المنتدى :
الشعر والشعراء
حدود العشق -مجاراة-
بسم الله الرحمن الرحيم
هذه محاولة مجاراة للشاعر/ ناصر الحربي بعد قوله:
على طاري هموم القلب والآهات والتنهيت
وعلى طاري طريق الحب وابعاده وتغريبه
بغيت اكتب قصيدة شعر لكن الخلل فالبيت
تذوب احروف بيت الشعر قبل انهيه واجيبه
لك الله ياحروفي دام عانيتي وانا عانيت
من الهجران واسبابه ومن بعده وتعذيبه
اشيل الهم في قلبي واسج وليت ماسجيت
وذا سج الفوأد العقل له هوجاس يسريبه
الا ياحظي العاثر علامك ليه وش سويت
تولجت الغرام اللي غداء عقلي يهذريبه
تركت الناس في كفه ورحت لعالم التشتيت
اهوجس بس بالغالي وشيل الهم ومشيبه
زمان العشق مايرحم وانا ياصاحبي مليت
وش اللي باقين فيني من المعروف تحريبه
ترفق لارحمك الله وفك اشويه التثبيت
اذا عندي بقاياعشق اخاف الناس تدريبه
كتمت الهم لكني على حدي كذا وازريت
وانا عارف مدى صبري وحده زين وداريبه
صحيح اني معك وافي ولكني اذا اخطيت
تراك انت السبب قلبي تعب ما درك مطاليبه
فرددت بـ :
ألا يا ناصر الحربي شكيت الحب وتشكيت
ولو تعلم أمور الناس صعب انك تشكي به
صغير السن يتنهد على طاريه وسط البيت
يشوفه نجمه الأبعد عسير وصعب تقريبه
وذا شايب حمل عمره بكتفه والعصا تثبيت
يسولف بالغرام اللي عجز ينسى تراكيبه
يقول أيام يسكني حنينٍ بس لا قد جيت
أفضفض عنه يملاني حزن يدريبي وأدريبه
أحاول أكتم الونة وأصبر قد ما عانيت
ولكن الوجد فيني يزيد بقلبي تعذيبه
صبرت سنين يا خلي على انك تجيني وليت
ذبحت خفوق ينبض لك وقيدته بسراديبه
أشوفه يوم يسكنه الغرام ويحمله تشتيت
وأحزن ليه من مثله عسر يوصل مطاليبه
لأرواحكم النور
هذه أنا/ لِمَ السؤال؟
|
18-12-11, 08:16 PM
جديد مواضيع قسم الشعر والشعراء
العرض الشجري
