لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


ادعولي الله يلين قلب محبوبي..ويحن..~

بسم الله الرحمن الرحيم .. أدعولي الله يلين قلب محبوبي ويحن .. ~ بقلم : CrazyHeeChul & Ms_Tukei نضع بين يديكم رويتنآ الاولى التي ابصرت

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 11-11-11, 09:25 PM   المشاركة رقم: 1
المعلومات
الكاتب:
اللقب:

البيانات
التسجيل: Jul 2010
العضوية: 181400
المشاركات: 5
الجنس أنثى
معدل التقييم: غـــلآ روحـــي عضو بحاجه الى تحسين وضعه
نقاط التقييم: 10

االدولة
البلدQatar
 
مدونتي

 

الإتصالات
الحالة:
غـــلآ روحـــي غير متواجد حالياً
وسائل الإتصال:

المنتدى : الارشيف
افتراضي ادعولي الله يلين قلب محبوبي..ويحن..~

 

بسم الله الرحمن الرحيم ..


أدعولي الله يلين قلب محبوبي ويحن .. ~
بقلم : CrazyHeeChul & Ms_Tukei


نضع بين يديكم رويتنآ الاولى التي ابصرت النـور آخيرآ , وكم لآقينآ من الصعآب امامنـآ لاكمآلهـآآ , قـد لآ تكون بمستوى احدى روايآت شكسبير و واقول اننآ بطبع لا نصل الى آجآثآ كريستي , نحن فقط نكتب مآ بجعبتنآ افكـآر روؤس اقلآم لآ أكثر …..




قد نصآدف في حيآتنآ الكثير من النآس فلآ نعرف ان كآنوآ مجرد عآبرين سبيل ام أكثر من ذلك , مآذآ تخفي الايـآم بدآخلهآ لنآ, مآذآ كتب في أقدآرنـآ مآذآ ومـآذآ ومآذآ ,, لآ أحد يعلم .. ~

الحـب , الكرآهيه , الصدآقة , الحيـآة , الموت , الآمل , الخيـآنة , الخذلآن ,, هذآ مآ سترونه في أحدآث روآيتنآ ..


الجود..والجوري..ثنتين ربع خلصوا ثانوية .. وكغيرهم من ربعهم اللي خلصوا قاموا يخططون لمستقبلهم..وبالصدفة..سمعوا عن مايسمى مؤتمر البعثات..فقرروا يروحون له .. لعل وعسى يستفيدون منه..

قدموا اوراقهم على اكثر من جامعه وفي اكثر من دولة.. وقالولهم بيتصلون فيكم عقب اذا جاكم قبول من اي جامعه..راحوا بيوتهم وهم متأملين خير..

بعد اسبوعين..

الجوري: يمـه تكفين حراام عليج يعني من بداية السنة وانا اقولج ابي ادرس براا وانتي موافقة…..




وعادي عندج .. وقلتي خلي ابوج يوافق وذيك الحزة تقدرين تروحين

ام فهد : تدرسين برا اي إنا ما قلت شي بس يا تروحين استراليا .. امريكآ .. سويسرا على الاقل لنآ اهل هناك وبيهتمون فيج .. لكن تروحين كوريااا بروحج انسي .. ولا تقولين جود وياي .. انتوا هم تتمون بنات ومحسوب عليكم ولازم حد يجي وياكم



للاسف بعثتهم كانت لكورياا .. ما تتخيلون شنو كانت فرحة ألجوري وجود يوم دروا كانوا يتمنون يزورون كورياا وبالتحديد سيئول .. وطبعا بعد ما خلصوا المدرسة طبعا كلن يبدأ بطلبات الجامعة واللي يدور منحات لهم .. ويوم ألجوري وجود دروا عن المؤتمر رآحوه وحصلوا لهم منحة دراسية واللي صادف انها في سيئول ..





السـآآعة 3 العصر اتصلت جود على ألجوري وكـآنت جوري قاعدة على لابهـآآآ

جود : السـلآآآم عليكم

جوري : وعليكم السـلآآآم .. يـآهلآ

جود: اهلين .. شوبكي ؟!

جوري : هه هههه شوي بني .. بتنحر بطق بعد شنو بني على قولتج ياحظي

جود وهي مستغربة : جوريو .. اشفيج شصار ؟!

جوري : اللي صار يالغلآ انه أمي رافضه سفرتناآآ

جود بصدمة : نــــــــعم !!! اشلون وليش وانا اللي معتمدة عليج .. وقلت اكيد أمج بتقنع أمي الحين ..

جوري : شنسووي يا جود امي مب رافضة فكرة انه بنروح برآآ

هي رآفضة المـكآآآآآآن اللي بنروحه يا قلبي ركزي معاااي ..

جود : لآآآآآآآآآآآ مب معناته احنا بنروح كوريا يعني بنلعب وبنضيع

وقتنا .. احنا بندرس

جوري : ومن يسمعج يا قلبي .. هـآآآ هآآآ هآآآ

جود : وشنو العمل الحين

جوري: والله ماعرف والله مادري يا جود شالعمل الحين ..

جود : انزين هي ليش رافضة عطيني سبب مقنع

جوري : تقول اولا بنات ومايصير تروحون بروحكم..وثانيا المكان مافي حد نعرفه و..

قاطعتها جود : شنو يعني مافي حد نعرفه..احنا مب بروحنا اللي رايحين للبعثة وايد طلاب من هني ومن بلدان عربية كثيرة بيكونون هناك..

جوري : اوكي اوكي هاي خليها ع صوب..المشكلة العويصة الحين انها تقول مايصير تروحون بنات بروحكم..

جود : انزين يعني منو الفاضي اللي بيضيع من وقته عشان يجي معانا ؟

جوري : شدراني والله ان راسي بينبط من كثر التفكير..اقول تعاليلي وبنشوف حل

جود : خلاص اوكي بلبس وبجيج..

…………………………………..

الجود والجوري .. ربع من ايام الابتدائية..خوات واكثر من خوات..اسرارهم عند بعض

يحبون نفس الشي..حلمهم يروحون كوريا الجنوبية . يعشقون هالدولة..مب بس يعشقون الا ادمنوها..سوالفهم كلها عن كوريا واخر الدرامات اللي نزلت والاغاني الكورية وبالذات اغاني فرقة سوبر جونيور..خلصوا ثانوية هالسنة وراحوا قدموا ع بعثة خارجية..وطلعت لهم في كوريا..بس تحطمت كل احلامهم الوردية بكلمة لا من ام جوري اللي كانت جود تتوقع انها بتقنع امها..

جود وحيدة امها وابوها..اما جوري فعندها اخو اكبر منها ب 6 سنين اسمه فهد بنتعرف عليه بعدين .. ~

………………………………….



الساعة 4 العصر

جود : يما إنا طالعة

ام جود : وين ؟

جود : وين بعد يما..بيت جوريو

ام جود : اوكي لاتطولين..وديري بالج ع نفسج وسلمي على امها

جود: اوكي مامي ^^

وطلعت … وكلها دقايق ووصلت بيت جوري اللي بينهم بس شارعين..

كالعاده .. بطلت الباب كن البيت بيت ابوها ..

جود بصوت عالي : السلااام عليكم ..

ام جوري : هلا والله تو مانور البيت وينج جودي ماصرنا نشوفج وايد

جود : هلا بخالتي هلا بنور البيت .. شسوي مشاغل هع خبرج إنا بزنس ومن

ام جوري : بزنس بوشو ياحظي غير هالكوريين اللي ماخذين عقولكم

جود : هههههه اشوفج معانا ع الخط هع

ام جوري : لا معاكم ولا شي بس جوريو زهقتني من كثر ماتسولف عنهم

جود : ههههه اوكي خالتي إنا بروح لجوري الحين ..

ام جوري : اوكي حبيبتي .. بتحصلينها فوق ف غرفتها ..

جود راحت باتجاه الدرج وهي تغني اغنية ياقو عينه .. ومستطربة حدها..وعلى بالها البيت فاضي ..

واول ماوصلت نص الدرج تذكرت انها ماوصلت سلام امها ونزلت بسرعة من الدرج

جود : خالتي خااالتي

ام جوري : هلا بنتي

وكانت جود حاطة شيلتها ع كتفها وفالة شعرها..لانها كانت تحسب ان فهد محد

لانه وايد يسافر ..

جود : نسيت اقولج امي تسلم علييج وااايد

ام جوري : هههههه والحين جاية ركيض عشان هاي جان وصلتي سلامها عقب

جود : ههه شدراني المهم اوصل هع..ويلا بروح الحين

لفت تبي تروح الا انصدمت من اللي واقف وراها ويطالعها..

ام جوري : فهود..وعمى شفيك تطالع البنت جي وخر خل تمر ماتشوفها مهي متغطية ؟

فهد استوعب : ها ااي اي اوكي وصد عنها ..: إنا اسف

جود حست الدنيا واقفة فيها ماردت عليه وراحت بسرعة

وهي ف نص الدرج نزلت جوري وشافتها : ويينج انتي صارلي سنة انطرج

وشافتها مب طبيعية .. : جودي شبلاج ؟

الجود : لا ولا شي ولاشي يلا خلينا ندش داخل

جوري مشتها لها..مع انها مي مصدقتها..بس قالت ف بالها خلينا ندش وعقب بفتح محضر تحقيق

اول مادشوا الغرفة : بسرررررررعة تقولين شفيج .. كان هاي اول سؤال في سلسلة تحقيقات جوري

جود : بسم الله خليني ااخذ نفس

جوري : شفيج

جود : انتي العنز ليش ماقلتيلي ان اخوج هني

جوري : وانا شدراني هو يوم هني و 10 مسافر وماعرف متى وصل اصلا توني شايفته قبل شوي..ليش

جود قالت اللي صار حق جوري

جوري : هههههه والله وطحت يافهود ومحد سمى علييك

جود : شدخل الحين المشكلة اللي يفسر المواضيع ع كيفه

جوري : هههههههههه

جود : المهم نبي حل لموضوعنا الحين

وتموا يتناقشون .. ومالقوا حل لين مامرت ساعتين

جودي : يلا إنا بروح الحين وبنكمل نقاشنا باجر

جوري : اوكي انيونق ” مع السلامه بالكوري ” << ماقلتلكم رايحين فيها هع

جودي : باي ^^

اول ماطلعت جود..انطق باب الغرفة ع جوري وكان فهد

جوري : خير استاذ فهد شو بدك

فهد : شبي بعد ابي اقعد معاج شوي

جوري ادري ان قعدتك مو لله خلصني قول شتبي

فهد : هههه فاهمتني..ممم جود متغيرة عن اول

جوري : متغيرة ؟! ماشوفها تغيرت

فهد : الا احلوت

جوري : ماسرع ماقزيتها .. ترا انت ماوقفت معاها غير دقيقة

فهد : هههه قالتلج

جوري : اي اصلا ماتخش عني شي

فهد : انزين المهم .. امج قالتلي عن موضوعج

جوري بملل : انزيين

فهد : وبتروحين ان شاء الله

جوري : اي انزين ..بعد استيعابها للموضوع : هااااااااااااااااا

فهد : هههههههههه اقولج بتروحين

ألجوري : بروح كوريا ؟

فهد : اي

ألجوري : شلوووون ؟

فهد : بكل بساطة لاني اقنعت امج واشترطت علي اني اروح معاكم وماقدرت ارفض

ألجوري : ادري فيك لو عشاني جان مارضيت بس حق جوديو صح

فهد : ههههه افا افا من قال انتي الكل بالكل

ألجوري : زين انجلع وكماساميدا ” شكرا” ويلا بروح اكلم جودي ببشرها فديتها بتستانس

وبعد مرور لحظات

جود : صصصصصج..واااي مي مصدقة وربي مي مصدقة..واخيرا..والله اخوج فيه الخير

امانة تشكرينه عني..

جوري : هههههه ان شاء الله ^^

بعد اسبوع..كان ام جوري كلمت ام جود واقنعتها بالموضوع وقالتلها ان فهد معاهم فارتاحت ام جود اكثر..

قرب موعد السفر..وقاموا البنات وفهد يجهزون حالهم للسفرة

فهد اتفق مع واحد من ربعه انه يخاويه..عشان مايتملل..اما جود وجوري فسووا جمعة لربعهم

عشان يودعونهم..

قبل السفرة بيوم..كانت ام جود تصيح وتوصيها ف نفسها

جود : يما شبلاج خلاص عاد هذا وانا ماسافرت لين الحين

ام جود : شسوي والله غصبا عني..البيت بيخلى

ابو جود : افا وانا مب مالي عينج

ام جود : الا بس جود غير

جود : معليه يما كلها كم سنة وبعدين انا كل شهرين تقريبا بكون عندج فليش هالصياح يعني

ابو جود : معليه ياجود هاي يسمونه دلع عواجيز

ام جود : لاااا خليتك يالشبااب الحين

جود تمت تضحك على امها وابوها وراحت دارها وقعدت تصيح لانها مب متصورة شلون بتفارقهم..ولاعمرها سافرت مكان لحالها بدون اهلها..بتفقدهم حييل..=(


.................................................
الوصول الى كوريا..وبداية الاحداث :

في يوم السفر..بعد ماودعوا الكل توجهوا للمطار .. فهد راح عشان يخلص الاجرائات مع رفيجه

وتموا جود وجوري قاعدين..

ألجوري : شرايج نروح السوق الحرة

جوود : ….

ألجوري : جووودي

ألجوري ماسمعت الا شهقات جود من تحت الغشوة……




ألجوري : بسم الله شفيج يما

جود : بشتاق لامي وابوي =(

ألجوري لمتها : ياحياتي .. معليه بنشوفهم بين كل فترة والثانية .. لاتحاتين وبعدين إنا وفهود معاج انتي مب بروحج ولا نسيتي

جود : لا ابدا شدعوه انسى..بس بعد تعرفين .. إنا ولا مرة فارقت امي وابوي =(

فهد كان واقف بعيد وانتبه انها جوري لامة جود ويبين عليها انها تهديها فراح لهم

فهد : شفيكم ؟

جوري : ابد ماشي بس هاذي جودي تتدلع شوي..تبي ماماتها وباباتها << قالتها باسلوب طنازة

فهد : ههههههه..معليه جودي احنا هني معاج صحيح مابنعوضج بس ع الاقل معاج..واي شي تحتاجينه قولي لي لاتستحين..اعتبريني اللي تبين وغمز لها

جود نزلت عينها ع طول .. وجوري حست باحراجها واشرت لفهد يروح ..

فهد يلا بعد نص ساعة بتحرك الطيارة اذا تبون شي من السوق روحوا الحين

راحوا السوق الحرة عشان يتمشون فيها شوي ويشوفون اذا في شي حلو ولا لا

جود : جوري شرايج ناخذ افلام عشان نطالع ف الطيارة بنتملل

جوري : اوكي حبي انتي روحي دوري ف هالجهة وانا بروح الصوب الثاني..

جود : اوكي

جوري شافت دي في دي فلم مصري وكان باين عليه حلو فقربت منه عشان تاخذه

الا جا واحد قدامها وخذا الفلم ..وكان اخر واحد..جوري عصبت وضربت رجلها في الارض بالقوة .. وتأففت الشاب انتبه : عفوا .. في شي ؟

ألجوري : انا كنت ابيه ليش تاخذه

الشاب قام يقلب في الدي في دي وعقب قال : ممم بس ماشوف اسمج مكتوب عليه

ألجوري تفشلت ونزلت راسها وكانت تبي تروح بس ناداها : ياانسه

ألجوري : خير

الشاب حس باحراج : اسف .. اخذيه

ألجوري : صصج

الشاب ابتسم : اي J

ونادوا ع الطيارة

ألجوري : يسلمو وانا لازم اروح الحين نادوا ع طيارتنا

الشاب : انتي ف هالطيارة ؟

ألجوري : اي نعم

الشاب : يعني انتي رايحة كوريا بعد

ألجوري : وانت بعد ؟

الشاب : يامحلاها من صدفة هههه

ألجوري ابتسمت

الشاب : إنا محمد ..

ألجوري طالعته باستغراب

محمد : بنكون هناك مع بعض .. عرب بين غرب..ف جي ولا جي بنتعرف ع بعض..

قاطعتهم جود بلهجة استغراب : جوري !!

جوري تخرعت : بسم الله شفييج

جود : امشي اقول الطيارة بتحرك

ألجوري : زين زين..عن اذنك

محمد : اذنج معاج

واول ماوصلت عند جود استلمتها تحقيق

جودي : منو ذي

جوري : محمد

جودي : لاا مسرع ماتعرفتوا ع بعض

جوري : بقولج شصار

جودي : ومالقيتوا تاخذون الا هالفلم مالت عليكم اثنينكم ><

جوري : ههههههه

وركبوا الطيارة …

وتقريبا 8 ساعات من الدوحة لين سيول عاصمة كوريا الجنوبية..فقرروا انهم يطالعون فلم ع اللابتوب..وباقي الوقت اغاني السوبر جونير ولا اي دراما كورية ^^

……………..

وصلوا كوريا ف الليل..وعلى طول راحوا شققهم .. هم ماخذين شقتين قبال بعض وحدة لفهد وخويه..والثانية لجود وجوري ..

والعمارة اغلب سكانها من العرب .. واكثرهم طلاب جايين عشان البعثات ^^

في اليوم الثاني

بعد مافطروا قرروا يكلمون فهد عشان يتمشون شوي ..

ألجوري : فهود تكفى

فهد : ياخي مب رايق الحين ومالي بارض

جود : انزين ماراح نطول بس شوي

فهد : خلاص روحوا تجهزوا

ألجوري قعدت تطالع فهد بنص عين فهمها فهد وتم يضحك

راحوا بدلوا ألجوري لبست بادي طويل كحلي وسكيني اسود وشيلة كحليه .. وكانت طالعة حلوة خصوصا مع الكحل اللي كان معطيها لمسة جمال.. اما جود فلبست فستان قصير فوشي وعليه جاكيت ابيض قصير..وتحته سكيني فضي وشيلة بيضا وحطت روج فوشي وعليه غلوس لماع وكحلت عيونها واطلعت كيوووت .. واطلعوا .. ف الطريق صادفوا شابين وكان يبين من لبسهم انهم من الخليج..كانوا محمد ورفيجه عبدالله من السعودية..

محمد ماعرف ألجوري لانه يوم شافها كانت متغطية وهي ماانتبهت عليه وايد



اول مااشافوا فهد واحمد رفيجه قربوا منهم وسلموا بحكم انهم من الخليج..وتعرفوا ع بعض..

فهد : بنآت انتوا اسبقوني وانا بجي وراكم

ألجوري : اي اوكي بنروح الكوفي اللي في اخر الشارع .. يلا جودي

جود : يلآ ..

محمد : الله حياه

عبدالله : هلا والله

وعرفوا من سوالفهم ان عبدالله ومحمد معاهم في نفس الجامعة ..

بس سابقينهم بسنتين..فاقترحوا انهم يمشونهم لانهم عارفين سيول لانهم عاشوا فيها فترة اطول

ووافقوا..وتموا يتمشون ويراوونهم المعالم المهمة في سيول وودوهم ع الجامعة عشان يشووفونها البنات .. وعقب راحوا يتعشون في مطعم

محمد : هاي من احسن المطاعم اللي في سيول

عبدالله : وطبعا العشا علي إنا وحمود ..

فهد : ماله داعي ياخوي مانبي نكلف

محمد : لا ابد مافيها اي كلافة..انتوا صرتوا ربعنا والعشا هالمرة علينا..اعزمونا المرة الجاية

احمد : اي قولوا جي السالفة فيها مرة جاية وانا اقول شهالكرم

وتموا يضحكون..

اما ألجوري وجود كانوا قاعدين في طاولة بعيدة عنهم شوي لانه فهد ما خلاهم يقعدون مع الشباب طبعا

بعد ربع ساعة دشت شلة المطعم كانوا بنتين و3 شباب..وكان يبين عليهم انهم من الشام

عبدالله : افف..حمود شوف من شررف

محمد لف ع الباب وقال : وع الله يكرههم شجابهم ذيلن

فهد باستفسار : مم ممنو ذيلن ؟

محمد : هذي شلة احنا نسميها للخراب عنوان

عبدالله : هم معانا في الجامعة والصراحة إنا اكرههم كره مي طبيعي

فهد : اصلا يبين من شكلهم ولبسهم انهم رايحين فيها

كمل محمد : هم باديين معانا .. عقب لف عليهم .. بس انتبهوا منهم .. ترا هاذيلن ماعندهم ضمير وعادي يسوون اي شي

هالشلة بنعرفكم عليهم

قمر : بنت سورية عمرها 22 سنة حلوة ومليانه بس خرربانة .. جات هي وربعها ” خلود وايمن ويوسف وقصي عشان يدرسون .. ويلعبون بعيد عن عيون اهاليهم

قمر انتبهت لـ محمد وعبدالله وشافت ان معاهم عرب ثانيين

قمر : شوفوا شوفوا من ئاعد هونيك

قصي وهو يطالع صوب البنات : البنات حلوين ماهيك

خلود بغيرة : شو الحلو فيهم ها .. لك احنا احلى منهم بمليون الف مرة

قمر : شو جاب لجاب .. هادول ماتئارينهم فينا اوكي بيبي

خلود : سوري حياتي .. بس هاد قصي مابعرف شو شاف فيهم ليحكي هيك

قصي : سوري قلبي إنا كنت عم بمزح معكن

ايمن : فكوها سيرة بئا ..

يوسف : شورايكم نروح ونعرف شو ئصتهم ؟

قمر وهي حاطة عينها ع فهد : طيب يلا ورآحت صوبهم : أهلا .. شو محمد معك ضيوف ومآ تحكي

محمد باستخفاف : قمر .. هلا والله .. عاد هاذيلن ربعي ومن الحين اقولج مالج شغل فيهم

قمر : لك رووء روووء إنا شو حكيت .. وقعدت تطالع فهد .. طيب ماعرفتنا عليهم

عبدالله : اقلبي وجهك احسن لك..ترا ماحنا بفاضيين لكم

ايمن : شو بنا عبدالله.. ئمر شو حكت لتعملوا فيها هيك

فهد : الحمدلله يلا خلونا نقوم

قمر ” واخيرا نطئت ” : شو بدكم تروحوا ئبل مانتعرف على بعض .. نتتت مو من الاصول انكم تطلعوا واحنا وائفين بنحاكيكم

فهد : لا بتعلميني الاصول بعد .. خوش والله..شباب انا طالع خلصوا اكل واطلعوا انسدت نفسي

وراح طلع من المطعم..وعلى طول لحقته قمر

طبعا جود لمحت الموقف من بعيد واستغربت

جود : وي وي شفيها هااي رايحه ورا فهد لاوالله مب صاحية..

جوري : ماعليه صدقيني فهود بيعطيها كلمتين يخلونها تتحسف لانها لحقته

………………………



خارج المطعم

فهد : احترمي نفسج احسن لج.. انتي شوفي شلابسة باالاول عقب تكلمي..

كانت قمر لابسة تنورة جينز ضيقة وقصييرة حيل فوق الركبة بواجد وبادي كت مطلع بطنها

ومسوية شعرها كيرلي..وحاطة مكياج خفيف..كانت حلوة بس وايد لبسها فاضح..

قمر : شو بو لبسي ..هلاء خليت كل اشي فيني وماركزت الا ع لبسي .. ولا يهمك حياتي لو بدك ياني غيرو هلاء راح غيرو اهم اشي رضاك

فهد : انتي هاي منو اللي قص عليج..ياانج تذلفين الحين ياانه يجيج كف ينسيج حليب امج سامعة

قمر قرربت منه وايد وماكان يفصل بينهم شي اللي يشوفهم من بعيد يحسبهم يسوون شي من قربها الزايد

جود صرخت : انتييييييي يالوقحة

وخرت قمر وشافت جود اللي واقفة بعيد عنها شوي : شو مالك عم تصرخي

جود جات عندهم بسرعة وعطتها كف

قمر من الصدمة تمت ف مكانها..ونفس الشي مع فهد اللي انصدم وانصدم اكثر يوم شاف جود تمسك ايده عشان يمشي معاها..

قمر : راح تندمي

لفت عليها جود : اعلى مابخيلج اركبييه .. يلا فهد

الكل كان واقف على باب المطعم ومنصدم من اللي صار…وعقب مشوا لين العمارة وكلهم ساكتيين..وكل واحد يفكر باللي جاي..

…………………………………………

قمر..شناويه تسوي بالجود ؟ هل فعلا راح تردها لها ولا بتنسى الموضوع ؟

الجود..شاللي خلاها تتصرف هالتصرف ؟ هل هو غيره؟ ام مجرد رده فعل !!

اجوبة هذه الاسئله واكثر ستجدونها في البارت القادم ..


أنـآ نزلت بآرتين مع بعض , اتمنى اشوف الدعم منكم يآ اعضاء ليلآس الكرآم ..

واذا شفت متآبعين للروآية بأذن الله رآح اكمل ..~

 
 

 

عرض البوم صور غـــلآ روحـــي  

قديم 11-11-11, 09:48 PM   المشاركة رقم: 2
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,194
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : غـــلآ روحـــي المنتدى : الارشيف
افتراضي

 





مكرر ، يُنقل للأرشيــــــــــــف ..



 
 

 

عرض البوم صور ♫ معزوفة حنين ♫  
 

مواقع النشر (المفضلة)

الكلمات الدلالية (Tags)
محبوبي..ويحن..~, الله, ادعولي, يمين
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:42 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية