مساء الابداع






ان تاتي متاخرا خير من أن لا تأتي ..

و وعد الحر دين مثل ما يقولون ..



بصراحه ما ادري ليش انحذف ردي معنه ماكان فيه شي
مجرد توضيح لفرق النقد للكاتب
و النقد لشخصيه من شخصيات الروايه وهذا شي طبيعي بالنقد عشان يكون متكامل ما اغفل عن شي
سواء حدث او فعل او فكر :) ..

وقبل كل شي اتمنى ما تزعلين
بطبعي يوم انقد انقد على الشخصيه كأني مقابلتها يعني الكاتب بجهة و الشخصيات بجهه ..




بداية اهنيج على الاسلوب ممتع يشد
خاصه المقدمة بصراحه عشت الاجواء مع وصفج ..

الغموض الي حوى الروايه من البدايه كان عامل جذب
و خلانا نطرح مليون سؤال الواحد وده يوصل لجوابه :)


عبدالعزيز او فيصل
بصراحه من بداية الرواية تخيلت شكلك مع الاحداث واكيد لاسمك نصيب
ما عجبني وصف طيش لك :) لان شخصيتك رسمت ملامحك
حلو منك من حسيت بغلطتك راجعت نفسك وانك ضميرك
وهذا ان دل دل على ايمانك ماراح اقول قوي بس له وجود بحياتك
وهو الي يسيرك باغلب لحظاتك
حبيت ابوك الي غرس الدين فيك وما اثرت فيك الغربه
خاصه نجاحك باختبار بوسعود :)
سؤال غريب نوعا ما
اول مره شفت رتيل فيها لفيت ويهك صح ؟
ليش ؟ هل احترام لابوها ؟
ولا فعلا لحظتها لامبالاتك اهي الي تسيرك ؟؟
بالنهايه اتمنى ما تندم على قرارك و عودتك و لدرب ابوك ..


المجموعه الي دخلت فيها
هل الي مجموعه تتلبس الدين وتكفر الناس ؟
و اندماجك معاها لكشف اساساتها و اهدافها و مخططاتها ؟
الله يحفظ ديرة المسلمين من هالاشكال ..


عبير
يختي انتي خوش وحده هاديه و تدشين القلب
انسانه مسالمه
بس اتمنى انج ما تسكتين عن الي يدزلج المفاجاة
تذكري ان ابوج له مكانه حساسه و ممكن هالمفاجاة طريق لاعداءه عليه ..


رتيل
مو صج بدعه انتي متمرده لاقصى درب ومحد ماكلها غير اختج :)
عقلي بسج خبال خخخخخ
بعدين والله ضحكتيني على خبالج الريال جدامج و انتي تتمخطرين
لا وتردين عليه و انه غلطان جنج مو غلطانه
اتخيل عبير مكانج بتهز الكون بصرختها
بس الظاهر بديت تحسين على عمرج بحركاته المتهوره
من كلام ابوج و عبير
فعلا اذا ظليتي على هالتمرد
بصير الي ماراح يعجبج اكثر
من موقفج و عزيز واحساس الضمير و ندمج :)



نجلا
حاله مستعصيه
الله يعينج منصور وايد منه الزواج مجرد واجهة
بس هل اهي طبيعه بمنصور هالبرود و الاهمال
لان اذا فات الفوت ما ينفع الصوت يا منصور ..


يوسف
بايعها
صج قناص شاطر
ودقيق بس هذا ما يمنع انك تتهور بهالطريقه
حركه بسيطه
شوف شنو تكون النهايه
لا تلعب بهالطريقه نصيحه
لان البدايه ضحك و النهايه بجي و ندم ..

هل حركات يوسف بتفيده مستقبلا
ولا بتضره ؟؟



منصور
احس لي الحين ماخذيت مساحتك الحقيقيه بالروايه
هدوء ماقبل العاصفه اذا ماخاب ظني ..






مازال في سر مخفيه بوسعود عن عبدالعزيز
شنو سبب حلم عزيز بأبوه ؟
هل له علاقه بسر بوسعود ..؟؟







حلو ان الواحد
يوم يكتب فعل يبين للناس خطئ هالشي وان كان الناس
يعتبرونه عادي
وانتي من الكاتبات الي قليل حطوا نصب عيونهم
امتاع القارئ و افادته :) و تنبيهه ..

عنوانج جذاب و جزيئ بس قوته
عكست قوة رواية :)
و نجحتي بانتقاءه ..


دمت بطاعه

السلام عليكم ورحمه الله وبركاته

تسلم يدينط طيش على هالابداااااع الراااااقي
فعلاا روايه قمه بالروعه والاكشن وتخليني دائما افكر وش راح يصير بعدين

عبد العزيز يالله صعبه جدا على الواحد انه يفقد اهله مره وحده ويعيش وحيييييد مافيه احد عنده
يهتم فيه او يواسيه
\صدقين طيش تراني اضم صوتي لعذرا ياقلب و ميروكالاينالا ان اروى وامها لهم علاقه بعزوز واكيد انهم اهله

بو سعووود ما ينلام انه يحط هالحراسه المشدده على بناته صحيح انه لازم يخاف عليهم ويهتم فيهم
خاصه بشخصيه بمكانته وله اعداء يتربصووون فيه وفي بناته بس مو لهدرجه

عبير يالله احسها انسانه حساسه وبسرعه تتاثر بس ياترى منهو خالمعجب الي هالكهاااا هداياااااا وغيره
ياخوفي يكون من اعداء ابوها وجالس يلعب عليها عشان ينتقم من ابوها

رتيل عييييييب يابنت وشهالتصرفات الصبيانيه مهما كان ابوك مضيق عليك ماتسوين كذا لدرجه تروحين لشرقيه يروحك
او تجلسين تلاسنين الرجاااال من غير حيااااا ترى حلاه البنت بحياهاااا

الجوهره قصتها قهرتني حيييييل حسبي الله ونعم الوكيل على عمها الي خاان ربه وخان اخوه وتعدى عليهااا
الله ياخذه وجعله يشوفها بصحته فعلاا قصه اغتصاب المحارك موجعه حيييييل

عايله ابو منصووور روووووعه وخاصه يوسف احسه عايش يومه ولا عليه من احد

طيش تسلم يدينك جعلها تحرم على النار

يا مرحبااااا الساع على قولة إخوانّنا الإماراتيين ( =
ههههههه الثُنائي المرح " رتيل + عبدالعزيز " حاله خاصّه كلما حسّيت نفسي ملّانه وضايق خلقي برجع أقرأ هدرتهم وشباقهم :P > عبدالعزيز حاله من حالي لو عسى فيني الموت لازم أفرفش وأضحك وأونّس عمري خخخخخ
امممم أتوقّع يمبى يبصق بوجهها لأنها قاعده تمثّل إنّه مُغمى عليها >< , > لأنها ماتبي ترجع للسكن هع
بس الّلي يثير إستغرابي مدى تعلُّق بو سعود بعبدالعزيز .. يوم إنّه بو سعود صديق أبو عبدالعزيز ليش هالأحلام الغريبه تزور عزيز ؟
أقول طيش لايكون الأخ ينام بدون صلاه ؟ خخخخخ عشان كذا تجيه الكوابيس ؟ :P
..
من ناحية الجوهره > هل مُمكن يكون عمها مغتصبها !! >< مُستحييييييل
أو إنّه مو عمهُم لكنهم يعتبروه كعمهُم > يعني سالفة هالتركي فيها شربكه بالنّسب !
وإلّا تدري كل شي جايز بهالزمن , مافيه أمان بالمرّه

..
سبب جفاء منصور لزوجته ؟ > حاولت أطلّع له سبب مو لاقيه !

..
الحبيب يوسف ض1 يامحلااااااااااااااااااااااااه > هذا بعد وناسه حق الضحك

واي صح مين ذي غاده ؟ > انذكر اسمها من قبل لو لا ؟ خخخخ

وعبير ياترى مين هالعاشق المُغرم !!!!

...
على مايبدو عقلي عاطل حاليَّــاً >< ماني قادره أربط الأحداث ولاأخمّن
فننتظرش على أحر من الجمر يوم الخميييس وتسوّي خير لو كل يوم بارت :P :P :P
يعطيش العافيه ياقمررر

السلام عليكم و رحمه الله و بركاته

مساء الخير و الرضا من الرحمن

طيش ربي يعطيج الف عافيه على البارت ما قصرتي

==========================
(( عبدالعزيز ))

اللأن محتاره في أمره الخيالات اللي يشوفها هل هي حقيقه و لا مجرد خيال يزوره

من كثر تفكيره بأهله .. سؤال .. هو حضر موتهم دفنهم بيده و لا مجرد جاه الخبر

و بس .. شوفته لغاده محيره جدا .. كنت بقول انها رؤى بس هي بالمانيا وهو

بلندن .. بس معقولة تكون هي و امه عايشات و ما صار لهم شيء و رؤى ممكن

تكون فاقده الذاكره .. المعاند مع رتيل الله يستر منه شكله بيوديه بشيء هو بغنى

عنه ...

===================================
(( رتيل ))

ما زالت طايشه و لا تحاسب على تصرفاتها حتى بعد العقاب الله يستر من تاليها...

===================================
(( رؤى و وليد ))

شخصيات جديده بس اتوقع لها دور كبير و خصوصا رؤى اللي مثل ما قلت اتوقع انها

اخت عبدالعزيز ,, بس تعلقها بوليد هل هو مجرد تعلق مريضة بدكتورها و لا فيه شيء

خاص ..

====================================
(( منصور و نجلاء ))

حياتهم صعبه بهالجفاف اللي يعيشون فيه بس واضح انه الاغلب من ناحيه منصور و لا

نجلاء شكلها تحبه و متعلقه فيه بالاول و الأخير هو زوجها .. بس لما تشوف ما في

مقابل لعطائها راح تبخل و تصد .. اما قرارها في البعد فتره يمكن يكون صايب حتى تجدد

هي و هو مشاعرهم و يفكرون وين المشكلة بعلاقتهم بعيد عن اي ضغوط من بعض

بس شكلها ما عرفت توصل المسألة لمنصور أو منصور يبي يخلص منها فقال طلاق

أو بلاها اي حلول ثانيه ...

==============================
(( الجوهرة ))

الله يا كبر وجعها هالبنت .. شنو فيه اكبر من فقد الشرف و من منو من محرم اللي

مفروض يكون السند و الحامي لها ,, كان هو السبب في فقداها شرفها .. اللي فهمته

انا الاعتداء صار من سنين بس ما زال خوفها من تكراره و خصوصا انه تركي معاهم في

البيت و ممكن يكرر هالشيء و لا من حسيب و لا رقيب لهم في البيت الأب مطمن

اخوه و شلون ممكن يسوي هالشيء .. و الجوهرة خوفها اكيد يمنعها أنها تعلم اي احد

راح تكون الملامه الوحيده ...

==============================

سلمتي يارب

بــ انتظارج

..
..
..