المنتدى :
الشعر والشعراء
أحسك صمت يغريني سماعه
يادار المغترب مدري متاعه
ياريح الورد مدري يارحيقه
..
معك قلبي تمادى في ضياعه
وليلي باهت وفاقد بريقه
..
دخيلك خافقي زاد التياعه
ولا غيّر تعب حبّك طريقه
..
يحبك حب مخلص من قناعه
يطيقك بس بعدك مايطيقه
..
إذا عندك على البعد إستطاعه
أنا وصلي معك ماجف ريقه
..
أحسّك صمت يغريني سماعه
وأشوفك حلم لو إنّك حقيقه
..
ويصير الكون كله وإتّساعه
بدونك ضيقه بضيقه بضيقه
..
تركت القلب بيدينك وداعه
دخيل الحب شوفي لك طريقه
..
ثلاث أرباع عشرتنا قطاعه
مثل ساعه على يدك الرقيقه
..
عقاربها إتّلاقى كل .. ساعه
ولكنها إتّفارق في .. دقيقه !
التعديل الأخير تم بواسطة بوح قلم ; 28-10-11 الساعة 11:28 PM
سبب آخر: تعديل العنوان
|