المنتدى :
الشعر والشعراء
( غيمه و ريح ) !
كنت أكتب الشّعر لكن كان مالي وطن
أكره وضوحه بصوتي و استره لايصيح
والحين من بعد حبك صار عندي ركن
يَحكي سراب الأماني بين غيمه و ريح
أبي اذا الناس تقرأ بوح نَزفي تِحن ،
مشاعر أُنثى تهيم بصمت عاشق جريح
مو كل شاعر مِفارِق لا كتب عن حزن
ومُو كل أنثى بتبقى لو تشُوفك تطيح
محبوبتك لا تطرّوك بسوالف ، تجن !
تغار حتى عليك ... ليا طروك بمديح ..
و يآ كثر ما مرّها الليل و تخبّي غبن ،
الخوف من باكر و باكر حرامي صريح !
علمتني ابتسم لين الأماني ... غدن !
و علمتني ازفر آهاتي معك / واستريح
وباكر إذا إحنّا افترقنا من يدّين الزمن !
خل البشر تفهم : الفرقا بمعنى صحيح. ،
ل/ أشواق المحمد
|