لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > ارشيف خاص بالقصص غير المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية


موضوع مغلق
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 08-11-11, 01:47 AM   المشاركة رقم: 26
المعلومات
الكاتب:
اللقب:

البيانات
التسجيل: Jul 2011
العضوية: 227001
المشاركات: 56
الجنس أنثى
معدل التقييم: عيونـ بدويه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
عيونـ بدويه غير متواجد حالياً
وسائل الإتصال:

كاتب الموضوع : عيونـ بدويه المنتدى : ارشيف خاص بالقصص غير المكتمله
افتراضي

 

ابشري حبيبتي ان شآء الله قريب انزل البآرت

 
 

 

عرض البوم صور عيونـ بدويه  
قديم 11-11-11, 02:09 AM   المشاركة رقم: 27
المعلومات
الكاتب:
اللقب:

البيانات
التسجيل: Jul 2011
العضوية: 227001
المشاركات: 56
الجنس أنثى
معدل التقييم: عيونـ بدويه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
عيونـ بدويه غير متواجد حالياً
وسائل الإتصال:

كاتب الموضوع : عيونـ بدويه المنتدى : ارشيف خاص بالقصص غير المكتمله
افتراضي

 

الجزء الثآمن
ريم تنزل الدمعه وبحرقه قلب..ايوه قبلت ....
الكل ..كككككككككللللللللللللللللللللللللللللللللللللووووووووووووو ووش
البنات ..الف الصلاه والسلام عليك ياحبيب الله محمد كللللللللللللللللللللللووووووووووووووووووش
البنات يسلمون على ريم ويضمونها ويبكون من الفرح بو ساري حاس بمأساه بنته وبلحضه تنزل الدمعه ويمسحهآ بطرف شمآغه
البنات يدخلون للمجلس ولولو تدخل المجلس الثاني خوال ريم يبون يسلمون عليها وتدخل هي وام ساري
بو بنيان يدخل ..الف الف مبروك يابنيتي الله مير يوفقك ويخليك بسم الله مشاء الله ياحضك ياسطام
الجد ..ههههههههههههههههههه ايه والله ياحضه وياسعده
ريم تضم ابوها ..يبه خايفه
ابو ساري يمسح على راس بنتها..الله يوفقك
ريم تبوس راس بوها ..وتروح تضم عمها وتسلم عليه
والجد يضم ريم ..الله يوفقك ويسعدك ولا يشقيك
ويطلع راكآن وغيث من من مجلس الرجال
رآآكآن كان عارف ان تاضي موجوده...اوووف يا حركات اللف اللف مبروك ياالزينه وش هالزين لالا وين سطام خلوه يجي..
الكل..هههههههههههههههههههههه
ريم تسلم عليه وتبتسم..ههههههههههههههه الله يسلمك والفال لك
رآكآن بصوت عالي..امييييييييييييييييييييييييييييين
الكل..هههههههههههههههههههههه
تاضي سمعت صوته وتحاول تتصادد عن الصوت وكل نبره تجيب لقلبها سكين
غيث يسلم على ريم ..الف الف مبروك يا الغاليه منك المال ومنه لعيال آآآآآآ قصدي منه المال ومنك العيال
الكل..ههههههههههههههههههههههههه
ريم ..ههههههههههههههه الله يرجك وش هالدعوه ههههههههههههههههههههههههههههه
بو ساري..ههههههههههههههههه يالله ياجماعه لازم الحين تركي يدخل وين ساري..؟
ريم مستغربه ..وين ساري ماجا يسلم
ساري كان مررررررره متضايق وخايف
بو ساري يناظر الباب ...تعال ياساري ماتبي تسلم على اختك
ساري يدخل ويسلم على اخته ويضمها ...الله يوفقك
ريم تنزل دمعه حارقه على خدها ...تسلم
ساري يناظر اخته ويمسح الدمعه ..لاتبكين قد شفتي قمر يبكي ..؟
ريم تبتسم .. بعيونك قمر
سآري يبتسم وينآظرهآ .. ربي يسعدك يآ اختي
الجد..يالله الحين تركي بيدخل
ريم ..طيب يالله اجل انا وبنات بنجلس بالمجلس على ماتخلص لولو ..
الرجال..يمشون ويروجون لبيت الشعر ..
عند الرجال..
الجد صايل..يالله يا تركي
خذ حرمتك
تركي بتعب مدفون على زوآجه مجبور يبوس راس ابو زوجته ..الله يسلمك ياعمي
الكل يبارك لتركي ويسلم عليه ..ويسلمون على ابو تركي
وتركي ابد مآهو معهم رآيح بحبه وغرآمه بعييييد
الجد وغيث وريان وتركي يروحون لعند الحريم عشان يصورون ويدخلون لولو على تركي ..
ام ساري تروح للولو بجنب البنات ..يالله قومي
لولو خايفه..يووووووه الحين وربي خايفه ..
الكل..ههههههههههههههههههههههههههههه يالله قووووووومي
البنات يلبسون عباياتهم يبون يشووفون لولو وتركي
تاضي ..انا مش رايحه بجلس مع ريم ..
لولو ..ليه لاتكفين روحي معنا
تاضي تعذر..لالا ماقدر
لولو كانت تبي رآكآن يشوف تاضي وتاضي تشوف رآكآن..
لولو..مادخل الا اذا جيتي
الكل بحمآس..تااااااااااضي
تاضي..هههههههههههههههههه يالله يالله جايه
تاضي تلبس عبايتها وشيلتها ويدخلون ..
لولو تسلم على ريم...ادعيلي ميته خوف
ريم تبتسم .. الله يوفقك ويسعدك ياقلبي
لولو تروح للحريم بالقبو..
طبعا اول مادخلت تاضي راكان عرفها وكان يناظر بها ويبتسم وهي ولا معطته وجه وماتعطيه الا نظرات حقد وكره ...وكنه تقول له كرهي لك يعادل كل السنين الي حبيتك فيها
لولو توقف عند الباب..الف الصلاه والسلام عليك ياحبيب الله محمد ..كلللللللللللللللللللللللللوش
الكل يزغرط ومبسوط ..وتقبل لولو منزله راسها كان فستانها توب حلوو وناعم ومن ورى طوييييل بيج ومحدد بالباذنجاني ..كآن الكل يشوف جمآلهآ الي زآد بهاليوم الفين مره لكن للأسف تركي مآنتبه له
لولو تدخل خطوه خطوه خايفه ومنزله راسها الا ان وصلت لتركي
تركي سآعتهآ مو شآيف بالحضور احد ولا حتى لولو مو شآيف غير تهآني ولا حآس بالي يصير حوله
تركي بعد اشآره من اخته ندى يبوس راسهآ واللكل فرحان ويصفق
جود تنآظر تآضي مستغربه .. وش فيه تركي كأنه متضآيقه
تآضي تنآظرهم .. ايه جد مآهوب طبيعي
جود تنآظر زآنه . . تشوفين الي اشوفه تركي شوي ويبكي وش فيه كذآ
زآنه مستغربه . . يعني مو بس انآ الي لآحضت هالشي
جود بخوف . . الله يستر
غيث كان يتابدل مع زآنه نظرات حب وعشق ويبتسمون لبعض ...
رآكآن كان يناظر تاضي بحب وتناظره تاضي بكره ...
يقصون الكيكه وياكلون بعض وبعد دقايق يسلم رآكآن على لولو من جديد وغيث
رآكآن يمد يده لتركي
وستغرب رجفه يدينه . .
رآكآن يقرب له ومستغرب. .تركي تعبآن فيك شي
تركي وبجمآله البسيط يبتسم . . سلآمت قلبك مآفيني شي
الجد يسلم عليهم ويدعي لهم ..
ندى اخت تركي تروح لتركي
ندى بهدوء. . مآلك نيه تلبسهآ
تركي بتعب وبصوت وآطي .. خلآص لبسيهآ انتي انآ مو قآدر
ندى بهوآش. . مآيصلح انجنيت انت لازم انت تلبسهآ
تركي بتعب . .طيب طيب خلآص الي تبونه بيصير
مع مساعده من اخته ندى وامه يساعدونه يلبسها الشبكه والدبله
وتركي ابد مو معهم ولا حتى نآظر زينهآ الي الكل كآن يتبآهآ به
ولوولو الي كآنت من حبهآ لتركي ودهآ تطييير لسمآء الدنيآ مو سآيعتهآ خذت حبيبهآ روحهآ حيآتهآ لكن للأسف ..
بعد ساعه تنتهي حفله لولو
الرجال يطلعون من القبو ويروحون لبيت الشعر قد ان هناك السكون عاااااااااااااااام على بنيان وسطام والعم بو بنينان ..وزوج مزون...وساري
الرجال يدخلون مبسوطين يتحرون وقفه سطام ..
مآعدآ تركي وبهدوء ينسحب منهم ويطلع
الكل ستغرب من تصرفه
الجد بخوف. . الله يسترهآ عليك يآبنيتي
الجد صايل..يالله ياسطام روح خخذ مرتك ..
سطا يبتسم بتعب وخوف من الملامه ..
سطام والجد بتال والعم بنيان وساري وبو ساري وريان وغيث يروحون عند الحريم بالقبو
طبعا البنات ماراحو جالسات
ام ساري تروح لبنتها..يالله ريوم قومي
ريم معبسه وخايفه ومخنوقه ...طيب
ريم تقوم وخايفه من المستقبل الي بيواجها..
ريم وتوصل مع امها للقبو قد انها تغطت بو بنيان مو حلال عليها
ريم توقف والكل من شافها يصلي على النبي سطام كان منزل راسه وخايف ..
الكل كان منبهر من نعومتها وجمالها وكأنها ملاك بصوره انسان ..
البنات والحريم..الف الصلاه والسلام على حبيب الله محمد ..ككككككككككككككككككككللللللللللللللللللللللللللللللللللللوو ووووووووووش
الكل يصفق ومبسوط مزون كانت مررره مبسوطه
ام سطام تقوم تجي ريم وتحب راسها وتضمها ام سطام من فرحتها بريم بكت ..
ريم تتقدم وتوصل للكوشه مصغره ...
ريم توقف وكان بجنبها سطآم بجنبهآ بس لسى مآنآظرهآ ..تجي لميا وتسلم عليها وتضم وكانت مره مبسوطه وخايفه من رده فعل ريم لما تعرف
ريم ستغربت من سلام لميا شكلها مررره متضايقه وفرحانه ...
الجد والخوال والأبو والعم يجون ويسلمون عليها ...
سطام يرفع راسه..
سطام ويناظر متافجئ بزينها ومايناظر بهالمكان الا ريم كل الوجيه ريم ..ربي يحرسك ياالريم
سطام يمد يده يسلم عليها ريم منزله راسها وغرتها على وجها..سطام بدون شعور..يبوس يد ريم ..
الكل يصرخ مبسووووووووووووط وخاصه البنات ..
ريم ترفع راسهابشكل بسيييييييط سطام يرفع راس ريم ويبعد غرتها وحس من دآخل عيونها دمع حيرراااان وحتى الدمع تعبان يناظرها وعينه مليانه وله وشوق وحنين وده يضمها ومايكون بهالمكان ونيس ...
سطام يبوس راس ريم ...ويناظرها
الجد لاحظ نظرات سطام ورتاح شوي شاف شلون يبيهآ بعيون سطام شاف حب ماشافه بعيون تركي للولو
جود نتبهت لسطام وريم ..بنات بنااات شوفو شووفو كيف يناظر ريم
زآنه فرحانه..شفتووو ماقلت لكم انه يحبها ..
جوآهر شوي وتبكي الفرح ..بنات مو مقادره اصدق هالي اشوفه واخير واخييرا ريم وسطام مع بعض ..
تاضي تبكي من الفرحه ..بعد قلبي ياريوم تستاهل كل خير
مها تطومر من الوناسه..بناااااااااات شوفو كيف ينااااظرها وناااااااااسه ياااحبي لهم بس
تجي مزون ولميا ويرفعون شعر ريم وسطام يلبس ريم العقد سطام يقرب من شعر ريم ..ويشمه حس الكون مابه غيرهم ويغض عيونه ويضمه قرب ذقنه من نحرها وكنه طفل ناسي حنان امه ...
مزون تناظر سطام كيف خاق وبهبل..ههههههههههههههه اقول في ناس هنا
ريم وسطام يبتسمون ..ويصدون عن بعض
سطام يلبس ريم الحلق ويقرب من اذنها ويشم دهن العود ويحس بدقات قلبه تزايد مع كل شمه ...
ريم تناظره وفجاه وفي بالها.. ياعيون الكون غضي بالنظر
اتركينا اثتين عين تحكي لعين
اتركينا الشوق ماخلى حذر
بلاخوف بنلتقي.. وبلا حيرة بنلتقي
يرفع يدها ماحس الابقطعه من حرير ماسكتها يده ويلبسها الأسواره
ويرفع صبعها ويناظر عيونها انها كيف خجلانه ويلبسها الدبله
مها مبسوطه ..الللللللف الصلاه والسلام عليك ياحبيب الله محمد
الكل..كلللللللللللللللللللووووووووووووووووووووش
ريم تبتسم خايفه تبكي ولا تضحك
سطام ماشال عينه ...
لميا تناظرهم بخوف عليهم ...
ريم ترفع عينها وتصيب عينه ...
وتنزلها مره ثانيه ...
سطام بهدوووء بصوت مايسمعه الا ريم... صحيح النظره ماتكفي
من الالام ماتشفي..
ولكن عذرنا الحاظر.
نراعي الوقت والخاطر..
ريم تنزل راسها منحرجه منه ...وتبعد وجههآ للجهه الثآنيه
ساري كان يناظر لميا وخااااااااق على عيونها عرفها من بين كل البنات
لميا كانت منزله راسهاوكل ماتناظره تلاقي عينه بعينها ...وتتبسم وتنزلها
وبعد دقايق يطلعون الشباب والرجال ومايبقىى الا سطام
وبعد دقايق...ام ساري...تجي
سطام يبوس راسها ..
ام ساري..الف مبروك ياسطام
سطام مبسوط..الله يبارك فيك مرت عمي ..
ام سطام تسلم على ام ساري ويبكون من الفرح ...
لميا توقف بجنب مزون وكانت خايفه ..
مزون مستغربه..وش فيك ..؟
لميا بخوف..ها..؟ لالا مافيني شي..
مها تناظر لميا..بنات لميا فيها شي تحسون ودها تقول حاجه مخنوقه ..شي من كذا..؟
جود..تصدقين انا من شفتها كنت اقول كذا بعدين قلت يمكن بس انا اثر الكل يناظر الي اشوفه
تجي ام بنيان وتسلم على ريم
ريم تضم ام بنيان ...الله يوفقك يابنيتي ويسعدك
ريم تبتسم..الله يسلمك ياقلبي
ام بينان..ألف مبروك ياسطام يابختك بريم والله زينه البنات
سطام يبتسم..تسلم مرت عمي ماقصرتي اكيد مايبي لها هي زينه البنات ..
ريم تنزل راسها منحرجه ...
الجده تجي ومن الفرح تبكي ..اللف مبروك ياريوم ياروحي والله
ريم تبوس راس جدتها وتضمها..الله يخليك لي يا الغاليه ولا يحرمني منك ..
الجده تسلم على سطام ..اللف مبروك ياسطام زين ماخترت ياولييدي خترت قمر هالعايله ..وقمر هالمكان الله يسعدكم ويوفقكم وكن ابوك داري وصى احب مالي من العيال ياخذ احب مالي من البنات
ريم وسطام يناظرون بعض وينزلون عيونهم..
سطام يبتسم ..الله يبارك فيك ياالغاليه يانور دنيتي
الجده ..اقوول ياسطام خل ريم تاج راسك تراها الغاليه
سطام يناظر ريم ويبتسم..بعيوني ان شالله
ام بنيان تناظرهم ...وكانت تتمنى تكون ريم لولدها بس راحت لرزقها احسن لها ...
مها تقرب من ريم ..اقووول متى بتقصون الكيكه نبي نضحك عليكم هههههههههههههههههه
ريم تبتسم وتبان غمازتها وتفرح عينها ..هههههههه الله يرجك
سطام كان يناظر ريم ومفهي...يسعدك ربي
مها نتبهت للي قاله سطام ورآحت بسرعه ..وربي وقتي غلط
ريم نجرجت ونزلت راسها..
مزون تقرب من سطام..اقول يالله امسك ريم وروحو قصو الكيكه
سطام خااق مو عارف وش يسوي..الحين ..؟
مزون وبستهبال..لا بعد يومين ..ايييه الحين يالله بلا تفهي
مزون وسطام ..ههههههههههههههههه
لميا سمعتهم ...ههههههههههههههههه مزيون مو بس انا الي حسيت انا اخوي مفهي هههههههههههههههههه
الكل ..ههههههههههههههههههههههههههه
لميا كانت وراها عمتها العفري وكانت نظرات العتب بعيون لميا ودها تتهاوش مع عمتها على الي صار وكيف اصلا رضت ...وكيف قلبها الأسود ماخاف على بنتها
العمه تقوم وكلها حزن وتروح لسطام ..
لميا لما شافت عمتها راحت لهم خافت ان تصير مشكله
العمه بغرور وكبريآء وقهر ..الف مبروك ياسطام
سطام حس بسكين بقلبه ومنحرج والكل لاحظ هالشي..آآآ الله يبارك فيك عمتي
العمه تناظر ريم وتخزها..مبروك ياريم
ريم مستغربه من نظرات عمتها..الله يبارك فيك عقبال منيره ان شالله ..
العمه تبتسم بسمه خبث...ههههههه منيره ...طيب الله يسمع منك
سطام كان خايف انها تقول شي وتعفس الموضوع كله لميا تناظر سطام ومررره مرررره خايفه ...
العمه تخز سطام وترجع لمكانها
ام ساري تبتسم للعمه والعمه تناظر كل الموجودين بنظرات احتقار ...
جود تتكلم مع جوآهر..جوجو شفيها عمتك كأنها متضايقه ..؟
جوآهر مستغربه من نظرات عمتها..الا متضايقه ونص يمكن عشان منيره تعبانه وش في الدنيآ اليوم كلهآ متضآيقه وش صآير
جود تناظرها..لا مو عشان منيره في شي ثاني اكيد ..
جوآهر ترفع حاجبها..شي ثاني..!!! زي ايش..؟
جود مستنكره..مدري بس اكيد قريب بنعرف ..
الجده سلطانه مستغربه من نظرات بنتها..العفري وش فيك يمه كأنك تعبانه
العفري تتصنع..لايمه مافيني الا العافيه بس منشغل بالي على منيره
الجده تدمع عينها..يابعدي والله الله يقومها بالسلامه وافرح لها زي مافرحت لهم يارب
العمه تبتسم بتعب..اميين يمه امييين
البنات مررره مرره نبسطو ..وعلى الساعه 12
الجده تروح لم ساري..يا ام ساري المفروض الحين تحطين عشاك تأخر الوقت ..
ام ساري..خلاص يمه بقول ريم وسطام يقوومون يبون يروحون لبيتنا يروحون على رآحتهم ..
الجده..الله مير يوفقهم ..
ام ساري تروح لأم سطام..اقول ام سطام يالله قولي لسطام يقوم مع ريم لزوم الحريم الحين يدخلون على العشا
ام سطام ..ياليت يالله بقول لهم اجل يفتحون بوآبه غرفه العشآ وانتو قوموهم
ام ساري تروح للمزون..مزون يالله خلينا نوقف ريم عشان تروح هي وسطام
مزون..يالله سرينا
مزون وام ساري يرحون بجنب ريم طبعا البنات ورى ريم وسطام مايشوفهم ..
مزون..سطام يالله خذ حرمتك واتكل على الله
ام ساري..ريوم قومي انتي وسطام للبيت ولا ودكم تطلعون .. ؟
ريم مااتت خوف جد انه مو زواجها بس صار حلالها وتقدر تقوله الي تبي بحدوود..
ريم ماردت..
سطام حس بخوف ريم..لا خلاص نروح البيت
ريم تقوم وتسلم على البنات وكانو مرررره مبسوطين مخلين دموع الفرح حق الزواااج ..
بعد طلعت للبيت ريم وسطام ..
يوصلون لفتحه الباب وريم بعباتها تسبق سطام
سطام يبتسم ..ويروح يفتح باب السياره لريم
ريم تنزل راسها وتركب السياره
سطام يركب السياره من جهته
ولحضه صممممممممت
سطام يناظر ريم ريحه عطرها ملت المكان ...وياخذ نفس عميييييق ويشم عطرها ...وين تبين نروح
ريم بخجل..الي تبي
سطام يقرب يده لذقنها ويلفهآ لعنده..تبين نروح للبيت ..؟
ريم تبعد يده وبخوف..ياليت
سطام حس بخوفها وبتسم ..طيب تامرين امر
سطام يشغل اغنيه مجهزها لريم ..لهليوم
تبدء اغنيه عبدالمجيد
عيونك وبسمه شفاك وحشتني..على ثباتك في خفوقي اهنيك..لك صوره ماعمرها فارقتني..في كل ركن وركن القى معاليك..فرقاك والغيبه بعد علقتني..عشقتك اكثر واكثر الله يجازيك..ليت اليالي يوم غصب بعدتني..نستني طيوفك واسمك وماضيك..اوااااه من ذكرى الغلا ماعتقتني..في كل ليله اذكر واحلم اجيك ..والناس لامن جيتها احرجتني..كن العرب متفقه تجيب طاريك..فرقاك والغيبه بعد علقتني..عشقتك اكثر واكثر الله يجازيك ..لاكن عهد كان اليالي منحتني..فرصه جديده مرتن التقي فيك..مديت كف بالوفى صافحتني..تشره علي ان كان بقفي واخليك..
ريم تناظر للجهه الثاني ودمعه الم تنزل وبكل بسرعه تمد يدها على المسجل وتسكره
سطام حس انها تضايقت وبهدوء...ماعجبتك .؟مو حلوه.؟
ريم مرتبكه ..الا
سطام بحنان ..اجل ليه سكرتيها
ريم بخوف...بس
سطام حس ان ريم تضايقت ويمشون بالطريق لبيت العم فهد
البنات ..مره منبسطو وتعشو ..
بنفس اللحضه ..جود..بنات انا بروح جا اخوي..
زآنه ..لا اصبري خلك بدري تو الساعه1
جوآهر..ايه جد اجلسي
جود..لأا خلاص شفت ريوم وانبسطت لازم اروح الحين ..
مها..اجل وديني معك..
زآنه ..شوف الثانيه اقولك اجلسو بس
جود..لا ياقلبي مقدر
مها..وانا ماجهزت نفسي حق السفر ومدام بتطلع بطلع معها ..
زآنه ..اوووف طيب يالله روحو
الكل..ههههههههههههههههههههههه
لميا كانت مره متضايقه ...
مزون تروح لها..لموو وش فيك ..
لميا تبتسم بخوف..لالا مافيني شي ابد سلامتك ..
مزون حاسه ان بها شي..لا جد اكيد فيك شي
فجأه العمه..يالله مع السلامه ياجماعه الله يوفقهم
العمه تسلم عليهم وتطلع كانت نظراتها مليانه حققد وقهر وتوعيد لهم برد الأذيه
لميا رتاحت...
مزون مستغربه..من عمتي دخلت وانتي مو على طبيعتك شفيك ..؟
لميا خافت ...هاا..؟لالا ولا شي سلامه قلبك .
مزون ..وربي بذبحك تكلمي..
لميا متضايقه..بكره اقولك كل شي بس خلي هاليله تعدي على خير...
مزون خافت..ترى خوفتيني بكره لازم تقولين لي..
لميا ..أن شالله
مها وجود يسلمون على الحريم ...ويطلعون
جود وهي تمشي ..مهوو يالله ترا اخوي من زمااان مو....(جود ماتغطت وكانت بالحوش)
بنيان كآن يمشي وفجأه وقف وجلس يناظر من جماالها مانزل عينه ..
بنيان تقريبا فهاااا
جود نست انها مو متغطيه وجلست تناظره
بنيان بصوت واطي ..لا جد انا احلم
مها حست بنضراتهم ..اقوول جود يالله يالله سرينا
جود انتبهت وحست انها مو متغطيه تغطت وتمشي وقلبها يهتز مع كل خطوه
بنيان يجلس بالكرسي وشكل جود ماراح من باله ..منجد فتانه ..لما وصفتها لي زآنه مانصبت وش جمالها وش سوت فيني ذي..
بهدلتني يالله احس قلبي بيطلع من مكانه ...
ساري يجي ..هلا وينك
بنيان متلخبط..هاا ..؟! هناموجود..
ساري ملاحظ انه تغير..وش فيك ..؟
بنيان يبتسم ..لالا ولا شي سلامه قلبك
ساري ..يالله قوم نطلع طلعو الرجال كلهم
بنيان وباله مع جود..يالله سرينا
جود تركب السياره وقلبها طلع ودخل جوات قلب بنيان وماضنتي بيطلع
اخو جود يناظر مها من المرايه بدون مقدمات..بيت مها.؟
جود تناظره ..يب
اخو جود فز قلبه ودق دقاته ويناظرها من المراه
مها توصل لبيتها..يالله مشكورين ماقصرتو
جود مفهيه ..هاا ايه الله يسلمك توصلين بالسلامه قلبي انتبهي على حالك
مها..ان شالله لاتوصين
جود..اتصلي علي وقت ماتوصلين
مها...ان شالله
مها تسكر الباب ..وتدخل بيتهم
حسن.. هذي مها ماغيرهاصح..؟
جود ..ايوه انت جايبها بعد هههههههههههههههههه يعني نفس البيت
حسن مفهي عليها..ياحليلها كبرت ..
جود تستهبل..هههههههههههههههههه وستخفت
حسن وجود..هههههههههههههههههههههههههه
عند بيت الجد ..
زآنه طلعت من البيت وراحت تكلم غيث خطيييبها..
وجوآهر طلعت وراحت للبيت وعلى طوول للمسن مع خوياتها..
بنيان وساري يطلعون يتمشون وحسو بفراغ من دون سطام ..
الجده مررره مبسوطه على الي صار..
الجد انبسط لما شاف عيون ريم وسطام..
لولو ستغربت من طلعته وعذرته ورآحت غرفتهآ متضآيقه من حركته توقعت بيسهر عندهآ بيبآرك لهآ أي شي مآتوقعت انسحآبه
ندى وخآلتهآ حآولو يتعذرون بس السآلفه مآتنترقع
بو ساري وام ساري يضبطون الأوضاع بعد الحفله ويروحون بيتهم ..
العمه منيره لبيتها ...وحامله هم على كتوفها..
مزون تروح بيت زوجها ..
لميا كانت متضايقه على ريم وسطام ونبسطت وانبسطت اكثر لما شافت ساري...
وراحت للمسن مع الشله ...
ركان كان عند البحر مره متضايق شايل همومه ومو عارف وش رد تاضي ريم انشغلت عنه ولا قالت له وحس بألجابه سلبيه بسبب نظرات تاضي له اليوم
تاضي تروح غرفتها مررره كانت مبسوطه وبنفس الوقت متضايقه تحب ركان وتبيه بس الي سواه ...غير وجهه نظرهآ للأسوء
وريم وسطام وصلو للبيت وعلى طول يدخلون .....بالمجلس
كانت الساعه 1 ونص..
ريم ساكته ومنزله راسها بعد مافصخت عباياتها
وسطام ساكت ويناظر ريم ..
سطام بصوت مبحووح حزيين..مبروك
ريم منزله راسها..الله يبارك فيك
سطام قد انه طاااير فيها ونسى من باله منيره والي خلف منيره ..
سطام ..شخبارك ..؟
ريم بخوف ومنزله راسها..بخير
سطام سكت مو عارف وش يقول بقلبه كلام كثير بس وين يبدي وين ينتهي ...
سطام يبي يدور سالفه..تعشيتي ..؟
ريم بخوف تبتسم..لا
سطام ..ليش
ريم تبتسم بتعب ..بس مابي مو جوعانه
سطام يطلع جواله ..
ويرسل لميا..
لمووو بسرعه اطلبي عشا وجيبيه بيت عمي بسرررعه تكفين واذا جا ضبطيه ليه نخيييتك لاترديني ..
جاااري الأرسال
لميا كانت تتكلم ع خوياتها بالماسن ..
وتسمع صوت رساله بجوالها...
تفتحها
لمووو بسرعه اطلبي عشا وجيبيه بيت عمي بسرررعه تكفين واذا جا ضبطيه ليه نخيييتك لاترديني ..
لميا تكلم حآلهآ...يوه منين احصل له مطعم هالوقت
لميا تكتب بالماسن لخويتها مشاعل..
يحبڪ ْ ڪل مآِفينّي سڪنتٌ في شرآينَي:
.ميشووو بسرعه بسرررعه
في آلحبٌ قلبي عليـل إن شآفگ يضعف أگيًد:
هلا وش فيك..؟
يحبڪ ْ ڪل مآِفينّي سڪنتٌ في شرآينَي:
تعرفين مطعم حلو الحين مفتوح..؟
في آلحبٌ قلبي عليـل إن شآفگ يضعف أگيًد:
الحين ..؟ مطعم بمستوى مين ..؟
يحبڪ ْ ڪل مآِفينّي سڪنتٌ في شرآينَي:
سطام اخوي رسل لي يبي مطلعم له ولريم بسرعه الحين ومفتوح يعني اكيد حلو وراقي
في آلحبٌ قلبي عليـل إن شآفگ يضعف أگيًد:
امممم الطايه مررره حلو ,,,
يحبڪ ْ ڪل مآِفينّي سڪنتٌ في شرآينَي:
يوصل الحين ..؟
في آلحبٌ قلبي عليـل إن شآفگ يضعف أگيًد:
مدري بس ارسلي السايق اضمن انتي تعرفينه..؟
يحبڪ ْ ڪل مآِفينّي سڪنتٌ في شرآينَي:
ايه اعرفه والسايق يعرفه الحين بقول له برب
في آلحبٌ قلبي عليـل إن شآفگ يضعف أگيًد:
تيت قلبو
لميا تاخذ جوالها وتتصل على السايق وتخليه يورح الطايه ويطلب لهم وبعد نص ساعه يجيب الطلب وتنزل لميا وتضبط الأكل وتجهزه بالشموع والحركات
سطام وريم كانت مره سوالفهم رسميه
ريم تبتسم ..لا لسى يمكن اخذ سمر كورس
سطام مستغرب..ليش انتي...(يقطع الصوت الجوال*
سطام يرد ..هلا لمو
لميا..يالله تعال خذه ..
سطام مبسوط.. والله يالله هذا انا جاي..
لميا ..استناك يالله بسرعه
لميا تسكر من سطام ..
سطام يوقف ولأاول مره من جلستهم لحالهم ريم تناظره وتنزل عينها..بتروح ..؟
سطام خققق..ثواني وراجع
ريم تبتسم ..اوكي خذ راحتك

سطام يطلع من البيت ويروح لحوشهم ..
وريم تسند راسها وعلى طووووول اول ماطلع دمعتها تنزل وتميل لشعرها..يارب يسر علي ولاتعسر
سطام قد انه خااااق ويوصل لميا..تسمليين ياقلبي
لميا بستهبال..قلبك هناك مو انا
سطام..ههههههههههههههههههههه يخرب بيت بليسك يالله ماقصرتي
لميا..هههههههههههههههه يالله موفقين
لميآ بتحمس. . هآ شالأخبآر
سطآم بتعب . . شوي شوي بنتأقلم
لميآ . . ربي يوفقكم
سطآم . . امين
سطام ياخذ الصينيه ويدخل من الحوش..
سطام وبوجهه ساري..
ساري ..اووف وش عندك
سطام منحرج..لا بس لأان ريم ماتعشت جبت لها
ساري كان شايف الأكل مرررره اتكيك ومرتب وذرب وشي رااااقي..من سوا هالحركات
سطام يغمز له..في غيرها ام الرومنسيه
ساري مره خق..ههههههههههههههههه فديت قلبها ذوووق
سطام..هههههههههههههههههههه الله يوفقك يالله تبي شي يدخل
ساري مره متردد..سطام ممكن طلب.؟
سطام ...امر
ساري..ودي اكل لميا تكفى احس من زمان مخطوبين وان شالله ملكتنا قريبه ودي اكلمها تسمح..
سطام كان خااق على ريم ويبي يدخل لها بسرعه ..اوكي كلمها يالله
ساري..ههههههههههههههههههه اجل خققتك ريم شلون اكلمها وانا مو معي رقمها
سطام يحط يده على رآسه ..ههههههههههههههههههههههههه ايه والله صدقت وش اسوي هههههههههههههه طيب خلاص بس بقول لها
ساري..لالالا خلها انا بتصل عليها فجأه ..
سطام يطلع جواله..اجل خذ الرقم..
ساري ياخذ رقمها وكان مرررررررره مبسوط ويدخل داخل البيت ..
سطام بشويش والصينيه معه ..يدخل للمجلس ريم كانت غااارقه بتفكييييير وماحست انه دخل
سطام يحط الأكل على الطاوله وكان يناظر ريم ..سبحان من خلقك
ريم نتبهت لصوت وناظرته بتسمت وستحت حست ودها الأأرض تنشق وتبلعها ...
ريم تنزل راسها..
سطام يروح بجنب ريم قرب اكثر من اول ..
سطام ..ريم انا جبت عشا تاكلين
ريم تناظر الأكل..لا شبعانه قلتك لك ليش تعبت حالك ..؟
سطام يبتسم..لا تعب ولا شي حلالك
ريم تبتسم ..تسلم
سطام كان يناظرها ومابعد عينه عنها وريم نحرجت من كثر مايناظرها وحست قلبها يوجعها من الأحراج ..
ريم تبي تكسر الأحراج..آآآ وانت تعشيت ...
سطام يتكلم بهمس وحس بالحب رجع ..بس اشوف عيونك اشبع
ريم تذكرت هالكلمه كان دايم يقول لها لما تسأله تعشيت
حست الدنيا دارت من حولها وصدت عنه ..
سطام تذكر انه يقول لها هالكلام ويمسك يدها ونعومه يبوس يدها ...
ريم تبتسم بتعب وتسحب يدها..
سطام يناظرها..ضايقتك ..؟!
ريم تبتسم بتعب..لالا عادي مافي شي
سطام يمسك يد ريم من جديد..وحشتيني وشتقت لك ومو صدق انك قدآمي انتي نصيبي وقلبي
ريم تنزل راسها وقلبها يسمع دقاته الي مايشوفها..مايوحشك غالي
سطام ..ريم ارفعي راسك ماشفتك زين ..
ريم بكل خجل ترفع راسها وتبتسم بخوف..
سطام يناظرها ... تصدقين
ريم تناظره وتبتسم...وش..؟
سطام بوله ..عيني ماشافت نفس زينك ...
ريم تبتسم وحست بالدنيا مو سايعتها ...تسلم عيونك الحلوه
سطام يناظر الأكل وحس انه منحرجه مررره ..يالله كلي
ريم تناظر..صدقني شبعانه مابي اكل ..
سطام وهو مفهي..عشاني
ريم وسطام يناظرون بعض وصدو عن بعض..
سطام بتعب ..آآ اسف بس ..
ريم تناظره بعصبيه متضآيقه..لا عادي
سطام حس انا ريم عصبت ..ريم اسف آآآ ماكنت اقصد...
ريم تصد عنه وتشبك يدينهآ ببعض..قلت لك عادي ...
سطام حب انه يغير هالجو الي بينهم ويحسسها انه حلاله والي يقوله جدا عادي
سطام بقمه الخقق..حتى وانتي معصبه حلوه وتذبحيني لا ناظرتي ثم صديتي
ريم مستغربه من كلامه توه تأسف على الي قاله والحين جاب العيد ..
سطام حس انا ريم ستغربت واستحت... طيب ماتبين تاكلين..انا بوكلك
ريم تبتسم ..هههههههه لا خلاص باكل بس مو الحين ..
سطام حس انا ريم طردته طرده محترمه ...امممم طيب
ريم نزلت راسها...
سطام يوقف...اوكي انا بروح الحين اسمحيلي ...بس توعديني انك تاكلين
ريم تبتسم وقلبها يدق بأقوى ماعنده.. ان شالله
سطام يوقف وكله هييييبه مع انه مو طويل مربوع وكانت السكسوكه ماخذذه من جماله قطعه
ريم توقف وكانت توصل لعند صدره وتمشي معه ...لعند الباب..
سطام يمسك يد ريم ويسحبها ويبوسها..تصبحين على خير
ريم منحرجه ومو متصوره تقلب حياتها كذا ..تلقى خير
سطام يطلع من البيت وقلبه عاااااااااااااش من جديد ..واشواقه قامت من نومها نوم استمر اكثر من خمس سنين سطام يركب السياره وكان مرررررره مبسوط ..وجلس يتمشى لحاله الى ان اذن االفجر
ريم بعد ماسكرت الباب وراه تتسند على الباب...يالله وش هالي يصير كأني بحلم ماني بواقع
ريم ترجع للمجلس ..وتشوف الاكل كان لشخصين يعني كان وده يجلس معها ..
ريم ماكان لها ابد نفس تاكل وتتوجه للمطبخ
تشيل الأكل وتسمع صوت خطى ...
ريم تناظر ..تاضي..؟
تاضي تبتسم ..اخخخخللللصي شسويييتو
ريم ..ههههههههههههههههههههه راااااااح الرجال وش سويتو وش تحسين فيه ..ابد ماسوينا شي
تاضي تغمز لها..اكيييد
ريم منحرجه..اييييه اكيد
تاضي ...امممم طيب ماكلتو .؟
ريم تناظر الأكل..لا قلت له باكل بعدين حسباله اني طردته هههههههههههههههههههههه على طول قال طيب بروح ههههههههههههههههههههه
تاضي..ههههههههههههههههه حرام عليك وطلع ..؟
ريم ميته ضحك وهي تمشي للمطبخ ..ههههههههههههههههههههههه ايه طلع
تاضي تروح وراها..هههههههههههههههه حرام عليك ريوم احرجتيه
ريم ..هههههههههههههههه شسوي انا ماكان قصدي كذا هو الي فهمها ..غلط
بنفس اللحضه تدخل امها المطبخ وتبتسم ..
ريم تروح وتضم امها وتبتسم ..
ام ساري..ها وينه
ريم تناظر تاضي..ههههههههههههههههه راح
ام ساري مستغربه ..وش فيك تضحكين
ريم ..ههههههههههههه يمه جاب هو عشا قالي اكلي قلت له بعدين على باله اني طردته وطلع
ام ساري ..ريوووم احرجتيه اتصلي عليه وقولي له ماكنت اقصد
ريم بغرور..ايييييييش لا طبعا مجنونه اتصل عليه ليه خبله انا خبله
ام ساري ..ههههههههههههههههههههههه الله ياخذ عدوك فشلتيه
ريم تهز كتافها..عادي
ام ساري تناظر بنتها..مبسوطه ..؟
ريم تبتسم وبتعب...تقدرين تسوين شي لا قلت لك لا او ايه .؟..؟
ام ساري تبتستم ...بس احسك مبسوطه
تاضي تغمز لها...لا شكلها مبسوطه
ام ساري تضرب تاضي..عيب يابنت
ريم وتاضي...هههههههههههههههههههههههههههه
ريم تتمدد..انا بروح انااام ميته من النوم
ام ساري..صلي الفجر ونامي ..
تاضي..وانا كمااان ..
ام ساري..يالله اجل انا بروح الغرفه تبون شي.؟
الكل..سلامه قلبك ..
ام ساري تمشي وبنص الطريق توقف ...وتتسند على الجدار .. تعبت فجاه وصابها دوران
ريم شافت امها بهالحاله وماتت خوف..يمممممممممه
ريم تركض وتاضي وراها ..يممه يمممه شفيك
تاضي بخوف..نوره شفيك
ريم تنزل لأمها وتبكي..يمه فيك شي..؟
ريم تنادي وهي تبكي .. سااااااااااري يييييييبه ...سااااااااااااري احد يجي بسرررعه

هنآ ينتهي البآرت الثآلث
وش فيهآ ام سآري وليه هالدوآر وهالتعب
وش بتصير احدآث بعد الملكه والأيآم الجآيه
حلوه ولا شينه ؟
ليه زوج لولو صآر موقفه كذآ مين هي تهآني ؟
رآح تعرفون بالبآرت الرآبع


البآرث الرآبع
تاضي بخوف ..نوره نوره شفيك ردي علي نووره
بو ساري يسمع ريم وخاف من الصراخ ..ويطلع من الغرفه ويناظر من الدربزين ام ساري طايحه على الأرض ومآتتحرك
بو ساري وده يطير لها ويسرع بالدرج ...شفيهااا شفيها ....؟
بو ساري ينزل بأسرع ماعنده ويوصل لها ويسند راسها على صدره...نوره..نوره وش فيك ..تسمعيني ..؟نوره ردي علي ..قلبي ردي علي
بنفس اللحضه ترد ام ساري ..بهمسات من التعب ..راسي يـــ ,,,أألمني
بو ساري ميت من الخوف..بعد قلبي وش فيك وش تحسين به ..؟
ريم تبكي..يبه قوم ودها المستشفى
ام ساري بتعب تفتح عيونهآ..آآآه لا ..وشوله مستشفى انا الحين احسن آآآآآه راسي
بو ساري والدمعه بعينه..لا لازم تروحين والحين يالله بس ستندي علي
ام ساري وبأصرار وتعب..فهد قلت لك الحين انا احسن خلآص لاتضغظ علي
تاضي بخوف وتوتر..يانوره على الأقل نتطمن عليك
ام ساري بتعب ..لا مايحتاج ياقلبي والله قلت لكم بخير
ريم تمسك يد امها وتبكي..يمه لاتصيرين عنيده
ام ساري تحاول تقوم..وربي مافيني الاالعافيه بس اكيد تعب بسيط وبالنوم بيروح
بو ساري خايف يمسكهآ من عند ضهرهآ وبخوف..طيب يالله قومي بوديك السرير تسطحي ونامي ورتاحي..
بو ساري..ريوم تاضي ساعدوني
ريم وتاضي.. ان شالله
ريم وتاضي يرفعون ام ساري وبو ساري يحملها على يدينه وكنهآ طفلته يصعد ام ساري لغرفته ويسطحهآ على السرير ويغطيهآ
ريم تبوس رآس امهآ . . يمه رتآحي ولاتعبتي قولي نوديك خلينآ نتطمن عليك
ام سآري تبتسم . . مآفي الا الخير يآبنيتي روحو صلو ونآمو
تآضي وريم بخوف . .ان شآء الله
ويطلعون البنات ويخلونها ترتاح
ريم وتاضي يمشون بالسيب..يالله وش فيها امي
تاضي..غريبه من جد اكيد يمكن عشان اليوم مارتاحت واكيد تعبت
ريم مستغربه ..يمكن بكره لازم ابوي يوديها المستشفى غصبن عنها
تاضي توصل غرفتها..ايه والله لازم يالله بصلي وبنام بدك شي..؟
ريم تبتسم ..سلامه قلبك
ريم تروح غرفتها وتدخل ...وتاخذ جوالها ..
وتتصل على جود ..
جود كانت داااااخله جو ثاني جو فيه هي وبنيان وبس
عآلم من التفكير
جود تنتبه للجوآل و ترد ..هلااا وغلا
ريم ..هلاا بك
جود..تمام التمام شخبارك انتي..؟
ريم ..تمام الحمد الله
جود خافت ان صآر شي بينهآ وبين سطآم ...شفيك
ريم متضايقه ..مدري وش فيها امي مره تعبانه
جود خافت ..وش فيها .؟
ريم ..مدري تخيلي اليوم تعبت مرتين ولاهي راضيه تروح المستشفى
جود..يالله ليه سلااامتها يارب طيب السبب يمكن ارهاق..؟
ريم ..مدري والله بس مره انا خايفه بس الحين احسن رتاحت ..
جود تبتسم..كوويس.. الا مااااقلتي بشري وانتي وين سطام ..؟
ريم تبتسم..راح
جود ..مو كأن بدري
ريم ..هههههههههه على باله اني طردته قلت له باكل بعدين هو جايب عشا حسباله اني اقوله اطلع ابي اكل ههههههههههههههههههههه
جود..ههههههههههههههههههههه اما شالأحراج من جد مالك داعي
ريم ..ههههههههههههههههه شسوي
ريم تناظر جوالها ويتنق زآنه بنت عمها ..
ريم ...جود بدخل معنا بالخط زآنه طيب..؟
جود..يالله
ريم تدخل زآنه معهم ..ريم هلااا زنو
زآنه ..هلااااا بك كيفك
جود ترد دآخله عرض..الحمد الله
ريم وجود..هههههههههههههههههه
زآنه مستغربه ...بسم الله علي منين طلعتي انتي
ريم ..ههههههههههههههههه جمعتكم ياحضي
زآنه ..هههههههههههه الله يرجك هاااااااااا شخبارك ..؟ هاا بشري وش صار
ريم بخجل ..تمام الحمد الله عاادي
زآنه ..وينه ..؟
ريم تستهبل.. هههههههههههههههههه طردته
زآنه خافت..نعم ..؟قولي قسم
ريم وجود..هههههههههههههههههههههههههه
زآنه ..وش فيكم تكلمو ..؟
ريم تذكرت..هههههههههههههههههههه الذكي جاب لي عشى طيب قلت له باكل بعدين حسباله اقوله له اطلع باكل وطلع
الكل..ههههههههههههههههههههه
زآنه ..هههههههههه ياحليلك ياولد عمي جد انك ذكي ماطلع علي ولا على خواني
الكل ..ههههههههههههههههههه
ريم ..هههههههههههههه على منو بيصير عليك ولا بنيان ولا على جوآهر
جود فز قلبها من طرت اسم بنيان ..
زآنه ..هههههههههههههه لا علي مالت عليك
ريم ..هههههههههههههههه ايه هيييين كثري منهآ
زآنه ..ريوووووم من جد كتشتف انه لازال يحبك
ريم مبسوطه..جد ..؟قولي والله
جود..ايه جد حتى انا كتشفت هالشي ريم نظراته لك يمممممممممه تقتل تقققققققتل
الكل..ههههههههههههههههههههه
ريم ..ياربي والله خايفه ..
زآنه ..لا عادي لاتخافين ولا شي
ريم ..الا بنات وين مهوو..؟؟
جود..قالت بتنام بدري عشان اليوم الصبح بيمشون الكويت ..
ريم ..بشتاق لها بنت اللذينا
زآنه وجود..ايه والله حتى حنا
ريم ..المهم بنات انا ميييته من النوم تبون شي..؟
البنات ..سلااامتك ..
ريم ..يالله بايو ..
البنات ..بايو
ريم تسكر من البنات ..وتحط جوآلهآ بجنبهآ
ريم تتسطح ..وتتذكر ذيك الأيام قبل لاتتفارق مع سطام قد انها كانت تتمنى تكون يوم ملكتهم احسن من كذا
كانت تخطط انها تخليها ليله غير ...كانت ودها اضائه بسيييطه وحب بينهم ..صارت بأسرع من البرق...ريم تغمض عيونها
...وتنام ...
الصبح ....يعلن عن وصوله ..
ريم الغرفه عندها مسكرها نوافذها الغرفه ظلاااااااااااام ..
تصحى 10 ...
ريم تفتح عينهآ
ريم تقوم ويتبعها شعرها وكنه ضلها
تمسك جوالها ...اوووف بدري وش صحاني ..عوايدي ماصحى الا الضهر ...
ريم تقوم من السرير وكأنها سكرانه تتمايل من التعب
تفتح خزانتها وتطلع ملابسها وتحطها على السرير وتطلع روبها ومنشفتها وتدخل الحمام
ريم تتروش وبعد فتره تطلع من الحمام ...
تلبس تيشيرت من ارماني اكسجينج ** لونه ازررررق غامق وبنطلون ابيض برموده ...
تضبط شعرها بالهوا ..وترفعه بربطه بسيييطه وتروح لتسريحتها وتتعطر بعطر ..نينآ ريتشي التفآحه ...
تاخذ شوز البيت لونه ابيض (لاكوست*
و تاخذ جوالها وتطلع من غرفتها ..
ريم تمشي بالسيب وتروح لغرفه تاضي..
ريم تضرب الباب...تتوووتوو ..ادخل ..؟
ماكان في احد يرد ...
ريم ..توتو موجوده ..؟
ريم تدخل الغرفه كانت تاضي نازله تحت
تسكر الباب وتنزل بالدرج وهي تطومر ..
الجده ..بشووويش يابنيتي لاتطيحين ..
ريم توصل وتنآظر جدتهآ..ههههههههههه صبحك الله بالخييييييير
الجده تبتسم..صبح الله بالنور والسروور
ريم تروح تبوس راس جدتها..فديييتك يا احلى جده
الجده ..ههههههههه ياقلب جدتك انتي
ريم تجلس..هههههههههههههههه يمه سلطانه وين امي.؟
الجده..ضنتي بالمطبخ تجهز للغدا ..
ريم ..اهااا حلو وين تاضي..؟ طيب
الجده ...ضنتي تذاكر
ريم ..زين اشوى خليها تذاكر كلها سمستر وتخلص
الجده..الله يعديها وتفتك ..
ريم توقف..يالله انا بروح لمي بشوفها
الجده..الله معك
ريم تقوم وتروح لأمها بالمطبخ ..
ريم تدخل المطبخ وتروح لأمها تبوس راسها..صباااح الخير...
ام ساري خافت ..بسم الله مادريت انك هنا وش فيك خوفتيني صباااح النور
ريم ..هههههههههههههههههههههه عادي دخلت وانتي ماحسيتي ..
ام ساري..الله يبلي بليسك متى صحيتي ..؟
ريم تفكر..أمممم من ساعه ونص تروشت ولبس ونزلت
ام ساري...زين تبين تاكلين شي..؟
ريم تفكر.. اممم وش طابخه الغدا..؟
ام ساري...سويت كبببسه ابوك من زمان يبيها وتوي افضي..
ريم تنآظر امهآ .. طيب وش حآلك الحين احسن مآتحسين بتعب
ام سآري تنآظرهآ وتبتسم .. لآلآ احسن قلت لك قله نوم بس
ريم ..ههههههه ياعمري انتي والله موتيني خوف عليك المهم انا بروح اجلس مع امي سلطانه
ام ساري فجأه..ريوم
ريم تناظر امها..لبيه يمه
ام ساري بهدوء..كلمتي سطام ..؟
ريم بعفويه ..لا..!! ليه ..؟
ام ساري..ولا رسلتي له رساله ...؟!!!
ريم بعفويه مررره..ابد ابد ليه ارسل ..؟
ام سآري..الله يفشلك روحي على الاقل رسلي له صباح الخير..
ريم بعربجه..مااابي هووو الي المفروض يرسل مو انا تبيني ارمي حالي علييه زي اول لالالالا مستحيييل..
ام ساري تمسك اذن بنتها..وبعدييين مع هالعناااد
ريم تتوجع ..آآآآآآآي يمه لاتوجعيني
ام ساري...ايه عشان هالعناد والتكبر تتركينه
ريم تلمس اذنها..يمه وش اسويله المفروض هو الي على الأقل يتصل او انه يرسل مو انا تبيني ارمي حالي عليه يخسي
ام ساري تهواش..ريمووه عيب تقولين لزوجك يخسي انتي عنيده طول عمرك لاتقولين كذآ والله بزعل عليك
ريم ..ههههههههههههههههههه عادي يمه عاااااادي
المهم انا بروح اجلس مع امي سلطانه لاخلصتي تعالي.. وكلآم مو مكلمته ريحي بآلك امي اموووت فيك حبيبتي انتي مآآبي افرض نفسي عليه
ام ساري تهز رآسهآ..طيب يالله روحي انتي اعند انسآنه شفتهآ بحيآتي الله يصبره عليك
ريم تطلع من المطبخ .. ههههههههههههههههه
ريم تروح لصاله وتجلس تسولف مع جدتها
ومن بعد السوالف ..على الساعه 11 الجده وام ساري سوالف مع بعض
توصل رساله لريم على جوالها من سطآم...
ريم تقوم تفتح الجوال..
اهلين ريم كيفك ان شالله بخير..؟
حبيت اصبح عليك ..صبآح الخير ..
ريم تسكر الجوال وتحطه على الكنب ...
وترفع حاجبها ومو عاجبها الوضع
ام ساري مستغربه..وش فيك ..؟
ريم تناظر امها..كلف على حاله ورسل رساله زي ...ستغفر الله العظيم بس
الجده سلطانه ..من تقصدين.؟
ريم تناظر امها..سطام
الجده تهاوش..وانتي ماتستحين على وجهك تقولين عنه هالكلام والله بضربك
ريم تناظر جدتها...يممممه سلطانه ماقلت شي وش فييييك يمه عااادي بس كنا نتكلم باسالفته..
الجده تهاوش..المفروض انك تردين عليه تشكرينه
ريم ميته ضحك ..ههههههههههههههههههههههههههههههههههه اما ارد لو يموت مارديت
الجده بعصبيه ...انتي عنيده وبتطيرين الولد منك مرتن ثانيه ..
ريم نزلت راسها وبتعب وعصبيه ..اذآ بيروح خلوه يروح مآحد مآسكه عن اذنكم
الجده حست ان ريم متضايقه ...ريم وين تروحين وش فيك قمتي فجأه
ريم بضيقه وبتعب ...يمدحون الجو برا
ام ساري مستغربه ..اي جو حررر
ريم تبتسم بقهر..مو مشكله
وبتسمت لامها وطلعت من الصاله للحوش
ريم تطلع للحوش وتجلس على المرجيحه.. وكانت الشمس مو حاره كثير..
ريم تجلس وكانت مسنده راسها على المرجيحه وكانت الدمعات تنزل من عيونها زي قطرات الندى ...
هنآ ينتهي البآرت
ريم ومع مر الوقت مو قآدره تنسى هل بتتقلب على نفسهآ وبتنسى وبتعيش معه عيشه حلوه ؟ بتعرفون بالبآرت الي بعده

 
 

 

عرض البوم صور عيونـ بدويه  
قديم 12-11-11, 12:00 AM   المشاركة رقم: 28
المعلومات
الكاتب:
اللقب:

البيانات
التسجيل: Jun 2010
العضوية: 174132
المشاركات: 212
الجنس أنثى
معدل التقييم: halazona عضو على طريق الابداعhalazona عضو على طريق الابداعhalazona عضو على طريق الابداع
نقاط التقييم: 202

االدولة
البلدKuwait
 
مدونتي

 

الإتصالات
الحالة:
halazona غير متواجد حالياً
وسائل الإتصال:

كاتب الموضوع : عيونـ بدويه المنتدى : ارشيف خاص بالقصص غير المكتمله
افتراضي

 

ريم راح تتاقلم وتميل له بس ماينتضرها من العمه اوتعترف لها لمياء ننتظرك على احر من الجمر

 
 

 

عرض البوم صور halazona  
قديم 13-11-11, 03:08 PM   المشاركة رقم: 29
المعلومات
الكاتب:
اللقب:

البيانات
التسجيل: May 2010
العضوية: 165741
المشاركات: 110
الجنس أنثى
معدل التقييم: ام متعب عضو على طريق التحسين
نقاط التقييم: 80

االدولة
البلدKuwait
 
مدونتي

 

الإتصالات
الحالة:
ام متعب غير متواجد حالياً
وسائل الإتصال:

كاتب الموضوع : عيونـ بدويه المنتدى : ارشيف خاص بالقصص غير المكتمله
افتراضي

 

ريم راح تعرف بزواج سطام واتوق ريم راح تسكت لين ياخذ أبوها حقوقه وراح ترفض سطام فيه سؤال ليش سطام والعمه مخبين زواجه من بنت عمته عن الكل

 
 

 

عرض البوم صور ام متعب  
قديم 14-11-11, 08:47 AM   المشاركة رقم: 30
المعلومات
الكاتب:
اللقب:

البيانات
التسجيل: Jul 2011
العضوية: 227001
المشاركات: 56
الجنس أنثى
معدل التقييم: عيونـ بدويه عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
عيونـ بدويه غير متواجد حالياً
وسائل الإتصال:

كاتب الموضوع : عيونـ بدويه المنتدى : ارشيف خاص بالقصص غير المكتمله
افتراضي

 

هلا والله ام متعب , ,
ودي اجآوبك بس مآبي احرق عليك القصه
ان شآء الله بنزل هالبآرت الحين , ,

فديتك حبيبتي


اخت HALAZONA
نورتي حبيبتي وان شآء الله بنزل البآرت وتعرفون , ,

منوريني

 
 

 

عرض البوم صور عيونـ بدويه  
موضوع مغلق

مواقع النشر (المفضلة)

الكلمات الدلالية (Tags)
(روآيتي, الله, الثآنيه, روآية, عدوى, فمآن, وآشيب, قآلولي
facebook



جديد مواضيع قسم ارشيف خاص بالقصص غير المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:33 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية