المنتدى :
ركن المطبخ
طبق الحكومه
السلام عليكم ورحمة الله وبركاته
كيفكم يا صبايا
عاملين اية ؟
اخبارتكم جميعا
اولا كل عام وانتن بالف خير
عام هجري جديد سعيد علينا كلنا
احب ان يعجبكم موضوعي
واسمه زي ما هو باين من عنوانه
طبق الحكومه
محدش يكش ويبعد بعيد
انا مش قصدي الحكومه دي
انا قصدي الحكومه التانية
طبعا واحدة تقولي مفيش فرق بينهم
اقولها
لا يا ماما لا
دي تفرق عن دي
حكومتنا دي غاليه على قلبنا
بنحب نعلمها الاكلة اللي بتحبها
عشان ترضى عننا
طبعا ارتبط لفظ الحكومه بشريك الحياه
واللفظ متبادل
الازواج بيطلقوه على زوجاتهم
والعكس طبعا بيحصل
احنا كمان بنقول عنهم الحكومه
* طيب ايه اكتر اكله بيحبها حكومتك الموقر
وبيطلبها منك باستمرار
نتمنى الوصفة بتفصيل
ولو معاها صورة كمان يبقى تمام اوي
*طيب اذكري لينا موقف طريف حصل اول الجواز معاكي انتي وحكومتك والمطبخ
( ومفيش واحدة تقولي محصلش ، لازم تكوني عكيتي الاكل في اول الجواز وهو يا اكله يا جاب دليفري )
*طيب ايه احساسك لما بيطلب منك حكومتك نوع معين من الاكل
وخاصة طبقه المفضل
* ايه السبب في انك تاكدي ان الطبق ده هو احلى طبق بيحبه حكومتك من ايديكي ؟
*اول مرة عرفتي ان الطبق ده طبق الحكومة
احساسك كان ايه ؟
والموقف لو تحبي
اسدحيه
الفكرة فكرتي يا صبايا
واتمنى تعجبكم
المتورطة هتجاوب على الاسئلة ده بعد اذنها طبعا
وتجيبلنا وصفة الطبق بالتفصيل
طبعا هنورط البنات الحلوات في الموضوع
ومش شرط على فكرة المتزوجات
يعني ممكن تبقي لسه بتمرحي في بيت العايلة
ويبقى الحكومة بابا او ماما او احد اخوتك
يعني عشان البنات متقولش ملناش فيه
لا كله هيضبط ويحضر امام
طبق الحكومة
وللعدل هاكون اول المتورطات
انتظروني
|
26-11-11, 08:04 PM
جديد مواضيع قسم ركن المطبخ
العرض الشجري
