بسم الله الرحمن الرحيم ,, السلآم عليكم ورحمة الله وبركاته

اسبوع كامل فصلني عنكم وماتعرفون حجم الشوق اللي شلته لكم في قلبي

آسفه سامحوني على التأخير ,, والله يعلم وش عندي من أشغال ومن اوقات

مضغوطه فيها بس ضاغطه على نفسي بقوه

...

بالنسبه للبارت وقفت على وقفه ولا وحده اقتربت من وقفتها هاذا كل اللي اقدر اقوله

يمكن اقرب وحده وردة الزيزفون بس ماأقتربت بالحيل بس وصلت لها

..

بالنسبه لبارت يوم الخميس ومايحمله من خير او شر على هالعائله بنلتقي يوم الخميس

القادم وبنعرف وسامحوني اني بتأخر عليكم

..

وبالنسبه اللي باركولي في عمتي ( الله يبارك فيكم ,, وعقبال العزابيه ع قولتهم )

وهي جابت بنوته حلوه بس ليش نفسي اسميها ( نور ) خخخخخخخخ

بسم الله عليها وعسى قصتها مو مثل قصة نور


..

وحلوتنا عبوقه مشغوله هاليومين واتمنى لها السلآمه وأوقات سعيده لكم يآل ليلآس

وتقبلوني هالأسبوع بينكم







مع اطيب الآمنيات بقراءه ممتعه

.

سهم المملكه

.

لإله إلا الله









( البارت الرابــــــــــــــــــــــــ 24 ــــــــــع والعشــــــــــــــــــرون )





مسح دمعته ..حاس يإنكسار.. محتاج حد جنبه .. حد يواسيه

في همه .. بس اظاهر انه بيبقى وحيد .. وهو يصارع اللي

يصارعه .. انحطت يد على كتفه .. رفع راسه بخوف وهو

يناظر بالإنجليزي – نعم

الممرضه – الدكتور يريدك حالا في المكتب

هز راسه ووقف .. مسح على وجهه بتعب .. اتجهه على المكتب

ونبضاته تزداد خوف ورهبه من القادم








حس إن ريقه نشف .. وهو يشوف اللي قدامه .. منظر مريع

وصراخ مخيف من حوله .. ألتفت يمين ويسار .. سمع صوته

وهو يصرخ عليه – خــــــــــــــــايف يالرخمــــــــــــــه

حس إن عرق رقبته ينبض بقوه ,, قهر .. وضيم .. كيف طلع

ووشلون طلع .. ماكانوا مفتكين من شره

سمع صوت فارس معصب – بتذبح ولــــــــــــد أختك يالرخمــــــــــه

صرخ خالد ودموعه تنزل – بابا ,, عمي فااااااارس بيذبحني ماابي اموت

صرخ عليهم بقهر – انتم ماذبحتوني وبس يآل قاســـــــــــــي انتم

حتى الرحمه نزعتوها مني

صرخ الجد فيه – نزل الورع يالرخمــــــــــــــــــــه !!

تكلم بعد جهد جهيد وهو ينازع رغبه تحثه على قتله بدم بارد – ان كان

فيك خير وصاحي نزل الورع من يدك وتعال واجهني وجهه بوجهه رجال

لرجال مرجله بمرجله ,, اما تسانك تبي تخبى بهالورع اللي في يدك

وهالمسدس اللي حاطه في راسه يحرم علي قدام هالأشناب إن عديتك

رجال وفيك مرجله ياولد امك

بسرعه نزل خالد من يده اللي ركض لعمه فارس وهو يبكي بقوه – عمو

فارس يبي يذبحني انا خايف

ناظروا بعض ,, وقهر السنين يحكي بينهم .. قهر الرجال موجع موجع

ولا مثل أي قهر .. حط المسدس بصدره .. وهو صامت ولا كلمه .. ينتظر

بس يتجرأ ويسوي شي .. لانه عارفه رخمه مابيده شي

حط المسدس وهو يحس بوجع قاتل ,, قضية إختلاس ورشوه متلبس فيها

زوجه ومطلقه غصب من ورى خشمه .. وعيال مشتتين عن حضنه

رغبة انه يبي يبني ويكون اسره مع زوجه ظل سنين وسنين وهي مافارقت

طيف أحلامه .. زوجه يوم اجتمع فيها تنزع منه بالقوه .. ومن اللي نزعها

نزعها الجبروت اللي واقف قدامه

النظرات صارت تحكي .. والعيون صارت تهدد وتتوعد .. والقلوب من

حولهم صارت ترجف .. وتوقف الزمن فيهم يوم أطلقت رصاصه صرخت

فيهم موضي وهي تقول - لااااااااااااااااااااااااااااااا












ضرب باب السياره بقهر ونزل منها .. ناظر يمين ويسار وهو مبهذل

وثوبه مشقوق من عند صدره .. حاس بالظلم والقهر برك في الأرض بقهر

وهو يخبط بكف يده التراب اللي تناثر حوله .. واللي شهد على

ضيم إنسان مغبون والدنيا مارحمته

حس بدمعته اللي نزلت على الرمل وكونت نقطه .. نقطه .. لما حس

إن المطر شتت مكان دموعه .. رفع عينه للسماء .. ونزلت قطرات

تبكي معه على حاله .. ضيم , غبن , قهر ,, والأهم ظلـــــــــــــــــم










سمع همسات ابوه .. اللي يتصبب عرق – وين اخوك !!

حس بالقهر وأبوه يسأل عنه ,, بيظل طول عمره صقر هو المحبوب

هو الرجال ,, هو اللي أقرب لقلب ابوه الهايم في حبه .. ألتزم السكوت

سمع صوت طلق رصاص وصرخة موضي .. وقف بسرعه وركض

بس ابوه مسكه مع ثوبه – نايف وش العلم

اجحظت عيونه وهو يسمع الصرخات تتكرر .. حد من اخوانه صابه شي

صراخ مستمر وصياح وعويل

ترك ابوه وركض برى .. وانصدم صدمة عمره وهو يشوف أعز أخوانه

لقلبه طايح ودمه يصب .. والجميع ملتم حوله











كرر كلام الدكتور – تأهيل نفسي

الدكتور – نعم المريضه تحتاج إلى تأهيل نفسي للقادم

ضاحي بصدمه – بس هي فاقده الذاكره

الدكتور يشرح له – هناك بعض فاقدين الذاكره لاينسون الموقف اللي

سبب لهم فقدان الذاكره .. بس مع ذلك يفقدون الذاكره

بلع ريقه بخوف – وكم مدة العلاج

الدكتور – على حسب إستجابة المريضه

ضاحي – هل تتقبلني

الدكتور – عاده هولاء المرضى انهم يحبون العنايه بهم والإهتمام يجب

إن تكون بقربها وان تعطيها كلمات مشجعه تستحثها على العلاج

ضاحي سكت وهو مهموم .. كيف بيسوي كل هاذا وهو مو زوجها صح

انه يفكر يتزوجها .. بس مهموم ويتمنى تتشافى وهو اللي يزوجها بس

بعد هالحاله والصياح من بيتقبلها .. هو المسؤول الأول والأخير عنها

وغصب في هالحاله يتزوجون .. لازم يسأل شيخ عن حالتها ويبدأ

يتقرب منها بس هو جاهل في الحكم حاليا .. والمشكله انه مايبي يتقرب

منها الا وهو متزوجها .. لازم يتزوجها ثم يبدأ في علاجها .. بس كيف

وهي فاقده الذاكره وتصيح كل ماشافته وشافة حد .. زفر بضيق ووقف

من عند الدكتور وهو قاصد السفاره السعوديه ليسأل احدعن حكم حالتها والإرتباط فيها بهالحاله

حس انه مربط وهو واقف مكانه .. الكل يصرخ حوله ويبكيه

والجد وسلطان يمسحون على وجهه .. لف بعيونه وشاف الوضع

ومحمد واقف مذهول من اللي صار ,, كان بيذبح محمد بس دز المسدس

والطلقه استقرت في فارس اللي واقف ورى محمد .. ركض للمسدس

اللي طاح من عيسى من الصدمه والريعه

وانقلب الوضع محمد ماسك المسدس ومصوبه بإتجاه عيسى اللي عيونه

شطحت من الصدمه

ركض لعيسى وهو عرف الوضع .. ومسكه وهزه بقوه وصرخ

في وجهه – ليييييييييييييييييييييييييييييييييييه

عيسى دموعه نزلت ,, وهو مو مصدق اللي صار

صرخ محمد – نااااااااااااااااااااااااااايف ابعــــــــــــــــــــــد ابي اخلّص

عليه

صرخ العم فيهم – اطلبوا الأسعاف اخوكم فقد الوعي

منيره وهي تصرخ – يمــــــــــــــــــه فااااااااااااااااااارس لااااااااااااااااااا

يمه لاتموت لاتمــــــــــــــــوت

الجده تهز فارس وتبكي ( وتدعي على عيسى ) – حسبي الله عليك ,, الله

انه لايبيحك في السماء وفرع الأرض يويلي يالنخله قم قم ياحبيب جدتك

ركض نايف له وركض محمد .. نايف بسرعه تفحص نبضات قلبه

لقاه ينبض .. بسرعه شاله هو وسلطان في سيارته ,, والكل يصرخ ويبكيه

وركض معهم ابو ضاحي ,, اما محمد ركض لعيسى ومسدس بيده

ويبي ينتهي منه

لين وقفت موضي في النص وهي تصرخ – لااااااااااااااااااااااااااااااا

انصدم صدمة عمره ,, بتظل وماتزال تحبه ,, وتفضله عليه .. هي

كذا انخلقت تحبه .. وبتظل تحبه

موضي شافت الصدمه في عيون محمد .. اللي قرب منها وهو يصرخ

في وجهها – والله والله واللي حط ذا الراس ( وهو يضرب على راسه )

إن تحرمين منه ولاتمنين الموت ولا تشوفينه

دزها بقوه .. وطاحت على الأرض .. ومسك عيسى اللي كان مذهول

ومو مصدق اللي صار .. جاي يبي ينتقم من محمد يذبح اخوه .. وهالإنسان

بيظل حجره وعثره في طريقه .. بيظل خانق الهواء والأكسجين عنه

مسكه مع رقبته وهو مكتف يدينه .. وركبه السياره غصب عنه تحت

صراخ عيال موضي اللي يشوفون ابوهم يهان ويقاد بهالطريقه البشعه













حضنته بقوه وهي تخفف عليها – دخيلتس ياعمه لاتبكين

منيره وهي تنوح – عيالي عيالي ياوضحى راحوا واحد ورى الثاني

قدام عيوني ردولي فارس ابيه ابي ولدي

شيخه واقفه عند كسر الخيمه وتناظر منيره بشفقه .. وهي تشوف

وضحى وعمشاء يطبطون عليها .. سمعت صوت بكى .. ورى الخيمه

طلعت تستطلع الوضع .. عشان تنصدم بهند تبكي .. وماسكه فمها تكتم

الصوت










يسمع صوت جواله .. بس لازال مطنشه .. بس بعد فتره وقف واتجهه

له .. ناظر وشاف 55 إتصال .. فتح القايمه وانصدم بالمكالمات الهائله

من محمد .. حذف الجوال وركب السياره .. اكيد انه يدق عليه يقنعه

يرد عقب ماانطرد وانهان .. ريح جسمه على كرسي السياره وهو يسترجع

اللي حصل كله .. والأهم من هالطفل اللي في جوال اخوه نايف .. من يكون

من ولده !!











حطوه في السرير . ودفوه بأقصى سرعه .. لغرفة العمليات

الممرضه – نطلب الدكتور معاذ

نايف صرخ في وجهها – لا انا اللي اسوي العمليه

دخلوا بسرعه للعمليات .. ونايف يتصبب عرق وخوف على حالة اخوه د

وسلطان والعم ابو ضاحي معه ..

سلطان مسك نايف قبل يدخل – نايف انتبه لأخوك ,, وطمنا كل شوي

حنا بنتتظرك هنا

نايف يهز راسه وهو يركض وراهم ,, ماتخيل ولا بيتخيل إن فارس يصير

له هالشي













في شرطة محافظة حريملا

عطاه كف لف وجهه وصرخ عليه – انطــــــــــــــــــــم

الضابط مسكه – محمد

محمد منهار ومو مصدق إن اخوه مصوب – ياعبدالله ذبــــــح اخوي

الكلــــــــــــــب

عيسى شاطح فيه ومقهور من الكف اللي خذاه

عبدالله – إن شاءالله انه سليم

محمد بعصبيه وهو يناظر عيسى – من الحيوان اللي طلعــــــك

عيسى بقهر – ماهب انت اللي تحدد متى اقعد ومتى اطلع طلعت ابي

اذبحك وينتهي العالم من شرك يالمجرم

ركض بيضرب فيه مسكه عبدالله – خلاص محمد خلاص

دق جواله وشاف رقم سلطان

محمد – هلا سلطان

سلطان – محمد حنا في الرياض نايف رفض انا نجي مستشفى حريملا

يقول مانبي مستشفيات المحافظات

محمد مط عيونه – ماانتم في حريملا !!

سلطان – لا ,, نايف يقول لي انا وخالي هو اللي بيسوي العمليه

والمستشفى اللي هو فيه يقول متخصص بهالحالات

محمد – خلاص انا جايكم ,, مسافة الطريق بس

سلطان بقهر – والمجرم الخايس وش سويت فيه

محمد وهو يناظر فيه – والله لايأخذ قصاص لو مانجى فارس

عيسى بلع ريقه

سكر من سلطان .. واستأذن وطلع للرياض

المغرب \ قريب صلاة العشاء

في المستشفى سعد وصل لهم وهو يركض .. شاف سلطان

سعد بريعه – وينه فارس وين

سلطان – من علمك انت !!

سعد معصب – محمد بس قلي وين فارس

سلطان – لسه في غرفة العمليات وخالي سعد في الحمام يتوضى

سعد حاس بالخوف والرهبه .. وقف وهو يغمض عيونه

فارس مو بس اخوهم الصغير ,, فارس احن واحد فيهم .. واقرب

واحد للجميع

صحيح اصغر منه .. بس فيه اشياء وافعال هو يكون اكبر منه .. خصوصا

في مجالس الريجيل والأجتماعات ,, يعرف يتصرف أفضل منه وأحسن












هالمره يوم دق الجوال كلمه ,, وشاف في الاسم محمد

بعصبيه – لاتكلمني ماني براجع واخــــ

محمد قاطعه وهو معصب – انت وينك !!

صقر بعصبيه – مايخصكم فيني عساني

محمد قاطعه بقهر – اخوك في المستشفى بين الحياه والموت

صقر – اخوي !! أي اخو

محمد – فارس

صقر – فارس ,, وش فيه

محمد – انت تعال لنا في مستشفى الملك خالد

صقر ظلم وجهه – طيب طيب جاي









في البر

منيره تصرخ ,, والكل ملتم حولها ويشاركه البكى والحزن

ناظرت في شيخه – دقيلي على صقر ماني بجالسه هنا ابي ارجع ابي

فارس

شيخه بلعت ريقها – طيب

اخذت الجوال ودقت على صقر اللي بصعوبه رد عليها

وصرخ في وجهها – وش تبيـــــــــــــــن

انقهرت من إسلوبه وبغت تسكر .. بس تذكرت حالة امه

بقهر – انت وينك

صقر بعصبيه – قلت لتس وش تبين

انقهرت من عنجهيته – ماهب انا اللي ابيك امك تبيك

صقر بفظاظه يكلمها – عطيني امي

عطت الجوال منيره اللي بكت وهي تكلمه ,, وتشكي الحال وتعلمه في

المصيبه ,, وصقر مايدرون وش يقول لها .. بس ماسكرت منه غير

لين اتفقت احد يجي ويأخذها .. واظاهر انه هو اللي بيجيها













( هل مازال للمصايب بقيه وأحداث ,, انتظروني يوم الخميس

القادم ,, بإذنه تعالى )

صباح الخيرات سهومة .........مبروك المولودة الجديدة و الله يخليها لكم يارب ...... بارت مليان مصايب واكيد للمصايب بقية لسى في الطريق والله يستر على مين جاي الدور


مسكين فارس الي ماله بالشر جات فوق راسه هو ...ليتها جاية بالشيبة وعلى قبره كان ريحنا من شيفته والله كان ودي فيها لنويفان بس عاد بعد سواته بسارة مانبيه يموت الحين عادي بعدين يفطس ماحد بيزعل عليه


اعتقد اصابة فارس خطيرة وراح يظل تحت رحمة ربه فترة ...بس اهم شي سهومة لاتموتينه تراه ملح الرواية وبعد المصايب نبي الي يفرفشها من جديد


ظهور عيسى في هالفترة ماادري هل بيمنع زواج محمد وموضي او رجوعه للسجن مرة ثانية بيبعده عنهم بس كيف عرف مكانه والي يعل القلب مافكر بعياله جاي ذبح محمد وبيتم عياله وعيال اخته ابد ماكو تفكير بعقل

مااعتقد محمد هو الي دبر التهمة مهما كان هو رجل امن بس يمكن مريم وامه هم الي دخلوها براسه وخصوصا امه وهو كان شايف كيف امه دمرت حياته مع موضي كانت تثير المشاكل بينهم واكيد دخلت الشكوك براسه من خلال كلام مريم الي ماقدرت تكسب قلب محمد لذلك حطت قهرها بموضي ماتبيها تكون مبسوطة وهي عايشة بقهر

عيسى هو الي ماحافظ على موضي لانو كان يمد يده عليها ويصدق كلام امه عنها ويشك فيها لايحط اغلاطه على غيره

اما موضي اعتقد انو الي سوته من خوفها على احد ثاني ينصاب لانها مابتدافع عن عيسى ةهي تشوف احب عيال عمها عندها مرمي بدمه

والله حالة منيرة توجع القلب اثنين من عيالها تفقدهم بيوم واحد الله يعين قلبها والله ..........كله من الخسيس نويفان

يالله ربي مامهله يفرح بنصره الوهمي الا وحرق قلبه على اخوه ليته بعد الي صار يصحى ضميره ويصلح المصايب الي سواها ومايهرب للمنكر مرة ثانية

اما الولد مااعتقد انو ولد اي واحد منهم بس لانو نايف مقهور من صقر ويبي عليه زلة ينتقم منه فيها فصدق هالشي حتى بدون مايكون عنده دليل قاطع

وهذيك الخايسة اعتقد انو صقر عرض عليها فلوس علشان تقول الي تقوله وبعد ماابتعد عنها نايف صقر عطاها كم كلمة وخلاها بدون فلوس وطبعا الثور الي كان يصرف عليها كرهها فحبت تنتقم من صقر ولانها عارفة غباء نويفان عرفت انو بيصدقها بسهولة مثل ماكان يصدقها من قبل


شيوخ لا والله طلع فيها قلب يحس زين حنت على هالمسكينة ومازادت عليها بالكلام ليتها ترحمها علشان كبر سنها وتترك شماتتها بعيد عنها لانها هي وخواتها الي بيخسرون

اعتقد الي تبكي هي هند مهما كان هذا ولد عمها وحتى لو عاندها ماتتمنى موته وكيف وهي شافت حالته قدام عينها ويمرة لانها ضيعت حالها بكن من هاللحظة تعامل هند بيتغير مع فارس

سارة مابينت في هالفترة والخوف البارت الجاي تكون المصيبة عليهم عاد ساعتها لابتنفع قوة شيخة وطولة لسانها ولا عقل وضحى مع اني مقهورة من سويرة بس مابي تنفضح

عاد ساعتها شيفكنا من شيبة الهم راح يحط البلا على سارة وماحد بيصدقها ونويفان بينفد منها ...ايدي على قلبي لانو فضيحة سارة بتشمل كل خواتها

ضاحي ماحد بيرحم نور ويتحملها كثره فلازم يتزوجها ويعالجها مهما كان هي بنت يتيمة مالها احد بيرحمها والله بيعطيه على قد صبره ورحمته لهالبنت وماراح يندم ان شاء الله بس ياخوفي عليها من العصابة الي لازم بتطلع يوم بحياتهم وهم مأمنين

سهومة حاولي قد ماتقدري تزيدين البارت شوي دامه مرة وحدة بالاسبوع الين ترجعين مثل قبل ..في انتظارك

صباح الخير سهومه
بارت النكبات والمصايب
واكيد للنكبات جزء ثاني ببارت الخميس


شيخه فديتها : قلت لكم من قبل ان قلبها طيب ماصدقتوني
منيرة عمرها ماضرتها ولو كانت شيخه تتجاهلها وماتساعدها فهو عشان ماتحبها
وتتعلق فيها ولانها عارفه انهم مو مطولين ببيت عمهم ولهم رجعه لبيتهم فماتبي توطد
علاقتها باحد فيهم والحين بس شافتها ضايقه ماترددت انها تساعدها وتخفف عنها مع جفاف ثورها صقر


صقر : بس تتعدل الظروف بيروح وبيجيب الديب من ديله وبيعلمهم بالحقيقه وبيظهر براءته
وبيخلي نويف مايسوى بصله مع وجهه الاسود

ضاحي : والله انه نشب نشبه مالها فكه خخخخخخخخخخخ
الحين مضطر يتزوجها ويراعيها ويهتم فيها ولانه طيب وحنون وهي مسكينه وعلى نياتها
ومظلومه راح يتلائمو مع بعض حتى ترجع لهم العصابه من جديد من جهه والجد من جهة ثانيه
غير انها بتعرف انه تزوجها مو حبا فيها مثل مااوهمها بالعكس تنفيذا لوصية ابوها ورحمة بمرضها
وهالشي بيقتلها بالصميم وبترفض ترجع له حتى ..........


موضي : صعب اقول حبت محمد بس الاكيد انها كانت تبي تحقن الدماء وتوقف مسلسل الرعب
من امام الاطفال وطبعا لغيرة محمد الشديدة ونظرته السابقه فسرها بهالشكل
وهالموقف بيكون جدار فاصل بينهم طول زواجهم حتى تتم المصارحه


نايف : يمكن شوفته لخسارة اخوه قدامه تصحي ضميره الميت وتخليه يفكر
كيف كان بيخسر صقر بعد بسبب واحده ماتسوى وكيف بيتسبب بعد بكارثة لبنت عمه
بسبب تهوره وشربه

ساره : هدوء ماقبل العاصفه ... البارت الجاي شكلها عنصر اساسي فيه ^ ^


عيسى : صدق غبي ..تخرج من السجن وسيده ترجع له بنفس اليوم
هذا دليل انه ماعنده عقل يفكر بس يمشي مثل الحمار تكرمون ورى امه بدون مايناظر ويفكر


منو بعد ماذكرته اييييه شيبة عرعر ول ول عليه كل هالمصايب بوقت واحد ولا جاته جلطه بقلبه
او ارتفع عنده السكر خلاه يدخل بغيبوبه او انخفض عليه الضغط يدوخه فترة ويفكنا من مقابله