كاتب الموضوع :
اسطورة !
المنتدى :
القصص المكتمله
((9))
الكل انخرس.....ومافيه أحد تجرأ يبطل فمه......ناظرتهم باستهزاء....وعيونهم تناظرني بصدمه.....وباستغراب.....قلت بهدوء وأنا
أشوف ارتجاف ريم:ريــــــــــــم تعالي......
بسرعه ركضت لي وهي تحضني وتصيح......همست لها:أهدي وانسي ياريم.....خلاص بس ياقلبي.......
قالت من بين شهقاتها:أكرهها....والله ما أقدر أنسى.....
مسحت على ظهرها وأنا أبغاها تسكت.....وجانا سلطان وهو يحضني من ظهري.....حسيت بقلبه ودقاته....مديت يدي وأنا أمسح على
وجهه برقه......وقلت بحب:عادي ريم تتدلع....وبمرح....ريم روعتي سلطان.....
قال بضيق:ليه تصيح؟.....
قلت ببساطه وأنا أضيق عيوني:لأنها دلوعه....
قال بعد ماتطمن:لا خبله....وبعدها عني بدفاشه...بعدي عن جوجو.....هي تحبني أنا أكثر منك.....وأكثر من كل
الدنيا.....وبثقه....صح جوجو؟....
ناظرت ريم اللي تمسح دموعها....من تحت جلالها.....وبثقه....وأنا أقرص خدوده:صح ياقلب جوجو أنت.......وبحنيه....روحي
غسلي وجهك.....واشربي ماي.....
قامت ريم بطاعه.....وأنا سكت.....ناظرت ناصر اللي يناظرني بانكسار....قام وجلس جنبي...قال بحنيه وألم وانكسار:
سامحيني....سامحيني يابنتي.....
قلت ببرود يذبح:أسامحك....وباستهزاء....وين أصرفها ان شاء الله.؟.....أقول ابعد أحسن لك....مالي مزاج أتناقش بموضوع منتهي
ومفروغ منه.....
ناظرني بضياع.....وانتفض وهو يبعد عني.....والصدمه عامله عمايلها فيه....ياما بذوقك ياناصر....بس اصبر شوي....وجت ريم
والكل التزم الصمت.....وقطع الصمت جوال رييم.....ناظرتني بارتباك....وردت:هلا يمه....هاه ...لا يمه مافينا شيء.....والله جازي
مافيها شيء......لايمه ماغلطت على أحد......"احتدت نظرتي فضحوني".....والله يمه أصلا توها ماصحت.....يووووه يمه....هلا
خالي.....خالي والله مو راضيه......يعني ماتعرفها أنت......ههههههه...هذا أنت قلتها....هاااه لا خالي والله تذبحني....ناظرتني
بخوف........جازي خالي وامي يبغونك......ناظرتها بحده....ارتجفت منها....كملت بصوت مرتجف...خالي قالي أحطه سبيكر.....
أنا هنا ولعت....أكره ماعندي أحد يجبرني على شيء.....أشرتلها بيدي أنها تجيب الجوال.....فرحت وقربت مني.....وهي تمدلي
الجوال....ناظرته وناظرتها ببرود....ورميت على الحيط بقوة.....وتفتت لأجزاء صغيره....الكل شهق....وريم شهقت وهي حاطه
يدينها على فمها...همست من بين دموعها:ليه؟.....
طنشتها وأنا أحس بأنفاس سلطان المتسارعه....حطيت يدي على صدره..وبهدوء:سلطاااان أهدأ....مانيب معصبه.....
وظليت أمسح على صدره لحد ماارتخت أعصابه.....وبس هدأ....ناظر ريم المتجمده قدامنا ودموعها تسيل....وبعصبيه:انتي ليه
غبيه؟....جازي ماتبغى تكلم أحد...أنتي ليه خبله...أنتي جمااااااد ياحماره.....خليتي جازي تعصب....وناظرها باحتقار...وصخه زباله
جزمه....انقلعي مانبغاك.....
رغم اني كنت مقهورة منها....بس ماهانت علي الحماره......قلت بهدوء:سلطااااااااااااااااان......
سكت سلطان....بس كان يلعب لها بعيونه.....ويتفل عليها من غير صوت......قلت بحده:سلطااااااااااااان وبعدين.....
قال بخوف:يمه شفتيني؟.....
قال أبوي بعصبيه:لا ماشاء الله محترمه.....بدال لاتعلمينه علمي نفسك....فيه وحده تعامل أختها كذا......
قلت ببرود وأنا أتركى على صدر سلطان:أكيد أنا محترمه....وأخوي متعلم الأحترام بعد ومن قبل لا نشوف وجهك.....نطت عيونه
بعصبيه.....وأختي قلتها بنقسك....مالك شغل بينا....عساني أذبحها...فداي.....أنت آخر شخص تتدخل بطريقة تعاملي مع أخواني......
قال بعصبيه:نـــــــــــــــــــــــــعم......عيدي ماسمعت.....
قلت بغرور:والله كلام الملوك لا يعاد.....وأتوقع كلامي واضح.....وسمعته عدل.....
قال بصراخ وهو يوقف:تراني عطيتك وجه زياده عن اللزوم......لاتضطريني أطلع وجهي الثاني ترا ماراح يعجبك....
قلت باحتقار وبتحدي:لا يمه خفت....تكفى مابغى أشوفه......وباحتقار....أعلى مابخيلك اركبه....ويكون بعلمك....لو تطلعلي مليون
وجه لك....كلهن ما يأثرن فيني.....ولايحركن شعره....
ماحسيت الا بيد تجرني....وكف حار وطحت على الأرض من قوته......الكل صرخ....وجدي صرخ:نااااااصر.....
صحيت الصبح...تعرفت على مرة أبوي طيبه حيل....ونوف أختي عسل.....ونايف وبدوري الصغير...وسلطان معانا....تغدينا
معاهم....وكنت فرحانه كثير....وكل ماأبغى أصحى جازي....أبوي يرفض....ويقول خليها ترتاح....ووليد أخذ سلطان ويفرفر
قيه...والعصر جو عماني وبناتهم العسل....وفرحت كثير....خاصة دانه وخلود ونجد نكته....وشذى عسوله....بس كنت خجلانه
وخايفه من جدي وعماني.....وشفت مشعل وحسيت بخجل فضيع....بس ماشاء الله عايلتهم كبيرة كثير....وعزيز مدري ليه عيونه
كانت تدور أحد؟.....أحسه يدور جوجو....وطبعا جوجو بسابع نومه....وجوجو ونامت والله ماتصحى....وسلطان اللي اندمج مع وليد
كثير....وبس يسولف معاه....والكل يسأل عن الجازي....بس أبوي يقول تعبانه خلوها ترتاح...أحس أن أبوي مايبغى الجازي تصحى
علشان ماتفشله....ههههههه......وتعشينا.....وطبعا خالي وأمي أزعجوني وعملوا لي قلق....والسبب ازعاجهم....المهم رن
جوالي...وفرحت انها الجازي....خاصه ان عمتي أم خالد كانت تحرجني وتضايقني بأسئلتها....مدري ليه حسيتها كارهتنا؟....وانا
طبيعه مو اجتماعيه وخجوله....البنات هم اللي دخلوني بجوهم....وسوالفهم....وأنا بالغصب تجرأت....كان ودي الجازي
تصحى...وطبعا عصبت على ابوي لما قلتلها هو رفض يخليني أصحيك....وثواني وماحسيت الا بضربه قويه بكتفي....والجوال مو
بيدي.....عصبت على سلطان اللي يكلم الجازي بفرح.....أذاني وهو يبغاها....وكل ماقال أبغاها....أبوي يخلي وليد يفتر فيه ....والا
يوديه السوبر ماركت.....وكلامه مع الجازي اللي صدم الكل...لأن سلطان كان ملتزم الصمت....الا همسات مع وليد....وثواني
وسمعنا صوت الكعب....وسلطان صرخ:شفتك....شفتك....ورمى الجوال لها....الكل انصدم....وحسيت انها مصدومه....بعباتها
المعتاده وطولها الملفت....ولثمتها....وعيونها الواسعه الحاده....حضنها سلطان بقوه.....وشوي وفكته بعد مناوشات مع وليد...تقدمت
وهي تمشي بغرور وبصوتها الأنثوي المبحوح:السلاااام.....
قال أبوي الفرحان:تعالي سلمي على جدك وعمانك....
أنا كنت ادعي انها تسلم....خايفه تسفه ابوي....بس تقدمت بكل ثقل...لجدي اللي وقف وهو يناظرها بكل اعجاب ووجهه
متهلل....وسلمت عليه بكل ثقل....مما صدم أبوي....ههههههه....وبعدها سلمت على عماني....وسلمت على النسوان...واللي صدمني
سلامها الحار لمرة أبوي.....وبعدها قعدت ولما اضحكوا على سلطان سكتتهم...كنت أناظر عيون عزيز اللي بتحرق الجازي....وهو
يناظرها باشمئزاز.....وهي مطنشته....وسلطان لما هب على ابوي وفشله....موهين هالسلطان تربية جويزي على قولة
جدتي....ودخل نايف والجازي عرفته......الحمارة طلعت تعرف أخواني....وشايفه صورهم ومو قايلتلي.....هالبنت مرعبه....لازم
أعرف سالفتها....وبعده الحرب الضروس مع عمتي اللي ما بلعتها....وفشلتها وفشلة أبوي معاها....وأنا صحت وأنا أسمع سالفة مريم
الكلبه....للحين كل ماأسمعها... وأتذكر ضعفي وقتها أكره... نفسي وألومها......بجد كرهت نفسي.....بس اللي حيرني معرفة عمتي
الشينه....وبعدها خالي دق هو وأمي وعصب علي....وحلف الا يكلم الجازي...واذا مارضت أحطه سبيكر....أحسهم
مومرتاحين....أمي تحلفني تقولي سوت شيء....يدرون بأختي ماترسيها على بر.....وبس قلتلها
أشرتلي أقرب الجوال...وبس مسكته.....ماحسيت الا بجوالي....متحول لأجزاء صغيره....انصدمت....وصحت....وسلطان بالأول
خاف....بس الجازي هدته....سلطان ينرعب ويتزعزع نظام الكون عنده.....اذا جازي زعلت.....وبس قعد مسح فيني
الأرض....وجازي عصبت عليه....أنا كنت منحرجه....جازي فشلتني قدامهم كلهم....لو بروحنا عادي....بس مو قدام هالأمه كلها...بد
أحرجتني....دعيت عليها بداخلي...وانا ادعي ان اللي صار حلم.....شوي وعصب أبوي...اللي ماصدق لقى حجه علشان يآخذ حقه من
جوجو....ومنه كلمه....وجازي ترد بوقاحه وتحدي عليه....لما فقد أعصابه وسط ذهول الكل.....وماحسيت الا بصوت كف وجازي
مرميه على الأرض....وجدي صرخ بعصبيه:ناااااااااااصر......
وجازي كانت منزله راسها....أنا انصدمت صدمه عمري....أول مرة الجازي تنضرب.....قال بعصبيه وقهر وهو ينافخ وبألم نابع من
وجهه:أنتي اللي حديتيني على هالسواة....كنت ماسك أعصابي معاك لأخير حد.....
أنا كنت بقرب منها بس خفت...ناظرت أبوي بحقد.....ولفيت أناظر الجازي....اللي عدلت لثمتها....ووقفت....ورفعت راسها بغرور
وشمووخ....صدم الكل وأولهم ناصر....ناظرته بوقاحه....وقالت بغرور وتحدي وعيونها تقدح شرار:تدري أكبر انجاز سويته بحياتي
كفك.....الصدمه ملت وجيه الكل....وبنفس الغرور كملت....كنت متحديه نفسي....أني أطلع وجهك الحقيقي.....بأقل مده
قياسيه.....وكملت بازدراء....لأني وجهك الحنون قرفني.....وبفرح وهي تصفق بقوة....يوم واحد....يوم واحد....وطلعت وجهك
الحقيقي....انجاااااااااااااااااز......
قلت بضيق وانا أحضن الجازي:جوجو خلاص....اتصلي على خالي يجي ياخذنا....
قال بصدمه:ريم تخليني....
قلت وانا أحاول أتخبى بأحضان جازي الجامده:أنت بأي حق تمد يدك؟.....ولفيت عليها وأنا ندمانه....جازي وربي آسفه....
قالت بخبث وهي تناظر ناصر بتحدي:صدقتيني ياريم....لما أقولك مايستاهل....هذا هو أول يوم وضربنا.....
قال بعصبيه:من طول لسانك ضربتك....
قالت ببرود وهي تبعدني عن أحضانها:والله هذا اللي زرعته يابن الناصر احصده.....أجل رامينا وتارك اللي يسوى وما يسوى يتشمت
فينا....وتبغانا ندق لك تحية تعظيم.....لا والله بعيده عنك....والل..ه..
وانقطعت كلماتها وهي تصرخ:سلـــــــــــــــــــــــطان......
الكل ارتعب وهو يناظر سلطان.....أنا حطيت يدي على فمي......سلطان وجهه أزرق.....شكلها الحاله القديم هجته....قربت له جازي
بحذر وهو انتفض....قرب أبوي وبخوف:وشفيه؟....
صرخت الجازي:انت بعد عننا وفكنا من شرك وحنا بخير.....
سلطان صار يرجف....وثواني وقعد يضرب راسه بالحيط بقوة....الكل تجمد....ركضت الجازي وعزيز له....وقفت الجازي وناظرت
عزيز بقوة:لا أحد يقرب....
تجمد عزيز ....والجازي تقرب من سلطان....وتحضنه بقوة....وهي تقول بصوت هادئ:سلطان هدي سلطااان......
سلطان من التصقت فيه الجازي زاد عنفه....صار يضرب نفسه بعنف....والجازي قلبت الأمكنه....بحيث صارت هي على
الحيط...والضرب كان عليها...هي....عزيز والشباب انهبلوا وخاصة لما انكسرت المرايه....وجازي صرخت من الوجع....بس هي
صرخت لا أحد يقرب.....وابتعدوا....ثواني وأرتخى سلطان بأحضانها....وجلسوا....وهو متمسك فيها بقوة....ويرجف.....قالت بألم
وهي تناظر أبوي:حسبي الله عليك....مثل مادمرت حياته ودمرتنا....وبحزن....هذا اللي جنيناه منك.....هذا اللي حصلناه
منك......ماحصلنا منك الا الشقى والوجع.....وبحده....علم ياصلك ويتعداك....من اليوم لا أنت أبونا ولا ننعرفك......
شفت دموع أبوي وشهقاته....والجازي سفهته....وهي تقول بحنيه وتعب:خلاص حبيبي أهدأ.....
قال بألم:ليه تركتيه يضربك؟....
قالت بألم واستهزاء:أوقفت على هالكف ياخوي....ياليت كل وجع جاني منه بوجع هالكف......وبثقه....بس واللي خلقك....لأضربه
بدال الكف كفوف....وحسرتي عليك لأطلعها من عيونه.....
الكل مندهش ومستغرب من الجازي.....كانوا يحسبون الكف بيكسرها....ماعرفوا جازي منو؟.....قربت منهم...بأتطمن على
سلطان...وانصدمت....صرخت:جازي انتي....
قالت ببرود:بس....وبهدوء....وليد خذ سلطان وروحوا شغلوا البلاي ستيشن......
الكل ناظرها بصدمه....وأنا أرجف...ووليد مستغرب.....قلت بخوف:وليد بسرعه.....
قالت بهدوء ومرح:سلطان رح شغل البلاي ستيشن انت ووليد.....وانا فريق ايطاليا زين.....
قال بفرح ولا كأنه المتوحش اللي من شوي.:طيب....
وراح يركض قبل وليد.....وأنا قربت لها....وصرخت فيهم...وأنا أصيح الجازي غرقانه بدمها...:جازي... دم....
الكل شهق....قالت جازي بألم:ريم دربالك على سلطا..،,,,,ن....أم..ا...ن...
وطاحت مغمى عليها وسط صرخاااااااااااااااااااااااااااااااااتي.........وصد مة الكل.....
انتهى...
|
09-03-12, 04:54 PM
العرض العادي
