لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 28-06-12, 03:23 AM   المشاركة رقم: 201
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
New Suae

 

[FONT="Fixedsys"]الــ ج ـــزأ الــتـــــــــاسع والــ ع ــشــررون
في بيت ابو مشاري
الكل مجمتع تحت من الصباح يرتبون ويجهزون لنزول سحر ومشاري
مشاعل: ترجت غلاب يجيبها وجابها بدرري وتساعد أهلها
امها: يابنتي لاتتعبين حالك
مشاعل: ماهنا تعب ان شاءالله طق الباب ودخلت نوال وغلا
غلا: بسرررعه وينهم المعارس الدوبا ماجاني النوم بدونها مشتاقه لها موووت
ابو مشاري: اول شي سلمي وصبحينا بالخير
غلا: اووه جدو وربي ماشفتك وراحت تبوس راسه جدو مشتاقه لسحير مرة
مشاعل: اوما جدو من وين جايبتها
غلا: ياختي صايره اتابع هايدي كثير بس هي تقول جدي وانا عجبتني قلت اتدلع بجدو احسن
مشاعل: من يومك صغيره تنادينه يبه
ابو مشاري: خلها تناديني بالي تبي بس تركد
فارس: السلام عليكم
امه: هلا بضناي هلا
غلا: خالتي تدلعه وهو هالكبر ياحسرة على شبابي الي ضاع وماحد عطاني وجه وفويرس يدلعونه ويدللونه
فارس : فويرس بعينك احشميني وقدريني تراني خالك
نوال: تعبت وانا أختك منها دايما اقولها ناديه خالي فارس بس عنيدة وراسها يابس
فارس: ايه دلعتوها وخربتوها
نوال: ماعندي دلع بس ابوها هو الي مدلعها مع سحر
غلا: اما مدلعني مادلع الا الي مرتزة فوق أما انا ياقلبي ماحد مدلعني او معبرني بس ماعليك خالو راح اناديك يابو بندر ايش رايك بعد مو بس حشمتك الا كبرتك وخليتك رزة
فارس: الله يجيبه هالبندر تأخر ماجاء
مشاعل وابو مشاري تناظرو وسكتو

دلال: على دخلتها سمعت كلامهم حست بنغزة قهر بقلبها قربت لخالتها وبدلع هلا خالتي
أم فارس: هلا فيك
فارس: حبيتا قولكم قبل ماينزلون معاريسنا تراني جاني بعثة لكندا
أمه: طقت على صدره يووه ليه !!!
فارس: يمه شركة ابو هاني (( ابو دلال )) منتدبيني على حسابهم وهالبعثة راح تفيدني سواء عندهم او عند غيرهم الكل يتمناها والحمد لله حصلت لي دلولتي وجها خير علي
ابو مشاري: ناظره باستغراب الفضل بعد ربي لمجهودك لو انك مشتغل بعيد راح افضل لك عمر شغل القرابه مانفع احس شركتك الي قبل احسن وافضل ماحبيت انك تركتها
فارس: وين يبه ايش جاب لجاب شركة ابو هاني ماشاءالله كبيره ولها سمعتها بالسوق بعدين دوامها اريح ابيكم توافقون على روحتي وتباركون لي لأني ماراح اروح بدون رضاكم

ابو مشاري: قلبه على ولده الي قريب ويجي بس فكر يمكن بعد فارس هالفترة خيره لشجون وولدهم وحتى فارس مايبي يوقف بطريق مستقبله وولده ولدي انا ماراح يضره شي وأنا موجود ومتى مارجع يكون الولد كبر شوي ولها الف حل يومها رد بعد سكوت الله يوفقكـ
فارس: ابتسم آمين يبه وانتي يمه انتظر موافقتكـ
امه: والله ماستفني عنك ياحشاشة جوفي
فارس: قام من عند دلال وجلس جنب أمه وحضنها وباسها مع راسها ولاأنا ياغلاي بس سنة وارجع ان شاءالله فرصة وجتني يمه لاتحرميني منها ارجوكـ
أمه: الله يوفقكـ ياعمري ويصبرني على فقدكـ
فارس: ضمها بقوووة فديتكـ ياأحلى أم
دلال: من القهر تهز برجلها بقوة ماتتحمل تشوف فارس مع غيرها حتى لو أمه
غلا: تهمس لمشاعل الحين راح تطير جزمتها من كثر ماتهز برجلها وتضرب جبهة فارس يمكن يحس فيها
مشاعل: خلاص مو قادرة تمسك ضحكتها قامت للمغسله علشان تروح ضحكتها
غلا: عدلت جلستها تتابعهم متحمسه
فارس: انا ابطلع علشان سحر تاخذ راحتها يالله دلال لاوصيك زي عادتك لاتخلين اهلي افزعي معاهم عارفك ذربة وسنعة ماتحاتجي وصاة بس زيادة حرص
دلال: من عيوني حبيبي طبعا
غلا: قليلة الحياء تتغزل فيه قدامنا
مشاعل: توها تجلس طنشي يابنت الحلال
غلا: الي يبي يشوفها جد راح تكرف شوفيها طلع زوجها حطت رجل على رجل
ام فارس: دخلت للمطبخ وسمتعهم ايه ياحسرة قلبي راحت الذهب الصافي الي كانت تشاركنا بأفراحنا واتراحنا بس ايش اقول لولد منعمي عنها
غلا: من جد لها وحشه شجووون
مشاعل: والله قلبي متقطع اتمنى اشوفها
غلا: اموت واعرف ليه ابوي بندر مانعنا من زيارتها
ام فارس: تعرفين ابوك وقرارته ماحد يقدر يناقشه
غلا: راح تجي ام سحر اليوم او ماناديتوها
ام فارس: الا عزمناها قالت ابشوف عن زوجي ان رضي جيت مسكينه شكلها مرة متحمسه تشوف بنتها بصباحية عرسها
مشاعل: والله بعض الرجال عليهم سماجه مو طبعيه بنتها ليه يحرمها منها
ام فارس: دبرت ربك المراه مكسورة الجناح بعد الحمد لله تغير معاملته معاها بعد ماجاء مشاري صار الحين يحسب لها الف حساب بس تعرفين واجب عليها تستأذنه
مشاعل: وهي تتخيل قسوة غلاب تنهدت بضيق ايه والله يمه مكسورة الجناح
غلا: اوما مكسورة الجناح كثري منها والله لاكسر جنحانه ونتف ريشه قبل مايكسر جناحي لانتف ريشة ريشة اقوله تعقل او أكمل متى ماقال اتوب خليته وإن قال نتفت كل ريشة وشويته بعد وابتسمت بقوة
مشاعل: هاه، بدات بدعاية معجون الأسنان بس ياحليك كنت زيك قبل ماتزوج ونفس تفكيرك بس الواقع غير الخيال
غلا:الاسلام عزنا وخلى للمراة كرامتها وعزتها وكل شي له ضوابط الي تذل نفسها هي جنت على نفسها
مشاعل: اقول ياحلوة زيني عصير وخليك من الفلسفه
غلا: ايه فديتني بس ساعات تمسك معاي اقول فيها حكم ودرر
نوال: دخلت ايه ياكثرهم بس لو توفرينها لنفسك وتريحي غيرك من هذرتك الزايده مايكون احسن
غلا: ايش فيهم القوم قالبين علي اليوم
مشاعل: باستها مع خدها لاننا نحبك
غلا: ياملغك اذا بوستني تعرفين ماطيق احد يبوسني
مشاعل: لاني اعرف بوستك لوك تحبين الي يبوسك ما بستك
غلا: احمدي ربك ان جوا هالكرشه نونو والا كان علمتك علوم طيبه ماتعودين لها وتبوسيني
مشاعل: حطت يدها على بطنها فديت وليدي الي حماني من هالمجنونة
===================
في جناح سحر ومشاري
سحر: لبست فستان مموج شيفون ماسك على رقبتها وكمه قصيرماسك الى تحت الصدرر بعدين يتوسع انسيابي على جسمها حطت شعرها كيرلي ومكياج ناعم مرة جلست تتأكد من شكلها
مشاري: كان طالع من الغرفه علشان تاخذ راحتها يوم حس انها خلصت طق بابها
سحر:تفضل
مشاري: دخل اووووه فديت أميرتي بس
سحر: بخجل ودلع مشاري
مشاري: قرب منها وضمها مع خصرها وخلا وجهها جهت المرايه وهو وراها شوفي كل هالحلا وتقولي مشاري لاتمدح
سحر: ابتمست بخجل ووردت خدودها حبت تصرف لفت عليه ننزل تحت حبيبي
مشاري: ايش رايك نتركهم ونجلس فوق بس
سحر: لاعمري راح يزعلون
مشاري: افا حبيتي طفشت مني
سحر: ضمته بحنان اطفش من روحي ولا اطفش منك
مشاري: الدنيا ماتشيله من الفرحه احلى شي بحياتك تعيش مع انسان يحبك ويبادلك نفس مشاعره وهي ضامته وضامها يفكر ويقارن بين حياته مع العنود والحين تنهد براحه وقال الحمد لله
سحر: بعدت عنه ايش فيك قلبي
مشاري: حط خشمه على خشمها احمد ربي انه عوضني فيك وقرب من شفايفها بس خرب عليه طق الباب
غلا: تطق بشويش علشان مايسمعونها الي تحت معاريسنا تأخرتو علينا مشتاقين لكم مووت
مشاري: لف جهت الباب بس مازال حاضن خصرها سحر الا تخرب علينا
سحر: بعدته عنه وهي تبتسم فديتها
مشاري: تخرب جوي وتتفدينها قدامي
سحر: قربت من خده وباسته وراحت بسرعة وراحت تفتح باب الغرفه
غلا: وهـ ماصارت ساعات وانا ادق الباب
مشاري: تستاهلي علشان مرة ثانيه ماتقربي صوب غرفة عرسان
غلا: ايش اسوي طولتو بس عاد لو تعرف أمي بس إني رحت لكم فوق غير تذبحني تأشر بيدها على رقبتها
مشاري: بتريقه افا مالها حق
غلا: ايه صادق خالي مالها حق موذنبي اني شوقي يتحكم فيني
مشاري : طيب ننزل تحت شكلنا تأخرنا
غلا: اجل ابنزل قبلكم مع درج الخدمة وانتم انزلو بعدي وركضت جري للدرج
مشاري: يطالعها يوم غابت عن عينه التفت على سحر ان مانشبت لها بصباحية زواجها ماكون مشاري
سحر: ضحكت بنعومة
مشاري: مسك يدها هونت تعالي نرجع لجناحنا
سحر: بنعومة حبيبي لاتحرجني معاهم قلبي
مشاري: ضمها مع كتفها وانتي اجل لاتحرجيني معاهم وتضحكي قدامي لاتضحكي حتى نصير لحالنا
سحر: ابتسمت وحمرت خدودها من عيوني حياتي
مشاري: باس عيونها فديت هالعيون وراعيتهم
مشاعل: ترتب السفرة
نوال: خلاص ميشو تعبتي اليوم
مشاعل: مافيه تعب انتي هنا وخالتي بالبيت فديتها ماتخليني المس شي
نوال: ايه والله خالتك بنت حلال وواضح طيبتها
مشاعل: تنهدت بضيق ماصبرني على غلاب غيرها
نوال: ايش قلتي
مشاعل: تهربت صوتهم نزلو صح
غلا: دخلت فحمانه وهبطت شعرها الي طار من شد ماتركض تراهم نزلو
نوال: وينك قبل شوي دورتك مالقيتك
غلا: تحك راسها كنت بــ اممممم ....
نوال: بعصبيه تكلمي وين ؟!؟!؟
غلا: كنت باث روم وابتسمت لازم الاحراج يمه
نوال : عيونك تقول غير كذا
مشاعل : مشي ياختي لاتدققي
نوال : راحت للصالة قبلهم
غلا: ياحبي للخالة الي تنقذ بالوقت الحرج
مشاعل: مع اني قلبي يحس انك ماكنتي بالحمام
غلا: يكرم قلبك خالتي
مشاعل: ضربتها مع راسها ياربي متى هالراس يعقل
الكل مجتمعين حول سحر ومشاري
مشاري: كان مبسووط حيل
وسحر: كانت مرررة خجلانة
غلا: اجل ماقررتو تسافرون
مشاري: سحورة تقرر وأنا انفذ
غلا: يابختك ياسندريلا قرري وين تروحي
سحر: ابتسمت وسكتت
غلا: فتحت خشتها وسكتت سألتك وين
مشاري: خليها براحتها ماتبي تقولك
غلا: خاينة للعشره امسها نتقاسم انا وياها السرير احيانا والحين تخبي عني
سحر: حبيتي لسه ماقررت شي مشاري هو الي راح يقرر مو أنا
مشاري: ابتسامة حنان لاقلبي انتي راح تقرري بس فكري علشان احجز ونسافر خلال هاليومين عن اذنكم ابروح لفارس وابوي بالمجلس وشكل عبدالرحمن معاهم
نوال: عاد عبدالرحمن راح يسلم على سحر بس ماحب يحرجها اول ماتنزل
غلا: يوم شافت خالها قام والحريم لهو بالسوالف قربت من عند سحر هاه بشري كيف الامور
سحر: غمضت عيونها يجنن ياغلووو يجنن فديته بس الله لايحرمني منه كله حنان وذوق ورومانسيه
غلا: أكيد خالي طالع علي
سحر: مالت عليك
غلا: حظك انك ماطحتي بفويرس كان وراك نجوم الليل بعز الظهر انتي ودلعك
سحر:تنهدت براحه احمد ربي انه رزقني بمشاري
غلا: ايه والله شوفي حال شجون ومشاعل المسكينات
سحر: بس ماعمر مشاعل اشتكت من غلاب
غلا: مو لازم تشتكي بس هذا حالها قبل الزواج مشاعل تغيرت كثير ماصارت تضحك وتمزح زي قبل الزواج كبرها الف سنه وأنا اعرف ميشو كثير ان ضاقت تتكدر وماتقدر تضحك ولاتمزح ومن زواجها من غويلب والضحك مطلقته بالثلاث حسبي الله عليه خوفي يعاملها زي فارس مع شجون
سحر: تناظر مشاعل برحمه لا ان شاءالله بس يمكن الحمل متعبها
غلا: ياشيخه من قبل الحمل هذا حالها تذكري ايام حبها لسلطان كيف كانت تتكلم عنه بحنان وكل شوي تتفداه عمرك سمعتيها تتفدا غويلب
سحر: ابد
غلا: كم لها معاه عمري سمعتها تقول حتى ياعمري هو وانتي يالبقرة اول ماشفتي خشة خالي ماخليتي كلمة حلوة الا قلتيها له من جد عانس وماصدقت تعرس
سحر: وهي راصه على اسنانهاوربي لو لحالنا كان جلدتك جلد
غلا: ابتسمت بخبث ايه ضامنه انك ماتقدري علي مسوي عروسة ناعمه مالت بس
سحر: قرصتها قوة مع فخذها غلووو اركدي
سحر: توسعت ابتسامتها ايه خليك سحر الي اعرفها مو رازة نفسها مسويه عروس ياحظي
سحر: يالليل
سحر: ماتت ضحك
ام فارس: ايش فيك غلا
غلا: تضحك بقوة مافيني شي خاله
نوال : تعرفين غلا وهبالها و ربي اتمنى ازوجها يمكن تركد
غلا: ياليت يمه ابي يدللني زي خالي مشاري مع سحر
نوال: قسم هالبنت بايعه الحياء
غلا: ايه يمه جاي لي مكسب وبعته بالحراج بس قريب راح اشتري غيره
======================
في بيت غلااااب

مشاعل: رجعت للبيت مع عبدالرحمن وصلها على دربه ماتقدر تخلي خالتها لحالها والا زوجها لاهي بسهراته مع ربعه جلست تعبانه
ام غلاب: ياروحي كان كملتي سهرتك
مشاعل: لاخلاص تعبت ( ماتبي تقولها علشانها تخاف خالتها تضيق )
ام غلاب: فديت حنانك يابنتي عارفه مارجعتي الا علشاني ياحسرة صرتي احن علي من ولد بطني من يوم كبر وهو مو متقبلني ابد بحياته عمره ماحسسني بحبه لي ولا بحنانه دايم يحسسني انه مستعار مني تحجرت دموعها بعيونها كل ماشوف الأمهات يحكون عن عيالهم اتألم بدون ماحسس أحد ياما تمنيته يدخل علي يوم عيد يحضني ويبوسني بس حرمني من حنانه بذنب ماجنيته تعرفي ايش اتمنى
مشاعل: بحنان ورحة ايش؟؟؟
ام غلاب: بحزن اتمنى اسمعه مرة يناديني يمه اتمنى اشوفه مرة مشتاق لي ويجي يسولف علي
مشاعل: خلاص عبرتها وقفت بحلقها كرهت غلاب من تصرفاته لأمه خافت يطلع الي ببطنها عاق زيه
========================
في بيت عمة شجون
شجون: نايمه على سرير وبنات عمتها حولها تحبهم مرة طيبات زي عمتها
نورة: تحط الصحن قدام شجون يالله لازم تخلصينه كله مايبقى منه شي
شجون: حرام عليكـ نورة احس بطني مافيه مجال يتستقدم شي أكثر
عالية: شجونه انتي تاكلي لك وللي بطنك شوفي الحمد لله وجهك وجسمك تحسنو مرة عن قبل
عمتها: تناظرها بحنان ايه الحمد لله تحسنت مرة ورحنا انا وياها للاشعة وطمنا الدكتور يقول الطفل احسن من قبل صح تعبان بس تحسن وضعه
نورة: تناظر شجون ان طلع زيك راح يكون يجنن
العمة: خليه يطلع بالسلامة بس
شجون: شالو الصحن منها قامت غسلت يديها ورجعت تمشي بهدوء لسريرها والله اني تعبتكم معاي حيل ومستحية منكم
عاليه: تعبك راحة شجونه افا عليك احنا خوات
شجون: ابتسمت بحزن وربي تذكروني بالبنات هناك سحورة وميشو والمجنونة غلو فديتها رفعت عيونها الي كانت متروسة دموع اشتقت لهم
نورة: جلست على طرف السرير ليه ماتدقين عليهم
شجون: فيه شي يمنعني ادق عليهم مشتاقه لهم بس أخاف ادق وارجع افكر كثير وانا مابي افكر بشي بعد جلستي عندكم فديتكم ارتاحت نفسيتي مرة اول كان ابوي الله يرحمه بعدين زواجي ومشاكله مارتحت بعمري ابد بس الحمد لله هنا فرررق ربي عوضني خيرر بس فيه شي يؤرقني ويخليني افكر كثير
نورة: ايش هو؟؟؟
شجون: ابو هالولد اذا عرف بوجوده خايفه يانورة خايف انه ياخذه مني
نورة: ماراح يقدر ان كان ولد يخير
شجون: بحزن وان كانت بنت ياخذها اذا كبرت ويصير حالها زي أمها تعيش محرومة من حنان الأم
نورة: قربت لها وضمتها حبيتي لاتفكري كثير لكل حادثة حديث
==================
في الاستراحة
فارس: بكل غرور يتفاخر قدام ربعه ببعثته
غلاب: ياكل بعضه ببعضه من قهره رد ببرود انا لو منك رفضتها ورفضت اشتغل عندهم اصلا
فارس: ليه يالشخصيه قالها بكل تريقه بس بصيغة المزح
غلاب: ماحب أحد يذلني وتعرف المراة تراها مانتضمن بعدين يكفي نظرة اهل زوجتك لك انك انت موظف صغير بينا
فارس: بعصبيه عمر ابو هاني ماحتقرني لا هو ولا عياله بالعكس يعاملوني بكل احترام لو أحد يغلط علي كان شت وضيفتهم وبنتهم معاهم
غلاب: ان ماخربت علاقتك معاها ماكون غلاب بس كيف اوصل لها كيف
أحمد: ماعلينا كملو لعب ياشباب
=============================[/[/FONT]
[/COLOR]

 
 

 

عرض البوم صور أمي روحي   رد مع اقتباس
قديم 28-06-12, 03:25 AM   المشاركة رقم: 202
المعلومات
الكاتب:
اللقب:

البيانات
التسجيل: Nov 2010
العضوية: 202983
المشاركات: 109
الجنس أنثى
معدل التقييم: أمي روحي عضو على طريق الابداعأمي روحي عضو على طريق الابداعأمي روحي عضو على طريق الابداع
نقاط التقييم: 243

االدولة
البلدAngola
 
مدونتي

 

الإتصالات
الحالة:
أمي روحي غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
New Suae

 

في بيت غلاب
رجع للبيت متأخر زي عادته لقى مشاعل نايمة بعمق ناظرها مالت ماتعرف تنتظر زوجها تخيل غرور فارس قبل شوي يحس انه كارهها معاه دخل يتحمم قرب لها بس رحمها يوم شافها نايمة بعمق يناظرها وهي نايمه واضح طيبتها مو زي أخوها غمض عيونه وراح بسابع نومة بعد مرور ساعة علة نموتة فز من نومه وهو خايف
مشاعل: فزت معاه بسم الله عليك غلاب ايش فيك
غلاب: وهو عرقان وفحمان يناظرها بخوف انتي جنبي مشاعل
غلاب: ايوه غلاب ايش فيك بسم الله عليك
غلاب: تنهد براحه وناظر بالي حوله الحمد لله
مشاعل: قامت وصبت له مويه وعطته اياه اشرب واهدا
غلاب: شرب المويه كلها وهو رفع عيونه لمشاعل ارجوكـ لاتتركيني مشاعل
مشاعل: رحمته ماعلقت على كلامه يالله اقرا وردك ونام وقربت تغطيه
غلاب: مسك يدها قبل ماتروح اوعديني انكـ ماتخليني
مشاعل: ناظرته بينا ولد يربطنا غلاب كيف ارتكك
غلاب: تركـ يدها بحزن تمنى تقوله احبكـ كيف ارتكك انقلب حاول ينام بس النوم جافاه
مشاعل: حتى هي طار النوم عنها يوم أذن الفجر تخلت تحممت ونزلت مع خالتها تساعدها بشغلها
غلاب: كان يوم خميس صلى وحاول ينام مو قادر طلع وخلاهم
ام غلاب: مشاعل ابروح فوق ياقلبي ارتب الغرف هالي بالسطوح مغبره من غبار أمس
مشاعل: يالله نروح سواء ياخالة
ام غلاب: والله ماترقين خليك تحت
مشاعل: خاله بس
ام غلاب: حلفت عليك راحت وخلتها
مشاعل: شالة صحون الفطور وغسلتها فكرت تبدا تجهز الغداء قبل ماتنزل خالتها وتخلف عليها
ام غلاب: وهي ترتب دق جوالها هلا وغلا ام سلطان
ام سلطان: ترا سلطان دقيقتين وهو عندكم يجيب المفرش وتطرزينه ام غلاب زي ماتفقنا
ام غلاب: سمي شوي ونازلة
ام سلطان: يووه استعجلي تراه عنده موعد لاتعطلينه فديتكـ
ام غلاب: تسمع الجرس يوه شكله وصله مع السلامة واعيباه مو مديني طلت مشاعل يمه
مشاعل: سمي ياخالة
ام غلاب: افتحي الباب وروحي خلي الرجال يشيل يح الاغراض ولاتشلينه أخاف ثقيل عليك يابنتي
مشاعل: سمي يمه افتحت عن طريق باب الكهرب يوم سمعته سكر الباب جلست شوي تتأك انه راح بعدين طلت شافته مفرش خفيف قالت ادخله ولاتطلع خالتي بالشمس
غلاب: كان متضايق وصل للبيت ووقف بعيد الا يشوف سلطان يكلم بالجوال وسكر السماعه وهو يناظر الباب انفتح الباب ومعاه كيس دخل جوا البيت وطلع وركب سيارته بسرعه قرب غلاب ونزل للبيت يدعي ربه انه يشوف أمه قدامه بس يوم دخل شاف مشاعل واقفه بالحوش عفاريت الدنيا كلها صارت تلف حول راسه
مشاعل: تفاجات يوم شافته وشافت نظرات الشك زاد خوفها أكثر ارجعت لوراء من زود الخوف تبي تتكلم وهي تعرف غيرته من سلطان غصب عنها قالت سلطان افهمني
غلاب: خلاص مايشوف الي قدامه
مشاعل: ركضت جوه غلاب تراك فاهم غلط
غلاب: شدها مع شعرها مافهمت غلط الا شفت بعيوني الخاينه يا,,,,,, بس مالومكم لكم سوابق انتي واخوك واختك
مشاعل: وجعها بكلامه اكثر من شد شعرها صرخت لاتجيب طاري شعاع على لسانك هي اشرف منك يا....
غلاب: عطاها كف وقرب منها يضربها
ام غلاب: ركضت لاغلاب لاااااااااااااااا انا الي قلت لها تفتح الباب غلاب هدي
غلاب: من زود عصبيته جلس يضرب زوجته وأمه بدون مايحس
ام غلاب: دفته اتركها انا الي قلت لهااااااااااااااااااااا
غلاب: مو شايف شي طلع وخلاهم
ام غلاب: وهي تبكي مشاعل يابنتي آسفهوهي ضاكتها تحميها من ركلات غلاب لها بس حست ان مشاعل سكتت من الصراخ والصياح وارتخت بين ايديها رفعت راسها شافت مشاعل تحتها دم ووجهها اصفر وشفايفها زرقاء ام غلاب صرخت ودقت على الإسعاف
غلاب: من قهره ماحس انه اوجع مشاعل مسك طريق الشرقيه وسكر جواله
============================


في المستشفى
الكل مجتمعين الخوف والحزن باين على وجهيهم
ام غلاب : تدعي ربها وهي تبكي وتردد انا السبب
فارس: يروح ويجي والله ماخليه الحقير الكلب قسم لاذبحه واشرب من دمه
مشاري: بقمة عصبيته مايقدر يتكلم يخاف يغلط ويدعي ربه
سحروغلا : يبكون وقلقين عليها
ابو مشاري: عاقد حواجبه ولا نطق بحرف
الدكتور: طلع وجهه متغير
الكل قربو له بشرنا دكتور
الدكتور: ماخفيكم حالتها مرة حرجه بين الحياة والموت الجنين مات بس لازم نسوي لها عمليه تنظيف الحين بس لازن تأمنون لها دم حالا فصيلتها نادرة هي نزفت كثير ولازم تتعوض خلال 3 ساعات او راح تكون حالتها معرضه للموت
فارس: فصيلتها نفس فصيلة سلطان
ابو مشاري: بسرعه دق عليه
فارس: هات جوالك رقمه حاذفه من عندي
ابو مشاري:عطاه جواله
سلطان: كان جالس مع دانة ماعرف بالخبر أهله ماقالو له هلا عمي
فارس: سلطان بسرعه تعال للمستشفى
سلطان: استغرب ان فارس هو الي يكلمه خاف عمي فيه شي يافارس
فارس: لا مو ابوي مشاعل حالتها بخطر بسرعه تعال سلطان ارجوك
سلطان: طيب طيب دقايق وجايك
دانة: خير فيه شي
سلطان: وهو يلبس ثوبه مشاعل بخطر يبغون اكيد اتبرع لها بالدم
دانة: حطت يدها على خصرها خيرررررر تتبرع لها بالدم بصفتك ايش
سلطان: وهو معصب بصفتي ولد عمها بصفتي رجال افزع مع غيري لو ماكنت اعرفها بصفتي مسلم افزع لاي مسلم بغض النظر من هو يكون
دانة: اسمع ان طلعت مع هالباب راح اطلع مع الباب الثاني لبيت ابوي ولا ارجع ابد سلطان كافي ماتحملت
سلطان: طالعها من فوق لتحت وطلع وخلاها الي تبينه سويه وصفق باب الشقه وطلع
دانة: زين ياسلطان ان ماخليتك تبوس رجولي علشان ارجع ماكون دانة دقت على سواق اهلها وراحت لبيتهم
سلطان: يالله يمسك دركسون السيارة مادق علي فارس الا ان حالتها صعبه يارب سترك دق جواله شاف ابوه يتصل عليه
ابو سلطان: بحزن بسرعه وانا ابوك تعال للمستشفى عمك وعياله بحاجتك مشاعل بين الحياة والموت ضربها الخسيس النذل وتغير صوت ابوه واضح انه يبكي
سلطان: جن جنونه زوجها ضربها
ابو سلطان: ايه حسبي الله عليه بس والله ماراح نخليه بسرعه يابوك محتاجين لها دم حالا
سلطان: رمى جواله وحمر وجهه نذل خسيس حقير تذكر يوم تفتح له الباب لا مو معقوله اكيد شافني وشك فيه ضرب الدركسون بقوووة يالله ايش الي جالس يصير الحين تخيل وجهها برائتها ضحكها خجلها صورتها طيبة قلبها ماغابت عن باله ولا لحظة ذكريات حبهم الي تحطم بلحظات تذكر يوم كان ينتظر زواجهم بآخر شهر تغير كل شي لا مشاعل لاتموتي عيشي لغيري بس لاتومتي يارب تنقذها تحملت زواجها من غيري بس ماتحمل تموت وتتركني لااا يارب تساعدها وصل للمستشفى وتبرع كم مرة بالدم
الممرض: كذا راح يضرك
سلطان: اهم شي تاخذ الكميه الي تساعدها ماعليك مني
الممرض: ماقدر آخذ اكثر
سلطان: طلبتك لاتخليها بخطر اهم شي هي
الممرض: الله يخليكم لبعض بس لازم تعوض جسمك لانك تبرعت كثير
سلطان: حس بدوخه كبيره بعد ماتبرع بكميه كبيره من دمه لمشاعل حاول يتماسك قدام اهله طلع وجلس على الكراسي
مشاري: واقف جنب باب غرفة مشاعل ولاتكلم بكلمة حتى ماشكر لسلطان مو من عوايده بس خلاص اعصابه تعبانه خاف يتكلم ومايقدر يمسك نفسه
ابو مشاري: قرب له ماقصرت وانا عمك
سلطان: واجبي ياعم
الكل ينتظر الدكتور الساعات قضوها قدام غرفتها كأنها سنين
ام غلاب: كرهت نفسها وكرهت ولدها وتدعي ربها ان ينجي مشاعل تتذكر حنانها وتبكي أكثر
ام مشاري: حسبي الله عليه الله ياخذهـ ويريح قلبي
ام غلاب: تسمعهم يسبون ولدها ويدعون عليه وينفطر قلبها بس ماتلومهم
دلال: حبيبي هدي تعبت نفسك
فارس: فكيني يرحم والديك
العنود: قامت من كرسيها وقربت جهة مشاري تبي منكم الدعاء توكلو على ربكم والله راح ينقذها
مشاري: صد للجهه الثانيه بدون أي رد
سحر: فزت من مكانها ووقفت جنب مشاري
العنود: حست ان وجودها غلط بس خافت على مشاري وهي تشوف اعصابه مرة تعبانه متعوده عليه هادي وحكيم الحين باين انه تعبان مرة رجعت لكرسيها وجلست
الدكتور: طلع من غرفة العمليات ابشركم تجاوزت مرحلة الخطر
مشاري: غصب عنه سجد وصار يبكي وهو ساجد
الكل تاثرو لموقفه وفرحانين لنجاة مشاعل الكل يبكي
فارس: قرب لاخوه وضمه وصارو يبكون مع بعض
مشاري: يوم ابتعد عن اخوه جلسه ابوه على الكرسي راحت العنود تجيب له ماء
سحر: بين دموعها تشوف العنود معاها الماء خلاص شوي وتجلد العنود سحبت الكاسه منها وراحت كبته وجابت غيره اشرب حبيبي علشان ترتاح (( الغيره ماتعرف وقت تجيك بكل وقت ماتفرق حزن او فرح )))
فارس: راح جهة سلطان وضمه مشكور سلطان لولا الله ثم لولاك يمكن مشاعل راحت بين ايديننا
سلطان: ببرود ماحضنه ولاشي ابعد عنه ماسويت الا واجبي وحمدلله على سلامتها عن اذنكم وراح
فارس: ندمان على تصرفه مع سلطان ومع مشاعل توه يحس بذنبه اخذتها من الي شاريه ومغليها وبعتها لواحد حقير مايستاهل
غلاب: جاي يركض مشاعل طمنوووووووني عنها ابي اشوفها وكان يبكي
فارس: انطلق عليه زي الاسد وصار يضرب فيه
رجال الأمن فرقو بينهم
غلاب: والله غصب عني والله ندمان قدر شعر راسي ابشوفها لو دقيقه
مشاري: على جثتي لو تشوفها
ابو مشاري: يكلم الضابط هذا الي ضربها
الضابط: امر باخذه
غلاب: اسجنوني عذبوني بس لاتفرقوني عنها ابي اكلمها ارجوكم
ام غلاب: تنهدت بحزن وألم على حال ولدها
======================
في بيت سلطان
سلطان: رجع للبيت مرتاح ان مشاعل تعدت مرحلة الخطر بس مازال مقهور من غلاب دخل ومالقى دانه عرف انها طلعت دق جوالها ماترد دق التلفون
امها: والله بنتنا الي يبيعها نبيعه
سلطان: بنتكم مابعتها
ابو دانه" تعال نتفاهم سلطان
سلطان: سكر السماعه وتنهد بضيق الله يعين مشكله انه خالي مابي ازعله تزعل أمي
ابو دانة: والله مو حالة الي تسويه ببنتنا انا زوجتك اياها وانت تعرف انها اغلى شي عندي بس تهينها وتعذبها مارضى ابد حتى لو كنت ولد أختي
سلطان: ناظر دانة انا عذبتك وهنتك يادانة اسالك بالله عمري كدرت خاطرك عمرك طلبتي مني طلب ومانفذته لك
دانة: ايش تسمي فزعتك مع خطيبتك السابقة مو اكبر اهانة مو اكبر تعذيب لمشاعري
سلطان: ياخال انت لو تشوف ولد بالشارع مسوي حادث ويبون له دم وانت ماتعرفه تفزع له او لا
ابو دانة: أكيد افزع له
سلطان: ياعالم ايش بلاكم ان صارت بنت عمي من لحمي ودمي اتخلى عنها
ا م دانة: الله واكبر مافيه غيرك يتبرع لها وين اخونها واهلها
سلطان: فصليتي نفس فصيلتها هي الوحيد هـ الي تطابق فصيلتها والبنت بين حياة وموت يعني مافيه فرصة يدورون غيري فهمت ياخال
ابو دانة: ان كان هالامر مالومك وانا خالك والي سويته عين العقل بس بعد ماجبر بنتي على شي تبي ترجع لك ترجع ماتبي هذي حياتها وماتدخل فيها عن اذنكم
ا م دانة: انا عن نفسي لو مكانك لعيون دنو سويت أي شي طيبت خاطرها مو تطلع وتخليها
سلطان: الله يهديك ياعمتي ماكان فيه وقت اقولك البنت بين حياة وموت افهمو
ا م دانة: مادري عنكم تفاهم انت وياها بس انتبه لاتكذر خاطرها ترا هذي دنو مو أي وحدة كان ثلاثة معاك يبغونها احمد ربك انك فزت فيها
سلطان: أدبه منعه يرد عليها سكت مارد يوم شافهم طلعو يالله دانة نرجع للبيت
دانة: تكتفت آسفه خل مشاعل تنفعك رجعه ماني راجعه
سلطان: بعصبيه ماجابته أمه الي يذلني وخلي جلستك ببيت ابوك ينفعك وانا بعد رجعه لك ماراح ارجع
دانة: قول كذا قول انك تبيها من الله من حينك ماحبيتني اصلا كنت عارفه بس كنت اوهم نفسك انك تحبني والا متاكده ان قلبك وعقلك مع مشاعل
سلطان: عمري كدرت خاطرك عمرك طلبتي مني شي وقلت لك لا عمري رفعت صوتي عليك او خليتك تنامي وانتي زعلانة
دانه: سكتت مكابرة والا تعرف انه ماعمره كسر خاطرها
سلطان: كل هذا ماشفتي له وشي سويته فزعه وانتي ذليتني وجريتني عند امك وابوك كاني فعلا جاني سكت وتحملت وصممت ارجعك والحين تكابري خلاص طابت النفس يادانة طابت النفس وطلع وخلاها
دانة: طاحت على الكنبة تبكي
==================
في غرفة مشاعل
مشاعل: فاقت من البنج ودخل عندها العسكري ياخذ اجوبتها
العسكري: طلع من عند مشاعل يوجه كلامه لأبوها وإخوانها بنتكم متنازله عن حقها
سلطان: كان موجود وانقهر من ردة فعلها بس سكت لأنه ماله حق يتدخل
فارس: بعصبيه مو على كيفها تتنازل مستحيل مايبرد خاطري الا انكم تاخذون حق بنتكم
العسكري: الحق الخاص سقط عنه بس بقى الحق العام ومانقدر نجبرها
فارس: دخل بسرعه عليها ودخل معاه مشاري وابوها
مشاعل: تعبانه نفسيا وجسديا واخر وجه تتمنى تشوفه بعد غلاب وجه فارس
فارس: ممكن تشرحي لي ليه تنازلتي
مشاعل: بكل برود مو مجبورة اشرح لاحد حقي وانا حرة فيه
فارس: انتي انجتني كنت راح تموتي وولدك خسرتيه بسببه والحين تبين تتنازلي
مشاعل: ناظرته من فوق لتحت انا حرة مالاحد من اليوم وطالع شغل فيني يكفي الي فات دمرت حياتي وانا اشوف الحين مالك شغل فيني فاهم اولا
فارس: عصب من ردها وجاء يبي يخاقنها
مشاري: مسكه مع يده يالله طلعنا فارس خلها ترتاح
فارس: طلع برا الغرفه وهو مرة معصب فك يد مشاري شفت جنونها لا بعد حطت الحرة فيني انا ايش دخلني
سلطان: جالس مع ابوه على الكراسي ويتابع كلامهم
مشاري: ياخوك مشاعل نفسيتها حيل تعبانه وانت تضغط عليها بالكلام
فارس: تهلك نفسها وتتنازل عن حقها وتبيني اسكت انا ابي مصلحتها
مشاري: طيب هي كبيرة وعاقله وفاهمه وهي الي انجرحت وانضربت وانهانت مع ذلك تنازلت اكيد لها اسبابها الخاصه فيها
فارس: مافيه غير سبب واحد بس ان حبها له اعماها عن كل شي
سلطان: كأنه انطعن قلبه بسكين يبه متى تدخل وتطمن عليها انا ابمشي وراي شغل
ابو سلطان: شويات يابوك ابخلي ابوها عندها يمكن يبيها بكلمة راس بعدين ادخل بعده
مشاري: اخوي سلطان انا ارجع عمي انت روح لشغلك
سلطان: مابي اشغلك عن اختك
مشاري: روح الله يسعدك ماتشغلني ولاشي التعب على السيارة مو علي
سلطان: اجل انا استأذن وتطلع اختكم بالسلامة
مشاري: راح وراه والله ماوفيك حقك صدق انك كفو ولد شهم عمي جاب رجال عن مية رجال
سلطان: ابتسامة باردة ماسويت غير الواجب وانا اخوك ترانا عيال عم تحسسني بكلامك اني غريب
مشاري: فديتك والله ماقصرت
سلطان: يالله عن اذنك
ابو مشاري: جالس جنب بنته وحاضنها ممكن اعرف السبب يابنتي الي خلاك تتنازلي عن حقك
مشاعل: بحزن أم غلاب يبه مابي اعذبها بسجنه مالها غيره ودمعت عيونها
ابو مشاري: باسها مع راسها فديت بنتي وحكمتها ورحمتها كفو يابوك من جد ام غلاب ماتستاهل احد يعذبها ماتتخيلي كيف تعبت واسهرت جنبك مارتاحت حتى فقتي
مشاعل: تمسح دموعها عاملتني بحنان الأم ماصبرني عليه غيرها جتني هنا تحضني وتبكي وتقولي يابنتي من حقك سوي الي تبينه لاتتنازلي علشاني انا ربي ماراح يضيعني حقك لازم تاخذينه بس يبه انا عارفه مالها احد هنا بعد ربي غير ولدها اخوها الي ساكن هنا مقاطعه غلاب وحالف عليها ماتروح له كان اخوها يزورهم بس غلاب طرده بعدها أمه ماشافت اخوها من ست سنوات
ابومشاري: من جد هالولد نفسيه
مشاعل: بقووة يبه احسه يعاني من اشياء من صغره مو قادر يتخلص منها صار حقود على الكل لو يفكر ان ربي عطاه أم ملاك أم نادر وجودها أم تحبه اكثر من روحها بس هو ابد مو معترف بوجودها
ابومشاري: حبيتي ماعلينا منه انتي تنازلتي بس بشرط تفسخي منه
مشاعل: اكيد يبه ماراح ارجع له خلاص مو قاردة حتى اطالع بوجهه كارهته يبه كارهته اصلا ماحبيته علشان اكرهه الله يسامحه ويهديه لأمه
==============
في بيت غلاب
غلاب: كيف ماتبغى ترجع لي حاولي تقنعينها
ام غلاب: أكيد ماراح ترجع الي سويته لها كثير
غلاب: بنظرات كره عمري ماستفدت منك ماستفدت الا الاستحقار من اخواني وربعي بسببك لصقت فيني ولد الهنديه بسببك هذا الي استفدته منك بس
ام غلاب: تناظره بقهر وحزن الله يسامحك ياوليدي الله يسامحك
======================
في بيت اهل دانة
دانة: تبكي معقوله سلطان طلقني وماحاول يراجعني هنت عليه بالسهوله هذي
وفاء: انتي صممتي تطلقي منه هو ماقصر حاول يراجعك بس انتي مو راضيه
دانة: لو يحبني جد يصمم الحين عدتي راح تنهتي وهو ماجاب خبري
وفاء: أكيد انتي جرحتيه
دانة: هو جرحني يروح يفزع لها
وفاء: موقفه أي انسان من شارع راح يسويه كيف عاد وهو ولد عمها
دانة: اوووف وفاء خلاص يكفي مابي اسمع شي والله بس اشتقت له
وفاء: خلاص لاتعبي حالك حاولي تنسينه
دانة: ماراح اقدر احبه وفاء احبه ومن حبي له أغار عليه بجنون اصلا ماحسه حبني عايش معاي بجسمه بس عقله وقلبه عند مشاعل
وفاء: تتوهمي
دانة: ماتوهم ماعمري شفت الحب بعيونه
وفاء: عمره جرحك حسسك انه مايحبك
دانة: ابد كان حاطني بعيونه
وفاء: أجل درة فرطت فيها
دانة: خلاص يكفي الله يرحم والديك مابي اتعذب اكثر
وفاء: ضمتها بسم الله عليك من العذاب ياروحي
===================
انتهى الجزأ التاسع والعشررون
انتظرووو راح يكوون أحداث مهمة في الجزا الثلاثون
يمكن يكون آخر جزأ
بس راح اخليها لكم مفاجأة
بس الي اعرفه انه فيه أحداث مهمه وفيها شي مؤلم لبطل او بطله احبنانها في روايتنا
مابي احرق عليكم الجزأ
بس فيه شي مفررح وشي محزن
انتظرررررررروني في الجزأ الثلاثووووووووووووووون
موعدنا يوم السبت بعون الله تعالى

^
^
^
فائدة :
قال يحيى بن معاذ رضي الله عنه:
مسكين أبن آدم !!
لو خاف النار كما يخاف الفقر (لدخل الجنه)..








[/COLOR]

 
 

 

عرض البوم صور أمي روحي   رد مع اقتباس
قديم 28-06-12, 03:49 AM   المشاركة رقم: 203
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

صباح الخير ......تسلم ايدك هموسة على البارت بس حيل فاقدين شجون مالها وجود كثير ........ومااعتقد انك بتقدري تنهيها في بارت واحد احس في احداث محتاجة لبارتين على الاقل الا اذا كان البارت طويل حيل بس تكفين لاتسرعين الاحداث خليها مثل مارسمتيها بكل البارتات .......وباقي حزن للابطال ودلالوه متى بتريحينا وتبفرحينا فيها

غلابوه وميشو

وجع في قلبه ذبح ولده ولا اهتم بس هو الي خط نهايته بأيده ماقصر فيها وهي صابره عليه لو فيه خير اخذ حقه من فويرس مو منها .........وبعد الي سواه مازال على وقاحته مع امه المسكينة .........ان شاء الله يتزوجها سلطان وينحرق قلبه عليها اكثر خليه بأوهامه وشكوكه لانو من الاول ماكان يستاهلها


سلطان ودانوه

واخيرا ريح حاله من هالسطحية المتخلفة معطية نفسها حجم اكبر من حجمه تولي بس خلاس نصيبها مع سلطان انتهى والحمد لله مايربطها فيه شي ..........مفوشرها وكذبها كله تبخر بالهواء عقبال دلالوه

فويرس ودلالوه وشجون

حسبي الله على كتلة الشحوم هموسة لاتفرحيها بالسفرة وخلي يصير شي يخرب سفرتهم ان استفردت دلالوه بفويرس ممكن تغسل مخه ويرجع اعظم من ماهو عليه وان سافر معاها وصار شي مع بنت الحسب والنسب ماحد بيعرف واحنا نبغي الناس تعايره لانو كل همه صورته عند الناس بكذا غروره مابينكسر وبيرجع اعظم من الاول والضحية ولده او بنته ........تكفين خفي على شجون موناقصة ابيك تحرقي قلب دلالوه وفارس يعرف انو شجون حامل قبل تولد وتنتهي عدتها لازم الولد الجاي يتأمن مستقبله مانضمن حياة ابو مشاري الي مافكر بهالشي انو يمكن يموت وفارس بعيد يضيع حق الولد

سحر ومشاري

حياتهم حلوة بس احساسي انو الحزن لواحد منهم لانو حمدوه مختفي وماسوى اي شي .......والعنود خير على الحركات الي تسويها شدخلها في مشاري لايكون تبغي تلفت انتباهه علشان يرجعها وجع في قلبها الي ماتستحي بس سحر وقفتها عند حدها عسى بس فهمت والا تبغيها بصريح العبارة


باقي نعرف قصة ياسر والبنت الي يحبها وقصته مع ابو هيفاء وهل هو غريب او لا والله يعينه على صدمته

في انتظارك ياعسل

 
 

 

عرض البوم صور وردة الزيزفون   رد مع اقتباس
قديم 28-06-12, 04:30 AM   المشاركة رقم: 204
المعلومات
الكاتب:
اللقب:
عضو فخري

البيانات
التسجيل: Mar 2012
العضوية: 237614
المشاركات: 8,065
الجنس أنثى
معدل التقييم: نجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميع
نقاط التقييم: 11015

االدولة
البلدSaudiArabia
 
مدونتي

 

الإتصالات
الحالة:
نجلاء الريم غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام علبكم ورحمة الله وبركاته
مساء وصباح الخير الله يهداك ياروح امك سهرتينا
ليش ما نتبهت ان البارت طارالمرة الجايه
ياحطيه بقفص يا قصصي جنحانه احس فيه شي جاني ههههه
معليه بارت يستاهل نسهر علشانه تسلم يدينك بس ضاق الصدر ليش اخر بارت السبت
احس تو الناس ياشيخه انتي كريمه واحنا نستاهل (فيس واثق)
يس من جد احس تونا على النهايه وش هالعجله وش وراك اعترفي................
شجون مدري حزون وفارس ياربي هالبنت ينطبق عليها
(حياتي كلها صبر وجلاده ====وغيري عايشن عيشة سعاده
ياليت هالعمه طلعت قبل لاتعرس على شين الحلايا فارس او على الاقل قبل لا تحمل من جد حالتها صعبه
وش بيصير لو ولدت بيعترف فيه فارس---بينكره--ياخذه تربيه دلال ---او ام فارس تربيه
بس الاكيد ان رجعته لشحون مستحيله شكل هموسه ناويه على بطله
ممكن شجون يجيها شي بلولادة ويتندم فارس ما تخيل يرجع لها
فارس ما يشوف الا دلال حققت له احلامه بالعز وكملت بهالسفره نسى شجون او تناساها الله ياثرها عليه

مشاعل وغلاب تستاهالين انتي الي خليتيه يتمادى شوفي لو يحبك حب مجنون ليلى بس يشك فيك
العلاقه بتفشل وفعلا حياتكم كل يوم اردى وبعدين يجي يتمسكن !!!
ضرب--شك--طوالة لسان والحين كملت ضرب يدخل المستشفى مجنونه ان رجعتي له
الطفل اللي بينكم راح ماعاد يربطك فيه شي اتوقع النهايه السعيده لها

معليش اكمل بكرا
شكراااااااا

 
 

 

عرض البوم صور نجلاء الريم   رد مع اقتباس
قديم 28-06-12, 11:46 AM   المشاركة رقم: 205
المعلومات
الكاتب:
اللقب:

البيانات
التسجيل: May 2010
العضوية: 163269
المشاركات: 96
الجنس أنثى
معدل التقييم: Lady Noor عضو بحاجه الى تحسين وضعه
نقاط التقييم: 39

االدولة
البلدQatar
 
مدونتي

 

الإتصالات
الحالة:
Lady Noor غير متواجد حالياً
وسائل الإتصال:

كاتب الموضوع : أمي روحي المنتدى : القصص المكتمله
افتراضي

 

السلام عليكم والرحمه

بصراحه بارت مؤلم اكثر بارت المني موقف مشاري ماتهنى فعرسه مسكين عور قلبي اما فارس يبيله جلد موب بس رضخ

مشاعل ياعمري عليها والله كان عندي امل ان يتعدل حالها بعد ماتجيب البيبي الله يعوضها يارب بس خربها المتخلف ع الاخر كنت احسب انه ممكن يتغير

العنود صج وقحه ماتستحين ايش اللي رازج معاهم يبلفيت واجد مهتمه صراحه اقهرتني لو انا من سحر مسكت القلاص اللي عبته ورشيته عليها @@

اما شجون الحمدلله عوضها ربي باهل اخيرا وارتاحت

بس انا ماصدق اخر جزا بيكون الاخير لا حرام عليج احس في اشياء واجد لازم تصير مايصير كذا حرام من البدايه واحنا متحمسين لاتخليني النهايه قريبه احس موب وقتها كلش الاقل لو ٤٠ جزء اشاي واجد مانحلت ياسر وابو هيفا وغريب واهله ولا ايش صار على ماضيه معقول نسى شجون ، حمد وتهديده ، شاعل ومصيرها الحين وغلا بعد للحين ماجا دورها لاتنهين الروايه حرام عليج لاتظلمينها للحين باقي عليها وقت فانتظار على احر من الجمر وانشاللله مايكون الاخير

 
 

 

عرض البوم صور Lady Noor   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أمي, للكاتبة أمي روحي, ليلاس, العنكبوت, بيت, روايات خليجيه, روايات و قصص, رواية بيت العنكبوت, روايه سعوديه, روحي, قصص من وحي قلم الأعضاء
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t174576.html
أرسلت بواسطة For Type التاريخ
Untitled document This thread Refback 20-10-14 09:37 PM
Untitled document This thread Refback 04-08-14 05:03 AM


الساعة الآن 06:18 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية