لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 05-01-12, 02:33 PM   المشاركة رقم: 316
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة مميز الطيب مشاهدة المشاركة
   السلام عليكم ورحمة اللة وبركاتة
تسلم يدينك سهومة على كتابة هالرواية وتسلم يدين عبووقة على النقل
بصرحة الرواية جنان حلوةمررة وونسيت تراني كد رديت على هالرواية قبل بس محد عطاني وجه هعهعهعه
بس صرت مافضا بس ادخل اقرا واطلع مايمديني ارد
نبدا بالتحليل الرواية هعههعه علني محب احلل الشخصيات الرواية شخص شخص لا بس المهمين هعهعه
اولا الجد قسم جد يقهر وش يحس فية هعهعهه اسم على مسمى قاسي هعهعهعههههه
الجدةهعهعهعه تزوج على كيفها ووتخطب محد دراى عنها بس عسوولة وطيوبة
محمد ماحبيتة يقهر بصراحة ترا حركتة بمريم وويتزوجها وويطلق يقهر اخووها مهي مررجلة ووقاحة هعهع <<حاقدة
ووحركتةيكرة عيالة ربي عااقبة بموت ولدة لانة نذل
موضي لحد الحين يعني عاادي مافية تعليق عليها
صقررر<< شخصية حلوةبس فية تحكم زيادة بس تستاهل شيخة هعهعهعههعه ايش بعد مرة شهم ورجال
فارس<< اكثر شخصية حلوة بالرواية نكووتي وحساس وحبوب ومايستاهل الي يجية هعهعهع
سعد << ياختي زوجية وخلصي لجنا هعخخخهخ
نايف<< اكثر الشخصيات وقااحة بس حاسة مليوون بالمية اخر الرواية بتتغير للافضل ان شاءاللة
بس وقاحة تاصل يسوي باخوة كذا اللة يهدية
فهيد<< بلاة طلعية من الرواية ماطيقة ليتة مات بدل خالد الصغير هعهعهع<<<< هعهعه حااقدة علية
وش اسمهة اللي راح مع بنت المجرم <<اية ضاحي << رجال ماعليةكلام بصراحة
شيخة << وقحة صراحة ولسانها يبيلة قص قوة شخصيتها تعجبني بس بلا خبال تقبلي الواقع وارضي برجالتس عااد خبال حريم
وضحى<< اكثر شخصية مظلومة يحياتي ليتس تاخذين سلطان بدال هذا فهيد الي مالة داعي هعهعه
شخصية هادية رزينة ومظلومة
هند <<ياحليلك تراتس بتاخذين فارس احسنهم هعهعه شخصيتها لاتعليق
سارة << تقهر ووش دخلتس يومتس تروحين تساعدينة مالتس شغل مطفوقة بس ربي جازاتس على طفاقتس ميراللة يهديتس وتاخذين نويف
سلطان<<شخصية غااااامضة وبقوة وورائعة
مريم وامها << مالوومهم بس احسن نسن انهن حريم المفروض يقضبن ارضهن بس ترى محمد ووقح اخذ الورعان وسحب على امهم بس يقهرن ووماطيقهن
خالد<< مايستاهل يا حياتي بس ووش تسوي ابووك ربي عاقبة فيك اللة يرحمك


وووو اذا بقا شخصيه ماحللتها سوري نسيتهم وواذا فية اغلاط املائية اعذرني هعهعه متحمسة وانا اكتب
ووعاد ونسني يا عبوقة ووسهوومة وهلن ورحبن فيني هعههع<<< واثقة

تقبلوو سوالفي وقرقتي

اختكم << مميزة

وعليكم السلام ورحمه الله وبركاته

ياهلاااا ومليون غلاااااااا بمميز نورتي الروايه والله

ربي يسلمك من كل شر يالغلاااااااااا
افا بس من قال ما حد عطاااك وجه ياقلبي هذاوجهي كللله لك ولا تزعلين

هههههههه فديتك تحليلك عسل اما فهيد ماله داعي بالروايه حلوووه اجل
من بياخذ الوضحي بس يارب يتعدل على يدهاااااا

افا والله بالعكس يتزينك ويا زين هذرتك ياقمر لاعاد تقطعين

 
 

 

عرض البوم صور عبق الرياحين   رد مع اقتباس
قديم 05-01-12, 02:41 PM   المشاركة رقم: 317
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

بسم الله الرحمن الرحيم .. السلآم عليكم ورحمة الله وبركاته
ومسآكم رضا من رب الرحمان .. ووفقكم الله لما يحب ويرضى يارب
سامحوني على التأخير .. بس النوده متلخبط عندي .. لأني وللأسف لقيت اني
احمل مسؤولية طفلين مره وحده .. والله نويت انزله امس متأخر بس ماحصل لي
الوقت وانا قاعد اراجع البارت
..
مدام اغلبكم وافق سامحوني يالبقيه بس مستحيل اكسر بخاطر الأغلبيه .. صدقوني
ردودكم بتوصلني لاتردون وانا اعفيكم من الرد .. اقرأو ولاتردون إذا لقيتوا وقت
او ليش تقرأون خلوه لين تنتهون تلقون بارتات طويله وكثيره .. وتابعون معنا
بس حبيت اسأل لأهلي في الأمارات والكويت وقطر والبحرين وعمان وباقي الدول
العربيه متى وقت الأمتحانات عندكم
...
ولاتخافون سهم ماتنساكم ابد .. ولكم في ظهر الغيب دعوات ويارب تكتب لهم
التوفيق والنجاح وحتى لأخوي وأختي .. ومتابعيني وحبايبي يارب ولجميع الطلاب المسلمين والمسلمات
..
هالبارت طويل مثل ماتمنيتوا وبغيتوا تقريبا ثلاثين صفحه في الوورد .. بس حابه
اسأل لو نزلت مثل قبل بارتين في الأسبوع حد بيتضايق من قراري .. خلاص
معاد اقدر ازعلهم اكثر من كذا .. بأتركه لوقته .. لاني بنزل يوم الأثنين بارت
صغنون .. ويارب ارضي الجميع


مع اطيب الأمنيات بقراءه ممتعه
.
سهم المملكه
.
لإله إلا الله


( البارت الثلاثيـــــــــــــــــــــــــــــــــ 30 ـن )













طلعت من الحمام .. وهي تعدل حجابها على راسها

وقف يوم شافها وبلع ريقه .. الخطوه اللي مكان يبيها .. مجبور هالحين

يسويها .. تحنحن وشجع نفسه – احم اقول نـ اقصد الجازي

رفعت راسها وناظرته وهي تحس بناحيته إنجذاب غير طبيعي .. هي

مستغربته .. وخيلته في عقلها الباطني انها أكيد انها تحبه قبل يصير

عليها الحادث .. ولا كيف يجيها هالشعور ؟؟

بس تستغرب اوقات ليش يمر عليها .. حادث قوي .. ودم .. وعيون

بعيده تناظرها واللي هي عيون ضــــــــاحي

غمضت عيونها بقوه وفتحتها تشيل اللي في راسها – نعم

ضاحي استحى وعطاها ظهره – امممم انتي تعرفين إنا في غربه وبعد

تعرفين إن انا رجل غريب عليتس وماني محرم لتس

خافت من كلامه .. بس سكتت تحتريه يكمل

ضاحي يكمل وهو يلف راسه لها ويشتت عيونه عنها – في هالحاله

مضطرين نتزوج .. لان علاجك شكله بيطول

انصدمت بس بنفس الوقت فرحت – وليش تقول مضطرين انت مضطر

تتزوجني

حس بصدمه ماتوقع انها طلعت من فمه .. وفسرتها بالتفسير الصحيح

اللي هو مايبي يبينه لها – هاه لالا بس اقصد يعني صعبه ارافق

معتس واكون وإياك ومافيه رابط يربطنا وغير كذا انتي تزعلين لو

اضطريت اطلع وبعدين بنتمم الزواج ترى من زمان حنا مخطوبين

( اضطر يكذب عليها .. بس ماتعرف بحقيقة شعوره )

ناظرته بمحبه وابتسمت – كنا نحب بعض

انصدم ورفع عينه في وجهها وحط عينه في عينها – نحب بعض






















في المستشفى

اركضوا المسعفين بمحمد .. وهو فاقد وعيه .. ودمه ينزف من كل

مكان في جسمه .. وصقر يمشي وراهم .. وفي طريقه شاف واحد

متلثم عرف هيئته .. وطوله الفارع .. ناظر فيه وهو واقف وباين عليه

مهموم .. ناظر في محمد وهم يسكرون الباب بينه وبينهم

اتجهه له وهو يناظر فيه – سعد

سعد رفع راسه ودموعه في عينه – صقر ,, ( وبحسره ) خالد

راااااح رااااااااح ياصقر

صقر انصدم من اللي سمعه – وش هو راااااااااااااااح !!




















اول ماشافته فز قلبها .. بس من شافت هيئته التعبانه وعيونه الغائره

ونايف يعضده وكلهم متلثمين .. نقزت في وجيهم منيره وهي تصرخ

وتبكي – خالد راح صح رااااااااح صدق

ناظروا في حال امهم .. فارس مايقدر يشوف وضع امه .. فك نفسه

من يدين نايف وركض لغرفته .. وعيون هند تتبعه

نايف مسك امه .. تكلم الجد – وش صار على الورع

شاف جدته وسلطان وعمه وابوه .. والأهم اللي هربان من هالبيت

على حسابها .. جالسه معهم وعيونها باين فيها الألم وهي تناظره

بعد عيونه عن عينها وهو يجاوبهم بحزن – إن شاءالله انه شفيع لكم

صرخت منيره بقوه .. ووقفت وضحى ونوره وركضوا لها .. ونايف

ضم امه بقوه يحاول يمتص صدمتها

منيره وهي تصيح ومنهاره – يويلــــــــــــي انا اللي ذبحته

انا انا إنــــــا ( وتضرب على صدرها بقوه )

ضربت نايف في ظهره وهي تنفس عن غضبها – وش اقول لأخته اللي

تحتريه تقول خـالد وين وين وشش اقول مـــــــات رااااااااااح

انا الســـــــــبب

نايف وهو يضمها بقوه ويهمس في أذنها - يمه اهدي تعوذي من

إبليس ربي اختاره هاذا يومه رااااااااااح وهو مايعرف بالدنيا شي

وش يبي بالدنيا ووسخها ( وعينه على ساره .. اللي وقفت ودموعها

في عينها وطلعت تركض .. ولا حد حس فيها غيره هو )

حاولت تفك نفسها منه .. بس هو ضامها بقوه .. يبي يمتص صدمتها

مايبيها تنهار اكثر

ابو محمد وابو فهيد قاموا يهللون .. والجده سمعوا صوت بكاها

الجده – ياعيني على هالولد من ظهر على هالدنيا ماشاف يومن زين

ابوه درى

نايف وهو يسحب امه اللي باين انه اغمى عليها – لا ,, امي اغمى

عليها

وضحى ونوره اللي كانوا واقفين قريب منهم .. ركضوا له

وودوها للغرفه .. وابو محمد حس بهبوط في الضغط .. وجلس

مايقدر يوقف

حطوها على السرير .. ونايف سحب قياس الضغط اللي قريب

من السرير يقيس ضغط امه .. شافه مرتفع

حقنها بالعلاج في الوريد .. وهو يحب على يدها وراسها .. ووضحى

ونوره متأثرات بمنظر حنانه في امه .. ودموعه في عينه

طلعن وخلنه .. جلس فتره وهو يستنشق ريحتها .. ويحب يدها

وعيونه خوف على امه .. لين حس إن نفسها انتظم وهاذا دليل انها

رقدت .. طلع وخلاها .. شاف الصاله ظلام .. سوى ابوه اللي يصلي

في طرفها .. طلع فوق بيشوف وضع خلود

سمع صوت بكاء .. وصوت وضحى واضح .. ركز في الصوت عرف

انه صوت خلود تبكي تبي اخوها .. ووضحى تحاول ترقدها

رجع ونزل من الدرج .. حس بكتمه .. وبحزن .. فتح الباب وطلع

يبي يجلس في الحوش

بس سمع صوت همهمه ورى الحوش وباين إن فيه حد يبكي .. مشى

لين قرب لمصدر الصوت عشان يتفأجا

 
 

 

عرض البوم صور عبق الرياحين   رد مع اقتباس
قديم 05-01-12, 02:43 PM   المشاركة رقم: 318
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

غمض عيونه وفتحها وهو يحاول يستوعب كلمتها .. اول مره تخونه

الكلمه .. ومايعرف يصرف .. يقول ايه حبينا بعض ويكذب .. او يقول

لا ولا عمرنا عرفنا بعض عشان نحب ويصدمها

شافت في عيونه الخوف .. من كلمتها .. استنكرت ردة فعله وسكتت

بلع ريقه وهو يدور في زحمة الحكي اللي بداخله أي كلمه يجبر فيها

خاطرها ماأسعفته إلا هالكلمه يوم قال – بعد المغرب بيجي الشيخ ابيك

تتجهزين ( وطلع وخلاها )





















حطت راسها على كتف امها وهي تبكي وتضم عيالها .. وعمشاء تحاول

تهديها – يمه ماااااااااات مات المسكين ,, وهالناس اللي بيأخذون مني

عيالي يمه وين اروح ويــــــن

عمشاء وهي تدمع وتهديها .. ريم اللي جابت المويه المقري فيها

وعطت الكأس اختها – هاتس اشربي وإن شاءالله مايصير غير الخير

الجده دخلت عليهم وفيها حزن وجلست جنب موضي ومسكتها مع

كتفها وحبت جبهتها – موضي وانا امتس تعوذي من الشيطان هالوريع

ربي خذاه للي احسن من ابوه اللي ناطلهم ومايعرف عنهم شي غير

عمانه سعد وفارس اللي من كانوا صغار وهم اللي يربونهم لاتخافين

مادرى عنه

موضي وهي تحب يد جدتها وتبكي – ياجده خوفي على عيالي ولا

الولد اختاره ربي على انه محزني وايوالله ابكيه لاني احبه متيتم

وابوه وامه حيين ,, بس خوفي على عيالي جايباتن ورقه من المحكمه

يبون عيالي والرجال انطلوه في المستشفى مايندرى هو حي ولا ميت

الجده وهي محزنه لحالهم اللي انقلب في غمضة عين ,, من فرح

وسعاده وعرس .. لـ حزن وبكأ وعزاء – انا خليت ابوتس وجدتس

وهم يدقون على سعد ينشدون عنه





















مسح دموعه بشماغه ووقف جنب سعد اللي محمر خشمه وعيونه

غرقانه دموع .. طلع لهم الدكتور وهو يقول – الحمدالله انكم

لحقتوا عليه وجبتوه لانه انضرب في اماكن حساسه جدا وبغت تجيب

له إعاقه دائمه بس فيه مشكله وماأبي اخبي عليكم

صقر وسعد عقدوا حواجبهم وهم ينتظرونه يكمل – للأسف قدرته على

الإنجاب مستقبلا ضعيفه او يمكن معدومه بعد

انصعقوا من كلامه .. والمصايب تتحذف عليهم من كل جهه .. وجتهم

في وقت واحد




















سمع صوت همهمه ورى الحوش وباين إن فيه حد يبكي .. مشى لين

قرب لمصدر الصوت عشان يتفأجا .. حاطه يدينها فوق برقعها على فمها

وتحاول تكتم عبرتها .. يوم شافته نقزت في وجهه

وهي تترجاه – الله يخليك انا تعبت تعبت ارحمنـــــي

انقهر منها ولف ظهره بيمشي ويخليها .. لفت ووقفت في وجهه

وهي تبكي – انت لازم تسمعني انا بنت عمك منك وفيك لاتسوي فيني

كذا انا كرهت الحياه كرهتها لي اسبوعين على هالوقفه اللي انت

تشوفها كل يوم كل ليله لين يطلع الضو احتريك .. انت ذبحتني ذبحتني

عصب منها وصرخ في وجهها – ماهب انا اللي رميت نفسي عليتس

( دقه لها )

عصبت وقبضت على كفها بقوه ومسكت عصبيتها وهي تقول – هاذي

جزاتي اني حسبتك تعبان وانا اشوفك قدام عيني بتطيح اعضدك

وألقى انك تبي تلعب فيني ( وشهقت بقوه وهي تتذكر كل اللي حصل )

صرخ عليها – ماحد طلب منتس المساعده احتفظي فيها .. يعني كل

واحد في حالتي حتى لو في الشارع بتساعدينه

انقهرت منه وهالمره انفجرت فيه ودموعها تصب – انا يوم ساعدتك

لانك ولد عمي كرهت الغبنه فيك لو عرفت انك بتسوي سواتك كان

ماهب انقذك لاااااااااا اذبحــــــــك

مط عيونه وهو منقهر منها .. مسكها مع كتفها وهو يهزها – اسمعي

ياحيوانه ( وعيونه في عيونها اللي تناظره بقهر.. وهو في داخله

مهزوز من نظرتها بس كمل – انا تراني نظرت في وضعتس ورحمتس

وعلمت واحد بيتزوجتس ,, وانتي هنيا تصرخين في وجهي وهاذي

جزاتي

انقهرت منه ودزته عنها وهي مصدومه من كلامه ودموعها تسيل

من فوق البرقع – هاذا اللي قدرت عليه جزاك الله خير ياولد العم

روح والله ماابيحك لابدنياك ولا أخرتك ووالله اللي يسمعني ويسمعك

ويشوفني ويشوفك اني لأخصص لك في كل صلآه دعوة مظلوم مابينها

وبين ربي حجاب ( وراحت تركض وهي مغبونه من اللي انقال واللي

بيصير

حس بشي حار مشى على صدره بالطول لين .. استقرت هالحراره في

بطنه .. وعيونه تتبعها .. ويهز راسه بقوه عشان ينسى كلامها

اللي قالته ( روح والله ماابيحك لابدنياك ولا أخرتك ووالله اللي

يسمعني ويسمعك

ويشوفني ويشوفك اني لأخصص لك في كل صلآه دعوة مظلوم مابينها

وبين ربي حجاب )


























اليوم الأول .. استقبلوا المعزين .. ومحمد مازال على حاله .. وفارس

رافض انه يطلع للمعزين .. وحابس نفسه في جناحه ومازال مصدوم

ومو قادر يتقبل موته وهو يشوف .. وكل ماتذكر منظره وهو طاير

في السماء وطايح على الأرض جثه اهتز من المنظر وبكى

وهو يشهق .. ماقدر يرقد او يأكل او حتى يتكلم .. واندق باب

جناحه ألف مره بس مو قادر يفتح لأحد لانه مايقدر يتكلم ابد

المنظر مو قادر ينمحي من قدامه ابد

 
 

 

عرض البوم صور عبق الرياحين   رد مع اقتباس
قديم 05-01-12, 02:45 PM   المشاركة رقم: 319
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

في امريكا \ المغرب

سلم على الشيخ والشهود وهو يودعهم عند الباب .. وراحوا وخلوه

حس بكتمه وهو ماوده يرجع لها حاليا .. يبي يرتب أفكاره .. بس

يوم تذكر رجفتها والشيخ يسألها عن رايها في الزواج فيه وصمتها

اللي استغرق فتره .. رجع ادراجه لها

فتح الباب وشافها جالسه على الكرسي وسرحانه .. حاول يبتسم

وهو يقول – مبروك

ناظرت فيه فتره وقالت – الله يبارك فيك

قرب منها وعيونها في عينه وباين فيها الخوف من قربه .. حس

انه استمتع بنظرة الخوف اللي في عينها .. حط يده على راسها

وقال - اللهم اني اسالك من خيرها وخير ما جبلتها عليه ، وأعوذ بك من

شرهاوشر ما جبلتها عليه

نفثت الهواء اللي في صدرها .. حس بخوفها ورجفتها تحت يده مثل

الورقه تنتفض .. لف وجهها له .. وغرق في عيونها وهي منزلتها

بخوف ورجفه






















توه من بعد تعب يدخل الشقه .. حاس انه هلكان وتعبان ومعاد

يقدر يأخذ نفس .. طول الليل وهو واقف في المستشفى عند

محمد خوف انه يصحى ويبي هو اللي يعلمه .. وبين المعزين في

المسجد بعد مادفنوه ونظرات جده المقهوره من حضوره .. ونايف

اللي مرتز على يمينه وحاس بالقهر منهم .. وهو يتوعدهم بينه وبين

نفسه انه بيظهر الحق لو بعد مليون سنه .. فتح الغرفه وناظر في

اللي قدامه وانصدم وهو يشوف اللي يشوفه





















جالسه جنبها وهي تحاول تواسيها .. ومنيره حاطه راسها على

صدرها وكل ماتذكرت حركاته .. لعبه .. ضحكه .. حزنه

بكت اكثر واكثر .. ضمتها وضحى .. والمعزيات يحاولن يهدنها

وهن يشوفنها منهاره بقوه .. وكل من شافت منظرها وبكأها

وماهي راضيه تسمع لأحد .. طلعن بسرعه وكل وحده دموعها

في عيونها .. والحزن عام المكان بقوه

هند ونوره يباشرن بالقهوه على الحريم .. اما ساره حابسه نفسها

ورافضه انها تطلع لأحد .. كل ماتذكرت كلام نايف .. انهارت وبكت

بقوه .. هاذا اللي بيدها كل اللي خططت له وتترجاه يساعدها

واسبوعين وهي تنتظره وماترقد ويصير هاذا حالها .. هاذا

اللي قدر عليه .. بيزوجها واحد .. وش بيقول عليها .. او هو

وش قايل عنها .. ( بايـــــــــعة هــــــواء !!

كل ماتذكرت بس هالكلمه بكت اكثر واكثر


























حاطه بلوزة بجامته على وجهها .. وراقده في مكانه وهي ضامه

المخده بطريقه انها راقده عليها وضامتها

وقف فتره وهو يشوفها على هالحاله ..وهو مو مصدق اللي يشوفه

مشى بخطوات بطئيه وهو يقترب منها .. لين وقف على راسها

هزها مع كتفها .. وهي انزعجت منه .. وتشبثت في المخده

اكثر .. لو كان بموقف غير الموقف اللي هو فيه كان ممكن يضحك

على منظرها .. هزها اقوى

رفعت البلوزه وشافت وجهه .. شهقت بقوه وجلست وهي تعدل

نفسها .. وهي تلوم نفسها بقوه انها ماقفلت باب الغرفه

بلعت ريقها وهي تشوفه يرفع البلوزه ويناظر فيها .. وكأنه

يسألها عن وجودها على وجهها

حكت شعرها بإحراج .. وناظرته ببراءه غريبه عليها .. ووقفت

وبلعت ريقها

حذف البلوزه على السرير .. وطنش السالفه وجلس وهو

يقول بتعب – روحي اجهزي بسرعه بنروح بيت اهلي

انبسطت انه ماسألها .. وبنفس الوقت افرحت انها بتشوف خواتها

دخلت الحمام .. وبعد فتره طلعت .. صلت الظهر وخلصت

وشافته مازال على جلسته .. وكأنه يمسح دموعه .. استغربت

معقوله هالأدمي اللي قدامها ممكن يبكي

طنشت بس بنفس الوقت عندها فضول .. سمعته وهو

يقول – خلصتي

وقفت وشالت الشرشف عن راسها .. وطوت سجادتها وقالت – ايه

وش تبي

ألتفت عليها وشافت عيونه محمره وباين إن وراه مصيبه .. كان

من اول مجاها منظره بهالشكل بس هي ماانتبهت

قال بألم – ولد محمد عطاتس عمره

حطت يدها على فمها بصدمه .. وحست بقشعريره سرت في جسمها

كله وهي مو مصدقه – لا تكــــذب

صقر وهو يشهق ويخبي دموعه عنها – محمد لين هالحين ماعرف

إن ولده مات ولا حتى امه ,, بأخذتس لأم خالد وتعلمينها

رجعت خطوه على ورى وهي تقول – انت وش تقول اعلم المره

إن ولدها مات انت انهبلت

صقر وهو يوقف ويتكي على التسريحه بألم – ماحد براضي يعلمها

والمره لازم تأخذ عزاء ولدها وانا ماني بقادر اروح لهم بالحالي

بروح انا وانتي ونعلمها

حست دموعها خانتها ونزلت – صغير توه على الموت

لف وناظرها – هاذا اللي ربي كاتبه نعترض يعني

سكتت وهي تناظر عيونه والحزن .. والهالآت السوداء اللي مغطيه

منطقة العين كلها

صمتت فتره وقالت – كيف مات ,, توه البيرح عرس ابوه

صقر قال وهو يطلع بسرعه – حادث ,, انا انتظرتس في السياره

بسرعه انزلي



















فجأها يوم حب راسها .. وبسرعه طلع مثل الهربان

ألتفتت وهي تشوف ظهره .. والباب اللي اتسكر عقب ماطلع

غمضت عيونها وهي تتذكر .. حادث .. دم .. عيون بعيده

تناظرها .. اللي هي عيون ضــــــــاحي



























جابت المويه ومدتها عليه – تفضل اشرب

ناظر وشاف وحده من بنات عمه .. بس مايعرفها .. مايعرف

غير وضحى اللي تعرج

اخذ المويه وشرب شوي منها – وين امي

نوره – امك دخلت جناحها ترتاح ,, وعندها وحده داعيه تحدث عليها

وتقرى عليها قران

كان حاله مبهذل .. لاف شماغه على وجهه .. ومتلثم فيه .. ولابس

نظراته الشمسيه لان عيونه حمراء .. ترجاه ابوه يدخل يطمن امه

لانها مشافته من امس .. كان هو وصقر اللي مع الجثه طول الليل

ولين اصبح الصبح وغسلوها .. وصلوا عليه الظهر

نزل راسه وحط يدينه عليها وهو يشهق ودموعه تصب .. وهو

يتذكر جثته .. ويوم صب التراب عليه .. والمعزين اغلبهم يظن

انه ابوه .. وهو يحس هالولد قطعه منه ولده اللي مجابه .. هو اللي

رباه .. هو اول واحد خذاه للمدرسه .. يتذكر ذاك اليوم وهو واقف

ويمسح دموعه لانه مايبيه يروح عنه ويتركه في المدرسه

كل شي يخصه شاركه خالد فيه .. اول مااشترى السياره .. طلعها

من المعارض وخالد معه .. اول ثياب يطلعها لازم هو يشوفها عليه

ويمدحه ويحب رايه .. ساعه .. عطر .. جوال

نوره حزنت على حاله .. ومسحت دموعها .. هالولد مافقدوه هم بس

حتى البنات .. شاركهم في كل شي خالد






















( إنتظروني يوم الأثنين القادم .. بإذنه تعآلى )

 
 

 

عرض البوم صور عبق الرياحين   رد مع اقتباس
قديم 05-01-12, 10:42 PM   المشاركة رقم: 320
المعلومات
الكاتب:
اللقب:

البيانات
التسجيل: Feb 2011
العضوية: 218397
المشاركات: 56
الجنس أنثى
معدل التقييم: برود اعصاب عضو على طريق التحسين
نقاط التقييم: 84

االدولة
البلدSaudiArabia
 
مدونتي

 

الإتصالات
الحالة:
برود اعصاب غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

واخيرررررراً وصلت لاخر بارت ،،،
بارت مره حزينننن ما توقعت ابد خالد يمووت
،،
نايف / ساره
اتوقع بعد كلام ساره له راح يتزوجهااا ، حرام م تسوى عليها يوم تساعده
،،
صصصصصقر/ شيخه
صقر انت شي خياااالي ، كل شي فيك غير بس وش نسوي ب شيخه ام لسان
شيخه اتوقع حامل وذا عذفت انها حامل راح تبداء تحب صقر
،،
محمد / موضي
خلصنا من شيخه جتنا موضي وش جايك على محمد ،
محمد بعد ما يصحى راح تجيه الصدمات وراء بعض واكثر شي بيندم عليه هو معاملته الجافه لولده خالد
،،
النخله / هند
سالفتكم سالفه انتم بس اتوقع نهايتكم حلووووه ،،
-
عبوقهُ ،،~
تسلمين ي قلبيّ ،
ب انتظار البارت الجاي ( ورده )

 
 

 

عرض البوم صور برود اعصاب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:21 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية