كاتب الموضوع :
اسطورة !
المنتدى :
القصص المكتمله
((28))
بعد أسبوع...
كنت قاعد بالاستراحه....واحساس الخزي يملاني....ناظرت وجهي المرهق بكره....أنت جبته لنفسه....تذكرت نبرة عمي
ناصر اللي ضربتني بالصميم....خيبة الأمل بعيونه دمرتني....تذكرت نظرات نايف المحتقرة.....ونظرات أخته
المستهزئه....المحتقرة....الألم اللي شفته بعيونهم دمرني....مسحت على وجهي....وكلامها ينعاد حرف حرف
باذني.....وغمضت عيوني بألم....أنا اللي جبته لنفسي....تذكرت نظرات ابوي وجدي اللي كلها لوم واحتقار....وصدمة
الكل....طلعت من بيت الشعر....وأنا احس روحي بتطلع....طول عمري نذل....طول عمري جبان...وصدقت بكل كلمه
أنا مره يجبروني.....تذكرت شتايم عزيز لها....الوحيد اللي وقف معاي....تذكرته بعد يوم لما جاني...وقال لي جدي
بيزوجها لخالد....حسيت بقهر....ونار تحرق جوفي....حسيت اني خسيس ونذل.....خالد طلع أرجل مني.....تخيلت لما
قالولها مافي ملكة....تخيلت شكلها الناعم وعيونها مليانه دموع.....أحس اني جرحتها كثير.....تنهدت بألم....ربي عوضك
باللي أحسن مني.....قمت وأنا ناوي أروح لملكتهم وأرضي عمي.....رحت الحلاق حلقت....وأنا أحس بعبره كاتمة على
صدري....حسيت اني خسرت بدلعي الزايد كثير.....خسرت عمي وعياله....خسرت فرحة جدي وأبوي وأمي....تذكرت
دانه وغمضت عيوني بألم....وأنا أسمعها تصيح....تقول لي حرام عليك ليه تسوي فيها كذا؟......مادريتي بالنيران الشابه
بقلب اخوك....أخوك ذل نفسه بيده.....وصغر روحه قدام الكل......أحس اني مهزوز كثير.....توجهت لبيتنا....وابتسمت
بألم وأنا أشوف بوابه القصر مفتوحه بالكامل....والسيارات واصله لبرا.....دخلت بيتنا وأنا متندم قد شعر راسي....
المفروض الفرحه لي أنا....وهي زوجتي من ست أيام....كشخت ولبست....ورن جوالي....رديت وأنا متأكد من
المتصل....قلت بضيق:هــــــــلا عزيز.....
قال بصوته الخشن:وينك؟.....
قلت بهدوء:الحين جاي....قاعد ألبس....
قال بهمس:لاتشمت الناس بك وأنا اخوك....تصرف ولا كأن شيء صاير....وسلم على عمي ناصر....وتحامل على نفسك
حتى لو صد عنك.....أنت غلطت...والحين تجني ثمر غلطك......وبحنيه.....وهمك أكتمه بنفسك....وأنا أخوك...لاتظهره
لأحد....
همست له وأنا أحس بالامتنان الكبير لهالانسان اللي مدري بشنو أجازيه:ان شاء الله....
عطرت نفسي بكثافه....وطلعت من البيت لمجلس الرجال الرئيسي....وشفت عماني وعيال عمي واقفين عند
الباب....يستقبلون الناس....الكل انصدم....وشفت ابتسامة عزيز....سلمت على ابوي الصامت....وقربت من عمي ناصر
اللي كشر....بست راسه وحضنته بقوة....وهمست له:سامحني يالغالي....واعذرني...والله ان بنت عمي شيخة
البنات....ومن سوء بختي ضيعتها مني....بكلام ماثمنته....وللحين متندم قد شعر راسي.....ومن حظ خالد الحلو فاز
بها....عساه يصونها ويقدرها.....وبألم ....عمي تكفى اعذرني....
ناظرني بهدوء....وطق كتف....وبهمس:مسموح.....
حسيت الدنيا كلها ابتسمت لي.....وبست راسه...وسلمت على الكل...وحضنت عزيز بقوة....أشكره على كل
شيء....وتوجهت لداخل....وتوجهت لجدي وأنا أبوسه براسه....قال بهمس هادئ:أخذت مابخاطر عمك....
قلت بهمس مشابه:أكيد....
ولفيت لخالد وهو كاشخ....ولابس البشت....وابتسامته الهادئه مرسومه على وجهه.....سلمت عليه وأنا احس
بخنقه....وهو سلم علي بحرارة....غصب عني قلت له: مبروك....وأنا أحسه سلب شيء لي....ابتعدت عنه...وأنا انشغل
مع العيال والضيوف.....ثواني ودخل وجهه مألوف....لكزت عزيز اللي جالس جنبي....بكوعي...اللي يسولف مع واحد
مشترك معانا بمشروع....لف علي باستغراب.....قلت بهدوء وأنا مضيق عيوني:مو هذا فيصل خال سلطان......
ناظره وقام له وهو يرحب فيه....والمجلس كله فز له.....وجدي فرح فيه....وجلسه بصدر المجلس....وسلطان ووليد
ونايف دخلوا وهم كاشخين ومطقمين.....وليد سلم علي....ونايف ناظرني بنظرة ذبحتني....ومسك سلطان وهو يسلم على
الرجال....وسلطان بس لمح فيصل....فلت نفسه من يد نايف....وراح بسرعه وهو يحضن خاله....وخاله يضحك
بحنان....ويبوسه....وجلس جنبه....ورفض يروح مع الكل....وفيصل يناظر خالد بابتسامه....ويسولف معاه ومع جدي
ويضحك.....وسلطان من يشوفه يضحك....لفيت وجهي....وطاحت بعيون نايف البارده....لف عني ببرود...ووهو يتوجه
لسلطان وفيصل وخالد......حسيت بيد قويه تضغط على ساقي.....ناظرت بعيون عزيز الحاده....وبهمس:اصبر....تحمل
كل اللي بيجيك.....ولاتلوم احد.....
ولف يكمل سالفته....وأنا ابتسمت بتصنع وحاولت أشاركهم بالأحاديث.....
كنت جالس بوسط المجلس....وعيني على مشعل....حاس بضيقه.....مسحت وجهي بيد مرتجفه....وأنا أتذكر كلام جدي
وطلبه مني......جدي بهدوء:خالد طلبتك.....
قلت بحميه:جاك يالغالي....لو هو موتي.....
قال بنفس الهدوء:ريم بنت خالك....تأخذها حليلة لك....
انصدمت...وبلعت ريقي مليون مرة....أنا فعلا مفكر بالزواج....وكنت بأقرب فرصه بفاتح أمي.....وريم بنت خالي
ماعندي أي اعتراض عليها....بس بيني وبينها مشعل......قلت بهدوء:ومشعل.....
قال بهدوء:لو يموت ما خذاها....عقب اللي قاله.....
قلت بهدوء:وهي....وموافقتها على مشعل......
قال بواقعيه:وش فيها هي؟....أنت تدري انها ماتعرف أي واحد فيكم....وماتعرفكم الا معرفه سطحيه....وهي ماوافقت
على مشعل الا علشانا....وبناء على طلبنا....
قلت بألم وانا أمسح وجهي بيدي:بس جدي صعبه....البنت مو كورة تتحاذفونها بينا....امس كانت مخطوبه
لمشعل...والمفروض اليوم ملكتهم....واليوم تبغوني أخطبها....وهالأسبوع ملكتها....بدون لانراعي مشاعرها....ذا
غلط....
قال جدي بحده:خالد اذا ماتبغاها قول من الحين....قبل لا نقولها...مو تسوي سوات الخبل ذاك......
قلت بسرعه:جدي افهمني أنا مالي أعتراض على البنت.....بس البنت توها طالعه من خطبه فاشله....عطوها مهله....أكيد
مجروحه من هالشيء.....صعب كذا......ومشعل ماندري وينه؟....يمكن تراجع عن كلامه....
قام بعصبيه وبحده:ريم تحرم على مشعل.....طول العمر....وبنغزة...ولا تتحجج بأعذار تافهه قل مابغى....وأنا تمتت لك
شيء...وانا مانيب قده....
قلت بصدمه:جدي لمثلي ينقال هالكلام.....
قال بعناد:شآخر قولك ياولد منيرة؟.....
قلت بضيق:اللي تآمر فيه يالغالي....لاعاش ولاكان ولد منيرة كانه رد كلمتك....
أنور وجه جدي وجاء بيبوس راسي....بس مسكته وأنا ابوس راسه ....وهو يدعي لي....قال بهدوء:أجل خذ هذا رقم
فيصل خالها....بلغه أنك بتتقدم لريم....
قلت بصدمه:وهو شكو؟....الحين بروح أبلغ ابوي....ونروح لعمي ناصر.....
قال بهدوء:لازم يابوك....هو ابوهم بعد......وكلها جبر خواطر ياولدي.....
ابتسمت وأنا احسه كلام ام لسان.....وفعلا قلت لأبوي اللي فرح....أمي اللي مانعت بالبدايه...وقالت أختها عوبه ماراح
تريحك......بس بعدها فرحت لما أقنعتها أن ريم ضعيفه.....وطيبه....وهي أكثر وحده تدري....واني راح أفهمها كل شيء
من البدايه....وبدا التجهيز لملكتي...كلمت فيصل....الانساان الراقي....بجد حاز على اعجابي كثير.....سألني أسئله
حلوة....حسيته يستكشف شخصيتي.....وبعدها قال بابتسامه:مبروك عليك الريم....وهالله هالله فيها....تراها غاليه
بالحيل....وتراها دلوعه شوي وحساسه....اصبر عليها شوي.....
وقعد بأسلوب حلو....يشرح لي بعض صفات ريم....اللي ريحتني كثير....وبعدها تكلمنا بمواضيع عامه...وسكرت
منه...بعد ماحسدتهم على هالخال....تذكرت بنت خالي الصغيرة ودفاعها المستميت عنه بأول يوم شفناهم...والله
ماتنلام...ارتحت من كل شيء....وخاصه بعد ماصليت استخارة....حسيت بفرحة عمي ناصر الكبيرة....وفرحت...بس
اللي منقص علي فرحتي....مشعل الغايب....حاولت مليون مرة أتصل فيه....زفرت بضيق....اللي حصل له رغم انه
يستاهله.....بس ماهان علي....مشعل المرهف....الباحث عن الحب دائما....مشعل طبيعته الرومانسيه دايما تحطه بمواقف
خايسه.....أحلامه اللي ماتركب على مجتمعنا المتشدد.....يدور على حب مجنون....وحنا عمرنا ماعترفنا الا بالحب بعد
الزواج.....حاولت أوصل له....بس عزيز قالي لي أتركه....ومن طبيعتي أني ما اكسر كلمة عزيز أبد....عزيز من اكثر
الشخصيات اللي تأثر علي......شخصيه ماشفت نفسها....شخصيه رغم عيوبها الا انها تعجبني.....كثير.....مسحت يدي
اللي ترجف على لحيتي....ركزت نظري على مشعل...وأنا أناظر نظراته الضايعه.....وابتسامته المغتصبه على عزيز
اللي يسولف براحه....ناظرت نايف وونظراته الباردة اللي مسلطها على مشعل.....وابتسمت بأسى...خف على ولد عمك
يانايف....يكفيه اللي جاه من اختك وأبوك.....وعذاب الضمير اللي يذبح.....ناظرته بألم....أدري ياولد الخال انبنت بينا
حواجز....كثير....عساني أقدر أزيلها بسهوله.....التفت لفيصل الجالس بجنبي....وهو يناظر سلطان اللي يشرب العصير
بحنيه كبيره.....وشوي يبتسم بثقل لجدي وهو يسولف معاه.....وقمت من مكاني وانا أشوف لي ززميل لي جاي يسلم
علي....سلمت عليه بحرارة....وبارك لي....وتمت ملكتي على ريم...والكل بارك لي......وعمي وجهه من الفرح
منور.....وأحس بفرحه اقتحمت قلبي....وشعور لأول مرة اجربه......
كنت جالسه والكوافيرة تصيح علي كل شوي......كل ماتعدل مكياجي...أرجع أصيح ويسيل كل شيء.....ماني قادره
أنسى....أن الجازي حرمتني منه....ليه كذا؟....ليه؟.....تذكرت لما سمعت ام وليد وخالتي أم مشعل...يسولفون...وام
مشعل تقول وهي تصيح:كله من أختها...قالت اللي ماينقال....وولدي الحين لاني داريه ارضه من سماه....ياويل حالي
عليك ياولدي....
انصدمت وأنا اصعد لها فوق....وصرخت عليها:حرام عليك....والله حرام....
عدلت جلستها على السرير....لأنها كانت منسدحه وتلعب بجوالها....ناظرتني باستغراب وهي تقرب مني:علامك.؟...
قلت بحره لووعت قلبي:وللحين تسألين؟....وبحقد....أنتي أحقر وأوطى ماشفت....وباستهزاء.....أقول الحبيبه عافت
طلال....أثريها مخططه على مشعل.....
ماحسيت الا على كف لف وجهي وجه....ناظرتني بحقد وبكره وهي ضاغطه على أسنانها:أنقلعي برا.....وقسم بالله جيبي
هالطاري مرة ثانيه وشوفي شيصير.....وبقوة....ومن اليوم لا انتي أختي ولا أنا أختك...وحريقه تحرقك....وتحرق الزفت
معاك...المفروض تشكريني اني خلصتك منه.....وبصراخ أرعبني...انقلعي عن وجهي.....
ناظرت وأنا ماسكه خدي مصدومه....ودموعي تسيل.....قلت بألم:فهميني على الأقل السبب.....
قالت بعناد وقوه وهي تعطيني ظهرها:بعد كلامك اللي قلتيه مالك حق السؤال....للأسف فقدتيه....وباحتقار
صدمني....علشان مشعل تظنين فيني هالظن....ياحسافه يا أختي....يابنت أمي وابوي....
تندمت كثير...أنا واثقه من الجازي....بس من العصبيه ماتحكمت بلساني...حسيت اني مجروحه منها....وحبيت
أجرحها....حضنت ظهرها وأنا أصيح واعتذر.....بعدتني عنها باشمئزاز....وبصراخ:أنقلعي برا....مابغى أشوف
وجهك....من اليوم ورايح أنا ماعندي أخت غير نوف....وبحده وريم أختي ماتت.....الله يرحمها....
انهرت صياح....وهي ناظرتني بأسى....وطلعت من الغرفه...تاركتني حطام....حاولت أرضيها بعد كذا....بس مالقيت الا
الصد...كنت بس أسمع أصواتهم يسولفون....هي واخواني...أجي واحاول ارضيها قدامهم...بس هي من تشوفني جايه تفز
عني....انصدمت من خطبة خالد لي....حاولت أرفض....بس أبوي وجدي ماعطوني مجال....حسيت بالموضوع شيء
غريب....وقرصني قلبي....وحز بنفسي كثير....أن الجازي حتى ماباركت لي....ولاكلمتني.....جهزت نفسي مع بنات
عمي...وأنا متجاهله كل شيء....ومركزة على شيء واحد....رضى الجازي....وهي تطلع مع وليد ونايف وسلطان من
العصر...وماترجع الا بالليل....تدخل هي وسلطان الغرفه....وتقفلها....أقعد عند الباب أترجاها تفتح لي....وهي
مطنشه....كرهت نفسي....وأنا أحس اني جرحت جازي كثير.....عمر جازي مازعلت علي كذا.....كرهت
نفسي...وكرهت لساني...وكرهت مشعل مليون مرة....كله منه....ومن جرحه....اموت وأعرف وش صار بينه وبين
الجازي....الجازي كانت فرحانه لي...بس شاللي قلبها على مشعل بيوم....وخلاها تفض كل شيء...والولد ماحد داري
بمكانه...تذكرت خالي وهو فرحان لي ويمدح بخالد....وأمي اللي تصيح من الفرحه.....تمنيتها اليوم معاي....ناظرت
بنات عمي اللي يتزينون بغرفتي معاي.....وابتسمت بحب لهم....وأنا اشوف دانه تخط الكحل بعيون شذى....وخلود تحط
شدو لنجد....وأحرجوني وهم يسؤلون عن الجازي وأنا أقولهم الحين تجي.......شوي ودخلت نوف بوجهها
الطفولي...وفستانها الوردي القصير.....نوف تشبهني كثير....بس كحجم مصغر....ونوف أمتن مني شوي واقصر....والا
الباقي كوبي بست مني....بعيونها الصغيره...وبشرتها البيضاء...وخشمها الصغير....وفمها الناعم....وشعرها البني الناعم
القصير....وقالت بنعومه....وهي شايله الدفتر:وقعي ريومه....
ناظرت الدفتر الكبير برجفه....والبنات التموا حولي....مسكت القلم...وطاح مني....وأنا أناظر توقيعه الحلو....قلت بخوف
وارتجاف:ماني قادره....وربي خايفه....
حسيت بالباب انفتح....وطلت علينا بكل حلاها....الكل انصدم وهو يناظرها....بفستانها التايقر القصير حيل...كان كت
ومخصر على جسمها...وشعرها الغجري الأسود الطويل...مموج على أكتافها....ومكياجها الصارخ....وعيونها مدعوجه
بالكحل....والروج الأحمر على فمها....حاطة على شعرها فيونكة ذهبي رافعه غرتها فيها.... قالت دانه بخبال:يلعن
شكلك...عزالله عنزنا عند أهلنا...."الثلاثي المرح....مايقولون عنسنا...لا عنزنا...هههههههه"....
الكل ضحك عليها....وهي عيونها بعيوني....قربت وباستني برقه....وبصوتها المبحوح:مبروك.....
حضنتها وانهرت صياح.....وهي تطبطب على أكتافي بهدوء....توني حسيت روحي رجعت لي...وبس هديت...مسكت
يدي...وحطت القلم فيها....ووبهمس:وقعي....
وقعت وأنا فرحتي برضاها علي...نساني خوفي وارتجافي....وارتسمت الفرحه بوجهي....ووقعت والبنات يلولشن
لي....وحسيت بفرحه اقتحمت صدري....واستسلمت للكوافيرة علشان تزيني....بعد ماكلمت امي..وزينتني...ولبست
فستاني....وناظرت بنفسي باعجاب.....فستان أخضر طويل...عاري الأكتاف....ناعم مثل ما احب....ومكياجي
الناعم....وتسريحتي البسيطه...كلهم طلعوني بطله حلوة....وبعدها البنات جلسوا يمدحوني....ونزلوا وأنا اتذكر
أشكالهم....
دانه طالعه حلوة بجسمها المليان شوي....لابسه فستان أزرق قصير ناعم.....ومكياج ناعم مبرز ملامحها الحاده.....
خلود بجسمها الضعيف....لابسه فستان أورنج ناعم طويل....عاري الأكتاف....مناسب لسمارها الحلو....وحاطه ماكياج
ثقيل...مغيرها.....كثير....ومطلعها جنان....
نجد الدبدوبه لابسه فستان ابيض بأسود قصير.....ناعم ومطلعها بيبي كثير....وحطت مكياج ناعم....زادها نعومه
ومطلعها طفله كثير.....
شذى لابسه فستان طويل أسود....ناعم....والشال رابطته على اكتافها....وحاطه ماكياج شوي ثقيل....وطالعه حلوه....
شهد لابسة فستان أحمر جرئ....والفرحه والسعاده تشع من عيوونها.....كانت حلوة كثير.....
وجوجو كالعاده كانت قمرهم.....شوي ودخلوا البنات ومعاهم ام وليد وقالوا الزفه الحين....ضغطت على يد الجازي...وأنا
أدعي ربي ينسيني مشعل.....ويسخر لي خالد....نزلت تحت...وعمتي منيرة تناظرني بفخر.....بالكوشه...وصلت
لها...بست راسها باحترام...وقعدت شوي.....صورت مع البنات....وابتسمت وأنا اشوف الجازي ترقص قدامي....ودانه
وخلود طلعوا هبالهم....والنسوان معلقه عيونهم على الجازي....بسم الله عليك....ضحكت على خلود ودانه وهم يهزون
كتوفهم....ويميلون على بعض....وعيون أمهاتهم المتوعده والمتفشله تناظرهم بحده......والجازي تضحك عليهم وترقص
بدلع ونعومه....ودانه وخلود قاموا يرقصوون قدامي....وهم يحولون عيوونهم....ويتفخون خشومهم...وأنا انفجرت
ضحك...والكل مستغرب مني....بلاهم مايشوفون اللي أشوفه....لما جت عمتي وشافتهم وعصبت عليهم....وقالت
بحنيه:قومي يمه...خالد ينتظرك بالمجلس.....
حسيت قلبي بيطلع....قلت بخوف:عمه أبغى الجازي....
نادت الجازي ...وصحيح ماقلت لكم....عمتي والجازي علاقتهم تحسنت مره....والكل منصدم....كل ماشافوا
بعض...حطوا روسهم بروس بعض وسوالف....والله يستر من تاليتها....شفت خالتي أم مشعل وهي تمسح
دموعها...حسيت بالحزن عليها...الله يرجع ولدها لها....جتني الجازي...ومسكت يدي...وقمت معاها....وهي وعمتي
يسولفون....وعمتي تذكر الله عليها...وأنا فاتحه فمي....من متى هالمحبه كلها؟....الله يديمها....دخلتني
المجلس....وجلستني.....وطلعت....وأنا قلبي يدق....دقايق....وسمعت صوت خطوات...نزلت راسي وأنا أبلع
ريقي....ريحة عطره البارده اقتحمت أنفاسي....وشفايفه الدافيه تلامس جبيني...همس لي:مبروووك.....
تمتمت بكلمات مو مفهومه من الخوف....شفت أبوي وهو يقومني....ويحضني...حضنته بقوة....وانا أبغى أجمع
ذاتي...بعد ماحسيت بهمس وبوسته بعثرتني....بعدت عن أبوي وانا أشوف سلطان...الكاشخ...حضنته ووهو
يضحك...وبعدها بارك لي وليد بحنيه وببشاشته المعهوده...رسم الضحكه على شفايفي....بارك نايف لي بهدوءه
المعتاد....وابتسامته مزينه وجهه....سلمت عليه باحترام...مدري ليه خجلت منه؟....أحس ان بينا حواجز كثيرة...وفي
أشياء كثيرة عادي أسويها مع وليد....بس نايف ما أتجرأ.....صوروا معانا....وانا متجاهله خالد....وحاسه بنظراته...طلع
أبوي بسرعه....وهو يقول لأخواني يلحقونه.....ووليد قعد يسولف مع خالد...وأنا منزله راسي.....وسمعت ضحكته
العذبه...وحسيت بقلبي ينتفض.....ودي أرفع وجهي واشوف ملامحه....اللي ما أعرفها...رغم كثر لقائتنا.....بس عمري
مالتفت لغير مشعل....حسيت بالعبرة تخنقني....بس حذفت هالطاري من بالي بسرعه.....وحسيت بالارتجاف وانا اشوف
أخواني يقومون....طلع وليد وسلطان....وبقى نايف....قلت بقلبي وأنا أغمض عيوني....نايف تكفى لاتطلع...تكفى
تبقى....سمعت صوته الهادئ:ماوصيك ياخالد....حط أختي بعيونك....ما ابغى بيووم أسمع انك مززعلها....وبمرح غريب
على شخصيه الغريبه.....ترى وقتها مايردني الا راسك....تراها دلوعتنا....
سالت دموعي وأنا أحس بالسند....وقلت بقلبي....ربي مايحرمني منك....عزلله الجازي ماتنلام بحبها الكبير لك.....
بهدوء:لاتحاتي....ريم بعيوني....
حسيت بالارتجاف....بس من نطقه لأسمي....طلع نايف...وأنا أطالع مكانه.....ودموعي تسيل....حسيت المكان فضى
بروحته....قطعني صوته الهامس القريب مني وهي يمسك وجهي بكفينه الدافيه بحنيه ويجلس قبالي:ليه الدموع؟.....
ناظرته وانصدمت من حلاه...وعيونه الهاديه بعيوني مركزة.....بلعت شهقاتي...وأنا أحس قلبي يرجف....ابتسم
بحنيه...ومسح دموعي برقه:من اليوم مابقى أشوف دموعك.....وونزل راسه....وأنا الحين بطلع اذا تبغين....واذا وجودي
مضايقك لدرجه ان دموعك تنزل.....
ناظرته وهو منزل راسه....وأحس براحه منه....مسحت بدموعي...وأنا مصرة أنجح حياتي معاه...ومابيه يفهم دموعي
انها خوف منه أو صد....لازم ابين له....علشان ما اجرحه ابد......قلت بهمس:لا...دموعي مو منك....ناظرني
بفضول...وارتبكت...وكملت بهمس أوطى....نايف كلامه أثر فيني.....
ابتسم لي بحنيه...وهو يقوم ويجلس جنبي....ويحط يديني بيدينه....وبمرح:دامه كذا....فالحمدلله ريحتني......وبهدوء...ما
أحب أفرض نفسي على احد.....
سكت وأنا أحسه متحكم فيني....حسيت بقوته وسيطرته على كل شيء....قال بجديه:ريم اكيد أنتي متوترة ومرتبكة وخايفه
من حياتك الجايه.....اللي بتجمعني انا وياك طول العمر....ناظرته وأنا مصدومه من ذكائه.....كمل بنفس الهدوء وعيونه
بعيوني.....وأنا ما انك راني مثلك ويمكن أكثر....وهذا شيء طبيعي....أنا ما انكر اني ما أعرف عنك الا انك بنت
خالي...وأمي تمدح فيك....ومن هالأساس أنا خطبتك....وأنا مرتاح ومقتنع فيك....
ناظرته بضياع وانا أحس بخيبه....كنت أبغاه يقولي أحبك وأموت فيك....كنت أحلم بقصة حب قويه.....ضغط على يدي
بقوة....وعيونه الهاديه للحين بعيوني....وبهدوء:أكيد كل بنت تحلم أنها تعيش قصة حب وعشق يذبح......ناظرته
بصدمه....وبنفس الهدوء....وان شاء الله بنعيشه....بس حبنا بيكون حب حلال....تحت المسمى الوحيد المتعارف عليه
بمجتمعنا...تحت مسمى الزواج....وبجديه....وصدقيني كل شيء بيدينا....أنت بسهوله بتقدرين تكسبيني....وأنا نفس
الشيء....والله يقدرني على اني أسعدك....وأملأ حياتك....وبمرح....وأخليك تموتين فيني....وتحبيني......
ابتسمت له...وقلبي طاير من الفرحه....أحس اني الكسبانه الوحيده من هالزواج....أحس اني محظوظه كثير....برجال مثل
خالد....قال بهمس:موافقه نبني حياتنا....اللي بيكون أساسها الاحترام والصراحه....وبابتسامه....ومع الأيام يتبعها الحب
بعون الله....
قلت بهمس واثق:ان شاء الله....
ضحك بفرح وهو يقوم ويبوس خدي....طلع لي كرت ومده لي....وبهدوء:أوكي حبيبتي أنا مضطر أطلع الحين علشان
أخليك ترتاحين...وهذا كرتي....فيه جميع أرقامي....وبكرة ان شاء الله بتصل عليك....لأني أخذت رقمك من
وليد.....حسيت بالخيبه...تمنيته مايطلع....والحين مايبغى يكلمني....وهمس وهو يمسح على خدي برقه....لأني اليوم
أبغاك ترتاحين....
حسيت قلبي بيطير...بلعت ريقي بخفه....وهزيت راسي بايه....وأنا احس اني معاه انسانه ثانيه.....قال بهدوء:تبغين
شيء...
قلت بهمس:سلامتك....
قال بهدوء:ابغاك الحين تروحين لغرفتك....وتشوفين اللي فيها.....وبغمزة....وبأسمع رايك بكرة أوكي.....
هزيت راسي بايه وأنا خجلانه منه كثير....قرب مني وباس خدي برقه....وهمس لي:بأطلع وبتبقى روحي معاك.....
انصدمت ....وطلع وأنا متجمده بمكاني....حطيت يدي على قلبي....اللي يرجف....ياقلبي أهدى شوي تكفى.....ركضت
جري لغرفتي....قبل لأحد يشوفني....ودخلت وقفلت الباب وراي....وأنا أشوف طقم الذهب الراقي....وبوكيه ورد
الجوري الأحمر....وكرت مكتوب عليه بخطه الساحر"ألـــــف مبروك....علينا....وربي يجمعنا على خير.....زوجك
خالد"......
حضنت الكرت بحب....ورميت نفسي على السرير بكامل ملابسي....وأنا اتذكر همسه وحروفه....يارب الطف فيني....
ورحت بعالمه اللي بأروع أحلامي...ماتجرأت أحلم فيه....واني بصير جزء منه....خالد شخص خيالي...تملكني بكلمااااات بسيطه...بحياتي ماحلمت ان اسمي يرتبط بشخصيه زيه....
|
15-03-12, 03:02 AM
العرض العادي
