الجزء الثآمن عشر
بالمستشفى ...
لميا تناظر امها ..يمه وربي سطام ..
ام سطام تقاطعها..لميا رضاي عليك لاتتكلمين عنه قدامي
لميا تناظرها ..ان شاء الله تامرين انتي رتاحي بس
ام سطام تناظر لميا..يمه نادي الدكتور انا بخير الحين خليه يطلعني ..
لميا بخوف ..يمه مايصلح تطلعين الحين انتي تعبانه بعدين تتعبين من جديد ..؟
ام سطام تضبط شيلتها ...لميا تكفين روحي ناديه
لميا تعرف امها عنيده..طيب امري لله
لميا تروح لنيرس تدور الدكتور وتستأذن منه انه يسمح لأمها تطلع
طبعا بعد اللحاح شديد من ام سطام انها تطلع قرر الدكتور انه يطلعها على مسأوليتها
لميا تروح لأمها..يمه طيب من بيودينا..؟اكلم اختي ..؟
ام سطام ..لالالا لاتخوفين اختك كلمي ساري خليه يجينا ولا تقولين له ان انا كنت تعبانه قولي له اني عندي موعد وسطام مشغول
لميا تناظر امها ..يمه مايصير استحي وربي ماقدر اقول له تعال خذنا
ام سطام ..اذا منحرجه انا اكلمه ..
لميا تعبس..يالله يا يمه انتي عنيده خلاص الحين بكلمه
لميا تطلع جوالها ..وتدق على ساري
ساري كان جالس بجنب جدته وامه وابوه وتاضي..
ساري يناظر جواله تندق نغمه ...اشتقت لك ..اشتقت لكل حاجه فيك ..وبحن لك
ساري يناظر جواله ..آآآ عن اذنكم
تاضي تستهبل...ياااحياتي انتبه لاتطيح تراها ماهي طايره
الكل ..هههههههههههههههههههههههههههههه
الجده ..ياتضاي خلي وليدي لاتعقبين عليه ههههههههههههههههه
تاضي..ههههههههههههههههههه والللله حاولت بس ماقدر امسك نفسي
ساري يطلع للحوش ويرد ...هلا هلا
لميا برسميه عشان امها ..هلا والله
ساري..هلا بك كيفك قلبي
لميا تناظر امها ومنحرجه..بخير الحمد الله كيفك انت
ساري.. بخير يسرك حالي
لميا منحرجه اكثر واكثر..آآآ ساري مشغول..؟
ساري ستغرب...لا ليش..؟
لميا..آآآ انا وامي بالمستشفى وجابنا سطام بس الحين هو مشغول ووو ويعني آآآ لو آآآ لو مو مشغول تقدر ترجعنا
ساري نبسسسسسسط انه بيشوف لميا ..انتي منجدك اجييييييييك وشلون ماجيك يالله خلاص الحين طالع بس وشفيك بالمستشفى..؟
لميا ..آآآآ موعد عند امي وجينا
ساري ..يالله من عيوني جاي الحين
لميا تبتسم ..تسلم ماقصرت حنى بنطلع ننتظرك
ساري مبسوط ..يالله جاي مع السلامه
لميا..مع السلامه
ساري يسكر من لميا وكان المفتاح عنده ويركب سيارته ويروح للمستشفى
ام ساري بالصاله تناظره من النافذه...غريبه وين ساري راح
الجده ...ألله يحفظه وين ماراح
بالمستشفى
لميا..يالله يمه خلينا نمشي بس نوصل لازم مزون تدري
ام سطام ..يابنتي لاتقولين لها ان قلتي لها بتقولين شسبب اني تعبت
لميا ترفع حاجبها..طيب واذا درت هي مردها بتدري
ام سطام تنزل راسها..وسطام متى ناوي يقول للكل..؟
لميا من غير نفس..وربي مادري يمه يقول احسن شي لاتزوج ريم
ام سطام بتعب..خلينا نروح لايجي ساري ولا يلقانا
لميا تشيل شنطتها وتضبط شيلتها ويطلعون وينتظرون ساري
بعد فتره يجي ساري ..
ام سطام تركب مع بنتها
ام سطام بتعب...السلام عليكم
لميا منحرجه..السلام عليكم
ساري يناظر لميا من المرايه ..وعليكم السلام
ام سطام ..معليش ياوليدي تعبناك معنا
ساري يبتسم ...لا شدعوه سيارتك ومحلك تامريني امر يا الغاليه
ام سطام .. جعلي مآبكيك ماقصرت والله
طبعا لميا سااااااااكته ومنحرجه وفرحااانه
يوصلون البيت تنزل لميا وهي منحرجه
ساري يناظرها من المرايه كيف تنزل
ام سطام تنزل..مع السلامه ماقصرت ياوليدي عساك على القوه
ساري..تسلمين من عيوني أي شي تبينه امريني بس
ام سطام ..الله يخليك يارب
تنزل ام سطام ولميا ويدخلون البيت ...ولميا تناظره وهي تسكر الباب
ام سطام تفصخ عبايتها وتعلقها
ولميا نفس الشي
ام سطام تجلس على الكنب تقلب الأوجاع كيف هالأمور تصير
ساري يمسك جواله ويرسل للميا...
تو ماتباركت السياره صارت احلى واحلى واحلى
احبك .....
لميا تجي تجلس بجنب امها وتجي لها الرساله
لميا تفتح جوالها وتقرا الرساله ...
وتبتسم تكتب له ....
الا يابختها براعيها ..فيها انت محليها..ربي مايحرمني منك
وترسل له ساري مررررره نبسط ...
يدخل البيت على الساعه 9
كان بالصاله الجده وام ساري بو ساري طلع مع اخوه وتاضي راحت تذاكر
وريم بغرفتها
ساري يدخل الصاله ..السلام عليكم
الكل ..وعليكم السلام
ام ساري..وينك يايمه فجأه طلعت
ساري مبسوط..والله كلمتني لميا قالت لي اجي اخذهم من المستشفى عندهم موعد والي موديهم سطام وسطام نشغل
الجده ستغربت ..عسى ماشر وش فيهم
ساري..لا بس موعد ماقالت لي وش فيها
ـــــــــــــــــــــــــــــــــــــــــــــــــــــــــــ
ريم بهالوقت تتقلب على السرير وتتسطح على شعرها...ايييي وش هالعفسه الي انا فيها ..
ريم تقوم من سريرها بثققققققققققل تسحب منشفتها وتدخل الحمام تتروش...
ــــــــــــــــــــــــــــــــــــــــــــــــــــــــــــ ـــــــــــــــــــ
بيت بو سطام
ام سطام جالسه وبجنبها لميا..
ام سطام متضايقه ..من متى كان متزوجتها..؟
لميا تناظرها..من 4 او 5 سنين مدري بس من زمآن
ام سطام تحط يدها على راسها...يالفشيله مالي وجه اشوف نوره ولا بنتهآ
لميا تحاول تقنعها ..يمه انتي ليه موفاهم هالسالفه افهمي اول
ام سطام تصد بنتها..مابي افهم شي الشي واضح مايبي له فهم
لميا بتبكي..يمه سطام وربي مظلوم
ام سطام بتعب..والله ماحد مظلوم غير ريم بنت عمك
لميا تبكي ...يمه خليني اعلم سطام انك طلعتي
ام سطام بعصبيه ..عمره مادرى ماهتم فينا عشان نهتم فيه ..راح ورا هباله خليه الله يغضب عليه وين مايروح
لميا تنزل راسها ..يمه تكفين
ام سطام حست ان لميا متضايقه ..طيب رسلي له
لميا تطلع جوالها وترسل لسطام
امي الحمد الله احسن وطلعناها من المستشفى وهي احسن الحين انت انتبه لحالك وانا بحاول اصلح الأمور
توصل الرساله بعد لحضات لسطام
قليل من الدقايق تدخل مزون وهي مررررررررررره مبسوطه ...
مزون تدخل ..ألسلام عليييييييييييكم ..
يناضرونها ..وعليكم السلام
مزون مبسوطه ..يمه باركييي لي طلعت حااااامل
ام سطام نبسطت للخبر وتقوم تضم بنتها ..أللللللف الللللف مبروك مابغينا يجينا خبر حلو
لميا تقوم مبسوطه وتضم اختها..بعد قلبببببببي اللف مبروك يا الغاليه
مزون مبسوطه..اللللله يسلمك يمه وانتي الفال لك لمووو اجل وين سطام ودي افرحه
ام سطام تنزل راسها وتسحب يد بنتها..اجلسي يابنتي لميا قومي جيبي القهوه لأختك
لميا بضيق..ان شاء الله يمه
مزون تفصخ عبايتها وتربط شعرها ...وش فيكم .؟
ام سطام ساكته
شوي وتجي لميا وبالقهوه وتصب لأمها وتصب لمزون
مزون تاخذ القهوه وهي مرره مستغربه ...لا بالله فيكم بلا شصآير
ام سطام ..شوفي يابنتي انتي حامل ولا ابي اضايقك وابيك تاخذين الوضع زي ماخذناه جد ماتقبلناه بس نحمد الله نشكره
مزون تنزل الفنجال وخافت..يمه خفت تكلم بدون اللغاز
لميا ساكته متوقعه أي شي سيء..
ام سطام ..اليوم عرفنا ان اخوك متزوج
مزون تبتسم..ايه ندري متزوج ريم وبعدين
ام سطام بضيق..لالا متزوج غير ريم
مزون تغير لون وجها ..ايش..؟ متزوج غير ريم ..؟من هذي.؟
ام سطام بكبرياء..مدري ولا ابي ادري اصلا انا متبريتن منه ولا ابيه ولا ابي اشوفه
مزون دمعاتها على وجها...يمه انتي من جدك تتكلمين لميا تكفين قولي كلام امي غلط ..
لميا تبكي..لا كلام امي صح
مزون تسند راسها ...من هذي يمه تكفين قولي مين
لميا تبكي..انا اعرف مين
ام سطام تغمض عيونها ..احس اني اعرفها من هي يآلميآ
لميا تبكي وتمسح دموعها...منيره بنت عمتي
ام سطام تحط يدها على راسها..ألللله اكبر الللله اكبر وكني دريت وكن قلبي قايل لي هالولد ماهو بصاحي وش سوا فينا هالولد
مزون تسكر وجهها بيدينها تبكي..لا وش هالخبر الي يوجع القلب
ام سطام تمسح دمعتها بعد هالقساوه..يمه لميا روحي جيبي لأختك مويه
لميا تمسح دموعها وتقوم تجيب لزون مويه
مزون تشرب المويه هي مره مصدومه..طيب سطام وينه الحين
لميا بتوتر..مادري بس اكيد انه بالشآليهآت
ام سطام تصد...
مزون عصبت ..وريم وش بتقولون لها درت ..؟ان درت وربي ماراح تاخذه انا اعرف ريم عشان كلمه قالها سطام فهمتها غلط وافهمت انه متقصد وشلون لو درت ان المووضوع جد متزوووج غيرهآ
لميا تبكي..قال انه يبي يقول لها لاتزوج
مزون تبكي..ايه عشان يضمن انها ماتروح عنه تفكير يهودي قسسسم بالله
لميا تبكي وعصبت ..وانتو ليه ماترحموونه حرام عليكم وربي حرام
مزون تبكي..حنا الي حرام ولا وهو الي سواه مو قليل
لميا عصبت ..انتو ليه ماتسمعون كلامي للأخير
ام سطام عصبت ..وش نسمع وش له تزوج وحنى كلنا ماندري هو حتى ماستأذن من ابوه يمكن كان يوافق عليه ليه ماقالي انا حتى لو ابوه مارضى يمكن انا اقنعه
لميا تبكي..لآنه منجبببببر وربي لانه منجبر عمتي جبرته قالت له مدام انك شفت منيره اكثر من مره وتهمته انه قرب منها بالحرام فهمتووو ليه فهمتو ليه هو مخفي عليكم كل شي فهمتو عمتي حطت له مسكر بالعصير ودخلت عليه منيره فهمتو الحين ...مايحتاج اكمل
ام سطام تبكي..انتي من جدك تتكلمييين ؟منيره سوت كذآ
لميا تبكي وتشهق
مزون تبكي ..حرام عليها ليه تسوي كذا فينا حرام عليها عمتي لازم تموت هذي ماهي انسانه هذي شيطان
لميا تبكي اكثر..لاتظلمونه وربي هو مو متحمل حياته لاتزيدون عليه ان درت ريم راح تصدق انه قرب منها بالحرام وانه كان متعمد
ام سطام تبكي..يعني كذب ولدي ماسواها صح قولي انه كذب مو متزوجها رغبتن فيه مجبور قولي يالميا وليدي مجبور .؟
لميا تبكي..ايه يمه كذب وربي كذب و رب البيت كذب
ام سطام تطلع جوالها وهي تبكي..انا لازم اقوله يجي الحين
ام سطام تطلع الجوال وتتصل على سطام
سطام كان جالس بالبحر ابوآب الدنيآ تسكرت من حوآليه ..
سطام كان جالس عند الشاطئ موقف سيارته وكان يشوف ناس فرحانين وناس مبسوطين وناس متضايقين ولالهم خلق مختلفين وجهآت نظرهم
يسمع دقه الجوال ويناظر جواله
دنيتي يتصل بك ...
سطام يرد مبسوط ان امه دقت عليه ..هلا يمه هلا بالغاليه بشريني عنك
ام سطام تبكي..تعال ياوليدي تعال خفف على قلبي تعال وش كثر الهم شلت تعال ياوليدي
سطام تنزل منه دمعه قهر وبتعب..يمه تكفين وربي اني مظلوم
ام سطام تبكي..تعال ياوليدي ماني قادره اصبر ظلمتك يآوليدي
سطام بقهر..ان شاء الله يمه الحين بجي الحين
سطام يسكر من امه ويركب السياره وكنه يطير مايسوق ويوصل للبيت
يدخل البيت وكأنه طييير لقى الأمان
ويدخل بسرعه الصاله
ويلاقي امه مع خواته
ويجلس على الأرض يبوس رجلينها ويبكي..سامحيني يمه وربي اني مجبور سامحيني يمه تكفين سامحيني
ام سطام تضم ولدها وتبكي..مسامحتك ياوليدي مساامحتك حسبي الله على من كان السبب
لميا ومزون يبكون على الموقف الأكثر من مؤثر
سطام جلس عند امه وحكى لها كل الحكايه وكانت لميا ومزون يسمعون السالفه ..وكان موقفهم مررره قوي ومو مصدقين بالي سوته
ـــــــــــــــــــــــــــــــــــــــــ
في غرفه ريم تطلع من الحمام تلبس بجامه من** ومن سكرت ..تنشف شعرها تربطه بشريطه بأخر الشعر
تضبط نفسها ..
تتعطر بعطر فلنتينو البرتقالي ..
وتناظر شكلها نايس وتضبط بلوزه البجامه تروح...
تمسك مغبظ الباب وتفتحه تتقدم خطوه خطوه تنزل من الدرج توصل لصاله ..
كان موجود ساري وام ساري والجده ..
ريم ..السلام عليكم
الكل ..وعليكم السلام
ام ساري..هذي ساعه ..؟
ريم ..ههههههههههههههههههه شسوي يمه وربي ماحسيت بحالي
ساري..ههههههههههههههههههههه نايمه بالعسل اختي
ام سآري والجده وسآري ..ههههههههههههههههههه
ساري مبسوط وبخبث..ريوووم شفت لميا اليوم وركبت سيارتي..؟
ريم مستغربه ..امااااا اتحدى
ساري..وربي
ريم ترفع حاجبها ..من معها ومتى اصلا..؟
ساري ..الساعه 7ونص كانو جايات من المستشفى ومافي احد يجيبهم وكلمتني وقالت ان سطام مشغول ولا كان في احد يجيبهم
ريم مستغربه ..اهااا ليه وش فيها بالمستشفى سلامات...؟
ساري ..تقول عندهم موعد
ريم مستغربه ..موعد المغرب..؟ اصلا اخر المواعيد تنتهي 3 شلون موعدها المغرب
ساري يحط يدها على راسه..ايه والله جد شلون راحت عن بالي
ام ساري تقوم لايعه كبدها وبطنها يعورها وبسرعه للحمام ..وتسكر الباب عليها
ريم خافت على امها وبأسرع مايمكن تروح وراها وتضرب الباب..يمممه يممه وشفيك..؟
ام سطام كانت تستفرغ وتعبانه ولا حاسه بريم انها تناديها...
الجده ماتت خوف مو اول مره تصير معها هالحاله
ساري يروح لريم خايف..شفيها امي
(يضرب الباب )..يمه شفيك افتحي الباب
ام ساري بعد فتره تفتح الباب تعبانه وجها متغير...وصاير مررره اصفر
ريم خايفه متغير لون وجها..يمه شفيك..؟لازلتي تعبآنه ؟
ام ساري بتعب ..مافيني شي لوعه كبد عاديه
ريم بخوف..يمه روحي المستشفى تكفين هالشي مآيطمن ابد
ساري خاف ..يمه خليني اوديك يالله قومي
ام ساري تمشي بتعب يدها على بطنها..قلت لكم مافي الا خير وش فيكم تهولون الموضوع
يوصلون لصاله وريم وساري يحاولون برضاها انهم يودونها المستشفى لاكن العناده تغلب
الجده خافت ..وش فيك يابنيتي مو اول مره تصير معك هالحاله رجولي ماجابتني عندك
ام ساري تتصنع الراحه..شميت شي ولاعت كبدي هذي كل الحكايه يالله انا بروح اضبط العشاء بو ساري شوي ويجي
ريم عصبت ..يمممممممه اقولك انتي تعبانه وتقولين عشا بلا عشا بلا هم ..خلينا نوديك
ام ساري تروح المطبخ بتعب ...وش له خلاص انا بخير بس يالله ..
ام ساري تروح المطبخ ..
ريم تناظرها..وربي امي فيها شي
ساري مو مشيها..والله اليوم فيه شي لميا ومرت عمي بالمشتفى وموعد واصلا مافي مواعد بعد 3 وامي الحين ..؟
ريم مو متقبله الوضع ..لا منجد فينا شي...الله يستر
ــــــــــــــــــــــــــــــــــــــــــــــــــــــــــــ ـــــــــــــــــــ
بيت مها ..
اتفقو البنات انهم مايقولون لريم أي شي وحتى لو عرفو بعدين راح يسوون حالهم انهم مايدرون ..
جود تتصل على حسن ..حسن يالله تعال
حسن كان بالقهوه..يالله ثواني وجايك ..
مها تعبس..تو الناس وين
جود تلبس عباياتها ...لا ياقلبي خليها وقت ثاني نروق فيه معليش...
مها ..يااشينه بذبحك اووووف منك مرتن ثانيه كلنا مع بعض
جود تضحك..ههههههههههههههه ان شاء الله
بعد لحضات يجي حسن وتطلع جود
تركب جود السياره وبكل هدوء
حسن يناظر اخته..ها وش صار
جود..ولا شي خلاص انا قلت لها وتضايقت والله بس اتفقنا مو قايلين لها خلاص
حسن ..حلو كذا ولا تبينون لها
جود..ايه حتى ماراح نبين لها شي
توصل جود للبيت مع اخوها
عآشو ليله مريره بالموت عدت
والكل ينام نومه منهم من كان متضايق ومنهم من كان مبسوط ومنهم من كان شايل بقلبه هم ومو عارفه من يفضفض له ان حكى ندم وان سكت تعب
الا بعض الشخصيات مهما نامو قلوبهم صاحيه وحتى لو ينامون تجلسهم اشواقهم
ــــــــــــــــــــــــــــــــــــــــــــــــــــــــــــ ـــ
الساعه 2 ريم تنتبه من النوم بعد ماتعشت نامت من جديد لأن نومها صاير مررره يتقطع
ريم تفتح عيونها ..وتشوف كل شي اظلم ...
ريم تناظر جوالها وتنور الضو وتناظر الساعه ...2:03
ريم مستغربه وبصوت نعسآن...وش مصحيني هالوقت
ريم تتسطح على السرير وتلعب بخصل شعرها
تناظر حواليها .....
تقوم من سريرها
تفز من السرير لابسه.(شورت احمر وتيشيرت ابيض)
تمشي للحمام وتغسل وجهها
تطلع من الحمام بمنشفتها منشفه وجهها..
تمشي وتاخذ بلوفرها شامواه من النوع الخفيف يغطي كل جسمها من فوق كتوفها لتحت سيقانها ...
ريم تمسك مغبض الباب وتفتحه تمشي
تمشي ريم من بين الأسياب مستغربه ان مو بس هي الي صاحيه بالبيت
ريم تدخل الصاله تناظر ...اما وش مصحيك لهلوقت ..؟
تاضي تناظرها مستغربه كانت تناظر التلفزيون..بسم الله انتي الي وش الي مصحيك لهلوقت ..؟
ريم تجلس بجنبها..مدري فجأه نتبهت
تاضي تبتسم ..وانا بعد نتبهت ونزلت تحت
ريم تناظر التلفزيون وتضحك ...ههههههههههههههههههههههه وش تناظرين ..؟
تاضي تناظر وبكل هبال..وش جالسه تشوفين..؟ mbc3
ريم ..هههههههههههههههههههه وش تحسين فيه خير ان شاء الله
تاضي..ملييييييت وربي مافي شي حلو قلق
ريم تناظر التلفزيون وفجأه تسرح ...
بعد لحضات
تاضي تصرخ ...اتكلم لحااااااااااااااالي انا
ريم خافت ..وش فيك تصرخين تصحين امي وابوي يا الهبله الجده غرفتها قريبه اقصري
تاضي عصبت ..قهرتيني اناديك من الصبح
ريم ببرود...مدري احس جالسه افكر في شي ماخذ عقلي من المغرب
تاضي مستغربه ..وشو وش فيك ..؟
ريم مستغربه ..مالحضتي شي بالسالفه ..؟
تاضي مفهيه ..انتي هيه أي سالفه ..؟
ريم تضبط جلستها..اليوم ساري راح المستشفى وخذ مرت عمي ولميا من المستشفى ولما سألته شفيهم ..؟قال تقول انها عند مرت عمي موعد بس الي محيرني ان مافي مواعيد بعد الساعه 3 بهالمستشفى شلون موعدهم كان 8 مدري 7وبعدين انا لما كلمت سطام العصر قال انه جالس بالبيت والأغرب ان لما ساري كلمته لميا قالت له تعال لنا لأن سطام مشغول بالشركه لسى ماخلص منه شلون تقول انه كان مشغول ولا يقدر يجي ياخذهم وهو من العصر بالبيت
تاضي مستغربه ...ايه والله انا قالي ساري كيف عدت علي وش قصدك ..؟
ريم محتاره ..مدري السالفه مو عاجبتني ودي اعرف وشسالفه
تاضي بعباطه ..عااادي كلميه وسأليه وش فيك ..؟
ريم تطلع جوالها ...وهذا الي بيصير
تاضي خافت..انتي هبله انتي ..؟هالوقت
ريم ترفع حاجبها..مو زوجي ..؟ اتصل عليه بأي وقت عااادي
تاضي تصفق بيدينها...ايواااا بنت اخوي بتجيب العيييييد
ريم تتصل على سطام
سطام كان يدور بالشوارع يرمي همومه على كل طريق يحكي همومه لطريق الفلاني والطريق الثاني ...
فجأه سطام يدق جواله ...
سطام يفز قلبه مستغرب اتصالها هالوقت ..
سطام يرد وصوت يرجف من التعب ...الووو
ريم سمعت صوته يفز قلبها وتقوم ...هلا والله
سطام يوقف بباركنق..هلا والله وغلا
تاضي تستهبل..هييه هييه انتي شف هذي سحبت علي طيييب طيييب اوريك انتي وزوجك
ريم تضحك ..هههههههههههه
سطام يبتسم كان شكله تعبااااان طالع ذقنه وفاك ازاريره الي برقبته وميل راسه على كرسي السياره وصوته كله بحححه من التعب ...اموت بضحكتك
ريم تنحرج وتسكت ...وتدخل بغرفه الطعام ...
سطام لاحظ سكوت ريم وبنفس النبره..طيب خلاص ما اموت هالضحكه
ريم تبتسم..ههههههههههههههههه لاماقلت كذا
سطام بتعب وصوته كله بحه من التعب..ههههههههههههه امري وش تبين اسوي
ريم مستغربه من صوته ..سطام وش فيه صوتك سلامات وانا ماتوقعت انك صاحي بس دقيت قلت بتأكد
سطام بتعب مستمر ..لا عادي بس جالس ادور ماكان فيني النوم
ريم مستغربه ...غريبه كان اتصلت علي ..؟
سطام ..كنت متوقع انك نايمه
ريم ..اممممم كنت نايمه بس فجأه صحيت مدري ليه ونزلت شفت تاضي بعد صاحيه
سطام مستغرب..ليش وش صحاكم ..؟
ريم ..وربي مادري فجأه صحيت وزي ماقلت لك
سطام يتنهد..آآآآآآآآآه زين كويس وش مسويه
ريم مستغربه ...انا بخير بس انت..؟
سطام ..انا..؟وش فيني
ريم..وضعك مو عاجبني احس في شي صاير وانا مو داريه فيه
سطام خاف..ها ..؟آآآ لا وش مخفي عنك انا ماخفي عنك شي
ريم مستغربه وبخوف ...سطام شصاير ...؟
سطام بتعب ...آآآآآه والله مافيني شي بس تدرين مشاكل الشركه
ريم ترفع حاجبها...بس..؟!
سطام متوتر وخايف ومايحس بالكلام الي يقوله من التعب..ريم ماتحسين انك تسألين واجد .؟
ريم نحرجت من كلمته ...آآآ ااسفه بس كنت خايفه عليك
سطام حس انه يبي ينفجر وبالصدفه جات على ريم ...وربي صايره موطبيعيه تسألين واجد خلاص قلت لك مافيني شي يعني مافيني شي
ريم ساكته ....مستغرربه مو هذا سطام الي لو ماسألت عليه زعل الحين يزعل اني سألت عليه ..؟معقوله انا مضايقته بشي.؟
سطام حس انه مخنوق مو قادر يتكلم..انتي كله تهاوشين عمري ماكلمتك الا لازم كلمه وينك ويني يعني ولا تقولين شفيك خلاص يابنت الناس مافيني شي متى راح تفهمين
ريم مستغربه وبهدوء..سطام قلبي انا ماقلت شي بس خفت عليك
سطام متوتر ودي يفرغ الشحنه بس ماجات الا على ريم ..وش خايفه عليه بزر انا بزر تخافين علي خافي على حالك مو تخافين علي انا مالي خلق تهافات زي كذا
ريم مستغربه وبدون رده فعل..يعني هالكلام كله عشان قلت لك وينك وخايفه عليك .؟
سطام بنفس الشعور..وربي مالك داعي تسألين اسأله مادري وش تحسين فيه يعني انا رجال اروح واجي على كيفي انتي مالك شغل فيني اطير امشي اروح أي مكان وش خصك فيني ريم حنا بنعيش عمر كل شوي بتسألين وين رحت وين جيت انتي كذا راح تسودين علي عيشتي
ريم بقهر. . انآآآآآ اسود علك عيشتك . . ؟
سطآم حس تضآيقت . . قلت لك لاتفسرين كل شي على كيفك
ريم عصبت ..سطام انت شفيك انا ماقلت لك شي بس قلت لك شفيه صوتك متغير كأنك تعبان خلاص ماسوت علي ياكلمه ارجعي مكانك وش هالكلام الي يقهر انا مآ سويت لك شي هذا جزاي اني اسأل عليك عشان اسأل اصير سودت عيشتك مشكور ماقصرت
سطا متوتر ..اذا كذا عشاني لاتسألين ولا تشوفين انا وش سويت انا عمري سألتك وين رحتي وين جيتي ولا وشفيه صوتك
ريم تهاوش..انت مجنون وش دخل سؤالك لي بدخلتي او بجيتي بس لما تشوف صوتي تعبان مو تسأل شفيه صوتك ..؟ منتب طبيعي انت فيك بلا شفيك
سطام ويرفع صوته .. يووووووووه رجعت سألت شفيك
ريم بقهررر محترقه وسكتت
سطام حس بسكوت ريم وماحس بزعلها
سطام ومعصب..واذا على سؤالي عليك غلطه وانسي اني سويتها عتبري اني ماقلت خلاص اعتبري اني ماقلت شي
ريم مو متصوره الوضع ...سطام انت نجنيت احد قالك شي ماغير سألت وش فيك يعني هذا غلط ..؟
سطام بنفس الحاله ويهاوش..ريم من الأخر اخر مره اسمع تقولين لي كذا فاهمه
ريم عصبت اكثر من اسلوبه ..لا ماني فاهمه لأني ماشوف شي يزعل ولا اشوف شي يقلق نسيت قبل لما ماكنت اسأل عليك عفستني وهاوشتني وقلتلي انك ماتحبيني ليه ماتسألين
سطام يقاطعها بعصبيه..قلتيها الأول صح الأوووووول مو الحين كل شي بالأولى تغير
ريم تهاوش..وش فرق بين اول والحين الأول ماكنت زوجتك الحين انا زوجتك وزي ما انت مسأول عني انا مسأوله عنك
فجأه تدخل تاضي مستغربه من هواش ريم وعلو صوتها فجأه
تاضي تناظرها ..شفيك ..؟
ريم تهاوش ..تاضي اطلعي برآ شوي واجيك
تاضي تناظرها مستغربه ..طيب طيب ..
سطام بهواش..من الي دخل ..؟
ريم بصوت مره متضايق ومخنوق..تاضي
سطام بنفس النبره ..وش تبي ..؟
ريم وتنزل دمعتها ويتغير صوتها ...هي بالصاله سمعت صوتي وجات
سطام حس انه كبر السالفه على ولا شي وحس بنبره ريم تغيرت وهو يعرف لاتغيرت نبره ريم معناها بكت وحس انها مخنوقه ...
سطام يبي يغير الموضوع نفس الشي على اساس انه على حق ..المهم حصل خير انتي شخبارك كيف يومك
ريم بعد ماقال لها انتي شخبارك بكت اكثر..تطعن وتسأل من طاعنك ماقدر اتحملك اكثر
ريم تسكر من الجوال بوجهه وتجلس تبكي
سطام قبل ماتسكر..الووو الووو ريم لاتسكرين رييييييم يآللله
ريم سكرت الجوال ..
سطام معصب..يااااللله انا مالي خلق تفاااهااات وش فيها ماتحس هذي
سطام يتصل ...ولا ترد ويتصل ويتصل ويتصل نفس الشي ماترد
سطام مازال بلحضه غضب ...ويفتح جهه المسجات ويكتب
خلي غرورك ينفعك ماضيعنا الا غرورك ...
سطام يرجع الجوال وبطريقه لرجعه البيت
ريم تقرا الرساله وهي تبكي ...انا اوريك كل هذا وغرور كل هالي اسويه عشانك صار غرور وربي لأوريك من الغرور على اصله
ريم تسكر جوالها وتطلع من الغرفه وهي تمسح دموعها...


البآرت السآدس
تآضي كآنت تسمع صوتهآ وهي بالصآله من علي صوتهآ
ريم تجلس قبالها ...
تاضي بهدوء..شسالفه ..؟
ريم بقهر اكثر ..ابد بس شكله يبي يشوف انا وش اقدر اسوي
تاضي مستغربه وخافت ..ريوم شالسالفه شصآر
ريم تتكلم ومخنوقه..مادري تخيلي بس سألته وش فيك عصب علي والله حتى ماتذكر وش قال يهزء لاتعيدينها ومدري ايش هالأنسان ماهو طبيعي مادري وش فيه نفجر بوجهي انا لازم اربيه واخليه يعرف هالكلام هذا الي قاله وش معناه
تاضي تضايقت ..ريوووم لاتقولين تهاوشتو ريم تنازلي خلك انتي العاقله
ريم تهاوش..اي عاقله واي خرابط اقولك مدررررري ليه جلس يقول كلام والله والله مادري وش سالفته قسم بالله ان وهو يتكلم مادري وش سبب هالكلام
تاضي تحاول تهدي..يمكن متضايق..؟
ريم تصد...بلا متاضايق بلا هم خليه انا اصلا الغلطانه أني رضيت ارجع له هو انسان ماينفهم مدري كيف اصلا بيوم بفهمه
تاضي تضايقت ...ريوم تكفين مانبي مفارق من جديد
ريم ترفع حاجبها ...بنشوف وش الأيام تسوي
ريم تناظرها تبي تروق الوضع..انتي وش صحاك ماقلتي لي ..؟
تاضي تناظرها ..نفس الشي الي صحاك صحاني
ريم تقوم ..ميته عطش ابي اشرب مويه تعالي معي
تاضي كااااتمه كثير وتعبت وهي تكتم وجا الوقت الي توصل للأنفجار ...
تاضي تبتسم بعدم رضى..اوكي يالله قومي حتى انا
ريم وتاضي يقومون يروحون للمطبخ
تاضي تجلس على الكرسي وهي مو على طبيعتها اليوم فجأه تلخبطت كل موازينها
ريم تطلع لها كاس من الدرج وتاخذ لها مويه وتشربها
ريم وهي تشرب المويه كانت تناظر تاضي
ريم تحط الكاس على الطاوله وتروح لطاوله التحضير بجنب تاضي..
ريم تناظر تاضي ..وش فيكم اليوم كل واحد نظرآته وكلآمه مآينفهمون شسالفتكم متقصديني
تاضي تبتسم بتعب ...مافيني شي بس مكتومه واحس....مدري مدري وش اقول
ريم تناظرها..ايه لاحظت انك اليوم مكتومه
تاضي تنفجر فجأه تبكي ..ريم انا ماقدر اخفي اكثر من كذا
ريم مستغربه وخافت تمسك يدها ..تخفين ايش شفيك ؟
تاضي تبكي..تعبت وانا اكذب على حالي واقول بتناساه تعبت ماقدرت مااااااااقدرت وربي ماااقدرت ماقدر انسى الي سواه ولا اقدر انساه كل ماغمضت عيني اشوفه قبالي رحت يمين شفته رحت يسار شفته ماقدر اكذب اكثر من كذا لي متى وانا اكذب ازود خلاص كل مره اقول بنسى بنسى ماقدر راكان صاير بدمي
ريم تناظرها وتنزل راسها ...انا ادري بالكلام هذا بس انتي الي تكابرين وودي انك بعد ماتندمين زي ماتندمت الحين
تاضي تبكي..يعني انتي الحين متندمه ان سطام رجع لك وصار حلالك .؟
ريم بقمه الثقه ..اكيد وليته ماصار
تاضي تهز راسها..لاتكذبين علي تو وجهك ماصار مثل الورده كنت شجره ميته تعيشين ماتدرين وين تروحين هذا مجرد زعل
ريم تناظر الجهه الثانيه ..آآآ اكيد هو مايبيني لو يبيني ماسوا سواته اليوم
تاضي تبكي..كلن على همه سرا
ريم تمسك يد تاضي...انتي تحبينه وتبينه ..؟
تاضي ترفع راسها تناظر عيون ريم ..ايه ياريم اييه احبه ايييه مابي اكذب من جديد اييييه
ريم تسكت وبعدين..تبينه ..؟
تاضي تحط عينها بعين ريم وتنزلها ...
ريم تمسك على يدها بقوه ...تكلمي تبينه
تاضي تهز راسها ودموعهآ تطيح...ايه ابيه
ريم بتعب ..خلاص وهو برضو يبيك راكان يحبك ياتاضي يحبك وحتى لما قرب منك كان يحبك راكان اعرفه مثل ماعرف نفسي عمره ماكلم بنت اتذكر قبل يقولي ريوم ليه خوياي يكلمون وانا ماكلم ليه انا ماعرف لما عرفك حبك انتي يعني انتي حبه الأول والأخير بعد بس اعذريه بليس وتعوذنا منه
تاضي تمسح دموعها..اعذره لاعذرتي سطام
ريم تبتسم بتعب ..سطام حاله ثانيه سطام مخفي شي وشي كبييير بعد بس مردي اعرفه
تاضري رتاحت وتبتسم ..احس رتحت لما قلت لك
ريم ..ههههههههههههه اكيد ترتاحين
تاضي تبتسم ..الله يوفقك وينولك الي تبين
ريم تبتسم ..امين وياك يالله روحي نامي وراك دوام
تاضي تقوم ..يالله بقوم وانتي مو نايمه ..؟
ريم ..الا بروح انام بس دوامي 1 بدري علي
تاضي...يالله انا اجل بروح وتكفين ريم فكري لبعيييد قبل ماتسوين أي شي
ريم تبتسم بتعب ..ان شاء الله يالله روحي نامي نوم العوافي
تاضي تبتسم ..يعافيك تصبحين على خير
ريم تقوم ..تلقين خير
تاضي تصعد غرفتها قد انها رتاحت ونبسطت هم وراح عن قلبها عترفت بالحقيقه انها عمرها مانست راكان واكيد ان ريم بتوصل له الخبر هذا وجلست تفكر وش الأيام الجايه بتصير وبتنتبه من أي غلطه
ريم طلعت من المطبخ وتجلس بالصاله تقلب المحطات
وتحط على قناه روتانا وتجي حفله عبدالمجيد عبد الله
اغنيه كيف حالك ...
ريم تجلس تسمعها وهي متسطحها وتغني معه نفس الأغنيه
انا ماني مثل الأول ..كل شي فيني تحول..انا ماهو الي تعرفه..الزمن غير وحول
حالي غير الحااال...وبعدك طاب الحال...وماعدت في البال..وتجيني الحين تسأل كيف الحال..؟الي جاني والله كافي كنت اضنك مثلي وافي..كنت اضنك شخص واضح...وانكشف ماكان خافي..حظك بعدي مااال..وهمك صال وجال..ولما لي ليلك طال جيتني تشكي وتسأل؟؟؟؟....
ينتهي البآرت
ريم وش بتسوي مع سطآم هل بتستمر هوشتهم ؟هل بترضى عليه ؟
بتعرفون بالبآرت الي بعده

رواية كثير حلوه

سطام
يقهر و حتى لو اتزوج منيرة غصب مش من حقه يغش الريم
و يحطها امام الامر الواقع بهذه الطريقه
و للاسف كل اللي عرفوا بزواجه طلعوا انانيين مثله مش من حق احد يفرض على الريم
شيء خطير لهذه الدرجة
ا هي من حقها تعرف الحين و تقرر بنفسها

سطام بما انه اتزوج منيره غصب طيب ليش ما طلقها بعدين و ليش يكلمها بحب
يقول لها حبيبتي معناه انه راضي بزواجه منها خاصة انه ما فكر يطلقها اساسا
و هذا يعني انه يكذب لما قال لامه انه مغصوب عليها حتى الان

العمه
بما انها خططت تزوج بنتها لسطام و نجحت ليش للحين ساكته
و خاصة انها تشوف زوج بنتها بيتزوج
المفروض واحده في مثلها مستحيل تسمح له يتزوج على بنتها
و كمان مستحيل تخفي زواج بنتها من سطام كل هذه المده

الريم
ضحية مؤامرة عمتها و انانيه سطام و جبن كل اللي عارفين و ساكتين
اتمنى انها تعرف قبل زواجها من سطام الاناني و الجبان
و يمكن كمان الكل ساكتين عشان الورث و ما فكروا في المسكينه اللي بدات حياتها بالغش

الله يعطيك العافيه

البآرت التآسع عشر
ريم بتعب ازود ..يازينك ياعبدالمجيد تجيبها دايم على الجرح
ريم تسكر التلفزيون وتاخذ جوالها وتصعد غرفتها وتدخل
تفصخ بلوفرها وتتسطح لى السرير ...
ريم تفكر افكار توديها وتجيبها ماتدري وين وفجأه وبغرور...مردك لي وبتشوف غرور ريم
ريم تسكر النور وتنام ...
ــــــــــــــــــــــــــــــــــــــــــــــــــــــــــــ ــــــــــــــــــــــ
على الساعه 9
ريم تنتبه من النوم مسكره عين وفاتحه عين السرير كان معفووووووس نومها ماكان اوكي كانت تتقلب تنام ساعتين وتجلس ساعه و تقوم شعرها على وجها ..
تقوم من السرير وتفتح الخزآنه وتاخذ منشفتها وروبها وتدخل تتروش
تطلع من الحمام بعد فتره تنشف جسمها من فوقها لتحتها وتجففف يدينها رقبتها نحرها وكل جسمها
تروح خزانتهاوتطلع لها قميص قطني قصير (ومن سكرت ) احمر وفيه دبادب سودا
تجلس على الكرسي تنش غرتها بالهوآئي
باقي شعرها تجعده وصاير مثل اوراق الشجر متناثر حبه حبه ...
تروح لخزانتها وتطلع لهاتيشيرت اسود فضفاضي(ارماني اكسشينج ) وتنوره ستريتش سودآء
تحطهم على السرير وتروح لمرايتها وتحط بعينها كحله بيضاء وماسكره (لانكوم)
تحط لها بلشر وردي على احمر فاتح (برجوآ) وتطلع روجها الاحمر (برجوا)
ريم صارت بقمه الأنوثه غجريه بلبس عربي ....
تلبس شوزها الأحمر وتتعطر بعطر ** الي من سلورآن
تناظر حالها بالمرايه وتطلع سلسال كان سطام هاديه لها بعيد ميلادهاال16 قبل لايتفارقون اول مره
ريم تناظره وبقمه الغرور ...هذا انت يالي لاجيت ابادرك بالي يحلالك علي التقوي
تاخذ العقد وتلبسه كان ذهب على شكل باربي من (داماس) مره كان رايق محلي نحرها
تلبس ساعتها *شوبآرد *هديه ملكتها ..من سطام
تاخذ شنطتها السودا (بربري)
وتاخذ نضارتها الشمسيه (قوتشي)
تناظر شكلها بالمرايه تشوف حاجه تنقصها تكمل زينها زين ...تبتسم وتمشي ...
تمسك مغبض الباب وتفتح الباب وتمشي بين الأسياب اميره بحسنها
تمسك دربزين الدرج وتنزل منه حبه حبه ...تسمع خطواتها كل الأماكن ..
توصل تحت ...تدخل الصاله وكانت الساعه12.
ريم تدخل الصاله وتشوف جدتها ..
ريم تبتسم ..السلام عليكم هلا هلا مساء الخيرااات(وتروح تبوس راس جدتها)
الجده تبتسم ..هلا هلا مساء النور والسرور شخبارك يمه ..؟
ريم تبتسم بين عليها انها متضايقه من تصرف سطام بس لازم تبين له انه وصل لحدوده وتبين للكل وله انها مو مهتمه فيه ...وانه مهما وصل ولاراح ولاجا مرده لها
ريم تبتسم..بخير يمه شخبارك انتي
الجده ..بخير ربي يخليك اجل مارحتي الجامعه ..؟
ريم تصب لها قهوه ..لايمه دوامي الساعه 1 هذا بس اشرب هالقهوه وبمشي
ريم تطلع الجوال وتتصل على سايقهم
السايق..الو
ريم ..يالله عآبر ودني الجآمعه
عآبر ..اوكي
ريم تدخل جوالها بشنطتها وتكمل تشرب قهوتها
ريم .. تناظر الجده ...وين وامي ..؟
الجده حطت قهوتها على الطاوله ..والله يابنيتي شديت معها مدري وش فيها تعبانه وبعدين قالت بروح اتسطح امك ماهي بطبيعيه اكيد فيها شي هالفتره تعبها زايد قلنا بالبدايه عشانك بس مو لحد الحين
ريم خافت ..طيب الحين هي بغرفتها...
ام ساري تنزل وتتصنع الراحه وقد انها سمعت كلامهم ..يايمه وربي مافيني شي لاتكبرون السالفه عادي تعب بسيط وها هذهو راح
ريم هي اصلا تعبانه نفسيتها وتسمع ان امهاتعبانه ريم تقوم وتضم امها وتبكي...
ام ساري تضم بنتها وتبتسم ..شفيك انتي بعد قلت لكم مافيني الا الخيييير وهذا الحين بعد بسمع كلامكم بروح المستشفى يالله بطلع معك ريوم خلاص لاتبكين
ريم تمسح دموعها ..يمه الله يخليك لنا
ام ساري تمسح على راس بنتها ..ويخليكم لي يالله بروح اللبس عبايتي وانتي اللبسي ..
ريم تبتسم .. اوكي يآلله
ريم تلبس عبايتها وشيلتها ...وتستنى امها الى ان تجي
ام ساري بعد لحضات جات لابسه عباياتها وشيلتها ...
ريم تقوم وتشيل شنطتها تبوس راس جدتها..يالله دعواااتك يا الغاليه
الجده ..ربي يوفقك وين مارحتي
ريم تبتسم ...امين
ريم تطلع من البيت وتروح تركب السياره
ام ساري ..يالله يمه تبين شي ان شاء الله مو متأخره بس بسوي تحليل اكيد فيني فقر دم انا عندي احساس انه فيني هالشي
الجده ..مابي الاسلامتك وانتبهي ان شاء الله شي بسيط خوذي العلاج مو تتركينه لاكتبه لك
ام ساري ..ان شاء الله يالله مع السلامه
الجده ..الله يحفظك مع السلامه
تطلع ام ساري من البيت وتركت مع بنتها بالسياره
ام ساري تركب وبعد لحضات..ريوم بخليه يوديني المستشفى وانتي يوديك على مايوصلك قد اناخلصت
ريم ..اوكي يالله عآبر go hospital
عآبر ..ok
ريم ساكته ونفس الشي امها...
ام ساري فجأه ..متى نمني امس..؟
ريم تناظر امها..مدري تقريبا قبل صلاه الفجر بشوي
ام ساري ..وتاضي.. ؟
ريم ..اممم نفس الشي ليش.؟
ام ساري..وانا قايمه اشرب مويه سمعت صوت ..ولما طلعت شفتكم تتكلمون عن سطام شفيه ..؟
ريم سكتت ماتدري وش تقول تقولها مثلا تهاوشت معه مدري ليه ولا تقول لها فجأه عصب عليها ولاوش
ام ساري تناظرها..وش فيه ريم ..؟
ريم بضيق..مدري يمه سطام مو سطام الي اعرفه
ام ساري ..ليش تغير ..؟
ريم بنفس الحاله ..مره مره تغير يمه صار مو طايق مني كلمه لاسألته وش فيك عصب ووفجأه يمه اقوله وش فيك صوتك متغير مادري والله حتى وش قال جلس يصرخ ولا فهمت شي لما حس اني تضايقت جلس يصرف الموضوع ويسأل عني ..وسكرت بوجهه
ورسلي خلي غرورك ينفعك ماضيعنا الا غرورك بعد كل هذا اصير مغروره .؟
ام ساري بعصبيه ..ليه سكرتي بوجهه الزوجه ماتسكر بوجهه زوجها ريوم ليه ماتقدرينه يمكن كان مضغوط او تعبان ماتحطين له اسباب ..؟حرام ريوم المفروض تكلمينه اليوم
ريم بغرور..مستحيل يمه انا ماراح اكلمه ولا راح اعطيه وجه الا لما يرجع لي سطام الأولي لما صحيت من النوم شفته متصل علي 10 مرات يمه انا مالي خلق مشاكل يبي يسوي مشاكل يسويها مع غيري مو معي
ام ساري ..بس ولو كان ستفسرتي منه ليه هو معصب وجلس يهاوش
ريم بضيقه ..يممممه ماعطاني مجال اتكلم اقولك حتى ماقدرت ارد بس يهاوش ويصرخ والله مادري وش فيه
ام ساري..طيب خليه شوي ويهدى يمكن حتى اليوم يهدا عادي لازم كذا تصير هوشات بين المتزوجين
ريم مخنوقه ..بس مو بأيام الملكه يايمه سطام ماهو سطام في شي صاير وانا مادري وش هو
ام ساري تمسك يد بنتها..ستغفري ربك واتركي بليس ترا مايضيع الا بليس
ريم بضيقه..ستغفر الله
بعد ثواني يوصلون للمستشفى وتفتح ام ساري باب السياره بتنزل..عآبر وصل ريم وتعال على طول
عأبر..اوكي
ام ساري تناظر ريم..انتبهي لنفسك واتركي بليس طيب .؟
ريم تبتسم ..طيب انشاء الله
ام ساري تسكر الباب وتدخل المستشفى ..
ريم تسند راسها على الكرسي وتسرح بفكرها كيف كان سطام قبل وكيف الحين
بعد نص ساعه توصل ريم للجامعه وتفتح باب السياره وتنزل وتدخل بقمه الهدوئ للوكرات ..وتفصخ عبايتها وتضبط شعرها ووتناظر حالها بالمرايه وتمشي...
ريم تمشي بين اسياب الجامعه
ريم تدخل الكفتريا وتناظر وتشوف مها جالسه مع جود
ريم كاتنت مره مشتاقه لمها ماشافتها من جات من الكويت
ريم تسرع وتروح وتمسك عيون مها من ورا ..
مها تلمس يدين ريم وتتحسسها يدين ريم معروفه بانها مليانه وزي بشره الطفل
مها مبسوطه تقوم وعرفت انها ريم ..ريوووووم شتقت لك يا الدبه
مها تضم ريم ..هههههههههههههههههههههه
ريم ..ههههههههههههههههههه وربي انا اكثر شخبارك شلونك وش مسويه يابنت وحشتينا
مها مبسوطه ..وربي انتي اكثر واااحشتني وشلونك وش مسويه وش اخر اخبارك
ريم تبتسم وتجلس بجنبها.آآآ انا تمام تمام اهم شي انتي وش اخبارك وش مسويه نبسطتي
مها ..ايييييه انبسطت مره مره مره ليتكم معي وربي
ريم تطلع جوالها..انشاء الله نرووح مع بعض كذا روحه هبال
جود تسلم على ريم ..اهلن متى جيتي..؟
ريم تسلم على جود..قبل شوي وين زنو ..الا شخبارك
جود ..تمامو انتي ..؟
ريم تهز راسها..بخير الحمد الله
زآنه تجي من بعيد ...
جود تأشر ..زانوه تعالي حنا هنا
زآنه تناظرها وتجي لعندهم
زآنه تروح تسلم على مها مرره مبسوطه بشوفتها..اهليييييييييييييييين وربي وربي وحشتييينييي
مها تصرخ ..زاااانوووو هلاااااااا وربي لك وحشه من جد وحشتوني
زآنه ..شخبارك شلونك .؟
مها تجلس مبسوطه ..مررررررره مبسوطه بنات حبيييييييييت
ريم تناظرها وتحط يدها على راسها..ألله واكبر وش حبيتي انتي هييييه من هذا..
مها تناظرهم بخبث..اسمعو كويس قبل لايجي وقت الكلاس
مها تقول لهم السالفه من اولهالأخره .....وبتالفصيل الممل
والبنات يسمعون بكل تمعن وانصات
ــــــــــــــــــــــــــــــــــــــــــــــــــــــــــــ
بالمستشفى ...
ام ساري دخلت المختبر تسوي لها تحليل
النيرس..yas
ام ساري...تحليل دم ..
النيرس.. ok
النيرس تطلع العده وتطلع الأبره وتاخذ يد ام ساري وتضرب العرق ..من شان تشوف وين العرق بالضبط
تسحب الدم وام ساري كانت مره متألمه من السحب
النيرس بعد ماسحبت الدم..ok mdam wit
ام ساري تبتسم بخوف ماتدري وش مصيرها بالتحليل ..انشآء الله
ام ساري تنتظر خايفه وش بحالتها غثيان والم براس والجسم ..والأفكار توديها وتجيبها
بعد انتظار تجي النيرس وتعطي ام ساري نتيجه التحليل ...
ام ساري تاخذ الورقه وهي ترجف من الخوف وتقراها ...
وتكون صدمتها اكبر الا هالشي ماتوقعته من قوه الصدمه تجلس على الكرسي
النيرس تناظرها ..y ok?
ام ساري تتمساك وتناظرها وبخوف ..اوكي بخير
ضطرت بعد ماعرفت الحاله الي هي فيها تدخل لدكتوره وتعطيها التلعيمات الازم لحالتها ...
وبعد فتره يجيها السواق وتروح معه للبيت ماتدري هل تخفي الشي ولاتبوحه ...
ــــــــــــــــــــــــــــــــــــــــــــــــــــــــــــ ــــــــــــــــ

البنات بعد ماعرفوالسالفه بصرخه وحده ..وااااااااااااو يآبنت اللذينآ
ريم مبسوطه ..طيب حلوو .؟
مها خاقه ..يهبببل مت عليه ياريوم خقيت خقييييت
جود متشوقه ..يابنت شوقتيني وبعد وش صار
زآنه فرحانه ..ههههههههههههههههه مابقى الا خلاص يتزوجون كل هالنظرآت بس ليتك مخققته يآ مهيو
الكل ..هههههههههههههههههههههههه
مها نحرجت..حرام عليك والله بس لاحظت نضراته مدري وش يحس فيه تحسين مره مره حنون
ريم تستهبل عليها..ياحياتي انتي كلنا قلنا الأول ياحبي له مره مره حنون وبعدين تحسين انهم وحوووووووش
البنات ...هههههههههههههههههههههههه
زآنه ..ههههههههههههههه شكل اليوم ريوم مو راضيه عليه
ريم تهاوش..اكيييد مو راضيه على ولد عمك هذا مريض
جود..ههههههههههههه وش سوا
ريم تضحك على حالها..وربي كل ماتذكر كيف امس هزأني وانا ماتكلمت اموت ضحك على حالي ههههههههههههههههههههههههههههههه
مها مستغربه ..امآآآ ..؟ ليه يهزأك
ريم تهز كتوفها..مدري تخيلي بس سألته شفيك وربي ماتتخيلون شلون هاوشني بعدين قفلت السماعه بوجهه لا وتخيلي البجاحه يقولي خلي غرورك ينفعك واصحى الصباح واشوفه متصل مرييض وربي مريض
جود ..هههههههههههههههههههههههههه قسم بالله مفهي امااا اذا انتي مغروره ..؟ الا قليل عليك الغرور
ريم تناظرها مو عآجبهآ الكلام..حلو حلو معه انتي بعد اقول تقلعي
جود..هههههههههههههه هذا الحقيقه وش بلاك بس وش رديتي له
ريم بهبال..ابد قفلت جوالي لما يتأدب بفتحه حتى السايق اتصل عليه برقمي الثاني بنات ترا جوالي مقفلته الي يبيني يتصل على رقمي الثاني
جود مبسوطه ..كفوووووو انتي كذا تعجبيني
زآنه تضرب جود..هيه انتي حنا نبيها تضبط تروحين تعفسينها
ريم تناظرها..خير ليه تضربينها تراا هااا مارضى
زآنه تخزهآ..أقول افتحي جوالك
جود بغرور.. ريموه كانك بنت امك وابوك لاتفتحينه
مها..هههههههههههههههههههههههههه ابو التعجييييز
ريم ..ههههههههههههههههههههه وانا بنت ابوي مافتحته الا لما يطيح الي براسي
زآنه تهاوش..ريوم بعدين تعالي قولي ليه وليه انتي الي تسببتي
ريم تقوم شوي وتضرب زآنه ..لاااااا والله كل هذا وانا السبب
جود تفاكك وبهبآل..هييييه خير ان شاء الله يالله كل واحد يرجع مكانه وبلا ضرب خلاص ريوم ماتبين تفتحين جوالك لاتفتحينه وانتي زنو تبينها تفتح جوالها خلاص بتفتحه ولا يهمك
البنات ..ههههههههههههههههههههههههههههههه
زآنه ميته ضحك ..ههههههههههههههههههه وربي حسستيني اني بأولى بتدائي
جود..ههههههههههههههههههههههه مابيكم تتهاوشون العربجيه بنت عمك شوي وتضرب اعرفها
ريم ميته ضحك ..هههههههههههههههههههههه قسم بالله يازنو اني تو مانبسطت وربي ماكان لي مزاج من صحيت الله يبسطك قولي امين
مها تناظر ساعتها ..اقول اتركو العربجه يالله شوي وتبدأ المحاضره قومو
البنات يقومون ويلملون اشياهم ويدخلون الكلاس
ريم جود مها وزآنه
بعد لحضات يدخل الدكتور ويبدء بشرح المحاضره
جود تطلع قلم وتكتب بالنوت بوك
وتكتب لقيت لك فكره
ريم خذت القلم لقيت . .؟ بس عساك ماتستهبلين وتجيبين العيد وتقولين لي اكلمه
مهآ تنآظرهم بمعنى وش فيه .؟
ريم تكتب ..يالله كتبي السالفه
مها تكتب ..اهم شي انا مو اخر من يعلم وش تقولون انتم .؟
جود تكتب لمها السالفه
مها تستهبل وتكتب ...يبي له جلد هههههه طيب انتي وش فكرتي فيه
جود تكتب..لا خلصنا الكلاس قلت لكم وش بفكر فيه
وبعد نهايه الكلاس يطلع الدكتور ويقوومون البنات ويطلعون من الكلاس
ويجلسون بالكوفي تبع الجامعه
ريم تجلس وتحط شنطتها ..ومها وجود وزآنه
ريم ترفع غرتها..يالله قولي وش فكرتي فيه
مها وريم وزآنه يناظرون بجود ..
جود بهبال ..ههههههههههه حسستوني اني مجرمه هههههههه
ريم بهبال..هههههههههه شي منتهين منه الي بعده.؟
مها ..ههههههههههههههههههههههه من جد شكلك كذا
زآنه نظرآت بهبآل..لا ومااهره
جود تضحك..هههههههههه طيب اسمعي مو تبين تردينهآ له وتخلينه يندم
ريم مو طايقته ..ايه ايه الي بعده
جود..ايوا ابيك تثقليييييين ثقل مو صاحي ابيه مايشوفك لأنه تعود عليك ومتعود انه يكلمك كل يوم ومتعود انه يشوفك وزياده على انه كان متعود عليك تعلق فيك ازيد فعشان كذا مابيك تصيرين مثل قبل يضايقك ويكلمك وتنسين وتخقيين وترجعين زي اول أبيه يموووت على رضاك وخليه ينقهررررر يشوفك مبسوطه وانك مو مهتمه
ريم نبسطت ..اييييييييه جد جد هذا الي ابيه
مها تناظرهم ..خييير خييير هبله انتي تشيشين المره على زوجها
زآنه تهاوش..ايه ولا تركها خليها تجلس قبالنا وتجلس تصيح
جود بقهر ..يستاهل خليه وش له يقول لها هالكلام ومنهو اصلا عشان يغلط هذا جزاها عشان تسأل ليه متضآيق..؟ وهو الي يغلط خليها تزعل مالها كرامه هي.؟
مها تفكر..شوفي انا معك بالي تقولينه بس بتكبر المسأله
ريم بغرور..انا ابيها تكبر ويعرف حدوده ويرجع لي زي قبل اذا بيستمر على هالوضع خلاص الي بينا ينتهي
زآنه تصرخ ..نعمممممممممم
جود تناظرها بخوف..لالالا انا ماتوصلت لهشي انا ابيه يعقل معك مو تستهبلين وتجيبين العيد وتنفصلون وتطيحين بكبدنا
ريم تفكر ..ماقدر اعيش طول عمري كذا لو اسأله وش فيك يقلب الوضع ويجلس يهاوش حتى وهو عندي ماهو زي قبل صراحه بيرجع لي زي قبل ولا نتهينا
مها..بلا هبال وجنون جود قالت لك هالفكره عشان تخلينه ينجن عليك ويشتاق لك مو تتركينه
زآنه عجبتهآ الفكره ..بس لاتزودينها على خفيف
ريم من غير نفس..الله يكتب الي فيه الخير
جوآهر تمشي بالأسياب وتناظر ريم كانت متردده انها تروح تسلم عليها تخاف عيونها تكشفها وتخاف انها تبكي بس تقابلها وتحرك خطواتها بثقل ...
وتوصل قريب من ريم
جوآهر تبتسم والتفكير بريم وسطام ذابحها
جوآهر كانت ورى ريم وتسلم..اهلين
ريم تناظرها ..هلاااا والله وغلا هلا بك
جوآهر تبتسم .. شخبارك
ريم مستغربه من نضراتها..بخير وش فيك تعبانه ..؟
جوآهر تتهرب..لالا مافيني شي سلامتك
زآنه تخزها بمعنى انتبهي .
ريم تناظر جوآهر مستغربه
جوآهر ماحبت تبين لريم تعبها اكثر وتناظر جود..هلا جود كيفك وشلونك
جود تبتسم لها ..بخييير انتي اخبارك وشلونك
جوآهر تهز راسها ..بخير فديتك
جوآهر تناظر مها ..هلا والله كيفك مها
مها تمد يدها..هلا والله بك تمام انتي شخبارك
جوآهر تمد يدها..بخير يسرك حالي
ريم تناظرها ..جوجو اجلسي
جوآهر تبتسم وتجلس ..زآنوو ابي علك عندك .؟
زآنه تطلع من شنطتها علك..خذي
ريم تناظرها ..مو عاجبتني وش فيك
جوآهر بخوف..ابد مافيني شي سلامه قلبك
فجأه نوف تجي وتناظر جوآهر والبنات
نوف تقرب منهم ..اهلين بنات
جوآهر ارتاحت عشان مايكثر الكلام بينها وبين ريم وخافت انها ماتقدر تخفي اكثر
جوآهر تقوم مرتبكه ..آآآآ وينك كنت استناك يالله يالله ابيك بموضوع مهم
نوف تبي تسلم عليهم وتناظرهم ..هههههههههههه وش السالفه
نوف وجوآهر يبعدون عن انظار
ريم تنآظرهآ وهي تمشي مستغربه
جود تناظرها ..وشفيها بنت عمك
ريم تناظر طريق سيرها ..مدري زآنه وش فيها اختك.؟
زآنه بتوتر ..ها ..ََ!! لا مافيها شي مدري يمكن مانامت كويس
مها مستغربه ...والله غريبه اول مره اشوف جوآهر كذا
ريم تطلع جوالها وتتصل على السايق عشان يجيها
جود تناظرها..تبين تمشين ..
ريم متضايقه..ايييه والله ودي ارجع زي قبل مايخطبني سطام اطلع معكم واروح واجي ونسهر وشرايكم نروح اليوم الشآليهآت نسهر .؟
مها تناظرهم..انا ماعندي مانع واتوقع ابوي مو قايل شي
جود..انا بقول لامي وبشوف
ريم ..اوكي وانا بقول امممم ايه بقول لخالتي لولو وامممم وبقول للميا وشرايكم بعد نقول لمنيره بنت عمتي مسكينه احسهآ لحآلهآ وحيده
مها وجود وزآنه بصوت واحد وصرخه..لااااااااااا
ريم تناظرهم مستغربه ..بسم الله وش فيكم انا قلت منيره ماقلت جني بس خلاص مو لازم بس ليه تقولون كذا
جود ومها توهقو
وزآنه مستغربه من ردتت فعلهم
جود حتارت ...آآآآ يعني عشان نبي الي حنا نمون عليهم يعني
زآنه توهقتك اكثر..ايه عشان يعني البنات ياخذون راحتهم وتدرين يمكن تعبانه
مها توهقت معها..ايه جد عشان نكون مرتاحين يعني
ريم..اوكي براحتكم اجل انا بروح اللبس عبايتي واتجهز على مايجي السايق زآنه تقومين .؟
زآنه ..لا لا بستنى جوجو ماعندها محاضره وبكلم السايق..
ريم تقوم .. يآلله اجل مع السلاامه
البنات..الله معاك
ريم تقوم للكورات وتلبس عبايتها وتحتري السايق
عند مها وجود وزآنه
جود حاطه يدها على قلبها وبصوت وآطي...أووووف وش الي قلناااه شوي واقول لها السالفه
زآنه تناظرهم وهي مآتدري ان البنآت يدرون..وش فيكم لما قالت منيره قلتو لا.؟
مها توهقت..آآآ عشان ناحذ راحتنا
جوآهر تجي ..زنو نمشي.؟
زآنه تناظرهم مستغربه ..اها ..اوكي يالله كلمي السايق
جوآهر..هو برا يالله قومي
زآنه تقوم..اوكي يالله باي صبايا
البنات ..بايو
زآنه وجوآهر يروحون للكورات ويلبسون عباياتهم ويطلعون
مها خافت..خايفه انها تطلع من فمي فجأه ونتوهق
جود ..لالا فال الله ولا فالك انا مت خفت ان زآنه تشك
جود تطلع جوالها من شنطتها وتتصل على اخوها حسن
حسن كان مداوم بالبنك
حسن يرد ..هلا والله
جود ..هلا بك وينك
حسن..باالبنك
جود..تجي تاخذني
حسن يناظر الأوراق...امممم اتصلي على السايق
جود..مالي خلق اتصل عليه وثاني شي انت واعدني انا وامي نطلع نتغدى لاااتفكر تهرب خلاص
حسن ..ههههههههههههههه طيب طيب خلاص مسافه الطريق وانا عندك
جود تبتسم..اوكي يالله انتظرك
حسن ..اوكي باي
جود..بايات
مها تطلع جوالها وتتصل على السايق
مها ...الوو..
السايق..يس
مها..تعال خذني من الجامعه
السايق..انا روح يجيب ماجد من بيت ماما فاطمه في تأخير يمكن تأخير واحد ساعه
مها..لحووول منجدك انت طيب بكلم ابوي يالله
مها تقفل من السايق
جود ..لحضه لحضه تروحين معي .؟
مها ..لالا وين اخوك فشيله ماله داعي
جود ..قسسسم بالله ماتروحين الا معي يالله كولي هوا بس يالله قومي نلبس عباياتنا
مها تناظرها..اوكي يالله سرينا
بعد لحضات من انتظار البنات
حسن يتصل على جود
جود ترد ..هلا جيت.؟
حسن..يالله اطلعي
جود ..يالله جايين
جود سكرت منه
حسن يناظر الجوال..جايين.؟وش تقول هذي
مها وجود يطلعون من الجامعه
جود تركب بسياره حسن
مها تركب ..السلام عليكم
حسن وفز قلبه ..وعليكم السلام والرحمه
جود..هلا كيفك
حسن مرتبك ..بـ بـ بخير الحمد الله انتي كيفك
جود تناظره ..شفيك مرتبك انا جود وهذي مهيو مرتبك من منو
حسن يضبط حاله ..آآآ ايه عارف
مها تناظره وبخاطرها...سلامات وش فيه هذا تغير ابو وجهه
حسن ساكت وجود ساكته وشي طبيعي مها ساكته ..
جود ..حسن قلت لأمي تتجهز
حسن يناظر قدام ..هاا ايه قلت لهم
جود تناظره ..حلو حلو كويس
مها تعطس ...
حسن بسرعه ..يرحمكم الله
مها بصوت واطي ومستغرب..الحمد الله
مها تعطس مره ثانيه ..
حسن يعيدها..يرحمكم الله
جود..ههههههههههههههههه يرحمكم الله ليكون بتزكمين ورانا هبآل و فله اليوم انتبهي بكره اوف خلينا نفلها تكفين
مها تضحك ..ههههههههه ان شاء الله
حسن يفز قلبه ويناظرها بالمرايه ويشوف عيونها من الغطا ..
حسن يكلم حاله..وش فيك يآحسن اثبت وش فيك
وبعد دقايق ويوصلون لبيت مها
مها تنزل..مشكورين ماقصرتو
حسن بصوت يخقق.. حياك
جود تناظره..حياك مهو
مها تنزل وتدخل بيتهم وهي مستغربه من نظراته جسمها موجود وفكرها بالكويت
جود حسن بالطريق قبل لايوصلون
جود تناظره ..حسن وش فيك
حسن سرحان..آآآ لا مافيني شي
جود ..حسن شفيك من ركبنا السياره انا ومها وانت متبهدل
طبعا حسن وجود مايخبون على بعض أي حآجه
حسن يحك راسه..وش اقولك مدري احس اني ضايع جود بقولك الصراحه انا شكلي احب مها
جود مبسوطه ..ههههههههههههههههههههههه جججججججد وناااااااااسه فرحتني غريبه قبل كنت تستصغرها والحين تحبها يآآآمغير الأحوآل
حسن ينحرج ..وربي مدري متى كنت احس بهالشعور بس الحين ارتحت لما قلت لك
جود تمسك يده ونست الي قآلت لهآ مهآ عنه بالكويت ..ربي يكتبكم لبعض يالله اجل لازم اسلكم لبعض هههههههههه بس عاد تأكد منهآ
جود تذكرت الي قالته عن الكويتي ضاري ..وحست انه اعجاب لا اكثر ولا اقل وان شاء الله تكون لأخوها
ــــــــــــــــــــــــــــــــــــــــــــــــــــــــ
ريم وبعد مسافه الطريق توصل
ريم تدخل البيت وتروح تفصخ عبايتها وتدخل الصاله وتشوف
جدتها وامها
ريم تدخل..ألسلام عليكم
الكل ..وعليكم السلام
ريم تجلس وتسند راسها على رجل امها ...
ام ساري..وش عندك ليكون تعبانه .؟
ريم تبتسم ..لالا مو تعبانه ولاشي بس حبيت اسند راسي عليك
ام ساري تحب راس بنتها ..فديتك
ريم تقوم وتجلس وتحط راسها على جدتها
الجده ..وش فيك يابنيتي
ريم تستهبل..ههههههههههههههههههههه اجرب الحنان وين فيه ازود
الكل..ههههههههههههههههههههههههههههههههههه
ريم..يمه اليوم بنروح الشآليهآت انا وخوياتي اوكي شرايك تجين معنا انتي وجدتي
الجده..لايآ بنيتي روحو انتم مانبي نخرب عليكم وناستكم
ريم ترفع راسها..وشدعوه يالغاليه انتي الداخله وحنا الطالعين
الجد تبتسم..فديت قلبك لا مايصلح يمكن نروح معكم اول الروحه بس مومطولين
ام ساري..بكره انتي وزآنه وجوآهر عندكم اوف صح ؟
ريم ..يب عندنا وحتى جود بس مها عندها دوام يعني على الساعه 11 دوامها بتروح معنا وبقول للميا
الجده ..يابنيتي قولي لبنت عمتك منيره
ريم تبتسم.. والله ودي حتى قلت لخوياتي بس قالو حنى مالنا معرفه كبيره فيها ونبغى نستهبل ونرقص وهم اخاف لو قلت لها ماراح يفلونها
الجده..هو انتي صادقه خليني مير اكلم عمتك اتطمن عن منيره
الجده ترفع سماعه التلفون وتتصل على العمه
الكل كان يتغدى وسطام كان يتغدى عندهم وعد منيره انه يوم لها ويوم لهله الى ان يتزوج ريم
الكل كان يتغدى فجأه يرن التلفون
منيره تناظر التلفون ..انا برد
سطام يقوم ويبتسم بتعب..لالا خلك انا برد بشوف
سطام يقوم ويروح يرد على التلفون
سطام يرفع السماعه ..مرحبا..
الجده مستغربه على طول عرفت صوت سطام..مرحبتين من معي سطام .؟وش جيبك بيت عمتك عسى مافيهم شي
سطام توهق وش يقول
ريم تناظر الجده مستغربه وتناظر امها..سطام وش يوديه بيت عمتي .؟
سطام متوهق..هلا يا الغاليه ابد بس كـ آآك آآ كنت مار على عمتي اشوف شخبارها من زمان ماشفتها
الجده مستغربه ..ايه ياوليدي والله فيك الخير طيب عمتك بجنبك ..
سطام متبهدل..أيه ايه يالله انا بطلع الحين تغديت عندها بس وانا جيت بطلع سمعته يرن ورديت هذاهي بتجي
سطام يروح لطاوله الطعام مرتبك ..عمتي قومي هذي جدتي
العمه نبسطت بنضرات خبث ..اوكي اوكي رايحه
منيره تضايقت ..يالله عسى مايقولون شي
سطام يشرب مويه ..معليش رقعتها قلت لها اني جاي اشوف عمتي
منيره توترت ..اووف اشوى
عند العمه ..هلا يمه
الجده..هلا والله هلا يابنيتي ماتتصلين علي ولا تجين الا لما اتصل عليك يابنتي لك شهر ماشفتيني وش فيك عسى ماجاكم شي
العمه فيها قساوه وكن قلبها من صخر ماهو قلب انسان ..يايمه هذاني اكلمك يكفي عن جيه وتدرين يعني منشغله مع بنتي
الجده ..عسى ماهي بتعبانه من جديد .؟
العمه تبتسم ..لا وين الحين مره فرحانه الله يديمها عليها قولي امين
الجده نبسطت..بشريني وش صاير
العمه جات بالها فكره ان الجده لازم تعرف بموضوع سطام ومنيره تبيه يبان قبل زواجه من ريم عشان ريم ترفضه ويكون لبنتها لحالها
العمه وبصوت واطي..وش رايك تجين تعشين عندي اليوم وتشوفين كل شي بعينك
الجده مستغربه من بنتها ومن لهجتها..وش صاير
العمه بخبث..خلاص اليله خلي احد يجيبك
الجده خافت..خلاص ان شاء الله على الساعه 9انا جايتك
العمه بخبث..وحنا ننتظرك
العمه تسكر من الجده وتروح لطاوله الطعام
العمه تناظر سطام..اطلبك.؟وتقول تم
سطام من غير نفس..امري
العمه..انا عازمتكم اليوم على العشا ولا تجلس تعذر
سطام من غير نغس وبتعب..ياعمتي جيت تغديت ومدري كيف تعذرت لامي ماودي منيره تتضايق مابيها تتضايق وهي حامل
منيره تناظره ..أدري انه مو عشاني عشان الي بطني
سطام وبخاطره كلامك صح مو عشانك ..منيره بلا كلآم فاضي خلاص عمتي خليها مره ثانيه
العمه مصره ..لالالا لازم اليوم انا بسوي لكم طبخه صينيه تاكلون اصابعكم وراها
منيره تمسك يد سطام وسطام فجأه يبعدها..طيب عشان الي بطني ولا تبي تضايقني .؟
سطام يفكر ..اوكي خلاص اجل بروح بعد الغدا بيت هلي ولا جا باليل جيتكم
العمه..ابيك تجي بدري على 8 ماراح نتأخر بالعشا
سطام مستغرب من العزيمه ...ان شاء الله يصير خير
ــــــــــــــــــــــــــــــــــــــــــــــــــــــــــــ ـــــــــــــ
عند ريم والجده وام ساري
ريم سرحانه مستغربه وجوده بيت عمتها وهو بيت منيره خير ليش يروح ..
الجده تناظرها...ماقالك زوجك انه بيروح بيت يتغدى بيت العفري.؟
ريم تناظرها ومستغربه ..يتغدى .؟
ام سآري تنآظره وتخز ..شفيك مآكلمتيه اليوم . .؟
ريم تحاول ترقع..يوووه الا الا قالي حتى قالي اجي اتغدى معهم بس عتذرت ماكان لي خلق وتدرين عندي دوام بس من التعب ماتذكرت يالله يمه خلينا نتغدى
الجده..ماتبين تستنين اخوك وابوك
ام ساري عرفت ان بنتها تكذب بسبب الهوشه ..لا الرجال بيتأخرون بالشركه اليوم انا بروح احط الغدا
ريم تقوم ..وانا رايحه ابدل ملابسي ثواني وراجعه
ام ساري تروح للمطبخ وتضبط الغدا مع الشغاله
ريم تقوم وهي تمشي وجالسه تفكر وش له رايح يعني جد يبي يشوف اخبار عمته ؟
ريم توصل لغرفتها وتجلس على الكرسي...وش فيني انا نسيت انه لما كان بلبنان يدرس كان ساكن عندهم صدق اني غبيه اكيد بيزورها على الأقل يرد لها الجميل جد اني بنت لازم اقلل الغيره ولا اغير الا على اشياء تستاهل
ريم تطلع بجامه من الخزآنه
بلوزه البجامه كوم بيضاء والأكمام بالون الأزرق بالوسط صوره سنوبي وسروال البجامه لونه ابيض((اويشو))
تروح لتسريحتها وتطلع مزيل المكياج وتزيل روجها وكحلتها ...
ريم ترفع شعرها بربطه وتطلع من الغرفه
تروح تفتح جوالها بتتصل على لولو ماعندها رقمها بالجوال الثاني
وفجأه
تدق نغمه ... انت معاي ... وإلا انت ناوي تبتعد عن خط سيري
انت هواي .... وإلا انت عندك بالهوي محبوب غيري
وضح امورك يالحبيب .... شايف انا امرك عجيب
وين طاير بالهوي ... قلي ياطيري
هنآ ينتهي البآرت
من تتوقعون متصل على ريم ؟
ريم بترد ولالا ؟واكثر واكثر بتعرفون بالبآرت الي بعده

رآيكم يهمننني اسفه على التأخير