^%$#@الـفــصــل الـســـادس عــشــر @#$%^
( الـجــزء الثاني )

فلسطيننا مسلوبةة ..

اقتلعوا منها ورودها و ريحاناتها المبتسمة ,
أطفئوا شمسها المشتعلة
و زرعوا مكانها أشواكا دامية
وعيونا دامعة كئيبة كآبة السماء في الشتاء
و قيودا قاتلة محت كل صفات الجمال و الروعة في
أرض هي للجمال و السحر الآسر
للقلوب و العيون عنوان .

مؤامرة دنيئة هي إنجليزية صهيونية
بسمات نازية وعد فيها
الحقير بلفور اليهود بوطن في فلسطين فور انسحاب انجلترا من
الأراضي الفلسطينية ,
كانت بداية مؤامرة النازيين الجدد منذ أن
أطلق صهاينة العالم على فلسطين إسم أرض المعاد و ابدوا
الغالي و النفيس و ساهموا بكل ما يملكون كي يدعموا الحركة
الصهيونية الجائرة فجندوا شبابهم و عززوا ذخائرهم فكانت
بداية مشروعهم الدنيء من قتل للأبرياء و تشريد للأسر

وقصف للمدن و الأحياء فغيروا أسمائها العربية بأسماء غريبة
عنها ظانين محو الهوية العربية عنها التي يتكلم بها الصخر و
الحجر و الشجر إن سكتت عنها ألسن البشر .






.



.



كانت تتأملها وهي غـافية وملامح التعب على وجهها ..

كانت ردة فعلها للعلاج سلبيةة !
ومو راضية تتفاعل أبد مع الدكتور .. لكن ردة فعلها تكون أخف
يوم عن يوم ..


تأملت في عضدها ثوانـي ..
وحست بـ رجفة من ذيـك الذكرى المؤلمة والقاسية بالنسبة لها ..

كانت آثار حرق سجائر .. مغروسة بكل قسوة وبجاحة !

لآ رحمة لآ ضميـر


قطع عليها أفكارهـا المؤلمة صوت ديـم
: يمـه

تقدمت لها وقالت بحنان : عيون امك ..

نزلت دمعة يتيمة : أبغى اطلع من هنـآ .. تكفيـن مآأقدر
اتحمل مستشفيات ..

مسحت دمعتها وقالت بوجـع : انتي تفاعلي يآمك مع الدكتور
وبتطلعين بأسرع وقت ..

ديـم بأعتراض : بس أنا مافيني شيء ! .. ليش اتفاعل معاه
مافيني شيء ليش ماتفهمون ؟


كانت بتتكلم وقطع عليها صوت البـاب ..

قامت وقالت بحنان : ديم ياماما تغطي .. اكيد هذا الدكتور
وأنا بطلع شوي وراجعة لاتنسين تتجاوبين معاه ..
علشان تطلعيـن من المستشفى !


ماأعطتها فرصة بأنها تعترض وطلعت ..
تغطت وبعد ثوانـي دخل الدكتور !

: السلام عليكم ..

ردت بهدوء : وعليكم السلام

جلس بالكرسي المقابل لها : كيفك اليوم أن شاء الله أحسن ؟

ردت ببرود : تمام

: الحيـن انتي قولي لي وش اللي صآير معاك ..
انتي هنـآ بأمان ومحد راح يقدر يلمسك بأي أذى ..
بس انتي تجاوبـي معاي ! .. آن شاء الله بقدر أساعدك

حست برجفة تسري بأوصالها : مافيني شيء طلعني من هنا ..

قال بصبر : ماراح تطلعين إلا لين تتجاوبين معانا
أنا دكتور وأعرف مصلحتك ويـن وماراح أضرك في شيء
ؤش اللي خلاك تصيرين كذآ ؟

صرخت بخوف : أغتصصصاب ارتحت الحين اطلع برآ اطلع برآآآآآآآآآآ
مآأبغى إشوووف أحد اطططلع ..

جوهـا الممرضات وأعطوها مهدأ مع محاولات يائسة منها للرفض !

ضغط على رآسـه وهو يحس بصداع يجتاحـه !

اغتصاب ؟
ماينكر أنه أول احتمال حطه في باله !
بس حرام .. البنت صغيرة وبدري عليها الشقـا ؟

تنهد بصوت مسموع وهو يسمع صوت صراخها اللي بدا يهدا ..

شاف فاطمة اللي يحس بالدفأ والحنان بقربهـا !

ابتسم بألم .. وش يقول ..!

فاطمة بخوف : ؤش صار عليها يآولدي ؟

قال بهدوء : حالتها كل مالها تتحسن .. إصبري عليها كم يوم
وإن شاء الله بتتشافى كليا ..

هزت رآسها وهي تشوف بنتها نآيمة وعقدة بين حواجبها توضح استنكارها للوضع




ــــــــــــــ


بداية تقبل !







قالت بتردد : فيصل ممكن أروح اليوم لأختي جنى ؟؟

التفت بصدمة : جنـى ؟
حس على نفسه : وش عندك ؟

ديـالا : آمم بسلم عليها من زمان عنها !

فيصل وهو مآيبي تروح ديالا لها .. بس هذي تكون أختها مهما كان :
طيب خلآص .. تعرفين بيتها ؟

ديـالا : آمي تعرفـه بكلمها وتوصف لي البيت ..

: طيب خلآص خليكي جاهزة ..

: أن شاء الله


قامت وأخذت لها شـآور ..
ولبست لها فستان ناعم يناسبها ..
حطت ميك اب ناعم يبرز ملامحها ..
وجففت شعرها وسوته شنيون منسدل بنعومة يناسب شكلها ..

أخذت عبايتها ونزلت ..

شافت فيصل يقرأ آحد الجرايد وجنبه مرآم اللي رآسها للحين ملفوف بشاش
جالسة تلعب بألعابها ..

جلست جنب مرآم وحطتها بحضنها ؤجلست تلاعبها
: تروحيـن معاي ؟

تعلقت بأمها يوم شافت عليها العباية : ماما آممه

ضحكت وشدتها لحضنها ..
إلتفتت على فيصل ؤشآفته يتأملها ..

قالت بخجل : يالله فيصل نمشي ؟

قـام بعد ماطوا جريدتـه .. : يالله

ركبوا السيارة وقال بأستفسار : اتصلي على امك خليها توصف لك بيتها ؟

ديالا وهي تتصل على أمها : طيب ..

سلمت على أمها وبعدها أعطته فيصل منها يسلم ومنها يأخذ الوصف ..


بعد دقايق وصلها لبيت جنـى ..

قبل لا تنزل بآسها على خدها : انتبهي على نفسك وعلى مرآم ...

ومتى مآبغيتي تروحين اتصلي علي .. أنا بروح للشركة الحين ..

ديالا بأبتسامة : أوكي ... انتبه على نفسك ..

نزلت وهي شآيلة مرآم ..

تناست هالفترة موضوع زواجـه ..
وعندها أمل للحين أنه مايتزوج غيرهـا !

دقت الجرس وثواني انفتح لها الباب ..

ليـن وهي تسلم عليها بأستغراب : انتي توأم جنى صح ؟

ديالا بأبتسامة وهي تنزل مرآم : آيوهـ ..

: مرة تتشابهون .. تفضلي خليني أوصلك لجناح جنى

هزت رآسها ومشت وراها بهدوء وهي مآسكة آيد مرآم ..

قبل لاتدخل جناحها قالت بتسآؤل : زوجها فيه

لين : لا متعب مو موجود .. خذي راحتك ...


دقت عليها الباب وثوانـي وهي فاتحة ..

انصدمت بوجود ديالا وأبتسمت إبتسامة زائفة

: أهلييين بأختي وحبيبتي .. وحضنتها ونظراتها لليـن
جنى بأبتسامة مزيفة : ادخلي حياك يااختي هذي الساعة المباركة اللي جيتيني فيها

ديالا بصدمة من تغيرهـا بس حست أن الموضوع فيه { أن }

إبتسمت بصدق ودخلت لجناحها المرتب ومعاها مرآم

جلست على الأريكة وهي تنتظر جنى اللي كانت تتكلم مع ليـن ..

جنى بأبتسامة : ياقلبي خليها تجيب القهوة والشاهي

ليـن : زيين



.


.


رجعت لديالا ؤجلست وقالت بدون نفس : خير وش جآيبك ؟

ديالا إبتسمت بخيبة : الحين وش هالتناقض توك ترحبين فيني
والحين تقولين وش جآيبك ؟؟

حطت رجل على رجل وقالت بأستفزاز : مزاااج بعدين ماابغاها تروح تقول لأمها
إني أنا ويآك مو تمام مع بعض وتتشمت فيني

قالت بألم : طيب خلي علاقتنا تتحسن مو نمثل على بعض قدام الناس

قالت بضيق : هذا اللي ناقص .. انتي عآرفة وش سويتي فيني
انتي كسرتي قلبي .. كسرتي قلب أختك اللي من لحمك ودمك
قولي انك ماسويتي شيء .. ويحاول أصدقك ؟؟؟؟

قالت بحشرجة : سامحيني والله العظيم ماكان قصدي
لو أعرف انك أختي كان خليته لك بدون أدنى شك
بس آيش عرفنـي ..

حست بقلبها يتقطع من ذيك الذكرى : انتي أنانية

قالت بأعتراض : أنا مو أنانية .. قبل لاتتزوجين مارجعت لفيصل
تدرين ليش ؟؟؟ .. لأني مآأبي قلبك يحترق

قالت ببرود : مدري من تلعبين عليه يااختي ! .. انتي كنتي تقهريني بكل شيء
انتي الأفضل بالنسبة لفيصل ولامي ولديم ولكل أحد
بس أنا مهمشة مافيه أحد معبرني .. ؟

لييش أنا وش فرقي عنك ؟ .. ولا لأني كنت يهودية !
مدري كيف تفكيركم ...


كانت ببتكلم لكن قطع عليها صوت الباب
قامت جنى وأخذت القهوة والشاهي من الخدامة ..


وجلست عند ديالا ..

وصبت لها قهوة .. جت بتتكلم ديالا وقاطعتها جنى : خلآص لاتقولين شيء
وتهني في فيصل .. لأني لقيت اللي يقدرني ويحبني
وفيصل ماعاد له مكان في قلبي . . .


قالت هالكلمات وهي مو من قلبهـا بس ماتعرف ليش قالتها
يمكن تبغى تخلص ديالا من تأنيب الضمممير !!!


تحس بشخصيتها بدت تتغير تدريجياً ..
بالعادة تصرخ على ديالا وماتعطيها مجال تحكي معاها
بس اليوم أخذت وأعطت معاها ..


تنهدت بضيق ..

وشافت نظرات ديالا الحزينةة موجهه لها ...

: لا تناظريني كذآ .. المفروض أنا أعطيك هالنظرة

قالت بوجع : طيب انتي مسامحتني !!

سكتت وبعدها قالت بهدوء : لا بتظل بيننا حواجز ياديالا ماراح نقدر نتعداها

بلعت ريقها : ليش قلبك قاسي كذآ .. حتى أمي همشتيها من حياتك وهي
اللي تبغى مصلحتك في كل شيء . . . أمي تبكيك ليل ونهار
وآنتي مو هامك غير نفسك .. لاتقولين محد يهتم فيك
كلنا نهتم فيك بس انتي ناكرة جميل ماتحبين إلا نفسك
والله حرااام عليك .. أمي بينك ولا بين ديم ولا بين ذكرى سجنها الموجعة
انتي مو عآرفة آيش سوو فيها هناك في السجن كنتي لآهية
ومافيه بقلبك إلا القسوة ؟؟؟؟


صرخت بقهر : آييه قولي كذآ .. لأنك مآعشتي مثلي مآعشتي القهر اللي شفته
ابو قاسي وحياة قاسية .. وجيت هنا ولقيت اللي إشد
كل شيء إجباري ومافيه أحد اعطاني لو شوية حب
لاتقولين أن قلبي قاسي انتم اللي قلوبكم قاسية تفهممين
أنتــــــم !!!!!!!


والحين مآأبي أسمع منك كلمة خليكي بحالك طيب ؟


جمدت من كلامها ...
وماقالت أي كلمة وهي تشوف جنى تهز رجولها بعصبية

صحيح توقعت تكون ردة فعلها أكبر لما تشوفها بس تحسها تغيرت !
معقولة صارت تحب زوجها وغيّرها !

كل شيء جايز . .







ــــــــــــــ




جالسة وبأيدها ملزمتها ...
وتناظر للاشيء ..


تفكر !

هل تترك حبها لأجل كرامتها ؟؟
ولا تبيع كرامتها لأجل حبها !


بس الحب مافيهه كرامة !


قطع عليها أفكارها صوتـه : وش تسوين ؟

عبير بهدوء : وش تشوف ؟

خالد وهو يجلس مقابلها : الحين آيش فيك متغيرهـ علي .. مقصر بحقك ؟
مسوي شيء ضايقك !!!


قالت بنبرة فيها بعض السخرية : لا أبد ..

كان عارف بالسبب بس حاول يكذب نفسه .. من يوم هم مسافرين
وهو شاك بأنها تعرف موضوع ديـم ..


شآفته شرد وقالت بقهر : تفكر في ديم صح ! .. وأنا مسكينة
عايشة بوهم طول مآني معاك .. مدري وش اللي لآقيه في ديم
ومؤ لآقيه فيني .. حرام عليك أنا أحبك من قبل نتزوج بكثير حتى
وآنت تفكيرك كله لديم ... حتى لدرجة انك تنطق اسمها لا شعوري
أنا ماأجلس مع واحد قلبه لغيري .. والحب من طرف واحد
ينداس ... وكرامتي فوق كل شيء ياخالد ..


أنصدم من كلامها .. كان شاك أنها عآرفة .. بس ماتوقع أنها تكبته في قلبها


تحبه .. ويحب غيرها !!!

ياهي صعبة هالمعادلة !


جلس جنبها ومسح دموعها اللي كانت تنهمر بغزارة ..

مسك كفها وتنفس بعمق وهو يحاول يبرر : آسمعيني ياعبير صحيح أنا كنت أحب ديم
وأنا ماأنكر هذا الشي لكن الماضي ماضي .. وآنتي من فترة استحليتي على قلبي ..

كمل وهو يستغفر أنه كذب .. لكن هو صحيح يكن لها مشاعر خاصة
بس ماتوصل لدرجة الحب !!!!

: ديم نسيتها اسمها يمر علي وماافز مثل أول
ابتسم : تدرين ليش ؟؟؟
لأنك انتي اللي تملكتي القلب .. ومافيه أحد يقدر يستحله غيرك ...


مسحت دموعها وقالت بضعف : تكذب علي ؟ .. ترى أنا مو بزر ينلعب علي بكلمتين
أدري انك تحبها .. وتموت على الأرض اللي تمشي عليها


غمض عيونه بتعب : ليش مآتصدقيني .. مستحيل أكذب عليك

عبير وهي تقوم : خالد بروح بيت أهلي

قال بهدوء : خلآص روحـي .. بس ترى كم يوم وآنتي راجعة
أنا مقدر اتحمل أعيش بدونك .. فلا تخربين اللي بيننا بشي ماضي
أرجوك عبيير !!!!!!!


هزت رآسها واتجهت لغرفتها ..






ــــــــــــــ



أن تسير وانت محاصر بسجن صغير يحيط بك ...
يكبلك ..
ويقتل فيك كل حلم جميل ..
ان يلتف حولك سور من الاشواك !
رغم انك لست بسجين ..
لست بمجرم ..

ان تشعر بانك غير قادر على ان تتنفس عبق الارض او تغمرك رائحة الوطن !!!


ان يحاصرك الالم والظلام الدامس من جميع الجهات !
حتى لا ترى منه سوى ذلك الوجه المخيف الباهت
بلى انه وجه الظلم والطغيان !
ان تجد بيتك فى لحظة محاصرا بالبنادق والرصاص
ويفرض عليك حظر تجول !
فلا يبق امامك سوى نافذة صغيرة تلتقط منها انفاسك تبحث فيها عن بصيص أمل يجتاح فيك ظلام اليأس الذى راكمته السنين !

وتظل تلك النافذة لك منبعا تسترق منه قطرات الامل من حين لاخر ... !


حتى تلك النافذة قد تكون هى نفس النافذة التى ياتيك منها الموت برصاصة غاشمة ..
نعم فليس من حقك ان ترى النور ...!
بل تبقى قابعا فى الظلام ..
هذا ما يريدوه ..
ولكنها ستظل المنفذ الوحيد الذى يحمل اليك نسائم الفجر و ضياء الشمس عند الشروق . . . /



وينفذ منك الماء والغذاء ..
فاذا كنت بمفردك فقد يكون ذلك هينا عليك
ولكن ان ياتيك طفلك جائعا تشققت شفتاه من شدة العطش ليقول لك ..!
((انا جائع يا ابى ))((انا عطشان يا امى))
فتشتعل فى قلبك نيرانا حارقة عارمة
تحاول ان تلتهم كل ما تبقى لديك من مشاعر الامل والارادة !

وتعجز يداك عن فعل اى شىء سوى ان تحتضن طفلك بين ذراعيك بقوة
لعل حرارة قلبك تدفئه فتسكن جوارحه !


أو ان يموت احد افراد الاسرة اثناء الحصار وتصبح غير قادر حتى على دفنه !
فيصبح الموت والحياة مجتمعين تحت سقف بيت واحد ..؟؟
اي امتهان هذا
اى طغيان هذا؟؟؟؟؟؟


.


.



قال بصدمة : مشآري وش جايبك ؟؟؟؟؟

مشآري بهدوء : يآخوي تعبت من الغربة ! .. ومن تهربي عنك

مشعل صد : رووح لا ارتكب فيك جريمة .. مع زوجة أخوك يإمشاري
مدري كيف هان عليك ...

مشآري بندم واضح : والله اني تبت يامشعل وماعاد لي رجعة لهالاشياء
أنا بجد راجعت نفسي ولقيت اني على طريق غلط
تكفى سامحني ..
وديم مالها ذنب ... لما كانت صغيرة أنا اللي اغتصبتها
وهي مو عآرفة شيء .. لما كبرت صرت أهددها بصور ولا بأني أعلم أبوها
وهي ماكان عندها قرار غير أنها تسوي اللي أبيه
ظلمتها بآخوي والظلم شين .. مدري كيف بتسامحني
هي وكككثير من هالضحايا .. وحتى انت مآدري كيف بتسامحني
خنتك بلحظة استولى فيها الشيطان علي ..


مشعل بصدمة : يعني ديم مالها ذنب ؟ .. الذنب كله راكبك انت
حرام علييك .. مآتدري وش صار فيها الحين جتها صدمة نفسية منك
وفرقت بيني وبينها .. مدري كيف طاوعك قلبك
ووووقح انت يإمشاري ..

وققققققح !!!!!!!!


قال والتعب واضح عليه : لاتصير انت بعد ضدي .. أنا تبت والله غفور رحيم

قال بقهر : بكل سهولة تقولها وماكأن فيه أعراض دستها
بنت عمك وبنات كثير الله أعلم في حالهم ...


مشآري : بنت عمي وبتزوجها !!!! .. والباقيات الله يستر عليهم







^%$#@ نــهـــايـــة الـفــصــل الـســـادس عــشــر @#$%^
( الـجــزء الثاني )

.


.



قالت وهي تتظاهر بالثقة : آيوهـ أبغى ادخل طب !
بطلع من تخصصي ذا وأبدا من جديد ب ( طب ) !

فاطمة بدهشة : يآبنتي ماباقي لك إلا شوي وتخلصين ترجعين تعيدين ليهه ؟

ديم بأصرار : يمه لو سمحتي أنا أبغى ادخله بليز لا تحرميني من أني أصير دكتورة

فاطمة بقلة حيلة : بكيفك يآبنتي .. ماامانع من انك تصيرين دكتورة
وتخدميـن مجتمعك .. بس مقهورة على السنوات اللي راحت
بس اللي يريحك يآبنتي القرار الأول والأخير لك


باست رآسها بحب : الله لآيخليني منك


كانت بترد بس قطع عليها رنين جوالها


.


.




كانت تبكي بخوف من أنها تفقده وجنبها ديـالا تحاول أنها تهديها


: جنى حبيبتي ادعي له .. ماراح ينفع البكا الحين

قالت وهي تبكي : آيش اللي ادعي له وأنا مااعرف الله أصلا

بلعت ريقها بصدمة : انتي للحين كافرة ؟

هزت رآسها بالإيجاب وقالت ببحة من كثر البكا : بس اصلي إذا كانت فيهه أمي .. أما غيره مآاركعها

كملت بصياح : آبي أصييير مسلمة خلاص بتووب .. أحس اني مشتتة بلا ديانة ولا مبدأ

رفعت الطرحة وحطتها على شعر جنى : غطي شعرك وحاولي انك غعطين وجهك بعد
وراجعي حساباتك .. توبي ياجنى قبل فوات الأوان
ترضين انك تكونين في النار ؟


هزت رآسها بالنفي : مستححححيل

قالت بحب : خلآص أجل آرجعي لله وبيتوب عليك بأذن الله ..

رجعت تبكي وهي تتذكر متعب اللي دخل وللحين ماتعرف عنه شيء

: كلمممي أمي أبغاها جنبي محتاجتها



طلعت جوالها ودقت على أمها بخوف على جنى المصدومة !

: هلآ يممه .. تعالي لمستشفى الـ ........ ، لآلآ مآفي شيء بس زوج جنى مسوي حادث ومدري شفيه
جنى تبغاك تجيـن .. لا أن شاء الله أنه بخير .. ننتظرك !


سكرت منها والتفتت لجنى المنهارة ؟


معقولة تحبه لهالدرجة !
وفيصل وين صار موقعه بالأعراب !
معقولة نسته !


إبتسمت لتفكيرها بأنه ممكن تكون جنى حبته ونست فيصل بس تلاشت من تذكرت أن بديل فيصل بالنسبة لاختها بالعناية ؟

إلتفتت عليها : جنى حبيبتي قومي ادعي ربك يقومه بالسلامة

جنى بنحيب : أقولك أنا مو مسلمة كيف ادعيـ ـه ؟ وكيف بيتقبل منـي ؟

بلعت ريقها بتوتر من شكل أختها وكيف هي منهارة ! : طيب هدي شوي مو زين عليك كذآ !

زاد بكاها وصارت تمتم بكلمات مو مفهومةة ..




.


.



ديم وهي عاقدة حواجبها : يممه وش صاير ؟

فاطمة بتوتر : خليكي بالبيت وقفلي على نفسك أنا رآيحة المستشفى
زوج جنى مسوي حادث وجنى منهارة ..


عبست وقالت بضيق : الله يقومه بالسلامة .. طمنيني عنه يمه

فاطمة وهي تلبس عبايتها : إن شاء الله .. انتبهي على نفسك يمكن اتأخر


هزت رآسها ومشت وراها لباب الحوش : فمان الله


سكرت الباب وكانت بتدخل بس حست أنها مكتومة ومحتاجة تشم هواء
ف جلست بالحديقة وهي لآمة نفسها من البرد ..



مثل موقف أمي حصل لي ؟
بس مو في متعب !

بأبوي الله يرحمـه !


جرح كان هذاك اليـوم ماراح تنساهـ !


الله يرحمك يآبوي أنا من بعدك وش أكون ؟


.


.



سمعت صوت مو غريب عليها !

: وش تسويـن هنـآ ؟


رفعت راسها بقوة لدرجة أن رقبتها كان ممكن أنها تنخلع ؟

: آيـ ـش تبغى منـ ـي ؟

قال بحنان : اشتقت لك وجيت إشوفك ..

بعدت عنه بخوف : بعد عني مو كفاية اللي سويته فيني خلآص فضحتني آيش تبغى أككثر ؟

مشآري وهو مقدر خوفها منه .. قال بندم واضح : أنا عذبتك معاي
تكفين سامحيني ! .. أدري أنه صعب عليك بس سامحيني أنا بجد مدري وين قلبي وقتها

صرخت بقهر : أسامحك والله لو تسوي اللي تسوي مآراح أسامحك آببببد
جعلك تذوق اللي ذقته وأكككثر قووول آمممين

قال بخوف من دعاويها : خلي قلبك أبيض ونظيف وسامحي
لاتصيرين كذآ حقودة

رفعت حاجبها بأستحقار : هه حقودة .. آيوه حقودة تجاهك انت فقط
يآأكره انسان شفته في حياتي


كان بيتكلم بس ماأعطته مجال لأنها ركضت لداخل ..

تنهد وهو يحس بحقارتـه !
كيف خدش أنوثتها .. حرمها من طعم الطفولة حتى
انسان حقير فعلا انت يامشاري



.

.



دخلت البيت وقفلته قفلتين ..
تنفسها مضطرب !


مستحيل تشوفه بعد سنتين ونص !
هو هو .. بس فيه شيء تغير ؟
آيش اللي تغير ؟
يكون تاب وعرف خطأه ..
لا هذا التوبة بجهه وهو بجهه ثانيةة
إستغفر الله وش قاعدة آخربط ..


بلعت ريقها وهي تحاول تخلي نفسها قويــة !
راحت أيام الضعف ياديم !
ولازم تكونيـن قويـة !






ــــــــــــــ





دخلت المستشفى وهي تدور على بناتها ..
قلبها يدق بقوة من الخوف على جنى ؟
وكيف خبرتها ديالا بأنهيارها العنيف !


سألت الرسبشن وراحت للمكان اللي هـم فيه ..

شافتها متكورة على نفسها وجنبها ديـالا ..
وفيصل بعيد عنهم ..


ركضت لها وحضنتها بقوة وهي تبكي من بكاها اللي أول مرة تشوفها بهالحالة !

شدت عليها بقوة : يمـــــه لاتتركيني

قالت بحنان : مآراح أتركك يآبنتي .. هدي ياقلبي متعب مآفيه إلا العافية أن شاء الله


قالت بصوت مخنوق : كيف مآفيه شيء .. متعب بيموت انتي ماشفتيه يمه ماشفتي كيف كانت حالته لما سوينا الحادث

شدت عليها أكـثر : استهدي بالله .. وتفائلي بالخير
قومي صلي لك لك ركعتين وادعي الله بأنه يقومه بالسلامة
ترآك مقصرة في حق ربك لاتحسبين اني مااعرف


" ياليت مقصرة وبس .. "
سكتت وماردت عليها ..

شافت فيصل يمشي بأتجاههم ناظرته لوهلة
وبعدها صدت

اكتشفت اني أحب متعب ..
مآأحبك يافيصل ؟

لو يخيروني بينك وبين متعب !
والله لأختار متعب !


بس ليش توي أحس بذا الاحساس .. ليش يوم صار كذآ حسيت بذا الشعور
يمكن لأني ماتخيلت في يوم اني بفقدك يآمتعب


انت احترمتني وتستحق الحب والاحترام ..
وغيرك والله مايستآهل اناظره مجرد نظرة ..
لأنهم مااحترموا حبي لهم وجرحونـي ..
أما انت يآمتعب أنا اللي أجرح وأنت اللي تداوي
مآفي يوم مر علي بقربك وحسستني بأني انسانة ماتنعاشر مثل قولة كل الناس

بالعكس تحملتنـي واحترمتني !
وماراح الاقي مثلك ..


بس الحيـــن انت قــــوم .. وبعدها والله اني مآأحب غيرك
ومااصرخ عليك .. وأعطيك كامل حقوقك ومااحرمك منها !

قــــوم والله ماعاد فيني حيـل



.


.



فيصل بشفقة تجاه وضع جنى .. همس لديالا : قولي لها تقوم تروح للبيت .. قعدتها هنا مالها فايدة

ديالا بمستوى صوته : ماراح تقوم من مكانها إلا وهي متطمنة عليه
ماتعرفها عنيدة وراسها يابس واللي في بالها تسويه

فيصل : حاولي فيها أو قولي لأمك تقولها
ديالا وهي توجه كلامها لجنى : جنى حبيبتي الحين لازم تروحيـن البيت تريحين
شوي وبعدين نرجع ..

جنى بهدوء : لا بجلس انتي وفيصل روحوا .. أمي بتظل معاي ..

فاطمة بحنان : يآيمه لازم ترجعين ترتاحين لك شوي
انتي أفكارك مشتتة بعد الحادث .. على الأقل خذي لك شآور
يريح أعصابك ..

جنى وهي تتحسس الجرح اللي برآسها بألم .. أمها للحين مو عآرفة أنها مجروحة برآسها ..
ماكانت أمها تعرف غير بالخدوش اللي في وجهها وجسمها ..

حست أنها فعلا لازم ترجع للبيت .. لأنها ماتقدر تقاوم التعب اللي هي فيـه
: بس نرجع بسرعة .. بظل جنب متعب يممه ؟

فاطمة وهي تقوم : أن شاء الله حبيبتي بنرجع على طول


قامت معاها ورجعوا البيت بعد مآودعوا ديالا اللي بتروح مع فيصل البيـت !

وفيصل وعدها يخبرها بأي شيء يصير في متعب لأنه وصى الدكتور يتصل فيه
في حالة حصول أي تطورات في حالتـه ..





.


.




ديالا بتأنيب : كان خليتني اروح معاهم .. أختي محتاجتني ..
آيش تبغى فيني وأنت توك متزوج

فيصل بجدية : تعصين زوجـك يعني ..

ديالا بندم : ماأقصد بس ...

قاطعها بصرامة : أجل أمشي بدون نقاشات مو وقتها

عضت على شفاهها ومشت رآهـ بصمت ..
ركبت معاه وحرك السيارة بهدوء ..


وصلوا لأوتيل وقال بنبرة مافهمتها : يالله أنزلـي

ناظرت حوالينها : بس ...

قاطعها وهو يأشر لها بأنها تنزل : نأجل الاسألة لبعديـن

نزلت بهدوء ومشت جنبـه ..
أخذ مفتاح الجناح الخاص فيهم وصعد للدور المطلوب ..

دخل الجناح وهي دخلت وراهـ ومو عآرفة ليش جآيبها هنـآ ..



جلست على الأريكة بعبايتها ..

ناظرها فيصل بتعجب : وليش مآتفسخين عبايتك بننام هنـآ ..

قالت بأندهاش : ليش .. وبنتي .. وزوج أختي ، مآاشوفك مقدر الظروف

فيصل بجديـة : آيش فيها يعني لو أخذنا لنا جناح بأوتيل ؟

ديالا بغيرة : فيها انك متزوج لا تنسى والمفروض انت وياها بشهر العسل الحين ..

فيصل ضحك بصوت عالي وهي تناظرهـ بأستغراب أحر ماعندها أبرد ماعنده ..

: ماقلت شيء يضحك

جلس جنبها وهو يحاول يسيطر على نفسـه : طيب انتي فاهمة الموضوع غلط ..$

ديالا بأستغراب : أي موضوع ..

فيصل : زواجي .. أنا ماتزوجت أصلا .. بس انتي تخيلتي هذا الشي يوم شفتيني كاشخ
يعني حرام الواحد يكشخ ولا كل من كشخ صار بيتزوج " ختم كلامه بضحكة "

ناظرته لثواني ونزلت عيونها للأرض بأحراج : بس المهم انك بتتزوج مافرقت يعني

قال بأبتسامة : ولآني متزوج بعدك

رفعت عيونها بصدمة : يعني كيف ؟

قرب لها وهمس : يعني مآفيه أحد موجود بحياتي إلا انتي !

قالت بفرحة مإقدرت تخفيها : صدق .. بس اللي قلتلي قبل يعني كنت تكذب ؟

فيصل ببحة : لا هو صدق عرض لي الرجال بنته بس قلت أفكر
ولما شفت ردة فعلك .. اعتذرت منـه وقلت اني متزوج وماأبي آخرب بيتي

سكتت لوهلة .. مو مستوعبة يعني بس راح يكون لي !
إلتفتت عليه وحضنته بفرحة : والله مو عارفة آيش اللي بداخلي من قلت انك بتتزوج غيري ..
فيصل أنا أغار وماابغى أحد يشاركني فيك !

فيصل بأبتسامة : شفتي كيف أنا أحسن منك ! .. ومابعدت مثل منتي بعدتي ؟؟؟

كانت بتتكلم بس هو حط اصبعه على فمها : آشش خلآص اللي مضى مضى ؟

بعدت أيده بهدوء وقامت : لا انت لازم تعرف أن اللي سويته ماكان بأرادتي
مآأبغى هذا الشيء يكون عائق بحياتي معاك ! .. وماابغاك تظن اني بعدت لأني مآاأبيك ؟

فيصل وهو عاقد حواجبـه : قلت لك خلآص ماابيك تقولين السبب
أهم شيء انك معاي الحيـن ..

ديالا ماألقت له بال : هذاك اليوم تذكر يوم كنت بتروح لأهلك تخبرهم بزواجنا

فيصل بحزم : ديـالا ؟

ديالا بقهر : خليني أتكلم وإبرر لك لاتقاطعني يافيصل ..!

قال بضيق : طيب كملي ؟

: قمت من النوم ومآلاقيتك موجود .. اتصلت فيك وقتها قلت لي انك رآيح تخبر أهلك
انا خفت انهم يرفضون .. ؤجلست فترة أفكر والجوال بأيدي بس انت ماسكرت الخط
على بالك اني أنا سكرته ... لما جيت بقفل الخط سمعت صوت امك تبكي وتصرخ
ماكان الصوت واضح بقوة ... بس عرفت أنها رافضتني وخيرتك بيني وبينها


بذآك الوقت انصدمت وطاح الجوآل من أيدي مآأبغى أسمع أكثر

بس أنا انصدمت لما جيتني وأنت فرحان وتقول انهم وافقوا
كيف وافقوا وأنا سامعة امك تصرخ وتبكي وهي تخيرك بيني وبينها
ماجا في بالي ذاك الوقت إلا انك اخترتني على امك وأنا ماهان علي ذا الشيء
فقلت أمه أولى فيـه ولا أنا بدبر لي شغلة واعيش حياتي بدونك
وأنت صار ترجع لأمك ! .. لأن امك أهم منـي ومآبي أصير أنانية واحرمك منها


جلست بعيدة عنـه وهي تمسح دموعها

فيصل بصدمة : لحظة لحظة .. ليش ماكملتي إللي صار بعدها
أمي اقتنعت فيك ولا كيف أكذب عليك وأقول انهم وافقوا !
وكيف اختارك على أمي .. انتي صاحيةة ؟

قالت برجفة : آيش اللي عرفنـي ... سمعت امك بنفسها .. تبغاني أنكر يعنـ ـي ؟

شد على شعرهـ وهو يقول بقهر : لو كملتي كان أحسن ؟
كان ماأفترقنـا .. ؟ .. وكان ماحطيت في بالي انك خآينة ؟

ديـالا ببحة : خلآص راح اللي راح ؟

فيصل : بكل سهولة تقولينها ! .. ماكأنك تركتيني أعاني من بعدك

ديالا بأندهاش : يعني أنا اللي ارتحت بعدك ؟ .. أنا يمكن عآنيت أكثر منكك
لأني حبيتك قبل لانتزوج بكثيير .. وكتمتها بنفسي لين انصدمت انك خطبتني
وقتها مااعرف كيف كان شعوري .. وفجأهـ وافقت
وبكل برود تقول انك تعاني .. وأنا مافكرت فيني ؟

فك إزارير ثوبه بأختناق : خلآص أسكتي

ديالا بضيق : فيصل أنا

قاطعها بعصبية : قلت أسكتي !

ماقلت شيء يخليه يعصب كذآ ... المفروض يفرح لأني طلعت من غير إرادتي
وفضلت أمه على نفسي .. ليش يتضايق ويعصب كذآ ؟


جلست جنبـه ومسكت أيدهـ وقالت بضيق : فيصل ليش متضآيق الحين ؟

فيصل بهدوء : من القهر اللي فيني .. يعني لو كملتي وسمعتي كل شيء ...

قاطعته بجدية : لاتقول لو ... خلآص هذا شيء راح .. وهذا إحنا الحين مع بعض

فيصل بتساؤل : ولو ماحملتي بمرام ماكان رجعتي لي صح ؟

قالت بدهشة من سؤاله : آيش هالسؤال فيصل ؟

فيصل بضيق : خلآص عرفت الاجابة .. يآلله أنا طالع لآتنتظريني

ديالا مسكت أيدهـ بخوف : لا وين فيصل تطلع وتتركنـي لحالي .. خلينا نتافهم على الأقل

قال بدون مايلتفت : على آيش نتافهم ؟

: فيصل !! حرام اللي تسويـه فيني .. يعني كفاية بعدي عنك قبل .. بتزيدها علي

فيصل بحزم : خلآص بعدين نتفاهم .. بتطلعين معاي أوصلك لبيت أهلك ؟

ديالا وهي تلف طرحتها : لا أبغى إروح معاك لبيتنا

فيصل مارد عليها ومشى وهي لحقتـه ..

ركبت معاه السيارة

كانت تلقي عليه نظرة بين فترة وفترة ..
ماكان واضح على ملامحه أي شيء ..
كانت ملامحه جامدة ..

استغربت زعله واللي كان المفروض يفرح مو يتضايق كذآ ..

تنهدت بصوت مسموع ولفت على نافذة السيارة ..





وصلها لبيت أهلها وقالت بأعتراض : فيصل أنا قلت بروح معاك ..

لف عليها بهدوء : أنزلي .. أنا عندي إشغال ومقدر أخليك في البيت لحالك ..

سكتت بتفكير .. وبعدها باسته بطريقة سريعة : انتبه على نفسك


هز رآسـه وهي ناظرته نظرة أخيرة ونزلت ..

انتظرها لين فتحت لها الخدامة الباب وبعدها راح ..





ــــــــــــــ





في صباح يوم جديد &



صحت من النوم وماشافته جنبهـا !

قامت عن فراشها ودخلت الحمام ( الله يكرمكم )

ناظرت وجهها المتنفخ من كثر البكا ..

الليلة اللي راحت كانت متعبة بجد ..
بس خلآص هي لازم تعيش حياتها ولا كأنه حب من قبل
لو مايحبني ماكان ترجاني هالقد ..
ولو مايحبني كان طلقنـي أو ماتزوجني بالأصلّ !
والواضح عليه أن ديم ماعادت تعني له شيء ..

وأنا بصراحة من بعد ماقال أننا بنتطلق حسيت بشعور مدري آيش

أصلا هي ماتقدر تعيش بدونـه ..
حتى لو كان يحب غيرها فهذا شيء ماضي ..
وهي واثقة بأن لها في قلبه مكانة حتى لو ماكانت حب على القليل احترام وغلا

نفضت أفكارها وتوضت وبعدها طلعت وشآفته قدامها يعدل شماغه عند المرآيه

شافت ابتسامته اللي عاكستها المرآية وردت له الابتسامة بهدوء ..

فرشت سجادتها وصلّت بخشوع ..

بعد ماانتهت طوت سجادتها ولفت عليه بأبتسامة

بعد موضوع الطلاق اللي طراهـ أمس حست أنها مالها داعي بهالصد
والكلمة طلعت منه لاشعوريا من القهر ..

المفروض كونها زوجتـه .. لازم تهتم فيـه وتداريـه
مو تصد بحجة من الماضي ماتعرف هي للحين في قلبه أو لا
ولو هي ذكية كان بدال هالزعل والصد كسبت قلبـه !


قالت بنعومة : تبغى فطور ؟؟

خالد وهو يتعطر : لا بفطر هناك لأني مستعجل ،،

عبير بخيبة : أوكي .. انتبه على نفسك ..

باسها على خدها : وانتي كمان

طلع من الجناح بعد ماودعها ..
أما هي جلست تقرا قرآن وبعدها نزلت عند عمتها
وعرفت بحادث زوج جنى اللي حزنت عليه كثير ..




ــــــــــــــ

كانت توها راجعة من السوق ..
وضايقة فيها الوسيعة ..

خآيفة من تفكير مشآري فيهـا !
تتمنى لو بليلة زواجهم يموت ..
وتنتهي منـه !

لو بأيدها كان ماتزوجته بس الفضيحة اللي بتصير لو عرفوا أهلها
بأنها مو بنت .. ف أهون عليها بأنها تتزوج مشآري الحقير
ولا تفضح أهلها قدام اللي يسوي واللي مايسوى !


يآرب سامحنـي !



زواجها قريب مرة ومع قربه تحس بالأختناق أكثر وأكثر ؟





.



.



فزت من نومها وهي تدور على متعب بعيونها
شافت أمها جنبهـا نآيمة ؟

هي ويـن وليش مو عند متعب ؟
متعب محتاجها آيش اللي خلاها تنام !


قامت من السرير وتوجهت للحمام ( الله يكرمكم )

وحست بتوتر وهي تفكر بأنها تتوضا بالطريقة اللي تعلمتها ببداية دخولها الإسلام
واللي كانت حافظتها من كثر ماتعيد أمها الطريقة وتكرر فيها


بلعت ريقها بأرتباك ..
طبعا أول مارجعت أمس البيت ورجعت ديالا بعدها
أصرت عليها بأنها ترجع تدخل الإسلام ..
وأساسا هي كانت بترجع تدخله لأنها حست أنها ضآيعة بدون أي ديانة تحملها


الجرح اللي برآسها طهرته بمساعدة ديالا اللي خافت عليها كثيـر بس هو ماكان عميق أصلا

والجروح اللي في جسمها طهرتها بعد

كانت تتوجـع بس تحملت الألـم .. لأن حالة متعب أخطر منها بكثيــر
وتحمد ربها اللي انقذها من هالحادث !






توضت بتوتر وطلعت وأخذت الجلال المطوي فوق الطاولة

ولبسته بصعوبـة !

وبعدها كبرت وسوت مثل طريقة إلصلاة اللي علموها


قبل لآتنتهي من الصلاة دعت الله من قلب بأنه يقوم متعب بالسلامة ويرده لها ولامه المسكينة
اللي عرفت بأنها انهارت من سمعت بخبر متعب


سلمت وهي تحس براحة عجيبة لأول مرة تحس فيها
أول مرة تصلي وهي مقتنعة بهذا الشيء ..
بس يبغالها مداومة وأنها ماترجع للكفر ..



شافت أمها صحت .. تقدمت لها بأحراج وباست رآسها
من أمس وهي مقررة أنها ماتبتعد عن أمها ولا تعصيها
كفآيةة اللي صار من بعدهـا ..
وفي الفترة الاخير حست بأحتياج كبير لأمها .. بس كانت مترددة



فاطمة بحنان : الله يصلحك يآبنتي

جنى من قلب : آممممين
وبعدها همست بتوتر : يمه بروح لمتعب خآيفة يكون صار فيه شيء

فاطمة وهي تمسح على شعرها : يآبنتي فيصل قالك أنه بيطمنك أول بأول
وأكيد للحين ماصار أي جديد في حالته

تجمعت الدموع في عيونها : خلينا نروح الحيــن تكفين يمه

فاطمة وهي تقوم : أن شاء الله حبيبتي .. يآلله قومي البسي عبايتك
وأنا دقيقة وبكون جاهزة ..


طلعت فاطمة
وهي لبست عبايتها على السريع بعد مالبست ليقن أسود وفوقه تيشيرت أبيض

لفت حجابها وحاولت أنها ماتبين ولا شعرة من شعرها ..
عكس أول كان أغلب شعرها طالع هذا إذا مو كلـه
ماكانت جاهزة لحد الحين لفكرة أنها تتنقب ..
بس يجوز بعدين تتقبله مثل ماتقبلت إشياء كثيرة أولها الإسلام ؟؟؟؟
والحين هي في البداية للحين ماتعمقت ؟




شافت ديم جالسة في الصالة ومعاها الاب توب مآتدري في آيش منشغلة

سلمت عليها على السريع وطلعت وهي تلحق إمها اللي سبقتها على السيارة ...





.



.




نزلت وشافت ديم منشغلة رمت السلام وردت عليها بأبتسامة ..


ديالا بتساؤل : آيش تسويـن ؟

ديـم : الطب اللي قلت لك عليـه ؟

ديالا : آهآ .. يعني خلآص مصرّهـ ؟

قالت بدون ماترفع عيونها : آيوهـ

هزت راسها والتفتت على التي في بملل
جلست تفكر في فيصل وزعلـه اللي ماله داعي ..

تنهدت بصوت مسموع واللي خلى ديم تنتبه : آيش فيك ؟

قالت بألم : فيصل ! .. أتمنى يمر أسبوع على بعضه بدون زعل هواش !
مآأحس أننا متفاهميـن أبد ..

ديـم بعبوس : يــوه .. عاد مدري يعني أحسكم لآيقين لبعض
وش صار علشان يزعل ؟

ديالا قالت لها السالفة ..
: ماله داعي يززعل صح !

ديم بغرابة : يمكن مقهور انـه ماكملتي المكالمة يعني
لأنه سنتين صعبة عليك وعليـه بصراحة .. فلا تلومينه

ديالا بقلة حيلة : بتفاهم معاه اليـوم .. تعبت من هالزعل اللي كل يومين وهو صآير

ديم هزت رآسها موافقة لكلامها ..

بعد صمت تكلمت ديالا بفضول : إلا ديم ماقلتي لي ..
اللي صار لك كله بسبب طلاق مشعل لك ولا فيه شيء ثاني مخبيته عنا ؟؟

انصدمت من سؤالها .. ماتوقعت هذا السؤال أبد
قالت بأختناق : يمكن

ندمت على سؤالها الفضولي اللي مو وقته أبدا : آسسفة والله ماكنت أقصد

ديم بتوتر : حصل خيـر

سكرت جهازها بضيق وقامت : يالله بروح غرفتي أنا

ديالا وهي تأنب نفسها : ديم والله ....

قاطعتها بأبتسامة مزيفة : ديالا شفييك ماصار شيء والله .. بس أنا بروح غرفتي لأن شاحنـه فوق

ديالا براحة : آوكي حبيبتي .. لاتشيلين بخاطرك


إبتسمت بزيف وطلعت لغرفتها



أما ديالا حاولت تتصل في فيصل بس مايرد عليها

قالت بقهر : من جد مآآآلك داعي !!!!!


رمت جوالها وراحت لمرام اللي تبكـي والواضح أنها تبغاها ..





ــــــــــــــ




بعد مرور ثلاث أسابيع ..

تعدى متعب حالة الخطر بس للحين هو تحت المراقبة ..

سميرة طبعا مآكلفت على نفسها بأنها تزورهـ
أما عزام وليـن زاروا متعب وليـن ندمانة على تعاملها القاسي معـه ؟


جنى فرحت كثير لحالة متعب المتحسنة وحمدت ربها اللي مآخيب رجاها

وعلاقتها مع إمها في حالة تطور إلى أحسن ؟


ديالا لحد الآن ماتكلمت مع فيصل لأنـه سافر لشغل على قولة دانا ؟؟؟؟
واليـوم رجـع لأنه لازم يحضر زواج أخته دانا


.




.





اليـوم زواج دانا ومشاري ودانا في حالة رعب وخوف
مو متصورة لحد الحين أنها بتتزوج آحقر انسان شآفته بحياتها ؟


كانت بشرعتها وترجف من الخـوف ..
رفضت أنها تنزفّ !
بتطلع هي ومشاري على طول من القاعة بدون زفة ولا شيء
لأن ماعندها استعداد أصلا بأنها تنزفّ وهي بهذا الخوف الشنيع ..


كانت عندها ديـالا وهي تحاول تقلل من توترها المبالغ فيـه ..

قالت لها إمها بأن مشآري الحين بيدخل ..

نزلت دموعها بخوف : لا يمــه مو كأنه بدررري !!

أم فيصل : دنو ياقلبي لا هو بدري ولا شيء .. ماله داعي كل هالأرتباك
كلنا تزوجنـا من قبلك ولا سوينا اللي سويتيه ..

ديالا : آيوه وهي صادقة خالتي .. إحنا توترنا بس مو مثلك بزيادة

بلاكم ماتعرفون ! : طيب يمـه روحي معاي مآأبغى إروح لحالي ..

ضحكت إمها وقالت وهي تداريها : طيب يآمك بس تجهزي الحين بيدخل


ماردت عليها وهي تهز رجولها بتوتر


دخل مشآري وفز قلبها بخوف ..
طبعا ديالا طلعت قبل يدخل بعد ماسلمت على دانا ووصتها على نفسها


أما أم فيصل طلعت بعد مآوصت مشآري على بنتها الغالية !


بقوا لحالهم وتصوروا كم صورة .. وهي قلبها يدق من الخوف !

مو مصدقة أنها معاهـ وصارت زوجتـه ؟


بعد ماانتهوا قال ببحة : مبروك

ماردت عليـه وطنشته أساسا ماتقدر ترد عليـه ؟

مشآري بأستغراب : آيش فيك ماترديـن ؟ مستحية مثلا ؟

صدت عنـه وقامت تلبس عبايتها بعد مإقالت لها إمها بأن فيصل ينتظرهم ؟

حرك رآسه وهو مستغرب منها ؟

لا يكون حاقدة علشان ..... !

توهـ يحس أنه قتلها مليـون مرة بفعلته ذيك !

أجل كلامه لحتى يوصلون للأوتيـل !
لأن عندهـ كلام كثيـر ماينقال هنـآ !



ركبوا مع فيصل وساعدها بحمل فستانها الثقيل متجاهل رفضها القاطع لمساعدته ..


وصلوا للأوتيل وسلم عليها فيصل وعلى مشآري ووصاهـ عليها ورآح بعد مآودعهم


جلست بتوتر وهو جلس جنبهـا ..

بعدت بخوف : لا تقرب

مشآري بأبتسامة : مو مسوي لك شي .. بعديـن انتي زوجتي ولا ؟

دانـا بحقد يتخلله بعض التوتر : يآخي مآدري آيش تبغى في وحدة مستخدمة مو بنت
كان تزوجت وحدة عذراء مو أحسسن لك ؟


مشآري وهو متنرفز : مو انتي كنتي تشحذيني علشان اتزوجك واستر عليك
وش تغير الحيـن .. صدق مايملى عينك الا التراب
أنا ندمت وتبت لربـي .. وهذا أنا أصحح غلطي وشوفيـني تزوجتك

دانا بصراخ : مآأبيك تطلقنـي من بكرا مااقدر اتحمل إشوف وجهك صدقنـي
وإذا أنا ضحية وسترت علي .. آيش يسوون البنات الثانيات اللي ضيعتهم ؟
انت انسان قلبك متحجر وإذا على قولتك تبت فما عندك سالفة

مشآري وهو ماسك أعصابه : إستغفري ربك .. الله يهدي اللي يبي مو شرط انتي متوقعته يتوب أو لا ..

دانا بندم : إستغفر الله .. بس ماراح أسامحك طوول حياتي تفهم

مشآري وهو يغمز لها : لاه بتحبيني آبشرك وبتسامحيني بأرادتك

أوجعها قلبها .. كنت أحبك بس خذلتني بفعلتك
قامت عنـه بتثاقل ودخلت الغرفة وقفلت على نفسها ..

وهي مستسخفة كلمته " قال أحبه قال .. والله لو آيش مآأحبه بعد اللي سواه هالحقير "




.


.




سمعت صوتـه عند الباب وهو يكلم أمـه !!
فزت بشوق وهي تمشي بسرعة ناحية المدخل اللي كان خالي إلا منـه ومن أمه

قالت بنعومة : أهليـن فيصل !

ناظرها ببرود مزيف : هـلا ..

أم فيصل : خلآص يايمه لاتنسى اللي قلت لك عليه
الحين أخليك مع زوجتك هالمسكينة اكيد مشتآقة لك عقب سفرتك

ديالا ناظرتها بأمتنان ولفت على فيصل الجامد

: كيفك ؟

فيصل وعيونه بعيونها : بخير .. يآلله ادخلي برد عليـك

همست بخجل : يعني افهم من كلامك انك خآيف علي ؟

فيصل : آيوهـ خآيف على آم بنتي ..

قالت بشوق جارف :فيـصل برجع معاك اليوم

فيصل بهدوء : لا انـا ...

قاطعته بضيق : يعني الى متى .. الين تطلقني !

فيصل بعصبية : من قال اني بطلقك صاحية انتي

ديالا والدموع متجمعة في عيونها : مدري عنك .. هذا اللي فهمته من كلامك
ماتبيني أرجع ليش .. علشان انتظر ورقة طلاقي توصلني لبيت أهلي !

فيصل بنرفزة : لا ماقلت أبي اطلقك انـا .. بس أنا مو متقبل فكرة انك ترجعين حاليا

قالت بقهر ودموعها تنزل : ليييييييش ؟ .. السبب تافه .. ليش تزعل أبي افهم

قال وهو كاتم عصبيته : بالأول سمعتي للي دار بيني وبين أمي وأبوي
ثانيا مآكلفتي على نفسك تكمليـن المكالمة ..
ثالثا واللي هو الأهم بنظري كذبتيني لما جيت وخبرتك بأنهم وافقوا عليــك !

أنا لو مكانك أو مكان أي أحد سمع بهذي الأسباب راح أقول أنه تافه وسخيف
بس بنظري أنا يختلف .. يكفي انك كذبتيني .. وهذا جرحني ووضح لي مدى أهميتي عندك

كانت بتتكلم بس هو حظ اصبعه على فمها : عارف آيش بتقوليـن
فماله داعي .. وإذا تبغين ترجعيـن أرجعي من الحيـن معاي ماعندي مشكلة

ديالا بهدوء : اكيد برجع



.



.




كانت داخل غرفتها تبكـي بقهر ..

اليـوم تزوج وستر عليها بس أنا مآكلف على نفسه يتزوجنـي ويفكني من العار
اللي ملازمني من يوم أنا صغيرة ..

أنا بنت عمه أولى من الغريبة .. يسوي فيني كذآ


آآآه يامشعل .. ليش طلقتنـــي لييييش !
للحين أحبـك بس خلآص !
أنا متأكدهـ بأنـك ماراح ترجع لـي ..


ماألومك وش تبغى ب وحدة كانت مع أخوك سنيـن ..

زيـن أنه تحملني سنتين ولا طقني ولا سوى فيني شيء

حتى اللي يقول أنه بيعذبني ماشفت من العذاب شيء
طبخ & تنظيف

وبــــس ؟

والله لو تطلب عيوني مابخلت يآمشعل !
بس أنا خسرتك خـلاص !


وللأبــد





ــــــــــــــ




كانت تسولف عليـه بحماس وتحاول أنها ترسم على شفاهه البسمة

وهو كان يهز برآسـه بتعب ..
مستانس على سواليفها وطبعها اللي تغير كثير ..


جنـى بأبتسامة واسعة : اليـوم بيكتبون لك خروج وبترجع البيـت بعافية وصحة مثل قبل وأحسن بعد ..

متعب بأبتسامة : أن شاء الله .. والله اني إشتقت للبيـت

جنى : والبيت وأنا اشتقتنا لك !

متعب وهو يحاول يقوم : تشتاقلك العافية

قامت ساعدته بخوف : آيش فيك يعورك شيء ؟

قال بتعب : لا لاتخافين .. أنا طيب ومافيني إلا العافية بس انتي تبالغين

: لا ماابالغ اكيد يألمك مكان الخياط !

متعب بأبتسامة : آيش فيك والله مايألم ولا شيء

قالت براحة : الحمد لله


جلست تسولف عليـه ليـن مر الوقت وحان وقت خروجه من المستشفى ..

طلعوا بعد مآخلصوا اجراءات الخروج ..

كان اللي بيوصلهم عزام ..

ساعد متعب ووصله للسيارة

وبعدها مشى متوجـه للبيت وهو يسولف مع متعب سوالف عاديـة !

أما هي كانت وراء تراقب تصرفات متعب وسوالفه وهي فرحانة من داخل
مو مصدقة أنه رجع لها !


وصلوا البيت وساعده متعب ووصله لجناحـه وبعدها طلع ..

اما هي جلست بجنبه بعد مافسخت عبايتها


: مو مصدقة انك طلعت بصراحـة ..

ابتسم لها بصدق : الحمد لله

جنى بأحراج : آنآ آسفة على أسلوبي الهمجي قبل .. والله اني أحبـك بس اني أتنرفز أحيانا
ومايكون فيه أحد أحط حرتي فيه إلا انت
بليـز لاتشيل بخاطرك !


متعب وهو يمسك أيدها وقال بطيبة : كل شيء يطلع منك مثل العسل على قلبي


ضمتـه بندم على كل لحظة ماعاشتها معاه بفرح ولأول مرة تحس أن الكلمة طالعة من قلبها : آحبـــــك

حط أيدهـ على ظهرها وقال بتعب : وانـا أحبــك أكـثـر




ــــــــــــــ




ناظرت في اللي قدامها بصدمة : عآيشة ؟؟؟؟؟

حضنتها بفرحة : آيوه أنا عائشة إشتأت لك ياخيتا

نزلت دموعها بفرحة : مستحيل مو مصدقة .. وينك اختفيتي كل هالسنين ماعاد شفتك
من قبل 22 سنة ؟

نزلت راسها بأحراج : والله اني خجلانة منكي .. مآني عآرفة كيف أقولها

" كانت لهجتها مختلطة بين الفلسطيني والسعودي بسبب عيشتها في السعودية كثيــر "


فاطمة وهي مو مصدقة بأن صديقة العمر قدامها الحين

قالت بفرح : أجلسي أجلسي ... مابيننا خجل يااختي

جلست وقالت بأحراج : كيفك شو ساويتي بعد ماأخدوك هالأنزال ؟

فاطمة بألم لذيك الذكرى : مآتتخيلين آيش صار هناك ياعايشة
قاسيت أشد العذاب هنـاك .. لدرجة كانوا يحطون القـاز عند بوابة الزنزانة
علشان تكتمنا بريحته .. بلعت ريقها بألم : تحــرش جنسي
تعامل زفـت .. حتى الوضوء يمنعونا منـه أحيانا ..




كملت وقالت لها كل شيء حتى قصة بناتها اللي انصدمت عايشة من مدى جرأتهـم ؟

فاطمة بعد ماانتهت قالت بألم : ؤانتي ؤين اختفيتي بعد ماانسجنت ؟

نزلت رآسها ودمعة ندم نزلت على خدها : آنآ آسسفة يافاطمة أنا خفت بعد مآسجنوكي انهم ياخدوني ويسجنوني معاكي
أنا مش عآرفة كيف كنت أنانية ومآفكرت في الانسانة اللي ضحت مشاني
سافرت من فلسطين للسعوديـة بعد مآخلصت كل أورائي ..
وقبل فترة عرفت انكي وصلتي للسعودية فدورت على عنوانك
وهاظ أنا جيت لعندك ... الله يخليكي سامحيني


سكتت لفترة وتحس أنها مجروحة من صديقة العمر بس قالت بأبتسامة :
أنا مسامحتـك مع اني عتابنة عليك بس يالله الشكوى لله

عايشة وهي تمسك أيدها : أبغاكي تقوليها من قلبك انتي مسامحتني ولالا ؟

فاطمة بأبتسامة ذابلة : أكيـد أساسا مقدر ازعل عليك


حضنتها وهي تبكـي : والله اني مشتائة ليك ..

فاطمة وهي تحضنها أكثر : مو أكثر منـي والله ..


جلسؤا يسولفون عن حياتهم وايش صار لهم وفاطمة للحين تحس بالصدمة من صديقتها
بس ماتلومها لازم تخاف لأن فلسطين كلها مافيها أمان
وكل واحد لازم يدور الأمان بنفسه ..



أخذهم الوقت وهو يسولفون كانوا فعلا مشتاقيـن لبعض
وماتوقعوا أبد بأنهم يلتقون مرة ثـانيـة !



استأذنت عايشة وقالت بأنـها راح تكرر الزيارة مرة ثانية

ودعتها فاطمة بحب ...


دخلـت غرفتها ومازالت مصدومـة ..
ماتوقعت في يوم تلتقي فيها بعد ذاك اليوم ..
توقعتها ماتت لأنها ماسمعت لها لاخبر ولا شيء ..


بس بالأخيــر طلعت خارج فلسطيـن وببلدتها ؟ وتحديدا بالرياض




الحمد لله اللي جمعنـا &





ــــــــــــــ




رجعـت معاهـ البيت من غيـر ماتآخذ أغراضها من بيت إمها
وحتى مرام تركتها عند إمها ..


لأنهـا أساسا تبغى هالليلة يرضا عليها فيصل ..

وبتحاول قدر المستطاع بأنه يرضا ويبعد الزعل اللي مو لآيق عليـه !


ركبت معـاه السيارهـ : السلام عليكم !

رد عليها بهدوء وحرك للبيـت ..


بعد ماوصلوا البيت توجهت لغرفتها وماشافته وراهـا

قررت تلبس وبعدها تروح تتفاهم معاهـ ..

أخذت لها شآور سريع ولبست بيجامة ثقيلة لأن الجـو بارد ..

وجففت شعرها وربطته ذيل حصان ..


حطت قلوس مائي .. وكحل أسود ونزلت

شافتـه جالس بالصالة وواضح عليـه الضيق ..

جلست جنبه ومسكت أيدهـ بتردد ..

ناظرها بنص عين وبعدها لـف ..

ديالا وهي تشد أيدهـ أكثر : فيصل والله حرام اللي تسويه فيني
أنا اعتذرت منك آيش تبغى أكثر من كذآ عشان ترضى ؟

فيصل بهدوء : أساسا أنا مآني زعلان الحين ؟

ديالا : بتقنعني انك مو زعلان .. أجل كل هذا الصد آيش تقول عنه ؟

فيصل : يمكن عتاب بس مو زعـل

ديالا بأبتسامة : يعني انت الحين راضي عني ؟

فيصل بأبتسامة باهتة : أقولك مازعلت علشان أرضى

ديالا قامت وباسته على رآسـه : الله يخليـك لنا

حـس بشوق فضيع لها .. عجز لا يقاومـه !
ف حس أنه لازم يصفي الأمور بينهم لأنه مايقدر على بعدها
وحتى هي ماتقدر .. ويكفي أنها ترجته أكثر من مرهـ وهذا يشفع لها عندهـ


لف ايدينه حول خصرهـا وهمس بحب : تصدقيـن اشتقت لك

ديالا نزلت عيونها بخجل : وأنا بعد اشتقت لك

فيصل وهو يجلسها بجنبه وأيدينه للحين محاوطتها : ماقلتي لي ليش ماجبتي مرام والله اني مشتاق لها

ديالا بأبتسامة : قلت أخليها اليـوم علشان أراضيك وبكرا أجيبها
والله أن زعلك كاآيد ماتوقعته كذآ

فيصل بمزح : مو علشان اخليك تعرفيـن خطاك

إبتسمت وحضنته : لاعاد تزعل مرة ثـانية ماعدت اتحمل البعد عنك أكثر





ــــــــــــــ




كانت جالسة بجنبـه ويتابعون الأخبـار ...

شافت قتلى الفلسطينيـن ..

وبكت فجأهـ ..

ناظرها متعب بخوف : بسم الله عليك آيش فيك ؟

حضنته بقوهـ وأشرت على الصور اللي مآلية الشاشة :
ظلمتهم كثيـر مااعرف ليش كنت قاسية وقتها وايش اللي تغير الحين

كملت بكاها ومتعب يحاول يهديها

بعد دقآيق سكتت وقالت بوجع : أنا بوقف معاهم وأكفر عن خطاي اللي مضى
برسل لهم إعانات وبوقف معاهـم وقفة اخت مسلمة ندمانـة !

وياليت انهم يسامحونـي ؟


أنا خلآص صرت مسلمة وماعاد أرجع للكفر مرة ثانية بأذن الله

واحمد الله اللي دلنـي على الطريق الصح بعد ماكنت تايهه



متعب بأبتسامة : الله يعطيك على قد نيتك





ــــــــــــــ




ليـن بصدمة : صدق بتتزوجها ؟

عزام بأبتسامة : ايوه وقلت لأمي وأبوي ومارفضوا
لين بأستغراب : أول كنت تكرهها آيش اللي تغير

عزام : اللي تغير اني شفت البنت استقامت وماعاد شكلها غبي مثل أول
وأنا أبغاها


نزلت دموعها بفرح : هي بجد تابت وماراح تلاقي مثل غيداء صدقنـي

عزام بأبتسامة : عارف

ليـن ضمته بقوة : الله يوفقكم يآرب



ــــــــــــــ




صحت من النوم على صوت الجرس ..

شافت مشآري نآيم بهدوء جنبها وملامحه تدل على البراءهـ

كشرت بقرف وقامت وتوجهت للباب !


: مييين !

: معك المباحث أختي .. مشآري الـ ..... موجود ؟

دانا بخوف : آيوه موجود .. آيش تبغون فيه ؟

: ناديـه لنا بعدها بتعرفين أيش نبغى فيه


توجهت للغرفة بخوف وهزت مشآري بتوتر : مشآري مشــاري قووم

مشآري وهو عاقد حواجبه : آيش فيييه ؟

دانا وهي تبكي : مباحــث يبغونك برا ؟

فز بخوف : اييييش !!!

دانا وهي ترجف : مثل ماقلت لك ... آيش يبغون .. آيش مسوي انت ؟
مو تقول تركت السوالف وتبت ؟

مشآري بتوتر : الا والله اني تركت كل شيء حرام !

دانا : طيب قوم شوف آيش يبغون منك !

قـام وبدل ملابسه وقبل يطلع حضنها مع محاولاتها للأبتعاد

وهمس لها بضيق : أنا حاس اني ماراح ارجع إذا طلعت
ف انتبهي على نفسك وسامحيني ..

ناظرته ودموعها متجمعة في عيونها : لا تقول كذآ أنت تبت واكيد ماراح يمسكون علييك شيء

بآس عيونها وحضنها بقوة : ولا تنسين تقولين لديم تسامحني
تراها أكثر وحدة ظلمتها ... والله إني ندمان كثير

كتمت شهقاتها وبعدت عنـه ..

ودعته بعيونها وهو يروح يفتح الباب ..

وبعدها ربطوا ايدينه وهو يحس بالضعف وأخذوهـ بعيد عنها


جلست على الأريكة وهي تبكي

مو معقول يعني في احتمال أنها ماعاد تشوفـه للأبـد ..


لاتستغربـون !

فهـي يوم انجرفت معاه كانت تحبـه ؟؟؟

ويمكن مازال باقي شوية حب تجاهه !
وكفاية مسماهـ كَ / زوج لهـا وفي ثاني يوم من زواجهم ينسجن ؟


طيب آيش عرفك أنه أسنجن يمكن بس شاكين في شيء

ليش مااتفائل بالخير !
ولا يمكن لأنه حـاس خلآص صدقت أحساسه



اتصلت على أخوهـا عبد الله وحاولت أنها ماتبين شيء وقالت له يمرها

صحيح استغرب بس ماراح يناقشها الحيـن ؟




.



.





مشعل بصدمة : ايييش انسجن ! .. بتهمة مخدرات وخمر
وبنات ؟ ... وشقة دعارة مكتوبة ب / اسمه !!!!!

مسك رآسه بصدمـة !


كيف يقـول أنه تاب ! وهو يكذب !
مو حرام عليك يآخوووي ؟


.


.



طلع من مشآري بضيق ؟
عرف منه كل شيء وقال هذا ماضي وهو صحيح تـاب
بس الشقة مازالت بأسمه والمخدارت والخمر شهدوا عليه أكثر من واحـد ؟


خلآص يآخوي أنت ضعت ؟
وأنت اللي ضيعت نفسك بنفسك !!!!



.


.



أنصدم الكل بهذا الخبر وبنهاية مشآري المأساوية
انهارت أم مشعل وصابها أكتئاب من بعد ضناها اللي بتنحرم منه للأبـد !


وأبو مشعل انهار من سمع الخبر وحاول يطلع مشآري بفلوسه بس ماقدر ولدهـ راح ولا عاد ينفع الندم


عبير وغيداء كلهم أنصدموا من هذا الخبر .. وبكوا على أخوهم اللي شاركهم أكثر أيامهم
مع قلة وجودهـ بس مهما صار يظل أخوهم من لحمهم ودمهم !



ديـم كانت فعلا صدمة بالنسبة لها ! ماتعرف هي تفرح ولا تحزن !
مهما كان هذا ولد عمها أخو عبير أخو مشعل زوج دانا اللي ماتهنت معاه
خبرتها دانا بأنه يطلب منها أنها تسامحه بس هي رفضت
اللي سواهـ فيها مو قليل .. وهي مو ملاك تسامحه
بعد مآحرمها من أغلى شيء تملكه واستغفل طفولتها الحمقاء !
بس الأيام كفيلة بأنها تشفي الجروح وتمحي الأحقاد !



دانا انهارت .. كانت مسامحتـه بس لو يرجع على الأقل
تمنت لو أنها مادعت عليـه في يوم .. بس خلآص مشاري راح !
وورقة طلاقها وصلتها حتى من غير مايطالبون فيها أهلها !



أم فيصل وأبو فيصل كانوا قلقانين على بنتهم اللي تطلقت من ثاني يوم من زواجها
من زوج تاجر مخدرات و ........ ؟
وحلفوا انهم ماعاد يغصبونها على شيء هي ماتبيه







ــــــــــــــ