لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


لا تعشقي البحر ‘ ترى البحر غدار ، للكاتبة : سامية المقام ..

.........................♪♪♪ مسساااكم ورد آل ليلاس .. الكاتبة سامية المقام من اوائل الكتاب اللي قريت لهم .. بديت معها روايتها الاولى : قبر يلمني ولا بنت تذلني ..

إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 24-11-11, 12:52 PM   المشاركة رقم: 1
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

المنتدى : القصص المكتمله
افتراضي لا تعشقي البحر ‘ ترى البحر غدار ، للكاتبة : سامية المقام ..

 


.........................


مسساااكم ورد آل ليلاس ..

الكاتبة سامية المقام من اوائل الكتاب اللي قريت لهم ..
بديت معها روايتها الاولى : قبر يلمني ولا بنت تذلني ..
وقرآت لها من قريب رواية الصعود الى الأسفل ..

واليوم انقل لكم روايتها الوسطى ..
ما بعد اقراها لككن شكلها حلوة .. اتمنى تعجبكم ..


.........................

 
 

 

عرض البوم صور ♫ معزوفة حنين ♫   رد مع اقتباس

قديم 24-11-11, 12:56 PM   المشاركة رقم: 2
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

السلام عليكم والرحمة


شحالكم الشيوخ عساكم بخييييييييييييييييييييير............

الصراحة ما ادري شو اقولكم في البداية

بس أول شي عيدكم مبارك

هذي قصة يديدة لي

أدري تقولون ما وحالها تكتب وحدة ثانية *__*

أول شي أشكر كل من تابع قصتي القبلية (قبر يلمني ولا بنت اتذلني )

وأشكر كل من وجهه لي اي نصيحة الصراحة وايد فادتني نصايحكم

أدري اني في قصتي القبلية يمكن وايد استعيلت في آخر الاجزاء ونسيت بعض المواقف لكن تدرون اني مبتدئة ولازم الغلط

بس ان شاء الله هالقصة بتكون افضل من السابقة


بالنسبة لهالقصة بيكون الاسلوب مختلف تماماَ ...... بتعيشون الاحداث لحظة بلحظة ان شاء الله لان بيكون عن حياة شخصية وحدة وهي بتقولكم كل شي

أدري الاسلوب مب يديد عليكم وأن وايد كاتبات متبعين هالاسلوب
بس ان شاء الله قصتي تكون غير


 
 

 

عرض البوم صور ♫ معزوفة حنين ♫   رد مع اقتباس
قديم 24-11-11, 12:56 PM   المشاركة رقم: 3
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

(الجزء الاول )


يمة ودعني حبيب القلب يمة كان ودي من كثر شوقي اضمة
الهوا يمه من قلبي تمكن ألي خبيته يا يمة الحين بين
لما نزلت دمعة تحرق من عيوني كلهم شافوها يمة واعذروني



فتحت عيوني شوي شوي حسيت بها يالسة تقومني بصوتها الرقيق
الله ياخذ هالصوت وصاحبته ......... السراقة سرقت مني أبوية
ولا الي يقهرني مسوية عمرها بريئة وحنونة معانا .......... كرهت البيت منها ............. يا ريت بعدني في الجامعة
بدل لا أجابل هالوية النحس....... بس للاسف أنا مخلصة من ثلاث شهور ومتخرجة ولين الحين ما لقيت شغل
بس الحمدالله في شي مصبرني هو اني ليلة عرسهم دعيت أنها ما تحمل مولية ولا تيب عيال
وهي لين الحين ما حملت معنه صارلها سنة متزوجة
يا ريت هالشي يخرب علاقتها ويا أبوية ........... لاني اعرف كل الازواج الي يتاخر الحمل عندهم يصير بينهم مشاكل
لكن هالساحرة لااااااااااااااااء
ساحرة ابوية مب سهلة ويا ريت بس ابوية ساحرة الكل

سمعت صوتها:عليا قومي حبيبتي بسج كسل
عليا: أوووووووووووووف شو تبين
هزتني: الساعة عشر ما بتقومين
عليا: ليش ان شاء الله شو وراية مدرسة بروحها ........ولا جامعة بتاخر عليها
.......... ولا ريلي بي من الدوام
حسيتها انحرجت يا حليلها البريئة
قالتلي :على راحتج
وراحت
روحة بلا ردة شو تتحراني بركض وراها يعني

أوووووووووووووووووف خلاص راح الرقاد من عيني
رن مبايلي أطالعته هذي حصوه ربيعتي
حظها حلو الصراحة
عادت السنة يعني بعدها في الجامعه صح كراف بس
تتسلى على الاقل

شليت المبايل ورديت عليها

عليا:الو
حصة: لها والله بالطش والرش وينج
عليا: ويني بعد في البيت .......حصوووووه مليت
حصة: ليش بعده ما طلعلج شغل في مكان
عليا:بلا بس مب كل مكان يعيبني
حصة: بطرانة تراج خيسي عيل في البيت لين ما تلقين مكان على ذوقج
عليا: مب رايمة كارهة البيت والي فيه
حصة: عليا خلاص هذي مرت ابوج لازم ترضين بالوضع
عليا: ان شاء الله يطلقها
حصة:بس عليو غيري السالفة أدريبج الحين بطيحين فيها هالمسكينة وبتهديني
عليا: هاي مسكينه والله انتو الي مساكين
حصة:أنا ابغي أعرف شو سوتلج الحين وحليلها
عليا: كفاية صرقت أبوية منا ...وبعدين أنا ما انسى كلام ابوية لي بسبها
صة:عليا الصراحة معاه حق
عليا: جان متصلة تغثيني صكري
حصة:خلاص بردووووووون سويتي
عليا:شو بريك عندكم الحين
حصة:هي بس الظاهر جريب بيخلص يلا عيل فمان الله بكلمج بعدين
عليا: اوكي حبيبتي باي
حصة:لحظة بتظهرين اليوم
عليا:لاء اليوم أبوية بيظهر مع المدام مالته ولازم اكون وياهم ما بخليهم روحهم
حصة:ههههههههههههههههههه الي يشوفج يقول ريلج مب أبوج
عليا:حصووووه متفيجة يلا باااااااااااااااااااي
حصة:هههههههههههه باي

فريت مبايلي حتى حصوه مصدقة أنها طيبة تعرف تقص على الكل فقتي أنا ليش ما ظهرت عليها عيل

قمت وخذت ثيابي وفوطتي وتسبحت

أول ما شغلت الرشاش ونزل الماي على راسي ما ادري ليش تذكرت الكلام الي عقه عليه ابوية وتميت أصيح صح الكلام عادي ومب جارح ذاك الزووود
بس ما ادري ليش وايد اثر فيه هالكثر تخيلوا
لين الحين مب ناستنه
هاللحظة كرهت نورة اكثر واكثر مب بس سارقة ابوية مشيشتنه علينا بعد

خلصت سبوح ولبست برمودة وقميص نص كم وردي (تراني ألبس هاللبس عادي لان ما عندي اخوان يعني مب عورة )
طلعت من الحمام ونشفت شعري ومشطه لفيته عسب لا يبلل ثيابي
وحطيت شويه لوشن على ايدي
يلست اطالع غرفتي
الي يشوف الغرفة يقول غرفة ولد مب بنت
اوووووووووف ما فيه ارتبها الصراحة وما اروم اقول حق الخدامة
لاني لو قلتها ابوية بيحتشر عليه وبيقول انتي مسؤليتج مب رايمة تتحملينها كيف باجر بتتحملين
مسؤولية ريل وعيال
الصراحة أحس من كثر ما يقولي (يوم بتتزوجين شو بتسوين)
ما عرست لين الحين والظاهر اني ما بعرس وين بيني الخير وانا اتصبح على ويه النحس هاي
وقفت جدام المنظرة اطالع عمري
الحمدالله أنا حلوة بس مب بيضة وايد يعني حنطية شوي بس شكلي بشكل عام حلو
صار عمري الحين أربع وعشرين سنة يعني بعدني صغيرة

ما أدري الصراحة ندمت اني دشيت تخصص ادارة اعمال أحس وايد متخرجين منه
عسب جي مب ملاقيه شغل
الله على ايام الجامعة والكشخة كنت ما افكر فشي غير الكشخة والخقة
كنت مرتاحة لين ما ظهرت في حياتي هالعقربة الي اسمها نورة
تنرفزت من طاريها فريت المشط على التواليت
وطلعت من غرفتي نزلت تحت شفتها تطالع برنامج عن الصغارية
ما ادري ليش تشمت فيها ................. لاحظت انها اول ما شافتني بدلت المحطة
أطالعتها باستهزا ء:شو اطالعين
نورة/:برنامج
عليا:هع هع زين زين
حسيتها ارتبكت وقامت راحت فوق الظاهر راحت تصيح لأني لمحت الدمعة في عينها .......... ضحكت ما ادري ليش استانست
يمكن لأن دعوتي استجابت وبمكن لاني ما ابغي ابوية يرتبط بها أكثر

على فكرة ابوية مب عود وايد عمره ثلاث واربعين سنة والمدام ملاته السنيوريته ثلاث وثلاثين
....... هالعانس
ما حصلت غير ابوية تتلزج فيه


شوي شفت الباب ينفتح دخلوا منه خواتي الثنتين
فاطمة وشهد
فاطمة صف سادس
شهد صف ثالث

على فكرة ترا اماية ما صارلها فترة طويلة متوفية ثلاث سنوات بس
يعني عشت معاها 21 سنة يعني صعب
مب صعب بس مستحيييييييييييييييييييييل انساها
مثل ما غيري نساها

فاطمة :وين عمو نورة
طالعتها :وانا شعرفني ليكون سكرتيرتها وانا ما ادري
شهد:ابغي أقولها شو استوالي في المدرسة
طالعتهم بعصبية وقمت من مكاني مقهورة منها يالله
كيف قدرت تكسب الكل حتى هالصغارية ما سلموا منها
رحت حجرتي وأنا انافخ من العصبية مستحيلة هالانسانة شقا ممثلة بارعة عمري ما شفت شراتها

عقيت عمري على الشبرية بس ما وحالي اصكر عيني الا الخدامة تدق الباب تزقرني على الغدا

قلتلها ما ابغي بغيض وصكرت الباب في ويها
بندت عيوني بس ما وحالي الا والباب يندق مرة ثانية جني في هالبيت مكتوبلي ما ارتاح

فتحت الباب شفت شهد تقولي: بابا يقولج تعالي غدا

فتحت عيوني لاء والله وليش مطرشنج انتي احيده روحه يي لين عندي

عليا:ليش وين بابا

شهد: أبوية تحت ويا خالو نورة

ما ادري حسيت كل العفاريت لبستني في هاللحظة
هي معلوم بي عندي لاء بيتم عند المدام ام ويهين
لكن أنا براويها هاي............
أن ما طفشتها ما اكون عليا
نزلت تحت وشفتهم كلهم يالسين على الطاولة والغدا محطوط وهم يتغدون .........لاء بعد محد يترياني
تنهدت في خاطري الله يرحم زمان أول
رحت يلست وياهم شفت نورة تاكل بنفس مفتوحة هي أكيد أبوية راضاها لكن انا براويج

حتى ابوة ما سالني ليش ما كنتي تبين غدا تراه من يشوفها ينسى الدنيا والي فيها

عليا:أبوي
:هلا حبيبي
عليا: كنت بقولك باجر العصر بروح ازور ربيعتي تعبانة شوي
:سلامتها ما تشوف شر ....روحي أبوية
عليا: تدري منو ميــــثة الي كان عرسها قبل شهرين
وشددت على شهرين وأنا أطالع نورة وهذا الي استغربه ابوية

قالي مستغرب:هي ليش
عليا:لا بس تدري ليش تعبانة
:لاء ليش شفيها
قتله وانا أطالع نورة :حــــــامل
حسيت نورة بهتت (بسم الله بتاكل ربيعتي ) لكن الظاهر انها بهتت لأن حست قصدي أني احرجها واجرحها
حسيت الدمعة في عيونها بس مب راضية تنزل
شوي ولا ابوية شرق
شفت عليا صدت صوبة :بسم الله عليك ناصر خذ اشرب عصير
ناولته عصير بس ما لحقت لأني ناولته ماي
شفت ابوية يطالع الجلاصات حيران ما يعرف يراضي منو
شل الاثنين شرب من قلاصها شوي ومن قلاصي شوي
بس حسيت بالقهر تدرون ليش
عسب شرب من قلاصها قبل قلاصي

شفتها تحاول تغير الموضوع
سألت فاطمة:شو حبيبتي فطيم شو المدرسة
لاحظت أبوية يبتسم لها بحنان واطالع فاطمة
تمت فاطمة ترمس وهم يسمعونها بعدين قالت
فطيم: تدرين عمو الابلة وايد تشبهج
نورة:ههههههههههههههههه منو أحلى عاد
فاطمة:انتي طبعاَ انا وايد احبج

عويت بوزي مب سهلة بعد مخلية البنية تحبها

ناصر: أطالع نورة وقال:طبعاَ حبيبتي تراها الحين شرات أمج
قمت بعصبية لين هني وبس
الصراحة استحملت وايد لكن هني وبس كلا ولا أمي
وقلت بصوت عالي محد ياخذ مكان امي في هالبيت لا هاي ولا غيرها

حسيت ابوية انحرج ونورة قامت وهي تتصنع الابتسامة
لاحظت ابوية يطالعني بعتاب تنهد بضيج وهز راسه وقام وراها
صديت الصوب الثاني (الحقها عن تسوي بعمرها شي مالت عليها )

شهد:ليش سويتي جي عليو

لاء ناقصني انا بعد هالياهل

طالعتهم بطرف عيني ورحت فوق غرفتي مريت حذال غرفة أبوي سمعته يقولها

ناصر:أدري حياتي أنتي مالج ذنب
الصراحة انقهرت وحسيت اذا تميت واقفة هني برتكب جريمة
رحت غرفتي وصكرت الباب بغيض

وطلع صوت قوي من الباب حسيت البيت كله سمعوه

غسلت ايدي وعقيت عمري على الشبرية

الظاهر انا ايامي كلها بتكون في حجرتي ولا على الشبرية راقدة ولا مجابلة ويه النحس نورو

غمضت عيوني وانا اتذكر المغرب أني بظهر مع أبوية والمدام مالته

لأن المدام ما تحب تظهر اخر الاسبوع اونه زحمة تظهر نص الاسبوع
براويج يا نورة أن ما نكدت عليج عيشتج

قبل كنت مشغولة بالجامعة بس الحين ما عندي شي
أنا وانتي والزمن طويل

نزلت دمعة من عيني قبل لا ارقد ما ادري دمعة قهر ولا حزن ولا عيوني تعودوا على الدموع؟؟؟؟؟؟؟؟؟؟؟؟؟؟؟؟



انتهى الجزء

ان شاء الله البارت يعيبكم
بالنسبة للبارت الياي بيكون بعد العيد ان شاء الله

اتريا ردودكم


خويتكم سامية المقام

 
 

 

عرض البوم صور ♫ معزوفة حنين ♫   رد مع اقتباس
قديم 24-11-11, 12:58 PM   المشاركة رقم: 4
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 





الجزء الـــــــــــــــــــــــثـــــــاني



كـل من جـانــي هجانـي ولامنـي ... قالـوا أمر الـحـب بالدنيـا سـراب
ليتهم شافوا اللي شوفه شاقني ... كـان قالـوا إن الهـوا أمره صـواب



فتحت عيوني على صوت ابوية بس غريبة احيد نورة الي تقومني .........من عرس أبوية
فتحت عيني شفت أبوية منسدح عندي

ناصر:يلا حبيبي قومي
تدرون وايد استانست ان ابوية عندي
قمت تعلقت في رقبته شفته يضحك :يلا حبيبي قومي بنظهر

عليا:ليش ساعة كم الحين
ناصر:يلا هبابج تجهزين

غمضت عيني ورديت طحت على الشبرية

سمعت:أبوية يقول :يالله يالكسولة نص ساعة وابغي أشوفج جاهزة
شفته يطلع من الغرفة قمت من مكاني عسب اتغسل
وبعدين رحت طلعتلي ثياب من غير اهتمام
بس بعدين قلت لاء ما أبغي ويه النحس تطلع أحلى مني
اهتميت بكل شي مهما كان ما يأثر
طلعتلي تنورة بس قلت خلا أظهر أشوف هالسحلية شو لابسة

رحت شفتها يالسة ويا أبوية تجربت منهم الظاهر أنهم بعدهم ما لبسوا

شفت ابوية يتجرب منها ما ادري شو صالي صرخت مرة وحدة:أبوية

طالعني ابوية :هلا ابوية

عليا:متى بنروح

ناصر:بعد شوي

رحت عنهم وشفت أبوية يتجرب منها رديت صرخت:

شفت ابوية رد على ورا وهو يتنهد :هلا ابــــــــوية
عليا: بنطول وايد
ناصر :كيفكم أبوية

رحت شفت أبوية رد يتجرب منها رجعت عنه :ابــــوية

طالعني ابوية وهو يتنهد :ها ابوي

عليا: لا كنت اجرب صوتي

شفت ابوية يقوم وهو يبتسم الظاهر فهم عليه

شفت نورة ياية عندي:عليا

صديت وانا اتافف :نعم

نورة:شو بتلبسين

أطالعتها مستغربة :قصدي اي لون عسب البس شراتج

عليا:ما يخصج وبعدين ما أحب حد يقلدني

عليا:حسيتها انحرجت هدتني وراحت غرفة خواتي الظاهر بتلبسهم
مسوية عمرها طيبة طول عمرهم الخدامة تلبسهم الا من يت هاي خربت نظام البيت كله


رحت فوق وتلبست وحطيت ميك أب خفيف ما فيه بعد اتهزء

نزلت تحت شفت الكل مخلص ويالس

قام أبوية وهو يقول:فديت الحلو الكاشخ يلا قوموا

ركبنا سيارة ابوية ركبت ورا عند فاطمة وشهد طالعني ابوية من المنظرة :علايو ابتسمي حبيبتي

ابتسمت أبوية يبغي يغير مودي

قال أبوية :وين تبون تروحون

نورة:نروح ابن بطوطة

اعترضت أنا :لاء بنروح امارات مول

شفتها احمرت وانا هذا الي ابغيه

نورة:خلاص نروح امارات مول

هي جي اباج تفهمين الدرس

نزل أبوية راسه وتم يسوق مرت يمكن نص ساعة أو اكثر لين ما وصلنا وخاصة امارات مول بعيد

نزلنا وعلى طول رحت عند ابوية ومسكت ايده

ناصر:خلاص أنتو روحوا صوب الالعاب واحنا بنتمشى شوي

شفت نورة تبتسم لابوية وتروح

امحق مسوية عمرها طيبة
رحنا نتمشى أنا وابوية

ناصر:شو تبين تدخلين محلات ولا نسير صوب المطاعم

عليا:لاء نروح عند المطاعم

قتله نروح المطاعم رحنا للمطاعم الي عند سكاي بس بعيدة عنه شوي

رحنا محل ايطالي (........) طلبنا باستا ومارغريتا

شفت ابوية يطالعني وفي عيونة رمسة
قلت اختصر الطريج عليه وايد احسن

عليا:شو تبغي تقول أبوية

ابتسم:هههههههههههههههه

ناصر: ليش تكرهين نورة

عليا: قلت ببساطة :للأنها مرت أبوية

عقد ابوية حياته :بس هي ما ضرتج بالعكس هي طيبة وتحبكم

عليا:مافي مرت أبو طيبة

ناصر:اشو هذي نظرية ولا فرض
كمل ابوية كلامه وانا ساكته :حبيبي انا لو ما أدري انها تحبكم وطيبة ما تزوجنها
عليا:جان زين لو ما تزوجتها كنت مرتاحة على الاٌقل

ناصر: طالعني مستغرب:ليش أنتي مب مرتاحة

عليا: عادي

ابوية ابتسم:خلاص مافي ألا حل واحد
عليا: شوووووووووووووو
ناصر:ازوجج وارتاح

قلت بتهور:جان زين

رفع ابوية حياته كانه مستغرب :تبين تتزوجين

عليا:ابـــــــــوية

شفته يضحك وسكت لما يت الفلبينية تحط الاكل

ناصر:تنهد ابوية :والله يا عليا انا خايف عليج

عليا: من شوو
ناصر: من هالدنيا ما سمعتي بالمثل الي يقول كما تدين تدان

يلست افكر يعني باجر أنا جي بيصير فيه بتعذب في حياتي وام ريلي ولا اخته بتسوي بيه جي

لا طبعاّ أنا مب مثل نورة ....... هي أصلاَ تستاهل الي ياها سراقة الرياييل
أنا مستحيل اسرق واحد من عايلته وحياته شراتها

الصراحة ماحسيت بأبوية وهو يقولي :يلا عليا قومي

قمت معاه ورحنا نتمشى بين المحلات الصراحة لو اقولكم اني مستانسة بجذب
حاسة بضيجة ليش ما ادري

يا ربي هذا يمكن الي يسمونه عقدة البطالة

صديت على أبوية شفته يرمس بالمبايل اكيد يرمس نورة

المهم مشينا لين ما وصلنا جريب طاولتهم شفتها يالسة وتضحك مع فطيم وشهد

انقهرت منها كيف قاصة على الكل حتى خالو

هي ما خبرتكم عن خالوتي هي اخت ماما الوحيدة اسمها بدرية عندها ثلاث بنات وحدة أول ثانوي ووحدة ثاني اعدادي ووحدة خامس ابتدائي وولد واحد صف ثاني ابتدائي

هي بعد وايد تحب نورة أقولكم مسوية غسيل مخ للجميع

وصلنا عندهم شفتها تتطالعني مبسمة صديت الصوب الثاني حسيتها قفطت

الصراحة مستحيل اتم مع هالانسانة ثانية وحدة بعد أحس ساعات بكره شديد لها بدون سبب

أنا لازم الهي عمري باي شي لازم اشتغل
بس وينه هالشغل خلاص مافي الا هالحل

عليا:ابوية

ناصر:هلا ابوية
عليا:ابغي أقولك شي
ناصر:أمري غناتي

عليا:أبغي اشتغل في شركتنا

شفت ابوية يبتسم
: بس في شركتنا ماشي دلع ...........حالج حال الموظفين

عليا:عادي بس اشتغل

نورة :زين تتسلين......... ضيجة اليلسة في البيت

قلتلها باستفزاز :ليش انتي بعد بتشتغلين

نورة: لاء
شفت ابوية يحاول يغير الموضوع: خلاص باجر برمس حميد

قاطعته بسرعة: وشو يخصه حميد
ناصر:لانه كان يبغي سكرتير وبشوفه جان بيخليج تشتغلين عنده

عليا:لاء والله بتخلوني أنا كبش الفداء عند هذا

ناصر: ليش بلاه حميد بعد

تاففت :ما بلاه شي بس مستحيل يشغلني عنده

ناصر:ليش

عليا:ماشي ماشي خلاص رمسه وردلي خبر

ناصر:خلاص تم من عيوني كم علاية عندي أنا

اففففففففففففففففففف ما بقى الا هذا يكون مديري ناقصة انا هالشيبة بعد

من كفاية نورة يظهرلي هالمتعقد بعد

بس أكيد ما بيوافق أدريبه عدو المرأة

ما ادري حسيت الوقت مر بسرعة لأن ابوية قال:يلا بنسير
قام ابوية وشل اجياس نورة

لاء والله وليش ما يشل اجياسي انا بعد
مديت بوزي وقمت وراهم وانا اشل اغراضي بغيض شفت ويه مالوف عليه

هذي جنها امووووووووووووووووول
.اوي هي والله
رحت صوبها مبتسمة بس قفطت لما شفت ريلها رافع حياته مستغرب ......جنه يقول وين تبا هاي
طنشته
عليا:اموووووووول
أمل :هلا والله................... وأنا اقول المركز منور
عليا:هههههههههه ضحكتيني اكيد من مني
أمل :ههههههههههه شو ويا منو ياية
عليا: ويا ابوية وحرمته وشديت على كلمة حرمته
أمل :هي هني العوق
عليا:اموووول مب ناقصتنج انا يلابروح اشوف ريلج يطالعني بطرف عينه
أمل :ههههههههههههههههه هذا مب ريلي هذا سلطون اخويه
عليا:وانا محترمتنه يظهر اخر شي سلطون

أمل:ههههههههههههههه متى بتكبرين بس

عليا:ما اروم على العاقلين .........انزين حبيبتي بسير أنا عيل أبوية يترياني ........ بينا كووول
امل:أوكيييك
عيلا:يالله تيك كير
امل :يو تو

رحت وسمعت اخوها يقول: ما نروم على المطورين تيك كير اونه

أوووووووف هذا اخوها بعد ما ادانيه رزة يرز عمره بكل شي........... هههههههههههههه منو أداني انا

وصلت عن ابوية الي كان واقف يترياني

ناصر:منو هاي
عليا:اموووول
ناصر:هههههههههه راعية الديتول
عليا:ههههههههههههههههههههههههههههههههه

ضحكت على ابوية يعرف ربعي كلهم حتى سوالفهم......... ترا علاقتي ويا ابوية وايد قوية قبل لا يتزوج بس من تزوج
ما قمت اسولف وياه مثل قبل

ركبنا السيارة وحطا ابوية نشيد لبوخاطر

حسيت الجو صار هادي ابتسمت يوم شفت شهد راقدة على جتفي

وصلنا البيت ورحت على طووول حجرتي اندق الباب ودخلت نورة:ممكن ادخل

عليا: دخلتي تراج شو تبييييييييييييييييييييييين
مدت ليه جيس:

عليا:شو هذا
نورة: هدية مني لج.......... شفتها وعيبتني وادري أنج تحبين سوالف الاكسسرز (اكسوارات ) السبورت

عليا: ومنو قالج أني أقبل هدايا من غرب

نورة ابتسم بحزن : مشكورة

حطت الجيس على الطاولة وظهرت :لاء والله تريي ............بلحقج مالت عليج

الحين بتروح تصيح عن أبوية ادريبها

أووووووووووف تنهدت ملانة أحس اني عايشة حياه ميته بدون شغل ولا شي مالي دووور في المجتمع

رحت اتغسل عسب ارقد وأنا ما ادري باجر شو مخبلي من أشياء؟؟؟؟؟؟؟؟




انتهى الجزء

 
 

 

عرض البوم صور ♫ معزوفة حنين ♫   رد مع اقتباس
قديم 24-11-11, 12:59 PM   المشاركة رقم: 5
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

الجزء الثـــــــــــــــــــــــــــــــــــالث



ما اريد بك حد لو كان حورية انت مهدي الغرام وانت زلزاله
للموت أنا لك حبيبي صورة حية ميت بحبك وبحبك صرت أنا اسعاله

كنا يالسين على الغدا فجأة شرق ابوية كانه ذكر شي

ناصر:علاية
عليا:هلا أبوية
ناصر:رمست حميد اليوم

طالعته بعدم اهتمام لاني اعرف القرار الي اتخذه حميد

ناصر:وافق يشغلج
فجيت عيوني وتميت مبحلقة في ابوية.......... كيف مستحيل ........... حميد يشغل حرمة في قسمه ........شو الي خلاه يوافق
يا ربي انا شكلي وهقت عمري ويا هالمينون ...........والحين شو الحل ............ شو اسوي ..........كيف افلت من هالموضوع.............. اذا تراجعت ساعتها بيتأكد حميد اني مب قد المسؤولية واني مب رايحة اداوم ........رايحة اتسلى بس

ناصر:بلاج حبيبتي
عليا: ماشي بس كيف وافق
ناصر: كان متردد بس بعد ما مدحتج وافق

الحين عرفت ليش وافق أكيد ابوية احرجه وهذا الي خلاه يوافق
وخلاه ما يقدر يقول لاء ............ لانه ما يرد طلب لابوية ........بس لحظة

عليا:وشو بشتغل
ناصر:سكرتيرته

عليا :قلت باستنكار:سكرتيرة

ناصر ابتسم: احمدي ربج حد يقدر يكون سكرتير حميد الخاص ويرفض
عويت بوزي يالله ما ادري منو عاد ......... غير هذا الشايب ؟؟؟؟؟؟؟؟؟؟؟؟؟؟

ناصر: باجر بيبدأ دوامج بس ها مب تسودين ويهي جدامه

عليا:لاء لاء ........... لا تحاتي
تم يعطيني ابوية نصايح عن طريقة الي بتعامل معاها مع حميد .................... وعن اسلوبه في الشغل والاشياء
الي يكرها وما يحبها في الموظفين.......... باختصار صرت من الحين كارهة الشغل
وخاصة أن في رايي أني بشتغل عند وحش مب انسان

...............كافي الكلام الي سامعتنه عنه بعد اسمع أكثر من ابوية

ما بقولكم الكلام الي قاله لي أبوي عن شخصية حميد
بخليكم تعرفونها مع الايام

............................................

رحت فوق وانسدحت على الشبرية عسا يلي رقاد لكن شكله اليوم مخاصمني النوم
اطالعت الساعة شفتها اربع وربع
يالله الوقت يمر بسرعة ما حسيت به

تميت افكر فحميد ادري انكم ما تدرون منو هو .......... بس احسن لكم

تنهدت وشليت مبايلي اتصل بحصة

حصة:ألوووووووووووووووووووووووووو
عليا:بسج رقاد نشي
حصة:علاية حراااااااااااااام عليج
عليا: مب حرام يالله قومي
حصة:ليش بعد
عليا: بنظهر .......... قومي تلبسي.............. ساعة الا ربع وانا عندج
حصة:ليش وين بنروح
عليا:ميغا مول
حصة:ليش................ الصراحة مالي مزاج......... باجر بنسير
عليا:باجر دوامي يالله قومي حصيص
حصة:أنزين شرايج خمس نطلع
عليا: زحمة بعدين ما فيه على الزحمة
حصة:انزيييييييييييييييييييييييييييييييييين بقوم وامري على الله
حصة:بس ما قلتي وين توظفتي

عليا: في شركتنا

حصة:هي زين تتسلين

عليا:تدرين بشتغل سكرتيرة
حصة:هههههههههههههههههه لاء ما اصدق علاية تشتغل سكرتيرة
عليا:صخي روحي متضايجة
حصة: ليش عادة
عليا: توقعي منو الي بكون سكرتيرته
حصة:أبووووووووووووج
عليا:يا ليييييييييييييييت ........................حميد

حصة: منو حميد

عليا:الي رمستج عنه
حصة: هي ذااااااااااااااااااااااااك أنزين شو يعني عادي

عليا: هي عادي أونه.......... ما تدرين ان هذا عقدته شي اسمه بنات .................
حصة: وانتي شعليج الا بتشوفينه في الدوام

عليا:لاء والله جنه بجابلة سبع ولا ست ساعات أكيد بيطلع حرته كلها فيا

حصة:اتخيل شكلج هههههههههههههههههههههههههه تعالي بس هو متزوج
عليا: كان

حصة:شقى يعني مطلق

عليا: كان مالج واطلقوا يعني بعدهم ما عرسوا
حصة:حرااااااااااااااااااام ليش
عليا: من عوافته البنية ما استحملته ..........أقولج قامت تحلم به فليل يجتلها

حصة:ههههههههههههههههههههه عليو حرام عليج ما تدرين شو كان بينهم

عليا :والله كيفج لا تصدقين .....................أنزين يالله ما بتمرين عليه
حصة:توج انتي بتمرين
عليا:ههههههههههه ما اروم اسوق يالله سوقي أنتي

حصة:انزين شو نسوي بعد .............كم علاية عندنا يالله تلبسي
عليا:هههههههههههه يالله

حصة: أوكيييك تيك كير

عليا:يوتو باااااااااااااااااااي
حصة:باااااااااااااااااااااااااي

...........................................


تلبست وجهزت ونزلت تحت شفت نورة يالسة تدرس خواتي حليلها شادة حيلها
مالت على الويه

عليا:أنا بظهر الحين
نورة : أنزين حبيبتي ديري بالج على روحج
ظهرت برع وركبت سيارتي بعدين تذكرت أن حصووووه هي الي بتمر عليه أووف
حتى نسيت عمري........... خلا اترياها في السيارة أحسن مافيه ادخل واجابل نوروووه
شغلت سيارتي عسب لا يصير حر عليه

طلعت المنظرة من شنطتي وتميت اطالع شعري الي ظارهر من جدام

أووووووووووف كارهه شعري احس لونه صار باهت بروح اصبغة بني غامج ولا بذنجاني ............ يالله ابغي لون غريب محد صبغه ..........كنت أفكر في اللون

بس قطع عليه صوت هرن ورايه صديت شفت سيارة حصة

بندت السيارة ونزلت

حصة:مرحب
عليا: مرحبتين
حصة:شو ليش يالسة في السيارة

عليا: مافيه اجابل نوروه
حصة:ه انزين عيل وين وجهتنا الحين
عليا: ميغا
حصة:اوكيييييييييييييييييييييك ...... بس ما بتاخر ما فيه على اخويه
عليا:أنزييييييييييييييييين


ساد الهدوء المكان طول الطريج انا كنت أفكر في باجر وشو بيصير ليه
معقول الله بيعاقبني على تعذيبي لنورة بتعذيب حميد ليه

وانا شوعرفني انه بيعذبني
.................... كيف ما اعرف ........ انا الصراحة أخاف منه من كثر ما سمعت عنه

صارلي فترة طويلة ما شفته ماأدري شقا صار شكله

وعيت من سرحاني على صوت حصة

حصة:علاية يالله انزلي

عليا:أوووووووه ما ادري بلاني اليوم

حصة:ههههههههههه مب منج

دخلنا السنتر وتمينا نتمشى رحنا على طول الطابق الثاني تشيرت كل الاغرض الي اباهم وحصة اشترتلها بعد بس حليلها حصة
وايد تعبت وياية وخاصة أن ذوقي صعب

ولازم أخذ شور حد قبل لا اشتري اي شي .........قبل كنت اخذ شور أماية بس بعد ما توفت أحياناَ حصة وأحياناَ ابوية

بس وينه أبوية الحين ..........تنهدت وصديت على حصة وهي تقول

:آآآآآآآآآه يا ريلي................ يا ريت ما لبست هالكعب
عليا:ههههههههههههههه دواج
حصة: خلاص خلصنا .................. يالله بنروح
عليا:لاء حبيبتي لازم ناكل شي واصلين لين هني ونرجع يالله مشي

مشت وراية حصة هههههههه حليلها حصة وايد تحبني وما تردلي طلب
الصراحة هي من الناس الي احبهم .......... أقولكم لأنكم تدرون ان الي احبهم معدودين
الحمدالله حصة وياهم أحسد عمري عليها
ركبنا الدري المتحرك وطالعت ساعتي كانت ثمان الا ربع :أوووووووف
وايد تاخرنا
ما ادري كيف الوقت يمر بسرعة
بس غريبة ابوية ما اتصل
سمعت المبايل يرن في نفس اللحظة
مكتوب الحنون يتصل بك
ابتسم فديته باباتي الطيب عند ذكره

عليا:هلا ابوية
ناصر: ها علاية بعدج هناك
عليا:هي ابوية بعدني بناكل شي وبنرجع
ناصر: أنزين حبيبتي ديري بالج على عمرج ولا تتأخرين
عليا:ان شاء الله
ناصر:يالله مع السلامة
عليا: مع السلامة

صكرت المبايل وطالعت حصة الي اطالعني ببلاهة
عليا:بلاج
حصة: ماشي بس نسير شليز احسن
عليا:أنزين يالله قومي

قمنا ورحنا فوق صوب مطعم شليز


طلبنا الاكل ويلسنا نتريا لين ما يخلص

سمعت حصة تقول:واااااااي فديت هالويه

عليا:بلاج منو

حصة:سلطون أخو امووووووووول

عليا:اووووووووووف ناقصة شوفة هالكريه الحين عسب يتعكر مزاجي
حصة:هههههههه حشى بياكلج بعيونه

حصة:وأنا سمعت انه مطوع
عليا:دخيلج يوم هذا مطوع ............
حصة:هههههههههههههههههههههههه هي والله ما يخصه

عليا: حصو دخيلج غيري السالفة لا تعصبيني
حصة: ان شاء الله هههههههههههههههه

شوي ووصل الاكل تعشينا وظهرنا

وصلنا للمكان الكريه باب ميغامول............ مادري شقا شكله .......... أحس الي رايح والي راد يطالعج

الحمدالله ماشي زحمة وايد اليوم وصلنا عند السيارة وركبنا

خذ منها وقت حوالي ساعة الا ربع لين ما وصلنا البيت
خاصة أن بيتنا بعيد

قبل لا انزل صديت على حصة وقلتلها:أنزين حصوووو مشكورة ولا تنسين ادعيلي
حصة:هههههههههههه تحسسيني أنج رايحة تداومين عند وحش مب انسان

عليا:هههههههههههههههه اخس بعد
حصة: خلاص اتريا التقرير المفصل
عليا:هههههههههههه ان شاء الله اذا رديت البيت سليمة

عليا:يالله بااااااااااااااي
حصة:باااااااااااي

شليت اجياسي من ورا ودخلت البيت شفتهم كلهم يالسن ويطالعون دبي
كانوا حاطين مسلسل ( ويبقى الحب )
ما اداني هالمسلسل ........... ما ادري شقا يطالعونه ..........لاء ابوية بعد مندمج وياهم

ناصر: هلا والله
رحت عند أبوية وبسته على خده :هلا ابوي
ناصر: ها خلصتي اغراضج
عليا:هي الحمدالله
ناصر: أنزين بابا مرة ثانية اظهروا قبل شوي عسب لا تتاخرون .....مب زين بعد
بنات روحكم
عليا: ان شاء الله

ناصر:أنزين تعشيتي
عليا: هي تعشيت .......... انزين باباتي بسير ارقد

ناصر:الحيييييييييييييييييييييييين

عليا:هي
ناصر:ههههههههههههههه يزاك الله خير يا حميد سوا فينا خير يوم أنه شغلج

ابتسمت على تعليق ابوية رحت فوق ودخلت حجرتي

آه أحس مب رايمة اشل ريولي من الارض

حطيت اجياسي على الكرسي ورحت اتغسل عسب اغير ثيابي وارقد

انسدحت على الشبرية وطالعت الاجياس ............آآآآآآآآآآآآآآه متعايزة ما اروم ارتبهم
اووووووووووف احس جسمي كله متكسر وايد مشيت اليوم
بس فجأة تذكرت نورة
اليوم مرتاحة مني على الآخر
الظاهر الدوام بيلهيني عنها
بس لاء كلها ايام واتعود على الدوام وأرد أطفرج

غمضت عيني عسب ارقد وأنا ما ادري باجر شو بصير وياية؟؟؟؟؟؟؟؟


يتبع

 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة ساميه المقام, لا تعشقي, لا تعشقي البحر ترى البحر غدار كاملة, ليلاس, اللقاء, البحر, القسم العام للقصص و الروايات, ساميه, غدار, قصه مكتملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t170177.html
أرسلت بواسطة For Type التاريخ
Untitled document This thread Refback 19-02-15 02:31 PM


الساعة الآن 06:08 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية