للإعلان على ليلاس [email protected]

لمشاكل التسجيل ودخول المنتدى يرجى مراسلتنا على الايميل [email protected]

Liilas Online



العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية



القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 28-11-11, 12:07 PM   المشاركة رقم: 216
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة وردة الزيزفون مشاهدة المشاركة
   صباح الخيرات على الجميع ....... بارت مااقدر اقول عنه حلو بس شكله بداية مواجع جديدة لباقي بنات ناصر

شيوخ وصقير

شيوخ للاسف مثال سيء لكل انثى تبي تمشي على كيفها وتسوي الي بهواها رامية وراها شرع الله والدين ورى ظهرها

ومهما كانت عقدتها مااعتقد انها اعظم من مصيبة سارة الي فقدت شرفها واتهمت بأبشع الاوصاف بعد ماكانت تشوف حالها كاملة ومغترة بجمالها
ولا عقدتها اوجع من وضحى الي من صغرها او من انولدت وهي غير عن خواتها لو بعد جمالها يفوقهم كان نصيبها صار احسن على الاقل هي اخذها صقير بدون مايهتم شبيكون شكلها اخذها وعارف عوابتها وماعايرها وذلها مثل المسكينة وضحى الي تشوف انها غير عن خواتها تشوف نظرة الناس لها بكل انواعها ومع ذلك ماطلعت من انوثتها وحقدت مثلها

هي اشتغلت ببسطة صدق بس ماكانت الوحيدة بقريتها اكيد في غيرها بمختلف اعمارهم واذا لقت اوتعرضت لتحرشات فهالشي كل بنت مثلها حدتها الحاجة للشغل شغلتها تتعرض له

امها قبلها كانت خدامة ووضحى تشتغل تطبخ الاكل وتبيعه يعني فوق همومها هموم .... لو ايش ماكان سبب تغير شويخ مايعطي لها الحق تضرب زوجها ولا لها حق تنافخ عليه وهو محترمها ولا لها حق تتمنع عن حقوقه الشرعية ولا لها حق تهين اهله الي ماضروها مسكنينها هي وخواتها وماكلين من خير عمها وكفاهم شر الناس حتى لو متأخر

ولا لها حق تلومهم كان لامت ابوها الي همه نفسه وماعمل حساب هالبنات بعد ماجابهم وحدة ورى وحدة ومافكر يتسامح من ابوه مات وهو عاق بأهله علشان وحدة لاراحت ولاجات ...حتى لو كانت من بلده دام اهله مايبونها مايعصيهم ويغضبهم في كبرهم

ولو كل بيت انجابت فيه خادمة عيال البيت و رجالها ناظروهم بنظرات ابوها كان الدنيا كلها انملت بنات مثلها ومثل خواتها ابوها ماحسب انو ماعند بناته احد بعد يروحون له لاخوال ولا عمام يعني احقادها لاتطلعها على الناس

وهي مستهينة بالي تسويه ومبسوطة تلعنها الملايكة طول مدة غضب زوجها وهي ولا هامها ضامنة انها ماتموت وهي ملعونة ....مستغربة تشجيع البنات لهالنقطة حتى لو هي رواية بس لازم هالنقطة نحطها ببالنا مثل مانستنكر شرب الخمر والاشياء المحرمة ترى حتى هالشي مايجوز
اتمنى سهومة ماتغفلين عن هالنقطة لانو الكثير من الكاتبات تناولها والقليل حطوها علشان يبينون اهميتها ترى هالشي مو هين وفي بنات مايدرون عن هالنقطة وانو فيها فتاوى من كبار العلماء
اذكر اني كنت اتابع رواية تناولت هالنقطة والكل نبه الكاتبة وهي بشطارتها نبهت البطلة بطريقة محببة ودينية وحتى حطت الحوار بين الشيخ الي ذكر الفتوة كأنو اتصال وهي تسمعها بالاذاعة وكان لها اثر

في فرق لما وحدة تبي تاخذ حقها بدون ماتحط عليها كبائر وبين الي تتعمد وتفتخر بالي تسويه حتى لو كان كبيرة من الكبائر ...بصراحة لفت نظري انو الكثير من الكاتبات يتناول هالفكرة ويمشوها بدون مايبينون سلبياتها


انا ضد البنت السلبية الي حتى وهي معها الحق ماتدافع عن حقوقها ولكن بحدود العقل ولا تتحجج بماضيها وعقدها لانو شيوخ اسلوبها وقح مع الكل حتى مع الي يعاملها بأحترام


الي مثل شيخة مايفيد فيها الا الضرب والشرع محلل لامثالها الضرب بس الغير مبرح وهالشي مذكور بالقران هي ماتركت لصقر فرصة يتفاهم معاها في بنت متربية تقول الي قالته عن زوجها انا مع صقر بالي يسويه لانها تجاوزت حدها الرجال جاها بالبداية واحترمها ومافرض حاله عليها طلبت زيادة بمهرها عطاها وزادها ولا تمنن عليها

ماجبرها على حقوقه وصبر على وقاحتها .........تتعتقد انو بالي تسويه منتصرة هي الخسرانة تحمد ربها انو صقر رجال خايف ربه ولو تصرفاتها كان شافت الحب والعشق الي بيعيشها فيه

في الف طريقة للزوجة تبين فيها شخصيتها وتفرض ارائها بكل بساطة وشفافية بدون ماتتجاوز حدودها وبدون ماتغضب ربها وتتجاوز الشرع ...



نورة وسلطان

نورة الموقف الي انحطت فيه صعب والمصيبة ماتدري عن مخطط جدتها وسلطان مفكرها تدري وتعمدت تسوي الي سوته الحين الي مخوفني على نورة انو لما تكلمها الجدة عن سلطان بتفكر انو هو الي طلبها بعد هالموقف وبتنصدم بقسةته عليها وجفاه


سويرة ونايف

سارة خسرت كل شي بالنسبة لها وفاقدة الامل انو ممكن تتصلح حياتها خصوصا بعد الي قاله نويفان وبعد سفره والله يستر لوين حالتها بتوصل

اما نويفان كل ماتذكر تفاصيل الحقيرة الي ميت فيها احتقره اكثر اجل كان يروح ويجي ويدخل ويطلع عندها ويبي يتزوجها اصلا واضح انها كانت تلعب عليه علشان فلوسه وماتبي تتزوجه لانو امثالها مايكون لهم رجال واحد وينتقلون من واحد لواحد عايشين على المغفلين امثال نويفان

وقبل ماتعرفه تعرفه غيره عشرة واعتقد انو صقر كان دافع لها فلوس علشان تسوي الي سوته والدليل انها عارفة انو بيجي بهالوقت وخلت باب الشقة مفتوح وصقر عندها وماكان له اي ردة فعل لما شاف اخوه

واذا كان في ولد هذا من واحد من ربعها حملت منه وماقدرت تربطه فيها او تزوجته وطلقها في هالفترة الي راحت والغبي اتمنى الي شافه مو جيسي والولد لا اتمنى يشوفها مع واحد وبحضنه خليه يعرف انها زباله وانو اتصالها عليه بس تبي منه فلوس وحتى لو تزوجها كانت بتعاشر الف غيره ماعندها مانع


الي يقهر انو امثال نايف كثير للاسف يفضلون وحدة يهودية كافرة بنت ليل يتزوجونها ولو وحدة مطلقة بنت بلده او قريبته نبذها او حتى مغتصبة وعارفين كل تفاصيل اغتصابها

خليه يبي له صدمة تعلمه انو كان اكبر غبي يوم عذب حاله على وحدة مثلها ورفس بنت عمه الي اجرم بحقها سويرة غلطت لانها لاحقت واحد علشان جماله وهو اجرم بحقها حتى لو كان مو بوعيه


نور وضاحي

نور حالتها من سيء لاسوء والله يعلم بتقوم والله بتنتهي حياتها وضاحي بيظل بعذاب الضمير لانو الخطة خطته

وبنفس الوقت كاسر خاطري لانو انجبر يربط حاله فيها وصعب اصلا يتركها لانو مابيكون عندها احد غيره والله يستر من جده اذا اجبره يطلقها بعد مايكون تعلق قلبه فيها


وضحى وفهيد

والله مافهمت قصدك سهومة هل وضحى بتوافق على فهيد بعد الي سمعته او لا لانو الي سمعته شي يجرحها ويخوفها من الزواج منه ولو انتظرت كان سمعت الاعظم يمكن سوء اخلاق فهيد والي ماتعرفها الا اذا كان تكملة الكلام انو امه مدحتها له ووافق ماادري والله .......... لو انا مكان وضحى كان شرطت لاتمام الزواج هو انها تسوي العملية اول تاخذ مهرها وتسوي العمليه وتخلي فهيد هو الي يراكض وراها يطلب رضاها


سهومة في انتظارك على نار وماتشوفين شر

صبحك الله بالنوروالسروووور
ياهلااااااا بزيزفووووونه نورتي ياعسل
كيفك عساااااااام بخيرررررررمشكووووووووره على طلتك البهيه يالغلاااا الله
لايحرمني منهاااااا

 
 

 

عرض البوم صور عبق الرياحين   رد مع اقتباس
قديم 28-11-11, 12:09 PM   المشاركة رقم: 217
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة اميره بنظرتي مشاهدة المشاركة
   ما أقول إلا يعطيچ العافيه حبيبتي سهومه

الله يعافيك ومشكووره على مرورك

 
 

 

عرض البوم صور عبق الرياحين   رد مع اقتباس
قديم 28-11-11, 12:10 PM   المشاركة رقم: 218
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

بسم الله الرحمن الرحيم .. السلآم عليكم ورحمة الله وبركاته
كيف الحال !! وكيف الأجواء وياكم ؟؟ اجواء متقلبه بالحيل ومحسوبتكم الحمدالله
الذي لايحمد على مكروه سواه .. عدت هالأزمه
اهم شي ابتعدوا عن البارد .. وكثروا من الزنجبيل والشراب الحار .. وربي يسلم
الجميع
..
اشكر كل من راسلني على الخاص او كل اللي دعاء لي .. ربي يسعدكم يارب
ويوفقكم ومشكورين كثير .. والله يبعد عنكم اللي جاني يارب
..
ابي ارحب في كل اللي انضموا لنا وعلى راسهم اختي وحبيبتي نيروز أحمد وأقولها
الحمدالله على السلآمه يالغاليه ( وحج مبرور وذنب مغفور ) وسامحيني كان لك
حق أكبر من هالحق بس الله لايشغلنا وانا اختس غير في طاعته يارب
..
البارت الجاي موجع بالحيل .. ابيكم كلكم تتجهزون له عدل وبيكون طويل انا بجهز
له من بدري لانه مهم مهم مهم .. وعاد إن شاءالله ماعقب الضيق غير الفرج
وبتبدأ موجة الأفراح والمسرات والزواجات اللي بتهل مره وحده ومباركين يآل
قاسي

بارت اليوم ريحتكم من القفلات ,, بس البارت الجاي أكيد ماأضمن نفسي




مع اطيب الأمنيات بقراءه ممتعه
.
سهم المملكه
.
لإله إلا الله


( الفصل الثـــــــــــــــــاني والعشــــــــــ 22 ـرون )







العصر \ البر
ربط ثوبه على خصره .. وتلثم بشماغه
قال سلطان – انتبه بس لاتطيح
فارس – افا عليك خيال اخو خيال ( ويناظر صقر اللي واقف عندهم )
صقر خزه بنظرات
فارس ركب على الفرس وهو يمسحها – انا بجيب الشاره وانتم
مثل ماوعدتوني يويلكم ان اخلفتم وعدكم
سلطان – ابدن رح وبتجيك مني انا ان ماجتك منا كلنا
فارس – عاش عاش بو خلودي ايه هاذا الكلام اللي يشجع
صقر ناظر ساعته – معك عشر دقايق بس روحه ورده ان
اخذت من هالعشر ثانيه زياده بتخسر
فارس ويمد نظراته على الشاره اللي بعيده بالحيل وهي قماش
اصفر مشتبك في شجره بعيده بالحيل عنهم – إن شاءالله بجيبها
وبيجيني اللكزس
صقر – اجل يالله انطلق
فارس ضرب على الفرس بقوه ( وطار مع الريح ) .. والجميع
يناظره .. حتى الحريم بسطوا فراش برى الخيمه لان الجو
معتدل .. والشايب وابو محمد وابو فهيد معهم .. اما العيال
خجلوا بس عقب طيران فارس صوت عليهم الشايب – هيييه
ألتفتوا عليه .. قال الجد – وين انتم مطيرين الولد امه هنا تنابح
صقر – هو متحدينا وراح يجيب الشاره
الجد – ابدن ماتخلون مغثتكم تعالوا وراكم واقفين
سلطان استحى من جده وقال – انا بروح يم الأبل
صقر اقترب منهم وهو يدور بعيونه على شيخه .. اللي ابد مالها وجود
جلس جنب جده وبين عمه سعد
الجده وهي تنادي سلطان – تعال تعال ماهنا غير بنات خوالك
تعال
الجد – محمد عند الأبل تعال انت بس
قرب سلطان منهم وهو مرتبك بالمره .. جلس جنب صقر
وصبت لهم عمشاء قهوه .. صقر يوم ماشاف شيخه طلع جواله
ودق عليها مره .. مرتين .. ثلاث ,, لين انقهر منها ورجع
جواله في مخباه











شيخه وهي تألف القصه عليهم – ابد صقعت في باب الدالوب
في الليل الغرفه كانت ظلام وماانتبهت
نوره ووضحى وهند مشت عليهم الكذبه .. وساره كانت تسمع
في كلامهم بس مسويه نفسها راقده .. مالها خلق تقوم ويشوفون
شكل عيونها ويستجوبونها عاد شيخه موجوده .. وان مشت على
وضحى ماتمشي على شيخه ابد
سمعوا صوت الجوال اللي يدق .. وكلهم استغربوه .. ولقوا
المصدر شنطة شيخه
هند صرخت – اكششششششششخ جوال ياحظك
شيخه خزتها – انطمي
نوره – من عطاك إياه
شيخه بدون نفس – من يعني غير شين الحلايا
وضحى ساكته معهم ولا هي معهم .. تفكر في عواقب القرار
اللي رست عليه
دخلت عليهم ريم وهي تقول – السلآم عليكم
البنات – عليكم السلام
ريم – وينكم قلتوا بنروح نصلي ولا جيتوا وبعدين لايفوتكم
باسطين فراش برى والجو يهبل وفارس هالحين بيجيب الشاره
نوره – أي شاره
ريم – شاره تحادوا الشباب انهم يجيبونها امشوا امشوا ( ناظرت
يم فراش ساره ) هالهبله لين هالحين راقده بذبحها
نوره – عليتس فيها تراها جابت لي الضغط حتى صلاه لين
هالحين ماصلت
ريم خبطت على جبهتها بشكل درامي – صح نسيت شيوخ
صقر يبيتس
شيخه انقهرت – وش يبي ؟؟
ريم – وش دراني !!
شيخه وقفت وبسطت فراش وضحى وانسدحت عليه – انا برقد
لأسألكم عني قولوا راقده
البنات ناظروها بمعنى ان الأوضاع ماطمن .. وهي طنشتهم
وحطت اللحاف على وجهها
وضحى وهي تناظرهم – بنات اسبقوني وانا بجيكم
البنات راحوا .. ووضحى قربت من شيخه ورفعت الحاف من
وجهها – قومي علميني علامتس ,, ووش سالفة اللي في
عينتس
شيخه ناظرت في وضحى فتره بعدين قالت وهي تجر اللحاف
منها ماتبيها تشيل همها – مافيني شي وبعدين اللي في عيني قلته
إلتسن
وضحى وهي تخزها ومسكه اللحاف – هالكلام يمشي عليهن
ماهب علي
شيخه وهي تصد بوجهها – مافيني شي وضحى خليني ارقد
ترى راسي يوجعني
وضحى – بكيفتس مادامتس مانتي بمعلمتني كنت ناويتن
اعلمتس بعلم عندي
شيخه ناظرتها – وش هو ؟؟
وضحى وهي تحرها – لا خلتس تقولين بترقدين
شيخه جلست – قولي
وضحى وهي تناظرها فتره من الوقت وقالت – فهيد خطبني
شيخه انصدمت – منهو !! مااعرفه
وضحى – ولا انا هو ولد عمي سعد ,, بس
شيخه – بس وش !!
وضحى حكت لشيخه كل القصه اللي سمعتها .. والقرار اللي
اتخذته












صدمه .. اللي قدام عينه صدمه .. لالا أبد مو معقول .. هي هي
ماتغير في ملامحها أي شي .. وكأن الزمن عيا يطمس ملامحها
وصورتها من راسه .. كل فستان جميل ماتخيله إلا عليها .. كل
عقد ابهره تخيله في عنقها .. كل بسمه .. كل ضحكه .. وهالحين
تنعكس الصوره وتتبدل الأدوار .. كل مره تخونه .. ولا قادر
حتى يشيلها من راسه .. كل اللي تخيله عليها .. ماكان صحيح
لو واحد في المئه من اللي يشوفه قدام عينه هالحين

هي ناظرته بصدمه .. ماتوقعت تواجده أبد .. ولاتوقعت ابد
يكون بهالصوره اللي تشوفها عليه هالحين .. تغير بالحيل تغير
مو نايف اللي تذكره .. هاذا اكثر رجوله .. اكثر هدوء ونضج
صار أكثر وسامه .. حتى الخدش اللي قريب من عينه صار
يمثل وسامه له .. ابتسمت له
بدوره هو عاقد حواجبه .. حست في اللي ضايقه .. فكت يدها
عنه وهي تبلع ريقها وقالت بألم – جاك زوجي
غمض عيونه بقوه .. وهو يحس بالسكاكين تقطع حلقه .. غصه
غصه قويه .. يبي يبلع ريقه مو قادر .. حس ان الأكسجين بدأ
ينتهي من حوله .. حست فيه جيسي وقربت منه – نايف
دزها عن طريقه وركض بعيد عنهم .. يركض وهو ناسي ليش
جاي .. ناسي الأنتقام .. ناسي كل شي .. وأهم شي ولد صقر
ركض .. ركض .. ركض .. لين حس انه يركض بدون هدف
وصورتها وهي مع صقر .. وصورتها مع هالرجل .. خيانه
ورى خيانه .. الشي اللي تأكد منه انه عمرها ماحبته .. عمره
مكان في قلبها مكان له .. الشي اللي هالحين لازم يسويه ويفضح
فيه صقر وينتقم منه .. وانه فرقه عن أعز ماعرف في هالدنيا
لازم يكلم جده .. لازم يعرفون بولد صقر .. لازم

 
 

 

عرض البوم صور عبق الرياحين   رد مع اقتباس
2 أعضاء قالوا شكراً لـ عبق الرياحين على المشاركة المفيدة:
قديم 28-11-11, 12:11 PM   المشاركة رقم: 219
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

حاس بالقهر انها مو معهم .. كان عارف انها بطنشه
ولا ماتصير شيخه
سمع سلطان جنبه وهو يقول لهم – باقي دقيقه وفارس مابين
اظاهر انه مو وجه شاره
منيره – والله انكم غلطانين وراكم تتحدونه هالولد طايش ولا
هب مثل اخوانه الله يصلحه متعبني
ابو محمد – ونايف ولا ناسيته
منيره خزته – انا عارفتك نايف ماينزلك مع حلقومك مادري
وش مسويلك ياقليبي على وليدي
عمشاء – استهدوا بالله
منيره بعتب – والله ياعمشاء انه يذله كل شوي وهو يحبة عيني
ساكت ولا يفتح فمه يكفي ان منصبه احسن من اخوانه كلهم
اللي تفتخر ابهم وهو راكنه على جنب
صقر – ابك ابك افااااااااا يمه .. اظاهر من غلا نايف نسيتي ان
نسيتي ان نحن عيالتس
منيره وهي زعلانه وواضح الزعل – لا مانسيت ميرا ظاهر هو
ابوك اللي نسى ان له ولد مثل نايف
الجد يقاطعهم – اها ,, خلاص معاد تستحون تناقرون وانا
جالس ( ناظر في ولده ابو محمد ) إلا بسألك هو وينه هو وأخوه
ابو محمد ببرود تام – مسافرين
الجد – ووراهم يوم جت الجمعه وهم يسافرون لابركة فيهم ولا
في فهيدان وراهم
عمشاء بسرعه تلفتت لايكون وضحى فيه وتسمعهم .. بس
ارتاحت يوم ماحست لها وجود
سمعوا صوت صهيل الخيل وفارس يصرخ – جبت الشاره
وقفوا سلطان وصقر وهم يناظرون الوقت اللي انقذه
فارس وهو يصرخ وهم يناظرون الوقت – ماعلي فيكم على
الوقت
سلطان ضحك – على الوقت مشاءالله عليك بس كيف جبتها
صراحه اسم على مسمى
فارس وهو يبتسم – افا تلميذك
صقر ببرود – ايه قردنه قردنه بس سلطان يعرفك
فارس – صقر خلك بعيد انا وسلطان ننجاز هو وعدني
صقر ضحك – يعني ارفع يدي من السياره خلاص اجل على
سلطان
سلطان وهو يأشر على خشمه – على هالخشم ابشر بالسياره
بعد مانرجع من البر وجهتنا الوكاله
ابو محمد وهو معصب عليهم – وش سيارته وسيارته اللي
ماصارت معه لها سنه
فارس تحلطم بصوت صغير – اها بدينا
ضحك سلطان وصقر منه
موضي اللي كانت قريب من ابو محمد – تكفى طلبتك ياعمي
خل فارس ابو ضاحي يستاهل السياره
فارس ضحك وانبسط
ابو محمد – والخراميط وانا عمتس ماحببها الله
موضي وهي تبتسم وتغمز لفارس – عاد ابو الفوارس يستاهل
افا عليك ياعمي افا يااخو شيخه
ابو محمد كأنه لآن وسكت عنهم
قال الجد – ايه هاذاهم لابغوا شي ذبوا موضي في نحورنا
ولا نحرز نكسرها
سمعوا صوت زايد يبكي .. ومحمد جاي يشيله وهو يتحلطم
موضي فزت – يمه ولدي
بسرعه ركضت والكل ركض معها .. وكان محمد يشيله والدم
يصب منه
محمد معصب – بغت ترمحه الناقه ودزيته بعيد وكان فيه شوك
المكان اللي دزيته عليه وصب دمه
موضي من الريعه ركضت له في حضن محمد وأخذته وهي
تبكي – يمه زايد علامك
زايد وهو يصيح – ماما شوكه شوكه
ابو ضاحي قرب منها وهو يناظر في الجرح – سليمه سليمه
وانا ابوتس ماعليه شر
موضي وهي تمشي فيه للخيمه – بروح امسح الدم
راحت معها ريم ونوره وهند
منيره تناظر في محمد – وانت وين عيالك
محمد وهو يناظر في موضي بحسره – عيالي ,, ( انتبه لأمه )
عيالي يلعبون مع ولدها الثاني عند خيمتنا هناك
منيره – هاتهم الليل امسانا ماهب زين هالوقت اخاف يظهر
عليهم عقارب ولا شي
محمد وهو يعطي رجلينه الحريه تقوده لأي مكان تبيه بلا هدف
تمتم لأمه – إن شاءالله طيب



















في الليل \ العشاء
تعشوا بدري وكان عشاهم قرصان على الجمر .. وكان اللي
يسويها لهم الشباب

عند الحريم
ساره جالسه وتأكل ومنزله الجلال عليها لين وصل نص برقعها
ووضحى تناظر فيها .. بالزور حتى قامت تأكل معهم
شيخه وقفت – الحمدالله
ولحقتها ريم ونوره
منيره – ساره يمه وراتس ماتأكلين
ساره وقفت وهي تقول – بس مااشتهي
وضحى وقفت معها قالت لها عمشاء – وضحى خذي هالقرص
وافزعيبه لموضي ماتعشت دوبها هالولد الله يصلحه
وضحى ناظرتها .. وشيخه اللي دخلت كرهت ضعف وضحى
وانصياعها لها .. سمعت الجوال يدق .. انقهرت من هالجوال
اللي كل شوي يدق .. اظاهر مامل
الجده – وش هاللي يرطن
منيره – جوال ياعمه جوال
الجده – منهو له
شيخه طلعت الجوال وهي مقهوره حتى ماتعرف تسكته .. يزعج
الجميع وهي ودها تحذفه .. اخذته وطلعت فيه
ضغطت اللي قال عليه بعصبيه – نعم
صقر بعد السماعه من صوتها القوي – يانعم عليتس خير
معاد بقى غير تفجرين طبلتي
شيخه بقهر وشين نفس – ليش داق
صقر انقهر من إسلوبها وقال بنبرتها – ماتبين اغراضتس
وفراشتس اللي في السياره
سكتت بقهر وهي تتذكر الفراش واغراضها – وينهي سيارتك
بجيب اغراضي
صقر بقهر – لا ماكانت هاذي نبرتس قبل شوي ماتعرفين
الأدب غير لاصارت لتس مصلحه
ودها تسكر في وجهه .. او حتى تخفي صوته عنها .. تكرهه
نبرة الإستخفاف اللي يقوله لها
شيخه بجفاف – طيب هاتهم انا في خيمة خواتي
عصب – نعم وش دخلنا في خواتس
بدورها هي عصبت من سمعت كلامه – وش هو وش دخلك
إن شاءالله وين ارقد
صقر بنفس نبرته – في خيمتنا
شيخه كأن حد عطاها كف – وش خيمته !!
صقر وهو شاد على سنونه – اخر خيمه خيمتنا روحي هناك
وانا جايتس بالسياره
انقهرت وطرطعت وصرخت في وجهه وهي ناسيه المكان – لو
تموت مارا ح اجيك انا كارهتك في الرياض تلحقني هنيا
بدوره وجهه حمر وانتفخ غيض وقهر – قد اللي قلتيه
هي بتحدي – لو مو قده ماقلته .. وخل اغراضي عندك ماابيها
صقر وهو يبيها تكون قدامه عشان يذبحها – واهلي بتفضحيني
فيهم
شيخه – وانا شاعلي فيك وفي اهلك
صقر لا خلاص معاد فيه صبر نزل من سيارته بسرعه ومشى
يدور عليها .. شاف وحده مو بعيده عن الخيام وتكلم .. مايدري
ليش جاه احساس انها هي .. خاطر ومشى بإتجاهها .. وفعلا
طلع زولها
صقر – طيب سكري السماعه وخلتس في محلتس
شيخه لفت وجهها وشافته .. نزل جواله من إذنه وسكره
سحبها بعيد بحيث ماحد يشوفهم .. ووقف في وجهها
وهو يهدد – والله ياشيخه انتس ماعرفتي من اكون
شيخه تناظره بنص عين وهي مقهوره
صقر يكمل تهديد وهو يرفع صوته – والله واللي خلق هالسماء
ورفعها إلا هلي لين اهلي وتراهم خط احمر ارشتس بالدم
يابنت امتس
شيخه وهي تقاطعه – ماعندك غير امي تعايرني فيها امي
اشرف من الشرف يوم جابت جابت وربت
صقر يخزها من فوق لتحت – واضح والدليل ملاسنتس ومابقى
غير تضربيني
شيخه انقهرت من كلامه
صقر وهو يحاول يبلع غصته وقهره منه – لو انتس تكلمين
بأدب كان قلنا معاليه يهون مير الله لايعيد حظ رماتس علي
شيخه ولا كأنه قال شي .. مطنشته
صقر ناظرها فتره وهي تشتت نظراتها يمين ويسار
قال وهو يمشي ويعطيها ظهره – والله ماابيحتس ان ماجيتي
في الخيمه وترى ملائكته يلعنونتس لين تصبحين
حست بقوة كلمته .. هاذا شقاعد يقول .. اول مره تسمع هالكلمه
واول مره تعرف هالأمر .. واول مره تحس جسمها اقشعر
من كلامه .. شافته وهو يمشي مبتعد .. ناظرت في خطواته
الواثقه واللي كأنها في يوم ماطعنت احلامها .. ناظرت في
ظهره الشامخ واللي كأنه في يوم ماطعن انوثتها وحملها هم
وشيب فوق همها وشيبها
انقهرت وهي تشوف
كل مميزاته تغطي على داخله .. وأكثر ماكرهت كره فيه
ان اللي بغاه حصله .. وانه تحداها يأخذها وهي انصاعت إله












جلس جنب اخوه وهو يقول – وين رحت اليوم
هو سرحان لبعيد ويحرك الملعقه اللي داخل قهوته .. سعد حس
انه مو داري عنه هزه – نايف اهرجك
نايف انتبه له وفز وناظره – هاه وش قلت
سعد – اظاهر ماانت بمعي اقول وين رحت اليوم
نايف وهو مو قادر ينسى اللي شافه .. بس عنده فضول يبي
يعرف وين ولد صقر .. ويبي يسألها بس كرهه لزوجها اللي
فضلته هو وصقر عليه .. كره انه يصير محل ضعف وشفقه
عند إنسانه عمرها ماحبته بل العكس هانته وجرحته
هزه سعد وهو يقول – لا اظاهر كلش ماانت بمعي
نايف ناظره ببرود – سعد خلنا نرجع انا كارهه هالمكان
سعد مط عيونه – والمحاضره اللي بتحضرها هنا
نايف وهو يوقف ويصرف – ماهب لازم ماهب لازم خلنا بس
نرجع للرياض
سعد وقف معه ومشى بجنبه – تصدق عاد كنت قايل لغانم يمشي
برحله بكره وانا بجلس معك بس مدامك تبانا نرد خلاص نرد
اصلا بيني وبينك مستقطع على هل البر نبي نفزع لهم قبل
يجون
( نايف اللي ماكان عارف سعد يبربر وش يقول .. يهز راسه
وهو يحس انه ينزف طعون وهموم

 
 

 

عرض البوم صور عبق الرياحين   رد مع اقتباس
2 أعضاء قالوا شكراً لـ عبق الرياحين على المشاركة المفيدة:
قديم 28-11-11, 12:13 PM   المشاركة رقم: 220
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,537
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594
شكراً: 697
تم شكره 1,432 مرة في 451 مشاركة

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

ناظرت فيه وهي تبلع غصتها .. مقهوره .. وذليله .. كيف راح
تدخل بس كل ماتذكرت كلمته وهو يقول (والله ماابيحتس ان
ماجيتي في الخيمه وترى ملائكته يلعنونتس لين تصبحين )
تحس بسكاكين تنحر كرامتها .. وتذلها ذل
تسللت بخفه وهي تدعي انه يكون راقد .. ومن اول مايطلع
الفجر بتكون اول وحده قايمه .. بكذا ماتخالف ربها وبس
وهاذا كل اللي يهمها

هو سمع خطواتها .. إبتسم بإنتصار .. درس مهم .. تمتم في
صدره بتتعودين على وجودي ياشويخ لين تمنين ماأفارقتس
دقيقه مير صبرتس على صقر
شاف بطرف عينه .. وهي تبسط فراشها اللي طايح في زواية
الخيمه قريب الباب .. وبطرف عينه لمحها وهي تلتفت عليه
تحسبه راقد .. انسدحت على فراشها .. وبدوره هو اببتسم
واستانس .. اهم شي كلمته مشت في الأخير

وعدت أول ليله في البر بحلوها ومرها على الجميع






( البارت الجاي كله مصايب !!{ الله يكفينا شر المصايب }
كيف ؟؟ وشلون !! .......... لاقوني يوم الخميس )

 
 

 

عرض البوم صور عبق الرياحين   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:04 PM.


مجلة الاميرات  | انستقرام  | منتدى بريدة 

 



Powered by vBulletin® Version 3.8.5
Copyright ©2000 - 2018, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية