كاتب الموضوع :
عبير قائد
المنتدى :
سلاسل روائع عبق الرومانسية
انا جيييييييت...فيس بيفحط
يعني لو المشرفة علقتني في المروحة هيبقى بسببك يا بيرو...سبت المذاكرة وكل حاجة عشان لقاء الجبابرة بتاعك
 الراجل دا تعب معايا والله...كل مرة جراه من قفا اهله عشان يسقف...ارحمي حاله
بعد التقاط الانفاس نبدأ التعليق
بصي هبدأ من الاخر عشان متعفرته شوية...الزفتة اللي ملهاش من اسمها نصيب نسمة العاصفة دي...البت دي اكيد حطاله سحر في الاكل...طعمه مالح وريحته وحشة ومن ساعة ما اكله اتشقلب حاله...كان لازم ياخويا تعمل لي فيها الحاج متولي ولا الحاج فواز وتقول لها جدول وانتي يوم وهي يوم؟؟؟ اشرب يا معلم...ياخوووووفي من تأثير العمل المهبب دا
ولا لما يصحى ويكتشف اللي حصل...مش بعيد يعلق نسمة وامها في المروحة...مروحة ايه دا هيعلقهم على قمة ايفرست
شفا مش هتنصدم اوي من انه بات مع نسمة لانها متوقعة ان الحياة بينهم طبيعية...هي ممكن تغير بس زي ما غارت قبل كدا
المشكلة فعلا ان العمل ممكن يكرهه في شفا واهلها ويبعده عنها<<<< الحكاية دخلت في الغمييييء يا بيرو
نجيب من الاول بقى
شهرت التييييت اللي فعلا كلنا متخيلينها صفية العمري...عاوزة طلقتين ار بي جي يخلصونا منها ومن شرها...طبيعي ان واحدة حقودة زيها ما تسيبش عصافير الكناريا في حالهم وتحاول تبخ سمها ...والمشكلة ان شفا صدقتها...اصلا اي حد في مكانها هيصدق
تعرفي اللي شاغلني ايه؟؟ لما عمرو دخل المكتب ولقاه متدشدش على دماغه عمل ايييييييه؟؟؟
صراحة انا متعاطفة مع شفا قلبا وقاليا...بالنسبة لها الصدمة للمرة التانية بشكل ممكن يفقدها الثقة في نفسها كونها تبقى البديل في حياة الراجلين اللي اتجوزتهم....وفعلا مع عمرو الموضوع مؤلم اكتر لإنه تغلغل جواها وبقى جزء لا يتجزأ من حياتها...فلما تتخيل انها بالنسبة له مجرد شبيه لحبيبة ماتت...شعور صعب الله لا يكتبه على حد فينا
عمرو ووقوفه امام قبر علياء واعترافه ليها بحبه لغيرها...حسيته زي الطالب اللي بيعترف بخطأ مقصدش يعمله...بس فعلا شفا بالنسبة له بقت عالمه الجديد...ربنا يستر بقى وما تقلبش عليها بفعل السحر المنيل بنيلة دا
عييييييلاء وصوفي...اديلها ما ترحمهاش...معلش دي اصلها صنف 42 برباط متجيش غير بالسك على نافوخها...ارحمينا بقى يا شيخة...كل شوية انا بنت الشهري انا بنت الشهري...ياخي ناه على الشهري بتاعك...تقوليش بنت سلطح بابا؟؟؟
ايوة كدا يا واد يا عيلاء...وريها المرجلة والحمشنة الصعيدي...حسستني اني بشوف فيلم ترويض النمرة لشكسبير...مسيرك تكسر شوكتها الهانم المتفرعنة دي...ولو اني مش من هواة ان الراجل يستقوى على مراته...مهما كان دي بنت وحيدة مدللة ونفسيتها مجروحة بسبب اعاقتها...بالراحة عليها يا معلم
احمد الكاتب...يا ترى رحت فين يا واد؟؟ شغلت المزة عليك، وآل هي عاملة نفسها جامدة...بصي يا بنتي مهو يا عيلاء يبقى الراجل يا انتي...واحنا اخترنا عيلاء يبقى هو الراجل في عيلة الصاوي...ودا معناه انك تستسلمي لأحمد حمادة ميدو دودي ايه دا يا احمد
بيرو...شكلي هيبرت...انا هقوم اتسحر وانام بدل ما اهلوس اكتر من كدا...هو انا اتعديت من اللي عمرو أكله ولا إيه؟؟؟
تصبحوا على خير
أه...تسلم ايديكي وعنيكي...وفي انتظار القااااادم بشوووووووووووق
امووووووواه
|
29-08-12, 11:44 PM
جديد مواضيع قسم سلاسل روائع عبق الرومانسية
العرض العادي
