البارت 29 ]~



عبد العزيز اول ما طلع من البيت كان وده بس يقعد بروحه قعد ع البحر وفكر بكلام عمه حقيقه وما بيده شي ينكره خلااص اللي صار صار الحين عنده اختين طول عمره يتمنى يكوون عنده خوات اكيد فقدوا ابوهم لازم يعوضهم بس فقد وحده منهم



عبد العزيز وهو قايم : وما عندي استعداد افقد الثانيه



عبد العزيز حنوون بشكل كـــبير و يحكم قلبه قبل عقـله



_______________________________________



بالمستشفى عند امواج



تركي ريح وراح لهم لان ما لهم الا الله ثم هو



أمواج وهي منهااره : يبآآآ تركي تكفى كفايه اني فقدت ابووي ما ابي افقد آالاء



تركي : أمواج اذكري الله قدر ومكتوب ان فقدتيها بالدنيا ما بتفقدينها بالاخره




سمعوو احد يدق الباب



تركي : تفضل



عبد العزيز بضحك وبنفس الوقت بيطلع أمواج من حالتها : ممكن ادخل اشووف اختي تشبه منوو



تركي بفررح : اكيييييييد



أمواج أخر واحد توقعت تشوفه عبد العزيز أبوها الله يرحمه كلمها عنه واجد



أمواج : انت عبد العزيز



عبد العزيز قرب وطبع بوسه على خدها : أي نعم



أمواج انحرجت من حركته ما تعودت عليه



تركي : عبد العزيز خلك مع اختك اشوف ام امواج وارد



عبد العزيز : تامر



أمواج : توأمي ما تت يا اخووي



عبد العزيز فز قلبه من كلمت اخوي وراح ضمهاا : بعووضج يا أمواج بعووضج وربي يغفر لها



_______________________________




طبعا عبد العزيز قبل لا يجي اتصل بسعد واخذ منه رقم غرفه امواج وامها اول راح زار امها بس ما حست فيه وتالي راح لآلاء وبعدها لامواج



قبل دخوله على امواج شاف الاء



دخل على الغرفه اللي كانت بارده بقوووه



شاف جسد بلاروح بنت اللي يشوفها يعطيها 18 او 19 منوومه ع السرير بلا نفس بلا حركه اتجه لها ومسك ايدها وباسها



عبد العزيز بصوت مخنوق واقرب للهمس : تدرين من 20 سنه وانا اتمنى يكون عندي اخت بعمري تكوون مني قرييبه تسمعلي لمن اتضايق اشكيلها وتشكيلي عرفتج قبل ساعات تمنيت لو تبقين معاي اكثر اعوضج عن اللي فقدتيه تقولين لي شاللي بخاطرج آآآآه الله يرحمج ويغفر لج



وقام وهو يجفف دمعته وطلع براا



_________________________________




عند رائد :



اول اسبوع حجز له بفندق على ما يدور له شقه قريبه من مكان دراسته ولقى صارله شهر بالغربه تعرف على شباب واحد منهم سعودي والثاني اماراتي وكلهم نعم الاخلاق .. عرف رائد عن خوات عبد العزيز وما توقع زواج ابوه وده يرجع اشتاااق لهم مووت اول مره يبعد عن سامي شهر دايم سفراتهم عائليه ومع بعض اشتاق لنجره ساره وحنة عبير ولقاافه محمد وفيصل وهبال فهد وعبد العزيز فقد الكل طوول هالشهر كان ياخذ دورات يقوي لغته وبيرجع بعطله الصيف يصيف معاهم وبعدها يبدي سنه جديده بالجامعه بدراسه جديده ومعاه سامي ونفس التخصص بعد وقرر ينسى مي ودلعها ..]



_______________________________________



اليوم احلى الايام عند الكل من شعب وطلااب وفرحه ما تنووصف 25/26 .. فبراير احلى الايام بالسنه كلهاا



وبهالمناسبه تركي حب يقرب امواج وامها من العايله ومتاكد انه بينجح طبعا هذا كله براي فاطمه و مزهبيين احلى مفاجاه للبنات والشباب اللي هي مزرعة تركي طول الاجازه تحت امرهم بشرررط الرغوه (فووم ) ما تدخل المزرعه عشان ما يعفسونها عليه طبعاا لقآ معارضات و زعل وااجد بس ما تنازل ما في يعني ما في عندهم عطله اسبووع من يوم الاثنين للاثنين اللي بعده فقرروا غيآب الاحد لان مو مستعدين يداومون وغياب الثلاثاء والاربعاء والخميس اللي بعد العطله >> حركه دايم نسوييها خخخخخخ



البنات قرروا طوول ايام المزرعه سهرر وهبال و وناسه لان اول ما يرجعون من العطله اختبارات ..}



______________________________________



الكل متواجد بالمزرعه من يووم الاحد ابو سعد قرر يعطي نفسه و اللي يشتغلون معاه بالشركه من اللي بالمزرعه اجازه لاخر يوم بالمزرعه



بتعرفون من اللي انخطبت امممم ألهام انخطبت لسلطان وماردووه ونعم الرجال واكيد بيحافظ عليها ..]



بالمزرعه :



مي : خالي بلييييييييز امس ما ناقشت لان كنا تونا واصلين وما فيني اتكلم بس تكفآآ عشاني القعده ما تحلى من غير الرغوه



تركي وهو ماشي عند الخيل يشيك ع المزرعه : قلت لا يعني لا روحي للبنات ودوري لج أي شي تتونسين فيه غير هاللعبه البايخه



مي : طلببتك امااانه



تركي : اسسسسسف يا مي بتعفسون علي المزرعه



مي : خالي بلييز



تركي : لا تحاولين قلت مسسستحيل



تركي ركب الخيل وخلى مي وهي تتحلطم هــع

المزررعه كبيييره بشكل .. اكثر ناس يدلون المزرعه وحافظينها شبر شبر سامي و رائد لان كل ما ملو اتجهوا للمزرعه وللخيل ووسعوا صدوورهم