لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 19-11-11, 07:47 AM   المشاركة رقم: 81
المعلومات
الكاتب:
اللقب:
ليلاس متالق


البيانات
التسجيل: Jan 2009
العضوية: 118492
المشاركات: 4,896
الجنس أنثى
معدل التقييم: ام الشهد عضو على طريق الابداعام الشهد عضو على طريق الابداعام الشهد عضو على طريق الابداعام الشهد عضو على طريق الابداع
نقاط التقييم: 302

االدولة
البلدSaudiArabia
 
مدونتي

 

الإتصالات
الحالة:
ام الشهد غير متواجد حالياً
وسائل الإتصال:

كاتب الموضوع : ام الشهد المنتدى : القصص المكتمله
افتراضي

 


بسم الله الرحمن الرحيم
الجزء الواحد والثلاثون

قد يحل الشتاء والخريف في آن واحدة ولربما انضم الربيع إليهما..!



الْحُب يَاسَيِّدِي شَيْء لَا يعِيْه أَمْثَالِك مِمَّن يَشْتَهُوْن لَمَس الأَيَادِي وَنَظَرَات الْعُيُوْن


..!.. أنـآ~ جنـوني مـآ يبيلـهـ برآهين !
لـ ڪن على قلبڪ آبد مآ آڪـآبر ..!..
قطعة من الترتر والشيفون النادرة تغلف جسدها بمظهره الدافي
بأكمام طويلة ورقبة هاي نيك
وينتهي لنص الفخذ
بمنتصف النحر من الطول والعرض فتحه نصف شبر تتربع بوسط نحرها الصافي
بووت من جلد أفعى المامبا يزين ساقها الملفوف بتناسق أضاف لوقفتها مزيد من الجاذبية
ابتسمت لأمي برهبة
ردت لي ابتسامة وديعة خالية من المشاعر وكأن الفجوة كل مالها تتوسع بيننا
لفت وجهها عني
في شي مكدرها مدري تخمين وإلا هو فعلا حدسي صحيح
حسيت بيد ع رجولي
سحبتها بلا إرادة مو متعودة أحد يمسكني
ابتسمت له هذا خالي مؤيد
كومي ستاي لتين؟؟
ضحكت بود ستو بيني خالو
همس لي وهو يربت ع كتفي
: مشاء الله عليك يا لتين الله عطاك جمال نادر حرام تظهريه لكل هالبشر
وباببتسامة حنونه ملابسك تفضح جمال ما يصير يشوفه إلا زوجك!!
ابتسمت بإحراج وحيا منه بعدت شعري المنسدل ع ورى
جزاك الله خير
عبارة يقولها كل من جته النصيحة لكن الحكي هل بعد هالعبارة راح يتغير للأسوء أو الأحسن؟!
ظروف بطلتنا حكمت وجارت بالحكم عليها
وقفت وبثقة أسندت ظهري طالعه
شفت بطريقي جيهان
ابتسمت لي بدلع
: طالعه تجنني توتاا
قلت بجفا وأنا أتعدها
: تسلمين
بعد خطوات داخل شفت بقية العيلة مجتمعين من الجهة الثانية للحديقة
ابتسمت بحب لخالي إياد وهو شايل ولده سلطان
يا حبي للبيبيات أعشقهم!!
ع طاري البيبي بروح أشوف ميرا
وقبل لا أطلع سمعت خالتي تناديني من برا
خرجت من الباب الخارجي




سكرت الباب وأنا أناظر الساعة كانت 1:30 الليل زين إنه بكره الأحد إجازة
رفعت راسي يوم حسيت بأنفاس شخص قريب مني لدرجة إني لصقت بالجدار
علقت عيوني بصدمة
ما قدرت أتكلم ولا أهمس بحرف
لأنه يده كانت متجاهلتني وراصة ع الباب
وبصوت جذاب أربكني
علق وردة الكاميليا الحمرا بنحري وهمس
: مره ثانية تشوري دي ستا سيتا
هزيت راسي برعب وأنا رافضة اللي قاعد يصير لكن شوفة بسام وراه ألجمتني

تمادى أكثر..
يدي قبل لا تصده شفته مرمي في الأرض
بسام وهو يسحب الوردة من نحري بقسوة ويرميها عليه
: حقيـــــــــر!!
فتحت الباب اللي وراي وطلعت آجري
دموعي تتناثر حولي بألم
لهالدرجة واطية بعينه حتى يقرب مني وأنا متزوجة!!
ناظرتني أمي بدهشة
لتين شصاير مين هذا اللي يصارخ؟؟
تجاهلتها وأنا أصعد غرفتي صوت بسام يجتاحني ويهز أعماقي بعنف
أصعب مواقف حياتي مرت عليّ بهاللحظة
قفلت الباب وأنا اتسند عليه
بكيت بحرقة..ألم جوفي ما يحسه إلا من عاش بداخلي أيام وسنين
سنين من الشقا ظني بدايتها من اليوم..!



..!.. لِـآ يدرڲۈٍۈٍۈن حَجمْ آلِـألم آلذِيْ يخلقـوونـه بتصَرفـآتهمْ..!..
: تعوذ من الشيطان يا بسام
في هاللحظات وصورته قدام زوجته تنعاد مرات ومرات بعيونه
رص قبضته بإحكام ع رقبته وهو راصه ع الجدار
ومن بين أسنانه بحقد
: حذرتك تقرب منها يالـ#####
بدر يمسكه وبصراخ
بتذبح الرجال صل ع النبي يا ولدي
رويدا تبكي وهي تضرب وجهها
بسام دخيلك لا تذبحه
تنافض بين يدينه ووجهه يزرق
لين بشير وإياد بعدوه بالقوة عنه
مؤيد برجفة حقك علي يا بسام أنا قصرت بتربيته
لف عنه بسام بجرح
وهو يتركه يوم صار قطعة وحدة بارده ببرودة الثلج تهاوت قدام عيون الكل
صحتهم الصدمة ع صوت صرخة الأم الثكلى
الجدة اللي ربت وكان للدلال نصيب الأسد من تربيتها..!



يـآ حَلـوَ اْلعَشقُ وَ ياْ زينْ بلـوَآه ♥
يـآ حَلـوَ اْلعَشقُ وَ ياْ زينْ بلـوَآه ♥
يـآ حَلـوَ اْلعَشقُ وَ ياْ زينْ بلـوَآه ♥


بهدوءه اللي يزيد رهبة وشاعرية الموقف
: صحيح صار لنا فترة بسيطة متزوجين لكن
.. أحس إني أعرفك من زمان
بخجل تحمحمت وهي تعدل جلستها ولازال تطبيق محاضرات وديم جاري
: عني تصدق عاد للحين أحس مو متعودة عليك لدرجة إني أيام أخاف أجلس بروحي معك
ما ظهر عليه أي تأثير من الصدمات اللي وجهتها له
أنا صدق أرثي نفسي على هالزواجه!!
لكن مو علي أنا يا جمانة آوكيه
ابتسم مو مشكلة إن شاء الله مع الأيام تتعودين تدرين باقي لنا فترة طويلة هنا
تنهدت ما اعتقد
وافي بابتسامة ملتويه رفع جواله وحطه ع السبيكر بنوع من الانتقام الودي
: آهلين بيبي
هلا حبيبتي شلونك؟
أول ما سمعت الصوت رصيت ع كوب الكوفي قدامي آخخ لو أشوفها قدامي
آهلين بيبي مااااااالت عليها
خزته بنظرة لا إراديه
عقد حواجبه باستعباط فيك شي؟؟
لفت وجهها بغيظ سلامتك
قرب منها الجوال آوكيه خذي كلمي داليا بتسلم عليك
ناظرته بقهر وبالغصب أخذته أقصر الشر مع إني مو ناويه
بنترة آلوو
داليا باستغراب منو إنتي؟؟
جمانة بعصبيه انفجرت فيها من تتوقعين يعني مثلا بنت الجيران؟؟
داليا بطفاقة والله يمكن
حشى لو مزوجين أخوي رجال كان أنعم إنتي عروس بالله
رصيت ع أسناني وبصرخة كلي هوا يا البزرة
فتح فمه بصدمه ما توقع الأمور توصل لهالدرجة
رمت الجوال ع الطاولة
وهي تقوم وديني البيت بسرعه
حط الجوال بجيبه وهو يقوم بكل رواقه انزين روقي جموون ما تسوى عليك كل هذا
جمانة بعصبيه وافي وديني البيت قبل لا تصير مصيبه الحين
جلس بمكانه وحط رجل ع رجل وبجديه وريني المصيبه
حسيت ببكي من القهر انزين ما أطيقها ليه يعطيني أكلمها
لفيت وراي البيت ما يبعد عشرين متر ناظرته بعصبيه آوكيه برجع البيت وإذا ضعت ذيك الساعة شوف من يفكك من لسان أبوي
عطته ظهرها ماشيه
ابتسم بهدوء وهو يكمل عصيره الطبيعي
: يا حلوها رغم طيشها
ع العموم نشوف مين بيهجد الثاني!!


فتح الباب ودخل
وبأمر البسي بسرعه أي شي عليك
علقت عيوني الدامعه عليه هزيت راسي ببكى
خليني بروحي مو خاطري بشي
قرب منها بتوتر واضح عليه معصمه يرجف وكأنه بيقول شي
: قلت لك البسي بسرعه
قمت أبدل وأنا منهاره ما أتوقع الأمور بتسوء أكثر من كذا
لبست بالطو طويل من الفرو الروسي
لفيت حجابي وآثار الدموع باصمة وجودها في حياتي
مسك يدي وشد عليها
يوم نزلنا تحت رجولي ما عاد تحملني يوم شفت سيارة المستشفى
وصوت البكى مالي المكان
ناظرت بسام بصدمة
وبهمس خايفه أعرف وش صار
: بسـ..بسام شسويت؟؟
ما رد علي مسك يدي وطلعني معه
بعيد عن شهقات جدتي ونظرات الحقد بعيون جيهان
كل البعد عن دمعاتهم كافيني دمعاتي
نزلت عيوني بألم وأنا اسمع صوت عمي بدر عتبان
: كان في أسلوب ثاني يا بسام
ناظر لبعيد وهو يدخل يدينه بجيوبه
: يبه ولدك وتعرفني زين إذا ما شالوه قولي أقدر أشيله بطريقتي
ركز نظره عليه لمده
تركنا وزاد جرحي بروحته
ألمي إنه كل اللي صار أنا محوره
حوط خصري متجاهل كل الأصوات حوله..


مـَـَآبْغِيْ الهَـَـدآيَآ عِنديْ اغْلـَـَىْ هَـديَّهَ .!...
،حبّكْ وتَـَـَقديركَ وخُـُـُوفكِ عَليّـَـَهْ..!..
رد عليها بصوت هادي
: حبي دقايق وأدق عليك
نزلت التلفون ببال انشغل الله يسهل عليك
وهي تقوم تعدل برواز صورته ع الطاولة
مسحت عليه حياتي شكله مشغول
استغليت فرصة غيابه وفتحت اللاب
دخلت ع وحدة من المستندات
لين شفته يناديني
كثير أحداث فاتته
فتحت الملف
وبخفة رصيت أجمل لحظات حياتي بوجودها
خذاني الوقت ما حسيت إلا بوقوفه قدامي وبيده وردة جوري وردية
: سلام لأحلى وردة بحياتي
تركت اللاب وهي تقوم بدلع يعني فيه ورود بس أنا أحلى وحدة
طلال بخبث
شوور فيه ورود غيرك
شدت ياقته بخفه وغنج طلاااال
ضحك بحب كل الورود ذابلة بعيوني
قبل بين عيونها
: غيرك ما في وردة تنبت حتى تذبل
ابتسمت بحب وهي تمسح ع خده بباطن كفها الحاني
روحي شكلك تعبان
طلال وهو يعطيها شماغه بقولك بس ما تاخذين بخاطرك
ربى بخوف قول حبيبي فجعتني
مسك كتوفها لا تخافين كل خير
تذكرين سفرة ساحل العاج اللي صارت عليها حكايه
هزيت راسي اييه
تركها وهو يبتعد رجع سالم حط دوبه من دوبي ودبسني فيها الأسبوع الجاي
نزلت عيونها بإحباط يعني بتروح
رفع يده بلييز روبي لا تتكلمين بهالنبرة وربي أترك الشغل بكبره ولا أسمعها منك
ضمته بحب الله معك حبيبي دام هالشي في صالح عملك
رفعت راسها تناظره روح بالسلامة آنتظرك
بعد خصل شعرها المتناثره ع جبينها الناصع
وبهيام قبلها
: الله ياخذك يا سالم
بعدت عنه وهي تضحك
: ظنيتك بتقول شي أكثر رومانسيه
طلال وهو يبدل ثيابه بقهر نكد علي شلون ما أشوف هالوجه شهر
انقبض قلبي بكلمة شهر
بلعت ريقي وبهمس ترجع بالسلامة
ناظرني لمدة وبعدها دخل التواليت...

*
يتبع

 
 

 

عرض البوم صور ام الشهد   رد مع اقتباس
قديم 19-11-11, 07:48 AM   المشاركة رقم: 82
المعلومات
الكاتب:
اللقب:
ليلاس متالق


البيانات
التسجيل: Jan 2009
العضوية: 118492
المشاركات: 4,896
الجنس أنثى
معدل التقييم: ام الشهد عضو على طريق الابداعام الشهد عضو على طريق الابداعام الشهد عضو على طريق الابداعام الشهد عضو على طريق الابداع
نقاط التقييم: 302

االدولة
البلدSaudiArabia
 
مدونتي

 

الإتصالات
الحالة:
ام الشهد غير متواجد حالياً
وسائل الإتصال:

كاتب الموضوع : ام الشهد المنتدى : القصص المكتمله
افتراضي

 

..!..حقــيقَة الـشـــخص دومً أجـمل من الــــصوره..!..
قمت من نومي حرانه
بعدت البطانية وأنا أرفع شعري بضيق
شفت أشياء تضوي حولي
جلست ع السرير بخوف مين مشغل كل هالشموع !
الغرفة كل حوافها شمع بأشكال وأحجام مختلفة
ناظرت جنبي ع السرير
شفته عاطيني ظهره استحيت لأنه مو لابس شي يغطي صدره
وفجأة استوعبت واتذكرت إني نمت قبله وأنا زعلانة من اللي صار مع الست داليا
تقلب بنومه
تخصرت وافـــــــــي
فتح عيونه بسرعه يا حياتي نوم عصفورة هذا أجل أنا وش كثر يعاني يوم يقومني
: بسم الله عليك نامي نامي _ ورجعني بيده ع المخده
عقدت حواجبي بعصبيه مصطنعة وأنا أقوم متجاهله شكله
ممكن أفهم وش معنى هالتصرف ترا ما رضيت حتى لو جبت لي محل الشمع بكبره عندي
اعتدل بجلسته ع السرير
: ماحد قالك إنها ترضيه!!
وشووو أجل تحتفل بالشياطين بهالجو اللي مسويه وبعدين ليه مو لابس
سكتت فجأة وهي تقرب منه ريحة عطر نسائي
وبصدمة وتحري
: وافي من كان هنا
صغر عيونه على بالك اكتشفتي الحين واللي يرحم أمك نامي وخليني انخمد
وراي دوام
بإصرار أنا أتكلم جد فهمني وش تحس فيه حاليا
ابتسم وافي ما أحس بأي شي غير النوم - وبعيون مترجيه - ممكن تتركيني أرتاح؟
رمت نفسها عليه بهدوء آوووه لاااا لا تقرب نقطة ضعفي
وافي اللي فهه بزيادة ودخل جو بجد
شقصدك؟؟
جمانة وهي تناظره مسدوحه قلت ضعفي بالنهاية وشو؟؟ ياء متكلم اللي درستها بقواعد الابتدائي يعني شي يخصني أنا فور مي آوكيه يعني مالك دخل وما يخصك واعترف بسرعه وش كنت تسوي يوم إني نايمه
فرك عيونه وهو يتثاوب ياااليل شلون تفهم هذي؟؟
: مثل ما يفهمون الأوادم وش شايفني خبلة
قرب وجهه منها بحركة فاجأتها
: أنا كذا أنام من صغري آوكيه ارتحتي الحين وريني جفونك
غمضت عيونها بحالميه أدري إنهم حلوين بس للأسف الكمية محدودة
ضحك وهو ينسدح بقربها
: آآآه يا زينك بس
قامت بسرعه ترا ما بعد أرضى
سحبها جنبه نشوف كيف نراضيك....!



..!..خِذهَآ حقِيقھ ” آخر ﺂلحَكيـﮯ ۆ آرتـآح .. : [ آبيــــكـ ] .. لوُكل ٱلخَلٱيق تبينيـﮯ ..!..
سكون السما بنسمة هواها الباردة كومت في داخلي أكوام من الجليد
يتسلل للأعماق وينصهر بنظرة مغليها
حفيف الشجر عزف لحن غيتار حزين
يشهد ع جروحنا في ساحة الحب قمر متربع سما هالليلة المتكهنة
يعكس حثه بالإلحاح ع صفحة المويه الصافية
غير نظرات العيون ما كان يسع هالضفة
شابه حفيف الشجر همسه الحزين
: أعماني تصرفه..
تأملت عيونه بصمت أحاول أستحثه ع الكلام
في داخل أغواره قصص عشق وغموض
أفهمه وأعجز واقفه قدامه
أدري بالحب اللي جمعنا بآخر هالدنيا المريرة
لكن ليه؟ وكيف؟ وشلون؟
خاطري أعرف
تمسكت بيدينه بقوة وهو يشد عليها كأنه يدفيها من هوا تورينو اللي هب فجأة وقلب خريفها شتا ضامي
بقلبي بشوري واختياري عساني بهالكلمة أكسب قلبه بين يديني رهينة تصرفاته المبهمه
: قوله لاهنت إني أحبك إنت
سندت راسي ع كتفه وهو منحني لي
أول ما قلتها حسيت بعيونه جرح وكأني رشيت قلبه بملح
شد علي وهو يضمني
حسيت عظامي اختلطت بأضلاعه
تشبثت فيه ياليت الزمن يوقف عند هاللحظة وننتهي ونموت فيها
مو أكثر من كذا
تركني وهو يدخل يدينه بجيوبه ويعطيني ظهره
تقدمت منه وواجهته
صدمني رده علي بدموع غلفت عينه
حطيت يدي ع فمي
بسام يدمع!!
من كلمة.. علقت عيني عليه تايهه
خرج السيجارة من جيبه والولاعة
وبخفه ولعها وجلس ع طرف الشط يتأمل لمعة البحر الساكنة
وقفت بمكاني حزن اعتصر قلبي
طريق مسدود وصلت له بعد هذا
بداخلي رددت
: اللي فيك يا بسام أكبر من كلمة أحبك وسبق وقلتها لتاله وأقولها اليوم وأكدها لنفسي
مد يده لي
حطيتها بكفه برجفة
جلسني بقربه
ضمني لصدره
ما سمعت منه غير أنفاس حره مهما طال الزمن تأبى تنقاد ولو لقطعة منها..!
خالطت قطرات مطر كستنا بعذوبتها..!


..!.. Vittima di amore Taboo..!..
جلس بحسرة من الحاله اللي هم فيها
أبو بدر بإحراج إعذرني يا مؤيد تعرف زوجته وماحد يقدر يلومه
مؤيد بابتسامة هادية ما حصل إلا الخير وبسام ما عليه شي الغلط كله ع ولدي رويد
جيهان بقهر تخفيه عمو بدر وش قال إلـ ميدكو ريسبونسيبلى
" الطبيب المسؤول "
لف وجهه عنها يناظر رويد النايم بتعب
يتنرفز من دلعها وغنجها يستفزه عشان كذا يحاول دايما يتاحشاها
وبوجوم رد
يقول إنه لو كان خانقه زيادة دقيقة كان أثر ع عقله وزين إنه ما مات
زفرت بنعومة تقصد وراها الكثير
E 'bene che si è concluso con perdite minime
" زين إنها عدت بأقل الخساير "
بدر وهو منزل راسه مسك أعصابه وهو يقوم
آوكيه سلامته إن شاء الله يقوم بالسلامة
صافحه مؤيد سكوزا عن ولدي يا بدر..
قاطعه بدر لا تعتذر يا مؤيد إنت مالك دخل
: يعطيك العافيه
دقايق بارده لازمت خروجه وبحركه خفيفه لفوا عليه
بصمت يتأمل الوجيه حوله
مد يده وتشبث بجدته اللي كانت تبكي وبنظرة حزن
Io sto bene, mia nonna
"أنا بخير جدتي"
ضمته وهي بتتقطع من البكى
Perché l'hai fatto, figliolo?
"لماذا فعلت ذلك يا بني؟"
عيونه السوده الكحيلة نعست بلمعة سببها أمرين
دموع الحب المالحه بملوحة حياته
و دموع أسى ع حاله ما انكتب له عشق إلا حليلة إنسان العداوة بينهم قايمه من أجل ماضي بعيد ظل راسخ بذهنه وبكذا كل ما شافه شاف الكره بعيونه
همس بضعف وألم أخفى صوته من حنجرته المجروحة
Che non merita l'amore!
"أحبها وهو لا يستحقها"
شهقت رويدا وهي تلف ع مؤيد
حرام عليه ما يدري شكثر تعذب بسام بسببها
نزل راسه مؤيد بضيق
لازم أخرجه من هنا بأسرع وقت وأرجعه روما ما ينفع يستمر على هالحاله
بشير وهو يقفل جواله بعد ما طمن يلدا عليه
والله رويد ما هو طفل فهمه زين إنه هذي زوجة بسام ما يصير اللي قاعد يسويه
بعدين مو إنه ترك الغنا واعتدل يخربها بأشياء ثانية
إياد بحكمه شوي شوي يا بشير بعدين الرجال طول عمره بحياة إنت أدرى فيها من الخراب
على طول كذا بتقطع عليه كل شي
جيهان بانفعال مو نافع عليها مع الستايل الآوفر اللي طالعه فيه
هذي مو غلطة بسام لتين هي اللي طالعه بهاللبس وهي اللي سكتت يوم وقف قدامها
بشير بعصبيه وهو يهز رجوله ولو وش ما كان يفهم إنه هذي ما راح يوصل لها ولو مات
وما لقى يعلق إلا مع بسام من كثر ما يموتون ع بعض واحترمي حالك إذا لتين هي السبب عشان الأسباب الواهية اللي قلتيها إنتي وش بيصير فيك؟؟ بعدين لا تقعدين تلصقينها فيها لأنك تكرهينها
بقهر وعصبية مو ذنبي والله إني أحبها بس هي ما تحبني
إياد بنظرة من حقها بصراحة حركاتك لبسام ما هي طبيعية وكأنك ناسيه إنه ولد أختك
وقفت وهي تاخذ شنطتها وبشبه صراخ ماحد له حق يمنعني منه ولد أختي وحره بتصرفاتي معه
وبغيظ طلعت وتركت الباب مفتوح وراها
إياد بسخرية هه شف آخر التخلف اللي وصلت له
بشير بقهر كل اللي قاعد يصير بسبة المصاخة والدلع الزايد اللي هم فيه
رويدا تمسح ع شعره وهو نايم بسلام
خلاص لا تزعجوه كافي هو تعبان
بشير وهو يوقف والعالم اللي برا وش أسوي فيهم
مؤيد باستغراب أي عالم؟
بشير بنرفزة كل الصحافة برا تنتظر أي خبر
مؤيد بصبر إنا لله وإنا إليه لراجعون هو في روما ما يطلع عشان هالسبب لحقوه لهنا بعد
رفع حاجب وهو طالع ولدك يا مؤيد كان مع هالعالم طبيعي ما بيتركوه الحين
وطلع تاركهم وراه
إياد يحضن أمه اللي بدت تبكي ع حفيدها الدلوع
: دموعك غاليه يمه ما حصل إلا كل خير يمكن هالشي يخليه يتوب يقرب منها
رويدا وهي تمسح دموعها بخفة
ما سمعته وش قال ما يستحقها يعني ناوي يجرب مره ثانية والله أموت لو يصير فيه شي
رص عليها بحنان بسم الله عليك
ناظره بطرف عينه وبداخله زفر حسبي الله ع الأم اللي جابته
كل اللي صاير فيه بسببها


..!.. تبي الحقيقــهـ؟
والله إني تغيرت قبل أعشقگ
و [ آليــوم ] آنآ فيگ مجنون..!..
يا ستي هذي أختي الخبلة من يومها داقة تصيح حامل الكذابة ويوم جيناها أمزح كنت شاكه!!
ربى بصدمة احلفي!!
وديم بجد والله بس لا يهمك طقيتها طق لين سمعت صوت عادل سويت نفسي أهديها لأنها اكتشفت إنها مو حامل
ربى بضحكة وبعدين؟؟
وهي تفتح علبة البرنجلز وتقلب بالقنوات بس الله يسلمك لكن هو زوجها ما يبي عيال الحين يعني عادي ما فرقت معاه
ربى بشك انزين بدور ما عليها هالحركات يعني إنتي ممكن تسوينها أما هي لا
وديم اييه هي ظنت إنها حامل وطلع ظنها كذب وحضرتها نشرت الخبر قبل لا تتأكد وفجأة استوعبت شقصدك أنا ممكن أسويها هااا؟؟
: يعني مجازفة ويجي منك حركات جنون
لفوا الثنتين ع الصوت
ربى بابتسامة مجووودي حبيبي
وديم تناظره وتخز ربى بطرف عينها قومي احضنيه بعد
ربى تقوم ولا يهمك حبيبتي وقامت
فتح يده ماجد وحضنها هلا والله بأحلى أخت منور بيتنا اليوم
ابتسمت تقهر وديم منور بأهله
ماجد بعد ما تركها ناظر وديم وهو يبوس راسها ويجلس بقربها
شلونك حياتي؟؟
وديم بنرفزة ما ردت عليه
سحب البرنجلز منها وبدا ياكل قلنا شلونك؟؟
صرخت فجأة وهي تميل عليه يعني بتقهرني مثلا؟؟
وفجأة سكتت مبلمه
آثار الإحراج اللي ع وجهها لفتت ماجد وربى لجهة نظرها
ضحك عمر وليلى وهم يجلسون حيالله من جانا
وديم تعدل جلستها وهي تبعد عن ماجد بإحراج الله يحييك عمي
ربى تضحك عليها وهي تسلم عليهم آهلين
ماجد بابتسامة يهمس لها
وين لسانك أكلته الفاره؟
وديم ماسكه نفسها لا ترد وبنفس همسه من بين أسنانها
: حبيبي شرايك توصلني البيت
ناظر ساعته بخبث وبصوت واضح
مو كأنه بدري
عمر بابتسامة بنتعشى ع سفرة وحدة اليوم أجل هاا يا وديم؟؟
حمر وجهها وهي تهز راسها إن شاء الله عمي
ضحك ماجد بخفوت وهو راحم هالحيا اللي نزل عليها فجأة


..!.. هاتَ أيدينَ ~ ك! نلفَ الغيمُ ونشكل : مدينــة..!..
تسندت ع صدره بإحباط
: فيــصل
وهو ياكل البوب كورن ومتابع الفيلم بتشويق هممم
سكرت التلفزيون ناظرني
لف عليها باستغراب ليه طفيتيه
بوزت حبيبي أنا طفشانة من الصبح وإنت تتابع بهالفيلم طفشت
غمزها طفشتي؟؟ وإلا خايفه؟؟
ابتسمت اييه خايفه ما أحب أفلام الرعب
فيصل وهو ينزل عيونه بألم أخفاه أدري يا حياتي أدري
: وش تدري
ناظرها أدري إنك تحبيه ومن أول بعد كل هالتفاصيل أعرفها
مسكت يدينه بحب اوكيه ليه زعلت
فيصل وهو يمسح ع شعرها ويقربها له
: أنا ما زعلت خايف يجي اليوم اللي تتمني فيه..
قاطعته بحزن لا تكمل أدري وش بتقول أنا كذا مبسوطة لا تكدر عليّ
زفر ما تبين تسمعين كلمة ماما؟
حبست دمعتها كافي فيصل قلت لك ما أبي أعيش من غيرك
ضمها له بحنان وبراسه موال ناوي يغنيه وبأعذب الألحان


يُومِي " مِثلْ . . / أمسِي مُجَرّد ، إعَـــآ آ آ دَهْ ..!..
صباح توريني بنكهة الغربة
رفعت يدي أناظر الساعة كانت 7:00
بعدت الستارة أتأمل الشمس وهي تشرق
كم يوم شرقت الشمس وأنا بعيد عن أهلي مدري شرقت شمس لتين وإلا غابت للأبد
: بونجور نو
ابتسمت وأنا ألف عليه وين من الصبح طالع
بندر وهو يرمي جاكيته ع الكنبة وبكذب كنت أشم هوا
أومأ عبد الله براسه باعتيادية اوكيه وش ناوي اليوم
بندر بأسلوب غريب عليه ناظر السقف
: ناوي أطلعك مشوار حلو وصعب بنفس الوقت
عبدالله بابتسامة لا تقول بتطلعني جبل تسويها حضرتك
ع بالك روح مغامرة
ضحك بندر وبداخله والله أصعب من طلوع الجبل يا ليتها جت على كذا
ابتسم وهو يقوم امش ننزل نفطر وبعدين
لا تستعجل كل شي بوقته حلو وإيطاليا حلوه بتعجبك
عبد الله وهو يناظر الشباك ما ظني بعدين تعال شكله أمس كان فيه مطر
بندر اييه
: بس حنا أمس الليل واصلين وما شفناه
بندر يحرك بطاقة الغرفة بالهوا يمكن نزل وحنا نايمين
خرج معه عبد الله وهو ما يدري وش مخبي له القدر اليوم ..!

19 Dec الأحد //
طلعت من غرفتي بيدي كوب الاسبرسو كوفي
مريت ع غرفة راكان مديت راسي وبلطف
راكوون
ناظرني من المرايا وهو يسكر قميصه بونجور نو
" صباح الخير "
ابتسمت وأنا أدخل بونجور نو تعال يللا نفطر
لف علي وبتفحص شلونك؟؟
قلت باستغراب الحمدلله
قرب مني بدهاء وبهمس شلونه بسام
هزيت راسي زين بس مدري من الصبح ما لقيته واليوم ما في معهد مدري وين راح
تكتف آهاا
تدرين إنه رودي بالمستشفى بسببه
بوزت بمشاعر مختلطة اييه
حك راسه هو صراحة زودها بكلامه بس بعد بسام ما عنده تفاهم
ناظرته بتفكير تمنيت يجاوبني اممم راكان هو وش قال؟
لف بحركة استعراضيه قال مقطع أغنية من أغانيه
: تشوري دي ستا سيتا
رفعت حاجب وش يعني؟؟
وبحالميه رف بعيونه
" يا قلب قلب هذه المدينة "
عقدت حواجبي بصدمة من كذا بسام مولع
وباحتقار قليله عليه
راكان يرمش ما قلت لك أول ما جيتي إنه تعبيرات وجهك غريبة
ضحكت بخفة
Ok, Well Come eating breakfast
هز راسه سي صار لك قرابة سنة هنا ولسى تتكلمين انجليزي
مسكت يده وحنا طالعين
: وش أسوي درستها سنتين وحبيتها
جلست ع الطاولة وكان بسام توه جاي
استغربت خروجه بهالوقت لكني تجاهلت كالعادة وجلست مكاني
بدر بابتسامة شلونك لتين؟
رديت الابتسامة له الحمد لله بخير
نزلت لين وهي تجلس بحضنها ميرا
: سكوزا تأخرت
ابتسمت لها يلدا آهلين حبيبتي ولفت ع بسام
حبيبي ليه ما تاكل
شرب عصير البرتقال بهدوء وهو يرجع شعره بتفكير
: مو مشتهي
صبيت الصوص ع البانكيك ببال مشغول مو معقولة اللي فيه من اللي صار أمس؟؟!
فيه شي ثاني شاغل باله...
*
*
*
في ايطاليا..[ يعتقد أن الألماس يصنع من لهيب الحب]
نهاية الجزء الواحد والثلاثون

 
 

 

عرض البوم صور ام الشهد   رد مع اقتباس
قديم 19-11-11, 07:39 PM   المشاركة رقم: 83
المعلومات
الكاتب:
اللقب:
عضو راقي


البيانات
التسجيل: May 2010
العضوية: 168896
المشاركات: 3,610
الجنس أنثى
معدل التقييم: الهاله عضو ذو تقييم عاليالهاله عضو ذو تقييم عاليالهاله عضو ذو تقييم عاليالهاله عضو ذو تقييم عاليالهاله عضو ذو تقييم عاليالهاله عضو ذو تقييم عاليالهاله عضو ذو تقييم عالي
نقاط التقييم: 837

االدولة
البلدQatar
 
مدونتي

 

الإتصالات
الحالة:
الهاله غير متواجد حالياً
وسائل الإتصال:

كاتب الموضوع : ام الشهد المنتدى : القصص المكتمله
افتراضي

 

ام شهوووود ,,,

مايجي منج الا الشهد والزين ,,,

ذائقه قصصيه رائعه ,,,

تسلمين ياااعمررري ع النقل ,,,

ام رنوووو ,,, فيس متخصر لج !!!

خاااامررره على هالقصه ولا قلتي لي ؟؟؟

ماآآحبج !!! بس



 
 

 

عرض البوم صور الهاله   رد مع اقتباس
قديم 20-11-11, 12:35 AM   المشاركة رقم: 84
المعلومات
الكاتب:
اللقب:
ليلاس متالق


البيانات
التسجيل: Jan 2009
العضوية: 118492
المشاركات: 4,896
الجنس أنثى
معدل التقييم: ام الشهد عضو على طريق الابداعام الشهد عضو على طريق الابداعام الشهد عضو على طريق الابداعام الشهد عضو على طريق الابداع
نقاط التقييم: 302

االدولة
البلدSaudiArabia
 
مدونتي

 

الإتصالات
الحالة:
ام الشهد غير متواجد حالياً
وسائل الإتصال:

كاتب الموضوع : ام الشهد المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة غيمه شتاء مشاهدة المشاركة
  
روايةة آتعب وآنآ آآقول روعةة
آنا متبعتهآآ من قبل فترةة
وآلكآتبةة ملتزمةة مررة
وتستآآهل آلتمميز
آكثر مآكرهت ب آلروايةة سلمى وزوجهآآ
تسلمين على آلنقل
يعطيك العافيةة
شكرآآآآ

هلا ومرحبا غيمة

تسلمييين يالغلا

يشرفني تكوني متابعه هنا


منورة

 
 

 

عرض البوم صور ام الشهد   رد مع اقتباس
قديم 20-11-11, 12:36 AM   المشاركة رقم: 85
المعلومات
الكاتب:
اللقب:
ليلاس متالق


البيانات
التسجيل: Jan 2009
العضوية: 118492
المشاركات: 4,896
الجنس أنثى
معدل التقييم: ام الشهد عضو على طريق الابداعام الشهد عضو على طريق الابداعام الشهد عضو على طريق الابداعام الشهد عضو على طريق الابداع
نقاط التقييم: 302

االدولة
البلدSaudiArabia
 
مدونتي

 

الإتصالات
الحالة:
ام الشهد غير متواجد حالياً
وسائل الإتصال:

كاتب الموضوع : ام الشهد المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة الهاله مشاهدة المشاركة
  
ام شهوووود ,,,


مايجي منج الا الشهد والزين ,,,

ذائقه قصصيه رائعه ,,,

تسلمين ياااعمررري ع النقل ,,,

ام رنوووو ,,, فيس متخصر لج !!!

خاااامررره على هالقصه ولا قلتي لي ؟؟؟

ماآآحبج !!! بس

هلا وغلا هيييييول


تسلمييين ياقلبي الزين كله عندك


ايه عليك بها ام رنو


خاصه انها مشرفه هنا من البداية المفروض تعلمك


فيس التحريض والفتنه


نورتي يالغلا


مرورك اسعدني

 
 

 

عرض البوم صور ام الشهد   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة بائعه الورد, ليلاس, الورد, القسم العام للقصص و الروايات, انكسر, ذبلان بيدي, ذبلان..للكاتبة:بائعة, بائعة الورد, يايمه, خنقت, رواية, روايه خنقت الورد يايمه و بيدي انكسر ذبلان كاملة, وبيدي, قصة مكتملة, قصه مميزة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t169869.html
أرسلت بواسطة For Type التاريخ
Untitled document This thread Refback 11-08-14 03:36 AM


الساعة الآن 07:43 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية