لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 27-12-11, 02:55 AM   المشاركة رقم: 6
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 



يالبيه يالدنيا العجيبه



.......................
في بيت ابو فيصل

كانت دانه قاعده ع اللاب تتصفح النت دق
باب غرفتها
دانه:تفضل
ودق الباب
رفعت صوتها:تفضضضل
ورجع دق الباب
دانه:يوووووه وش ذا ادخلوووووووا
ورجع دق دقات كثيره ورا بعض
عصبت دانه وراحت للباب فتحت مافي احد
طلعت من الغرفه تطل يمين وطلت يسار وفجأه طلع صوت
بووووووووووووووووووووووو

دانه :يممممممممممم
طلعت نوف:هههههههههههههههههه
خواااااااااااااااااافه
مسكت دانه على صدرها وكانت مغمضه وشكلها تتألم..
نوف خافت:دانه وش فيك
ماردت وغمضت عيونها بقوه

خافت نوف وبكت:دانه وش فيك والله
ماكنت اقصد ورب الكعبه امزح

دانه لارد وراحت تمشي على اقل من مهلها
وتدور طريقها بيدها
مسكتها نوف ودموعها تجري على خدها
وتقعدها ع السرير: دانه والله ما اعيدها
وش صار لك...ياااربي وش سويت.. قسم بالله اسفه وشفيك ردي علي

اول ماجلست دانه ع السرير طلعت لسانها قالت: عسى ماتعبتك معي خخخخخخ

انصدمت نوف وظلت تطالعها ودها تذبحها
ودانه ماتت ضحك على نظراتها
دانه:عشان تتوبين تخوفيني بهالطريقه ههههههههههه..

نوف:كلي تبن.. ياليته توقف قلبك صدق والا
انعميتي عشان تبطلين تمثلين
دانه:ههههههههههه بعيد الشر.. والله شكلك
يحزن ليتك شفتيه

طلعت نوف من الغرفه وصفقت الباب وراها
ودانه فاقعه ضحك..
دخلت ساره
ساره:وش في نوف ماده البوز
دانه:ضربني وبكى سبقني واشتكى
ساره:لا والله ماشكت قلت لها وش فيك
قالت كلي تبن

دانه:ههههههه لعينه هالبنت.. شوفي وش
صار وحكت لها.........
ساره:هههههه والله انكم خبلات من جد
دانه:والله سويره ليتك شايفه وجهها تحزززززن كنها شارلي شابلن

ساره: ههههههههه.. المهم ها باقي بنطلع
دانه:يس
ساره:وانا على بالي كنسلتوا.. لان دحومي
نايم مارد علي وبيزعل لو اطلع بدون اذنه
دانه:يالفاهيه الطلعه بكرا ..تستأذنين اليوم
ساره:انتي ماتعرفينه لازم انسق معه من
اليوم

دانه:الحمدلله والشكر.. اذا رفض اطلعي
محد بيقول له..
ساره:جد
دانه: واتوقع لو تطلعين من غير شوره
بيعلقك مع قرونك
ساره:هههههه ماعرفنالك ضد ومع.. اجل
اتق شر الحليم اذا غضب ...الحين مافي امل
يصحى بس بزعجه ياكثر ما ازعجني..
وطلعت

دق جوال دانه
دانه:اهلييييييييييين
رشا:وسهليييييييين
دانه:زعلانه عليك آآآآآد الدنيا
رشا:وليييش
دانه: قطوعه ماتسألين.. لو ما ارسلت لك
مسج اعلمك فيه بطلعتنا مادقيتي

رشا تشهق : اناااااااا!!
دانه:ههههههههه
رشا:الله اعلم من القطوع..
دانه:والله الايام اللي راحت انشغلنا في زواج
تركي ولد عمي

رشا:لاتبررين ياقلبي عادي كل انسان
وظروفه
دانه:وربي تمنيناك معنا بس انتي عارفه
الوضع بين الكبار.. متى عمي محمد وابوك
يرجعون زي قبل
رشا:اااه يالييييييت كانت اجمل 3سنوات مرت
في حياتي كأني اعرفكم من زمان ولولا
الخلاف بين ابوي وعمك كان الحين لازلنا مع
بعض

دانه:والله بتظلين بنفس المكانه بقلوبنا
مافي شي تغير..
رشا:اكيد مايحتاج تعلميني
دانه:مع وجهك الحين ليش تذكريني في
الماضي داقه تختبرين ذاكرتي؟
رشا:هههههههه لاوالله بس سيره وانفتحت ع قولهم.. داقه بشوف اكيد بكرا بتطلعون؟؟
دانه:ايه لايكون هونتي
رشا:وخري مناك قال اهون ..والله فيني
اغلقه ودي اطلع
دانه:اجل بكرا نتقابل في الفيصليه
رشا:بخلي سواقي يوصلني وبجي معكم واذا جيت برجع دقيت عليه يجي
دانه:اووكيشن
واستمروا سواليف

.................
الغرفه مظلمه وباااااارده رن جواله ورن
ورن ورن ورن

عبدالرحمن:يااااااااااااالله مايخلون الواحد ينام.. الوووو
ساره:ياليت توزع ع الفقراء خيش نوم من
اللي عندك

ابتسم عبدالرحمن وتثاوب:يادبه يامزعجه
اذكري ربك
ساره:لا اله الا الله.. من زمان ادق شايف
كم مكالمه

عبدالرحمن:اكلمك وانا مغمض ماشفت
المكالمات والله تعبان كأن لي سنه مانمت
ساره:سلامة روحك بس داقه ابي الاذن
وبعدها ارجع كمل نومك

عبدالرحمن:امري
ساره:بطلع مع البنات
عبدالرحمن:متى
ساره:بكرا
عبدالرحمن:ااخ منك من الحين داقه
ساره:لازم انسق معك من الحين ادريبك
عبدالرحمن:ههههههه لا بجيك
ساره بمزح:اقصد اليوم بطلع
عبدالرحمن: اها طيب بجيك
ساره:حدد متى بتجي؟
عبدالرحمن:انتي متى بتروحين؟
ساره :اليوم وبكرا
عبدالرحمن:طيب كلها بجيك

ساره:دحومي والله حرام كل ما اقولك
بطلع قلت بجيك
عبدالرحمن:افا يعني ماتبيني اجي

ساره:المشكله تقول بتجي وماتجي
عبدالرحمن:نصابه بس مرتين قعدتك
وماجيتك

ساره:يعني قاصد
عبدالرحمن:هههههههههههه

ساره:شفت.. زي اللي يقول لاتطلعين بس
بطريقه ثانيه
عبدالرحمن:وربي مايردني عنك الا شغل
وبعدين اغار عليك

ساره:طيب زهقانه ابي اطلع
عبدالرحمن: طيب
ساره فرحت:يعني اروح
عبدالرحمن:لا بجي

ساره:والله يادحوم ان ماجيت اني ما اكلمك
ثلاثه ايام
عبدالرحمن:ههههه زين اطلعي بس رجاء''
لاتتأخرين

ساره:من عيوني اي اوامر ثانيه
عبدالرحمن:بوسه قووووويه
ساره:اسفه يلا باي
عبدالرحمن:اجل انسي تطلعين
ساره:لالالالا خلاص بعطيك
عبدالرحمن:لحظه لحظه
ساره:وشوووو
عبدالرحمن:ابي استعد واتخيلك قدامي.. وغمض عيونه:يلا هاتي
ساره:هههههه طيب
اممممممممووووووووووووواح

عبدالرحمن ساكت
ساره:الووووو
عبدالرحمن:معك
ساره:وش فيك
عبدالرحمن:دخت وتخيلتها ع الطبيعه اااخ
بس لو انها لايف كان جبت العيد
ساره استحت:يلا باي
عبدالرحمن: اسمعي
ساره:وشو

عبدالرحمن:والله مقدر اخليك تطلعين
بتاكلني الغيره
ساره:لالالا واللي يخليك ابي اطلع
عبدالرحمن:لا بجيك الحين وبكرا بعد بجيك
ساره:والله مالك داعي ادري من الاعيبك
عبدالرحمن:جايك اليوم وبكرا الله لايعوق بشر
ساره بقلة حيله:طيب
..................
في لندن
رجع البيت مستانس دخل الشقه شافها
بالصاله مبين انها توها متحممه لابسه بجامه
طويله خضراء ورابطه شعرها ذيل طالعه
كيوت.. وقاعده ع الانتريه وقدامها طاوله
حطت عليها الاكل اللي جابته سميره ..كانت
بتاكل على طاولة الطعام بس بعيده عن
التلفزيون.. ماطالعته وظلت تاكل وهي
تتفرج شاف الاكل ماقاوم قرب له كرسي قبالها وجلس ياكل.. تفاجأت من الحركه وكانت مستحيه منه ويالله تبلع اللقمه.. اما
هو قعد ياكل عاادي بدون مايطالعها

تركي:انتي طابخه؟
جوري:سميره جارتنا جابته
مارد وكمل اكل

بعد ماشبع دخل ياخذ شور
وتأخر في الحمام كان محتاج هالشور يبي
يريح اعصابه.. طلع ولبس شورت بدون
فانيله وكان يدور الفراش يبي ينام.. حس
حلقه ناشف طلع المطبخ بيشرب.. شافها
واقفه تغسل المواعين..
راح للثلاجه ..

جوري شافته وشافت صدره العاري ارتبكت
وطيحت الصحن
قزها تركي باحتقار وصب له مويه وقعد
يشرب
خلصت جوري وراحت الغرفه وهو كان
مبقق عيونه ليش تدخل الغرفه!!!! ..
حط الكاس بسرعه ودخل وراها كانت توها
بتنسدح

تركي:هييييه هيييييييييه انتي وش تسوين

جوري طالعته وانسدحت وغطت نفسها:بنام
حرام

تركي:نامي في اي مكان اما هنا لا
جوري:وين بالظبط
تركي:الصاله والا الغرفه الثانيه

جوري:الصاله انتريهات والغرفه الثانيه مافيها
ولا اثاث.. انام بالارض والا بغرفة الغسيل
يعني؟!

تركي:موشغلي يلا قومي
ماردت عليه وطفت الاباجوره اللي جنبها

قرب منها:جوري بسرعه قومي ترا ماهو في
صالحك
جوري:ماراح اقوم مو كافي نمت في الفندق
ع الكنبه الحين دورك وبعدين انت رجال
تتحمل انا لأ

شال الغطا عنها:يلا اخلصي علي
وقومي
جوري:لو تذبحني ذبح ماراح اقوم
تركي بخبث:ماراح اذبحك بس بسوي شي
تندمين عليه لاتنسين انك زوجتي

جوري فهمت قصده وتوترت: ماراح اخاف
من تهديدك حنا زوجين على ورق فقط
تركي عصب:لاااااااه ومن قال

جوري:طبيعي انا اكرهك وانت تكرهني
فياليت تشيل هالشي من بالك نهائي
تركي قرب منها وهي ع بالها بيضربها
غمضت عيونها وانكمشت على نفسها
وماحست الا ببوسه قويه على شفاتها لقط
شفايفها بعنف

جوري وخرته:يانذذذذل
تركي:شفتي اخذتها ببساطه.. انا لو ابي
اخذت اللي ابي بابسط من كذا

جوري ارتفع ضغطها وماردت عليه
وهو انسدح:اجل تحملي نتيجة عنادك..
وقرب منها ولصق فيها وضمها وكان يتعمد
مضايقتها

جوري ماتحملت وقعدت:انت وبعدين معك..
ماظنيت اننا اطفال
تركي:يا انا يا انتي ع السرير يا
جوري:يا وش؟
تركي:انتي عارفه
جوري قامت:اوك اشبع به
تركي تنفس الصعداء مرتاح
ع الاخيرررررر :فكككككه..

طلعت جوري من الغرفه بعد ماخذت معها
بطانيه صغيره وانسدحت ع السرير الهزاز
اللي بالصاله طريقته كانت زي كرسي
الاسنان بس خشب مخرم ويتحرك ورا وقدام
نامت عليه واستسلمت للنوم

وتركي نفس الشي كان مجهد فنام على طول

في الصباح قامت جوري منهد حيلها مانامت زي الناس تحس بارهاق فظيع طول الليل تتقلب ماتعودت تنام على كرسي
دخلت الغرفه ع اساس تاخذ ملابس لها وبتروح حمام الغرفه الثانيه عشان ماتضايق تركي.. بس ماشافته حمدت ربها واخذت شور لبست بنطلون ابيض سكني وبلوزه حمراء طويله خيوط من فوق وجعدت شعرها ولبست صندل احمر وحطت قلوس
هي دايم كذا تحب تتكشخ لنفسها وراحت
للمطبخ فتحت الثلاجه واخذت لها عصير
برتقال مالها نفس تاكل تحس ودها تنام
وقعدت بالصاله وفتحت التلفزيون..

فتح باب الشقه ودخل كان لابس بنطلون
اسود وبلوزه سوداء ونظاراته فوق راسه
شافها قاعده ماعبرها دخل الغرفه اخذ
اوراق ورجع الصاله وقعد ويحوس فيها
دق جوالها

جوري:هلا مليووووووون
منى:هلابك مليارات مساء النور
جوري:قولي صباح النور عندنا الصباح

منى:يؤ يؤ نسيت دايم انسى فارق الوقت
بين الرياض ولندن
جوري:طيب دبدوبه لاتنسين مره ثانيه وش
اخبارك و وش اخبار الكل بدون استثناء

منى:كللللللللنا بخير والله فقدناك عن بكرة
ابينا
جوري:ههههههههههههه اتشقق انا.. والبيبي
شلونه
منى:والله متعبني..
جوري : مابقى شي وترتاحين وتهيصين بعد

منى:اي وربي حتى اليوم البنات طالعين
يتمشون السوق وبيتعشون برا وانا مو قادره
امشي يادوب حركتين الا وتنفخت رجولي..
احلم باليوم اللي ارتاح فيه
جوري :لاحقه ع الطلعات ياروحي اهم شي
صحتك وصحة النونو

منى تقلد العجايز: على قولتس الا وينهو
بعلتس فيذا
جوري:ههههههههههههههه ياطعسه ايه
موجود
منى:لعيونك طعسه.. وكيفه معك زين
جوري: لا ماعليه ماشاءالله خوش انسان
تركي كانت اذنه معهم
منى:ها وكيف الامور
جوري:تمام
منى:اقصد الامووووور
جوري انحرجت:اقول تقلعي
منى:هههههههههههههااااي يانبي مثتحيه
جوري:والله انك فاضيه
منى:المهم عطيني تروك بسلم عليه
جوري ماتبي تحاكيه:دقي على جواله بعيد عني
تركي مستغرب
منى:زين حبوبه باي

وقفلت ورجعت تشوف التلفزيون
دق جوال تركي
تركي:هلا مناوي
منى:هلابك تروك شلونك
تركي:بخير شلونك وشلون فيصل والاهل

منى:نسأل عنكم ودنا ترجعون اليوم قبل
بكرا
طبعا جوري ماكانت تسمع منى

تركي: انتم تخليتوا عني
منى:افااا زين انها بعيده ماتسمع
تركي: وخير ياطير اخر همي

منى: تركي فديتك تقبل الموضوع مثل
ماهو صدقني مع الايام بتحس انك تقبلتها
هي بعد

تركي:يكفي نصايح انا اعرف كيف اتجاوز
المحنه

جوري عرفت انهم يتكلمون عنها وحست ان
ودها تبكي مو لشي بس لانها كانوا معتبرينها
زي الاطرش في الزفه

تضايقت منى من كلام اخوها.. وتركي حب
يغير الموضوع لانه كسر بخاطرها
تركي:الا وش اخبار تركي الصغير
منى:مااااااشاءالله سميته خلاص
تركي ضحك:ههههههههه عادي امون

جوري اول مره تسمع ضحكته وتشوفه فارد
وجهه كان جنااااااان ومع هذا كانت تحسه
شيطان قدامها

منى:تمون على راسي تركي تركي
تركي:لالالالا امزح اكيد فيصل بيسميه على
عمي سلطان مانبي نحرجه

منى:لكل حادث حديث.. ممكن طلب
تركي:تم
منى:اوووف بدون ماتعرف يمكن تغير رايك
تركي:ماراح اغير راي رجال من ظهر رجال
منى:والنعم والله

تركي:ها وش طلبك والله لو تطلبين عيوني
ماتغلى عليك
منى ''الله يستر'':كن ن نت ا اب ي
تركي:وشوو

منى:ها لابس طلبتك عشان ابوي الضعيف عامل البنت باحترام ..مو مثل يوم العرس والله احرجتها ..ع الاقل قدامنا اما بينكم انتم
احرار بكيفكم.. اتمنى اذا رجعت تعاملها
وكأنك متقبلها وتبين لهم انك غيرت نظرتك
فيها ..والله تروك انت مايرضيك فيصل
يعاملني كذا.. والعشم كبير انك تتغير جد مو
تمثيل

تركي زالت ابتسامته وبانت محلها التكشيره بس مسك نفسه:ابشري ماطلبتي شي
منى:يلا عاد اخليك باي... وقفلت

كره نفسه انه صار بهالموقف يعني هو مظطر ينافق ويجامل على حساب نفسه
بس على الاقل عنده فرصه اذا صاروا
لوحدهم يسمعها اللي يبي

تركي يبي الشر: ثاني مره اذا كنت جنبك
وأحد يبيني تعطيني الجوال.. فاهمه
جوري مفوره اعصابها وتطالع التلفزيون
ماتبي ادنى احتكاك معه وهي بهالحاله لانها
تعرف نفسها بتغلط عليه: انشاءالله

تركي ماعجبه البرود كان متوقع بترد: والا
بشيل الجوال منك
جوري: مو اتفقنا تعرض عني واعرض عنك..!
ليش تحاول تستثيرني بكلمه عشان ارد وتقوم تحطها براسي
واذا عشان الجوال خذه ما ابيه

وحطته ع الطاوله اللي جنبه

تركي مايدري وش يقول مالقى شي يعصب
عليه: احسن هاتيه.. وحطي في بالك اني
مزاجي وبأي لحظه بقلب عليك واخلق مشكله
انقهرت جوري من اسلوبه''الظاهر ماينفع معه شي ذا'': اجل توقع المثل

تركي:وش قلتي
جوري:مثل ماسمعت ورب البيت ياتركي ما
اسكت لك عن كلمه
تركي:وش قصدك
جوري: ماعندي وقت اشرح
تركي:يعني كذا
سكتت جوري
تركي:زين نشوف.. وشال الاوراق وطلع

....................
اليوم الثاني في السوق

دانه: خلاص تعبت دايخه وجوعانه خل نتعشى
رشا:بدري ع العشاء خل نشوف هالسوق عندهم فساتين تهوس

دانه:لالالا مو قادره ابي هم هم
ندى: شكل معدتك مفقوعه مو قبل مانطلع
وحنا ماكلين

دانه تكش عليها: خمسه وخميسه مالك دخل
رشا:ههههه بس ازين مافي دانه جسمها
مايتأثر بالاكل من يوم عرفتها وهي نفس
الوزن

دانه:ياروووووحي انتي.. لسانك يقوطر عسل مو هذي
ندى:وجع امززح.. خلاص ولايهمك بعشيك على حسابي
دانه صارخت:ياااااااااااااااااااااااربيه
البناات:وش فيك
دانه:لا بس تذكرت اللي كانت تعشينا على
حسابها

ندى:اااااااه قصدك جوري.. والله فديتها دايم
نقول لها معنا فلوسنا تكفينا وزياده بس
كانت تقول لا.. عشان اذا تذكرتوا اني
اعشيكم تدعون لي بظهر الغيب يارب
اسعدها

رشا اسودت الدنيا في عينها من بعد ماجابوا
سيرتها مو هي اللي خذت حبيبها
دانه:الله يوفقها دنيا واخره والله غيابها مأثر
علينا وتلقينها نايمه في العسل
ورشا حست بقهر قاعده تغلي منه
ندى:والله شكله بصل
دانه:افا ليش
ندى:والله خايفه عليها اخوي مو شي معها

رشا لانت تقاسيم وجهها اصلا هذا اللي تبي
تسمعه وتصنعت الحزن:مسكينه ليش
اخوك مايبيها

ندى: مايبيها!!!
دانه: شف بتكذب البنت مو توك تقولين بصل
يعني واضحه
ندى:يامتنحه اقصد الله يعينها انا شفت ايد
تركي مطبعه بجسمها ويوم سألتها انخطف
لونها صار قوس قزح عاد افهموها

دانه:هههههههههههههههه اوووخس ياتركي
منتب هين اجل شرس والله راحت فيها جوري
ندى:والله ماكنت اتوقع انه كذا صدق ان
الساكت سم ناكت
دانه:خليهم على راحتهم اهم شي مرتاحين.. وبعدين وش دخلنا بخصوصياتهم
عيب
ندى:ههههههههههه وانتي الصادقه يلا مشينا نتعشى

رشا كانت في عااالم ثاني كانت تغلي من
القهر هذا اللي قال انه لي لوحدي.. طيب
ليش يكذب ليييش يقول انه مايبيها وكارهها..
اجل واللي سمعته الحين وش اسميه ..ع
الاقل كان قال لي هو مايغطي علي هو
وعدني اي شي يصير بيعلمني ..بس
ماتوقعته يغطي ..انا كل شي بتحمله بس
يصارحني ..ما اختلفنا هي زوجته ويحق له
بس لااااااااااااااااا هو قال يكرهها دام
يكرهها ليش يقرب منها .. هو وعدني انه
لي.. لي انا بس وانا وعدته اكون له ما اكون
لغيره.... ااااااه ياتركي ياكذاااااااااااااااااااب

قعدوا ع الطاوله
ندى:والله حسافه ليت نوف معنا
دانه:هههههه والله عقب اللي سويته فيها
كرهتني يوم جيت اقولها يلا معنا قالت
اذلفي وتغطت ونامت
ندى:هههههههه مصيرها ترضى قلبها ابيض
طيب وريم
دانه:دقيت عليها قالت اخوالها معزومين
عندهم
ندى: يلا البركه في رشا معنا ع الاقل نغير
وجيه.. وتكلم رشا:صح ريوشه
رشا:هااه
ندى:وش فيك من قعدنا وانتي ماش
دانه:قبل شوي وش حليلك لايكون طفشتي
رشا:لا بالعكس بس نعست بدق على
سواقي يجي
دانه:اوك حبيبتي اللي يريحك

......................


..
..
..

 
 

 

عرض البوم صور بياض الصبح   رد مع اقتباس
قديم 27-12-11, 03:00 AM   المشاركة رقم: 7
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 




يالبيه يالدنيا العجيبه

البارت السابع


بعد عدة ايام

جوري مرتاحه بعد ماخلصت من الغرفه
اللي أأثتها بمساعدة سميره.. وطلعت من
اروع مايكون احلى من غرفة تركي بشي
كثير.. وزودتها بعد بثلاجه فيها كل شي كله
عشان ماتطلع برا وتصادفه لانها قاطعه الصله فيه..
وماتطلع المطبخ الا اذا طلع من الشقه او دخل غرفته

وتركي طول وقته بغرفته يدق على رشا كل
دقيقه والثانيه بس مافيه فايده تعبت نفسيته
حتى ماصار يطلع وان طلع راح السوبرات ..
ومايرد على احد مين ماكان

بيت ابو طارق

كانت ريم بغرفتها تذاكر
ام طارق:السلام عليكم
ريم:وعليكم السلام هلا يمه تفضلي
ام طارق:لاياقلبي جايه اشوفك محتاجه شي
ريم:فديتك سلامة راسك
ام طارق: زين لأن الخدامه نايمه خفت تبين شي
ريم:مشكوووووره
ام طارق:طيب انا بدخل انام
ريم:نوم العوافي.. ولاتحاتين اذا بغيت حاجه صحيت الخدامه
ام طارق: لا حرام انزلي انتي لاتخافين خالد بالصاله
ريم :ان شاءالله.. وطلعت امها
دق جوالها ردت بسرعه لأنها كانت تنتظر
وحده من صديقاتها تدق
ريم:هلا
-حي هالصوت
عرفت الصوت هالصوت مميز:انت وبعدين معاك ترا ماصارت
-لاتعصبين بس وجع
ريم:يوجع بطنك يلا فارق ياحمار
-ريم احترمي نفسك يازفته ناسيه من انا
ريم: اقول لايكثر ترا عطيتك وجه.. وربي
لأعلم عمي عن سواياك ياعديم المرجله
-عديم المرجله!! اهاااا طيب شرايك
ماني خايف عادي قوليله وانا ببهذلك
اشاعات اذا ماخليتك تبكين دم
ريم: على تبن وانا الحين بدق على عمي
محمد واقوله نادر مأذيني
نادر: زين وسلمي عليه ياقشطه

قفلت منه مقهوره''هذا مايحس هذا من
وش مصنوع .. ليش يلاحقني كذا
هذا وانا من لحمه ودمه ومن عرضه''

كانت بتدق على عمها محمد (ابو تركي) بس
تراجعت.. نادر مايخاف من أحد واللي براسه
يسويه.. وزود على هذا ماتبي مشاكل بين
العايله..
رجعت للكتب اللي قدامها لازم تركز هذي
اخر سنه وتبي تجيب نسبه تبي تدخل طب

في الاستراحه التابعه لبيت ابو تركي
كان نادر قاعد مع حمد
ولد عمه(ابو فيصل)
حمد: والله انت منت ناوي تجيبها على بر
نادر:وش سويت
حمد:بكل برود وش سويت
نادر:يس
حمد:واللي تو وشو
نادر:عادي
حمد: ياخي الحين تلقاك شلعت قلبها ترا
الامتحانات ع الابواب وانت تمارس ضغطك
عليها
نادر:طيب؟!
حمد: انت شفيك كذا وش فيك عليها
نادر: خلني ساكت بس
حمد يستدرجه:لايكون عشان السر اللي قاله لنا ابوي لاتنسى تراه حلفنا مايغير شي ابد
نادر:والله انا ماكان لي نيه اسوي اللي
سويته بس ياخي كم مره نتصادف والله
العظيم تعاملني زي الحثاله.. تخيل يوم اروح
اجيبها هي وندى من المدرسه لاطعتني برا نص ساعه في الشمس ..
وكلمتها بحسن نيه كان من المفروض ماتتأخر تدري وش ردت
قالت كنت عند مدرسة الأحياء تشرحلي جزئيه..
قلت لها كان أجلتيها بكرا قالت هذا كلام الفاشلين بكرا وبكرا تبيني زيك فاشل

حمد بقق عيونه: وانت وش قلت لها
نادر:والله من صدمتي مارديت.. انت عارفني ما أحب أتمشكل
حمد:طيب وهاللي تسويه الحين
نادر:هذا تأديب عشان آخر موقف
حمد:ليش ماتقول لي طيب
نادر: ماله داعي ينقال بس صدقني لو تعرفه وربي بتقول هذي .........
حمد:طيب ماراح اضغط عليك واقول لك قول بس يانادر خلك اعقل منها واتركها
نادر:يمين بالله ما أتركها الا عقب ما أمردغ دميجتها اليابسه في التراب
حمد: وش تبي بالفضايح ترا محسوبه علينا بنت عم قدام الناس
نادر:لاتخاف ماراح اسوي شي يضر سمعتنا لأنها زي ماقلت محسوبه علينا بنت عم
واذا صار شي بيشمل العايله كلها
حمد: اجل أكيد بتقول لها السر اللي قال لنا اياه ابوي
نادر: هذا آخر حل يمكن ألجأ له وماتدري يمكن استخدمه اليوم بكرا بعده..
اهم شي اعطيها درس عشان تعرف كيف تعامل الناس من وراهم وقدامهم هالحيوانه
حمد:انا استأذن بتقعد تلمح وانا واحد ماعندي صبر ابي اعرف..
عشان كذا بروح ابرك لي ...وطلع

لف نادر شريط الذكريات وتذكر الموقف
اللي صار له معها
(( كان بغرفته حس بالجوع نزل المطبخ
ياكل كان جالس على الطاوله..سمع
خطوات اقدام جايه تذكر ان ندى قالت له
لاينزل لأن بنات بيجونها قام دخل مستودع
صغير في المطبخ فيه بعض الاغراض
القديمه وماقدر يسكره لان صاحب الخطوات وصل خلاص فما حب يثير جلبه
وينتبه له
-خلاص انا مليت
-........
-كلهم معقدين وجهله
-.........

فضول نادر قاده انه يشوف من صاحبة
الصوت قام يطالع لين شافها واقفه عند
المغسله وعينها على باب المطبخ خايفه أحد
يجي.. جلس يطالعها اخر مره شافها عمرها 12سنه وبعد كذا صار يشوفها بالعباه...
كل شي تغير فيها كانت دبدوبه وبيضاء وجميله تغيرت كثير
الا زفارة لسانها على ماهي عليه
وتذكر نفسه كان يعايرها بالمنطاد ابتسم
بس ابتسامته زالت اول ماسمع اللي قالته


ريم:تصدقين انا اصنف نفسي اني عايشه في حضيره
انتي ماتدرين اعمامي متخلفين وعيالهم كتله من الغباء
هههههههه تحسين انهم حمير مايفهمون
مدري شلون طلعنا انا واخواني غير

-.........

ريم:ايه وأكثر انا الوحيده في العايله بدخل طب والا كلهم ينرحمون

-........

ريم:ههههههه تبين موجز ابشري.. اممممم
شوفي انا بقولك عمي سلطان هذا مسكين
إمممعه اكثر واحد يطبق مثل مع الخيل
ياشقرا تصدقين يطيع زوجته

-...........

ريم:لالالا مو متفاهمين هو يطيعها طاعه عمياء والله احيان اشك انها تجلده ههههههههه

-..........

ريم:الا عنده خروفين وثلاث صخلات
فيصل عمره 28سنه تخرج تجاره حره وانضم في الشركه
ماخذ الطعسه البلهاء منى بنت عمي محمد
لا وحامل الله يعين ولدهم بيطلع ابله ههههههههههه

والخروف الثاني حمد هذا اكبر لوووووح في
العالم يقولون طيب وانا اقول ساذج
ساره ودانه توم اعمارهم من عمرمنى 24سنه تعرفين وش معنى اكرههن
مسويين فيها حنا بنات سلطان والله والتبن عل التراب

-...........

ريم:يوووووووه انتي بعد وخير ياطير واذا عمي ترا كلمة الحق تنقال

-............

ريم: لا مابالغت .. المهم بكمل لك اما نوف
عمرها 18 سنه هي القراوه بعينها ياكثر
ماتفشلني الله يغربلها استحي امشي معها

-............

ريم: عمي محمد هذا يقولون انه درس برا
بس اشك في عقليته احسه غبي وديكتاتوري
اكبر عياله تركي عمره ثلاثين شايب مترزز
بعمره لاومغرور ودي اعرف على وشو
الغرور.. صايع ضايع والا واحد بهالعمر
ماتزوج الا الحين.. خلف الله على اختي
ماتعرف مصلحتها قلت لها لاتتزوجينه بس طنشتني بعمر الزهور 23سنه وتاخذ هالشايب

-...........

ريم:لا ياشيخه من قال .. انتم مخربتكم هاالاقوال قمة النضوج وكلام فاضي

-...........

ريم:زين زين وعبدالرحمن اتوقع اصغر من تركي بسنه
دبسوه في ساره عزالله طاح المتعوس على خايب الرجاء

-............

ريم:الا عندهم اختين وحده تدرس معي
اسمها ندى اعمارنا 19 تأخرنا في تسجيل
المدرسه من زود فهاوة عمي
وندى اتقبلها نوعا معا احب اذا رحت
المدرسه وسووا مقارنه وقالوا انتي علمي ليش بنت عمك ادبي
احس بوناسه لأن هالمقارنه ترضي غروري انا وين وهذي وين
والثانيه منى اللي قلت لك ماخذه فيصل

-............
ريم تفكر:لا مانسيت احد
-.........
ريم:اللي جا اخذنا امس!
-..........
ريم:شكلك تقصدين اخوي طارق صح؟
-............
ريم:حتى طارق صغير ترا عمره27 سنه
-...........
ريم:اجل شكله اخوي خالد هو اصغر عمره 25سنه
-...........
ريم:ايه صادقه قد شفتيه اجل مين تقصدين
-...............

ريم:امممم سيارته بي ام دبليو وجا ياخذنا امس مين مين
ايييييييييييه قصدك نادر
ههههههههههههههههههههههههههه
نادر ومااااااااا أدراك مانادر
حمااااااار خالص ثور جحش اعجز عن وصفه
يقولون اهله ذكي يدرس ثالث جامعه قسم انجليزي الحين الذكي يدش هالتخصص<<من وجهة نظرها
-............
ريم:وخري باااااااس وش هالطموح البيئه
-............
ريم:اما مزيون لا وينه عن الزين شكله ها ها مقبول
-.........
ريم: انا اتزوج هالاشكال هذا ااعتبره هامش ..هذا رأيي لايهمك شكله تراه فاااشل
-...........
ريم:والله انتي اللي ماعندك سالفه مدري وش لاقيه فيهم وليش تسألين عنهم اصلا

وفجأه سكتت دخلت ندى المطبخ
ندى: ريومه وش مقعدك هنا يلا الخيمه مافي احد.. تعالي بسرعه بنبدأ المسابقه وطلعوا..




طلع نادر من قوة حر المستودع جبينه
وجسمه كله عرق .. كان حرااااااان بس
حرارة اللي داخله كانت اضعاف ...
انصدم من كل اتهام سمعه ..ماخلت احد
في حاله حنا عايلتها تتكلم فينا عند الاغراب
وياليته صدق.... هذاك اليوم مانام ابوه كان
مسافر لازم يكلم احد لازم احد يوقفها عند
حدها... راح بيت عمه فيصل ماكان موجود
قعد مع حمد لين يجي وسط تساؤلات حمد
بس كان مطنشه جا ابو فيصل وشاف التوتر اللي كان ظاهر ع الشباب
حمد على طول طلع يجيب مويه لنادر
ونادر على طول سرد لعمه كل الحكايه
بالحرف الواحد وكان يتوعد ويهدد..

أخذه ابو فيصل المكتب وقفلوا عليهم
رجع حمد شاف مكانهم خالي.. نغزه قلبه
ابوه مايروح المكتب الا اذا صاير شي كبير
ولأنه كان قاعد قريب من المكتب فسمع
ابوه يصرخ:خله سرررررر والله ان يطلع
ذبحتك بيدي ترا بتدمر ناس وناس لو
تكشفه.. وباقي الكلام ماسمعه

بعد ساعه طلعوا وكان هادي نسبيا ..
السر اللي قاله له خلاه كأنه يشوف دراما مصريه ...بس الغضب واضح على قسمات وجهه

حمد:عسى ماشر
ابو فيصل: خير ان شاءالله
حمد:يبه وش السر
ابو فيصل:قاعد تتنصت ياولد
حمد:لاوالله يبه تربيتك ما اسوي هالحركات
ابو فيصل:اجل كنك ماسمعت ابد .. والتفت لنادر: وانت لا اوصيك هنا حفرنا وهنا طمرنا
نادر:بس ريم
حمد:وش دخلها ريم وش السالفه
ابو فيصل: شوف انا بقول لك بس مصيرك من مصيره لو يطلع
حمد:وشو يبه خوفتني
قال له ابو فيصل السر بس ماقال له اللي سمعه نادر
لأن دام هذي ردة فعله وهو اطيب واحد من الشباب وثار كل هذي الثوره
عاد مابال الشباب العصبيين امثال تركي وفيصل والباقي..
وكل الخوف يروح هالكلام لأخوه ابو طارق

حمد مبلم من السر بس كان حاس ان فيه شي ثاني اكبر اثار هالسر
ولكن فضل السكوت ماحب يكون ملقوف اكثر من اللازم

ونادر ماقدر يتحمل يقعد دقيقه اكثر
توجه لبيته وقد اقسم انه بيعطيها درس
ماراح تنساه طول حياتها((كسرة خشم
ويمكن أكثر تستاهلين اللي بيجيك))

يتبع

..
..
..

 
 

 

عرض البوم صور بياض الصبح   رد مع اقتباس
قديم 27-12-11, 03:04 AM   المشاركة رقم: 8
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 




تابع
البارت السابع



بعد مرور شهر
كان حابس نفسه بغرفته اهمل نفسه
وشغله بعد ما أنهك روحه بالاتصالات ولكن
لامجيب والسبب ان رشا مغيره ارقامها
كلها.. ماكان متصور انها بتتركه بالطريقه ذي
ولا كان متصور انه بيتدمر بهالطريقه.. في
اعتقاده ان السبب ورا اللي هو فيه
ابوه وجوري
هالشخصين الوحيدين اللي زلزلوا حياته
وقلبوا اعلاها سافلها.. تعب من التفكير ويبي
شي يبل ريقه له كم يوم ما أكل وشربه قليل
قام من فراشه ماقدر يسند طوله يمشي
خطوه ويتعثر خطوتين طلع الصاله يجر رجوله جر وقعد ماقدر يواصل سيره للمطبخ
يحس نبضات قلبه ضعيفه وجسمه مخدر والشي الوحيد اللي كان يفكر فيه وهو بهالحاله رشا

وجوري كانت بغرفتها تتفرج وقدامها صحن
شيبس وسلطه ومافي مشاكل بينها وبينه
طالما هي بعيده عنه فبتقدر تعيش بعيد عن
ممارسته الضغط النفسي عليها
اكلت بعد ماخلصت طلعت المطبخ تغسل
الصحن..
شافته كانت بتغير رأيها وترجع بس كملت
وارتاعت من شكله لها اكثر من يوم ماشافته تحسه ذااااااابل حيل
ونحفان مو تركي نهائي كان بالاصح حطامه
''يارب استر وشفيه''
تجاهلته وراحت المغسله وقلبها يدق طبول خايفه من المنظر اللي شافته

وتمت تغسل الصحن وكانت تسمع صوته
ماتدري وش يقول بس كبريائها خلاها تطنشه.. خلصت ومشت من عنده ولكن يده
استوقفتها !!!!!..
وفضولها خلاها تطالعه
استقرت عيونها بعيونه اللي كان تحتها هالات
سوداء.. ولاحظت استرسال شعره بطريقه فوضويه ونمو عوارض خفيفه
اتصلت مع ما كان يسمى باال***وكه اللي حالت العوارض دون ظهورها

تركي يالله يتكلم:ججوري
جوري زادت ضربات قلبها: شفيك
تركي:عط ط طششان
نبرة صوته خوفتها وراحت مثل الآله
تجيب له مويه
ماقدر يمسك الكاس كان ينتفض
حطت ايد ورا راسه والايد الثانيه فيها
الكاس تشربه:سم بالرحمن

شرب شوي و وخر راسه
جوري بحنيه:تركي وش فيك
هز راسه مو قادر يتكلم
جوري زاد خوفها:تركي وش تحس فيه وش
يوجعك
ماتحمل قام رجع راسه ع الكرسي وبكى بحرقه وكانت تطالعه لأول مره تشوف ضعفه ..
تركي الجامد الصلب صار ضعيف لا ويبكي... كان فوق راسها علامة استفهام كبيره
وش صار وش اللي خلاه بهالحاله ليش يبكي معقوله حس فيني وأنبه ضميره علي
اكيد اكيد والا ليش يبكي قدامي..

فرت دمعه من عيونها مهما كان ولد عمها وزوجها اللي تحبه

جوري: تركي وش فيك طيب.. اشر ع المكان اللي يآلمك

قام أشر لها على جواله اللي كان بجيبه
طلعته من جيبه بيد ترتعش: ايه وش فيه
طالع بعيونها وحست فيه انه يستنجد بس مو
قادر يتكلم
جوري:تبي ادق على عمي محمد؟
هز راسه لا
جوري ماتمالكت نفسها وبكت:طيب قوووول
والله خوفتني
تركي:م م ششاري وغمض عيونه
جوري:تركي تركي رد علي وتطشر على
وجهه بالمويه بس مافي فايده خذت جواله
وتدور اسم مشاري
مشاري:هلا تركي من طول الغيبات
جوري تبكي:لا انا زوجته انت مشاري
مشاري بارتباك:ايه انا وش فيه تركي
جوري:مدري قال لي ادق عليك والحين
مايرد علي بسرعه تعال ..الله يخليك تعال
وبكت

مشاري:لاتبكين قولي وش فيه طيب؟
جوري: مااااااادري تعال بسرعه بيروح مني
مشاري: استهدي بالله انا الحين جاي
وجت توصف له البيت
مشاري:ادل ادل الحين جاي

وخذوه المستشفى وهي قاعده على اعصابها خايفه عليه ماتدري وش صار له
بس احساسها يقول انه ندم ع اللي سواه معها وغروره منعه يعتذر ويعترف بغلطه..
((رغم الجراح كانت تمشي في مسرات ووهم))

وقررت اذا قام بالسلامه بتسامحه من كل قلبها دامه اخيرا حس
لكن ظاهريا لا ماراح تبين له.. تبي بتحسسه بالذنب شوي ((هذا تفكير جوري))

بعد مادخلوه الغرفه كان مشاري رايح جاي في الممر ويضرب كف بكف..
وكان يسمعها تدعيله وسط دموعها
يارب قومه بالسلامه يارب مايجيه مكروه يارب تعافيه وتخليه لنا يارب يارب ما أبي افقده

بعد فتره طلع الدكتور كان عربي
وقفت جوري بتروح له بس مشاري اللي كان
واقف كان اسرع منها وكلم الدكتور:ها دكتور وش فيه تركي
الدكتور تجاهل مشاري وكلم جوري: اديناه ابره منومه ..يارشا اتمنى اول مايفوق يشوفك
راح يرتاح كثير !!!!!!!!!!!

مشاري تغيرت الوان وجهه
وده يرقع بس عقله توقف يبي يفكر في أي كذبه عشان ينقذ صديقه
بس لسانه انربط كلش
وجوري تحسبه غلط في الاسم: ايش
الدكتور: عمال ينادي عليك رشا ورشا خليك جنبه.. حالته صعبه اوقفي معاه ..
حست الدنيا تلف فيها وقعدت مصدومه
مشاري وده يصفق الدكتور ويحشره بصندوق..
واخيرا فك فمه:اكيد لانه تعبان يهذي بس هو وش فيه
الدكتور:صدمه نفسيه.. وسوء تغذيه أدى لانخفاض شديد في الضغط
مشاري مسك راسه:لاحول ولاقوة الا بالله
طبعا عرف ان الصدمه سببها رشا: طيب نقدر نشوفه
الدكتور: دلوأتي نايم ساعتين ويفوق
مشاري:لا نبي ندخل الحين نتطمن
الدكتور: بس بدون ازعاج لو سمحتوا

ودخل مشاري وجوري وراه ..
هي ماودها بس وش يقول عنها مشاري انها ماوقفت مع زوجها ..
مسكينه كان في بالها انه مايعرف رشا اللي يهذي فيها تركي
دخلوا عليه وكان زي الميت متغير كثير قعد جنبه تركي..
وجوري واقفه عند الباب
مسك مشاري يده وكان متأثر مره
فجأه تحرك تركي وكان يالله يطلع كلامه: رييو وششه و والله احبك وا ااحب التتر ررااب اللي تمششين عععليه

جوري كأن واحد حط ايدينه على عيونها وشافت الظلام الدامس..
دموعها تجري مجرى الانهار على خدودها.. توها كانت تفكر فيه بالخير
وان الامور بتتعدل وفي الأخير تنهان بهالصوره البشعه
حتى وهو بهالحاله قاعد يهينها بدون مايحس والا الاحراج
موقفها صعب قدام مشاري كانت تحس بقمة الذل والاهانه والاحراج المنقطع النظير..
شافت مشاري يضغط على ايده يسكته بس لاحياة لمن تنادي
تركي نزلت دموعه:رششااا واللله احبك ياعمري

يااااالله ياجوري مابقى فيها مكان ماطعن فيه

ومشاري حس باحراج هو بعد مايدري وش يسوي لازم يصرفها
مشاري:يا اختي يلا مشينا ماراح نستفيد شوفيه يقلب الحكي شكله شايف له فيلم
جوري ماانطلت عليها الكذبه.. الدكتور قال رشا
وهو الحين قال رشا واخيرا عرفتك ياالبطله المجهوله
ماتدري تهنيها انها كسرت خشم تركي المغرور وطعمته من نفس الكاس اللي هو طعمها منه..
والا تندب حظها ان في وحده قدرت تسيطر على عقله وقلبه وهي واقفه تتفرج عليها

مشاري:يلا يا اختي مشينا
مشت جوري من غير ماتنطق بحرف
ركبوا السياره هي ورا.. ووصلها لين الشقه وعند باب الشقه
قال مشاري:اكيد جوال تركي معك اي شي تبينه دقي
دخلت ولا ردت وكان مشاري مقدر الوضع
دخلت غرفتها ورمت نفسها ع السرير بعبايتها وبكت بأقوى ماعندها:

ااااااه ياعمي انت السبب وربي انت السبب وش سويت لك انت و ولدك
وش سويييييييييييييييت لكم
والله اني اضعف من اني اتحمل هالأشياء اللي قاعده تصير لي..
كنت شاكه ان بحياته احد بس ماتصورت ان علاقتهم متطوره لهاالحد
وكنت اكذب هالشك واتناساه ليش لأني احبه عيوبه بعيوني مزايا
بس اليوم خلاص كل شي انكشف.. خلاص ياتركي الحياه بيننا صارت مستحيله''

واستسلمت لنوبة بكاء عنيفه
بكت ع المعامله اللي عاملها اياها
بكت من طعون الاهانات القاسيه
بكت من الكائن الحي اللي اسمه رشا والموقف اللي اذلها واحرجها قدام مشاري..
ندمت كثير على دموعها اللي ذرفتها خوف عليه
''والله ماتستاهل دمعتي ولاخوفي عليك''


....................

مشاري رجع المستشفى بعد ماصرف جوري وقعد بالانتظار على بال مايصحى تركي
دق جواله شاف رقم عبدالرحمن
مشاري:هلا عبدالرحمن
عبدالرحمن:هلا مشاري.. وش اخبارك
مشاري:الحمدلله وانت
عبدالرحمن: ماشي الحال الا تركي ماشفته
مشاري:ليش
عبدالرحمن:مايرد على جواله له فتره وكل ماسألنا جوري قالت طالع
مشاري: يمكن مشغول
عبد الرحمن:والله انا بعد قلت كذا لامي بس مارضت ..
الا تدقون وتوني داق على جوري مدري كم مكالمه ولا ردت ابد ..
اخر شي قالت امي ندق عليك
مشاري حاول يغطي ارتباكه: انا بأمره البيت وادق عليك
عبدالرحمن:لاهنت ياخوي ولو ان فيها كلافه..بس هذي امي جنبي ماراح تنام الا لين يجي منك خبر اووك
مشاري حس انه محاصر:ان شاءالله.. وقفل

جته الممرضه تقول له ان المريض صحي وراح له على طول
دخل الغرفه وكان تركي مركز نظره على النافذه
مشاري:السلام عليكم
مارد ولازال مركز نظره ع النافذه
مشاري:كيف الصحه الحين
تركي ساكت
قعد تركي قدامه وبابتسامه:حمدالله ع السلامه
برضه سكت مارد
مسك مشاري كتفه:تركي
كانت الدموع مغرقه رموش تركي
طالعه بعيون يكسوها الحزن
مشاري: لاتفكر بشي ابد..بس ارتاح
تركي غمض ورجع ينام والدموع على خدوده ..
مسحها مشاري ودعى له وانسدح ع الكنبه اللي جنب السرير..
هذا صديق عمره ماينفع يخليه وهو بهالحاله..
حط جواله صامت ونام ع الكنبه وهو يتذكر موقف جوري رحمها من كل قلبه...

بعد4ساعات.. صحى مشاري شاف الساعه وشاف تركي يصلي..
راح هو بعد توضى وصلى.. بعد ماخلص قعد جنبه

مشاري: ها شلونك الحين
تركي:وش صار لي
مشاري:ابد تعبت وجبناك هنا.. ريح بالك يابو الشباب صحتك ألزم ماعليك
تركي تذكر اللي صار وبصوت مخنوق:بتتزوج
مشاري:انت ناسي اني متزوج
تركي:رشا بتتزوج
مشاري انصدم ومسك راسه:اوووووف
تركي:انصدمت؟!
سكت مشاري
تركي:اجل وش اقول انا
مشاري يهدي الوضع: لاتتكلم خلاص قول الله يستر عليها بس
تركي:مشاري ابي اتكلم حاس اني بنفجر ابي اطلع اللي جواتي تعبااااان
مشاري:تكلم .. تكلم وانا اخوك

وشرع تركي يحكيله كل القصه وكيف اتهمته رشا بإتهام غبي وساذج وغيرت ارقامها..
وانه دور لها بكل طريقه وسأل ربع له في الاتصالات
يعطونه اي رقم بس مالقوا الا ارقام اخوانها وابوها..

وكلم واحد من اللي يشتغلون عند ابوه انه يتحرى عنها
وجاب له الخبر اليوم ان زواجها بعد اسبوعين
من ولد التاجر ابو ابراهيم وكانت هذي هي الشعره اللي قصمت ظهر البعير..

تركي دموعه تنزل:ااااااااااااه يامشاري باعتني برخص الاثمان ليتني صدقتك
ليييييييييييييتني
مشاري كان متأثر حيل: تركي ماتنفع ليت انت لازم تكون اقوى من كذا واللي باعك بيعه
تركي:والله حبيتها من كل قلبي قسم بالله عشقتها
بس الحين خلاص مو تركي اللي ينباع بهالطريقه انا اللي يبيعني ابيعه بتراااب
مشاري:كفووو والله هذا تركي الصلب اللي اعرفه خلك قوي
لاتخلي عذالك يوصلون لها انك تعبان من عقبها
تركي:يخسووووون.. خلاص تركي الاول مات..
مشاري: شد حيلك واثبت لنا.. نبيك تقوم بالسلامه بسرعه
وتترك المستشفى ترا ماهو الا للضعاف وانت قوي
تركي:شرواك
مشاري:وانا الحين طالع بروح البيت ابدل وبجي ماراح اتأخر..
وانت ريح نفسك فاهم
تركي:ان شاءالله

وطلع مشاري من عنده كان توه بيشغل السياره.. طلع جواله بيحطه ع العام
شاف كذا مكالمه من عبدالرحمن :اووووه نسيت منه ياذا الفشله بس..
وماكمل كلامه مع نفسه الا وعبدالرحمن داق
مشاري:هلا
عبدالرحمن:والله اسف يامشاري.. امي جنبي هي اللي اصرت ادق والله اني خجلان
مشاري:لا شدعوه انا اللي تأخرت عليكم العذر والسموحه وتركي بخير ماعليه شي
عبدالرحمن يكلم امه:يمه يقول تركي بخير ارتحتي
ام تركي تاخذ الجوال منه:السلام عليكم
حط مشاري راسه ع الدركسون زي اللي انتهى امره
هو يعرف ام تركي على طيبتها الا انها في هالمواقف محد يكذب عليها ويفلت:وعليكم السلام هلا ام تركي
ام تركي بدون مقدمات:وينه تركي
مشاري وضعه منيل بستين نيله جا بيكحلها أعماها: توني مريت عليه وقلت له يفتح جواله..
كان نايم
ام تركي:نايم لأيام؟؟
مشاري: هااا بس
ام تركي: مشاري اسمعني زين
مشاري:سم
ام تركي: الله لايحللك ولايبيحك اذا بولدي شي انت مغطيه
مشاري رفع راسه وفتح عيونه:هااه
ام تركي:اللي سمعته ويالله مع السلامه
مشاري:لحظه خاله
ام تركي:وش تبي
مشاري: تترركي في المستشفى جبناه اليوم
ام تركي:ياقلب امك ياتركي.. وش فيه.. والله كان قلبي حاس
مشاري:خاله هدي نفسك والله العظيم توني طالع من عنده مافيه الا الخير
ام تركي: ابي اكلمه تكفى ياوليدي
مشاري:يا خاله انا حلفت بالله مافيه الا العافيه انتي نامي وارتاحي
ومن بدري اذا صحيتي دقي عليه انا بجيب له جواله
ام تركي حست براحه:زين ياوليدي الله يعطيك العافيه .. وقفلت

....................

رن جوالها جت ترد عليه فصل شافت الساعه انصدمت معقوله نامت كل هذي المده
وشافت المكالمات ثنتين من مشاري و3 من طارق وثنتين من ابوها
فتحت عيونها زين ودققت في الأرقام :ياااالله وبعد من عمي وندى ومن امي وريم وندى
وكل العايله يالله لايكون تركي صار له شي


طعون مآسي آلام دموع قهر تحطيم معنوي ذل اهانه احراج

((يالرغم من هذه المشاعر اللي تشعر بها داخلها
وقد احدثت جراح جسيمه إلا انها تفكر فيه حتى آخر لحظه))




دلعتكم اليوم من قدكم


كل اللي ابيه التفاعل فديتكم

*وش تتوقعون دور نادر وريم في الروايه؟
*هل بيتوصلون لحل؟ والسر وش تتوقعون
يكون؟

*وش تتوقعون صار لتركي؟؟
*وش تتوقعون تكون معاملة جوري له بعد اللي صار؟؟
*وليش الكل داق عليها وياترا وش تتوقعون يكون السبب الرئيسي ورا هالاتصالات؟؟

قراءه ممتعه
تهمني تعليقاتكم وتوقعاتكم


..
..
..

 
 

 

عرض البوم صور بياض الصبح   رد مع اقتباس
قديم 27-12-11, 03:06 AM   المشاركة رقم: 9
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 




البارت الثامن

ملاحظه:
تذكير بالعائله للي ماحفظها

ابوفيصل
(( عياله فيصل حمد ساره دانه نوف))

ابو تركي
((عياله تركي عبدالرحمن نادر منى ندى))

ابو طارق
((طارق خالد جوري ريم))

................



................


في المقهى كانوا الشباب متجمعين نادر وحمد وخالد مع اصدقائهم

منذر متعرفين عليه من شهور.. وفواز صديق طفولة نادر شخص حبوب وفرفوش وعلى نياته واللي فقلبه على لسانه

حمد:خلاااااص جبتولي الصداع
منذر:هههههههه سلامتك يعني اني محترم
حمد: لابس لاتنسى عندنا خوات
نادر:اي والله صادق خلاص قفلوا الموضوع
فواز:لحظه لحظه جبتوا طاري ال.....
الكل:اووووووووووووف
فواز:ههههههههه والله بس باقي هذا وبعدين نقفله لساني يحكني لازم اقول
نادر: فوازوه خلاص مافي بنت الا وتكلمنا عنها
خالد: لا لا خله يقول خل نستانس


منذر: تفضل فواز افصح
فواز: جبتوا طاري ان البنات حيات من تحت تبن تدرون ان هالمثل واقعي
نادر: مو كلهن
فواز: داري يالوح بس تخيل وحده تكلم خويها قدام اخوها
نادر:اما عاد كثر منها
فواز:والله تكلمه على انه بنت
خالد: ومايزل لسانها
فواز:لا تعودت خلاص زي اللي يكلمها منذر ولايوم قد غلطت
حتى يقول لها اذا صرتي بلحالك كلميني ع اساس اني رجل ودي احس برجولتي شوي
قالت له خلاص تعودت
الكل:هههههههههههههههههه


الا منذر لاحظوا انه ارتبك وحمر وجهه
حمد: اوووووخس يالبا يستحي
فواز:ههههههههههه والله كذاب مايستحي قبل فتره جمعنا حنا يالشباب وكانت تكلمه وهو حاط سبيكر
خالد تحمس: تكفى تكفى علمنا وش قالوا
منذر : فواز يلا مشينا خلاص وبعدين وش دخلك
نادر: فواز ماعليك منه اسدح السالفه هههههههههه
فواز: اذا بديت في سالفه لازم انهيها
خالد: يلا عطنا
فواز: ايه المهم كانت بارعه والله لو اني اخوها وهي تكلم جنبي ماشكيت ابد فيها..
بس الحمدلله ماعندي خوات
المهم اخذهم الغزل منا ومنا كانت فووووولاه والله جازتلنا رومانسيتها خققققق
خالد:ياسلاااااام كل هذا يطلع منك يامنذر
فواز: بس العيب فيها تتكلم في اهلها يعني اسرار بيتها كلها تقولها لمنذر
منذر ارتفع ضغطه: فواز ياااااهووووه خلاص انطم وش دخلك انت
نادر: ياخي تستاهل انت اللي كلمتها قدامهم وش اللي وش دخلهم
فواز كان ساذج وعلى نياته: على نفسها جنت براقش بكمل السالفه الله لايعوق بشر.. وين وصلنا
والشباب يضحكون


خالد: عند اسرار بيتها تقولها لمنذر
فواز: ايه ايه تخيل ان ...
منذر:فواز وقسم مالك داعي ياخي حس على دمك شوي وانلدم.. خليتني اندم اني قلت لك
خالد: مافي احد غريب خل الرجال يتكلم
والشباب فاقعين ضحك على منذر كان وجهه متلون
فواز: والله لو اني ادري انه سر كان انطميت
بس شباب الاستراحه كلهم يدرون لدرجة انهم ينتظرون الوقت
اللي تدق عشان يلتفون حولك ويسمعونها...!!
منذر بدا جبينه يعرق وكان صدره يرتفع وينزل من قوة تنفسه ودقات قلبه يبي يتكلم مو قادر
حمد: اجل الوعد قدام ضيفنا مع الشله نبي نستمتع .. تحمست
فواز: تصدق اكثر من مره اقول له عطني رقمها يرفض
يقول هذي بنت حموله ووراها رجال لو يدرون محونا من على وجه الارض
سألته من بنته رفض تماما يقول...
منذر: فواز اتفل ابليس ترا لسانك بيوديك في تهلكه وراح نخسر بعض


نادر:تعوذ من ابليس مو لهالدرجه والله هالبنت حماره
تستاهل وين اهلها عنها ما اتوقع بنت حموله الا بنت شوااااارع
فواز: تكره اهلها طبيعي تنجرف ورا هالطريق وشكل العيله كلها خربانه
خالد: في احد يكره اهله
فواز: اقصد اعمامها وعيال اعمامها تكرههم لدرجه ماتتصور..
حتى اذكر مره طلع يكلمها برا وانغبنت واااااااجد
يوم جا وشافني ضايق قال مافي رومانسيه بس عطته موجز عنهم هههههههههه
والله انا بنفسي كرهتهم من اوصافهم وفطست يوم قال لي انها تقول اعمامها

متخلفين وعيالهم كتله من الغباء هههههههههههه فصيحه والله

حمد:هههههههههههههههههههههههههااااي

ومات الشباب ضحك الا نادر ومنذر

نادر كان زي البركان انفجر جواة صدره تذكر هالكلمه
وجواله بيدينه من كثر ماضغط عليه كان بينكسر عرف ان البنت هي ريم
واللي اثبت اكثر نظرات منذر كان خايف ومرتبك
ماتحمل النظره القاتله اللي موجهها له نادر وخايف
فواز يجيب العيد ويذكر ماكان اعظم
فواز: شكلي تماديت<<< لاياشييييييخ
منذر: صدق من قال لكل داء دواء يستطب به الا الحماقه اعيت من يداويها...

وطلع مسرع ركب سيارته ومشى

نادر مصدوم: انا بمشي!!!
حمد:خذني معك لاهنت
خالد: عن نفسي بقعد اسمع الباقي هههههههه

نادر مايبيه يقعد: لا امش معنا ابيك بشغله
فواز: اذا'' اروح البيت اصك امها نومه
نادر تراجع وحب ينفرد في فواز قبل لاينشر السالفه عند غيرهم: لا لحظه ابيك..
شباب روحوا السياره الحين بجي
خالد: ياشيخ مناك بس تبي تعرف التكمله هاا
نادر عصب: اي تكمله واي زفت انت بعد
خالد: لاتنافخ انت و وجهك قول من البدايه تبي تصرفنا
قرب منه نادر وتشابكوا بالايادي
حمد وفواز قاموا يفكونهم
حمد: شباب اهجدوا شفيكم نشبتوا في بعض
خالد: انا ادري عنه
فواز: نادر تعال معي وانت ياحمد خذ خالد وتوكلوا
خالد: انا رايح واشبع بالسالفه.. وراحوا


فواز: وشفيك ياخوي هبيت هبه وش صار
نادر مسك دقن فواز: طلبتك
فواز: تم
نادر مبين عليه الضيق: انا ادري ماعندك خوات بس طلبتك
لاعاد تطلع هالكلام لأحد طلبتك يافواز
فواز بقق عيونه: نادر شفيك
نادر: مافيني شي قد كلمتك انت يوم تقول تم
فواز:قدها وقدود بس وش دخلك بالسالفه يعني ماجت الا على البنت ذي
نادر:فواز خلاااااااااااص قد كلمتك والا لا؟؟
فواز:قددددددها بس تعال لايكون البنت تطلع أخ
نادر:لالالالالالا
فواز: اجل .. لاتغطي علي والله انا عمري ما أفشيت لك سر انت بالذات
نادر:ادري والله ادري
فواز: يعني هي أختك


نادر: الله لايقوله والله لأدفنها حيه ...بس هذذذي تطلع اخت خالد وسألتك بالله مايطلع لأحد
فواز مسك راسه من قوة الخبر والاحراج : والله اسف اسف اسف ماكنت ادري منذر ماذكراسماء كان حريص على هالشي...
والله مدري وين اودي وجهي منك.. والله مستعد اصلح الغلطه
نادر: خلاص ماتتصلح بس كل اللي ابيه منك تكون بالمرصاد لمنذر
اوقف له زي العظمه في البلعوم لاتخليه يتكلم عنها قدام الشباب والباقي خله علي
فواز:ماطلبت شي.. طيب تهقى خالد عرف
نادر: لا ما أتوقع
فواز: وانت ليش متأكد انها اخته
نادر: انا سمعتها مره كانت تكلم على اساس بنت ونفس الكلام اللي قلته سمعته بإذني يوم تقول و...
وفجأه وقف كلام: تدري شلون قفل ع الموضوع تكفى ...وانا بروح ولا اوصيك
فواز: والله العظيم مايطلع خذها كلمه وانا اخوك
وتوجه لسيارته شاف حمد وخالد واقفين لانهم جايين معه
خالد باستهزاء: خلاص عرفت السالفه
نادر:ترا مانيب رايق لك
حمد: لاحول ولاقوة الا بالله يلا بس خل نركب
خالد: والله حقاره
نادر: حمد اركب وانت ياغبي خذ لك ليموزين عشان تشوف الحقاره على اصول
خالد:ابركها من ساعه



.................


بعد ماوصل نادر حمد بيته راح للبيت على اساس يرتاح
بس للأسف ما ارتاح هو لآآآآزم يقول لطارق عن مصيبة ريم ويوقفها عند حدها ويقص لسانها..
دق عليه يتأكد اذا كان في البيت وطلب منه يقعدون بالخيمه لأنه مايبي اي احد يسمع
حرك سيارته وهووووا راح له
دخلوا الخيمه وبدون مقدمات سرد القصه من الألف للياء
مسك طارق راسه كان يحس بصداع
نادر: انا اسف والله بس انت لازم تتصرف الموضوع خطير
طارق: ابوي لو يدري احتمال ينجلط
نادر: فال الله ولا فالك لاتقعد تتشائم خل ندور حل لهالمصيبه
طارق: ذابحها ذابحها
نادر بسخريه: ايه شاطر جبتها يالذكي وبعد ماتذبحها ؟
طارق معصب: بالطقاق وشو يعني بدخل السجن
لاني اول شخص ولا اخر شخص بالدنيا اهم شي ابرد قلبي
وهالنجس والله لا اوريه اجل بيوطي روسنا
نادر: يابن الحلال مو حل خل نفكر قبل لايتفاقم الموضوع
طارق: وش افكر عقلي خلاص طار ..ماتوقعت ريم ابد توصل فيها الدناءه وتسوي هالاشياء
والا تنقل كل شي عننا عند غريب


نادر: ابي اعرف ليش تكرهنا وش سوينا لها ليش تفتري علينا وتحط اشياء ماهيب فينا
وليش تسب اعمامها بهالطريقه.. انا ماهمني منذر الوقح بس خوفي تقوله لأحد
من جماعتنا وينتشر والله مشكله كبيييييره
طارق: صدق ان العرق دساس!!!!!!!!!!!
نادر:وش قصدك.. هو انت تدري؟؟؟؟؟؟؟؟؟؟؟؟

قطع عليهم دخول خالد وتفاجأ بوجود نادر كشر بوجهه: وش جايبك هنا يا اللئيم
طارق: خالد احترم نفسك وعدل كلامك
نادر: اتركه عنك اخوك مريض
خالد:والله انت المريض ياوصخ والا اذكرك بالحركه اللي تو في المقهى
طارق عارف كل السالفه عشان كذا واقف مع نادر: تراك زودتها وبعدين معاك.. اطلع من هنا
نادر: خلاص خله ورع ماينشره عليك انا طالع
طارق: والله ماتطلع وهو اللي بيطلع
خالد: لاياشيخ كل تراب
طارق من زود ماهو معصب عطاه كف خلاه يطيح من طوله
وقف نادر بينهم:خلاااااااااااااص انتواا وشفيكم ..
خالد:تمد ايدك ياحيوان تمدها
طارق: خالد اذلف والا ترا بيصير شي اليوم تندم عليه تطول حياتك.. وقعد من قوة توتره
نادر :خلاص لاتكبر الموضوع روح
خالد ياخذ سيخ من المنقد: يمد يده علي انا اوريه

وتشابكوا الثلاثه نادر كان ماسك بحذر مايبي احد يتأذى
وطارق يبي يدافع عن نفس وبكل قوته ماسك السيخ
اما خالد كان يبي يرفعه عشان يضرب راس اخوه وخلال ماهو يبي يرفع ايده


آآآآآآآآآآآآآآآآآآآآآآآآآآآآآآآآآآآآآآآه
واحد منهم اطلق هذي الصرخه المروعه


...............


في لندن

بعد ماشافت اتصالات مشاري واهلها ..من خوفها دقت على اقرب واحد من تركي
مشاري:هلا اختي
جوري ماتبي تبين خوفها: شفت لك مكالمات
مشاري:ايه معليش ع الازعاج تبين تجين المستشفى
جوري:ليش تركي صار له شي
تركي:لا الحمدلله زين بس قلت اذا تبين تزورينه
جوري: الخير والبركه فيك
مشاري نغزه قلبه: وبوجهك ها تبين تجين اجي اخذك
جوري:لا مايحتاج تحمد لصديقك بالنيابه عني.. احتمال يطلع وانا في الرياض
مشاري:شلون
جوري:بكلم اهلي يجون لي ياليت تبلغه
مشاري مايدري وش يقول:ان شاءالله.. وقفلت..

رجع دق جوالها فكرت مليون مره تقول او لا.. تشكي او تسكت
رجعت شعرها ورا ورفعت راسها فوق ماتبي دمعتها تنزل
هذي هي الانسانه الوحيده اللي ماكانت تبي تكلمها تخاف تضعف قدامها بس الاحترام يفرض عليها
جوري:الو
ام تركي: السلام عليكم
جوري:وعليكم السلام هلا خالتي
ام تركي بيفضحها الارتباك: و وش اخخبارك
جوري تدافع العبرات واضح من صوتها: بخير
ام تركي ارتاعت: جوري وش فيك ليش تصيحين
جوري:مافيني شي سلامتك
ام تركي بخوف قوي: كلموك اهلك؟!
جوري:لأ ليش
ام تركي ارتاحت: هاا لابس .. طيب ليش تبكين ياقلبي


جوري''اقول لها انا ابكي بسبة ولدك
اقول لها انا متضاااااااااايقه من اللي صار لي والعذاب اللي عشته
والا اقول له عن رشا'' وتنهدت
ام تركي: ياروحي انتي تكلمي وشفيك ليش هالصياح طيب متأكده اهلك ماكلموك
جوري بلا مبالاه: شفت لهم مكالمات بعدين ادق عليهم
ام تركي حمدت ربها : طيب شفيك ترا عقلي بيطير
جوري قررت خلاص تشكي وتصرخ بأعلى صوتها: تركي .. وبكت
ام تركي: ياحبيبتي انتي لازم تكونين اقوى من كذا


جوري خافت لايكون درت باللي سواه :اقوى من ايش
ام تركي: تركي مافيه الا العافيه لاتحاتين يمه مشاري كلمنا وتطمنا كفكفي دموعك فديتك


جوري نزلت دموعها كانت تأشر براسها لالالالالالالالالا
كان ودها تنطقها بس طلعت شهقة البكا محلها

ام تركي:لايمه لاتصيحين انا امه لو ادري الصياح بيفيد كان صحت
بس مشاري طمني وحلف بالله انه بخير وانا بعد كلمته وقال لي كم يوم يطلع
ام تركي كانت تتكلم وجوري عاضه ابهامها ماتبي ام تركي تسمع قوة صياحها
ام تركي:قومي غسلي وجهك كفي صياح والله انا مايعزيني الا انك جنبه
كفايه خوفك عليه ودموعك الغاليه
جوري: ان شاءالله..
وعضت المخده قهررررر هي وين وخالتها وين


ام تركي فسرت بكاها خوف على تركي وهي تبكي على نفسها واللي جاها من تركي
ام تركي:جوري
جوري:سمي
ام تركي: شوفي حبيبتي اا اان
جوري:شفيك خاله
ام تركي:والله مدري وش اقولك بس خليك قويه واصبري
جوري سمعت ربكة ام تركي وحشرجة صوتها: خاله توك كنتي تهديني على تركي خلاص ماراح يصير الا كل خير
ام تركي: والله مادقيت عشان تركي بس ابوك قال لي اخبرك عن شغله توقعت اني اكون قدها
جوري:خاااااله وش صاير تكفين
ام تركي: كلمي طارق انا مانيب قادره اقول
جوري:خاله أ..
ام تركي:ابد لاتحاولين والله ماعندي القدره والله يعينكم.. وقفلت
جوري
دقت على اهلها مافي رد كانت خايفه كل الخوف وتدعي وش اللي صار


.................


.................


ابو فيصل:لا وانا خوك هذا غلط
ابو طارق: والله ماعاد دريت وين عقلي
ابو فيصل: لا حرام عليك البنت في ديار الغربه حرام تشغلها عليكم.. وتوصل لها هالخبر
ابو طارق يمسح دموعه بطرف شماغه: انا قلت لام تركي تكلمها الحق عليها قبل تقول لها
ابو فيصل: ولايهمك انا الحين بدق
ابوفيصل:الو
عبدالرحمن شهق: لا لا لاتقووووول مات
ابو فيصل: اذكر الله لاتتفاول بالشر مابعد طلع من غرفة العمليات..
بس ابيك تقول لامك خلاص لاتقول لجوري وكلكم لاتطلعون الخبر.. لا احد يجيب لها طاري لين ترجع
عبدالرحمن: زين عمي على امرك انا ببلغهم .. وقفل
جا فيصل مسرع
فيصل: يبه عمي هابشروا وش صار
ابو فيصل: هذا هو داخل له ثلاث ساعات والدكاتره معه ادعي له
فيصل: الله يقومه بالسلامه..
ابوطارق:امين يارب اميييييين


فيصل: وين الشباب
ابوفيصل: بالانتظار.. بس اسمع انت بعد خبر البنات وقول لهم يقول ابوي والله ان يروح هالخبر لجوري ماتلومون الا انفسكم
فيصل: ان شاءالله ..ورا ح
شاف اثنين مافي الا هم قاعدين بالانتظار.. ماميزهم من بعيد لانه مو لابس نظارته
وقام واحد منهم وعلى طول في حضن فيصل:انا السبب والله يافيصل انا السبب
فيصل: لاحول ولاقوة الا بالله والله لو انكم بزران الحين وش استفدتوا هذا هو خالد بين الحياه والموت
طارق: لاوالله مو انت السبب.. هو اللي كان و...
فيصل: هو محتاااااااااج دعائكم بس في هاللحظه خلوا الامور هذي بعدين
وراحوا كلهم عند ابو طارق وابو فيصل
بعدها بساعه جا عبدالرحمن وحمد
وبعدها بربع ساعه وصل ابو تركي


ابو تركي:السلام عليكم
الكل:وعليكم السلام
ابو تركي:باقي في غرفة العمليات؟؟
ابو فيصل: ايه الله يستر
ابو تركي: تو ام تركي علمتني وش هالخبر الشين وش صار
ابو فيصل: بعدين يا محمد
ابو تركي مصر: لالالا الحين
ابو طارق: الله يلعن الشيطان تذابحوا العيال
ابو تركي بحزم: ماشاءالله خوووش والله وش حكاية السيخ بعد
طارق: دخل علي انا ونادر وقام يتلفظ عليه طلبت منه يطلع برا رفض وتلفظ على نادر انا ماعجبني..
تهاوشت معه ومديت يدي عليه وهو ماتحمل خذا السيخ ويبي راسي ..
بس كلنا الثلاثه مسكنا السيخ واللي يجر واللي يسحب اخر شي سحبه بالقوه ..
وطاح عليه وانغرز راس السيخ في بطنه
ابو تركي: والسبب؟
طارق: سبب وشو
ابو تركي: سبب هالخلاف
طارق: أ أ أ
ابو تركي: شوف هي ماتوصل لهالمواصيل الا في ثلاث حالات

يا إن السبب مخدرات
او انكم سبيتوا خوات بعض
والا ان هالهوشه بسبب بنت هوى!!!


كل الشباب طيروا عيونهم من جرأة ابو تركي
ابو تركي: لاتبقق عيونك انت وياه.. ترا عارف هالحركات اخلصوا علي..
لاني اذا مادريت منكم بالسبب والله ان تطلعه الشرطه غصبا عنكم
خافوا المعنيين بهالكلام وكل واحد يهيئ نفسه للكلام
بس مالقى اجابه لأن الدكتور طلع
ابو طارق فز: مات؟
ابو فيصل:اذكر الله ياعبدالله
الدكتور: لا تم السيطره ع الوضع والجرح ماراح اقول بسيط ..
بس الحمدلله ماوصل للاعضاء اللي كان السيخ قريب منها وبقدرة قادر نجا ابنكم
ابو طارق:الحمممممممدلله الحممممممدلله
الدكتور: طبعا لازم نبلغ الشرطه انتم تقولون انه هو سبايب اللي صار يعني انتحار
واذا القصه مزعومه واحد سوى له كذا فهي محاولة قتل
ابو طارق: انتحار ومحاولة قتل
الدكتور: نعم.. وللأسف مضطرين نبلغ الشرطه

ابو تركي: دكتور تعال ابيك شوي وبعدوا عنهم شوي..
وقال له كم كلمه ومن هنا ومن هنا اقتنع الدكتور

الدكتور: والله يا استاذ محمد لولا مكانتكم الاجتماعيه كان وصلناها للشرطه..
بس ما اقدر الحين اعطيك كلمه.. اذا فاق المريض يصير خير



.............



جوري لازالت تحاول على اهلها والكل رافض يرد''اللهم اجعله خير''
واخيرا دق ابوها اثناء ماهي تحاول تدق عليه
جوري:هلا يبه ليش ماتردون
ابو طارق: وش صاير.. ماصار شي نايمين يبه
جوري: طيب قبل ساعه كلمتني خالتي لطيفه خوفتني عليكم وش صار
لاتخلوني زي الاطرش في الزفه.. وصوتك مايطمن
ابو طارق: تبين الصراحه الوضع سيئ
جوري:يبه وش صاااااار
وخذا طارق الجوال:الو جوري
جوري:عطني ابوووووووووووي وش فيه


طارق: هدي هدي واحد من موظفينه لعب في الحسابات وضيع عليه مليونين ريال
وتونا جايبين ابوي من المستشفى ارتفع ضغطه
جوري: الله لايوفقه بلعنه الفلوس بس اهم شي ابوي
طارق: مافيه الا العافيه.. حنا رجعنا البيت ولازم يرتاح
جوري:ايه تكفى طارق خلك جنبه وقول لامي تداريه و ...
طارق:جوري حبيبي تعلمينها بشغلها.. انتي ماعليك ارتاحي وانا بطمنك من وقت لوقت..
وقفل منها والتفت لابوه وحب ايده:يبه والله اسف مرضتك وكذبت قدامك
ابو طارق: مسموح ياوليدي زين ماسويت.. حاولوا تتكتمون ع الامر لين ترجع
طارق: ان شاءالله


...............



بعد ايام في المستشفى حالة تركي تحسنت وشاف الدكتور ان قعدته مالها لازمه فكتب له خروج
تركي كان جالس ع الكنبه ومشاري يرتب ملابس تركي ويحطها في الشنطه
تركي:والله مدري كيف ارد جميلك ووقفتك معي
مشاري:باااااااااااايخ
تركي ابتسم
مشاري:خل عنك كلام الشياب ذا سامع
تركي:والله لوما الله ثم انت كان ضعت
مشاري يمسك كتف تركي:اخوي واغلى من اخوي شلون ما اوقف معك
تركي: مو مثل اللي يسمونها زوجتي وصل حقدها انها ماتطل علي
قعد مشاري جنبه:تركي بقولك شي واسمعني للاخير
تركي:اكيد نصايح
مشاري:ماعاد تنفع النصايح وضعك صراحه حررررج
تركي:شلون
مشاري:اسمعني للاخير ولاتقاطعني
تركي:اسلم


مشاري: اليوم اللي تعبت فيه دقت علي جوري
تركي:وشششو دقت
مشاري:ياخي لاتستعجل اسمع
تركي:زين
مشاري: انا على طول حركت وجيت اخذتك كانت تبكي والله ياشفت خوف يعيونها ماقد شفته بعيون احد ..
واللي فهمته منها انك تعبت بالحيل وانك طلبت منها تدق علي وهي دقت على طول..
اول مادخلوك الغرفه ودخلوا الدكاتره طول الوقت تبكي وتدعي لك قطعت قلبي
والله ورفضت ماترجع البيت الا عقب ماتشوفك وخفت عليها لاتنهار هي الثانيه


تركي:لا انت تقول كذا تبرر لها عشان مازارتني ولا وقفت معي
مشاري: ابرر لوحده ما اعرفها صاحي انت.. والله هي اللي دقت لوما عناية الرحمن ثم هي كان الله اعلم بحالك..
وبعدين يحق لها ماتزورك اذا تبي الجد
تركي:والله انت اللي منتب صاحي ناسي اني زوجها شلون يحق لها
مشاري:ياخي والله يإنك فضحت روحك.. حتى انا وجهي صار صغره كذا ويأشر بيده
تركي:لا تهبل بي وش صار
مشاري: طلع الدكتور ................ وسرد له كووووووووول الحكايه
تركي:يااااااااااااااالله
مشاري:والله بغيت ابكي على حالتها وربي اخنقتني العبره وانا اشوفها واقفه متكتفه
وانت ماخليت شي ماقلته وهي تطالع ساكته وحسيتها تبكي ومحرجه مني
تركي:عشان كذا ماجت ياااربي انا وش سويت كله عشان رشا اللي باعتني
مشاري: رشا باعتك مرتين بس انت ويا قلبك الغبي
تركي:والله غبي وصاحبه غبي يعني المفروض ما أنسى اول موقف لها وتجي تكمل بالثاني...
حسافه يارشا والله حسافه
مشاري:تروك هذا مو وقته تلوم نفسك انت المفروض تلحق على جوري قبل تطير من ايدك ومن لندن
تركي مو مستوعب: هااااااااه
مشاري:هي قالت لي ابلغك انها بتكلم اهلها يجون لها
ويمكن تكون طلعتك من المستشفى بعد سفرها
تركي:قوووم يامشاري وصلني قبل تروح هي ناويه تذبح ابوي والا وش قصتها
مشاري:يعني هي ماهمتك
تركي:محد يهمني غير نفسي

...........


في بيت ابو طارق

ام طارق:ياحبيبي ياخالد ليته فيني ولافيك
ابو طارق:يابنت الناس عيني خير.. الدكتور قال انه بخير
ام طارق:من وين بيجي الخير وهو بين الحياه والموت ..
وليش تاركينه بلحاله
طارق: ابوي انتي داريه فيه الضغط ومايتحمل يقعد اكثر..
لذلك اصر عمي محمد ارجعه البيت.. وانا ببدل وارجع
ام طارق: ااااه ياخالد فديته ماتهنى بشبابه
طارق: يمه تعوذي من ابليس ان شاءالله بيقوم بالسلامه..
ابو طارق: انا القاها منين من طيحة خالد بالمستشفى والا جوري فديتها
طارق: والله كاسره خاطري من تو كلمتني تبيني قطعت قلبي تبيني اروح لها يبه
ام طارق: وش تروح لها انت الثاني والله لو انها ورا الحاره..
تبون تجننوني كلكم بتتفرقون


طارق:لحظه لحظه انا الثاني؟؟ ليش من الاول
ام طارق: من غيره ابوك ..والله كان بيحجز يروح يجيبها
طارق طالع ابوه:لا انا بروح
ريم:انتوا وشفيكم ترا الامر مايستدعي.. شايفين خالد بالمستشفى وعادي بكل بساطه بتروحون
ام طارق:لاتزيد همي ياطارق اختك بإذن الله مافيها الا العافيه.. خلك مع اخوك اللي حالته اصعب
ابو طارق: يا ام طارق خايفين عليها
ريم:رجلها بالمستشفى طبيعي تخاف عليه وتبكي
ابو طارق: والله يابكاها في اذني ماقدرت انساه اول مره تبكي كذا
طارق:انا ماتمالكت نفسي دمعت عيوني
ريم اللي كانت تهدي فيهم قاعده جنب ابوها غطت وجهها بيدها وبكت
ضمها ابو طارق: يبه لاتبكين ..شكلنا كبرنا السالفه وجوري بخير
ام طارق: يااااااااارب انها بخير يااااااااارب اشفي وليدي
ابو طارق:الله يجيب الخير

...............


في لندن

مشاري وصل تركي الشقه ولزم عليه الاخير يدخل بس ماطاع يبيه يرتاح بروحه
دخل الشقه كانت هدوء اتجه لغرفتها على طول اتجه لغرفتها وشد على مسكة الباب
وتفكيره في حاجتين
يا انها جالسه فيها او انه بيشوفها فاضيه
اخيرا فتح الباب اول مره يدخل الغرفه بعد ماتأثثت شاف ملابسها ع السرير ..
ارتاح شوي '' وين راحت ذي شكلها تتسبح''..

وفجأه طلعت من الحمام كانت لابسه قميص تحت الركبه ورافعه شعرها بطريقه مهمله
شافته قدامها طنشته وقعدت ع التسريحه تدهن ايدها ورجلها بلوشناتها
تركي كان مجهد قعد السرير بحيث يشوف وجهها في المرايا وهي نفس الشي
تركي بهدوء:مافي حمدالله ع السلامه
جوري:حمدالله ع السلامه
تركي:الله يسلمك
جوري: ابي انام تسمح!
تركي:خذي راحتك
جوري قامت تفتح الباب
فهم تركي الحركه ''يعني اذلف''
تركي:بس قبل ما اروح بسألك ليش غيرتي رأيك عن السفر



جوري ماتحملت السؤال كيف بتجاوب عليه قعدت عند الباب رفعت رجولها وسندت راسها ويدينها على ركبها زي الاطفال
تركي حز بخاطره شكلها مهما كان هي انقذته وهو حطمها قام لعندها وقعد قدامها مسح على شعرها
تركي:خلاص قومي انا طالع.. ارتحتي
جوري توخر ايده وترفع راسها وعيونها كانت حمر: اللي بيريحني الطلاق..
تركي:طلاق!!!
مافكرتي في اهلنا ابوي ابوك امي امك
جوري: صح بيزعلون علي لان ماراح يعجبهم اني احمل لقب البنت الوحيده المطلقه في العائله
بس لازم يرضخون للي ابيه ..
يعني لمتى وانا اجامل على حساب نفسي ومتحمله اهاناتك..
تركي ركز على كلمة طلاق:جوري وش طلاقه الظاهر استخفيتي والا انطفقتي

جوري: والله هذا هو الحل لان اهانتك لي والله حتى عدوي مايرضاها
عاد مابالك اذا رجعنا السعوديه
تركي: مع انك سبب البلاوي اللي انا فيها الا اني راح اعاملك زين قدامهم..
مو عشانك عشان ابوي بس
والا انا للآن عايفك مو معناه انك انقذتيني يعني بسوي فيلم واتغير وارجع واقول سامحيني وخرابيط

جوري: والله لو علي ما اقعد معك دقيقه وحده ماكسبت منك الا كل هم وحزن بالذات بعد ماعرفت السبب اللي كنت تكرهني عشانه..
اللي سمعته في المستشفى اكبر من اني اتحمله..
طلعت غرقان لشوشتك ومكرس حياتك لها... وبكت
تركي عصب :كيييييييييييفي !! ابفهم انتي ليش تحاسبيني
جوري تقاطعه وسط بكاها ودموعها صوتها مخنوق مره:لااا تفكر هالدموع غيره.. لاوالله ياتركي هذي دموع شفقه على نفسي
لانك كارهني ومو طايق اي شي مني بسبب اللي تحبها وطول وقتك اهانات فيني..
تركي مايدري وش يقول:طيب انتي بعد ماقصرتي اهنتيني.. لاتمثلين انك بريئه
جوري:انا طول عمري محد قد شاف مني اهانه ومحد قد اهاني
بس انت زودتها معي وانا اخذت حقي بلساني ..
القطوه وهي القطوه برغم انها اليفه بس والله اذا احد داس ذيلها تاخذ حقها ..
ماتوقعت نصيبي بيكون كذا.. الله يسامح عمي اللي اجبرك

تركي وقف وحط يده بجيبه والثانيه على شعره: صراحه انا راجع تعباااااااااااااان وانتي نكد ..
من الاخير وش المطلوب
جوري: كنت بطلب الطلاق بس في اخر لحظه سمعت صوت امك وماهان علي اكسر بخاطرها
رغم المعاناه الللي انا فيها

تركي:وش دخلها امي
جوري:سمعتني ابكي قعدت تهدي علي تدري ليش؟
يوم حست بانهياري وبكاي تحسب هالانهيار من خوفي عليك وحبي لك والله استحيت اخيب ظنها فيني
وهي اللي عادتني مثل البنات وازود..

شفتها صعبه صعبه صعبه
اكسر بخاطرها وهي اللي عمرها ماقد كسرت خاطري لو بنظره ..
بدعس على كرامتي عشانها وعشان اهلنا.. والا انت خلاص ما أعتبرك شي
تركي باستحقار: ليش كنتي تعتبريني شي
جوري:انتهى كلامي معك ياليت ماعاد اشوف رقعة وجهك في غرفتي
تركي: تقديرا لسوء حالتك راح اتغاضى ومو انا اللي احد يعاملني بدون احترام
جوري: لو سمحت خلني بروحي
تركي: زين
جوري رجعت تبكي:الله يسامحك ياعمي انت السبب باللي انا فيه
وقف تركي عند الباب:ويسامح ابوك هو بعد له يد في اللي احنا فيه
لاتنسين انه اجبرك علي هو الثاني
جوري على وضعها:والله ياتركي محد اجبرني .... انا كنت راضيه فيك ...
واعترف اني كنت اتمنى اليوم اللي نكون في لبعض.. كنت راضيه فيك
تركي مذهول:وليشش واللي سمعتيني اياه وين اللي قالت تكرهني
جوري:بغبائي كذبت الكذبه وصدقتها انا حتى عدويني ما اعرف اكرههم..
تركي:وليش كذبتي


جوري:كل يوم تحسسني اني ولاشي
حتى كرهك لي باين في عيونك
مابيك تحس انك الوحيد المجبور على هالزواج ضروري اكذب.. صعب الانسان يحس انه دخيل على احد

اول مره تركي يتأثر من كلامها كان حاس بصدقها: طيب ان.....
جوري:خلاااااااااااااااص .. طلبتك تطلع.. الكلام ماعاد ينفع بشي
قدر تركي الحاله اللي هي فيها وطلع
ودخل غرفته..
''لا


................


مرت الايام على تركي وجوري بدون اي تصادم كان يتحين خروجها من الغرفه
عشان يسألها اذا تبي شي او اكلت مهما كان هو زوجها ولازم يصرف عليها
ولكن كبرياءه مايسمح له يروح عندها الغرفه ويسألها
وله كم يوم ماشافها واليوم سمعها قفلت الباب الظاهر طلعت خذت شي من المطبخ ورجعت
طلع بسرعه يبي يصادفها بس مالحق..
وهو تعدلت حالته ورجع وزنه وكان يتخذ علاجاته بنفسه مايبي يرجع الرياض وهو ذبلان
عشان مايوصل لرشا الكلام انه تعبان من عقبها هذا كلام مشاري اللي حفزه يكون قوي

دق الجرس راح فتح
سميره:جيت بوقت غير مناسب
تركي:لا عادي تبين جوري
سميره:والله ياليت صار لي مده ماشفتها
تركي:طيب ادخلي هي بغرفتها
دخلت سميره ومشت وشافت غرفة النوم مفتوحه جت تدخل
تركي:لا لا الغرفه الثانيه
سميره:اووه سوري وراحت الغرفه الثانيه طقت الباب مافي رد
تركي:ادخلي عادي.. شافها تدخل وهو نزل يتمشى يبي يغير جو


دخلت سميره وتفاجأت غرفتين نووم غريبه
سميره:مساء النور
قامت جوري تسلم عليها:اهلين مساء النور تفضلي حياك
قعدت سميره ع الكنبه والقت نظره سريعه على الغرفه
جوري:وش اخبار مهند
سميره:مغلبني عقبال مايصير عندك عشره مهند
اختطف لون جوري وماردت
سميره حست ان الموضوع فيه ان ..بس غيرت السالفه:صار لي زمان ماشفتك خفت لاتكوني تعبانه
جوري اللي كان مبين عليها السهر والتعب:شوي بس الحمدلله
سميره:شوبيك يا البي
جوري:هااه زكام
مسكت سميره ايد جوري:انا بعتبرك متل اختي ارتحتلك كتير وعطيتك اسراري..
قولي شوبيك هيدا مو زكام
جوري نزلت راسها
سميره:كنت عارفه انو فيك شي هيدا موش زكام


بكت جوري
سميره:شوفي يا ألبي ماضروري تحكي لي بس بدي اقول لك شغله وبدك توعديني تحطيها حلقه بودانك
جوري ساكته تغالب دمعاتها
سميره:لفت نزري انو في غرفتين نوم ولو هيدا شي مو طبيعي..
انتو لساتكم متزوجين معقوله يصير هالشي
اخيرا تكلمت جوري:احسن لي وله
سميره:لاااه ماتقولي هيك عبدالعزيز بيحلف انو ماشاف رجال متل زوجك وانا بحلف اني ماشفت زيك ..
ومادام انتوا ثنائي ولا احلى مفروض قلوبكم بتصير هيك وشبكت اياديها في بعض
جوري دموعها اربع اربع
سميره:ولك تؤبريني الدموع مابتنفع بشي شوفي ياجوري بغض النظر عن اللي بيناتكون
سواء مشاكل زغيره او كبيره حتى لو كانت خيانه تمسكي في زوجك والمره بتغير زوجها ازا كان عندها اراده وانتي مبين قويه حتى لو ماكان عندك عضلات وضحكت


ابتسمت جوري من كلامها
سميره:تسلملي هالبسمه بدي اياكي دايم تكوني هيك
جوري:بس انتي ماتدرين ان..
سميره:مابدي اعرف شي كل اللي بدي تعمليه انك تتملكي زوجك وتحافظي عليه بكل الطرق
وماتخلي حدا ياخذو منك اكسبيه فهمانه شو اكسبيه
جوري تطالع فيها كانت بحاجه لنصايح وأحد يدلها ع الطريق
سميره:الكلمه الطيبه سر سعادة الزوجين حاكيه بكلمه حنونه ودلليه ودلعيه
اعمليلو اكلاتو اللي بيحبها البسي اللي بيعجبو وتغنجي
انتي مابتعملي شي حرام كلو لزوجك لاتقولي مقدر انا حاسه انك بتقدري ماهيك

جوري تهز راسها
سميره:والاهم من هيدا مامفروض تكونوا بعاد عن بعض كل واحد عازل نفسه بغرفه..
وليه على آمتي هيدا مابيرضي لا الله ولا رسوله لكان لشو سموا الزواج شراكه
جوري منزله راسها وماتكلمت
سميره:بتحبيه
جوري بحركه لا اراديه حضنت سميره وبكت من كل قلبها
سميره: لكان ارمي كل شي ورا ظهرك وماتخسريه.. وترفع راس جوري: مفهووم
جوري مسحت دموعها وهزت راسها بايه
سميره:انا جيت اليوم منشان اقول لك انك راح توحشيني
جوري:ليش وين رايحه
سميره:زوجي اخذ اجازه وبدو يفرجيني ع العالم
جوري:بالتوفيق انتي تستاهلين كل خير
سميره:وانتي كمان وعقبال ما اسمع اخبار تفرحني
جوري: ان شاءالله
ودعت سميره وكانت تحس ان همومها زالت نسبيا والسبب سميره اللي قدرت تحتويها في هالساعه



جوري بالرغم من انكسارها بس تحاول تظهر العكس حتى قدام نفسها..
حست بالام في بطنها تذكرت ان اللوازم ماكانت كافيه ومابقى الا وحده وتبي احتياط!!
مالها الا تنزل هي شافت سوبر ماركت قريب مره تلحق تشتري
وبرضه تشتري بنادول هو اللي يخفف عليها
تحاملت على نفسها ولبست العبايه وتحجبت ونزلت
وصلت السوبر من حسن الحظ ان اللي عند الكاشير كانت بنت ارتاحت واخذت اغراضها وحاسبت وطلعت
وهي راجعه شافت واحد شكله خليجي يتلكع: هلا والله باهل الخليج كله
طنشته ومشت.. وظل يمشي وراها وتزيد لكاعته وهي تحاول تخبي اللي اشترته تحت العبايه


تركي كان توه بيدخل بوابة البنايه شافها من بعيد وشاف اللي وراها جن جنونه

'' وش تسوي ذي توي تاركها في البيت''

والرجال اول ماقرب تركي وشاف نظراته انحاش
تركي:ياااحيووووان تعال ان كانك رجال.. ياكلب انتظر
وجوري حست ان امرها انتهى بس هي مالها ذنب هو اللي جا وراها
اما تركي مسكها وصار يمشي فيها والشرر يتطاير من عيونه
جوري تتألم:تركي انت كذا تعورني وبعدين مو كذا قدام الناس فك ايدي
تركي حاقرها دخلوا البنايه و واقف قدام المصعد ينتظر يفتح الباب
تركي: اذا ماربيتك
جوري: متربيه قبل لا اشوف وجهك
تركي:بعععععد
جوري:انت افهم السالفه مو تجي كذا خبط لزق ماعندك مخ تفكر
تركي: والله والله والله
اني لأحوسك
مبدأ اني ما أمد يدي على حريم وطول حياتي ماسويتها اليوم بدعس عليه وبدعسك
عشان تعرفين كيف تتكلمين ياتبن وانا شايفك بعيوني تتمخترين تحت
جوري عرفت ان هذا مو مجرد تهديد لازم تهدي: قسم رحت السوبرماركت ابي شغله
تركي بتريقه:ايه صح ماشاءالله الاغراض كثيره.. وهو اصلا ماشاف الاغراض لان جوري
كانت موزيتها عدل تحت العباه فما كانت باينه


_ يااااتركي

تركي التفت كان عبدالعزيز زوج سميره يناديه''موو وقتك انت'':هلا هلا وفك ايد جوري
عبدالعزيز:زين شفتك حنا ماشين اليوم و...

فتح المصعد وهي ما انتظرت لين يخلص شافتها فرصه دخلت بسرعه وتركي واقف مع عبدالعزيز اللي كان توقيته غلط
اول ماوصلت الشقه دخلت الغرفه وقفلت على نفسها الباب :معقد وربي معقد
وتسمع باب الشقه يفتح ويصكه باقوى ماعنده يدورها: جوري ياجوري
جوري ساكته
جا فتح باب الغرفه: افتحي الباب ياحيوانه
جوري هذا وش فيه يحسب سكوتي خوف منه والله ما اخليه يتمادى معي عجزت افهمه وتكلمت بجرأه:احترم نفسك ياحقير
تركي عصصصصب:اناا حقييير افتحي الباااااب بسررررعه والله لا اكسره
جوري:انا ماسويت شي غلط والله رحت السوبر جبت اغراض ليش انت كذا
تركي يرفس الباب: جوووووري ياتبن افتحي احسن لك .. على بالك بتلعبين علي
جوري: ماراح افتح واعلى مافخيلك اركبه انت كذا تعامل الناس وش هالاسلوب ليش كذا صدق انك معقد الظاهر جننت بك رشا
تركي كسر كل شي قدامه:انا معقد والله لا اطلعها من عينك ان ماوريتك ياجوري
جوري:ياشيخ فارق تحط رجولتك على حرمه بالله انت رجال
تركي فقد سيطرته على نفسه: ايييه يحقلك تشككين في رجولتي لاني للان مالمستك انا اوريك الرجوله
جوري هنا خاااااااااااااافت''يمه مجنون ذا ياااربي وش خلاني استفزه لاحول ولاقوة الا بالله وبكت''


سمعت صوت باب الشقه انفتح ورد تقفل''الحمدلله طلع يارب عدي الليله على خير'' قطع تفكيرها صوت باب الشقه انفتح وانقفل بوحشيه
تركي : الحين اوريك الرجال
جوري ضااااعت فيها الدنيا ياااربي رحت فيها
تركي راح جاب مفتاح(مفك) من عند الحارس
يبي يفك صواميل الكيلون
( اللي فيها مسكة الباب)
جوري عرفت هو وش قاعد يسوي ضغطت ع الباب بكل قوتها استعداد
واخيرا فتح الباب
وهي ماقصرت دفت الباب بس قوته اكبر دخل تركي ومسكها من شعرها واستلمها كفوف
مالها عدد وجرها ع السرير ويوخر عبايتها اللي كانت متمسكه فيها كنها درع
جوري تصاارخ:يعني بتثبت رجولتك كذا
تركي: انتي الحكم عطيني رايك اذا كسرت خشمك
جوري تحاول تغطي نفسها وبكت بحرقه: وخر عني ياتركي ترا هذا مايرضي احد
تركي قدر يشيل عنها العبايه وبدا يفك عنها الملابس: انا يالحقيره ينقالي منتب رجال اناااااااا
جوري صااااااارخت وبكت: الللللللللللله لايوفقك علي الدوره


وهو زي المجنون صار يقطع عنها ملابسها:العبي على غيري
جوري:اقسم برب العزه اني صادقه.. شوف الكيس اللي بالارض هذا اللي جبته من السوبر ماركت
تركي لف ع الكيس عرف انها صادقه وطاح وجهه وقام عنها ورجع ثاني مره وعطاها كف جاااامد:وين بتروحين مني وطلع من الغرفه
جوري كانت في حاله يرثى لها مررره تحزن لازم تدق على امها لازم تدق على ابوها والا على طارق
وتقول لهم كيف ضربها وحول حياتها لجحيم وهي اللي عمرها ماقد احد مد يده عليها اخذت الجوال
وهي تبكي
وفجأه دخل: والله العظيم ان تعلمين احد باللي صار مايصير طيب قسم بالله لأحرمك من اهلك


((هو عارف كيف كانت متعلقه باهلها حتى هو متعلق بأهله بس شافه تهديد لها عشان يضمن سكوتها))
كانت تبكي تبكي تبكي تبكي
تركي: تراي حالف والله
هونت وحطت الجوال وقررت تواجه مشاكلها بنفسها

وهو راح الصاله ''كلكم زي بعض يالحريم دموع ودموع وانتم مصايب..
تدعون الضعف وانتم السنتكم تكنس ديره ..معروووووفه حيلكم..
زين اني كفختها عشان تعرف ان الله حق واني ماراح اسكت عن طولة لسانها ..
من اليوم ورايح ماراح اتعامل معها الا بهالطريقه كفوها ''


((جمع في كلامه القاصي مع الداني والمسلم مع المجرم.. اللي شافه من رشا خلاه يكون سلبي ضد الاناث))

وهي مسكينه من قوة حرته من رشا كان يقتص منها

............................

طلع خالد من المستشفى ماتعافى كليا هو لازمه راحه في البيت ..
طبعا ابو تركي بعد مادرى بالسالفه شاف ان الموضوع لازم يحسم ومايحتمل التأجيل..
دق على ابو فيصل وقال له يقابله عند ابو طارق
ودق ع الشباب وقال لهم ياخذون امهاتهم واخواتهم ويسبقونه هناك...

وسبب هالاجتماع هو كشف الاوراق
بكل مايتعلق بريم...........!!!
ياترى وش ينتظرها


نهاية البارت


أبي توقعات حلوه زيكم
*وراكم وراكم ابيكم تستنتجون وش قصة ريم.. فكروا بعمق؟؟

*وش رايكم بتركي؟؟ وتوقعاتكم هل الحاله اللي هو فيها بتخليه يرجع لرشا؟؟

*هل بيتراضى خالد مع الشباب؟؟

*ليش ابو تركي مجمع العائله؟؟

أي مصير ينتظر منذر وترا له دور قوي بالروايه؟؟


قــــــراءه ممتــــــعه

اختكم/ معانده جروحي


..
..
..

 
 

 

عرض البوم صور بياض الصبح   رد مع اقتباس
قديم 27-12-11, 03:08 AM   المشاركة رقم: 10
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 




البارت التاسع



البارت



الاجواء مشحونه

جوري بغرفتها تبكي حظها لمتى بتظل على
هالحال وصلت فيه المواصيل انه يمد يده
عليها.. وتذكرت تهديده وانه بيحرمها من اهله
ليش هالضعف اللي هي فيه قعدت تلوم نفسها بنفسها

سمعت الباب تقفل'' فكه طلع اختنقت من
الغرفه خل اسوي شي'' وقررت تنظف
الشقه وتضيع وقت

ماكمل 5 دقايق الا وهو جاي
شافت بيده اغراض بيض واجبان وعسل
وزيتون يعني نواشف فدخلت بسرعه وهي
كارهه تواجدها في المكان اللي بيكون فيه
وهو راح المطبخ وحطها شمر عن ايدينه
جايع قعد يفكر ''خاطري في البيض بس شلون ما اعرف اسويه
صدق ان خدمة النفس عباده.. مالي الا اقول لها تزين لي
اكل ليش متزوجها واصرف عليها بلاش ''


وراح لها غرفتها مسرع وطراااااااااااااااااخ
صقع فيها كانت راجعه تاخذ ساعتها من ع
المجلى ..والتقت نظراااااااااااااااااتهم

تركي ركز فيها ''يااويلي تذبح جد صاروووخ ول عليها قشطه تنلحس''

وجوري تطالع عيونه دققت في كثافة
رموشه معطي عيونه سحر مو طبيعي والا
هالغمازات محفوره حفر حتى بدون
ابتسامه والا هالشعر اللي رابطه معطيه
شكل خوقاقي'' خساره فيك هالوجه
وهالشعر استغفر الله بس''


نزلت عيونها وتدور طريق تبي تطلع
وهو انتبه انه ساد الطريق بس عناد قام حط ايده ع الباب ..

جوري ضايقتها الحركه لفت بتدخل الغرفه
مسك ايدها ورجعوا يطالعون بعض

جوري:وش تبي؟
تركي وبلهجه مستفزه:زيني لي اكل جوعان
وطلع

جوري : خدامه لك
تركي معطيها ظهره: اهااا طيب
جوري: طيبين


رجع لف لها: تدرين اني احب اللي يعاندني
يعطيني دافع اطلع وجهي الثاني على
حقيقته

جوري: ايه مايحتاج عرفته اهنيك عليه
تركي: طيب ياست جوري وقسم بالله لو ماتروحين الحين تزينين لي اكل اني لا ألعب
فيك لعب

جوري: طريقه ملتويه وبدائيه
تركي: وبعد تتفلسفين.. طيب طيب.. شفتي
الاغراض اللي جبتها ما ابيها.. افتحي الثلاجه
عامره فيها كل شي وان ماطبختي زي
الحريم بيجيك شي عمرك ماشفتيه

جوري تعرف انه متهور وبيسويها فشافت
انها تدحر ابليس وتطبخ له اللي يبي تفاديا
لأي ضرر

وكان يطالعها بنظرات التحدي وماكان وده ينزل عيونه عنها
شاف فيها شي ماعرف يوصفه

جوري: مطول
تركي: وش تبين

جوري: ابي اطلع اطبخ لك السم الهاري

تركي بعدم مبالاه: طيب كثري عشان ناكل
السم مع بعض..
و وخر عن طريقها ودخل غرفته وخلى
الباب مفتوح يبي يراقب تحركاتها

جوري في نفسها '' والله لوما الخوف من
ربي صدق كان زينت له سم يااربي
استغفرك'' وراحت المطبخ

فتحت الثلاجه شافت خضار ولحم وسمك ودجاج وقعدت تفكر وش تطبخ

وهو بعد ماراح لغرفته فتح النت يتابع
الاسهم ومره يطالع التلفزيون ومره يشيك
على ايميله ومره يمسك جواله ومرت ربع ساعه وهو يشم روايح حلوه ومختلفه
كل مره يقول الحين بتزهم علي وانتظر اخر شي استغرب تأخرها تأخرت حيييييل


بعد نص ساعه
تركي''وش تحوس في المطبخ حشى والله لو انه مفطح''
ماكمل جملته الا ويشوفها تحط قلاسات وعصير على السفره

طلع من الغرفه وبحده:تزينين بعير انتي
جوري طناااااااااااااش ماردت
تركي:ليش تأخرتي؟
احقرته ودخلت المطبخ

تركي: نشوف اخرتها

وجابت جوري الاكل وبضمير زينت له كبسه
وسلطه وادام ايطالي اللي دايم تسويه
لأخوانها.. مهما كان هي محاسبه قدام ربي لانه زوجها
ع الاقل ربي يعرف نيتها ويفرج كربتها من اللي هي فيه

تركي يطالع في الاكل ريحته مشهيه ومرتب قعد بدون مايعزم عليها
كانت شهيته مفتوحه وجلس يطفح بروحه.. وهي خذت الريموت وحطت على فيلم


كان ياكل مبهور من اكلها''لا وطبيخه منتيب هينه يا ام لسان''

جلس ياكل على اقل من مهله وكانت تراقبه
من طرف عينها ماقدرت تقول
الا''بالعافيه''!!!

ويوم شبع لازم ينكد عليها: الله يكرم النعمه
لو اني ماكل في مطعم احسن لي ...سااامج طبخك اكل المستشفيات احسن منه

جوري انقهرت ماحبت ترد وقالت في نفسها''مالت عليك كفوك تونه ويخب يامتيم رشا''
وقامت تلم الاكل


تركي شاف وجهها باين انه رفع ضغطها استانس ع الاخييييير



.....................


بيت فيصل ومنى
الساعه 2 الفجر


منى:ااااه
فز فيصل من نومه:منى وش فيك
منى:فيصل شكلي بولد

فيصل:بدري على ولادتك يمكن آلام ..
انتي ماسمعتي امي قالت بتزيد عليك

منى:تكفى فيصل خل نروح يطلعونه مني
فيصل ضحك:وشوو هو على كيفك باقي اسبوعين على ولادتك

منى:ايه اضحك مرتاح ماتحس باللي انا فيه
فيصل:والله ماني مرتاح وحاس فيك

منى:نصاب منت حاس
فيصل:مناوي ماعاد بقى الا اقول ياليت اللي فيك فيني

منى: عادي وش فيها
فيصل:اتخيل شكلي حامل تصدقين بطلع اخقق
منى ضحكت

فيصل:يلا نامي لو هي ولاده ماقعدتي تسولفين واضح انها كانت انقباضات وراحت
منى تحسس على بطنها راح الألم: ايه راح..
والله يافيصل احلم باليوم اللي ارتاح من هالحمل

فيصل بغمزه:ليش مستعجله؟
منى:على وشوو

فيصل:اللي بسببه انتفخت هالكرشه
منى انحرجت:يوووووه والله فاضي نام احسن

فيصل:ههههههههههههه
منى: وبعد تضحك

فيصل: والله لو تعرفين وش جواتي كان قلتي كل هذا فيك وتضحك
منى بخوف: ليش وش صار
فيصل: نامي نامي بكرا بنعرف كل شي


..............


في بيت ابو تركي
تحديدا غرفة نادر
نادركان يكلم طارق

نادر: انت متأكد؟؟
طارق: مثل ماني متأكد انك قاعد تكلمني
الحين

نادر: والله ماني متطمن

طارق: والله ماجبتله خبر سالفتها مع منذر
قسم بيقلب الدنيا انت ماتعرفه ..
كفايه الشاب يوم دروا كانوا بينصرعون.. خل نحل
السالفه بروحنا مانبي الكبار يتدخلون

نادر: ايه تكفى ترا هالموضوع حساس حيل
فيه عار وسمعه وابوي سمعته فوق والله
بيقتلها

طارق: وانا اللي بقتل منذر

نادر: ياغبي بتضيع مستقبلك عشانه

طارق: مو قتل قتل بس بتشوف مع الايام
بخليه يكره هالطريق هالواطي

نادر: اهم شي مانجيب سيره لهم عنها وعن
منذر..

طارق: ياخي خلاص فقعت مرارتي خلنا
في المصيبه اللي تنتظرنا بكرا.. انت ناسي
بتجتمعون عندنا

نادر: طيب وش الفايده؟

طارق: حل للخلافات بطريقه مدروسه
ومنهجيه ووضع خطط فعاله ومجديه
للمستقبل

نادر: انعن هالراس ايه استهبل فاضيلك انت و وجهك

طارق: والله ما استهبل هذي جملة ابوك اللي دايم يقولها ماجبت شي من عندي ..
بكرا بتجينا علوم وتنتظرنا اشياء الله اعلم فيها.. خل نفكر

نادر: انا عقلي متوقف والله ماني قادر افكر
المصايب اذا جت تجي مره وحده

طارق:بما ان الكذبه مشت عليهم اتوقع بكرا
بيصير تحقيق ملعون جدف يعني هيئ نفسك لأي شي

نادر: يحوووول يعني بكرا بنشوف الجانب المشرق من وجه ابوي ..

طارق: لا خلاص دام اتفقنا ان شاءالله بيعدي الموضوع

نادر: ايه مررررره انت داري انه بكرا بعد ناوي يقول لهم سر ريم

طارق: احلللللللللللف لااااه

نادر: والله سمعته يكلم عمي سلطان.. يعني بكرا الحرب العالميه الثالثه

طارق: الله يستر بس
نادر: الا تعال انت وش دراك عن سالفة ريم

طارق: انا من زماااان ادري بس ابوي
حلفني اسكت

نادر: المهم
طارق:وشوو

نادر:خلنا من سالفة هالريم الزفت وخل نتفق عشان مانخورسالفتنا
طارق: مالنا الا ندعي يعدي الموضوع على خير.. عذر خلافنا مع التبن خالد
لازم يصدقونه بأي حال من الاحوال

نادر: طيب حبه حبه يوم سألوا خالد عن
سبب الخلاف وش قال لهم بالضبط

طارق: قال لهم بعد ماطبخناها انا وياه ان
السبب انكم تكلمون وصادف ان اللي
تكلمونها هي وحده

نادر: وشششو وشششو وشششو
طارق: ايييييييه هذا اللي نبيه سبب كبير مو
سبب صغير يخلي شكوكهم تزيد ضدنا .. انا
يوم سمعت الاحتمالات اللي قالها ابوك قلت
ليش ما اخذ وحده منها بس بجيبها بطريقه ثانيه

نادر: اصلا انا مو حق بنات مالقيت الا
هالسبب

طارق:وش اسوي ضاقت بي السبل
نادر:طيب كمل وش قلت

طارق: قلت ان خالد كان واعدها بالزواج
ويعرفها من فتره ونادر كان يكلمها يلعب عليها ..
سألوني شلون عرفوها قلت صديقة ريم هي اللي عطتهم

نادر:ياااااااااااكبر شرهتك ... ياكبرها عندالله
وش سويت وليش ماقلت لي

طارق: اعرفك حمار ماراح توافق عشان كذا غطيت هالنقطه عنك

نادر: سخيييييييييييييف .. ما اتوقع يصدقون
احس واضحه انها كذبه

طارق: هذا لانك حاط فبالك انها كذبه..
وابشرك عمي استانس ان لريم يد في الموضوع هو يبي لها طرف بأي طريقه..
عشان كذا عجل باجتماعكم عندنا

نادر: ياااخي ذي اختك وش سويت.. لو انا سويت كذا عادي ما أنلام
بس اختك ذي عارف وش معنى اخخخختك

طارق: ما اتشرف بوحده مثل ذي والله اني انتظر متى اشوف وجهها
بعد مايقولون لها االمفاجأه

نادر: قصدك مفاجعه
طارق :اللي هو ..وعلى فكره بقول لك شي يمكن يمكن تكرهني

نادر: اكيد مصيبه
طارق:شبه
نادر:زين اخلص وشو

طارق: زدت بهارات وطلعت فيك اشياء قلت ان نادر نذل عيا لايترك البنت المزعومه
وكان يلعب عليها بالرغم من ان خالد كان متعلق فيها ويبيها بالحلال..
واخر مره قام نادر يستهين فيه ويتكلم عن
مكالماته مع البنت وخالد ماتحمل وتطاقوا
وصار اللي صار

نادر: سود الله وجهك الله ياخذك قل امين....والله ياعقابي عند ابوي شين

طارق: عندك عقاب والا دم عار وسجن
وحاجات حنا في غنى عنها

نادر: والله اني حاس بتصير علوووووم..



........................



اليوم الثاني

الساعه 11 الظهر
خربت خطة ابو تركي لان الوضع ماجا على
ما اشتهاه كان وده يضرب عصفورين بحجر
بحل خلاف الشباب وبمعرفة اسبابهم
وبكشف ريم وكان كشف ريم هو الشي
الوحيد اللي زاد حماسه لانه ينتظر هالفرصه من زمان..

بس جت سفره طارئه لام تركي خالتها
بالقصيم توفت فاضطر عبدالرحمن يوديها
هي وندى ومنى...

وطارق انشغل بصفقه مع واحد جاي
خصيصا لهالمهمه من البحرين بخصوص
منتجعات ولأن ابو تركي حريص على
الشغل سمح لطارق يتخلف عن الروحه..
وبكذا شاف انه يأجل الكشف عن سر ريم
ويخليه على مشكلة الشباب المزعومه


وكان طول الليل يفكر كيف يحلها وكيف
ينتشل نادر وخالد من براثن هالبنات
الضايعات وكان حريص كل الحرص انه يبعد
الشباب عن هالطريق عشان مايتهور اي
واحد فيهم بعلاقه شريفه او آثمه ويضطر
يقبل دخول دخيله ع العائله والسبب انه
مايبي حلال العائله يطلع برا..

يعني كان الموضوع بالنسبه له فلوووووس..

بعد العشاء اجتمعت العايله التوتر سائد
الكل كان يترقب مصير نادر وخالد وكانوا
ضايعين بالطوشه لأنهم مو قادرين يتنبأون
باللي في راس ابو تركي

دخلوا البنات عند ريم
والحريم بالصاله
والشباب مع الاباء في المجلس

نجي عند البنات.. كل وحده تفكر وتحلل وتستخلص وش اللي بيصير ..
مية تحليل وتفسير وكلها غلط

ساره:الاكيد انه بيصالح العيال مع بعض
دانه:والله يسوي خير

ريم:لا ما اتوقع.. عمي محمد يحب يكبر
المواضيع احساسي يقول انه ناوي على شي

دانه: يعني جت على ابوي.. ليش ماتلومين
خالد السفاح سبب المشكله

ريم:احترمي نفسك تلقين نادر غلطان عليه واخوي بياخذ حقه

دانه:احلفي بس.. يعني كل ماصارت مشكله
حتى لو انها كبيره يسوي فيها رجال ويذبح
اي احد

ريم: يدافع عن نفسه اكيد المغفل نادر هو اللي بدا

دانه: يعني حكمتي خلاص.. اقول انثبري
ياتتكلمين زي الناس والا اقفلي بلعومك

نوف: والله انكم ماتستحون.. وش رايكم
انتم بعد تسوون اللي سووه

دانه: ماتشوفينها شلون.. نجي يمين تجي يسار نجي يسار تجي يمين

نوف: ان شاءالله انه بيصالحهم ونفتك..
مافي الا ذا العذر لسبب وجودنا هنا

ريم:مدري يمكن.. ولو فكرتي بتلقين الاعذار واجد
ساره: المشكله مافي سبب شين وزين الا قلناه
ريم: لا اكيد فيه اسباب بس حنا مانشوفها
نوف: والله انا اللي متلهفه اعرفه الا
اموووووت سبعين موته واعرفه هو سبب
هواش نادر وخالد وطارق والله احس شي كايد

ساره: الله ياخذ ابليسكم قولوا امين
البنات:ليش
ندى: تضيقون الخلق وش فيكم مكتئبين
تفائلوا بالخير..

دانه: ان شاءالله انه خير.. بس يختي والله
شي يحير هواشة الشباب ماهيب شي
وتوصل المواصيل للذبح والمذابح

نوف: والله صرنا في امريكا قتال الشوارع وسلاح ابيض ودم

ريم: انا اللي اعرف ان خالد عصبي بس عمره ماتهور
ساره: على ماسمعت ان طارق هو السبب

ريم بحده: الا نادر هو راس الفتنه
دانه: حسني الفاظك تراه ولد عمنا
ريم: انتي ليش ندافعين عنه ترا حتى طارق وخالد عيال عمك

دانه انحرجت وسكتت

ساره تهدي الوضع: خلاص اقصروا الشر الا
ياريم انتي ماشميتي خبر منا والا منا
ريم: لا والله بس نادر كان معصب علي مره مدري وش فيه
ساره:والله عايلتنا صار فيها اسرار..



...................



نهاية البارت التاسع

..
..
..

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة, للكاتبة معانده جروحي, ليلاس, معاندة, الدنيا, العم و تجبره, العجيبة, العجيبة.., القسم العام للقصص و الروايات, تحميل الروايه على ورد و تكست بالصفحه الاولى, تركي و رشا, يالبيه, يالبيه يا الدنيا العجيبة كاملة, جروحي, قصه مكتملة, قصه سعوديه
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:45 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية