شكرا عبق الرياحين يعطيك العافيه علي النقل

سلام لكل متتبعااات الرواية
الرائعة
وسلاااام خااااص لاحلى عبوقة بالكوووووون
بنااااات نااااااصرررررررر وما هي النهاااااية صراااحة لي فترة افكر بعنوان الرواية ليكون ذي بتكون جواب شيخة لصقيراااان ماله بالماحي الي يشله
بس سين سؤال للبنات ولك عبوقة كلمة (السلقة) حسيت انها مسبة بس شو تعني
وصرااااحة مرض المخررررفن هذااااا زاد الطين بلة احنا يا سهووومة طالبنااكي تشليه نفتك منه مو يسبب لنا مشكلة ويزيد بنات ناااصر مشاااااكل تقووول ناااقصهم
اماااا بالنسبة لاحقر وانذل شخصية بالرواية نويفااان الزفت هذا الانسااان خسااارة كل كلماااتي فيه احسه شخص مريض نفسي او بالاحرى كلها عيلة فيوزاتها ضااااربة من الجد والجدة والاعمام والاحفااااد
صرااااااحة عالمهم مليء بالظلم وانا ضد المرأة الي تستسلم للضرب انا وحدة متزوجة وصراحة ما اقبل زوجي يمد يده علي ولا لاي سبب من الاسباب لانه في هناك شي اسم حوووووووووووووووووار وتفاااهم بالكلام وكل شخص يعرف غلطه ويتركه مو الضرب حل او وسيلة
بس شو اقووول عن شخصيااات هالرواية يا مثبت العقل والدين
ننتظرك بكرة عبووووقة في بث حي ومباااشر بعد نقلللك للباااارت

صباح الخيرات والطاعات ........صباح الورد والياسمين .......صباح الابداع سهومة ......تسلم ايدك ياقلبي بارت رائع كالعادة واعتقد بيكون بداية تحول للاحداث الجاية

يعطيك العافية عبوقة

الجد

اعتقد طيحته وموقفه بعد المحكمة راح تصحي ضميره النايم .........ماراح يفارق الحياة الا مأمن على اليتيمات الي تمادى بحقهن وخلا الي يسوى والي مايسوى يدوسهن .........اكيد كلام الشيخ كان له مفعول قوي عليه وهز بدنه وخصوصا انو العمر مابقى فيه كثر الي راح .......راح يقاوم المرض علشان يكفر عن ذنوب ويحط حد لكل الي اذنبو معه بحق بنات ناصر ........راح يطلب شوفتهم وبيطلب يختلي فيهن وبيتسامح منهم وبيتقرب وبيقوم وبيسيطر على المهزلة الي مسويينها احفاده .........هو اكيد شايف وعارف بس عامي عينه والدليل كلامه لوضحى عن شيخة وصقير قبل ماصقير يخطب البرميل ........ومن هنا بتبتدي دروس التأديب لعيال القاسي الجد راح يحط شروط ويسلط اوامره لصالح البنات ...........انا متفائلة بهالشي ماراح ينصلح حال البنات بالهروب والطلاق مالهن ذنب يحملن لقب مطلقات بعد الزواج المذل الي حتى عشى رجاجيل ماسوو وصقير يوم ياخذ البرميل وهي مطلقة سوى لها عشاء


صقير وشيوخ والبرميل

صقير ردة فعله مع شيخة كان بسبب الحادث الي كانو بيتعرضون له وانهيار شيخة وخوفه انو يفقدها اكيد حس انو الموت كان قريب منه او منها وبيعيش بعدها محروم منها وهو ماتهنى بقربها .......اصلا اشك انو كان واعي لكلام شيخة وهو يسحبها لانو كان مخه وقلبه يبون يطمنو عليها ...........واعتقد انو بعد مادخل معاها الشقة وشال البرقع شاف شحوبها واثر الخوف والصدمة وهذا الي خلاه ينسى قهره ويعبر عن فرحته بتقبيلها

بس الي مااستوعبته ولا عجبني ولا دخل مزاجي تصرفه مع البرميل العريانة الي حتى ماطلب منها تتستر رايح يراضيها على شي ماغلط فيه شيخة لها نفس الي لهاذيك غير كذا الشرع يقول اذا الزوج تزوج وحدة ثانية وكانت غير بكر مايهجر زوجته الاولى اكثر من ثلاث ايام البكر لها حق اكثر بس غير البكر لا ..........وبعدين وسميوه ليه محتجة اعتقد يوم تزوجت صقر تدري انو عنده زوجة ايش معتقدة انو بيضل لها وبتفرض شروطها لا هذاك يوم كانت زوجة لزوجها الاولي مو مطلقة وزوجة ثانية حلوة دي الشقة هذي لشيخة قبلها ويمكن حتى الفراش الي تنام فيه فراش شيخة بعد تمنع زوجها عنها ...........تنقلع بيت ابوها هذا اذا صدق عندها كرامة وقد كلمتها بس ممتأكدة انها ماراح تنقلع وتترك صقير وهي ماصدقت ..........

بس تصرفات صقر ابد مومقنعة مهما كان هو بيطلع للمستشفى ولجده الي مايدري عنه من متى وهو يعمل حساب احد ويخلي حرمة تتحكم فيه اذا امه الي طاعتها فرض عليه مااهتم لدموعها وتزوج هالبرميل .......حتى لو كانت وسميوه مجرد اداة لتفريغ شهواته وهذا الي واضح وضوح الشمس وهي عاجبها الظاهر انو يعتبرها بس لحاجته مادرت انو لو شيخة تعطيه الي يبي ماشافها لو ايش مالبست لانو القلب والعقل بس لشيخة ..........غير كذا لامن حقه ولا من حق وسميوه يطردون شيخة مااستحى على وجهه يطرد زوجته عرضه برى حتى لو مايبيها تشوف تأذيبه للبرميل يسحب البقرة ويعطيها الي تستحقه مويحسس شيخة انو طرطور بيد البرميل ويحرق قلبها ان شاء الله يكون انهاها من حياته بهالسرعة مع اني ماابي اتفائل وبعدين انقهر ...........شيخة لو بس صقير يعطيها فرصة بسلم له وبتعيش معاه بداية صحيحة والافضل قبل الرجوع لبعض يجلسون مع بعض ويتصارحو والا حياتهم ماراح تفلح


سارة ونويفان

الله يعينك ياسويرة على المريض النفسي المتخلف مو طبيعي ابد فرحان بأنهيار البنت يعني هالشي هو الي بيرجع صورتك الي خايف عليها مالت عليك بس يالمغرور .........اعتقد انو ابوه وفارس بيجون وراه وبيسمعون صوت سارة وحالتها وخواتها الي مفجوعين عليها برة ........وهم الي بيخبروه انو سارة رفضت تفضحه ومارضت ساعتها بيعرف معدنها وعقلها الكبير ومعدنه المصدي وعقله المتخلف ...........واكيد بيصير شي يعدل الاعوجاج والتمادي الي مسويه وبيبعدونه عن سارة ياليت ابوه يكشه ويقلع لابارك الله فيه مسود الوجه كنا متعشمين في صقير يكسر خشمه الخايس راح اخذ البرميل والتهى فيها


نورة وسلطان

اعتقد سلطان ماراح يلوم نورة ولا خواتها على الي سووه وخصوصا بعد كلام فارس ويمكن يحاول يصلح اكثر من نفسه علشان البنت الي الظلم جاها من كل جهة ...........بس هو يستمر بعلاجه وربي بيشفيه علشان هاليتيمة ومثل ماحرق قلبها وقهرها بيعترف بحبه وبيرضيها بالكلام الي تستاهله

وضحى وفهيد

وضحى وربي خايفة عليها من المجنون فهيد لو عرف وسمع كلام ابوه الجبان النذل اشوف لسانه يلعلع على اليتيمات وولده الخمار السكير الي مايدل طريق المسجد العاطل السانه مبلوع والله شكل عميشة هي الي ممشيته بكيفها لذلك ماله سلطة على احد والله لو شيخة قدامه سكتته بنظره وخصوصا لما تذكر محاسن تربيته لولده البكر بينخرس ومابيرفع عينه .........انا قايلة وسميوه ماتليق الا فيه بس سهومة ماطاعتني


فارس

والله وبرد قلبي اي هذا الاخو وولد العم والسند ليت البنات سمعو وشافو الدفاع عنهم من اصغر العيال واعقلهم لاوالله يبون يسكتون الكل عن الحق مفكرين فعايلهم وظلمهم رجولة محمدوه مالومه نذل وعديم ضمير لذلك ربي مو موفقه الي مااهتم بعياله بيهمه عيال غيره رايح يشهد على زواج بنت عمه مسود الوجه مسوي فيها الخايف على جده مااشوف هالجد وقف ضد زواج مويضي من عويس يومك تبغيها مالت عليكم بس ..........بس خربها فارس يوم يكذب على نويفان وهو يعرفه ماعنده ذرة احساس تسبب على البنت


سهومة نبي شي يبرد القلب تعبنا خلاص

نشف دمنا من القهر والمحاتاة لمصير هالبنات ماوصيك عليهن