راسه وعليكم السلام ورحمة الله وبركاته
مها: حطت الملف ووقفت ماتحركت
ياسر: استغرب من وقوفها رفع راسه والتقت عيونهم مع بعض نزل راسه وعقد حواجبه قال فيه شي
مها: بصوت خجول وناعم مو تشوف الملف يمكن فيه شي ناقص اجيبها لك دعت ربها جواتها ان يصير فيه شي ناقص علشان ترجع له ثانية
ياسر: مارد قلب بالملف وسكره قال كامل
مها: طلعت وراحت لطيف وجلست معاها بالرسبشن يجنن ياطيف يجنن بس ثقيل حيل
طيف: مو قلت لك هههههههههههه
مها: بس هذا الي يشدني له اكثر ياختي يهبل وقرصتها
طيف: أي وجعتيني ايش دخلني فيه
صلاح: قرب منهم سلام يابنات
طيف: بدلع وعليكم السلام
صلاح : بابتسامة جذابة كيفك انسة طيف وانسة مها
طيف: منيحين نحمد ربنا وضحكت هي وصلاح
مها: ماردت تشغل نفسها بجهاز الحاسوب الي قدامها
صلاح: طيف الدكتور ياسر فيه
مها: فز قلبها ردت ايه
صلاح: استغرب من ردها وراح وخلاهم
طيف: وجع بغيتي تفضحين نفسك
مها: ياختي وش اسوي سمعة اسمه فز قلبي بعدين ايش دخل صويلح فيه
طيف : اسمه الاستاذ صلاح هذا اولا ثانيا الدكتور ياسر صديقه
مها: ايش جاب لجاب
طيف: رفعت كتوفها دبرت ربك
*********************
في مكتب ياسر
صلاح : يطق على باب ياسر طقات مرح ويغني
ياسر: اهلين بس فك الباب فضحتنا
صلاح: جلس على الكرسي ياخي وينك من الصبح انتظرك يوم خلص الدوام قلت اصير اطيب منه وامره اعزمه على الغداء
ياسر: ياخي ايش اسوي اليوم المرضى كثار وماقدرت احك راسي
صلاح: يارب انبسطت بعملك
ياسر: الحمد لله
صلاح: عاد ايهم افضل هنا او المانيا
ياسر: اكيد ديرتي مافيه احلى من وطنك ياصلاح
صلاح: بس هناك فري وتاخذ راحتك
ياسر: الله يديم علينا نعمة الامن والامان والاسلام ياخوي
صلاح: اقول مشينا قبل ماتخطب لي خطبة مطولة وطلعو سوا ركبو بسيارة صلاح اللكزس
ياسر: وين عازمني
صلاح: اكبر مطاعم الرياض ووهو فيه عندي اغلى منك
ياسر: اجل ايش رايك ندق على مشاري
صلاح: تغير وجهه تعرف اني ماطيقه
ياسر: افا صلاح مو كنا اصحاب ودرسنا سوا ببريطانيا قضينا سنة من عمرنا من احلى سنوات عمرنا وبعدها رجع مشاري وانا رحت لألمانيا
وربي كنا اكثر من اخوان بعدين هو كان صاحبك من ايام الطفولة ايش غيرك عليه الحين ؟؟!!؟؟
صلاح : فسخ نظارته وحمر وجهه من زود العصبيه قلتها كنا ياياسر كنا الحين لا ،،، هو بوادي وانا بوادي
ياسر: وربي ان مشاري طيب ومازال يسألني عنك
صلاح: اكيد الصافق ينسى والمصفوق ماينسى
ياسر: تعرف ان السالفة غصب عنه وهو تعذر منك وشرحها لك كم مرة وحلف لك على المصحف انه غصب عنه وتعرف ان مشاري مستحيل يكذب
صلاح: تراك نكدت علينا غدانا بطاري مشاري هذا خلاص ياخوي ماطيقه يعني ماطيقه غصب يعني ونزل من السيارة متجه للمطعم
ياسر: هز راسه الله يصلحك ياصلاح والا فيه احد يكره مشاري ونزل ولحق صلاح
**************************
انتهى هذا الجزا
ايش راح تكون برحلة فارس وفرح لاوربا ؟؟؟؟؟؟
ايش بين صلاح ومشاري؟؟؟؟؟؟
ياسر هل راح تجمعه بمها علاقة حب او مها مو من ذوق ياسر؟؟؟؟
فائدة :
9- قراءة سورة الكهف في يوم الجمعة:
يسن أن يقرأ سورة الكهف في يوم الجمعة، لأن النبي صلى الله عليه وسلم قال: " من قرأ سورة الكهف في يوم الجمعة أضاء له من النور ما بين الجمعتين " [ صحيح / صحيح الجامع الصغير وزيادته، 6470 ]. وعنه أيضا صلى الله عليه وسلم : " من قرأ سورة الكهف يوم الجمعة أضاء له النور ما بينه وبين البيت العتيق " [ صحيح / صحيح الجامع الصغير وزيادته، 6471 ].

صباح الخير .........تسلم ايدك همس على البارت الحلو ......... مثل ماتوقعت ظهور الشخصيات الجديدة بيكون مرتبط بالشخصيات الي قبل واكيد بيكون لهم دور بارز

فارس وفرح

تدري من يوم قلتي انو فارس بيسافر جاني هاجس انو هالسفرة ماراح تكون عادية بس اتمنى من كل قلبي مايكون في علاقة حب من فارس لفرح حتى لو كان فارس داشر بس كون وحدة مثل فرح تبيع جسدها من واحد لواحد مهما كانت ظروفها مالها عذر وبالاخير تلقى حب وزواج وسعادة ابد ماأيدها لانو حتى الرجل الصايع مستحيل يتزوج بنت لها علاقات بالتلفون مع غيره فكيف بوحدة منتهية نامت بحضن كذا رجل وعايشة مبسوطة

يمكن تكون فرح المغترة بجمالها هي الي تتعلق بفارس بس مااتمنى انها تتزوج عن حب ولا تاخذ واحد مثل فارس لو هي مثل شجون اختها تدور رزقها بالحلال والتعب كان بتمنى لها هالشي .....

تدري اتمنى فارس يعشق شجون ولا ياخذ فرح يعني اكيد بتصير بين الاثنين علاقة وفارس بيشوف شجون الي جمالها مخفي بسبب شغلها وعدم الراحة الي عايشتها الا انو ممكن اخلاقها وخوفها من ربها هي الي تجذب فارس لها ويعشقها ومايطولها الا اذا تزوجها غصب عنها وابوها ماراح يمانع بس احس هي الي بتكسر غروره مو وحدة مثل فرح سهلة ومتعودة على الكلام المعسول للرجال

مشاري وسحر والعنود

العنود على ايش شايفة نفسها تبي واحد مثل فارس بيجي يوم ومشاري بيتغير وبيرمي الطيبة ورى ظهره واول من بتكره تغيره هي العنود واعتقد هو الي بيتزوج سحر تناسبه ويناسبها الحين هو يشوفها صغيرة بس عقلها كبير واكبر من المغرورة العنود ............فعلا ماتستاهله امثال مشاري نعمة بس هي مو كفو نعمة وان شاء الله يارب سحر تكون من نصيب مشاري
اجل لاتحبه ولامهتمه فيه وماتبيه حتى يسوي خير مع اهله وخواته خير مين مفكرة حالها الحمد لله والشكر

ياسر ومها

ياكرهي لامثال مها تعتقد بحركاتها الوقحة هي الي بتجذب ياسر لها اصلا الي ماتخاف ربها وترخص بنفسها مافي رجال محترم يلتفت لها وان شاء الله ماراح تحصل الي تبيه لانو امثال ياسر يحترمون البنت الخجولة والمحتشمة والي تخاف ربها قبل كل شي مو تمشي ورى رغباتها وتستعرض بنفسها اعتقد بيجيها درس يعلمها قدرها من ياسر

بس ايش قصة مشاري وصلاح وليه حاقد عليه ..........متشوقة اعرف سرهم ......

شعاع ايش الي وصل علاقتها مع فارس لهالدرجة من قربهم الشديد من بعض لكره وحقد فارس عليها ياترى ايش الي صار وقلب حالهم
عبد الرحمن حبيت هالشخص وحبيت دفاعه عن خالته الله يخليه لامه وتفرح فيه امثاله يرفعون الراس


هموسة في انتظارك وانتظار غريب وظهوره وهل ممكن يكون هو نفسه ياسر لانو ملامحه وصفاته ذكرتني بغريب وسمرته .........هل ممكن يكون هو ومغير اسمه .......اذا كان هو فهالشي يفرح القلب لانو قدر يحقق شي من حلمه وعقبال ماينفذ وعده لشجون

السلام عليكم و رحمه الله و بركاته

صباح الخير و الرضا من الرحمن

همس .. ما شاء الله تبارك الرحمن اسلوب روعه و القضية اللي تناولتيها

قضيه توجع القلب حيل و خصوصا مع نظرة المجتمع للفئة هذي بالدونيه

و كأنهم هم من اختاروا هالقدر لـــ نفسهم ...

=========================
(( غريب ))

فعلا امه اختارت له الأسم الصح .. غريب و هو بين اهله و أمه و اخوانه يمكن ظلم

منها هالشيء .. بس اكيد لانها عارفه انه ولد حرام فــ نفسها كرهته و لانه راح

يظل طول عمره وسمه العال فحياتها .. قساوة قلب منها لما اخته و تركته في مكان

ما تدري بعدها بعيش و يلقى له ناس تظفة و لا بيبقى داج في الشوارع ينهشونه

شياطين الأنس .. بس منو الرجال اللي ذكره غريب و كان م امه معقولة يكون زوجها

لاني استبعد انه واحد من عيالها بما انهم كانوا يحبونه و يعاملونه بطيبة قلب ...

و شيء ثاني هي تجاهلته أن هالولد حتى لو كان مو من زوجها فهو ولده و له حق

مثل باقي خوانه لقول رسولنا الكريم " الولد للفراش ... " يعني ينسب له و يارثه

العم جاسم نعم قاسي بس الحمدالله انه اخذه عنده أحسن له من الشوارع

غريب هالوقت وينه ؟؟ هل فعلا حقق حلمه أنه صار شيء كبير فالمجتمع ؟؟؟

=============================
(( شجون ))

نفس الحاله بس هي معروف نسبها بغض النظر عن الشكل اللي يختلف عن اختها

ياما اخوان و كل واحد فيهم شكله غير .. مو شرط ما يشبههم صار مو ولدهم بس

تفكير الناس دايما بالأسوأ .. الله يعينها على حياتها جدا صعبه أب ضايع في ظلمات

السكر و عايش بصدمه موت الحبيبه , و اخ و العياذ بالله مومس ما خافت عذاب ربها

و انها تموت على ماهي عليه ...

سؤال ؟؟ شجون لما خافت يوسف تذكرت غريب وش الرابط العجيب اللي بينهم و

معقولة يرجع غريب و يعرف يوسف ..؟؟

===========================
(( فرح ))

مسكينة هالإنسانه أرحمها على اللي تسويه في نفسها يا عذابها من ربها

و للأسف انه تتفاخر بهالشيء يعني معروف " إذا بليتوا فــ استتروا " بس هي

متفاخره بهالشيء حتى لو ما قالت بس الأفعال تبين و سماهم في وجوههم

أتوقع حياتها راح تتغير من سفرتها لــ باريس ما ادري للأسوأ و لا الأفضل ...!

=============================
(( مشاري و العنود ))

مشاري شخصيته جميلة و حبوبه بس سبحان الله زوجته بعيده كل البعد عن شخصيته

يعني بدال لا تحمدربها انه زوجها حبوب و يحبها و لا يرفض لها طلب و الكل يحبه و يعزه

حريم " ما يعجبهم العجب و لا صيام في رجب " ,, بيجي يوم و يمل مشاري من هالطريقه

القشرا في التعامل و خصوصا لوصل الأمر لخواته ...

=============================
(( فارس ))

كريه و شخصيته متغطرسه .. و فوق هذا لعاب و داشر .. كرهه للحريم وراه سبب

كبير لأنه له نظره معمه عليهم اتوقع لاخته شعاع دور فيها .. و هو السبب بالجفاء

بينهم ...

================================
(( شعاع ))

هي مقعدة و لا رجولها فيها شيء ثاني ؟؟

شنو الشيء الكبير اللي سوته و خلى فارس يجافيها .. معقولة كانت بنت لعابه

و لا تعرضت لشيء من هالقبيل غصب عنها .. و خلى البعض يتعاطف معاها و

اللي يجفاها ؟؟...

================================
(( سحر ))

حبيتها هالبنت .. هي يتيمه و عايشه عن عمها اللي هو زوج نوال . صح

كرهها لفارس معقوله ردة فعل عكسية و تغطي فيها مشاعر ثانيه و لا لانه مغرور

و داشر سبب هالكره ...؟؟؟ ...

==============================
البنت اللي بالدار .. منو هي .. سحر و لا وحده بعدها ما ظهرت على الساحه

صلاح و كرهه لمشاري .. اتوقع لانه واحد من الاثنين يا انه بسبب شعاع أو العنود

==============================


سلمتي يارب و استمري للامام


همس أبي اسماء رواياتج اللي قبل أنا بس اعرف جروح المدينه .......

و ياليت تحددين موعد نزول البارت

..
..
..