لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 24-09-11, 07:26 PM   المشاركة رقم: 26
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

بسم الله الرحمن الرحيم ,, السلآم عليكم ورحمة الله
عيدي يابلآدي عيدي ,, ,, ألبسي الثوب الأخضر ثم غطرفي
أملي الدنيا سعاده يابعدي ,, ,, وري العالم حسنتس بعيوني وأرقصي
ياأرض ٍانبنت بدم جدي وهلي ,, ,, فيتس سقنا ارواحناوبغيرتس مانرتضي
( بقلمي)
كل عآم وديرتي بألف خير ,, كل عآم يالسعوديه وأنتي موطن الأمه الأسلاميه يارب
وأحب أهني خادم الحرمين فديته أبوي أبو متعب والشعب السعودي كآفه ,, لاعدمتكم والله
..
يآهلآ بكل اللي منضمين لنا جدد .. ويآهلآ بكل اللي شرف سهم في روايتها .. ويامرحبا
في كل اللي نقل روايتي الجديده لمنتديات مجاوره .. أسعدكم الله ومشكورين وأي اسئله
وإستفسارات من الأعضاء وحبايبي اللي هناك خبروني وأنا جاهزه لهم وفي الخدمه
..
إسمحولي مارديت ع أحد بس يشهد علي الله تعبانه .. ولاخلصت هالبارت القليل
بس المزحوم والدسم والثقيل غير اليوم ,, فيني حراره ورشح بعيد عنكم
..
بس أوعدكم البارت اللي بيكون يوم الأربعاء بارت يرضيكم إن شاءالله .. ولو ماكنت
واعدتكم ومتجهزه لهاليوم كان ماقدرت بس معزتكم وحبي لكم مايمنعني أطول عليكم
حتى لوكنت مريضه ومتعبه










مع آطيب الأمنيات بقرأه ممتعه
.
سهم المملكه
.
لإله إلا الله



( الفصــل الســــــــــــــــــــ 6 ــــــادس )


في المستشفى \ العنايه المركزه

صرخ عليه المشرف – انت مجنون كنت راح تسبب بموته

ناظر فيه بتعب وطلع من العنايه .. طفش كثير .. ماصارت عيشه ..كيف بيركز وهو غارق في مستنقع يبي يطلع منه بس موقادر

وصدمة الخيانه تهزه هز .. اليوم صقر فتح عليه جروح صعب تتسكر .. جلس على أحدى الكراسي حقت المراجعين ..

ونزل راسه ومسح وجهه وشعره بتعب .. ربت عليه حدى المراجعين – دكتور فيك شي

رفع عينه له ووقف – لا شكرن ( وراح وخلاه )


















فتحت الباب بتطلع ( سمعت صوت قوي )- على وين يابنـــــــت

رفعت عينها وانصدمت .. ووقفت تناظر فيه

خواتها اللي كانن يتبعنها بيوقفنها .. ناظرن في اللي تناظر فيه وشهقت وضحى .. ونوره مسكت فمها .. وهند اندست ورى ساره

ناظر فيها بتقطيب ورافع حاجبه وراص العصا في الأرض وشموخ الكون فيه – على وين

شافت صقر وراه ويناظرها ببرود وكأنه مامسوي شي .. وضاحي واقف ومتوتر

قرب منها وبفحيح مثل الأفعى – على وين

شيخه شكت انه جدها.. ألتفتت على خواتها وشافت الخوف في عيونهم .. مشت لين اقتربت عنده .. ناظرت فيه – من أنت

صقر بشموخ – ماعرفتيه !!

شيخه ناظرت فيه بقوه – ماحصل ألنا الشرف

صقر قرب من جده – هاذا جدك الشيخ فهيد آل قاسي

شيخه ضحكت بسخريه – من متى صار جدي ( خواتها جلسن يبكن .. السالفه مابتمر بسلام ابد )

صقر عصب .. والجد قطع عنه اللي كان بيقوله – وين تبا تذلفين

شيخه ناظرت فيه بقوه .. ذكرت هالنظره فهيد بناصر ابوها – اذلف ؟ ليه شايفني جيت هنيا برضاي ترى كل اللي حولك تسدحوا يبونا

نجي وليتنا ماجينا

فهيد بأمر – ومكانن جيتيه منتي بظاهرة منه

شيخه ضحكت بسخريه – الله يرحمك يابوي ( تقصد فيها انها ماتلوم ابوها لان فهيد قوي وابوها صارع موج )

من قالت كلمة ابوي حتى نفضت فهيد هالكلمه وصرخ – الله لايرحمه لاهو اللي ريحني لاحي ولا ميت ذلف وترك عيبته أحملها طول عمري

ناظر في صقر – صقر

صقر – سم ياجدي

فهيد – عجل ازهم بالمملك هذلي عايبات ولازم ينشكمن بريجيل

شيخه وقفت بين الجد وصقر وبعرق ينبض قهر – وش عايبات وش مسويات حنا ووش ينشكمن وش شايفنا دايرات على حل شعورنا

ونتسكع من شارع لي شارع حنا بنات ناصر اللي يوم جاب وربى ربى وجاب

فهيد صفعها كف – انتي لتس عين تطرين اسم ابوتس خايب الرجا مقيوله بنت هنديه وش يرتجي من وراتس وش عرفتس بسلومنا وعوايدنا

مير والله واللي حط هالشيبات في راسه ( ويأشر على شيباته ) ان عصف رقابتسن يابنت نويصر في يدي مير اذلفي وراتس

( دزها من طريقه وراح ) .. شيخه مسكت كتفها بقهر .. واتجهت للملحق ودخلت في الحمام وقفلته عليها .. ووضحى تضرب الباب عليها

ونوره وساره وهند يبكن

وضحى تضرب الباب – شيخه افتحي دخيلتس افتحي

شيخه بقوه وبعصبيه – وضيح روحي عني في السعه ماني بفاتحه لأحد ( وتصارخ بقهر ) شايب توه يعرفنا وش عرفه فينا

خمس سنين مهب راضي ابنا توه درى عنا

وضحى تركت الباب وناظرت في خواتها ودمعت – حسبي الله ونعم الوكيل



















بيت ضاحي \ في مجلس الرجال
فهيد يصارخ – وابوك وراه يروح يطارد وراهن انا قلت ماأبيلهن أثر ورايح من وراي يجيبهن

ضاحي اللي كان جالس ومنزل راسه للأرض معاد فيه حيله يتكلم .. ضام بنات اخوه اليتيمات

سعد بهدؤ – جدي تراهن بنات وين تبا نهيتهن ترى سمعتهن من سمعتنا لاتنسى ان الناس درت بموت عمي ناصر من زمان

وعارفين ان عنده بنات وحنا ماجبناهن ,, ترى مانقدر نكمم افواه العربان

فهيد ويضرب على راسه – حسبي الله عليك يانويصر حسبي الله آآآآآآآآآآآآآه ياظيمي ظيماه

ضاحي وسعد ناظروا في فهيد اللي باين انه يحس بمراره وظيم في صدره

سعد بن فهيد دخل للمجلس – وش صاير وش فيه ياضاحي ( وهو يناظر في اخوه ثم ناظر في ابوه اللي باين انه تعبان )

مشى لين جلس عند ابوه – ابوي علامك

فهيد – علامي اخوك اللي الله لايرحمه جاب بنات وهيتهن عقب ماذلف وحشرهن بتسبدي

سعد ناظر في اخوه – بنات ناصر هنيا

ضاحي بحزن وتعب واضح فيه – ايه ( قطع السالفه الاتصال اللي جاه .. كلم شوي وقال – صقر جاب المملك

سعد بن ضاحي وقف وناظر فيهم – ياجماعة الخير مايصير لازم تحليل

فهيد ناظر فيه – وش تحليله بعد

سعد – ياجدي اللي يملك هالحين لازم يحلل هو واللي بيأخذها الخوف من الامراض الوراثيه

فهيد وقف – اقطع هالعلم اللي مامنه فائده عانّا من ضاري نتزوج ولا نحلل ولاصار غير الخير

سعد بيحاول ينقذ بنات عمه – بس ياجدي

فهيد بعصبيه – اقطع ياولد اقطع

سعد – طيب

 
 

 

عرض البوم صور عبق الرياحين   رد مع اقتباس
قديم 24-09-11, 07:28 PM   المشاركة رقم: 27
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 




بيت سعد بن فهيد \ عند الباب

اندق الجرس وفتحت الشغاله .. دخلت ام عيسى ومريم – وين موضي

الشغاله – داخل

ادخلن للبيت وام عيسى تنادي – ياموضي ياموضي

طلعت عمشا مرة سعد وهي تلبس الجلال حقها وبرقعها فوقها .. ناظرت فيهن وانصدمت – علامتسن

ام عيسى – علامنا جايين نأخذ عيالنا اللي منعتهم عنا سلوقيتس

عمشا بطيب نفس – انتن اقلطن الله يحيتسن

مريم بقهر – ماحنا بقالطات خلي عيالنا يجون

عمشا – انتن اقلطن وتقهون ويصير كل شين زين وطيب

ام عيسى – حرام فنجالن اشربه عندكم ياذي قاسي مااني بناسيت سوايكم في ولدي عساكم تذوقون ضر اللي سويتوه فيه

طلعت وضحى على هرجتها – انتن صاحيات ولا مجنن جايات مدرعمات وتدعن

ام عيسى – انتي يالعجوز الباليه اسكتي مالي هرجه معتس وينهي مويض الله لايردها




بسرعه ريم دقت على اختها اللي كانت في شغلها في البنك – هلا

ريم بخوف – موضي الحقي ام عيسى واخته عندنا

موضي وقفت بصدمه – وش تقولين

ريم – يبن عيالتس يقولون نبي عيالنا وتحت يتهاوشن مع امي وجدتي

موضي – يويلي يمه عيالي صكري صكري بكلم السواق يجيبهم إلي هنيا













في بيت ضاحي \ مجلس الرجال
المملك جالس بين فهيد وضاحي

المملك – عطوني أوراق البنت

فهيد ناظر في ضاحي – رح عطنا أوراقهن

ضاحي اللي مكسور عينه قدام بنات أخوه وقف – طيب

اتجهه لهن ولقاهن كلهن جالسات في صالة الملحق – السلام عليكم

شاف شيخه تناظر فيه بشموخ عالي ولفت وجهها عنه ووضحى – عليكم السلام

ضاحي قرب لين جلس حولهن – اسمعن يابناتي يشهد الله علي اني ماقدرت اسوي شي ماسويته ( ناظر في شيخه ) شيخه وانا عمتس

صحيح اني ظمتسن بالحيل مير واللي خلقني اني ماأخلي صقيران يضيمتس انتي وافقي عليه وانا متى ماسوالتس شي يحرم علي النوم

وانتي شاكيته غير لين اخذلتس حقتس

شيخه ناظرت فيه وبقرصه – عمي انت يوم جيت ألنا حلفت ماأنت بضايمنا ( قرصه خلت ضاحي يسكت ويوقف )

ضاحي ناظر في وضحى – عطني أوراقتسن

شيخه بريعه وقفت – من غيري بتزوجونه بعد إذا رضيتوا الهم فيني والله ماأرضاه على خواتي

ضاحي – تطمني ماغيرتس احد

شيخه اتجهت للشنطه وطلعت الأوراق وبإبتسامه تمثيليه –وليش ماتقول إلي ليش وضحى خايف ببكي مثلا ( مدت عليه الأوراق ) تفضل

وبارك لولدك قله شيخه تقول مبروك عليك شيخه والأيام بينا

ضاحي اخذ الأوراق وهو ينفث الهواء اللي في صدره – الله يعين

اتجهه بالأوراق لمجلس الرجال ,, وواجهه في طريقه اخوه سعد

ضاحي ناظره – سعد وش فيك مستعجل


سعد – ام عيسى عندنا هي وبنتها تبي عيال ولدها

ضاحي – دقيت على حدا من العيال ولا أخذ صقر معك ( يقصد اللي يشتغلون في الشرطه )


سعد – صقر مهب يمنا دقيت على ضاحي وتلفونه مسكر بدق على محمد في السياره ( ومشى بسرعه للسياره )
















في بيت سعد بن فهيد

عمشا وهي معصبه – والله انها ماهي فيه في شغلها انتن معاد تنفع معتسن الهرجه


مريم بعصبيه – ومتى بتشرف حضرتها ولا زبنت الساعه غدت اثناعش
عمشا وهي تنفث الهواء اللي في صدرها – ماهيب جاية هالوقت ماتجي غير ثنتين

ام عيسى – بالطقاق اللي يطقها وش نبي ابها حنا نبي العيال وراهم مارجعوا من المدرسه

في هالأثناء دخل سعد ومحمد وراه وهم يتحنحنون

سعد ومحمد – السلام عليكم

ام عيسى وقفت إلهم – سعد طلع عيال ولدي مايكفيكم اللي سويتوه فيه تبون تحرمونه عياله

سعد عصب من هرجتها – وش طلع عيال ولدي وينه علمتس يوم تقولين لولدتس طلق موضي واحذف عيالها اللي مامنهم خير

دام موضي امهم هاه

ام عيسى بقوة بأس – ولا يصير تحرمونه عياله ندق على السلوقيه بنتك ونقول هاتي العيال ابوهم يبي يشوفهم وهي معيه

محمد بعصبيه – اثر فيتس علم تبين تسحبين عيال موضي للسجن ترضين إلهم يدخلون السجون

ام عيسى ناظرت فيه – انت اقطع ولا تهرج

محمد عصب – اقطعي انتي

مريم تهرج عمرها ورافعه صوتها تبيهم يسمعون – والله ماانظلم غيري انا وانت يااخوي اثاريهم طايحين حب في بعضهم

وحنا ياغافلين لكم الله

محمد ظهر عقاله ومسطها ابه وهو يسب فيها ووضحى وعمشا وسعد يمسكونه

مريم اتخبت ورى امها وتبكي – يالكلب والله اني اظهر اللي سويته في الشرطه واني لأشتكي عليك تحسبك لهالحين رجالي

تبي تسوقني على كيفك تخسى والله اني لأشكيك في الشرطه

محمد بقو بأس – اشكي وإلي يطلع بيدتس سويه ( وناظر في أمها ) وأخذي امتس معتس البيت يتعذرتسن

ام عيسى بصراخ وهواش – والله والله اني لأشكيكم في الشرطه ياذي قاسي واني لأفضحبكم عند العربان ياللي مهيتين بناتكم

( وهن متجهات لبرى هي وبنتها )

محمد يبي يركض إلهن ومسكه سعد – انت انهبلت خلاص عين من الله خير

عمشا جلست تبكي – حسبي الله عليهن بيفضحن موضي وبيشكنها في الشرطه

محمد ناظر في عمشا – وانا وين رحت ياعمه ( ومسك شنبه ) مايكون ذا الشنب على رجال ان ماغسلت قداحينهن














في بيت ضاحي

دخل فارس بالسياره .. وناظر البيت مليان ريجيل .. وصقر وأبوه يودعون شيخ عند الباب .. ركن السياره في المواقف

ونزل من السياره .. متجهه للمجلس .. لقى سعد وجده – السلام عليكم

الجميع – عليكم السلام

فارس – وش صاير

سعد اللي يطقطق في البي بي – مبروك صقر اعرس

فارس بتعجب – اعرس من أخذ

سعد – على من يعني على شيخه

فهيد وقف بشموخ ووقف سعد معه – قل لأبوك ترى جدي مايبي لبنات هالجيفه ذكر ولايجيبهن عندي خلهن يقعدن عنده وانت ( يقصد سعد )

-امش وصلني

سعد دخل جواله في مخباه – سم طال عمرك

فارس تركهم واتجهه عند أمه داخل .. لقاها في الغرفه حقتها وتصلي .. جلس على السرير لين انتهت

منيره سلمت وألتفت بشرشف الصلاه عن ولدها تستحي منه ولفت راسها عليه – راح المملك

فارس – ايه راح وش السالفه

منيره بحزن – وش سالفته اخوك سوى ألنا سالفه اليوم وشيخه ماخلت علم ماقالته

فارس – وهو غصب يعرس على وحدة ماتبيه

منيره – الا قل ماهيب طايقته مير الله يستر منك ياصقر لايضيم اليتيمه ويجبرنا نسكت على الضيم ويحافينا الله

فارس – وهي وش سوت وافقت وجدي وش سوى

منيره وقفت وطوت سجادتها – فارس رح عني في السعه يحبك وانا امك للبربره رح خلني افكر وش اسوي للضعيفه

هي بتجي هنيا ولا وين بتروح هي وصقر

صقر دخل عليهم – انا ماتزوجتها لأجل الزواج هالبنت قويه وابيها تحت عينتس يايمه انتي ربيها

منيره بعصبيه – وش اربيها بعد خاف الله

فارس – صقر وش هالعلم بنات عمي متربيات

صقر ناظر فيه من فوق لتحت – انت اقطع لأهرجوا الكبار تسكت ( ناظر في امه ) انا هالبنت ماأخذتها غير ابيها تعرف السلوم

حقتنا وابيها مثلتس فيها شي

منيره بقهر – انت بدال ماتهرج وواقف عندي المفروض تروح تشتريلها طقم ذهب وبعدين متى تبا تدخل بها

صقر بصدمه لأمه وفارس – ومن قال بدخل بها

منيره ضربت على صدرها – انت تبي تفضحنا

صقر وهو يتذكر جرحها له في الكلام – انا بدرسها اليوم درس ماهيب ناسيته في اللي سوته وقالته عني


















في منطقه بريه بعيده عن الأعين

قاعدين يراقبون الكمين جاهز وكل شي .. بس ينتظرون المُسلم للبضاعه عشان يقبضون عليه .. وقاعدين يرسمون للكمين بحذر

لانهم اخطر عصابه في السعوديه

ضاحي اللي يكلم سلمان الشاب اللي بيستلم البضاعه بالتلفون لانهم بعيد عنه بس يراقبونه – اسمع انت لاتخاف ان حسيت بخطر طلع زنادك

بس حاول حاول ياسلمان مايموت نبيه حي

سلمان – ابشر طال عمرك

ضاحي – خلاص اجل تراه قرب لك

سلمان قبل لايسكر صدم ضاحي – طويل العمر شكل معه احد وشكلها حرمه

ضاحي بصدمه – ايششششششششش حرمه

 
 

 

عرض البوم صور عبق الرياحين   رد مع اقتباس
قديم 24-09-11, 07:37 PM   المشاركة رقم: 28
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة فيتامين سي مشاهدة المشاركة
  
السلام عليكم ورحمة الله وبركاته
الفصل قمه في الرووووووووووووووووووووعه

أعتقد اللي جاء وتكلم الجد وراح يزوج شيخه من صقر ويمكن يزوج كل البنات لعيال عمانهم
وأتوقع وضحى راح تكون من نصيب محمد

شيخه وصقر
والله يستاهلون بعض كل واجد أعند من الثاني خلهم يكسرون روس بعض
لين يطيح اللي براسهم

نايف
من نغزة صقر تأكدت إنه حب وحده أجنبيه ويمكن تكون ماهي مسلمه
وصقر يعرف بحكايته ويمكن هو السبب في بعده عن حبيبته وهذا سبب
العداوه اللي بينهم من بعد ماكانوا يحبون بعض

مريم واللي معها راح يستغغلون غياب الجميع وإنشغالهم ويأخذون عيال موضي

منتظرين يوم السبت بفارغ الصبر

وعليكم السلاك ورحمه الله وبركاته

ياهلا وغلا بفوفو تسلمين يالغلا على مرورك الرائع
لاخلاولاعدم

 
 

 

عرض البوم صور عبق الرياحين   رد مع اقتباس
قديم 24-09-11, 07:39 PM   المشاركة رقم: 29
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة altafoo مشاهدة المشاركة
   اهنيك على الرواية الرائعة استمتعت بقراءتها من البارت الاول والله يوفق اللي كتبتها ونقلتها ششششششششششكرا انا فلسطينية بس احب اللهجة الخليجية واستمتع بقراءة الروايات الخليجية واعجبتني الواية كتير والله يعطيك الف عافية بس حابة اعرف الكاتبة متى تنزل البارتات ولك جزيل الشكر

مساؤك ورد وجوري

ياهلا والله وغلا بالطاف
تسلمين حبيبتي على هالكلام الحلو
يوفقني ويوفق الرحمن

يالغلا الكاتبه بعد نهايه كل بارت تحدد موعد نزول البارت
الي بعده
لاخلاولاعدم

 
 

 

عرض البوم صور عبق الرياحين   رد مع اقتباس
قديم 24-09-11, 09:45 PM   المشاركة رقم: 30
المعلومات
الكاتب:
اللقب:

البيانات
التسجيل: Dec 2010
العضوية: 207246
المشاركات: 243
الجنس أنثى
معدل التقييم: مميز الطيب عضو بحاجه الى تحسين وضعه
نقاط التقييم: 13

االدولة
البلدSaudiArabia
 
مدونتي

 

الإتصالات
الحالة:
مميز الطيب غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

السلام عليكم ورحمة اللةوبركاتة
عبق نقلك لرواية جنان تسلم اناملتس والرواية خيييال وسهم الممملكة رائعة ومتمكنة من سرد الرواية ماشاء اللة
عن جد رواية تجنن
حابة اتكلم عن الشخصيات شوية
صقر رجولي وبقوة شخصية رائعة بنضري ومتاكدة رجولتة تمنعة من انة يمد يدة على شيخة بس راح يادبها بطريقتة
اعطي شخصيتة مية من مية
محمد
يااخينا تزوج موضي وخلصنا ههههههههههه شخصيتة بعد حللوووة صح محمد الي عندة ولد وبنت خالد وخلود هذا الي اقصدةهههه
فارس لابد من وجود شخص طريف خفيف الدم بالعايلة وهذا هو فارس
الجد قاسي عن جد اسم عايلتهم على شخصياتهم هههههه بس خذوها مني راح يحب بنات ولدة وقولو مميزة ماقالت
الجدة يحبيلها طيووووبة
وضحى بنت ناصر امراءة عن جد بس سلبية احسها ههه موقصة تستسلم عكس شيخة بس عسسللل
شيخة بطلتي صراحة تعجبني تاخذ حقها بالقوة بعد وشخصيتها ولسانها مرة بنت ارجال ههههههههه
وبس هذي الي حابة اقولة
وتقبلي اطلالتي
اختك في اللة :مميز الطيب

 
 

 

عرض البوم صور مميز الطيب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:38 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية