مساء الخير ع الجميع بصراحه الروايه اكثر اكثر اكثر من رائعه في فكرتها وأحداثها وحوارت الأبطال وسرد الاحداث عن جد أتمني ان تكون من القصص المتميزه في القسم ....
ميشو وسلطان ان شاء الله ماشيها بالسليم وأتوقع راح يكون بينهم مصارحه قريبه...شجون أكيد بتلعب بحسبة فويرس المغرور وبتخليه يتحقرص كل مشافها وبيندم على موافقته ع شرطها وأكيد بيدور له حل يتقرب منها بدون مايجرح كبريائه وغروره،،،ودلال صج اني ماحبيتها من الاول بس هي بعد زوجها ومن حقها تحافظ عليه والحين بتضغط عليه بابوها وشغله..
وغلا ياحلاتها وياحلو مزحها ونغزاتها لخالها مع اني متأكده انها بتاخذ اخو ريوف بس أتمني تاخذ ياسر يمكن يصير مكس بين شخصياتهم وتطلع ولا احلى
وأخيرا شكرًا يا كاتبتنا همس على هالهمسات الرائعه والله كنت اتابع بصمت بس اليوم طلعت منه وقلت أشارك بالنور وانت من القصص للقليله الي كان لي رد فيها ودمتم بعافيته وخير

صبـــــــــــــاح الـــــــ خ ــــــــــير
وكل عــــــــــــــــــــــ وانتم بخير ـــــــــــام
اهلين ياحلى قروب
على قلتهم بس يكفون ويوفون لبى قلبوهم
حبيتي نجلاء الريم دورت مبارتكـ بالمنتدى واحولت عيوني مالقيتها >>>> فيس يبكي
تمنيت القاها علشان ارد عليكـ ياروحي انتي
بس ياقلبي وصبلت والحين لك تهنئة خاصه هنا كل عام وانتي بصحة وسلامة حبيتي
غاليتي لو ات مي مشكورة على انتظاركـ واهتمامكـ وربي غصب عني مو بيدي تعرفين رمضان والزحمه فيه
غاليتي العسل الجدية عزيزة النفس جعلكـ دوم عزتك فوق هام السحاب
وانا بعد عزيزة لاني روايتي حازت على اعجابكـ ومن الروايت القليه الي تردين عليها
بس احب تواجدكم معاي انا اخلي تالروايه جلس تواصل مع من احب افقدهم اسال عنهم اشوف آرائهم يحمسوني الى درجه اني اذا كتبت حدث لبطل او بطله اتدكر العسله الفلانيه تحبها الثانيه تكرهها وانتظر ردها
بس اهم شي علي راحتكم ومادام ان راحتكم تتابعون خلف الكوالس ماعندي مشكله مع اني احب انكم تطلعون للشاسه وتكبتون
وطولت عليك عطوني شوي بس ابصلي وارجع لكم انزل البارت اكرر اسفي على التأخير
وراح يكون موعدنا مع البارت الجديد يوم الاحد بعون الله تعالى
دمتم لي بود قرآءة ممتعه

الــ ج ــزأ الــســـابــع والــثــلاثــون

في مطار الرياض
رجعت دلال ماتحملت تجلس عن فارس شهر رجعت بعد اسبوع استغربت انه مايدق ولايسأل عنها خافت عليه دقت عليه مارد راحت مع ليموزين لشقتها مالقت فارس فيه استغربت كانت حابه انها تسوي له مفاجأه بس ماتوقعت ان فيه مفاجأة تنتظرها
فارس: دخل لشقته وتوه ينتبه لاتصالاتها رفع عيونه لقاها واقفه قدامه ماتمنى يشوفها الحين
دلال: تكتفت ممكن افهم ايش مشغلك عني طول هالوقت
فارس: دخل جواله بجيبه ويناظرها من فوق لحت وحاس بفرق كبير بينها وبين شجون بكل قوة وشموخ اشغلني عنك ولدي
دلال: عقدت حواجبها ايش
فارس: الي تسمعينه
دلال: سكتت تنتظر يشرح لها استغربت قوته يقولها بوجهها استغربت بروده بإستقبالها حاسه فيه شي متغير
فارس: دلال انـــــــا رجعت شجون لذمتي
دلال: أيــــــــــــــــــــــش ؟!؟!؟!
فارس: بكل ثقه لف عنها أنا رجعتها علشان ولدي تعبان ومحتاجني جنبه
دلال: مو مصدقه الي تسمعه عجزت تستوعب فارس الي يخاف منها يرجع شجون بدون مايستأذنها لا واقف قدامها ولاهمته راحت جهته فارس تتكلم جد او تمزح علي
فارس: ناظرها بحزم المسائل هذي مافيها مزح يادلال
دلال: وبكل ثقه تقولها ولاهمك
فارس: أكيد ماسويت حرام زوجتي وولدي
دلال: جلست رجولها مو شايلتها دموعها تحجرت بعيونها رفعت عيونها لفارس الي كلها دموع وأنا يافارس مالي أي مشاعر قدامكـ فارس الي جالسه عندكـ تموت فيكـ وتغار عليك بجنون بلعت عبرتها ابد مالها مشاعر قدامكـ ونزلت دمعتها
فارس: دلال انا ماتركتكـ ولاهنتكـ ام بندر رجعتها ببيت أبوي وانتي على عيني وراسي لاتقلبيها فيلم هندي قدامي
دلال: مو قادرة تتحمل برود فارس بكت جرحتني يافارس جرحتني
فارس: اوووووهـ أخذ شماغه وطلع وصفق بالباب بقووووة
دلال: آآآآآآآآآآهـ الي خفت منه صار بس انا مو سهله ياشجون راح تشوفي دلال ايش راح تسوي ايش جاب لجاب ان ماخليت فارس مايقدر يشوفكـ ماكون دلال هدات شوي ودقت على المشغل الي تابع لأمها
نادين: أهلين مدام دلال
دلال: اسمعي نادين ابجيكـ وابغاكـ تطلعيني لوكـ جديد ابغى الي يشوفني مايقول هذي دلال غيري شعري اصبغيه قصيه أي شي بس أهم شي اتغير للأفضل
نادين: اوك ولا يهمكـ مدام
======================
في بيت غلاب
غلاب: قام من نومه سكر جهاز المنبه ناظر الساعه فز يوم شافها استغفرالله تأخرت على صلاة العصر استغفرالله فاتتني اصليها بالمسجد قام بسرعه توضأ وصلى حس بجوع تذكر انه رجع من دوامه ماأكل الا تفاحه ونام جلس على الطاولة ياكل ساندوتش مع جبنه تنهد بضيق الى متي يظل حالي كذا أحس نفسي ضايع الوحدة عذبتني ماكمل أكله طلع للورشه سلم على خاله وجلس قدم له الهندي شاهي
رشاد: اهلين لايكون راحت عليكـ نومة
غلاب: ابتسم بضيق الا ربي يعفي عني
رشاد: بإبتسامة حنان لازم تجيكـ زوجة تهتم فيكـ
غلاب: سكت مارد بعدين قال الله يرزقني ببنت الحلال
رشاد: جلس وأخذ بيالة الشاهي بنت الحلال تنتظركـ تشوفها الشوفه الشرعيه
غلاب: رفع عيون متفاجيء بكلام خاله
رشاد: ضحك لاطالعني بعيونكـ ترا اسحب كلامي
غلاب: لا تكفى ياخال ماصجقت توافقون
رشاد: حط يده على يد غلاب ماراح القى احسن منك ياولد أختي
غلاب: غمض عيونه وفتحها جعلني اكون عند حسن ظنكم ياخال
رشاد: وهو يشد على يده ثقتي فيك كبيره ياغلاب
================

في المستشفى
ياسر: جالس بمكتبه يراجع بعض الاوراق
الممرضه: ادخل عليك المريض العاشر
ياسر: ايوه دخليه
دخل رجال يمكن بالسبعين من عمره ومعاه بنت عمرها 25 مرضيه بالقلب
الرجال: السلام عليكم
ياسر: رفع راسه ورد وعليكم السلام بس ماكمل كلامه لأنه تفاجأ من الي واقف قدامه
الرجال: وقف جنب بنته بهدوء
ياسر: وقف وأبعد عن مكتبه وقرب من الرجال وهو الى هالحين مو مصدق إن أحب شخص واقف قدامه
بنت الرجال: أبعدت باستغراب وهي تشوف حركات الدكتور وتفاجيه
الرجال: حرك نظارته يدقق بوجه الدكتور
ياسر: ماصدق الي اشوفه قدامي الإنسان الي كان بعد ربي سبب هدايتي الإنسان الي حن علي بوقت حاجتي وضعفي
الرجال: باستغراب مين أنت
ياسر: نسيتني ياأستاذ محمد انا غررررريب
محمد: فرح بالي يشوفه معقوله
ياسر: حضنه بحنان ونزلت دمعة فرح من عيونه ابعد عنه امنيتي التقي فيك سألت عنك مالقيتكـ
محمد: والله انا فرحتي فيك ماتوصف بس تعرف رحت عندأمي بالديرة درسنا بالرياض بس لازم نرجع لديرتنا العقيق فيها أهلنا وربعنا
ياسر: تفضل يادكتور ايش تشرب
محمد: ياوليدي مابي شي بس ابيك توعدني بموعد نجلس فيها جلسه هاديه اشوف ايش صار عليك
ياسر: طلع بطاقته هذا عنوان بيتي متى مافضيتي بس دق علي
محمد" تسلم ماتقصر
ياسر: سلامات ياأستاذ
محمد: ابتسم الى هالحين استاذ ماشاءالله صرت دكتور مشهور وانا استاذ متقاعد
ياسر: راح تظل استاذي وتاج راسي وراح افتخر فيك حتى اموت
محمد" بعد عمر طويل بطاعة ربك
ياسر: وياك يالغالي ايش المشكله آمرني
محمد: بنتي نجود عمرها 25 سنة تغيرت حالتها يوم صار عمرها عشر سنوات بس كانو يصرفون لنا ادويه وسوت قصدرة يوم صار عمرها 15 سنه بس الحين كثر تعبها وكل دكتور يجينا بكلام ووصفه واحد من ربعنا ماقصر مدحكـ لنا وماعرفت ان هالدكتور الي الكل يمدح فيه هو الطالب المثالي غريب
ياسر: ابكشف عليها وإن شاءالله ماتحتاج عمليه
نجود: تعودت يكشف عليها كم طبيب بس استحت لأن هذا يعرف ابوها
ياسر: ممكن تطلب منها ترتاح علشان اكشف
محمد: نجود ارتاحي هناك
نجود: بخجل جلست على السرير وساعدتها الممرضه
ياسر: قرب وهو صاد عنها حط السماعه حس قلبها حيل تعبان بس ماحب يخوف أستاذه نزل السماعه وجلس خلف مكتبه
محمد: هاهـ طمني ياغريب ابتسم له قصدي يادكتور ياسر
ياسر: حلالك كلها اسمائي بس الاسم الاول أمي سمتني اياهـ والثاني أنت تعمد يرد كذا علشان يخفف توتر أستاذهـ
محمد: يالله ما أشغل يادكتورنا عن إذنكـ
ياسر: وقف معاهـ يودعه عند الباب افا ماأشغلتني ولاشي بالعكس جيتكـ فرحتني حيل
محمد: مد يده وابتسم له ابتسامة ابويه عساها دوم الفرحه وانا ووربي ماتتخيل فرحتي يوم لقيت ولد ابعدته الظروف عني فتره ورجع علشان تقر عيني فيه طق على كتفه اشوفكـ على خير يابو عمار
ياسر: بإبتسامة عريضة ان شاءالله ومتى ماحتجت لي بأي وقت دق علي
محمد: تسلم ماتقصر مع السلامة وراح هو وبنته
ياسر: رجع لمكتبه ولسه الإبتسامة على وجه فرحان بشوفة استاذه كثيرر
================
في بيت ابو سلطان
سلطان هو وأهله مجتمعين ومعاهم مشاعل
ابو سلطان: ترانا نبي ننزل يومين للشرقيه قبل زواج عبدالرجمن
مشاعل: فرحت نفسها تغير جو
سلطان: تبيني احجز لكم شاليه يبه
ابو سلطان: ليه أنت مو رايح معانا
سلطان: لا يبه مشغول
مشاعل: ضاقت يوم سمعت ردهـ
ام سلطان: عاد والله كنت قبل مع دلال ماتتركـ سفرهـ كل يوم تسافر معانا خابرتها تحب تسافر معانا ايش غيركـ الحين
العنود: يمه اكيد اخوي مشغول والا كان مايفوت سفرة
ابو سلطان: ناظرها بعصبيه ابفهم ايش محرق رزكـ يروح مايروح براحته متزوج وماعلينا منه
ام سلطان: بسم الله علي ايش فيكم طبيتو علي بس احب اسافر وولدي معاي
مشاعل: والله ياخالتي مانبي نفارقكم بس يمكن سلطان عندهـ شغل
سلطان: ايه عندي شغل ماقدر استرخص من عملي
ام سلطان: بدون نفس براحتكم
ابو سلطان: أجل العصر ماشين مادامكم مو معانا
سلطان: يبه مايمديني احجز لكم طيارة وشاليه
ابو سلطان: افا ياوليدي تراني ماشيبت الى هالحين اقدر اسوق لاتشغل نفسكـ والشاليه ابو ناصر رفيقي الي بالدمام حاجز لنا ماقصر
سلطان: ابتسم الله يساعدكم
العصر كل العايله متجهزة ومشاعل وسلطان يودعونهم
العنود: لفت على مشاعل وهمست بإذنها فرصتكم خوذي راحتكـ ترا اخوي لسه يموت فيكـ
مشاعل: ابتسمت وبقلبها ماتعرفين انه مو متقبلني ومتجنبي وحاطني عنده رحمه بس
يوم طلعو كلهم سلطان لف على مشاعل تامريني بشي
مشاعل: سلامتكـ
سلطان: عن اذنكـ وطلع وخلاها
مشاعل: تناظره يوم سكر الباب هذا الي يحبني ويموت فيني طلعو أهله طلع بعدهم مو تعودة اصير انا وياه لوحدنا بس مانكر اني احبه بس أهابه كثير مع انه ماعمرهـ خانقني بس اهابه ليه مادري شافته طول مارجع راحت ترتب غرفتها اذن المغرب وهي لحالها راحت تجهز عشاء لهم
سلطان: دخل وهو منحرج منها انه تأخر طلع غرفته مالقاها عرف انها تحت تحمم وغير ملابسه ونزل ناظرها حس انها متضايقه جلس آسف تأخرت بس كانت الفورد عطلانه ورحت اصلحها
مشاعل: بدون مبالاة عادي ماحصل شي
سلطان: فرحان بوجودهم لحالهم بس ضايق من ضيقها الي يشوفه بوجهها كنتي تتمنين تسافرين صح
مشاعل: وهي عيونها على صحنها تلعب بالملعقه لاعادي رفعت عيونها تبي اغرف لك شوربه
سلطان: ضايق من برودها معاه حاس انها مو متقبله جلوسها معاه لوحدهم عارف ماشرطت بيت مع أهله الا ماتبيه يحتك فيها كثير حب يتأكد من مشاعرها نحوه او نحو غلاب قال ببرود اليوم وانا بالورشه شفت واحد من ربعنا
مشاعل: تسمعه وساكته غرفت له الشوبه وغرفة لنفسها وقربت الملعقه لفمها
سلطان: وهو يتابع تصرفاتها وقالي ان غلاب خطب بنت خاله
مشاعل: قربت الملقعه وكانت الشوربه حارة وبعدتها بسرعه وهي مانتبهت لكلام سلطان اصلا
سلطان: شافها نزلت الملعقه بسرعه ووجهها حمر شك، انها زعلت علشان غلاب خطب
مشاعل: تمسح ملابسها منحرجه منه آسفه ماتوقعتها حارة وابتسمت بخجل
سلطان: حط ملعقته بعصبيه حرارة الشوربة او حرارة قلبكـ لزواج غلاب
مشاعل: فتحت عيونها ونست الألم الي بشفايفها أي زواج انت ايش حالس تتكلم عنه !!!!
سلطان: وقف للأسف متزوجه ومازالت تخون زوجها بالتفكير بزوجها السابق وراح وخلاها
مشاعل: مو مستوعبه الي يقوله جمعت نفسها وقامت له دخلت عليه بالغرفه معصبه ايش جالس تخربط سلطان
سلطان" بحزن للأسف مو أنتي مشاعل الي اعرفها رفع عيونه لها بحزن وعتاب تغيرتي حيل مشاعل ماسرعك مانسيتي الحب الي بينا حب غلاب اعماكـ عن كل شي ونسيتي سلطان الي كان يموت بترابكـ
مشاعل: مازالت متفاجئه من كلامه ممكن افهم انت تتكلم عن ايش وليه قلبت علي كذا سلطان انت تقول كلام ابد موفاهمته
سلطان: بعصبيه شوفي حالك يامدام مجرد ماقلت لك غلاب راح يتزوج بنت خاله ارتبكتي ورميتي الملعقه توقعتكـ راح توفين لي توقعتكـ غير عن البنات كلهم بس للأسف يامشاعل شكلك مجبروة علي وأنا ماقدر اتحمل اعيش مع وحده قلبها متعلق بغيري
مشاعل: امتلت عيونها دموع وبهمس حتى أنت ياسلطان حتى أنت تشكـ بوفائي لكـ لفت عنه وجلست على الكنبه ودموعها تسيل على خدها هو مالومه مريض نفسيا وماعرفني من طفولتي رفعت عيونها ودموعها تسيل بس أنت الي تعرفني من زمان الحين تشكـ فيني ايش الفرق بينكـ وبينه مافيه فرق بين الانسان الي حبيته والإنسان الي انجبرت عليه وظلمني كثير ماصار فيه فرق ابد
سلطان: هدت عصبيته ولام نفسه يوم شاف دموعها وسمع كلامها قرب لها بس الإنسان الي حبتيه نسيته بسرعه وماعد له شي بقلبكـ
مشاعل: مسحت دموعها وصدت عنه لأنه هو رماني لأنه هو نساني لأنه بعد سنة من طلاقي انجبر علي
سلطان: الانسان الي تخلى عنكـ انظلم زيكـ قال كلمه بوقت عصبيته وماصدقت حبيته قصدي عشيقته الا تفسخ خطوبتها وتتزوج غيرهـ تعرفي ايش معنى حبيته يامشاعل يعني احب الارض الي تمشي عليها
مشاعل: ناظرته بحزن ونزلت عيونها وبعدها تزوجت وحدة أجمل منها ونسيتها
سلطان: جلس على ركبه قدامها بس أشوفها ملكة جمال ماشوف بعيوني أجمل منها
مشاعل: رفعت عيونها باستغراب لكلامه
سلطان: مسكـ يدينها وناظرها بشغف وحنان احب حياها ابتسامتها احب طيبة قلبها احب اخلاقها احب تعاملها مع الغير احب كل شي فيها
مشاعل: بتردد يعني مازلت تحبني
سلطان: غمض عيونه وفتحها وناظرها بوله وأشر على قلبه وهذا مادخله غيركـ حاولت انساكـ أكٌرهـ نفسي فيكـ بس ماقدرت حب مشاعل تشبع بعروق قلبي
مشاعل: من الفرحه ماتدري هي تبكي او تضحكـ مشاعرها تضاربت نزلت عيونها وطلعت دموعها
سلطان: استغرب من بكاها ضاق يوم شافها تبكي جلس جنبها ولف وجهها له مشاعل ان كنتي مو متقبلتني ماحد يقدر يجبركـ علي القلوب بايدن ربنا وكل شي تقدر تجبر نفسكـ عليه إلا الحب قال بجزن ان كنتين نسيتي حبنا لاتجبرين نفسك علي ووربي مابقلبي عليك شي راح تظلين بنت عمي وتاج راسي
مشاعل: ناظرته بحنان من بين دموعها وأنا نسيتكـ علشان اتذكركـ حبيتكـ حب مجنون ومازالت احبكـ بجنون كنت اوهم نفسي اني كرهتك ونسيتكـ ماكذب عليكـ حاولت وحاولت بس ماقدرت قلبي صار عنيد ومارضي يطلع منه
سلطان: مو مصدق الي يسمعه ابتسم لها وضمها على صدرهـ بكل قوته
مشاعل: تجرأت وضمته وبكت بقوة اوعدني ماتتركني ثانيه سلطان تعذبت حيل يوم تركتني
سلطان: غمض عيونه وشد عليها اوعدكـ ياعيون سلطان اوعدكـ ياروح سلطان ماراح يفرق بيننا الا الموت
احم احم نسكر الستار عنهم نخليهم يكملون ليلتهم سواء بدون ازعاج >>>>>>:graaam (214):
============
في الشرقيه
العنود: جالسه عند البحر هي وسلطانه سواليف وضحك
سلطانه: شوفي شكل الناس هذولا توهم يجون
العنود: ناظرتهم شكلهم
سلطانة: اووه العنود مو كأن الي ينزل الأغراض صلاح
العنود: فز قلبها لطاريه ناظرت تتأكد تعرفه من بين مليون رجال الا هو يالله خلينا ندخل داخل
سلطانه: ايش فيكـ الجلسه هنا حلوة
العنود: انا ابرجع وانتي كيفكـ
سلطانه: لحقتها شوفي شكلهم ماخذين الشاليه الي جنبنا بالضبط
العنود: اووف خلاص اسكتي
سلطانة: مقدرة عصبية أختها سكتت
صلاح: وهو ينزل الأغراض رفع عيونه للحرمتين الي مرو من جنبه هي العنود ماغيرها اعرف نصبتها في العباة معقولة ساكنين بقرب شاليهنا
العنود: دخلت وجلست بالصاله مع أهلها يبه متى نرجع
ابوها: بكرهـ ان شاءالله
العنود: يبه خلينا نرجع الحين طفشنا خلاص
ابوها: امسك تقولين لي مايكفي يومين خلنا نطول يبه والحين غيرتي رايكـ
العنود: خلاص سووا الي تبغون وقامت دخلت لغرفتها هي وسلطانه
ابوها: ايش بلاها؟!؟!؟
سلطانه: لأنها شافت صلاح وأهله ساكنين جنبنا
أمها: وجعه وراء وجعه ايش جابوهم صوبنا هذولا خلصت الشاليهات يجون عندنا اتوقع حطين رقيب يراقبنا
سلطانه: ههههههههههههههههه يمه ايش قالو لك كونان على غفله لايمه أكيد صدفه
أمها: ابد يادافع البلا اتوقع ولدهم هالخبل يراقبنا غثنا يبي يراجع العنود وجاي يتلصق هو والعنز أمه ياكرهها ذيك المرة الا تشبب غصب وهي عجوز متعديه السبعين
ابو سلطان: اذكري الله ولاتحشين فيهم ياخذون حسناتكـ
أمها: يع مالت عليهم من ابوهم لأصغرهم مادري كيف غلطت وزوجتهم بنتي لا وشايفين نفسهم علينا وهم برصان مادلهم الزين ا لا صح يقولون الي راح يناسبهم عبدالرحمن ولد نوال مثلهم برصان بس مادلهم الزين لو آخذين سلطانه ابركـ لهم
سلطانه: يمه الله يوفقهم زينهم وشينهم لهم ايش دخلنا احنا
أمها: مادري بس نوال ساعات ماعندها ذوق ابد
ابو سلطان: قام تعرفين ان الجلسه معك تنقص بالعمر ماعندكـ الا الهرج بفلان وعلان ادخل لغرفتي احط راسي ابركـ لي من حشكـ بالنس اعوذ بالله ماخلت أحد ماحشت فيه
أم سلطان: مسكت ثوبها ادخل على الله مالي دخل بأحد انا مرة أخاف الله يتزوجون يتطلقون كيفهم
سلطانه: كل هذا يمه مالكـ دخل لأحد من خليتي وضحكت
ام سلطان: وجعه احشمي امكـ
سلطانه: على راسي يا أم سلطان
ام سلطان: ايه فديته وفديت طاريه مالي عنه الا يوم واشتقت له مادري ايش مسوي أحسه مو متقبل مشاعل ابد مالومه ماهنا زين يملا العين
سلطانه: يمه ردينا للحش الله يهديكـ
أمها: يابنتي مو حش هذا الي اشوفها مشاعل ماهنا زين يملا عين ولدي
سلطانه: انا اشوفها حلوة وجذابه يكفي خفة دمها وطيب روحها صح مو اخف دم من غلو بس ترا مشاعل ان روقت يطلع خفة دمها
أمها: اعوذ بالله يالغلو الي ماعرفت أمها تربيها والله مافيه خفة دم ولاشي الا فيها هبال ودلع وقلة حياء اعوذ بالله لو يقولون اخطبيها لولدك بريال ماخذتها
سلطانه: عاد مايحلى المجلس بدونها
أمها: يع مالت عليها ماعندها حشسمه لأحد اخبرها مجننه دانه بنت اخوي وتخبرين دانه خجوله مالها دخل بأحد العوبا تآكلها بلسانها ودانه ضعيفه ماتقدر عليها
سلطانه: يمه انا كنت معاهم ودانه ماتقصر تقول كلام يرفع الضغط وغلو ماتحب احد يغلط وتسكت
أمها: ماقول الا الله يعين الي يبي يتزوجها أكيد امه داعيه عليه
======================
في غرفة سلطان
مشاعل: فتحت عيونها شافت نفسها نايمه على يد سلطان بسرعة ابعدت طالعت بسلطان بخجل آسفه مانتبهت شكل يدكـ اخدرت
سلطان: ابتسم لاتتأسفي انك نمتي على يدي طول الليل تأسفي انكـ بعدتي عن حضني الحين
مشاعل: حمرت خدودها ونزلت راسها تحت
سلطان: قام وقرب لها بعد شعرها عن إذنها وباسها وهمس لها صباح الخير ياأحلى عروسة
مشاعل: بإتسامة خجل راح نكمل 3 اسابيع متزوجين وتقولي عروسة
سلطان: باس خدها بهدوء زواجنا ماله غير ليله وحده بس بس
مشاعل: انحرجت حيل من كلامه عن اذنك ابقوم آخذ شاور قامت بسرعه للحمام وهي تحس انها حرانه حيل
سلطان: رمى نفسه على مخدته وإبتسامته شاقه حلقه يطالع السقف تنهد براحه احمدك يارب رجعتها لي ماصدق مشاعلي لي أنا بس ماصدق ان مشاعل لسه تحبني زي ماحبها
مشاعل: دخلت تحت الدش تتذكر كلماته وهمساته غمضت عيونها والمويه تسيل على وجهها جلست بالبانيو غصب عنها جاها ذكرياتها مع غلاب وقسوته معاها اول ليله معاه فتحت عيونها تبغى تمسح كل ذكرة اليمه خلاص سلطانها رجع لها وهو راح يبعد عنها كل لحظة الم وحزن مرت فيها سلطاني وبس
====================
في جناح فارس وشجون
شجون: طلعت للصاله شافت فارس موجود ماعبرته راحت للمطبخ وطلعت ومعها مويه
فارس: كان جالس لحاله فوق يفرفر بالقنوات ينتظرها اشتاق لها بس مايقدر يدخل عليها غرفتها ويضايقها يخاف تزعل او تتضايق يخاف يخسرها يوم طلعت وكانت لابسه بيجامة ورديه برمودا وشاليه شعرها بطريقه عشوائيه مبين نعموته وكثافته لأنه طايح خصلات على وجهها فز قلبه يوم طلعت يشوفها مو مهتمه بنفسها بس جماله واضح والبيجامه القطنيه مفصله جسمها أكثر وباين جمال جسمها انتظرها حتى طلعت ومعاها كاسة المويه بحنان ليه بندوري قام
شجون: بدون مبالات ايوه ودخلت بسرعه للغرفه
فارس: لحقها متعذر يشوف ولده جلس على طرف السرير وباسها بهدوء
شجون: ماتنكر انها متضايقه من وجوده بالمعنى الاصح محشورة بس ماتقدر تمنعه يشوف ولده
فارس: حبيبي صحيت ورفع عيونه لشجون الي مو راضيه تحط عيونها حارمته من هالعيون الي يعشقها يشوف ابتسامتها لولدها تمنى انها تبتسم له وتحضنه نفس ماتحضن ولدها ايه كلها وقت وتلين لازم تغير تعاملك يافارس الحرمة تجيبها كلمة وتوديها كلمة يطالع فيها توكـ تلقى بنت نفس مستوى جمالكـ يافارس هذي البنت الي ادورها من زمان مانتبه الا شجون تناديه
شجون: لو سمحت يدكـ شوي اخاف ينام على يدكـ وان جيت تطلع يقوم
فارس: فرح انها حطت عيونها بعيونه صح نزرات كره وكلام برسميه حتى اسمه ماتقوله بس عبرته طيب وبعد عنه ياحليله نعس
شجون: وهي حاضنه بندر حطت خصله وراء غذنها هزت براسها يعني ايه
فاررس: يتأملها وهي تنوم ولدها دق جواله
بندر: فز وبكى
شجون: ناظرته بعتاب تراني ماصدق حتى ينام الصياح وقل النوم يتعب قلبه
فارس: بسرعه سكر الجوال بوجه دلال وحطه على الصامت
دلال: فارت وصارت تدور ببيتها دقت ثانيه ثالثه لارد أكيد عندها ايش جاه متأكدة هالحيه ساحرته آآآآخ يالقهر وبكت معقولة يافارس تتغير علي فجاه مابي اقول لأهلي يسون مشكله وأخسرره لازم انتظره بعد ماغيرت شكلي كانت متجهزه له قصة شعرها قراديه وخصلته بأصفر وحاطه عدسات زرق ولابسه فستان ربع الفخذ بحري وتوب بدون أكمام وكل شوي تعدل بنفسها تحس انها احترت وخايفه يخرب مكياجها متى ترجع مابي اشد وهو شاد معاي لازم ارخي علشان يرخي ماعندي استعداد اتنازل فيه للحيه شجون عارفه انها طوال سنة تخطط ترجعه بس يابعدكـ يتشجون فارس لي انا بس
شجون: نام ولدها وحطته بهدوء
فارس: بشويش يكلمها ابتسم لها هذي دلال احرقت جوالي
شجون: رفعت عيونها بدون اهتمام اطلع بالصاله وكلمها طلعت تغسل رضعت بندر
فارس: لحقها للمطبخ لاتعرفي غيرت الحريم مو هي عرفت اني رجعتكـ عصبت حيل بس قلت لها بندر وأم بندر على راسي انا ماسويت حرام رجعت زوجتي وولدي وبس
شجون: لفت تناظرهـ ايه وبعدين >>> هي فاهمته بس تستعبط
فارس: حكـ راسه بس قصدي ابعلمكـ تراني رجعتكـ علني يعني عادي لو احط يوم وليله لكـ تراه من حقكـ علي انتي وبندر
شجون: مايحتاج دلال كل الحق لها ترا
فارس: متحمس ليه أنتي زوجتي زي ماهي زوجتي بالعكس أنتي اولى منها تعرفي ليه
شجون: بتريقه ليه!!!
فارس: لأنكـ ام ولدي هي مايربطني فيها شي
شجون: تعرف ياستاذ فارس رجعتي لكـ بون يوم ولا ليله بس علشان تشوف ولدكـ براحته لو لي يوم وليله كان مارجعت لو على قطع راسي وطلعت وخلته
فارس: يوم سمعها تسكر باب غرفتها عصب اوووووف وطلع لسيارته يسوق بكل تهوره كل مايتذكر اهانت شجون له يدوس دخل وهو معصب لبيته شاف إنارة هاديه ودلال جالسه وحاطه رجل على رجل وباين فخذها وقف شوي يطالعها يشوفها وهي تبتسم بدلع له علشان تفتنه على طول جت صورة شجون وهي بيجامتها بدون أي مكياج فرررق كبير يادلال فرق كبير جلس على الكنبه بتعب
دلال: قامت وهي راشه نصف زجاجة العطر عليها حطت يدها على كتفه ولصقت فيه باسته مع خده آسفه حبيبي
فارس: لف يناظرها شاف العدسات والمكياج عن قرب
دلال: تنتظر كلمات الغزل والشوق تدور بعيونه أي نظرة إعجاب بس للأسف مالقت
فارس: ابعد عيونه ماصار شي دلال ردت فعلك طبيعيه كردة فعل أي زوجه تغار على زوجها عن اذنكـ ابنام احس اني حيل تعبان
دلال: صدمها جرحها طعنها حست ببرودة مكانه يوم قام عنها تسمرت مكانها نزلت دموعها وخرب كل مكياجها اكرهك ياشجون اكرهكـ ياساحرة خطفتي مني زوي بسحركـ بس مستحيل اتنازل عنه بكل سهوله مستحيل
===============[/COLOR]

في الشرقيه
صلاح: طلع يبي يروح للمسجد الي بالممنتجع شاف ابو سلطان يطلع من الشاليه الي جنبهم استغرب معقوله ساكنين جنبنا العنود هنا وأنا مو داري اسرع خطواته وراح لابو سلطان سلم عليه مرحبا ابو سلطان محلاها من صدفه اتاريكم جنبنا وربي مادريت يكلمه وهو مستحي منه
ابو سلطان: ببرود ايه بس راح تاخذون راحتكم وترتاحون منا لأننا بكرة راجعين
صلاح: افا بالعكس وجودكم هو فرحتنا وربي
ابو سلطان: مارد واصلا مالتفت له وراح للمسجد
صلاح: دخل للمسجد وهو يفكر بالعنود رجع وهو عيونه على الشاليه حقهم دخل على أهله وجلس عندهم وهو سرحان
أمه: ايش بك ياولدي سرحان
صلاح: ابو سلطان وعياله جنبنا بالشاليه
نسرين: جد صلاح !!!
صلاح: هز براسه بإيه
نسرين : ابروح لهم
اهلها استغربو منها
امها: جنونة يابت نسيتي ايش صار بينا او ايش !!!!
نسرين: ياماما مو مرتاحه ابد احس بتأنيب الضمير مرة كل ماتذكر العنود يوجعني قلبي
أمها: خلاص يانتي الي انكسر عمه مايتصلح
نسرين: طيب انا ابروح خلوها تينهي تطرجني بس يراح ضميري
فؤاد: اجل تحملي الي يجيكـ
صلاح: تمنى نسرين تصلح شي من الي انسكر وترجع العنود له مو كله حب بالعنود بس ضميره يعذبه حيل
نسرين: دقت باب الشاليه حقهم
سلطانه: افتحت ماعرفتها اهلين أي خدمه
نسرين: بخوف انا نسرين ممكن اكلم العنود
سلطانه: ميلت شفايفها وخلت الباب وراحت لأهلها الي جالسين بالصاله
نسرين: واقفه تنتظرهم يسمحون لها بالدخول بس سمعت كلام العجوز
أم سلطان: خليها تولي ايش نبي فيها صدق شين وقوة عين خليها تطس مانبيها لاهي ولا عجوزها المتشببه
نسرين: سمعت هالكلاك جت تبي تردع بس سمعت صوت العنود
العنود: تفضلي يانسرين ادخلي حياكـ
نسرين: استحت يوم شافت العنود تدخلها وأهلها مو متقبلين لها مدت يدها آسفه بس حبيت اسلم عليك العنود واروح مابي ارفض نفسي على ناس مايبغوني
العنود: افاااا الضيف مرغوب بأي وقت وبأي مكان تفضلي
نسرين: دخلت معاها وراحو بالزرع الي نب المسبح الي خاص بالشاليه
العنود: جلست معاها وساكته بس عارفه لازم تكرمها لأنها ضيفه لفت عن اذنك ابروح اجيب شي تشربينه
نسرين: مسكت يدها موجايه اشرب شي بس حبيت أكلكـ يالعنود
العنود: رفعت يدها الي راح راح يانسرين مابي تفتحي دفاتر تسكرت خلاص
نسرين: خنقتها العبرة أنا مو مرتاحه ولا حتى أخوي حتى أمي يأنبها ضميرها بس يمكني انا اجراهم جيتك لحد بابكـ العنود احنا ظلمناكـ كثير عارفه قليلة خاتمه وتخليت عن اقرب صديقه لي بس يمكن طلاقي من زوجي أثر على نفسيتي وجعلت قلبي اسود نزلت دموعها ومسحتها وهي تكمل كلامها
العنود: حاطه يدينها على رجولها وتناظر البحر وساكته تسمتع لنسرين
نسرين: وربي مارتاح حتى بنومي تأنيب الضمير عذبني وكل ماشوف صلاح اتعذب أكثر صلاح فاقدكـ يالعنود وربي فاقدكـ ندمان عدد شعر راسه
العنود: لفت بعصبيه وهي راصه أسنانها اسمه مابي اسمعه تجيني ضيفه حياكـ تجيني تقلبين صفحات قديمه مابي اسمع نفس الكلمات الي غشيتني فيها وخليتني اترك اطيب واحن انسان قابلته نفس الكلمات الي هدمت بيتي وخلتني من أسعد انسانه الى اتعس انسانه ايش تبغين مني يانسرين حرام عليكـ الي جاني كفاني
نسرين: بكت أكثر وربي مابي اهدم سعادتكـ ربي أخذ حقك منا حتى مابي ارجعك لأخوي لأني عارفه انك مو طايقته بس ابيك تسامحيني بس ونرجع صحبات قصدي خوات زي أول
العنود: مسامحتكم الله يسعدكم بس نرجع صعب حيل يانسرين
نسرين: عرفت إن العنود ابد مو متقبلتهاوقفت مشكورة انكـ استقبلتني وماطرديتني لو غيركـ طردني بس مو غريبه منك ياغلة صديقه فرطت فيها
العنود: ووقفت تودعها برسميه ومشت معاها عند الباب
أم سلطان: طلعت وشافتهم تنفض يدها بوجه نسرين الحين انتي يابنت العنز الرقطاء ماكفاكم الي سوتوه ببنتي جاين تكملون علينا
العنود: يمه خلاااااااااص ارجوك
نسرين: طلعت بسرعه
أم سلطان: ليتني ناتفه شوشتها ومبردة حرت قلبي
العنود: يمه هذي ضيفه مايصلح نسوي كذا
ام سلطان: تخسى هالبقرة تصير ضيفتي
صلاح: شاف أخته داخله وهي متضايقه ماستقبلتكـ صح
نسرين: وهي تفسخ عباتها الكتف بالعكس ماقصرت بس مو راضيه تسامحني
صلاح: وقف الي سويته فيها مو قليل ابد ودخل لغرفته
ابو سلطان: طلع وهو معاه شنطته
سلطانه: وين يبه
ابو سلطان: كرهت السفره كلها يالله بس رجعنا
================
في بيت ابو سلطان
مشاعل: كانت جالسه بالصاله لابسه فستان قصير ناعم مرة وحاطه مكياج خفيف دق التلفون وردت عليه اهلين غلاوي
غلا: جالسه ومادهـ رجولها قدامها وتلعب بسلكـ التلفون طفشانه قلت أكلمكـ
مشاعل: بقلبها هذا وقته ايه ياكـ
غلا: وهي تعلك علكها ايش فيك تقل ماتبيني لاتكوني مشغوله خابره اهل زوجكـ مسافرين واذكر سليطين يسهر مع ربعه
مشاعل: حرام عليكـ سلطوني مو راعي سهرات
غلا: بغت تبلع علكها كحت وعدت جلستها هيه انتي ايش هالدلع سلطوني ومو راعي سهرات تطورنا ايش صاير ماخبرتكـ تدلعينه الايوم مراهقه ايش رجعكـ الحين تقل انك تعانين من مراهقه متأخره صح
مشاعل: ايوه اعاني وبشدة من مراهقه متأخرهـ وضحكت
سلطان: كان داخل ويمشي بطرف اصابعه سمع دلعها له وضحكتها راح وراها وضمها من وراء الكنبه
مشاعل: فزت ولفت عليه وابتسمت له
غلا: كانت تسولف ومندمجه لبالسواليف وكل شوي تعلك وتطق علكها بس توها تنبه انها تكلم نفسها
مشاعل: مو يمها تضحك لسلطان الي احرجها بتصرفاته ونست غلا بالتلفون
غلا: هيه مشاعل ميشو مشمشمه تناظر الجوال البنت مات او ايش صرخت مشاااااااااااااااااااااااااااااعل يابنت وينك
سلطان: ابتسم يوم سمع صراخها قال بهمس ردي لاتحرقكـ
مشاعل: قسم هالبنت تحرق الكل مو بس أنا
غلا: سمعت صوتهم آها الحين فخمت السالفه وسكرت التلفون البنت هي وزوجها مسوين مسلسل ابيض واسود ومخليني جد مايستحون
مشاعل: ناظرت التلفون سكرت السماعه لايكون زعلت
سلطان: لف وجلس جنبها تزعل وترضة ماعليك منها بكره تتزوج وتنساكـ حبيتي تأخرت عليكـ صح
مشاعل: اممممم بدلع ايوهـ
سلطان: وهـ فديت الي تدلع على حبيبها يالله ياروحي قومي غيري وشوفي ليه تأخرت عليكـ
مشاعل: ثواني واجيك باسته وبسرعه طلعت فوق تغير ملابسها
سلطان: يحس انه اسعد انسان بالعالم هذي مشاعل بمرحها وخفة دمها وابتسامتها الله لايحرمني منها بس
مشاعل: نزلت بسرعه تأخرت عليكـ
سلطان: امممم يقلد صوتها ايوهـ
مشاعل: ههههههههههههههههه زين اتريق علي
سلطان: البنت ضحكت والولد ضاعت علومه مافيه طلعه هونت
مشاعل: حطت يدها على فمها خلاص سكت تبغاني ابكي بكيت بس ابشوف ليه تأخرت
سلطان: يالله مشينا
راحو لمطعم راقي وعلى طول القرصون استقبلهم ودخلوهم لغرفه طاولتها سواداء وكراسي أحمر وعليها شموع حمراء وباقة ورد بالوسط
مشاعل: ناظرت سلطان ضمته احبكـ والله أحبكـ
سلطان/ هاهـ عجبتكـ لفيت الرياض ماعجبني غير هالمطعم وماسكـ قلبي قلت يارب يعجبها
مشاعل: بعدت عنه ومسكت يدهـ حبيبي لو فارش لي بالثمامه وقايل هذي ليله حلوهـ نحتفل فيها راح تكون أحلى ليله بعمري اهم شي معاي حبيبي
غلا: جلست تفكر طفشت من علكها ورمته مافيه غير سحير دقت عليها
سحر: ردت ومعاها ميار تبكي
غلا: هيه انتي هل تسمعينني
سحر: لا اسمعك سكري بس والله انك فاضيه البنت تبكي وهذي جالسه تتكلم العربيه الفصحى
غلا: لغة الأجيال
ميار: بكت أكثر
سحر: ياختي البنت عليها حرارة وعطيتها ادول مافاد وخالتي قالت لي حطي على راسها حنا
غلا: اقول خلبك مع بنتك ابرك لكـ سكرت منها اكلم عجوز ماكلم سحر بنتي وحنا وبلوي يوه من جد طفش
عبدالرحمن: توه داخل وشاف أخته ماده رجولها على الكنبه وتكلم نفسها بضيق وليه غلو طفشانه
غلا: عدلت جلستها تستر سيقانها سحير وميشو مشغولات عني ماعندي أحد
عبدالرحمن: بكره تجيك ريوفي توسع صدركـ
غلا: مناك انت وريوفكـ لو ابكلمها كلمتين أكيد راح تناديها كل دقيقه وهي تحمر تبي تروح لكـ بس منحرجه منكـ اعرف حركات البنات
عبدالرحمن: جلس جنبها وإلا انتي مصدقه ابخليها معاكـ لا ياروح أمكـ هذي البنت بأمانتي ماعندي استعداد اجننها معاكـ
غلا: يوووه يوووه شوفو هذا بعد ايش قالو لكـ تراني مرة سنعة لو تخلي زوةجتك معاي تطلع شيفه قصدي طباخه
عبدالرحمن: يقهرها مابي يدينها تخشن ابغاها تظل على نعومتها تصبحين على خيرررر
غلا: رجعت انسدحت على الكنبه وربي طفش بس بكره ان شاءالله سحير وميشو يجون عندنا علشان المرة الي تنقش وتشيل وراح انشب بحلقوهم واخليهم ينامون عندي واعوض هالطفش
===============
في الاستراحه
قررو الأهل يخلونه زواج عائلي بأحد استراحات الرياض
سبيكه: بعد ماخلصت منها الكوفيرهـ طلع شكلها حلو بس كانت حيل مرتبكه كل زواجها وخطبتها جت بسرعه وهي خايفه من ردة فعل غلاب معاها تخاف مايتقبلها بعد زوجته الي سنة وهو يترجاها ترجع له
محمودة: خايفه على بنتها وبنفس الوقت راح تفقدها وحيدتها ومالها غناة عنها جلست جنبها حبيتي هدي واقري وردكـ
سبيكه: يمه خايفه حيل اخاف مايتقبلني
محمودة: ربك معاكـ لاتخافي
رشاد: يالله ترا غلاب راح يدخل
محمودة: سمت على بنتها وقالت خله يدخل وتغطت علشان خاله رشوان
غلاب: دخل مع خواله وشاف بنت سمراء نحيفه وطويله مو واضحه ملامحها لأنها منزلة راسها قرب منها وباسها على جبينها ووقف جنبها
رشاد: ماوصيك عليها ترا مالي بالدنيا غيرها
غلاب: سبيكه غلاها من غلا أمي الله يرحمها لاتخاف عليها ياخال
رشوان: تراك ولدي وهي بنتي كل واحد منكم يحاول يسعد الثاني وباس سبيكه وضم غلاب
محمودة: باركت له بخجل
غلاب: باسها مع راسها بس خنقته العبرة تمنى أمه معاهم
رشوان: حس فيه لأنه شاف وجهه تغير حب يغير الجو يالله رشاد نزف المعاريس خلهم ياخذون راحتهم ببيتهم
غلاب: مسك يد سبيكه وركبها السيارة ساكت طول الطريق ذكريات زواجه الأول مازالت بباله ندمان على كل لحظة تهور فيها صورة أمه صورة مشاعل ماتفارق خياله فتح الباب
سبيكه: دخلت بخجل ووقفت ماتحركت
غلاب: مسك عباتها يساعدها تفسخها
سبيكه: وهي مستحيه فسخت عباتها
غلاب: شافها من قرب البنت مملوحه وتشبه أمه بالحواجب والخشم ولون البشرة ارتاح يوم شافها تعطي من أمه يتمنى أي شي يذكره فيها مسك يدها تعالي معاي
سبيكه: تمشي معاه بهدوء ماتعرف وين راح يوديها
غلاب: فتح غرفة أمه يحس براحه اذا دخله يتخيل انها مشاركتهم فرحهم لف عليها هذي غرفة عمتك الله يرحمها الي اسمك على اسمها
سبيكه: بخجل الله يرحمها
غلاب: جلس على السرير حق أمه وجلسها جنبه تعرفين اني أحس براحه اذا دخلت هالغرفه يوميا ادخلها قبل ماطلع من البيت وبعد مارجع للبيت
سبيكه: رحمته حاسه إنه مازال فاقد عمتها سكتت ماردت
غلاب: تعالي معاي اوريك الدور الثاني
سبيكه: ترقى الدرج وهي رافعه فستانها الابيض الثقيل وهو يلف فيها يفرجها الغرف آخر شي غرفتهم فتحها لها عجبتها بس خافت إنها غرفته يوم زواجه الأول
غلاب: حس فيها دخلجوه قال الحمد لله خلصت قبل زواجنا بيوم واحد بس يبي يهلمها انها مو حقت مشاعل
سبيكه: ارتاحت ودخلت داخل ردت عليه بإبتسامه بس حلوة مرررة ماشاءالله ذوقك حلو
غلاب: ابتسم لها مشكورة
سبيكه: ذبحتها ابتسامته الي زادت من وسامته سرحت كيف زوجته اتركته وهو كل هالوسامه مجنونة فرطت فيه
غلاب: عن اذنك ابروح تحمم وابدل ملابسي دخل يتحمم يارب تبعد عني صورة مشاعل مو قارد انساها اتخيل خوفها بكاها كلامها لي اول ليله لبس روب الحمام وطلع
سبيكه: عن اذنك احس الفستان كابس على أنفاسي راحت تبدل ومتضايقه من تسريحتها ومكياجها دخلت تحممت وتحت الدش فكت تسريحتها الي الكوفيره شكله مخلصه علبة مثبت عليها لبست روب الحمام وطلعت روب سكري فخم من دولابها
غلاب: كان جالس ينتظرها شافها يوم طلعت بدون مكياج وشعرها واصل آخر فقرة من ظهرها طويل وناعم وكثير وطقعه وحده قام ووقف وراها وهي جالسه على الكرسي مسك شعرها ماشاءالله طويل حيل
سبيكه: بخجل رفعت عيونها تناظره بالمرايه ليه ماتحب الطويل
غلاب: بالعكس يجنن مابيك تقصينه ابد جلس قدامها على الترسيحه رفع وجهها بطرف اصبعه تعرفين ان المكياج ظالمك كذا احلى بكثير
سبيكه: نزلت عيونها بخجل من ذوقكـ
غلاب: تراني صريح ماحب اجامل بس من جد ملامحك جذابه ماشاءالله عليكـ
سبيكه: ارتاحت لكلامه وابتسمت براحه
===================
في بيت ابو سلطان
مشاعل وسلطان رجعو تقريبا الساعه 2 تعشو وقام يتمشون بعدين رجعو للبيت دخلو وضحكهم واصل لآخر البيت ماخذين راحتهم ماحد عندهم بس تافأجو ان أهله راجعين
أم سلطان: وهي جالسه على الكنبه ماشاءالله جعلها دوم سعادتكم
مشاعل: انحرجت مرة وحمرت خدودها
سلطان: عادي مانحرج ولاشي اهلين ياست الكل حمد لله على سلامتكم ايش هالمفاجأة الحلوة
ام سلطان: ماهقيت وأنا أمكـ مفاجأة حلوة شكلنا خربنا عليكم جوكم
سلطان: افا يمه بالعكس زدوتها فرحه
سلطانه: نزلت تسلم على أخوها ومشاعل
سلطان: اجل وين ابوي والعنود
ام سلطان: ابوك تعب من الطريق وبسرعه نام وانا دورتك وقلقلت عليك جلست انتظركـ ام العنود ياحسرة قلبي الأبيرص هذاكـ سكن هو وأهله عساهم للماحي كلهم ونكذ علينا
سلطان: الابيرص من تقصد أمي سلطانة؟؟؟
سلطانة: قصدها صلاح سكنوهو وأهله جنب شاليهنا وأخته جت تكلم العنود وياقلبي عنودي تضايقت
سلطان: ليه تتضايق هم المروض يتضايقون
مشاعل: سلطان ترانا ماسلمنا على خالتي راحت تبوسها
سلطان: ابه صح المفاجأة نستنا نسلم اعذرينا يالغاليه
أم سلطان: لا والله شكل غيرك، نساكـ أمكـ وعيونها على مشاعل
مشاعل : تغصبت الابتسامة وسكتت
ام سلطان: على العموم انا ابقوم ارتاح شفتكـ وتوني ارتاح عن اذنكم وراحت غرفتها
سلطانة: انحرجت تجلس معاهم وهم واضح مبسوطين حيل وانا بعد تصبحون على خير
سلطان: مسكـ يد مشاعل وهو حاس انها متضايقه دخلو غرفتهم شدها وقربها له حبيتي لاتزعلين من أمي ترا هذا طبعها
مشاعل: حبيبي خالتي اعرفها من زمان لاتشيل هم حبيبي
سلطان: بعد عنها وجلس على طرف السرير بضيق عارف فيه فرق كبير بين معاملة ام هذاك الله يرحمها وأمي الي يخليها لي بس
مشاعل: حطت يدها على فمها طلبتكـ لاتكمل حبيبي قلت لكـ خالتي اعرفها زين واعرف طبعها ومادامكـ معاي ماراح شي ينكد علي صدقني اهم شي انك معاي كذا املك سعادة الكون ومافيه شي ينكد علي
سلطان: مسك يدها الي حطتها على فمه وجلس يبوس فيها وانا اسعد انسان وأنا معاكـ
==================
قبل يوم من زواج ريوف وعبدالرحمن
غلا: مبسوطه لأن سحر ومشاعل عندها تسولف وتضحك وتستهبل ترام افيه روحه الليله راح تنامون عندنا وتجي الكوافيره تزينا هنا علشان تصير مفاجأة لازواجكم اذا رجعتو لهم
سحر: اوك ولايهمك اصلا راح يرتاح مشاري من ازعاج ميوري
غلا: وابلش فيها أنا
سحر: تحملي ماجاكـ انتي الي طلبتي انام عندكـ مو أنا
غلا: ايه طلبت خليها تصارخ اعرف اتفاهم معاها بس نامي عندي من زواجكـ مانمتي
سحر: اوك تم
غلا: وميشو
مشاعل: بتردد طيب تم
غلا: اوووف لحظة لحظة ميشو
مشاعل: خافت ايش؟؟؟
غلا: اوووص لاتتحركين
مشاعل: تراك طيحتي قلبي ايش؟؟؟
غلا: قربت وبعدت شعرها ياعمري ايش الي برقبتك جرح هذا او ايش
مشاعل: حطت يدها على رقبتها منحرجه ومرتبكه ايش
غلا: هذا شوفيه وعطتها مرايه تشوف
مشاعل: حمر ودهها وعجزت ترد
سحر: ماسكه ضحكتها وحبت تنقذ مشاعل من الموقف المحرج الي هي فيه مرة ثانيه انتبهي ياميشو وانتي تسوين شعرك بالسراميكـ شكلكـ حرقتي نفسكـ بدون ماتحسي وغمزت لها
مشاعل: زاد حمارها وهي تقول بقلبها الا تحرجتي سلطان وتخليني بموقف لاأحرج عليه
غلا: ببرآءة ايه زي صديقتي منال كذا بعد جت ذاك اليوم وسألتها تقول مادري يمكن حساسيه بس شكلها حرقت نفسها وماحست
سحر: وهي ماسكه ضحكتها متزوجه
غلا: على نياتها ايوه تزوجت قريب يمكن لها الحين سته شهور
نوال: تنادي غلا تحت غلااااااااا تعالي بسرعه شوفي من عند الباب
غلا: ثواني وجايتكم
سحر: يوم طلعت غلا اقول ترا اليوم صرفتك مرة ثانيه حاسبو لاتتهورو ومات ضحكـ
مشاعل: زاد احرجها بس ماقدرت تمسك ضحكها وانفجرت ضحكت كله
غلا: رجعت وخي فحمانه ايش فيكم جلست بسرعه خلوني اضحك تراني فيني طاقة ضحك مكبوته
سحر: قالت أي سالفه بس تسكت غلا
غلا: وهذي الي مخليكم تضحكون وبقوة وشوفي المهبوله ميشو كل ماتتسكت ترجع تضحكـ
سحر: ضحكت بقوة يوم حطت عينها بعين مشاعل قلتي مهبوله ماعليها شرهه
غلا: والله أحس بينكم سالفه ثانيه بس ماعلينا ترا الي تنقش جت انا مابي انقش
جلسو البنات يوم خلصو قامت غلا تجيب شيبسات وشكولاتات علشان السهره
سحر: دق جوالها شافت الرقم وهـ ياعمري مشاري يدق اشتقت له
غلا: مالت مالك الا ست ساعات عنه خلك بس ثقيله
سحر: طيب فتحت جوالها هلا حبيبي
مشاري: يالله قلبي مارجعتي استناكم
سحر: حببي مو قلت لك غلو طالبتني انام عندها الليله وانت وافقت
مشاري: وافقت الصبح الحين ست ساعات خلتني اعرف ان قراري غلط بغلط ذبحني الشوق عليك ياروحي
سحر: خلط ترتاح من ازعاج ميار
مشاري: مانام الا على أنغام بكاها يالله حبيتي تعالي وربي الغرفه بدونكم ماله طعم انتم نورها
سحر: بس حبيبي
غلا: تناظرها بتهديد وتأشر على رقبتها يعني ان وافقتي راح اذبحكـ
مشاري: ترا ابجي بيت أختي واشيلكم قدامهم وربي لاسويها
سحر: لا خلاص جيت
غلا: صرخت لاااااااااااااااااااا معصي تطلعين أخذت الجوال خال مستحيل ابيها تنام عندي بس هالليله
مشاري:غلاوي لها 5 دقايق ان مارجعت ياويلك وسكر السماعه
غلا: طنشيه مافيه طلعه
سحر: قامت تدور عباتها لا ياعمري هو شكله طفشان مايعرف ينام بدوننا
غلا: شالت ميار مايفه طلعه يعني مافيه طلعه اطلعي بدون ميارب >>> متأكده ان سحر ماراح تتركـ بنتها
سحر: الله يجزاكـ خير خليها معاكـ ابنام براحتي باي
غلا: تلحقها بالدرج اقول ماصدقتي خوذيها وطسي أنتي وبنتكـ الشرهه مو عليكـ الشرهه على الي يترجاكـ فديت ميشو بس هي الي عند كلمتها
سحر: سهرة حلوة ياكميل وارسلت بوسة لها بالهواء
غلا: رفعت رجلها كأنها تشوت بوستها مابيها خليها لمشاريك مالت عليك بس رجعت فوق عند مشاعل فديتك بس أنتي الي عند كلمتكـ
مشاعل: ابتسمت ماعندي أغلى منكـ وهي تغبط سحر على حرص مشاري عليها استغربت ان سلطان يبي ينام بدونها هي قالت له تبي تشوف غلاها عندهـ
غلا: تسولف وتضحك وتآكل الشيبس
مشاعل: مو معاها بالها مع سلطان فزت على صوت جوالها بسرعه قامت وردت
سلطان: امووووواح اشتقت لكـ
مشاعل: وأنا اكثر حبيبي
سلطان: حياتي انزلي انا عند الباب
مشاعل: لفت تناظر غلا بخوف مو حبيبي سمحت لي أنام ؟!؟!
سلطان: ضحك من جدك، اغمض عيني بدونك افتح عيني مالقاكـ بحضني مجنون انا
مشاعل: بس انت وافقت
سلطان: ايوه وافقت وقلت اخليها الى الساعه 12 حتى يشبعون من بعض ماجبيت اكسر بخاطركـ بس نوم مستحيلالا اذا كنتي ماتبيني احرك سيارتي وأمري لله اروح اطلع آخر لبس لبستيه واحطه على وهي علشان انام على ريحتكـ
مشاعل: ثواني حبيبي ابنزل لكـ سكرت منه ولبست عباتها
غلا: خيرررررر وين ان شاءالله انتي بعد
مشاعل: سلطان عند الباب غير رايه ونزلت ماخلت فرصه لغلا تتكلم
غلا: تضايقت الكل مو يمها جلست على سريرها تناظر بالشبسات شالتها ونظفت المكان وجلست طرف سريرها متضايقه ماتبي تبكي ماتحب تبكي بس حاسه بوحده قاهرتها ماحست الا باثنين على راسها رفعت عيونها لقت أمها وابوها كل واحد جلس على طرف من سريرها
أمها: ممكن نكون ضيوف عندكـ الليله
غلا: غصب عنها نزلت دمعتها ومسحتها أكيد وابعدت لهم
ابوها : كان نايم على جنبها باليمين وامها عن شمالها حاوطها بيدينهم
أهلها كانت غرفتهم قريبه من غرفتها وسمعوها هي والبنات عرفو ان غلا تحس بالوحده ومايلمون البنات رضاء رجالهم اهم بس مايبون غلا وحيدتهم تتضايق وجو عندها
سحر: بهمس تكلم أهلها العبرة واقفه بحلقها الحمد لله إن البنات راحو كسبت نومة احب شخصين على وده الأرض رفعت عيونها الحمد لله رزقني ربي بأم وابو يحسون فيني بدون ماتكلم مافيه شخص يحبك ويحس فيكـ اكثر من امكـ وابوك حمدت ربها على نعمة الاسرة وغمضت عيونها وهي مبتسمه
قريب من غرفتهم كانت غرفة عبدالرحمن الي تحمم وجلس على سريره وقطع آخر ورقة لزواجه خلاص هذي آخر ليله من ليالي العزوبيه بكره راح تجي غزالته ريوووووووف
^
^
^
طاحت يدي وانا اكتب
ترا كتبت 35 صفحة :
ولو اتكلم بزواج ريوف وعبدالرحمن يبغى لي كم صفحه اقل شي 3 صفحات
المهم قربنا لزواجه راح يكون بالجزا ـــ 38 ياكثر ماجلناهـ يمكن لأنه متحمس ابي يثقل ويركد >>> تصرف
تناظر عسولتها (( تضيق فيني دنيتي )) تقول الله يعينكـ شكل موديل فستانكـ يبي يقدم وانا بس ااجل زواجهم كل ماتطلعين فستانك واكسووارتكـ اقولكـ اجلناهـ :
بس ولايهمك ياغلاهم انا اشوفك نسيتي البورش ابغاكـ تشترينه وراح نزوجهم وتكشخين فيه :
يارب ارضيتكم ببارت طويل بعد فترة الراحه الي اعطيوتني اياها :
موعدنا بعون الله يوم الأحد
ودي لكم :
&&&&&&&&&&&&&&&&
فائدة:
قَالَ رَسُولُ اللَّهِ صلى الله عليه وسلم: إِذَا دَخَلَ رَمَضَانُ فُتِّحَتْ أَبْوَابُ الْجَنَّةِ وَغُلِّقَتْ أَبْوَابُ جَهَنَّمَ وَسُلْسِلَتِ الشَّيَاطِينُ رواه البخاري ومسلم

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم: إِذَا كَانَ أَوَّلُ لَيْلَةٍ مِنْ شَهْرِ رَمَضَانَ صُفِّدَتِ الشَّيَاطِينُ وَمَرَدَةُ الْجِنِّ، وَغُلِّقَتْ أَبْوَابُ النَّارِ، فَلَمْ يُفْتَحْ مِنْهَا بَابٌ، وَفُتِّحَتْ أَبْوَابُ الْجَنَّةِ فَلَمْ يُغْلَقْ مِنْهَا بَابٌ، وَيُنَادِي مُنَادٍ: يَا بَاغِيَ الْخَيْرِ أَقْبِلْ، وَيَا بَاغِيَ الشَّرِّ أَقْصِرْ . وَلِلَّهِ عُتَقَاءُ مِنَ النَّارِ، وَذَلكَ كُلُّ لَيْلَةٍ[/COLOR][/COLOR]

جد جد جد بارت اليوم شي .......
ميشو وسلطوني كما توقعت جلسة المصارحه تمت وطاح الحطب مابيناتهم وصارت حياتهم تمام لولا قطات امه الي مادري وش مضايقها من مشاعل المفروض تفرح لسعادة ولدها حتى لو طليقته بنت اخوها في النهايه ولدها اهم..
وشجون الله يعينها ع العاشق الولهان الي ماله أمان ولا عنده مشاعر صادقه فقط الشكل الخارجي يحركه بس شجون قدها تقدر تادبه وتعرفه ان الدنيا سلف ودين .......وغلوي ياحياتي الي حاسه بالوحده الله يرزقج بلي يسليج ويغنيج عن منة سحر ومشاعل بس تكفين خليج على خفة دمج الحلوه .....انا علقت على ابطالي المفضلين لضيق وقتي ..
شكرًا همس عالبارت الحلو وبنتظار الأحد
*