لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 15-04-12, 02:48 AM   المشاركة رقم: 26
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,208
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الخيرات ..........تسلم ايدك ياهمس على البارت الحلو .......وضحت لنا بعض الامور في هالبارت بخصوص بعض الابطال عقبال الباقي

فارس وفرح

تستاهل فرح الي صار لها خليها تهجد شوي مبسوطة باللبس الي لابسة وطالعه تتمايل مثل الحية هذي حرام نهايتها تتزوج وتنستر الموت ارحم لها لذلك تتوب احسن لها والا لازم تنتظر مرض يموتها من العلاقات المحرمة بعدين تفكر بالتوبة ترى تهديد ابوها وابو رامي مو عذر لها عندها الي اقوى منها لو تلجئ له بقلب صافي ونية صدقة راح تلاقي استجابة .........رب العباد ماينسى عبيده ........ترى تقدر تشتكي على ابوها وبحكم انهم قاصرات راح يكون الحكم لصالحهم وفي مين يشهد معاهم على سؤ اخلاق ابوهم وانو مو كفو يكون والي عليهم خصوصا اذا كان هو الي ضيع فرح ......وابو رامي ماراح يقدر يضرها لو صارت بدار رعاية ولا عيشة الحرام الي عايشتها

تدري همس ساعات اقول لو ابوها الي مضيع شرفها على الاقل شجون ماراح تتعامل كذا مع فرح يعني بتعذر اختها انو غصب عنها ومافي الي يدافع عنها بس يمكن علشان تجيب فلوس رضت انو ابوها يبيعها ولانها ماتبغي تتعب وتشقى نفس اختها .........الي ابي اعرفه الحين ابو العازة شيبغي من فلوس شجون وعنده الي تجيب الافات حشى عساه للموت الي ياخذه دمر بناته وهو حي

اما فارس احسه يسوي هالحركات لشئ بداخله صدمة قوية صابته من اعز ناسه واعتقد انها شعاع صدمة مخليته يسلك هالطريق بس مااحسه منغمش نفس ربعه وبيجي اليوم الي بيرجع فارس الاولي وبيصحى من غفلته مااعتقد بيتزوج وحدة مثل فرح مهما كانت ظروفها صعب على اي واحد ياخذ وحدة نايمة مع رجال كثير وتاخذ الثمن ويشوفها كيف متعرية وسط قاعة مليانة انواع الفساد

اما خويتها ضحكتني مصدقة عمرها بتحب يوم تبغي تعيشي مثل غيرك كان انتظرتي الستر والحلال في ناس ظروفهم اصعب ممن غيرهم بس مافكرو يغضبون ربهم لانهم عارفين انو ربهم لابد بيوم بيعطيهم على صبرهم


شجون

ياقلبي هالبنت اخلاق ابوها الزفت خلتها مطمع للذيابة الشوارع والا شايب عايب يناظرها نظرات حقيرة ويكملها ابوها النذل عسى ربي يخلصها من هالمستنقع قريب

مها وياسر

مها دامها مااستحت من ربها وهي تسوي سواياها ماراح نشره عليها اذا سوت المستحيل بس كل الي اقدر اقوله هي الي بتتعلم درس ماتنساه ابد ........الحين هي عارفة مين ياسر ايش اصله متزوج لو مرتبط لو حاجز له وحدة يبيها على طول حطته براسها عساه يطلع متزوج وتنكسح
او يطلع غريب هي اول وحدة بتبتعد عنه لانو مستحيل تتزوج لقيط وعيالها يكونون بدون نسب ...صعب اي عايلة تقبل بواحد مو معروف هو ولد حلال او حرام ....لذلك دوم امثال غريب ياخذون بنات من دور الرعايةلانهم بيحسون بنفس المعاناة والشعور الموجع .........اهليهم يغلطون وهم يدفعون الذنب بس الشرع بعد له رايه في امثالهم اكيد

شعاع

احس لها ماضي مو حلو وشكلها كانت نفس مها وضيعت حالها وسمعتها يمكن صار عليها حادث وهي راكبة مع خويها وفارس انصدم فيها وكرهها وكره كل البنات


العنود ومشاري وصلاح

مااعتقد انو مشاري تعمد يتزوج العنود وهو عارف انو صديقه يبغيها اكيد في شي اجبره .........معقولة يعرف انو العنود كانت تراسل صلاح ومع ذلك راضي فيها وبتصرفاتها مااعتقد

اما العنود خلها هي الي بتخسر في النهاية لانها من البداية داشرة تراسل واحد مو محرم لها اعتقد انها بتنهي حياتها مع مشاري على امل انو صلاح يتزوجها

واعتقد بتتزوجه بس ماراح تسعد معاه لانها بتكتشف الفرق بينه وبين مشاري جميل من الخارج بس من الداخل قبيح جدا وبتتذكر كل تعامل مشاري الراقي معاها

سحر وحمد

سحر واحد من الاثنين يأاما انها بترفض الزواج من الصايع الضايع وتتحاشى زيارة امها او بتقبل تحت ضغط امها بس ماراح يتم الزواج يمكن تتملك عليه بس ويصير شي يسود الوجه لحمد ومايتزوجها ومشاري بيطلق العنود وبيصير لها او انو قبل الملكة يصيدو حمد في وضع مخل للاخلاق وبكذا تتخلص منه المهم ماراح تتزوج شين الحلايا حمد مع وجهه


في انتظارك ياقلبي على نار

 
 

 

عرض البوم صور وردة الزيزفون   رد مع اقتباس
قديم 17-04-12, 04:55 AM   المشاركة رقم: 27
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

مشكووووووووورة قلبي بياض الصبح ووردة على ردودكم وتشجعيكم

 
 

 

عرض البوم صور أمي روحي   رد مع اقتباس
قديم 17-04-12, 04:58 AM   المشاركة رقم: 28
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
Jded

 

الـــ ج ــــــزا الــ سادس
في بيت ابو مشاري
مشاري: هاه ايش رايك يبه
ابو مشاري: ياوليدي احس ان مشاعل لسه صغيره على الزواج وحبيت تدرس لو سنيتين من الجامعه بعدين تتزوج
مشاري: يبه ماشاءالله مشاعل موصغيره اغلب البنات يتزوجون بعد الثانويه الولد شاريه يبه مايصلح نماطل فيه كل هالمده
ابومشاري: اجل ابشاورها اول
مشاري: حلو ابرسل الشغاله تناديها
مشاعل: نزلت عند اهلها
ابو مشاري: تعالي جنبي يابوك
مشاعل: جلست جنبه ماتعرف ايش السالفه
ابو مشاري: تعرفين يابوك ان سلطان خاطبك من زمان وهو الحين ناشب بحلقونا يبينا نعجل بالزواج ونخليه بالإجازة هذي بعد ماتخلصي من الثانوية وانا يابنتي اخاف تبين تكملين دراستك انتي ايش رايك
مشاعل: نزلت راسها وسكتت
مشاري: يالله ميشو ردي لنا الولد شاب حريقه واخاف يحرقنا معاه
مشاعل: قامت الراي رايك وراحت بسرعه لغرفتها
ابوها واخوها ضحكو على خجلها
مشاري: شفت يبه بغيت تعذب قيس وليلى الله يهديك هههههههههههه
ابو مشاري: الله يسعدهم يارب وانت رد على ولد عمك المطفوق وخله يفكنا مرة يرسل ابوه ومرة اخوك والمرة انت الله يستر من ناوي يرسل بعدك خلنا نرتاح من حنته ههههههههههههههه
مشاري: على طول دق على سلطان بسرعه سلطان البشاره
سلطان: كان توه صاحي من نومه يالله يفتح عيونه بس يوم سمع كلام مشاري نط من فراشه احلف مشاري
مشاري: افا عليك بدون حلف
سلطان: تكفى لاتلعب باعصابي
مشاري: الله يهديك سلطان هو انا عمري كذبت
سلطان: قام ووقف فوق السرير وصار يناقز الله يبشرك بالجنه والله لاجيب لك احلى هديه
مشاري: هديتي تسعد مشاعل
سلطان: ابحطها بعيوني وابخليها اسعد بنت مع السلامه اببشر امي
مشاري: وانا اببشر العنود
سلطان: رمى جواله وصار يرقص ونط من سريره وجري يبشر أمه وابوه
مشاري: طلع غرفته وفتح الباب بهدوء ابتسم يوم شاف العنود
العنود: صدت بدون ابتسامه تكمل قرايت الجريده
مشاري: قرب منها وباسها مع خدها صباح الخير حياتي
العنود: صباح النور وقلبت على الصفحه الثانيه
مشاري: كتم غيظه من تطنيشها له وتغير تصرفاتها كل يوم تصير اسوأ من اليوم الي قبله بس صابر مهما كان هذي بنت عمه ويمكن عدم الانجاب منكد حياتها جلس جنبها وحط يده على كتفها عندي لك بشاره حياتي
العنود: لفت له خير ان شاءالله بشر
مشاري: جهزي حالك بعد 3 شهور زواج ميشو وسلطان
العنود: جد متى هالكلام وكيف رضي عمي يقدم زواجهم مع انه كان رافض بتاتا
مشاري: كلمته واقتنع
العنود: مشكور ماقصرت اكيد سلطان الحين طاير من الفرح ابقوم ادق عليه او أقول لك ودني لهم اشاركهم بفرحتهم احسن
مشاري: من عيوني
العنود: راحت تلبس عباتها
مشاري: تنهد بضيق يوم راحت كم تمنى انها تبوسه وتقوله تسلم لي عيونك كم تمنى انه تحسسه يوم انها زوجته تحبه وتغار عليه بس الشكوى لله شكلي محكوم علي اني اعيش مع زوجه ماتحبني ولاراح بيوم تحبني الا ان ربي كتب لنا عيال يمكن يشدونها لي الله يعين
*******************************
في بيت نوال
غلا: وانتي ماصدقتي يقدم الزواج الا توافقين وربي انك مطفوقه
مشاعل: اجل تبغيني ارفض
غلا: ايه تغلي اثقلي شوي مو بسرعه موافقه
مشاعل: لا ماقلت موافقه قلت الي تبغونه سووه وطلعت غرفتي
سحر: هههههههههههههه فديت خجلك بس
مشاعل: بنات وربي احبه
غلا: وجع استحي
مشاعل: والله استحي بس احبه
غلا: مقطعك الحياء مرة
سحر: حرام عليك غلا هي تحبه بس ماتبين الا قدامنا خليها فرحانه الله يتمم عليهم بالخير
غلا: وانتي متى تتزوجين وتفكينا لاتنتظرين فويرس شكله مقرر يعنس
سحر: بحزن اصلا شكلي قريب راح اتزوج
مشاعل: جد
غلا: ايه جد ولد زوج امها حمتو تقدم لها رسمي وخطبها من ابوي والخبله راح توافق عليه وهي ماتطيقه
مشاعل: ليه سويتي كذا سحر
سحر: بحزن غصب عني علشان أمي مابغى زوجها ينكد عليها بسببي
مشاعل: طيب عندي فكره ماتزعلين زوج امك وتتخلصين من حمد هذا
سحر: بفرح ايش هالفكره
مشاعل: يتقدم لك اخوي فارس ويرد عمك انها مخطوبه له
سحر: بضيق كرهي لفارس اشد من كرهي لحمد
غلا: من جد
سحر: ايه من جدي
غلا: اجل منوه الشخص الي تكتبين خواطر وقصايد فيه
سحر: اول مرة توضح الي بقلبها شخص خليه بقلبي لانه ماراح اتزوجه ابد خلاص كل شي انتهى انا الحمد ولازم انسى أي شخص غيره وبكره راح اوافق عليه
غلا: يامجنونة لاتتهوري
سحر: اكون مجنونه لو خليت أمي تعيسه بحياتها يمكن ربي يوفقني ويسعدني مع حمد بسبب بري لها راحت لغرفتها وخلتهم
مشاعل: مسكينه اصعب شي تتزوجين انسان مو متقبلته ابد
غلا: ايه وربي مسكينه سحر ربي بلاها بحمدوه
مشاعل: الله يسعدها زي ماحاولت تسعد أمها
غلا: اللهم آمين كله من اخوك الثور الي ماتقدم لها أنا متأكده انها تموت فيه بس مكابره
مشاعل: فارس ماتوقع راح يتزوج بيوم يكره كل البنات حتى خواته ماعمري حسيت بحبه وحنانه لنا مع ان مشاري مو شقيينا بس احن مليون مرة علينا
غلا: صدق خالي بس وربي غثيث ومغرور بشكل فظيع الله يعين البنت الي راح تتزوجه
مشاعل : ايه والله الله يعينها
*******************************
تمت خطبة سلطان لمشاعل
اول كانت خطبة بس كلام بس الحين صارت خطبة رسميه
ورفضت انه يشوفها صح تضايق سلطان لانه يموت فيها ويتمنى يشوف الي قريب تكون حلاله بس رضخ لطلبها قال بكره تصير ببيتي واشبع من شوفتها
وبعد تمت خطبة سحر لحمد وشافها وانجن فيها بس مامنعه هذا يواصل لعبه مع بنات غيرها بدون علم ابوه
************************
في استراحة الشباب
سلطان: خسارة سحر انخطبت لحمد
فارس: يناظره بعصبيه ليه مستخسر انك ماخطبتها تراه يمديك الحين واختي الف من يتمناها
سلطان: عصب من كلمته منو قال اني ابي سحر الحين انت تعرف ان مشاعل حب الطفولة وعمري مانظرت لسحر غير اخت بس كنت اتمناك انت تخطبها
فارس: وع ماخطبت الا هالدلوعه
سلطان: اسكت فضحتنا قسم لو يسمعك عبدالرحمن تنقلب هوشه تعرف انها اخوها من الرضاعه ومايرضى عليها
فارس: فكنا منه هو اصلا أي شي مني ماراح يتقبله ويتصيد علي الزلة
سلطان: حط يده على فخذ فارس وانت مامليت من هالحال تعرف سبب زعل عبدالرحمن منك تنازل عن كبريائك يافارس وتصالح انت وشعاع مهما كان هذي اختك وكانت اغلى خواتك وو
فارس: رفع يده يعني لاتكمل رمى الورق الي بيده وتطفى زقارته وقام
سلطان: وين؟
فارس: بضيقه ابرجع للبيت انام
سلطان: يناظره وهو رايح الله يهديك بس
فارس: كان متضايق من كلام سلطان ركب سيارته وشغل اغاني سرحان مو مع الشريط دخن 3 زقاير بدون مايحس طفى آخر زيقارة ونزل ودخل للبيت رفع عيونه لجهة غرفة شعاع شاف ستارة تتسكر نزل راسه ودخل
شعاع: نزلت ستارتها بعد ماتطمنن انه رجع حركت كرسيها وسحبت نفسها على سريرها وفتحت انيس وحدتها وشارح صدرها قرات كلام ربها حتى نامت
***************************
في غرفة العنود
العنود: لازم اروح للشاليه الحين كل صحباتي فيه
مشاري: ياروحي الحين عندي اجتماع مهم مدة ساعتين تنتظريني اطلع من الاجتماع اجيك
العنود: لا وين ساعتين يكونون تفرقو لازم الحين
مشاري: خلاص حبيتي ادق على فارس يوديك هو ومشاعل
العنود: انا زوجتك او زوجة فارس
مشاري: ياروحي زوجتي بس والله ماقدر يالله حياتي الحين يبدا اجتماعنا انتبهي لنفسك وسكر السماعه
العنود: عصبت طيب مامشاري زود اني ماحبك ومصبره نفسي معاك تعاملني كذا دقت على نسرين تعتذر منها
نسرين: لاياروحي تجهزي انا راح ادبر احد يجيبك
العنود: لا ياقلبي ماله داعي اجي
نسرين: تجهزي دقايق واجيك باي
العنود: ارتبكت ياربي منو راح يجيبها لايكون صلاح ياويل حالي دقت على نسرين بس نسرين ماردت عشر دقايق قالت لها تجهزي احنا تحت طلعت من البيت وهي مرتبكه شافت سيارة بي ام دبليو السواداء واقفه عند بابهم تناظر جهة السواق شافت الشخص العرض الابيض الي كان قلبها يدق لشوفته بس الغريبه مازال يدق يعني زوجها من مشاري ماطفى حبها له ركبت بهدوء وسلمت بادب
صلاح: رد وعليكم السلام ومشى بالسياره وهو طاير من الفرح مايصدق بعد كل هالسنين العنود تركب معاه
فارس: توه راجع من عمله شاف سيارة صلاح والعنود تركب معاه مات من القهر بس احترام لاخوه سكت قال اكيد اخوي عارف وراضي
العنود: جلست تشكي حالها على نسرين
نسرين: والله مادري ايش مصبرك عليه ياروحي
العنود: صعبه اتركه الطلاق صعبه بحقي وحق اهلي وعمي يانسرين
نسرين: العنود ياروحي مامعاك عيال يربطونه فيك وانت ماتحبيه تطلقي منه يشوف حاله مع وحده تحبه وانتي الف من يتمناك وغمزت لها بعينها
العنود: ابتسمت بس اهلي وعمي
نسرين: قولي ابغى عيال ماحد راح يوقف بوجهك والكل عارف ان العيب منه مومنك
العنود: رجعت لبيت اهلها وراحت لغرفة امها قالت بتردد يمه
ام سلطان: سمي يابنتي
العنود: انا تعبت يمه تعبت
ام سلطان: ايش فيك بسم الله عليك من التعب ياضناي
العنود : حطت راسها على صدر امها وتبكي يمه حنيت ابغى اطفال كل الي تزوجوبعدي ومعاي جابو اطفال الا انا
ام سلطان: اصبري وربك يجيب خير
العنود: رفعت راسها لامه يمه مشاري عقيم واحتمال ونسبت ان راح يجيه عيال عشرين بالميه يعني ضعيفه مرة يمه انا مراة وكل سنه من عمري تمر مو من صالحي لاتنسين اني الحين عمري 30
ام سلطان: يعني تبين تنفصلين عنه
العنود: تمسح دموعها يمه تعبت انتظره
ام سلطان: يابنتي لاتستعجلي بقراراك
العنود: ماقلت لك الا يوم فكرت وفكرت الف مرة يمه
ام سلطان: خلاص يابنتي شورك وهداية الرحمن
العنود: بس اخاف من ابوي يجبرني ارجع له زي ماجبرني اتزوجه
ام سلطان: مستحيل اجبرك مرة ماراح يجبرك ثانيه انا راح اوقف بوجه لو يصير الي يصير
العنود: بفرح تخفيه واخوي سلطان اخاف بعد يجبرني تعرفي الحين خاطب مشاعل اكيد ماراح يرضى
ام سلطان: ماعاش من يحبرك على شي فيه تعاستك انتي بنتي مثل ماسلطان ولدي ماله حق يسعد نفسه على تعاستك
العنود: قامت وباست امها مع راسها الله لايحرمني منك يايمه
ام سلطان: ولامنك والله يوريني ولد ك احضنه بين ايديني
العنود: آآمين يمه آآآآآمين
*************************
في سيارة مشاري
مشاري: استغرب يدق على جوال العنود ماترد راح لبيت عمه بس وجه عمه موطبيعي كانه يخبي شي سأله مشاري عسى ماشر ياعم العنود ماترد على جوالها وانت وجهك اسود
ابو سلطان: بقلبه ليه مايكون وجهي اسود وانا عمك كيف ابقولك كيف ابدا معك الموضوع
مشاري: قام عم طمني العنود فيها شي عمتي ام سلطان فيها شي
ابو سلطان :ياوليدي ممكن تروح تجيب ابوك وتجيني نتشاور انا وياكم بموضوع
مشاري: بأدب ممكن ياعم على اذنك حس انه فيه شي مهم بس توكل على ربه وراح يجيب ابوه
ابو سلطان: دخل للصاله والله فشلتوني معه الله يفشلكم عجزت اتكلم انعقد لساني ماقدرت اقول شي
ام سلطان: مافيها فشيله ولاشي بنتي ومن حقها تدور ضنا
ابو سلطان: وين ولدك والله موقادر اواجه اخوي ووعياله حتى رجولي موطايعتني ارجع للمجلس
ام سلطان: ولدك عصب علينا يوم عرف بس قلت له مصلحة بنتي فوق الجميع ولا آني امك ولاعرفك لو عارضت وهذاني اقولها يابوسلطان ترا اخر يوم لي لو احد اجبر بنتي يكفي اجبرتها تتزوجه وسكت لان مشاري مايعيبه شي بس الحين العقم عن الف عيب
سلطان: نزل بإجبار امه له يستقبل عمه وعياله
مشاري: ماسك نفسه بس قلبه قارصه حاس فيه شي
ابو مشاري: بكل رزانه خير ياخوي ليش طلبتنا
ابو سلطان: والله مادري ايش اقولك ياخوي بس العنود ملت تنتظر الحمل وانت عارف ان مشاري علاجه طول مع اني ضد طلبها بس هذي البنت ورغبتها ومايجوز اجبرها ثانيه
ابو مشاري: ماتوقع هالشي من العنود وماقدر يرد وسكت
مشاري: مادام هذي رغبتها ياعم هي حرة ومن حقها تطلب تنفصل علشان العيال
ابو سلطان: والله انك كفو وانا عمك والله ان بنتي الخسرانة مو انت
مشاري: وقف الله يوفقها الله يجنبها الخساره ياعم ويوفقها ويسعدها وين ماكانت وورقتها بكرة تاصلها ان شاءالله قرب لعمه باسه مع راسه وطلع
ابو مشاري: بحزن يالله ياخوي على اذنك
ابو سلطان: وقف وشد يد اخوه اتمنى ياخوي ماقلبك علي شي ولاعلى بنتي
ابو مشاري: بحزن ماخبي عنك ياخوي انا ابو واحس بالحرارة الي يحسها مشاري ويخفيها عنا بس العنود بنت اخوي وبحسبة بنتي وماطلبت الاحقها ياخوي عن اذنك
ابو سلطان: طلع للصاله وناظر ببنته وقال والله انك بفراقك لمشاري خسرتي خسارة عظيمة مستحيل تعويضينها وطلع لغرفته وتركهم
أمها : ضمتها لايهمونك يابنتي ماطلبتي الا حقك
**************************
في غرفة مشاري
مشاري: طلع لغرفته ماحب يكلم أحد جلس على طرف سريره وأخذته الذكريات قبل اربع سنوات
في مجلس ابو سلطان
ابو صلاح: حنا جاين نبي القرب منكم يابو سلطان
ابو سلطان: والله لنا الشرف بس بنتنا مسميه لمشاري من يومهم صغار وهو ولد عمها وأحق الناس فيها وقريب زواجهم ان شاءالله
مشاري: تفاجأ من كلام عمه رفع عيونه لصلاح الي تناظره بحقد بغى يتكلم ويقول الحقيقه انه ماخطبها ولاشي بس ابوه قرب منه وبهمس ياويلك تنزل راس عمك قدام الناس
مشاري صار بحيرة من امره يخسر صديقه او عمه حس انه بدوامه
ابو صلاح: اجل على خير ماكتب ربي القرب منكم والله يسعدهم عن اذنكم
ابو سلطان: العشاء يابوصلاح
ابو صلاح: بزواج مشاري وبنتك ان شاءالله وطلعو
مشاري: لحق صلاح برا صلاح ممكن اقولك شي
صلاح/ بعصبيه مابيني وبينك أي كلام
مشاري: صدقني مالي علم بشي
صلاح: خذها حلال عليك ماكبرت بعينك الا يوم بغيتها رحت وسبقتني عليها وخطبتها من عمك
مشاري: والله ماخطبتها بس
صلاح: لابس ولاشي لا اعرفك ولاتعرفني وراح وركب سيارته ومشى
مشاري: رجع للبيت مهموم دخل لابوه يبه ممكن اخذ من وقتك
ابو مشاري: كل الوقت لك وانا ابوك قول وش عندك
مشاري: يبه صلاح يبي العنود من زمان وعمي احرجني قدام الناس
ابو مشاري: عمك مايبها لصلاح مارتاح للولد وشاريك انت وعطاك بنته ترد عطيته مو زينه بحق عمك ولابنته وانا ابوك
مشاري: بس صلاح يبيها
ابو مشاري: ابوها اعرف بمصلحتها واخوي شراء رجال يسعد بنته
مشاري: اسمح لي يبه افهم عمي ماقدر اتزوجها وهي بخاطر صديقي ماقدر يبه صلاح فهمته وزعل مني خسرته يبه تفهم كيف خسرته
ابو مشاري: لو كسرت كلمة اخوي قدام الرجال ماعرفك ولاتعرفني يامشاري
مشاري : حزن وسكت
ابو مشاري : رحم ولده قرب منه وحط يده على كتفه يابوك الزواج قسمة ونصيب لو صديقك فعلا يحبك مافرط فيك علشان خطبه بس صدقني مافرط فيك الأنه مايحبك ومو معقول تخسر عمك الي من لحمك ودمك علشان صداقه عابره مستعد يفرط فيك بذنب مالك دخل فيه هذاه ماسمع لك وعلى طول تخلى عنك
مشاري: طلع من ابوه ضايق ودخل غرفته ودق على ياسر وقص له كل القصة
ياسر: بحكمة صادق ابوك لاتخسر عمك علشان صلاح ان كان صلاح يحبك جد راح يرجع لك وان كنت ماهميته راح يبعد عنك لاتتبع المقفي ياخوك لو كان أغلى الناس عندك
مشاري: يعني رايك اكمل الي بداه عمي
ياسر: أكيد عطاك بنته من حبه لك وتعرف اغلى شي يمكله الانسان ضناه وهو اهداء لك قلبه الي ينبض جواته من حبه وتقديره لك استخير وتوكل على ربك

مشاري: تنبه من سرحانه تنهد بضيق ورفع عيونه للسماء ربي اشرح لي صدري ويسري لي امري ربي ارضيني بقضائك وقدرك ربي اجبرني بمصيبتي وعوضني خيرا منه
قام لدولاب العنود يجمع اغراضها بشنطة يبي يتخلص من أي شي يذكره فيها خلاص ماتبيه ماراح يجبرها وهو يجمع اغراضها طاح صندوق كانت دايم حريصه عليه بس مع الطيحة انفتخ قرب منه علشان يجمعه لقى عقد شكل قلب مكتوب عليه بالوجه الأول العنود والثاني صلاح فتح الرسايل لقاها حقت صلاح مرسلها للعنود قبل زواجهم وفيه رسالة جديدة مكتوب فيها احبك وراح اظل احبك تغير وجهه حط الصندوق على السرير ولبس ثوبه وطلع لبيت عمه
ام سلطان: غريبه مشاري عند الباب يطلب يشوف العنود
ابو سلطان: قام استقبله حياك ياوليدي وربي اني مستحي منك وندمت يوم اجبرتك عليها
مشاري: وهو حيل ضايق الي راح راح ياعم وهذا الشي ربي كاتبه علينا ممكن تناديها لي لاهنت ياعم
ابو سلطان: بحزن ابشر وانا عمك والله قال لها راح تندمين بس ماسمعت كلامي طلع ونادى العنود
العنود: ايش يبي هذا الحين
سلطانه: مادري ابوي يقول خليها بسرعه تنزل
العنود: نزلت بكل ثقه متأكده انه راح يترجاها تنزل له بس هي خلاص قررت قرار ماراح تتراجع فيه دخلت عليه بكل غرور زي عادتها
مشاري: طالع فيها بنظرة غريبه
العنود: استغربت اول مرة تشوف مشاري كذا نظراته مجرده من نظرة حنان وشوق خافت بس سوت نفسها قويه خير بغيتني بشي مشاري
مشاري: قام وقرب منها ومد لها صندوقها
العنود: ناظرت بالصندوق ورفعت عيونها لمشاري بخوف عجزت تتكلم
مشاري: مو من عادتي افتش اغراض احد بس طاح وانكسر وشفت العقد وفتحت الرسالة الي فيه وقريت وعرفت كل شي
العنود: لارد عرفت انها انتهت مجرد مايعلم اخوها وابوها راحت تنتهي للابد
مشاري: ماهقيت بنت عمي الي كانت زوجتي اربع سنين تخونني عاملتها مثل معلملة الرسول لزوجاته لاتظني ابد عاملتك بطيب لحبي لك بالعكس ماشدتني بشي لاتصرفاتك ولاحتى شكلك بس اقول قدوتي رسولي امساك بمعروف او تسريح بإحسان بيدي الحين انتقم من خيانتك لي افضحك قدام أهلك
العنود: بخوف مشاري انا
مشاري: حتى اسمي مابيك تنطقينه بلسانك مو انا الي افضح بأحد مو حب فيك بس حب للي عند ربي واتمنى انك تتوبي لربك وانا ابعتبرك نقطة سوداء مرت بحياتي وراح امسحها للابد طلع وخلاها
العنود: انهارت على الكنبة تبكي
ام سلطان: قومي سلطانة شوفي اختك ايش فيها طلع مشاري وهي لسه بالمجلس
سلطانة: راحت وشافت اختها تبكي يمه العنود تبكي بقووووووة
ام سلطان : راحت لبنتها مفزوعه وضمتها حسبي الله عليه شكله محطمها ياروحي هي خلاص يطلقها ويريحنا مايكفي انه عقيم جاي يلومها الحين عارف ان بنتي قلبها رهيف مايتحمل وجالس يأنبها
العنود: ضمت امها وبكت بقوووة كل ماتتذكر نظراته كلماته تبكي أكثر مشاري الي طول عمره حنون اول مرة يعصب كذا ماتخيلت انم شاري ينقلب عليعا بيوم توقعته ضعيف توها تبان قوته وشخصيته (( اتقى شر الحليم اذا غضب ))

********************
في استراحة الشباب
فارس: معصب على سلطان لو انك رجال وقفت اختك عندها والا فيه بنت محترمه تطلب الطلاق من ولد عمها الي حشمها وحطها فوق راسه
سلطان: ماقدر اجبر اختي على شي ماتبيه هذي حياتها حرة فيها
فارس: لانك رخمة ومو رجال ولا لك كلمة على اختك
سلطان: وقف معصب وقرب لفارس ناوي يضربه
الشباب الي معاهم بالاستراحه هدوا شباب وتعوذو من ابليس
سلطان: كيف نتعوذ من ابليس وابليس جالس قدامي ويخطي علي بالكلام وتبوني اسكت له
فارس: ووجهه محمر من زود العصبيه ليه زعلت يوم قلت لك رخمة ماتعرف تحشم اختك المتزوجة تطلب الطلاق من زوجها يوم حنت على حبيبها الاول
سلطان: عجز يتحمل فكوني عليه والله لادبه الي بيته من قزاز لايرمي الناس بالحصى منو الي ماتابع خواته
فارس: عصب بقوووة ماشوفك ميت وتبوس رجولنا حتى نزوجك اختنا
سلطان: النفس عافتها يوم انك اخوها وطلع وخلاهم بالاستراحه مشى بسيارته مسرع سلطان ماعرف ان اخته ركبت مع صلاح بسيارته
احمد: والله انك انجنيت خسرت ولد عمك الي كان صديقك طول عمره وهدمت سعادة اختك أخاف يكرب راسه ويفسخ خطوبتها منه
فارس: بعصبيه الكلب الحقير يعايرني بخواتي والله لادبه والله لاوريه منو فارس ولد بندر امس يبوس رجليني علشان اختي والحين يعايرني فيها
احمد: انت خليته يقول كذا انت عايرته باخته
فارس: انا شفتها بعيوني تركب مع صلاح بعدها طلبت تتطلق من مشاري تعرف منومشاري ياحمد الي شايلها فوق راسه مشاري ياحمد الي يتعذب بسكات يمكنكم ماتفهمونه بس انا افهمه واحس بحرته
احمد: الله يهديك بس هذي بنت عمك ومايصلح تقول عنها كذا
فارس: تخسى تصير بنت عمي ولااتشرف فيها لاهي ولا اخوها والله لاحره زي ماحرني
غلاب: بخبث تقدر تحره
فارس: كيف
غلاب: زوج اختك لغيره وباقرب وقت وكذا تحره وتنتقم منه ويجي فسخ الخطوبة منك مو منه
احمد: غلاب اذكر الله انا اصلح بينهم وانت تفسد
غلاب: بخبث سلطان غلط بحق فارس ومالومه لو احتر انا لو منه حريته باحب شي عنده وسلطان احب شي عنده اختك
فارس: اختي الي رماها قبل شوي
احمد: رماها من حرته بس
فارس: والله اول خطيب يجيها لاقنع ابوي يزوجها له
غلاب: توسعت ابتسامته ايش رايك فيني
فارس: طس مناك هذا وقت مزحك
غلاب: مامزح انا صادق منو يحصله الشرف يخطب اختك يافارس ياولد بندر
فارس: اعتبرها جتك هديه ما مامن وراها جزيه بس عطني فرصه اقنع ابوي واقنعها
غلاب: غريبه تقبلني وامي هنديه
فارس: مايهمني اهم شي احره
غلاب: بابتسامه خبث ومكركفو يافارس كفو
**************************
في غرفة شعاع
شعاع: ضامة مشاعل خلاص حبيتي بطلي بكي راح تذبحي نفسك كذا
مشاعل: ماتوقعتها منه ابد ياشعاع هذا الي مسوي يحبني ويتمناني وانا المجنونة الي صدقته وتبكي ثانيه
شعاع: بألم خلاص حبيتي لاتظلميه يمكن فارس استفزه وقالها غصب عنه
مشاعل: قامت عن حضن اخته جرحني ياشعاع حطمني والي كمل علي فارس ضغط على ابوي يزوجني واحد من ربعه
شعاع: بعصبيه ارفضيه مافيه احد يقدر يجبرك على شي ماتبغينه
مشاعل: جلست بألم على الكرسي ليتني اقدر ياشعاع ليتني اقدر جاني فارس يهددني ان ماقبلته ماراح يكلمني طول عمره كله يقولي يكفي ان سيرتك الحين راح تكون على كل لسان لان سلطان قالها بالاستراحه والكل راح يشك فينا آآآآآآآه ياشعاع والله ضقت ليتني مت ياختي والا صار لي كذا
شعاع: بلعت عبرتها وقربت كرسيها لأختها ضمتها ومسحت على راسها هدي ياختي هدي ماتضيق حتى تنفرج
مشاعل: متى تنفرج اعرف فارس ان حط براسه شي والله ينفذه
شعاع: بعدتها عنها قولي لمشاري او ابوي يقدرون يوقفونه عند حده
مشاعل: اخاف فارس يكرهني ويتجنب يكلمني زي ماسوى فيك كم لك من سنه وهو مايكلمك لاحن ولاهتم انا احبكم مابغى احد من اخواني يهجرني والله ماقدر
شعاع: ضمتها بقوة وبكت بصمت تبكي حرقتها على اختها الي خايفه انها تتعذب بدون ذنب وتبكي حرقتها على فراق اخوها الي كل يوم تتعذب لهجره لها وهو ماحرك شعره لها قالت بقلبها الى هالدرجه خواتك هاينات عليك يافارس احنا نحبك وانت ماتحبنا آآآه ياخوي الله يسامحك شكلك ناوي تعذب خواتك بالدور اخفت تنهدياتها الي احرقت صدرها علشان اختها ماتحس فيها
******************************
في بيت ابو سلطان
ابو سلطان: سكر السماعه ونزل تحت بالصاله وهو متغير وجهه حيل
ام سلطان: خير يابو سلطان ايش فيك وجهك مايبشر بخير
ابو سلطان: وهو يناظر بولده لابس فارس دق علي يعلمني عن خطبة اخته مشاعل
سلطان: طاح فنجال الشاهي من يده ايش تقول يبه
ابو سلطان: الي سمعته
سلطان:وانا وين رحت؟؟؟
ابو سلطان: انت تركتها قدام الكل ولاهمك شي وسبيتها وقذفتها هي واختها
سلطان: وقف وهو مقهور والله يبه انه حرني بأختي ورديت من غير شعور ندمت ورحت ابعتذر من عمي والا فارس يخسى اعتذر منه قلت ابصبر اسبوعين حتى الامور تهدا ماتوقعتهم يبعوني بالسرعه هذي
ابو سلطان:ياوليدي الناس لهم كرامه
سلطان: قلتها يبه الناس لهم كرامه وانا تهمني كرامتي وكرامة اختي يقذفها بدون سبب ليه !!!
ابو سلطانك الله يهديكم طيش شباب مادري متى تعقلون وتركدون طلع وخلاهم وراح لغرفته
سلطان: طلع بسرعه لغرفة اخته سلطانه دق باب غرفتها ودخل مستعجل
سلطانه: هلا سلطان ايش عندك وجهك متغير؟؟؟
سلطان: مشاعل فسخو خطوبتها مني وخطبها واحد غيري ومتأكد ا ن ورا هالسالفه فارس وان مشاعل ماتبغاه ارجوك تأكدي لي منها والله لاسوي المستحيلات حتى ارجعها غصب عن فارس
سلطانه: سكتت ونزلت راسها
سلطان: عطاها جوالها كلميها بسرعه ارجوك
سلطانه: لاتعب نفسك ياخوي
سلطان: لا اتعب نفسي !!!!
سلطانه: قامت من كرسيها طلبتك ياخوي انساها والف بنتك تنمناك بيت عمي لاحنا لهم ولاهم لنا خلاص كل شي بينا انتهى
دخلت العنود وامها بس وقفو عند الباب
سلطان: شي صار بين العنود ومشاري ايش دخلني انا ومشاعل فيه حرام عليكم مابقى على زواجي منها غير شهر بس شهر ويتحقق حلمي من بنت طول عمري كنت احلم فيها
سلطانه: بعصبيه اذا كانت البنت الي تحلم فيها ماهتمت فيك ومبسوطه بخطبتها لغلاب وتمدحه وفرحانه فيه مره
سلطان: فرحانه فيه !!! وغلاب الي كان صديقي هو خطبها !!! مشاعل الي كنت اظنها تحبني زي ماحبها تخلت عني بالبساطه هذي ليه كل هذا يصير ليه !!! وجلس على طرف السرير منهار
امه: قربت منه وضمته ياولدي والله لاخطب لك احسن واحلى منها الف مرة
العنود: سامحني ياخوي ان كنت السبب بالي صار
ام سلطان: مو ولدي الي ربيته على الرجوله ينهار علشان بنت شوفها هي بسرعه انخطبت ولا اهتميت فيك ان كنت ولدي جد خلني اخطب لك وعيش حياتك وارفع راسنا ولاتخلي احد يتشمت فينا ولافيك
سلطان: ماعاش من يشتمت فيكم يمه وانا حي ولاجابته امه الي يحطمني خلاص يمه اخطبي لي الي تشوفينها مناسبه لي باسها مع راسها وطلع
ام سلطان: دمعت عيونها الله يخليك لي ياوليدي ويسعدك يارب
****************************
في المدرسه
مشاعل: ليه غلا قلتي هالكلام لفايزه
غلا: لاني عارفه انها صديقة سلطانه وابغاها توصل هالكلام لا اخوه علشانا يعرف قدره ويعرف يرميك هالرميه
مشاعل: ارجوك ياغلا ابغى انساه خلاص مابغى سيرته
غلا: عرفتي انه خطب دانه
مشاعل: تفاجات دانه ماغيرها
غلا: ايوه دانه بنت خاله خطبتها امه له
مشاعل: تخفي المها الله يسعدهم خابرتها من زمان كانت تحبه وتتلصق فيه
غلا: وهو مسوي الولد الثقيل ومايعطيها وجه واتاريه مو رجال رمى البنت الي تموت فيه وماعتذر حتى وعلى طول راح يخطب بنت خاله مادامه من زمان يبغاها ليه يخطبك اصلا
مشاعل: تبعد عبره خنقتها ممكن تفكينا من هالموضوع لو سمحتي غلا خلاص الله يسعده كل واحد راح لطريقه
غلا: حبت تلطف الجو على مشاعل بس تعرفي ميشو صورة غلاب تجنن يابختك فيه ينافس جمال فارس والله احلى بكثير من سلطان
مشاعل: الرجال مو بجمال وجهه بجمال اخلاقه يوم حبيت سلطان حبيته لرجولته لبره بأمه وابوه بحنانه على خواته موزي فارس الي عمرنا ماحسينا بحنانه
غلا: ان شاءالله غلوب يكون جمال وجه واخلاق بس عيبه امه هنديه
مشاعل: بعصبيه ايش تقولي انتي عمر الجنسيه ماكانت عيب ايش الفرق بيننا وبينها مسلمة زينا زيها هذا تخلف ياغلا بالعكس انا دخلت قلبي كثير مانسى ضمتها لي بكل حنان وفرحه يوم شافتني عجزت امسك دمعتي وربي
غلا: الله يسعدك مابقى شي على زواجك
مشاعل: وقفت وتسندت على عامود في ساحة المدرسة يالله منو يصدق مابقى غير اسبوعين ونتخرج مابقى غير اسبوعين واتزوج انسان ماخطر ببالي اتزوجه والانسان الي كان حلم حياتي راح نتزوج انا وياه بنفس الليله بس هو مع زوجة غيري وانا مع زوج غيره
غلا: مسكت كتفها حاسه بحرة وحزن مشاعل ماتعرفي ايش الخيره في هالشي
مشاعل: الله يقدم مافيه خير وصالح
************************************
في بيت ابو شجون
شجون: تعبانه من الشغل دخلت غرفتها هي واختها استغربت ان فرح تأخرت ماجت وهي قايله انها راح ترجع الليله بدري قالت اكيد هونت وعجبتها السهره وراح تجلس اكثر تحممت ولبست قميصها القديم الي تغلسه وتلبسه وتششق من كثر الغسل ونامت ماحست بالي حولها من زود التعب بس نصف الليل قامت على طرق الباب بــــــــــقــــــــوة فزت من فراشها مفزوعه وخايف تأكدت من تسكير باب غرفتها بس الباب يدق اكثر خافت مرة ياربي منو الي يطق الباب ياربي ارحمني وينك يافرح ليه مارجعتي ليه خليتني لوحدي و......................
انتهى الجزا الخامس

بس منو الي يطق باب بيتهم وايش يبغى ؟؟؟
ايش راح يكون حال مشاعل مع غلاب؟؟؟
وسلطان مع دانه؟؟؟
والعنود راح تتزوج صلاح او لا؟؟؟
مها متى يجن عليها الدكتور ياسر؟؟؟

من اقوال الشيخ سلمان العودة :
9- الطاعة التي تقدر أن تفعلها الآن لا تؤجلها للغد، والمعصية إذا دعتك نفسك إليها فاستطعت تركها فاتركها فلا خير فيها؛ فإن ألحّت نفسك فأجّلها وسوِّف وأخّر فربما حيل بينك وبينها و(في سلة السيف فرج).

لاتبخلو علي بردوكم الي تعني لي الكثيررر والكثيرر
اتحمس لها مثل حماسكم لجزأ جديد من الرواية
اقرا ردودكم اكثر من مرة وادقق بكل عبارة تكتبونها
موعدنا يوم الجمعه بعون الله تعالى
دمتم لي بود
اختكم همس
















 
 

 

عرض البوم صور أمي روحي   رد مع اقتباس
قديم 18-04-12, 01:39 AM   المشاركة رقم: 29
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,208
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الفل .........تسلم ايدك ياهمس تدري صار عندي مناعة ضد الصدمات من رواياتك صرت امسك نفسي من مفاجعاتك تعودت عليك بكل رواياتك او بالاخص روايتينك الاخيرة فيها غير المألوف وانقلاب بالاحداث ماراح اشطح بتوقعاتي لانو شكل هالمرة الانقلابات على الثقيل والي صار بهالبارت البداية .........

العنود ومشاري

تدري الغلط من البداية غلطة ابو سلطان الي ماعرف يربي بنته الي كانت دايرة على حل شعرها ويوم ماقدر يواجه الي خطبوها بالحقيقة رماها على مشاري الي عارف انو ماراح يعارض بحكم انو معروف بأخلاقه وخدمته للكل بس هو ظلمه بهالزواجه وحتى بنته من حقها تختار الي بتتزوجه ..........رغم اني مااطيق العنود واحسن تخلص منها مشاري بعد هالسنين بس الي صار كله من البداية غلط ...........ومثل ماابوها فكر بطريقة دبلوماسية يرفض فيها صلاح بنته بعد اختارت طريقة عوجاء علشان تتخلص من مشاري الي صار لعبة لها ولابوها بمجرد اخذت الضوء الاخضر انو صلاح مازال يبغيها نفذت الي براسها ..........اعتقد انها بتتزوج صلاح الجميل على قولتها بس ماراح تتهنى ولا راح تشوف السعادة الي حاطتها ببالها الجمال الخارجي يحمل الكثير من القبح الي بداخل صلاح مبين وواضح مثل الشمس بتصرفاته يكفي انو قاطع مشاري علشان هالزواج بتبكي بدل الدموع دم على تفريطها بمشاري تدري لو ماقلتي انو مشاري عنده ضعف كان قلت انها تاخذ موانع وحطتها براس مشاري وانو ربي بيعاقبها وهالموانع بتأثر عليها وماراح تحمل وصلاح بسهولة بيبدلها بغيرها


اما مشاري متأملة انو لسحر دام بس انخطبت ماتملكت ولا تزوجت هالصايع الي ان شاء الله تمسكه الهيئة بوضع مخل والا بشقة خايسة مثله وتتخلص هي منه بس ياخوفي مشكلة العيال تكون عائق بس ياترى ايش بتكون ردة فعل سحر على هالطلاق الي غير اشياء كثيرة بحياة ناس ثانيين


فويرس

وربي هالنذل يعل القلب ولابد بيوم ربي بيبليه بمصيبة على غبائه الحين من زينها العنود الي منقهر على اخوك بسببها جايبة له العلة وهو كاتم وصابر عليها خليها تنقلع ليه تتكلم عليها وهي مهما كان بنت عمك وشرفك وسلطان مهما كان هذي اخته ومثل مافارس مايرضى على خواته حتى سلطان ........بس الموضوع كبر وصارت خلافات والي فضلته على سلطان راح يكسر راسك وبينزله الارض لانو دامه من البدايه سعى لتفريق سلطان عن مشاعل اجل لاخير فيه ولا منه رجا ومشاعل بترجع مطلقة وبنشوف المغرور فويرس شراح يسوي بعد مادمر حياة اخته


ومشاعل تستاهل الي بتشوفه مع عريس الغفلة ماراح تذوق الراحة اجل تدمر حياتها ومستقبلها علشان رضى فويرس بحريقة اجل لاتشتكي بعدين


وسلطان مااعتقد بيكمل مع دوينة دامها تتلصق فيه وميتة عليه من اول اجل ماراح تكمل معاه ولا بيحبها


شعاع مبين انو كانت تعرف واحد وصار لها حادث وهي معاه لذلك فقد فارس ثقته فيها وبصراحة ماالومه الموضوع موهين ولا بسيط


شجون ماادري مين الي جاي بس ربي يحفظها من الشر ..........دام ابوها واختها طريقهم اغبر مانستبعد اي مصيبة تكون جايتها بالطريق والله يستر عليها الين يجي لها غريب او اي واحد يخلصها من هالمستنقع وفرح وتأخرها الله العالم ايش وراه

بالنسبة لمها ماراح توصل لمبتغاها دامها سلكت طريق يغضب ربها ولا اهتمت تمشي ورى ملذاتها وامنياتها الدنوية وبنشوف كيف ياسر بيعلمها الي ماتعلمته ببيت اهلها


في الانتظار ياعسل

 
 

 

عرض البوم صور وردة الزيزفون   رد مع اقتباس
قديم 18-04-12, 03:51 PM   المشاركة رقم: 30
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,112
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم و رحمه الله و بركاته

مساء الخير و الرضا من الرحمن

تسلم الايادي همس على هالبارت ,, بارت اللا متوقع !!

=========================
(( مشاري و العنود ))

سبحان الله مشاري إنسان رهيب و شخصية نادر وجوها بس شوفي من كانت

نصيبة إنسانه على النقيض معاه ,, زين اللي جات منها و طلبت الطلاق بس

للأسف حتى بأخر وقت و هي تجرحه كان بإمكانها تطلب الطلاق بينها و بينه و

لا تحرجه عند اهله أنه عقيم ,, بس دامها ما راعت اول بتراعيه تالي ...

==========================
(( سلطان و مشاعل ))

اخذته الحميه عن اخته و خسر حلمه في مشاعل بس سبحان الله مقدر

و مكتوب يمكن أحسن لهم بس اللي صار لانه مهما كانت القلوب تخيل في

دواخلها و ما تنسى الجرح لو بعد سنين ,, يمكن كان الوضع بيكون أحسن و

يتعدل بينهم لولا التدخلات اللي صارت من غلاب و غلا ...

أتوقع مشاعل حياتها بتكون صعبه مع غلاب بس وجود امه اللي باين انها طيبة

من كلام مشاعل لغلا ...

أما سلطان نفس الحكاية دانه دامها كانت تتلزق فيه يعني الاخلاق مضروبه ...

=========================
(( سحر ))

و العاشق الجهول مدري ليش حسيت من كلامها أنه مستحيل يكون لها أنه تحب

مشاري و بعد طلاقه ممكن يكون لها نصيب فيه " الطيبون للطيبات "...

==============================
(( شعاع ))

اللي سبب عقده فارس من الحريم و انعدام الثقه فيهم حتى اقرب الناس لها

اتوقع كانت لها علاقه مع شاب و ممكن صار لها حادث و هي خارجه معاه و

منها فارس انعدمت الثقه في الحريم كلهم ...

============================
(( شجون ))

الله يستر عليها هالبنت من كل صوب لها حزن و الم ,, بس إن شاء الله يكون اللي

أبوها و لا أحد غيره أو انها فرح صار معاها شيء ...

==============================

سلمتي يارب

..
..
..

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, للكاتبة أمي روحي, ليلاس, العنكبوت, بيت, روايات خليجيه, روايات و قصص, رواية بيت العنكبوت, روايه سعوديه, روحي, قصص من وحي قلم الأعضاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t174576.html
أرسلت بواسطة For Type التاريخ
Untitled document This thread Refback 20-10-14 09:37 PM
Untitled document This thread Refback 04-08-14 05:03 AM


الساعة الآن 01:59 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية