لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 25-12-11, 07:30 PM   المشاركة رقم: 116
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,194
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


الجـــــزء الثامــــن والعشرون







((..الحــــب..))









قـــالو تحبه قلت..ماهو بالحيـــل..

بس انه اغــلى شوي,, من نور عيني..

يسوى جميع الجيل الاول ...وهالجيل..

احبابي الماضـــيني... والمقبلـــيني....



























عيّا لا يطلقني..

قالها وهو يركن سيارته بالباركنج..

زياد:عيّا ايش؟؟؟؟

فيصل:عيّا لايطلقني....طلّع المفتاح وفتح الباب

زياد:هههههه هههههههه

فيصل:عسى ماشر يازياده قايل نكته انا؟؟؟

زياد:ياخي استح على وجهك..عيا لايطلقني ليه متزوجه الشيخ يافصيله؟؟؟

فيصل:زياد تدري انك احظ مخاليق ربي

زياد:ايه ادري..اللهم لاحسد

فيصل:قسما بالله لو انك بس قدامي كان ارتكبت فيك جريمه يالتعبان..زياد ابفهم متى تعقل؟؟؟

زياد:الله ورسوله اعلم..انت ادعيلي بس

فيصل:فااارق عن وجهي الشرهه مو عليك علي انا اللي مكلمك

زياد:طيب فارق...اشوفك للحين ماسكرت

فيصل:الحين شالسوّاة؟؟

زياد:قول لابوك وهو يكلّم عمك..ولا تدري كلمها على طول

فيصل:الله يهديه الشيخ عنّد..ولا كان الحين الصك بيدي

زياد:خيره يابن الحلال

فيصل:اي خيره؟؟؟ بالعكس الحين ضاق صدري اكثر واكثر..احس انها بتحسبني متلزّق فيها واتعذّر

زياد:انت فهمها الموضوع..وبعدين سهله طلقها اليوم مافات شيء..

فيصل:انا افكر كذا..بس بقولها علشان تبدى تعتد من اليوم..وبكره ان شاء الله اروح للمحكمه وان شاء الله يطلعلي شيخ حبيب ويمشيها لنا..

زياد:ايه لاتخاف سهله..انت داومت؟؟

فيصل:توي دخلت المستشفى

زياد:زين اشوفك انا عندي موعد وبجيب ليلى تزور..

فيصل:خلاص ..مع السلامه

زياد:الله يسلمك...





ليلى:وش فيه فيصل؟؟؟

زياد:مافيه شيء..خلينا نطلع من السوق موعدي مابقاله شيء

ليلى:خلاص نطلع..بس فيصل شفيه؟؟؟

مسك ايدها والتفت عليها

زياد:بسرعه امشي ..خلك مثل اللي قدامنا مشاء الله عليها كأنها بماراثون

حررت ايدها منّه والتفتت على البحيره اللي مزينه وسط السوق وهي تمشي..

زياد:شوفي بعد لثلاثه ان مارجعتي ايدك ترى بجلس هنا واترك موعدي

شبكت ايدها على طول بس لا زالت مطنشته...طنشها..وطلعو من السوق..

ركبو السياره وقصّر صوت الراديو..شغّل التكييف..وقبل لا يحرك السياره

زياد:مو كل شيء بيني وبين فيصل لازم تعرفينه..هو لابغى يقولك شيء بيدق عليك ويقولك..

طاح وجهها..هو صادق..قالت بخجل بان من صوتها

ليلى:اسفه..

ابتسم

زياد:طيب طالعيني..

التفتت عليه

زياد:لا تتأسفين ..حنا مابينا اسف..انتي مو متعمده هالشيء..واحنا زوجين واي واحد منا يسوي شيء مايعجب الثاني ينبهه ..

صح

ليلى:طيب انت سويت شيء مايعجبني

حرك السياره وطلعو من المواقف ومسكو الشارع الرئيسي

زياد:وشو ياقلبي؟؟

ليلى:تعلٌق على البنات قدامي..

زياد:هههه امزح معك..وخلاص ماعيدها..

ليلى:بشوف...

زياد:اسمعي مابقى شيء على اذان الظهر..بنزلك بالبيت وجهزي كرتي واذا تبين تاخذين شيء لجدتك واول مااطلع من المسجد ادق عليك وتطلعين..

ليلى :خلاص ان شاء الله...





























********************





































زين اجل اخليكم تنامون الحين ..قالتها وهي تولّع شمعه..

وانتظرت ثواني وبعدها قالت لامها

عهود:يماه خلوها بعد العصر بشوي يعني لين تبرد الشمس..وان شاء الله تخلصون العمره قبل صلاة العشاء..

ام مؤيد:لاتشيلين همنا..يلا انتبهي لنفسك ولزوجك ولاخوك..ولاتنسين زوري عبير والجده

عهود:ان شاء الله بحاول الليله ازورهم..اذا خلصتو عمره دقي علي

ام مؤيد:ان شاء الله..

عهود:يمه ادعيلي

ام مؤيد:انا دااايما ادعيلك..الله يحفظك ويسعدك ياااارب..ويحنن قلب ابو محمد على ناصر

عهود:ايه يمه ادعيله

ام مؤيد:دايم ادعيله..يلا يمه طولت مع السلامه

عهود:الله يسلمك...سكرت من امها وزفرت...ناصر سامحني ولا للحين حاقد علي؟؟؟تحررت دمعه من عينها..حياتي اللي اعيشها بسبة طيشي وانا بزر..يااربي بزر بزر ليش مايسامحوني...بزر لماجرحتك ياسالم..وبزر لما تعلقت فيك ياناصر لحد الجنون..يااارب يااارب يسامحوني..

مسحت دموعها وتركت اللي بيدها وراحت لجناحها...اخذت صندوق مزين بالورد الاحمر..حملته بيدينها ونزلت فيه لتحت...

نادت الشغاله

عهود:امسكي وديه للسواق خليه يوديه للشركه ويعطيه مستر سالم اوكيه

الشغاله:اوكيه...





































*************************

































تردد..وشلون يبدى الكلام معها..لازم ينهي الامر اليوم..

طيب ليش مااقول لسليمان؟؟؟..لا اقولها هي براسها احسن..

مسك سمّاعة التلفون وضغط على الارقام وهو متردد...

جاه صوتها من اول رنه

عبير:الو..

بلع ريقه وحزم امره

فيصل:السلام عليكم

عبير:وعليكم السلام ورحمة الله وبركاته..هلا فيصل

فيصل:شلون جدتي

عبير:بخير الحمد الله..

فيصل:قاعده هي؟؟

عبير:لا والله نايمه..احم..انت شلونك؟؟

فيصل: زين الحمدالله

عبير:الحمدالله..بصراحه استغربنا انا وجدتي انك مازرتنا امس وسليمان يقول انك تعبان..

فيصل:لا مافيني شيء بس ارهاق شوي..احم..طيب بصراحه في موضوع ضروري ومهم..

عبير:وشو؟؟

فيصل:ماينقال بالتلفون..انا كنت بقول لسليمان..بس انتي صاحبة الشان..اذا ماعليك امر ياليت تجين لمكتبي..مابي جدتي تسمع

عبير:لهالدرجه مهم

فيصل:ايه..

عبير:طيب الحين اجيك..بس وين مكتبك ناسيته

فيصل:اسألي اي ممرضه وبتدلك عليه

عبير:خلاص ان شاء الله...مع السلامه...سكرت السماعه وبسرعه اخذت شنطتها وفتحتها وحمدت ربها انها بكل شنطه عندها تحط فيها قلوس وكحل وبلاشر وعطر صغير وفلوس..للاحتياط وللحالات المفاجئه..































كان يرسم ويشخبط بورقه قدامه..اندق الباب..عدّل جلسته وعقد حواجبه وقال ببرود..

فيصل:تفضل..

دخلت وبيدها كوب عصير كيوي وباليد الثانيه عصير فراوله..

نسرين:هاااااي..شخباارك؟؟

نزل عيونه للورقه اللي قدامه ورجع يشخبط فيها..كان متوقعها عبير,,

فيصل:زين..

نسرين:بااين وواضح من صوتك..نزلت الكوب على الطاوله..اشرب عصير الكيوي وبتروووق..ولاتدري قوم نطلع للكافتريا ماظنتي عندك مواعيد الحين..

فيصل:لا ماعندي..بس مابي اطلع مالي مزااج..

جلست على الكرسي

نسرين:فيصل شفيك هاليومين متغير..

فيصل:كذا..مالي مزاج..

نسرين:يوووه ياشيينك وانت مبوّز و

لا قووومي الزقي فيه احسن واحضنييه علشان يروووق يالساااااااااااااااااااااااافله

مالتفتت على اللي وراها لانها عرفتها واكتفت بمطالع فيصل..

اللي ركى وجهه بايد وحده وبدى ينقل النظر بينها وبين عبير..

عبير:ليه ماتردين يالمنحطه وين لسانك يالعقررررب؟؟؟؟

وقفت والتفتت عليها

نسرين:احترررمي نفسك ان كان فيه منحط فهو انتي

عبير:ليييييه شقالولك عني؟؟ادور من دكتور لدكتووور اتلزق فيهم عل وعسى احد يعطيني وجه؟؟؟؟

اجتمعو الممرضات القريبات من المكتب..

ماعجبه الوضع..مو ناقص مشاكل وقيل وقال وشوشره..

وقف وراح للباب وسكره..وقال بهدوء

فيصل:وين حنا عايشين فيه؟؟؟اتوقع انكم بمكان محترم تبون تكملون هواشكم اطلعو بررى

عبير:وش قلت؟؟؟مكـــان محترررم!!!!

قال بلهجة تهديد

فيصل:اطلعي من هالمكان قبل لاعلمك شغلك

ابتسمت نسرين وانقهرت عبير

عبير:ايييه تبيني اطلع علشان تستانــــس مع هالواطيه ..انت مااااتدري عن بلاويها هالحقيره دايما ترسل على جوالي وتتكلم عنك وتقول انك اكبر مغازلجي بالمستشفى وانك تتلزق فيها وانك تسببت على وحده بالطلاق و..قاطعتها بصوت عالي

نسرين:كذاااااااااااااااااااااااابه فيصل لاتصدقها هذي من الحره ومن الغيره

عبير:هييييء انا اغاااااااااااااااااار ومنك انتي لييييه واااطيه زيك؟؟؟؟

نسرين:ايه مقهووره..

فيصل:بـــــــــــــس انطمي انتي وياااها برررى

نسرين:فيصل لاتصدقها تراها تكذب

فيصل:ادري انها تكذب ...

عبير:يعني تصدقها وتكذبني الحين افتحلك جوالي واوريك مسجاتها علشان بس تكشفها على حقيقتها ..طلعت الجوال من الشنطه وفتحت المسجات ومدته لفيصل..ها شوف علشان تصدقني

عضت على شفايفها وهي ميته من الخوف

طالع بنسرين ورجع طالع بعبير

فيصل:دخلي جوالك ماني بحاجته..انا مصدق نسرين..

ركزت بعيونه..هذا شيقول

عبير:انت شتقول؟؟؟

فيصل:انا..مااكذّب..نسرين..

عبير:وتكذبني انا!!!!

فيصل:ايه..نسرين ممكن تتركينا لحالنا..

بلعت ريقها وهي تحس ان اللي صار حلم..فيصل يدافع عنها..قالت بخجل وبحب

نسرين:ان شاء الله..وطلعت وهي تعطيه ابتسامه..

عيونها تعلّقت بالارض..مصدومه..لهالدرجه يحبها..يكذبني ويصدقها..

فيصل:اجلسي بكلمك بموضوع

عبير:مو جالسه..انت من كل عقلك تصدقها وتكذبني؟؟؟؟

جلس بالكرسي ورى مكتبه

فيصل:طيب على فرض صدقتك وكذبتها وش تستفيدين؟؟؟

عبير:استفيد انك تكشفها على حقيقتها

فيصل:واذا كشفتها على حقيقتها؟؟؟

قالت بسرعه..

عبير:ماتتزوجها...

ههههههههههههه

استغربت ضحكته..

عبير:ليش تضحك

اخذ نفس وقال

فيصل:لا اشوى بنت عمي خايفه على مصلحتي...على العموم انا بس حبيت اوريك شلون كنتي تصدقينها وتكذبيني..اتوقع وصلك هالاحساس..

دارت بظهرها وهي تحس انها بأي لحظه ممكن تنفجر بالصياح...احساسها بالندم يخنقها

فيصل:لحظه وين بتروحين في موضوع مهم ماتكلمنا فيه

استجمعت قواها وقالت بصوت يالله ينسمع

عبير:وش فيه بعد؟؟

فيصل:اجلسي الموضوع طويل..

جلست وسكتت صوتها مو راضي يطلع..

انتظرها دقيقه يبغاها تأذنله بالكلام..بس طولت فكمل حديثه



فيصل:ادري راح تتضايقين من هالموضوع بس هذا اللي صار..يمكن سليمان فرّحك امس وقالك اني برسل ورقتك اليوم...انتظرها تقول ايه..بس ماقالت..كمّل..رحت للشيخ بس للاسف رفض..قال اني كنت غضبان..قلتله اني ماندمت ولازلت مصر على الطلاق بس رفض..قلتله طيب بطلقك الحين وبعد رفض..هذا مو معناته انه مارح تطلقين لا ..بكره ان شاء الله بروح لشيخ ثاني وبطلقك..بس بترجعين تعتدين من جديد..لانه عدتك الاولى مو محسوبه..انا قلتلك لاني ابي هالموضوع سر بينا اذا تبين الفكه مني..لان لو درو اهلنا احلمي بالطلاق..رح يمنعوني وجدتي بتقعد تحلف..فأنسب شيء خليها بينا..ومحد بيكشفنا..اتفقنا

قامت بسرعه وطلعت وسكرت الباب وراها بقوه..

زفر بملل

فيصل:يعني انا اللي ميّت عليك ..وشْدخّل الباب يوم تعصبين عليه ..روحي للشيخ اللي رفض يفكك مني..













وين تروووح ..تبي مكان فاضي تبكي فيه براحتها...بسرعه قادتها رجولها وراحت للمصلى..مافيه احد بهالوقت..

جلست بوحده من الزوايا وضمت رجولها لصدرها وركت جبهتها على ركبها وانفجرت صيــاح...































******************







































الساعه الواحده ظهرا...



وزّعت الكريم على بشرتها برقه..اخذت قلوس فوشي رايق ورطبت شفايفها..

بخت من عطر دكني الاخضر لانه يناسب الوقت..مررت اصابعها على خصلات شعرها حتى تزيد من كثافته..

اندق الباب..وانقهرت لانها بخت العطر المفروض تنتظر لين يجي الفطور وبعدها تحط العطر..الحين ملزومه تقوم خالد..

قربت منه وحطت ايدها على كتفه..

ميساء:خاااالد..خااااااالد..خاااالد..قوووم..خااااال د

خالد:همممممم

ميساء:قوم افتح الباب صارله ساعه واااقف قووووووم

خالد:مين

ميساء:انا طالبه فطور

خالد:لا طالبه مدرسه احسن

ميساء:هاها ها ..يلا قوووم

انقلب على ظهره وزفر..

خالد:اوووه من فاتح الستاير اعميتيني

ميساء:مادريت انك قنفذ..يلاااا قوووم الحين بيروح

خالد:افف طيب ..رمى الحاف عليها وقام..





































***********************


 
 

 

عرض البوم صور ♫ معزوفة حنين ♫   رد مع اقتباس
قديم 25-12-11, 07:31 PM   المشاركة رقم: 117
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,194
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


ضغط على ايدها وهو يشوف على قدام..

مَلَزْمَه مَلَزْمَه ولَّا نص نص..؟؟؟

ليلى:براحتك ماتبيني ادخل معاك عادي..بس تراني بزعل..

زياد:اوكيه ..بس الدكتور زميلي..صعبه تكونين معي

ليلى:بس توعدني تقولي كل شيء يقوله لك وماااتكذب علي..

زياد:خلاص ان شاء الله..

ليلى:وعد

زياد:بدون مااوعد..اصلا بزود كلام من عندي علشان تدلعيني اكثر والتفت على جنب وهويسمع وحده تناديه..

ابتسم ومد ايده على طول لها

غابي:هلوو دكتور زياد هاو اريو

زياد:الحمد الله انا زين..وانتي

غابي:كويس..انت يرجع

زياد:لا..عندي موعد..ثانكيو غابي وابتسم لها ومشى..

وصلو لعند جناح جدتها..

زياد:ادخلي قبلي يمكن فيه احد عندها..

ماردت عليه..طقت الباب ودخلت..وطلعتله بسرعه

ليلى:اذا بتدخل مافيه احد..ودخلت

رفع حاجب وهو يخفي ابتسامته ..زعلانه لاني كلمت الممرضه..تحمحم ودخل...































********************

































ياسلااااااااااام ليه عايشه لوحدك انسه ميساء؟؟؟

شربت كوب الكابتشينو ببرود ولا ردت عليه

عصب وصرخ فيها

خالد:اكلــــم جداااار انا؟؟؟؟؟

خافت منه وخصوصا وجهه صار احمر..نزلت الكوب بايد ترجف

ميساء:كنت نايم علشان كذا طلبت لي لحالي..ياخي اذا تبي هذا التلفون عندك..اطلب

تكتّف وميل براسه على جنب وقال باستهزاء

خالد:اهاا..كنت ناايم..ودامني نايم ليه تقوميني اللي هو انا النايم علشان فطورك..ليش ماخليتي النايم يكمل نومه ليش تقومينه؟؟؟؟

بلعت ريقها بصعوبه..

ميساء:مابغيت اقومك..بس انا متعطره وريحتي فايحه ومايجوز افتحله اخاف ريحتي يشمها..

خالد:اها..طيب الستاير بتتسكر ونور واحد مابي المحه صوت ..لا مو صووووت نفس بس نفس ماااابي اسمعه واول مايذن العصر تقوميني سااامعه ..

ميساء:سامعه..بس ماتبي تتغدى

خالد:الظاااااااااااااهر اني اتكلم عربي..ورمى نفسه على السرير بعد ماتسكرت الستاير وانتشر الظلام بالغرفه...



























*****************

































ملّت لحالها..جدتها نايمه وعبير مو موجوده..لبست نقابها بتروح لفيصل وبتشوف اذا فاضي بس انفتح الباب..

ابتسمت لما شافتها وقالت بفرح

ليلى:ويينك انتي حسبتك مرافقه اثريك توك تجين من البيت

فصخت نقابها وبانت عيونها المنفخه..

عبير:لا ماكنت بالبيت..وسلّمت عليها..انا بالمصلى جدتي للحين نايمه

ليلى:ايه..عبير شفيك..كنتي تبكين؟؟

جلست بجنب ليلى

عبير:لا..

ليلى:عبير قوليلي شفيك.؟؟؟

عبير:لا مافي شيء مهم..انتي شخبارك؟؟

ليلى:انا زينه..عبير سامعه شيء مو زين..تعبانه..قوليلي

عبير:مافيني شيء صدقيني..غريبه جايه الظهر ماظنتي انه وقت زيارات

ليلى:لا جيت مع زياد عنده موعد قلت بالمره اجي معاه..تغديتي

عبير:لا..

ليلى:تبين من المطعم ولا ادق على امي..

عبير:بدون ماتدقين خالتي الحين ترسل...

ليلى:عبير من جد مو متطمنه حاسه ان فيك شيء

عبير:ليلى سكري على الموضوع..

ليلى:طيب..بس بسأل..صار بينك وبين فيصل شيء كلمك بشيء..انتي ماحاولتي تعتذرين منه

رطبت شفايفها

عبير:لا..ليش

ليلى:عبير اسمعي كلامي واتصلي عليه..اعتذريله وصدقيني بيسامحك..انا عارفه فيصل زين هو ينتظر بس كلمه منك علشان يرجعلك..المكابر ماينفع..

عبير:انا وفيصل خلاص..مانقدر نعيش مع بعض..ورجاء ليلى لاعاد تفتحين هالموضوع بالذات لاني بنساااه

ليلى:مابي اضغط عليك ولا ابي اتدخل بينكم..بس لو تسمعين نصيحتي كلميه..عبير ترى الطلاق مو زين..انا جربته وعانيت منه..وبعدين فيصل زين..مو علشانه اخوي انا اقول هالكلام..بس

قاطعتها..

عبير:عانيتي..ودامك عانيتي ليش مارجعتي لناصر على الاقل كان يحبك مو مثلي..

ليلى:انا وناصر مابينا نصيب..وبعدين فيه فرق بين ناصر وفيصل وانتي فاهمه قصدي..

عبير:ناصر شك فيك بس يحبك..وضحكت باستهزاء..اما انا..

ليلى:وش تقصدين؟؟

قالت تغير الموضوع...

عبير:دقي على خالتي خليها ترسل الغدى بدري علشان نتغدى مع بعض اخاف زياد يجي وياخذك واقعد اكل لحالي..

































******************



























العصــــــر..





شربت رشفه من كوب العصير وقالت بملل

ام فراس:تستاهل اصلا طوول عمرها مغروره واهملت بيتها وزوجها

تماضر:مامي اش قاعده تقولي..المسأله مسألة مبدأ..بعدين طبيعي بتهمل بيتها لانه حالتها النفسيه بتكون زفت..

تخيلي انتي تكوني بمكانها زوجك يسافر وبكل سفره يرجع وبوقاحه معه اثار دنائته ايش بيكون موقفك..اكيد بتنجرح انوثتك وبينجرح كبريائك..اصلا مارح تقدرين تتوازنين وبتهملين عيالك لانك موقادره ..

ام فراس:ياما في حريم زيها ومااهملو عيالهم..بالعكس عيالهم طلعو احسن عيال

تماضر:قدرات الانسان تختلف من شخص لاخر..فيه ناس عندها قدره على التحمل وتقدر تواصل العيش مع زوجها وكأنه الامر طبيعي..وفيه ناس من قهرها تحط الحره بعيالها سواء بالايجاب او بالسلبيه..يعني تهتم بعيالها او تهملهم..

شموخ:اكيد هي اللي قصرت بحقه..ولا وش يخليه يروح لمره غيرها

تماضر:يماما لو ضويتيله اصابعك العشر مايرضيه ويدورله عذر..انا ماني عارفه ليش تدافعون عن الرجال والمظلومه هي من جنسكم..

شموخ:حنا مع الحق..

تماضر:اذا مع الحق فـأم شيخه ماقصرت معاااه ابدا..اصلا ماكانت تطلع من البيت ابدا بس لانها تخاف يرجع بأي لحظه ومايلقاها..ومافي احسن من شكلها ونظافتها واهتمامها ببيتها وبنفسها ...

شموخ:يعني عمي الغلطان

تماضر:ايه هو الغلطاان..رافق شله فاسده ومن بعدها عليه السلام...

ام فراس:خلونا من سيرتهم ..ترى الليله مسويه عشاء لوحده من صديقاتي..مترقيه بشغلها..لاتطلعون لمكان لازم تكونون موجودين..

شموخ:اوكيه مام..تماضر قومي معاي نروح لعمي ونطلبه يطلقها

تماضر:ههههههههههه ضحكتيني..عمك سافر

شموخ:سااااافر

تماضر:ايه سافر..انا بروح اريح شوي علشان يصير عندي طاقه للسهره..اوكيه..

ام فراس:اوكيه...































******************







































اوششش خليني اتابع

ميساء:خالد ابي السوق الحييين الله يخليك قووم

خالد:العن ام الزيين يانااااااس ..اخخ بس..

ميساء:من تقصد؟؟؟؟؟؟؟

خالد:لميس ابو شعر..ااااه ياميساء عذاب هالبنت..

مايدري شاللي صار..ثواني التلفزيون مطفى وشخص ثاير قدامه ووجهه احمر وتنفسه سريع..وويبكي..

بلع ريقه..هو اكره ماعليه دموعها..هو يبي يستفزها بس مايبيها تبكي..

كان يستمع لدرس بالاخلاق منها..رفع عينه ولا لقاها قدامه...قام وراح لها ..

كانت راميه نفسها على السرير وتبكي..

خالد:ميساء افا تبكين...

ميساء:ابكي اموت اضحك مااااااااااااااااااااااااااالك دخل

خالد:وانا احسب مالك خرج..الله يهديك ليه ماقلتيلي علشان اضيفه ونذبحله ذبيحه ياحيف على ميساء بنت ابوفهد..

حط ايده ورى رقبته لما ماعبرته..زفر وجلس بجنبها..

خالد:ميساء..ماقصدت شيء..

عدلت جلستها ومسحت دموعها ووقفت واخذت عبايتها من الارض

ميساء:تقصد ولا ماتقصد انت مااااتهمني تسمع مااااااتهمني مااابي اسمع منك شيء..والحين يلاقوم ودني للسوق ولابنزل اخذ تاكسي

خالد:افا يعني مااهمك..اهون عليك

ميساء:والله ماخذ بنفسك مقلب ايه تهون وتهون

قال وعلى وجهه ابتسامه ماكره..

خالد:يعني اروح للميس ابو شعر

ميساء:ووووووع بتتفل بوجهك تبدل يحي فيك انت..انت حتى زبال لها ماتقبل فيك..ولفت الطرحه عليها ولبست نقابها وطلعت ..ولحقها وهو يضحك...











ركبت السياره وهي ساكته وهو واقف يتفرج على شكله برى..انقهرت فتحت الباب وطلعت

ميساء:انت بتمشي ولا ترى باخذ تاكسي

خالد:لا خلاص بمشي اركبي اركبي...

ركبو وتحركت السياره..

وصلو السوق..وقف عند المدخل وقال قبل لاتنزل

خالد:يكون بينا اتصال..اوكيه

عضت على شفايفها..والتفتت عليه

ميساء:نسيت شنطتي بسبتك وقّف السياره بالباركنج..وانزل معاي..

خالد:هذا الناقص انزل للسوق وامشي وراك ولا خليني بعد اشيل الاكياس عنك..

ميساء:والله مافيها شيء هذا اولا ثانيا انا مو ميته على خوتك معي بالسوق بس للضروره احكام..

خالد:انطقي برجعك للفندق وبكره اوديك للسوق

ميساء:تستهبل انت بكره مو راجعين للرياض..متى يمديني

خالد:اجل شسويلك ..نزله مو نااازل..امسكي بطاقتي والساعه ثمان القاك هنا

ميساء:مستحيييل انزل من غير جوال وبعدين انا مو بمول علشان تتركني انا بشارع ..اذا ماتبي تنزل اجلس هنا لين اخلص

خالد:فاضيلك انطق بالسياره..خلاص بنزل الشكوى لله..



















*****************





























دهن باطن رجله بكريم ولفها بشاش..ورفع راسه

محمد:لا مااقدر..ماتشوف رجولي كلها منك لو معتمرين الحين احسن..فيه احد يعتمر بالشمس

رمى طرف غترته على كتفه وقال وهو عاقد حواجبه

رابح:يعني مارح تصلي المغرب بعد...انت ماتتوب ماتخاف ربك

محمد:ابفهم انا..اصلي شلون ورجولي كذا انا مو قادر ادعس عليها..وبعدين بصلي هنا جالس ومثل الاجر ناسي اننا بفندق بالحرم..

رابح:ايه تراخى وخلي الشيطان يلعب براسك...انا رايح..وترى بالليل بنروح لابوعمر..

محمد:اوكيه..مع السلامه...

طلع رابح وزفر محمد..

محمد:ياربي ليش مو مقتنع..مو معقوله الله مايغفر..وبعدين وشو الشيء اللي بسويه وتنغفر كل ذنووبي؟؟؟؟؟

رن جواله وخاف..بلع ريقه بصعوبه ضغط على الزر الاخضر وانفتح الخط..

محمد:هلا ابوناصر..

سليمان:هلا وغلا..هلا بالطش والرش..هلا بالمعتمر..هلا مليوون هلا

عرف ان سليمان معصب قال يرطب الجو..

محمد:مشكور لا داعي لا داعي

سليمان:دعاتن تصيبك يا@@@ يا@@@@

محمد:وشفيه ابو ناصر

سليمان:ماتدري وش فيني..تسافر بس عناد..تدري الشرهه مو عليك الشرهه علي انا اللي معتبرك رجال..

محمد:استغفر الله العظيم كل هذا علشان اخذت اجازه

سليمان:ومن سمحلك بالاجازه؟؟؟

محمد:انا سمحت لنفسي..مو محتاج اخذ اذن منك..

سليمان:اوكيه..مافيه مشكله..يعني انا كنت متوقع على الاقل تعتذر..بس دام هذي سوالفك بعلمك اصلك يا## اذا رجعت..


محمد:الوو الووووو..اففف سكر..الله يستر ابوي معصب وسليمان معصب..


 
 

 

عرض البوم صور ♫ معزوفة حنين ♫   رد مع اقتباس
قديم 25-12-11, 07:31 PM   المشاركة رقم: 118
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,194
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


سكّرت قارورة المويه بعد ماقرت عليها اية الكرسي خمسين مره

وسورة ياسين عشرين مره..

والاية 13 من سورة الشعراء 10 مرات بشكل متتالي..

ومسكت الحجاب بيدها اللي وصلها بالبريد..

نوال:عجزت لا اسحرك ياليلى..ومستحيل اسحر زياد واضره..مابقى عندي اللي هالطريقه..***اكرهه فيك بالقران****..

سبحان الله كل شيء بالقران اقدر اسويه..ماله داعي اسحر مره ثانيه..بس ان شاء الله تفيد...ياااااارب...



وبسرعه دخّلت الحجاب تحت وسادتها وراحت تفتح الباب اللي اندق..



نوال:طيب طيب....وفتحت الباب

شموخ:سااااعه..لايكون نايمه

نوال:لا مو نايمه..كنت البس..ودخلت ..

لحقتها شموخ

شموخ:وانا على بالي عندي خبر جديد اثريك داريه

جلست على اريكه مخمليه باللون الخمري..وقالت وهي تمدد رجلينها

نوال:عن ايش تتكلمين مو فاهمه

شموخ:عن العزيمه..

نوال:عزيمة ايش

جلست على السرير وحطت رجل على رجل

شموخ:مامي مسويه عزيمه لصحباتها..ماتدرين

نوال:لا توي دريت ..زين قلتيلي علشان اتضبط..

شموخ:اجل ليش تلبسين قبل شوي

نوال:كذا فاضيه وماعندي شيء قلت اجرب ملابسي..الا ماقلتيلي شصار على فراس؟؟؟

شموخ:بيرجع لزهوه..مالت عليها..

نوال:متى؟؟؟

شموخ:بهاليومين..

نوال:زين..وانتي شفيك

شموخ:مافيني شيء

نوال:اها مافيك شيء..وسرحانك طول البارح وانسجامك مع الاغاني..وتقولين مافيك شيء

شموخ:ههههههه ياربي مايتخبى عنك شيء..

نوال:واضح عليك..عاجبك لهالدرجه

شموخ:واااااااااي يجننن بالله عليك مو حلووووو

نوال:هو من جهة حلو حلو...بس متزوج

شموخ:كااااااااااان متزوج..سألت تماضر وقالتلي انه مطلق..بس وشو السبب ماقالتلها ليلى..

نوال:وعلى بالك بياخذك..

شموخ:ايه ليش لأ...انا حاسه انه اعجب فيني..نظراته نظرات اعجاب..وبعدين حتى امس لما زرناهم بالمستشفى..امه بس تطالعني..باين انها معجبه فيني

نوال:يتهيألك..امه ذوق لا اكثر ولا اقل..

شموخ:انتي شدراك..انا ادري..افف تدرين افكر بكره ازورهم

نوال:من جدك

شموخ:ايه مافيها شيء..

نوال:هههههه ياحليلك..مره متأمله..وبعدين يالذكيه لو لو لو وحطي تحتها ملون خط..لو فكرو فيك ناسيه ان ليلى اخته

شموخ:واذا

نوال:ناسيه ان...خلاص خلاص قووومي عن وجهي بروح اخذلي شور واضبط شكلي فارقي

شموخ:اوكييه تشاااو وطلعت

طالعت ببنت عمها وهي تطلع..

نوال:ناسيه ياشموخ انها تدري ببلاويك..

















****************





















وقف بجنب اللبناني وهو يشم منه عطر..

هز راسه وهو يبتسم..

خالد:لا ياشيخ مو حلو..واخذ عطر ثاني وشمه..



كانت واقفه قريب من بنتين وقاعده تجرب العطور..

التفتت على طول لهم لما سمعتهم يتكلمون عن خالد..



:يخرب عقله ياملحه..ياويلي شوفي جسمه بس..

:طالعي ساعته..سبحان الله باين ولد عز من ملامحه..اقولك

:ايش..

:خلينا نروح له..وبالمره يدفعلنا الحساب..

:شكلي حلو..لايكون لثمتي مايله

:لا لا زينه..يلا امشي...



خالد:الله هذا حلو..

اللبناني:ايه لساتو نازل وعليه طلب كتير..

خالد:لا اذا عليه طلب مابيه..ومسك عطر وشمه..واااااااو روووعه..

اللبناني:هيدا بولغري نسائي..

خالد:والله نسائي ولا مو نسائي عاجبني..باخذه..خطير بصراحه..وهذا ايش..

اللبناني:لا هيدا رجالي..

خالد:ثقيل صح

:لو سمحت اخوي..

التفت عليهم وطالع باشكالهم...وكمل شم بالعطور..

:احم..لو سمحت نبي منك خدمه..

التفت على اللبناني

خالد:خذ راحتك انا اذا احتجت شيء ناديتك..

اللبناني:بس هدولي الستات بيكلموك الك..

التفت وهو مستغرب..

خالد:تكلموني انا..

:ايه انت..ماعليش ازعجناك بس مظطرين..

ابتسم وبانت غمازاته..

خالد:هلا آمروني..

قالت وحده منهم

:بصراحه حنا نبي نشتري عطر رجالي هديه لبابا..وبصراحه اكثر شكلك عندك ذوق وتعرف بالعطور..وبعدين بما انك رجال اكيد تعرف اذا العطر حلو او لأ..ممكن تساعدنا

كانت تتكلم ويدينها وذراعها طالعين..مزينتهم بساعه ذهبيه صغيره زادت ذراعها الابيض جاذبيه ومناكير فوشيه اضفت على كفوفها بريق رائع..

كان منتبه ليدينها اكثر من عيونها وملامح وجهها الباينه..

قال وهو يرتب حاجبه اليمين..

خالد:اخاف اختارلكم شيء ومايعجبه توهقوني وتدعون علي..

تكلمت البنت الثانيه

:لا لا مستحيل..وبعدين حنا واثقين بذوقك..الا في حال انت ماتبي تساعدنا..

خالد:لا لا ..طيب هذا العطر حلو..عاجبني بس انا ماخذته لانه منتشر..

:باين على شكلك..

عقد حواجبه

خالد:وشو اللي باين

:انك مميز..وانت بصراحه مميز..

خالد:تسلمين من ذوقك..



كانت تراقبهم بصمت..والنار تسعر بجوفها..قدامي وبكل وقاحه..ولا كأني موجوده..



راحتلهم ووقفت بينه وبينهم..وقالت بصوت عالي

ميساء:غريبــه اول مره اشوف محل له سمعه ومشهور مثل هالمكان فيه حشرات..واشرت للبناني القريب منهم..مره ثانيه رشو فليــــــت علشان الحشرات...

تخصرت وحده من البنات وقالت وهي تحرك يدها

:احتررمي نفسك وان كان فيه حشره فهو انتي...

انقهرت ميساء وخصوصا ان البنت حاطه مناكير فوشيا..وهاللون يحبه خالد..

التفتت عليه وطالعت فيه..تنتظره يرد بس مارد كان يبتسم..

رجعت طالعت فيهم..

ميساء:اقول يالعوانس ضفو وجيهكم من قدامي احسنلكم..تبون تتزوجون روحو ودو صوركم لخطابه ولا شاركو بهالقنوات اللي معبيه التلفزيون احسن من انكم تهينون انفسكم مع من هـــــب ودب..

درى انها وصّلت معها..قال بهدوء..

خالد:لو سمحتو ممكن تتركونا..ماله داعي ه وانبترت كلماته وهو يشوفها تسحبه..التفت على البنات وعطاهم ابتسامه..وشد ايده لورى وثقّل مشيته علشان تتنرفز اكثر..

كانت تسحبه بالقوه...واول ماطلعت من المحل..تركت ايده ومشت بسرعه..



استغرب حركتها ولحقها...



وصلو للشارع اللي راكن سيارته فيه..بس تفاجأ لما شافها توقف تاكسي..

هرول بسرعه



خالد:على وين على وين..



فتحت الباب تبي تركب وسحبها..خلاها وراه ونزل راسه للشباك وقال لسواق التاكسي يروح..

التفت عليها

خالد:صاحيه بتركبين تاكسي..ليه وين بتروحين..

ميساء:-----

حط ايده ورى رقبته وبدى يلعب بخصلات شعره الخلفيه..

خالد:خلصتي تسوّق؟؟؟

ميساء:------

احتار معها..

خالد:وش فيك ميساء؟؟...اااه لايكون زعلانه علشان هالحشرات..وش فيك كبري عقلك...

ماردت عليه

خالد:طيب تبينا نروح ولا تكملين تسوق.؟؟؟

راحت للسياره وكان هذا ردها...لحقها وهو يطلع المفتاح من جيب بنطلونه الجنز وضغط على الريموت وانفتحت السياره قبل لاتوصلها...























***************************































لبست حلق الماسي اصفر..ومسكت الاسواره والعقد بيدينها..طلعت من غرفة الملابس وراحتله بالمكتب...

ليلى:حبيبي..

رفع عينه عن الكمبيوتر

زياد:هلا

هزت العقد والاسواره وقالت وعلى وجهها ابتسامه..

ليلى:ابيك تلبسنياهم..اذا ماعندك مانع..

زياد:لا تعالي تعالي...ودار بكرسيه على جنب..

وقفت قباله ومدتله العقد..

ليلى:حبيبي قوم واقف شلون بتلبسنياه وانت قاعد..

وقف وهي رفعت شعرها بيدينها..وعطته ظهرها..

لبسها العقد ورجعت التفتت عليه ومدتله الاسواره..

مدت ايدها ولبسها اياه..

ليلى:مشكووووووور وباست خده..

قرب منها وبدى يضبط شعرها بيدينه..

زياد:حبيبتي مو كأن لبسك عريان..

طالعت بلبسها..تنوره طويله شيفون متداخل فيها البني والخمري والاورانج..

بقصات تخلي الجسم حلو..وبدي شيفون مبرز انوثتها بشكل مغري..

ليلى:تحسبني بطلع كذا..لا عليه جاكيت قصير..وحاوطت رقبته بيدينها..وين بتطلع الليله؟؟؟

زياد:بطلع مع فيصل..ليه بغيتي شيء قلبي

ليلى:لا بس اسأل..طيب..

زياد:طيب ايش؟؟؟

ليلى:حلو شكلي ولا اغير...

زياد:ليلى اهجدي ..احسنلك روحي ولا ترى...

حمر وجهها وهربت..

زياد:اااه يابعد هالدنيا..الله لايحرمني اياك..































********************































وقف عند الاشاره ..التفت عليها وقال

خالد:عازمك على مطعم @@@ شرايك؟؟؟



ميساء:طلقني..



طالع قدامه..وقال مازح..



خالد:اطلقك!!!





طلقنــــــــــــــــــي



هي السياره اهتزت ولا يتهيأله..تلفت حوالينه اكيد اللي بجنبه سمعوه..هم صحيح مسكرين شبابيكهم وحتى هو..بس هو متأكد انهم سمعو صرختها..





قالت بصوت اخفض من شوي



ميساء:الليله تحجزلي على الشرقيه..وهناك ترسللي ورقة طلاقي..ورجااااء مابي اي شوشره..

شكلها معصبه وماتدري شتقول..

خالد:طيب طيب..

طلعت هوى من فمها وولعت الاشاره ..حست بشيء يقطعها..عضت على شفتها..شهالالم الغريب؟؟؟



كتمت اهاتها..وتحملت الالم...



ماتدري كم مر من الوقت..انفتح بابها فجأه..



خالد:ماودك تنزلين..



حاوطت بطنها بيدينها وشدت عليهم اكثر..الالم يقطعها...



ميساء:قلتلك ودني للفندق..خلني اخذ اغراضي واروح للمطار..



خالد:طيب بسوي اللي تبينه..بس خلينا ننزل عازمك على العشاء

ميساء:اووووووو انت ماااتفهم بنغالي انت بنغالي..اااي



قال وهو يرص على سنونه ويحاول يمسك اعصابه..



خالد:طيب اقصري صوتك لاقصره لك..ويلا انزلي اشوف انا مو فاضي لدلعك

ميلت بجسمها لقدام وهي تضغط على بطنها..الالم زاد..

ميساء:اااااااااااااي ااااااااااااااه يمااااااااااااااااه



ارتاع من صرختها..



دخل بنص جسمه وحط ايده على ظهرها



خالد:ميساء شفيييييييك..ميسااااااااء ردي قوليلي

كانت تبكي بقوه

ميساء:ابي اميييي اااااااااااااه بمووووووووووووووت بموووووووووووت..

سكر الباب بقوه وركب السياره وبسرعه حركها لاقرب مستشفى....





بعد ربع ساعه..



وقفت سيارته عند باب الطوارئ وهو يضرب بوري بقوه وبسرعه نزل وفتح بابها وهو يصرخ..



خالد:بسرررررررعه اسعااااااااااف اسعاااااااااااااااف...



وصل لغرفة الكشف وهو لازال يصرخ فيهم..



كان شايلها بيدينه ولا استناهم ماكان بوعيه..كان خايف عليها..وبنفس الوقت يصرخ فيهم بدون مايدري..

نزلها على السرير وصرخ فيه الدكتور علشان يفوق

الدكتور:خلاااااص يكفي شأسعافه وانت شايلها وماخليتهم يساعدونك..اطلع خلني اشوف شغلي

خالد:بسررعه بسررررررعه لاتموووت..

شاف الدكتور شغله وهو متوتر من خالد اللي رفض يطلع...

الدكتور:نادو الدكتوره عزت..

الممرضه:اوكيه الحين تجي..

خالد:ليه وشفيها ومنهي عزت دكتووور كلمني

الدكتور:لا حول ولاقوة الا بالله يااااخي تراك وترتني يا اسكت ياطلع

خالد:طيب بسكت بسكت..













بعد مرور ساعه ونصف...

طلعتله الدكتوره..

خالد:ها عساها بخير

الدكتوره:لا بخير..الله يعوضكم ان شاء الله...احنا بننقلها الحين لجناحها..

خالد:دكتوره شالاسباب؟؟؟

الدكتوره:تعال معي للمكتب ..

خالد:الحين بجيك بس بتطمن عليها...

الدكتوره:الله يهنيكم يارب..اوكيه انا بانتظارك...
















*****************


 
 

 

عرض البوم صور ♫ معزوفة حنين ♫   رد مع اقتباس
قديم 25-12-11, 07:32 PM   المشاركة رقم: 119
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,194
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


الساعه العاشره مساءاً...



الكل نازل للاستقبال مابقى شيء على جية الضيوف...

بخفه وبحذر وبعيون تتحرك يمين ويسار تراقب الوضع..

فتحت قارورة المويه المقري عليها ورشت على عتبة جناحهم...وهي تتمتم..

الهي انت اعبد الهي انت اعبد الهي انت اعبد..

بدوح رب القلم واللوح..***

خلصت وبسرعه رجعت لغرفتها..





فتحت درج داخل دولاب الملابس وحطت فيه القاروه بجنب الحجاب وقفلت عليه

نوال:ياااااارب ياااااااارب تضبط هالمرره ياااااااااارب...

بسرعه راحت للمرايه تعدل شكلها ونزلت....



















******************





























طالع بسوفليه الشوكلاته اللي قدامه..واكل منها وهو يحوسها بفمه..



فيصل:تذكرني بأكل وحده



انتهى منها وشرب الاسبريسو وقال بهيام



زياد:عارفها بعد قلبي..واخذ جواله اللي قدامه..



فيصل:ههههههه اثريك تقلد لولي

زياد:انت جربها وبتشوف الفرق..ياخي ماتحس بطعم الشوكلاته الا ذا حستها حووس..وذوبتها ذوبان..وضغط ارسال ونزل الجوال..

فيصل:والله اعرف طعمها وانا ابلعها على طول..بس انت ليلى مأثره على مخك..

زياد:ليته على المخ وبس..المهم قولي شفيك اليوم معصب..

فيصل:ماقلتلك بالمستشفى لانه شكلك انت ماكان طبيعي..وشفيك

زياد:لا مافيه شيء..بس سويت تحاليل..كنت بشوف اذا انا عقيم

قال بجديه

فيصل:وش طاري عليك وانت حتى ماكملت سنه مع ليلى؟؟؟؟

زياد:مادري عقب ماجيتني هذاك اليوم وقلتلي انك عقيم خفت..وسوست فيني

فيصل:طيب وش النتيجه

زياد:لا الحمدالله مافيني شيء..انت قوللي شفيك..

فيصل:اللي اخططله من زمان صار

زياد:وش صار

فيصل:تهاوشت نسرين مع عبير..

زياد:فيصل انت مو قلتلي انك خلاص ماتبيها وبتنسى موضوع نسرين وتتركها

فيصل:قلت وفعلا تركتها..بس مادري شلون درت عبير وكشفتها..ادري هالموضوع مو مهم وخصوصا بهالوقت..بس المهم انهم تهاوشو..واللي صار اليوم بيسهلي انتقامي من نسرين..

زياد:وش ناوي تسوي

فيصل:كلمت المدير ..وعرف بالموضوع وبيأدبها بطريقته

زياد:قطع الرقاب ولاقطع الارزاق يافيصل

فيصل:انا سبق وحذرتها ماتتدخل بحياتي..بس هي مصره..وبعدين مو فاصلها لاتخاف..بس بيعطيها انذار..

زياد:اذا على كذا تستاهل ..ترى بكره برجع للدوام

فيصل:تراك صكيت راسي بهالرجعه واذا رجعت شسويلك

زياد:لا بس خفت تنصدم لماتشوف المستشفى ينور..

فيصل:كل كل احسنلك..













***********************

































((تراااااني م ل ي ت فرااقك..ماراحو الضيوف؟؟؟

الشووووق ذبحني..قلبي حسي فيني...

أ ح بـ ك..))

حمر وجهها ورفعت عيونها تشوف اذا احد انتبه لها..ورجعت تضغط على رساله جديده ..

نزلت الجوال بجنبها والفتت على تماضر..

تماضر:وش فيك ساكته؟؟؟

ليلى:مافي موضوع مشترك..من جو وهم يتكلمون عن الشغل والمناصب ..جتى انتي ماتكلمتي..

تماضر:انا صديقات ماما مايدخلون لي مزاج..وهم عارفين طبعي...ياحليلها شموخ لازقه فيهم..

ليلى:شموخ اجتماعيه..وبعدين شكلها تمون عليهم

تماضر:يووه مدلعينها...اقول ليلى

ليلى:همم

تماضر:شفيها نوال ساكته وجالسه لحالها..

ليلى:مادري..يمكن علشان اللي صار بين امها وابوها او علشان ابوها سافر

تماضر:مين نوال!!! نوال اخر وحده ممكن تهتم بابوها او امها اخر همها..لا شكل فيها شيء...

ليلى:اشريلها خليها تجلس معنا

تماضر:لا لا بيطلع شكلنا مو حلو...خليها شوي يمكن نلقى سالفه او شيء ونقدر نروح لها...

















بعد مرور ساعه طلعو للبوفيه بالحديقه...

وانتهو اغلب الضيوف من العشاء ومابقى الا ليلى ونوال وتماضر..

ليلى:نوال تعبانه؟؟؟

نزلت السكين من يدها وغرست الشوكه بقطعة دجاج..

نوال:لا ليش..

تماضر:شكلك مو طبيعي..زعلتي لانهم تكلمو عن موضوع الطلاق...

نوال:ههههه وليه اهتم..عادي..وقامت...

ليلى:تماضر شفيك كذا طقيتيها بالوجه

تماضر:وشدراني..وبعدين هذي هي قالت مو مهتمه..مادري تهتم هالادميه..تصدقين احيانا احس ان مافيها اعصاب..

ليلى:والله انا تلفت اعصابي متى يروحون ؟؟؟

تماضر:لا سهرتهم مطوله..ليه تعبانه

ليلى:ها..ايه ايه تعبت وفيني نووم..

تماضر:اصبري وكثري حلا علشان تتنشطين..

ليلى:ايه شكلي بسوي كذا...((وبقلبها..متى يروحون ويجي زياد..))

























*************************

























جلس على السرير وهي واقفه

ابوفيصل:الله يعوضه الله يعوضه..

هزت راسها وجلست بجنبه

ام فيصل:اللهم لااعتراض..بس ياما تمنيت هاليوم..

حاوط كتوفها بيده

ابوفيصل:ان شاء الله بتشوفينه..تعوذي من الشيطان

ام فيصل :اعوذبالله من الشيطان..استغفر الله العظيم..يااربي محروق قلبي على فيصل..

ابوفيصل:انتي شفيك تطلعين من خالد وتدخلين بموضوع فيصل..يابنت الحلال هذا اللي كاتبه ربك..

ام فيصل:ونعم بالله..استغفر الله استغفر الله

ابوفيصل:مالقيتي لمحمد مره

ام فيصل:قلت لسلمى ولليلى واعترضو يقولون توه صغير..

ابوفيصل:وشو صغير..خلاص هو استلم الشغل والمفروض يكوّن اسره..لا ماعليك منهم ودوريله

ام فيصل:بصراحه فيه بنتين عاجبيني..بنت نسيبنا ابو فراس بس هي اكبر منه بحوالي سنه..وفيه بنت ابو عبدالرحمن بس انها بأول ثانوي اصغر منه..وانت شرايك

ابوفيصل:لا ناخذ بنت ابو عبدالرحمن احسن

ام فيصل:انا اقول ياخذ الكبيره علشان تقدر تمشي الوضع..بصراحه محمد صغير حتى العشرين مادخلها وبنت ابوعبدالرحمن صغيره بعد فشلون بيقدرون يمشون حالهم..ياخذله كبيره وفاهمه احسن

ابوفيصل:الحين فرق سنه صارت كبيره وفاهمه...شاوريه وانا افضل بنت ابو عبدالرحمن....

ام فيصل:يابن الحلال البنت تكبر وتفهم قبل الولد...اذا رجع بسأله...







































*********************



































الساعه الواحده والنصف ليلا..

طلعت من الحمام بعد مااخذت شور سريع..

لبست فستان اخضر ماسك على جسمها راحت للتسريحه وبسرعه تمكيجت..

حطت كحل اسود ولمعه خفيفه على جفونها ووزعت البلاشر اعلى خدودها..مسكت روج احمر قاني من شانيل وعبت شفايفها..

ضحكت وهي تتذكر كلام زياد كل مايشوفها حاطه روج احمر..يحب هاللون عليها..حررت شعرها من الشباصه وانساب على كتوفها وصدرها العاري..فرقته على جنب وخصلات تداعب وجهها كسرت من حدة ملامحها...

طلعت من غرفة الملابس بعد ماتطيبت وتبخرت..





















فتح الباب وهو مستعجل..مشتاق لها..واول ماحط رجله على الدرج التفت وراه وقال



هلا يمه..



ام فراس:زياد فيه موضوع لازم نتكلم فيه..موضوع خطيررر..

تقدم ناحيتها وحط ايده على كتفها..

زياد:صاير شيء؟؟

ام فراس:صاير بلاااوي..تعال معي خل نجلس..وبقولك

مشى معاها وجلسو بالمجلس..

زياد:قولي يمه

ام فراس:انت تدري عن ماضي زوجتك..ولا بس تخطب وتتزوج وانت ماتدري

زياد:ادخلي بالموضوع يمه

ام فراس:زوجتك يامحترم تدري ليش طلقها ولد عمّها..وشدت على اخر كلمه

تضايق وهو يسمع سيرته..كارهه لانه عرفها قبله..وقال وهو يبعده عن خياله

زياد:ايه عارف..

ام فراس:لأ مو عارف لانك لو عارف كان ماتزوجتها..

زياد:لأ يمه عارف كل شيء..ولاتصدقين الكلام اللي انقال..وبعدين انتي من وين عرفتي بهالموضوع؟؟؟

ام فراس:وحده من صحباتي طلعت تعرفها وهي اللي قالتلي

زياد:يمه السالفه كلها كذب..

ام فراس:يعني الناس كلها تكذب..مافي دخان من غير نار

زياد:ايه يكذبون..اسمعي السالفه مني..ولد عم طليقها حاقد عليه..والّف هالسالفه على ليلى..وطليقها صدّق..وطلقها..وبعد مده عرف ان انخدع..والدليل انه حاول يرجعها اكثر من مره..بس هي رفضت

ام فراس:ولد عمها واكيد بيستر عليها

زياد:اجل ليش مارجعتله؟؟؟

ام فراس:مادري

زياد:لانها بكل بساطه واثقه من نفسها وانها ماسوت شيء...وبعدين على فكره اللي تكلّم عنها هو اللي ذبحه طليقها بزواجنا..هذا شيدل عليه؟؟؟..يمه اتركي عنك كلام الناس وبعدين شلون تفكرين اني اخذ وحده ماتخاف ربها..وبعدين هذي هي قدامك اربع وعشرين ساعه لاحظتي عليها شيء

ام فراس:لأ..بس

زياد:لا بس ولا شيء..يمه شيلي هالافكار..وياااليت يالييت ماينفتح هالموضوع قدام ليلى..ابيها تنسى هالموضوع نهائيا..توعديني يمه

تنهدت

ام فراس:اللي تشوفه....

حب راس امه

زياد:تصبحين على خير يااحلى ام بالعالم كله...وطلع..





















كانت فاتحه الباب شوي تنتظره يجي..سمعت صوت خطوات على الدرج..سكرت فتحت الباب شوي وطالعته..

شلون كان يبتسم ويتنهد اول ماوصل لباب جناحه..وانتبهت لمافتح الباب وبان ضوء الشموع ووشلون يستنشق الريحه وسكر الباب بسرعه...



سكرت بابها ودخلت لغرفتها..

نوال:كلها ثلاث ايام بالكثير ويجي الفرج....



















**********************































ااااه..

بسرعه قام من سريره ومسك ايدها وهو يسمي عليها..

وهمس وهو يشوفها تفتح عيونها

خالد:الحمد الله على سلامتك..

شدت على ايده وقالت بتعب واضح

ميساء:شـ فـ يـ نـ ي

خالد:مافيك الا العافيه..انتي بخير..

بلعت ريقها بصعوبه

ميساء:وش صار...بطني

مسح على راسها وحب جبهتها

خالد:مافيه شيء..بس سقطتي..كنتي حامل والجنين فيه تشوه يعني كان بيطيح الحين او بعدين..والحين احسن..والله يعوضنا ان شاء الله..





دمعت عيونها..وانسابت على خدودها البارده..



خالد:افاااا ليه هالدموع..ومسحهم بيده...مابي اشوفهم..لا تبكين



ميساء:كنت..ابيه..

خالد:وحتى انا ابيه..بس هذا اللي كاتبه الله..يلا لاتبكين..





شهقت غصبا عنها



ميساء:كنت حاسه اني حامل..كنت خايفه اكشف ويقولون لأ مو حامل..كنت ابي استمتع بهالاحساس..حتى لو كذب...



حبها مع خدها ومسح دموعها اللي مو راضيه توقف



خالد:الله بيعوضنا..انتي لاتعترضين على قضاء الله..حبيبتي لاتبكين ترى مو زين لك..

ميساء:ليش طاح..



قال بيخفف عنها ويغير مودها..



خالد: هو مايبينا هههههه عاق الله يدفع البلا..نطفه فاسده والله فكنا منها..وان شاء الله ربي يعوضنا بعشر عيال وعشر بنات..





غمضت عيونها بتعب ورجعت فتحتهم..مالها خلق تبتسم..



ميساء:الله يرحمه..



خالد:تترحمين على واحد ماصار فيه روح..ميساء وش قلت انا مابي دمووع



ميساء:غصب عني..ليش متشوه؟؟



خالد:شيء طبيعي لاتخافين..انا سألت الدكتوره وبعد قالتلي انك بتاخذين مانع لمدة سنه على الاقل علشان صحتك وقلت لامي وقالت ماعليك منها وقالتلي بعد انه فيه حريم كثير بعد مايسقطون على طول يحملون..ايه صح امي وابوي يسلمون عليك ويتحمدونلك بالسلامه..امي كانت بتجي بس انا عييت هي كلها يومين وبنرجع..وانا اهتم فيك..ومسح دموعها اللي غطت خدها..وكمّل ..وقالتلي امي لازم تاكلين اكل ثقيل وتدفين نفسك..لبستك شراب بس البجامه ماقدرت البسك اياها ..مد ايده ومسح دموعها مره ثانيه وكمّل...وجبتلك مرقوق امي تقول خلها تكثر منه تقاولت مع مطعم ##الشعبي ..وجبتلك قرفه مطحونه وجبتلك بردقوش وجبتلك حلوه وغسلتهم زين وحطيتهم بعلب واذا تبين على طول اخذ شوي واحطه بالكوب واصب فوقه مويه....ايه وباقي جلال ماامداني اروح لمحل العبايات سكرو بدري..بس ان شاء الله الصبح اروح واجيبلك..الحين دفي راسك بالطرحه..ايه صح..وابتسم..وقرص خدها المندى بدموعها... وشرايك بالحاف حلو..لفيت المفارش كلها علشان بس هاللون..



انتبهت للون وتذكرت اللي صار...



ميساء:لا مو حلوو...ألا حلوو بس لي انا مو تغازل غيري ..ماتبيني قول مو تقهرني..



ضحك من كل قلبه ورجع راسه لورى



ميساء:ماقلت شيء يضحك...



خالد:هههه للحين تتذكرين الحشرات..على صراخك وألمك للحين تتذكرين...

ميساء:وجع ساعه وبننسى..لو الكل ماينسى كان ماشفت احد يكرر الولاده...ولا تحاول تتهرب..خلاص ماتبيني

قاطعها

خالد:ميساء كنت بس بغايضك..وبشوف اذا تغارين علي..وهمس بحب..مو من حقي اتدلع على حبيبتي..

كانت تحس ان جسمها الخفيف يهتز من اثر دقات قلبها..نظراته لها طريقته بالكلام..يازينه لو يستمر كذا...

ووقف..تبين احطلك العشاء ولا تبين تشربين؟؟؟



ابتسمت وهي تشد الحاف الفوشي عليها..كل شيء سواه لها..مهتم بكل شيء..



ميساء:تعبتك معاي..شكلك سهران..



قرب منها وقرص خدها..

خالد:تدرين ان تعبك راحه..ايه صح ترى امي تقول تصلين لانك مو نفاس..

طالعته بحب..ماخلى شيء ماسأل عنه..مهتم بأدق التفاصيل..

ميساء:والله

خالد:ايه هي قالتلي اقولك..مافاتك الا صلاة العشاء وانتي الحين تعبانه كولي وتقوّي وبعدها صلي..

ميساء:مالي خلق اكل ابي انام

خالد:لا لا لا..امي قالتلي اول ماتقوم لازم تاكل ...ومسح وجهها بيده بحنان..

ضمّت ايده ولزقتها بوجهها كانت دافيه بعكس وجهها..

ابتسم بحنان

خالد:ها شقلتي تاكلين ولا تشربين

ميساء:زعلان لاني سقطت؟؟؟

خالد:مايهمني الا انتي وبس..واللي طاح ربي بيعوضنا بعشرين بداله..اهم شيء انك ماتزعلين..لانه هذا اللي بيزعلني..

غمضت عيونها وهمست..

ميساء:احبك..

خالد:وانا امووت فيك..وارخى راسه بجنبها ويده تحت خدها.. يرتاح شوي قبل الفجر..























*********************






























 
 

 

عرض البوم صور ♫ معزوفة حنين ♫   رد مع اقتباس
قديم 25-12-11, 07:33 PM   المشاركة رقم: 120
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,194
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


بعــد صلاة الفجر...

بساعه..كان يطوف وهو يفكر..خلص طواف وراح داخل المسجد..

شاف ناس مجتمعين حول شيخ بكرسي خشبي ويتدارسون...جلس معهم وهو يستمع للدروس...

شاف الناس تكتب اسأله بأوراق وهو يجاوب عليها..

التفت على اللي بجنبه

محمد:لو سمحت معك ورقه..

:تفضل...

اخذ محمد الورقه وكتب السؤال واعطاه اللي قدامه يوصله للشيخ...

وبعد نص ساعه سمع سؤاله..

الشيخ:من فعل ذنبا عظيما او اشرك بالله ثم رجع للصواب او من شرب الخمر..هل يغفر الله له اذا تاب ومالعمل اللذي يفعله حتى يغفر الله له؟؟؟

يااخواني ان من صفات الله سبحانه وتعالى..انه الغفور الرحيم..ورحمته وسعت كل شيء..فمن عمل اي ذنب او اي خطيئه او اي كبيره وتاب عنها وندم واستغفر ربه واقبل على الله بالاعمال الصالحه مثل صيام الاثنين والخميس والتصدق ونشر العلم الشرعي والكثير من الاعمال الخيريه فأن الله سبحانه يغفر له...

ارتاح قلبه وانزاحت الغمامه من عينه..

قالها الرسول عليه الصلاة والسلام((..استفتي قلبك ولو افتوك...))..مارتحت لفتوى ابو عمر وارتحت لفتوى هالشيخ..

لازم اقول لرابح وابشره...











راح للفندق ودخل الغرفه..لقاه متمدد على السرير وبدون مايلتفت عليه قال



رابح:بنروح الحين لابوعمر..

تقدم خطوات وجلس على سريره

محمد:رابح سألت الشيخ

رابح:عباد الدينااار..انا ماقلتلك لاتسألهم هذولي ماعندهم سالفه

محمد:والله انا مارتحت الا لهم

رابح:لانهم ينفذون رغبه داخليه لك..توافق رغبات

محمد:اووه تراني مليت مو معقوله وبعدين انا ماسويت زيك..انا صحيح انجرفت معااك بس مااشركت اللي سويته اني شربت خمر مو معقوله ان الله مايغفرلي ..هو صحيح اني حرمت نفسي من خمر الجنه بس الله يغفرلي ان شاء الله

رابح:وانا السبب باللي صارلك..ومثل ماتبعتني اول مره لازم تتبعني الحين

محمد:واتبعك بأيش؟؟؟؟

رابح:بتروح معي لابو عمر

محمد:ماني رايح..انا مااعرفه ولاعمري سمعت فيه..وبصراحه مو متطمن

عدل جلسته وصار قباله..

رابح:مو متطمن..ليش؟؟؟

محمد:مااحب اروح لمكان او لشخص مجهول..انا انلدغت مره ومارح اكررها..

بلل شفايفه وعض على شفته السفليه وبعدها قال

رابح:ابو عمر شيخ كبير..هو جاني بعد ماطلعت من السجن..تعرّف علي هنا بالسعوديه..كان عارف بقضيتي بس وشلون ماادري..انا بالاول كنت اتحاشاه واكرهه..بس غصب عني حببني فيه..صرت اصلي بسبته..وتبت على يدينه..ومن حبه لي مايبيني ادخل النار قال لازم اقوم بأعمال تدخّلني الجنه على طول..وقلتله عنك..وفرح فرحه ماتتصورها..وقالي ادعوك علشان يقنعك ويتكلم معاك..لاني اكيد متأثر بعبدة الدينار...

محمد:تراك صكيت راسي بسالفة عبدة الدينار..وبعدين انا اول مره اسمع فيه..

رابح: هو مشهور وله اتباع كثار..بعدين شفت الفرق بين اللي يعمل لوجه الله وبين اللي يعمل رياء وسمعه ويطلع بالتلفزيونات..

محمد:نشر الدين بالتلفزيون مو رياء..طيب انا للحين مو عارف وش هالعمل اللي بيدخلني للجنه..انا مو خابر الا الجهاد..

رابح:عليــك نور

محمد:هههههه وين تبينا نجاهد بفلسطين..ولا بالعراق..هذولي مافيهم جهاد لانه لازم اذن ولي الامر..

رابح:ماظنتي انك بزر علشان تستأذن من ابوك

محمد:ماقصدت ابوي قصدت الملك..الجهاد لازم يكون بأمره لانه فيه خطوره على اوضاعنا السياسيه وهو ادرى ....الا اذا بالبلد هنا يصير فرض عين ومايحتاج اذن

رابح:وهذا اللي ابيه..تعال معي للشيخ وهو بيفهمك

محمد:جهاد هنا!!! رابح حنا مُسْتَولى علينا ولا مُسْتَعْمَرين؟؟؟؟

رابح:شفت مأثرين عليك عبدة الدينار..عبدة امريكا الفاسقه..

محمد:مافهمت

رابح:لما تكون ديرتك تدعمهم المفروض نحاربها هم اللي بدو واعتدو على اخواننا المسلمين

محمد:اعتدو والله عليهم ...ماقلنا شيء بس وشلون دعمناهم

رابح:بهالبترول اللي عندنا ونبيعه لهم..بهالاجانب اللي عاشو بينا وهم جواسيس

فتح عيونه بقوه

محمد:رابح انت تقول هالكلام وانت قبل تسب هالمتطرفين

رابح:هذولي فئه باقيه ليوم البعث الله ناصرهم وبعدين قلتلك كنت جااااااااااااهل

محمد:والحين لما تذبح اجنبي بوسط بيته وبدون مايكون بينكم معركه او حتى يقدر يدافع عن نفسه وتنقطع رقبته بوسط بيته هذا يقبله عقل هذا من الدين يارابح

رابح:جاسوس

محمد:جاسوس بتدري فيه الدوله..لانه بيضرها..والدوله ماوكلتكم بهالشيء..واتوقع هذا يسمى جبن مو جهاااد..الجهاد غير لماتذبح شخص لاحول ولاقوة له..

رابح:والله الحرب خدعه..اذا ماذبحته بيذبحني

محمد:منطق غريب..منطق جبناء..اتركنا من هالسواليف..ابوعمر ارهابي صح؟؟؟

رابح:هذي التسميات اللي اطلقوها عبدة الطغاة

محمد:والله اني كنت شاك..يعني ارهابي

رابح:مجاااااااهد وناصر للسنه

محمد:ايه مو ارهابي..يذبح خلق الله المسلميـــــــن ومو ارهابي

رابح:مانذبح الا الزنادقه..

محمد:ومن انتم علشان تحكمون بعقايدهم وتفتشون على قلوبهم..والاهم من هذا كله ان مااافيه شخص يشهد بس يشهد ان لا اله الا الله وان محمد رسول الله يخلد بالناار..وهالشيء مو معناته اذا عصو او مارسو ممارسات خاطئه اننا نتهمهم بالكفر...رابح انت ناسي سالفة المجمع اللي مات فيه سعوديين وعرب مسلمين..تذكر شكنت تقول ؟؟؟؟

رابح:كنت جاهل

محمد:طيب ياجاهل وين فيه الجهاد؟؟؟بأي حق تفجرهم؟؟؟؟جاااااوب

رابح:انا مادري عن هالسالفه بس اكيد كان لهم غرض

محمد:غرضهم الارهاب.وش سالفة البترول بعد؟؟؟

رابح:لازم نقطعه عن الطغاة

محمد:شرايكم تفجرون المصفاة

رابح:هذا اللي بيصير

محمد:ايه واقعدو بدون بترول وموتو الناس جوع..انت تدري ان اقتصاد الخليج الصحــــراوي عليه هو الشيء الوحيد اللي نعتمد عليه..يعني المصلحه لنا حنا الحاجه لنا حنا..هم لو يبون يدمرونا قاطعونا وحنا اللي بناكل تبن..انت حتى قلم ماتعرف تصنع

رابح:انت مغسول مخك

محمد:رابح خلك واقعي..هذول الجماعات ابعد مايكونون عن الدين هذولي اغراضهم سياسيه بحته..هذولي غرضهم تشويه الدين..يبون يجيبون الكفار لنا ..يبون يحطون لامريكا وغيرها حجه علشان يستولون علينا...هذي العراق وش حطو حجتهم علشان يغزونها؟؟؟النووي...وكم صارلنا سنه الحين من غزو العراق؟؟؟ووين النووي معقوله للحين مالقوه!!!..افغانستان علشان يستولون عليها وش كانت حجتهم؟؟؟معقل ارهابيين.....

رابح:وتبينا نتركهم وهم يعذبون اخواننا المسلمين

محمد:رح لهم..بس تأكد انك تضرهم..رابح انا مو ضد الجهاد ولا الدوله ضد الجهاد..بس لما يكون عدوك معلوم لما تكونون جماعه وقصدكم الدين ورفعتـــــــه..تذكر ايام افغانستان والحرب..كنا ندعمهم وراح مننا كثييييييييير للجهاد..ومنهم اسامه بن لادن..اللي ترك الدنيا وهو تاجر معروف وورث الملاايين ووجهها للجهاد..الكل كان ينظرلهم باحترام..الكل كان يدعيلهم بالخير...ولازلنا ندعيلهم لانهم حررو افغانستان وجاهدو بحق ورفعو الدين الاسلامي....اللي مات مات..واللي استقر هناك..واللي رجع هنا..بعض اللي ارجعو انا اقول وهو تحليلي الشخصي انهم صابتهم حالات نفسيه وهذا شيء وارد لانهم تعذبو..وغير كذا تعودو على اجواء الحرب..ففجرو بهذاك الوقت هنا بالسعوديه ويمكن بالخليج..ويمكن هذا خطأنا لاننا مانتبهنالهم المفروض اول مارجعو نأهلهم علشان ينخرطون بالمجتمع...اصحاب النفوس الدنيئه اللي اغراضهم سياسيه بحته استغلو هالنقطه..الدين والجهاد..فقامو يفجرون على كيفهم بأحكام هم يصدرونها شخصيا...

رابح:يعني ماتنكر فضل اسامه والمجاهدين

محمد:ابدا..بس بهذاك الوقت..قبل ماياخذ منحى اخر..

رابح:مافهمت

محمد:الجهاد..الغرض منه وشو؟؟؟..لا تجاوب انا اجاوبك..رفعة الدين الاسلامي ونشره بالعالم ورفع الاذى عن المسلمين صح...

رابح:صح..

محمد:يعني بعد احداث 11 سبتمبر..وش استفدنا؟؟؟

رابح:هزينا اقتصاد امريكا

محمد:لفتره محدوده ورجع..وحنا اللي اكلناها..اولا الكل كره الاسلام وانطبع عليه انه دين ارهاب وجرائم...وثانيا تفتحت العيون علينا وصار من حق امريكا تهجم على اي دوله تبيها بس لانها تحتوي على ارهابيين..وثالثا المسلمين اللي بأمريكا صار يكرهون انفسهم لما يمشون بالشارع حتى صارو يخافون على انفسهم..بالله قوللي شستفدنا؟؟؟الواحد لما يسوي شيء لازم يعرف نتايجه..السالفه مو خبط لزق..

مسد جبهته بتوتر

رابح:مادري

محمد:بعد اللي قلته وتقول مادري

رابح:بروح لابو عمر واسأله..واذا ماقتنعت ماني مظطر اكمل معاه

محمد:انت حر..بس انا قلتلك..

رابح:مو رايح معاي

محمد:لأ..مابي شيء انا مقتنع فيه ماني محتاج اسأل عنه..

رابح:بروحله وبقولك اللي يصير..

محمد:على كذا انا برجع للرياض اليوم..

رابح:ليه مستعجل

محمد:بلاك ماتدري..خلني ادق على الرسبشن يحجزولي وانااام واريح راسي من امس مانمت..

رابح:انت نام انا بدق عليهم

قام وراح للدولاب وطلّع بجامته لبسها على السريع ونام مرتااااح...


********************


 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة انشوده المطر, ليلاس, المطر, القسم العام, القسم العام للروايات, الكاتبة انشودة المطر, انشودة المطر, انشوده, انكساري, روايات, روايات مميزة, روايات انشودة المطر, روايات كاملة, رواية انكساري, رواية انكساري لانشودة المطر, رواية انكساري كاملة, روايه انكساري كاملة, روايه كاملة, قصص و روايات القسم العام, قصه كاملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:46 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية