عند وليد


وهو يراضي امه : يمه تكفين خلاص كل شي صار


امه : تروح تخطب وتزوج جن ما عندك اهل .. تفرحهم


وليد : وهذا انا قلت لكم .. افرحي ولو تبين تسوين عرس من عيوني من باجر اروح اضبط كل شي


امه وكانها بدت تلين معاه : لا كفايه حفله .. عرس بعد ما شبعت من مقابلها شيفيد


وليد : هههههههههههههه لبــــــــــآ اللي زعلانين والله .. اجل ابوي كل ما زعلتي شلون يراضيح ..


حذفت عليه المخده : قوم ورنآ عروستك


..


..
عند مي
كانت لا هيه بفونها ما وعت الا بوسه على خدها من خالها وابتسمت له


تركي : البسي ملفعج رائد بيدخل


لبسته بسرعه لان ما عطاها مجال وهو راح لـ رائد : يالحبيب ادخل



ياهيه فعيونك حكي وفقلبي دقات الدفوف
ياهيه فعيونك بكي وفقلبي طعنات السيوف


رآئد بشوق : السلام عليكم .. وقعد يم ابوه


مي وهي تحاول تضبط نظرها عند نقطه بالغرفه بس ما بتشوفه : وعليكم السلام والرحمه


رائد : الحمد لله ع السلامه


مي : الله يسلمك


تركي وهو ميت على شكل رائد اللي مبين عليه لو ابوه مو معاه جان خربها : تريقتي يبآ


مي : ايه الحمد لله .. تو رهوف تريقت معاي وراحت بيتهم


تركي وهو يوقف : يالله يبآ انا ماشي تبين شي


مي : سلامتك


تركي التفت لرائد اللي يطالعه بنظرات ترجي وبعدها قام : مع السلامه


مي رفعت راسها له : مع السلامه


..



[ بعد طلعت مي من المستشفى راحت العمره مع امها وابوها وارتاحت فيها 10 ايام بين دعوه وذكر .. فهد خطب منآل و عزوز خط نوره وملجو وعرسهم قريب .. مي كلامها مو مثل اول قل جدآ وواضبت ع الدراسه ومقرره تجيب نسبه عاليه .. أم اسيل توفت بعد نوبة القلب اللي جتها و أسيل ما حد يدري عنها لحد الحين .. مي طول هالوقت تحاول ما تشوف رائد عشآن تمحيه من ذآكرتها و تلتفت لدراستها ]


بعد 7 شهور


مي دقت الباب وكانت متاخره عن حصة الفيزيآ : السلام عليكم
رهف وهي قاعده بمكانها طقت على راسها وقالت بداخلها : تقول ما بطول بعد الله يعين


المدرسه : وعليكم السلام والرحمه .. وتطالع بساعتها . الجرررس صار له ربع ساعه داق وما باقي ع الحصه شي ليه راده


مي ومالها خلقها : ما سمعته


المدرسه : اوقفي ورآآآآآ ولا تضيعين علينا الحصه


مي رآحت وقفت ورآ وتدعي من قلب على المدرسه اللي تكرهها وتكره حصتها


قامت بنت شيطانه وتبي تضيع الحصه وجتها الفرصه وقفت وقالت : عيــــــــــــب يا بنات وين الفزعه والتضحيه مي واقفه وحنآ قاعدين .. وقووووف وقوووف


وقفوآآ شلتهآآآ


وعصبت المدرسه وخلت مي تقعد ووقفت الشله خخخخخخخ


مي وجهة نظرآت للبنت وقالت بصوت همس : سخيفه بجد


..


بـــ كندآآ


أسيل وهي دآخله غرفة الولاده وتصرخ : رآآآآآآآآآآآآآآآآآآآآآآئد أحبك .. لا تخليـــــــــــني !


..



تعال بسألك عني..
أبيأعرف أنا ويني؟؟
نسيت أسمي وعناويني..
وذكرتك بس يانوري..
وأنا معذوره لوأنسى..
جميع الكون بفراقك..
طلبتك خلي لاتقسى ..
حرام الحزنيرسمني..
أحد لوحات جدرانه..
وحرام الهم يطويني..
وأعيش بداخلأركانه..


,,


[ استرآليآ ]
عآدل حط التذاكر والجوازات ع الطاوله بـ عد مآجاه خبر وفآت أم امواج اليوم الصبح


وكان ضايق حده ما بلغها برجعتهم ولا بوفاة امها وهي حامل وخايف عليها


عادل قرب يصحيها : أمواجي


أمواج : اممممممم


عادل : قومي حبيبتي


أمواج : عادل تكفى عطله وخلني انام تعبانه


عادل بتعب وحاول يرسم الابتسامه : بنرجع الكويت .. بعد 4 ساعات


أمواج قامت بخوف : عادل في شي


عادل : شبيكون فيه يعني بس حبيتج تولدين بين اهلج .. يالله قومي زهبي نفسج لا نتاخر


أمواج تحاول تقنع نفسها ان ما في شي وكل خليه فيها ترجف خوف


..
الســـــآعه 8 ,, بالليل
بيت تركي قبل وصول عادل و امواج .. ساره اللي انهارت من الخبر لان كانت قريبه حيل منها الفتره الاخيره .. وفاطمه امها تهديها


تركي ما فقد زوجه بس . فقد اخت وصديقه و ام .. فيصل ما تحمل الخبر طلع بره وهو منزل راسه فقد امه للمره الثانيه .. عزوز اللي كان بــحزنه وساكت يآ ترى امواج شبيصير فيها .. فقدت ام واخت واب ..


أمواج أول ما وصلت بيت تركي وكانت واصله حدها من التعب اندهشت من كثرة السيارات الواقفه عند البيت .. قعدت تطمن نفسها بداخلها غصب ... ما في شي ما في شي


..


و نزل عادل ومسكها ينزلها مما زاد خوفها


كانت تمشي بهدوء تام فتحت الباب و شافت فاطمه حاضنه بنتها اللي كانت تبجي و تركي اللي كان داخل عشان يبلغ امواج ورائد وفهد ومحمد بالديوانيه مع الرجآجيل


وفيصل اول ما شافها دخل وراها وعزوز داخل


وقف لها تركي وفتح ايدينه لها وحضنها وشاف دموعها بعينها وكانها حاسه انها بتفقد امها : قولي لا الــــــــــــــه الا الله
أمواج و هي مو مستوعبه همست له : أمي وين


تركي : ادعيلها بالرحمه


امواج وهي تبعد نفسها عنه وطاحت ع الارض و كانت تطق وجهها بقوه وتصرخ : كنت حآسسسسسسسسسسسسسسسه اني بفقدها


ركض لها عادل وضمها : اذكري الله ما يجوز اللي تسوينه


أمواج دزته عنها وصرخت عليه : كله منك انت اللي اخذتني من حضنها انت انت أطللللللللع برآ ما بي اشوفك كله منك


عادل مقدر حزنها وحالتها طلع متجه للديوانيه


..


عزوز قومها وقعدها ع الكراسي وهو يمسح عليها : امواج حبيبتي أدعيلها هذا يومها


أمواج احذفت نفسها بحضنه وهي بحاله يرثى لها


عدت ايام العزاء و أمواج قاعده ببيت تركي .. ورافضه ترجع لعادل


فيصل دخل غرفتها وقرب منها وشافها تبجي مسح على راسها وقال : امواج عادل يبيج تحت


امواج عدلت قعدتها : روح قوله امواج ما تبيك


فيصل عصب من تفكيرها : امواج اللي صار قضاء وقدر


.....


رآئد وهو طالع من السفآره وشايل بايده بنت انولده قبل 5 أيام .. كآن شكلهآآ يهبل رآئد خذاها البيت وطول الطريق يبوس فيها .. أسيل قبل تولد و صت وحده انها تهتم بالمولود وتوصله لـ رائد اذا هي ما تت .. اسيل بعد الولاده صابها نزيف و فآرقت الحيآة


بس بنتها ووصيتها بيد رائد


..


دخل البيت وبيده البيبي


فاطمه وقفت : منو


رائد تقدم لامه وقال بابتسامه : هذي بنتي يما .. اسيل توفت وهي تولدها وتطلبكم الحل
فاطمه وهي تشيل البنت : لا حول ولا قوة الا بالله .. انا لله وانا اليه راجعون


..


راح غرفته وهو يفتح الظرف اللي من أسيل


..


[ السلام عليكم .. أتمنى تكون بالف خير .. رآئد بنتك لا تقسى عليها مثل ما الزمن قسى على أمها .. أحبك أحبك أحبك أحبك .. سامحني وحللني وبنتي امانتك يا رائد امانتك لا تخليها تحتاج للغريب


مآفيه دآعي نسمع اعذار و حلوف
ما دام ما نقدر نعيد الثواني


انت رحلت دون تلويحة كفوف
وانا رحلت بدون قلب وأماني


أغفر لي زلتي رآئد .. أحتاج دعوتك ]


قطع الورقه بتعب ونزل لهم تحت .. شافهم طايرين فيها .. حتى الشباب ملتمين عليها ويلاعبونها


ساره : رؤووود شبتسميها


رائد : غُفرآن