لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 26-04-12, 04:31 PM   المشاركة رقم: 711
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة اثرني احبه مشاهدة المشاركة
   ]زيزفوووووونه ويينش ؟؟؟؟؟

تعالي خلينا نعتصم هنااااا ونحتج مثل ما قلتي

ما يصير تنكسر شيوووووخ بذا الشكل الله يلعن صقر ويلعن وسميووووه

وبعد بسوي احتجاجات على نايف المخنز للي دابل كبدي


يالله بنات اللي بيحتجون ويعتصمون يصفووون على جهه
والله يبون يفجرون في جهه لحالهم


يالله


الشعب يريد نصرة بنات ناصر

نريد تحقيق المطالب قبل يوم الخميس
والا راح تشوفون شي ما يسركم يا ال قاسي

ياهلاا وغلاا باثورتي منوره بقووووووووه
وحشتيني يابنت
يالبى لي تبي مظاهرااااااااات معااااك ياقلبي
معاااااااك الى الاخررررررر

ههههههههه ردك رااااااائع

 
 

 

عرض البوم صور عبق الرياحين   رد مع اقتباس
قديم 26-04-12, 04:35 PM   المشاركة رقم: 712
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة فيتامين سي مشاهدة المشاركة
  

إهداااااااااااء للمبدعه سهم المملكه


السهم الاخضر شك قلبي وصابه ** وعيا يلاقوا له هل الطب تطبيب
ســهم ذبح غيري بسبة كتابــــه ** سطر روايه ورتب الحكي ترتيب
مـايخلف الموعـد مهمـا أصـابـه ** إبداع دايم ياعسى السهم مايغيب
اللـــه وكيلــه يـــوم كلن حكابـه ** يستاهل الأشعار وأحلى التراحيبب

وسلامتكم



سهومه وش هالبارت الناري والإستفزازي أحاول أهدي في
المتظاهرين اللي عندي وهم بعد البارت يشككون في إني واقفه مع بنات ناصر ويشكون في مصداقية التصريحات اللي إنقالت لهم لأن حال البنات من ردي لأردى
شوفي المتظاهرين وطلباتهم


الجد
الكل منا يسبه ...ماخلا أحد يحبه ... وشهارهو طبه
شنوا لحمله عليه ...وكتفوا له يديه ...ليه نسكت ليه ليه


نايف
الشيطان في صورة إنسان
بخبث ونذاله وزايد إدمان
إنتهك عرضه ماهتم ولاصان
لازم مع جدك اليوم تنهان


صقر
إبعد وسميه عنا
والا ماراح إتهنا


فهيد
خلك مع جدك شديد
وعن نايف أبعد بعيد
والا كرهنا رايح يزيد


سلطان
يعد اللي قلته واللي صار
لابد لنوره منك إعتذار
والا الطلاق آخر قرار



أترك المتظاهرين صدعوا راسي بهتافاتهم وأرجع لبنات ناصراللي تاعب قلبي حالهم


شيخه


أتوقع راح تصدم الكل بموقفها ماراح تظهر ضعفها
وقهرها من صقر لأنها عارفه إن هذا اللي يبيه بالعكس
راح تظهر إنها ماهمها اللي سواه وراح تضحك وتنبسط
وصقر راح يموت قهر وإن شاء الله يزيد قهره لما يشوف وسميه وإن شاء الله تطلع أقشر من شيخه ويصبح كالمستجيرمن الرمضاء بالنار وعساها لامخبرولا منظر
ويرجع صقر لك ندمان ويعتذر


ساره


لازم تستمرين في حقران نايف وأكشخي وإنبسطي ولاتعبرينه


وضحى


خلك قويه وهددي فهيد بتركه إذا ماترك الشرب وإحترمك
واضح خوفه من تركك له


نوره
لاتتنازلين عن حقك كله ولا الكرامه لام يعتذر سلطان منك
ويظهر ندمه بالقول والفعل ويبين حبه والا الطلاق أظن
لوطلبتي الطلاق راح يعترف بحبه ويتنازل عن كبرياءه لوحس إنه راح يخسرك




غيركذا يابنات ناصرلايردكن إلا الدوادمي ولابعد غيرن البيت وخلن عيال القاسي يموتون بحسرتهم و يدورون عليكن لين تحفى رجولهم ويعلنون عن مكافأه للي يعرف مكانكن ولا وصلو لكن تشرطن على كيفكن عاد هم مجربين
العذاب اللي شافوه ببعدكن عنهم وراح يوافقون وهم يبوسون روسكن


نور
لاتظهرين لضاحي لين تبان الحقيقه وخليه يموت قهر
وبعد ماتظهر براءتك لاترضين عليه بسهوله ماهو من أول كلمة إعتذار تسامحينه عذبيه شوي حتى يعرف قيمتك

سهومه منتظرين جديدك الممتع يعطيك العافيه
عبوقه كلمة شكر لاتفيك حقك على المثابره والنقل المميزيعطيك العافيه

يااهلاا والله وغلاا بشاعرتنا فيتووووووو
منوره ياقلبي وصح لسانك على هالابيات الرووووعه
مشكووووره على ردك الراااقي ياعسل
الله لايحرمنا منك وانتي الي كلمات الشكر تقف عاجزه امامك
والتميز هو حظورك

 
 

 

عرض البوم صور عبق الرياحين   رد مع اقتباس
قديم 26-04-12, 04:37 PM   المشاركة رقم: 713
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة وردة الزيزفون مشاهدة المشاركة
   صباح القهر .......صباح التمرد ........صباح العصيان .....صباح الغضب الشعبي القاتل ........بنات وصلني خبر موثوق ومؤكد ترى سهومة مع عيال القاسي ضد بنات ناصر شوفو التعذيب الي تمارسه عليهم وتسكتنا تقول حالهم بيصير احسن من متى واحنا مصدقينك خلاص شلنا العفو عنك من البارت الي راح ومن البارت الجاي انقلاب من جميع الاصعدة عليك ...........فتوما وجيشها وراها ........انا وامة لااله الا الله وراي تهتف بغضب عارم ........وهموس الحلوة بركان ثاير لايوقف بس .........واثورة وعبوقة وكل الحبايب معتصمين مالك مفر منهن .........وبنشوف يااحنا ياانتي ياسهومة لو تكوني بالقمر جايبينك يعني جايبينك ...........بنات مين الي قالت انو شيوخ لقت الخطة الي بتقضي فيها على وسميوه مين الي رفعنا فوق ورمانا بالقاع اخذو حقوقكم ومطالبكم كلها طالبو فيها بدون اي تنازل ........

بنات مين تجيب لي راس الشايب ولها مية ناقة .........ناقة تنطح ناقة بس اشوف راس الشايب تحت رجولي ...يالله همتكم يابنات


وسميوه جيتي لموتك برجولك ......... ايا شينة الحلايا انا الي باخذ حق شيوخ اذا ماخليك تمشي وتكلمي حالك مااصير زيزفون .........الخطة وجهزتها عاد انا مافي احد يغلبني في العناد وعندي طاقة لامتناهية في البرود للقضاء على العدو ياويل الي يعادينا ياويله ويل وانتي معادية اخطر قائدات على المستوى العالمي من زمان ماتسلينا ونادرا انا وهموس نتفق على ضحية ويازينها من ضحية من عروس صقير الي طليقته او بيكون ارمل من بعدك


شيبة النحس

عساك السل الي يشيل يالشايب يالمجنون جعل لسانك الجرب الي ماله علاج لاتاكل ولا تشرب ولا تحكي ولا تبلع ريقك من وجعه يحتار الطب فيك ..........ماغير تناطح الجدران والحضران بدون ادراك ..........تقذف البنات يالرخمة تقذفهم قدام الي يسوى والي مايسوى جعل رب ي يحرق قلبك على اغلى غالي عندك ..........جعلك تدور رضاهم ولا تلقاه قادر ياكريم ...........عاد قلنا كاره امهم الاجنبية وسكتنا لكن تقذفها وتشكك بالبنات عاد هنا طفح الكيل .....لو في وجهك ذرة غيرية ماقلت هالحكي ويومك مومعترف انهن بنات ناصر ليه تدخل فيهن وتزوجهن بأي حق بصفتك ايش ها ماتقولي بأي صفة رميتها على ثور من الثيران الي عندك ..........دامك ماتقرب لهم ليه ماشلت ايدك مثل ماانت شايلها من كل شي الا ختم ورقة التعذيب لذلك زوجتهم للعاهات الي جايبهم لانو مافيهم رجال واحد كلهم يجري فيهم دمك النجس الله لايبيحك ولا يرضى عليك وتجيك لحظة الموت العسرة وتفطس وانت مومباح ولا مسموح من هاليتيمات



الشيخة والغراب

مبسوط انت وجهك ساحب صخلتك يقالك الحين الرومانسية مقطعتك ياعديم النخوة ............لكن انت الي جبت عقابك وسعيت له .........الفخر مو من تزوج على حرمته الفخر اذا قدرت تعدل في ابسط الاشياء والي اولها هالعنز الي ساحبها وين بتنيمها بجناح شيوخ وعلى فراشها الي تزوجتها فيه والا وين ..........الرجولة مو انك تتزوج وانت سكن موقادر توفره لزوجاتك اعتقد شيخة لها جناحها ومو من حق احد ياخذه منها ووسميوه الغريبة تنقلع الملحق ويخب عليها اعتقد البيت بيت ابوك مو بيتك وماحد ضربك على ايدك وقالك جيبها معاك ...........اول مطلب نطالب فيه ابو محمد مايسكن الغوريلا ببيته ويخبر الغراب ولده انو ماتدخل بيته ولا يبي يستقبلها فيه لاهو الي قاله تزوجها ولا ملزوم يرضى فيها هذا ابسط حق يسويه لبنت اخوه الي جنى عليها يوم جابها من بيتها مايقدر يواجه الشايب ابوه بس ولده اعتقد ماعنده عذر مو كل بنت تنضام من عياله وهو بس يتبكبك

شيوخ الخطة ب لولشي ورحبي وهلي في الغرب والعنز الي عنده وقهويهم بعد .......نغصي على صقير فرحته وهذا وجهي اول مايختلي فيها اذا قدر يبلعها او يهتم فيها .........ماغير شيوخ الي بتكون شاغلة البال

ووسميوه مبسوطة وهو ماخذها بس يفرغ فيها شهواته بسبب حسرته على قرب شيوخ اذا بالاول صعب عليه قربها الحين لايحلم ..........خليه يتحسر ومتأكدة انو البقرة مافيها ولا شي يبرد القلب ........تكبر وتجب على هاليتيمة نسى انو دعوة المظلوم مستجابة وهذا ربي عاقبه عقاب ماراح ينساه طول عمره هو الي ضيع شيخة من ايده .......عمر حل الامور ماكان بقهر اليتيم ........صحيح شيخة غلطاها كان كبير في تعاملها السيء مع الكل بس هو كان راضي اما الولد الي طاح ظلم نتهمها بشي موبيدها بيد رب العباد حتى لو ماركضت راح ينزل وراح يحط اللوم على شيخة

هو اختار ويتحمل نتيجة اختياره ..........سهوم شسالفتك مع عقاب الزوجات بالضراير نوف من قبل عاقبتيها بسويرة والخمة الي قبلها ......... شفتو يابنات انو سهومة مجرمة



فهيد ووضحى

والله يافهيدو الي سويته مااقدر امدحك فيه ولا اغير وجهة نظري عنه لانو دفاعك كان عن ولدك مو عن وضحى لانك لو فعلا خايف عليها بتتعدل وبتصير رجال ةبتترك عن سواد وجهك ..........والسانك الاعوج الزفر الي طالع على لسان جدك بينظف وبيتعدل .........وضوح اياني اياك يلعب عليك بهالحركتين لاتصير خفيفة خليك على نفس تمردك والا طول عمرك بتظلي مكسورة ومالك اي حق تطالبي فيه

نورة وسليطين

نورة تمردي على هالمعقد لاتصير عندك عقد الدنيا وقت حاجته جاء تلصق وتسنع واذا اخذ الي يبغيه ذلك واهانك ...تراك ماتقلي عن غيرك من البنات الي بعمرك ولو مااخذتيه مليون غيره يبيك .........يبغي يرضي عجايز الهم على حسابك لا والف لا بكرة يسوي سواة صقير ولا واحد يفتح فمه ............كل واحد طول بعرض مافيهم واحد وقف مع الحق وهذاك يقذف زوجاتهم صدق رخوم



سارة ونويفان

نويفان الله لايوفقك ولا يعافيك يالنذل ماخذ البنت تموتها من البنت تموتها من الجوع حسبي الله عليك ياعديم الاحساس ربي يجازيك جزاء لاشفته ولا بتشوف مثله ..............تشمت في البنت ذبحتها حرمتها من الراحة والاكل وحتى من خواتها ضيعتها وضيعت مستقبلها كبرت سنين فوق عمرها ........على ايش شوفة النفس ترى لاتتفرعن ربك قادر عليك بغمضة عين كل الي انت مغتر فيه بيزول

وسويرة خلاص اعتبريه شي مو موجود اعتبريه مزهرية او كرسي لاتلتفتي له ولا تعطيه بال ...........شراح تخسرين ولا شي منتظرة ياخذ غيرك مثل اخوه خوب هو يقلده في كل شي والغيرة منه ذابحته ...........عاد تخيلي يتهنى مع غيرك وانتي حتى الاكل محرومة منه هذي حالة بالله ليه هو احسن منك في ايش ولا متفضل عليك بأيش اجل صرتي بايعة هواء وهو الي سلبك عفتك ..........جعل ربي يحرمه من الهواء ويفطس ونرتاح منه


نور وضاحي

نور زين هجيتي بعمرك من عيلة الاجرام بس ياخوفي عليك من العصابة الله ينصرك عليهم وعلى هالخبل ضويحي مالت عليه ثم مالت واذا هو ماعاملك كزوجة نعمة من الله تخيلي تمتع كم يوم فيك وبعدين رماك بسبب افكاره الغبية الي مثل وجهه ............بعدك عنه بيريحك وبيخليك تفكري بعقلانية ويمكن انتي الي تفجري لنا مفاجأت ماتخطر على البال .......واذا طلعتي الحقايق اخلعي مسود الوجه ولا تخليه يتهنى فيك

ريم وسعد

والله الناس في ايش وهالدلوعة في ايش ترى وقسم كارهة هالريم ودلعها اجل هي وامها يبغون كل شي يفوشرون فيه عند الناس وماتبغي يصير شي ماتمنته ..........اقول بس تلايطي جعلك الوحام الي يلهيك عن غيرك يمكن ترتاح سارة من لقافتك وتدخلاتك ومفوشرك

فويرس هذا الي ربي قدرك عليه تقول عن هالشايب مخرف ..........لو انا مكانك غير بالرشاش افرغه بصدره يقذف حرمتك وانت ساكت افا خيبت ظني فيك

وبنت خزام جعلها المرض وينها وين لسانها فالحة بس تتقيوى على نور ومسوية فيها انو لها كلمة مااشوفها عرفت توقف ثورها يوم قذف بنات ولدها .........لكن وين بتروح من ربها


سهومة مازال عندك فرصة اخيرة تنظمي فيه

لنصرة بنات ناصر ......والا ؟؟؟؟؟؟؟؟؟؟

ياهلاا وغلاا بزبزفونتي
منوووووووره يااااقلبي انتي
والله ان ردك يثلج الصدر ويخلي الواحد يتحمس معك اكثر
الله لايحرمني منك ياعسل ولا من طك المميزه

 
 

 

عرض البوم صور عبق الرياحين   رد مع اقتباس
قديم 26-04-12, 04:38 PM   المشاركة رقم: 714
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

بسم الله الرحمن الرحيم .. السلام عليكم ورحمة الله وبركاته
والحمدالله والصلاة والسلام على رسول الله ( صلوا عليه وسلموا )
..
عرافه ان الشعب متظاهر علي .. والجميع زعلان .. وانا عند وعدي بتعدل حآل
بنات ناصر .. حابه اشكر فتامين .. لاعدمت كلامك وشعرك يالغاليه
..
بروح للسوق ومستعجله



مع اطيب اف؟منيات بقراءه ممتعه
.
سهم المملكه
.
لإله إلا الله




( البارت التاسع والخمسـ 59 ـون )


بيت ضاحي بن فهيد

دخل الصاله وهي ماسكه يده .. وعينه على شيخه اللي واقفه

ومايندرى وش ورى ملامحها الجامده والبروده اللي متلبستها

ناظرت فيهم شيخه لين جلسوا .. ووسميه جلست جنبه .. وعينها

مافارقت وسميه








يالله مسكت نفسي .. اعوذ بالله منك ياإبليس .. وين راح عقلي

كيف كنت بروحح أسامحه وأطلب يسامحني .. حسيت غصتي

وصلت حلقي .. هاذي اللي تزوجها علي .. هاذي اللي بدلتها بي

ياصقر .. ياربي عطني القوه أقدر اواجهه وأواجها .. يارب انك

تعلم بضعفي في هالساعه فأخذ لي بحقي وأرحم كسري وضعفي

حسيت اني واقفه وألوح بالإطلآل .. صقر مستحيل يتربع بقلبي

مثل قبل .. تلبست قناع البرود وأنا أصبر دموعي ماتنزل

قاطع تفكيري صوته – وين امي

لفيت وناظرت فيه وتكتفت – مبروك منك المال ومنها العيال اللي

تبيهم

ناظر فيني فتره وعيني بعينه .. ووسميه تناظرنا وماهي عارفه

وين موقعها

سألت وسميه وهي تقطع نظراتنا لبعض – مين هاذي صقر

مشيت وجلست على الكرسي وحطيت رجل على رجل

وقلت ببرود – اجل ماعلمتس رجلتس من أكون

هزت راسها بالرفض – لا ماعلمني

ناظرت في صقر وأنا أحاول ألعب بأعصابه – هاه صقر ليش

ماعلمتها .. علمها لاتزعل عليك ( وغمزت له ) لاترقدك برى اليوم

شفت العصبيه ركبت وجهه .. حسيت بإنتصار بسيييييييط

ناظرت في وسميه وأشرت على نفسي بغرور – انا شيخــــــــــــه

شفته ناظرني بس مطنشته كمل وقال – هاذي شيخه زوجتي

على طول مسكت في صقر .. كأنه بيطير منها .. وناظرتني

بحقد

على نظراتها إبتسمت عرفت انها ماهب سهله

قلت في نفسي ( صبرتس علي اعلمكم من شيخه )

وقفت وقلت – هاه ضيفتنا ماقلتي وش تشربين

قالت بإندفاع – ماني ضيفه

جلست وانا اضحك – ياحليلتس والله ريحتيني من هم

الضيافه ..يالله ياشاطره قومي صبيلتس انتي ومعرستس

لمحت يده اللي على الجنب الثاني يوم قبضت بعصبيه

حسيت ان ناري شوي هدت .. عرفت انه ساحبها عشان يقهرني

بس قلبت الطاوله على راسه

قامت وسميه وهي تصب القهوه ومدت على صقر اللي خذاه

وهو سرحان .. وصبت لها فنجال وجلست

بتمثيل متقن – لالالا ماتوقعت انتس بهالصوره ياوسميه

اول مره نعرف بعضنا وباين انا بنصير حبيبات مع بعض ماتصبيلي

فنجان

حسيت انها تفأجات وناظرت فيه .. وهو حسيته تفأجا بكلامي

وش كان يتوقع انزل عند رجله وأبكي .. ليش أخذتها ياصقر

لو تموت ماذليت نفسي عليك

حسيته بينجن .. والمهبوله كأنها ماصدقت اقول لها هالكلام

وراحت تصب لي فنجال مبسوطه .. مدته علي وأنا إبتسم لخطتي

وجلدي كشششششش .. سويت انه زلق وانكب على فخذي

صحيح ان الوجع ماهب واجد .. بس حقدي واجــــــــــــــــــــــــد

قلبي يعورنــــــــــــــــــي من اللي ســــــــــــــــواه فيني .. بموت

بموت في مكاني .. مستحيل فيه حرمه في موقفي وماتبكي

وكان كل اللي يصير فيني بس عشان اعطيه الكف اللي يبرد

خاطري .. كفففففففففففف حسيتها ألتوت من قوته .. والصحيح

ان الكف اللي عطيتاها إياه من قلب محرررررررررروق .. صحت

وانا انفض ثوبي وأسوي نفسي اتألم من الحرق .. والصحيح اني

ابكي من اللي فيني .. بكاي كان مبالغ فيه .. بس كرهته وهو فازع

لي وعيونه مصدومه – شيخه صار فيتس شي

ياليتني خليته هو اللي يصب لي الفنجال .. عشان أبرد خاطري فيه

ناظر فيها وهو معصب – انتي مهبوله .. تبين تحرقينها هااااااااااه

حسيتها كمشت على نفسها .. وخافت

لا توتس ماعرفتيني .. رحت عنهم وأحس بالدموع نزلت .. سمعت

صوته – شيخه امشي أخذتس دكتور

اصلا اللي فيني مايستاهل دكتور .. اللي فيني يستاهل كسر راس

على حبي لك .. بس اشبع فيها وانا اللي بأخذ حقي وحق خواتي

طلعت للملحق .. وسمعت خطوات وراي .. ماأبيه يلحقني أبي

أبكي على راحتي .. يوم وصلت الملحق مسك في عضدي

وخلاني اناظره – شيخه فيتس شي .. تحسين بوجع امشي

اوديتس المستشفى

تمنيت ابرد خاطري فيه .. بس مستحيل أخليه يحس بالنار

اللي تحرق ضلوعي حرق .. تركته وسكرت الباب .. سمعته

طقه طقتين وراح .. مشيت للحمام وغسلت وجهي كم مره

ليش طحت على راسي وحبيتك ليششششش .. نزلت بثيابي

على المروش وخليته يصب .. لين هالحين مافقت من الصدمه

الإهم عطيتها كففف برد من خاطري شوي

 
 

 

عرض البوم صور عبق الرياحين   رد مع اقتباس
قديم 26-04-12, 04:39 PM   المشاركة رقم: 715
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


ألتفت علي وقال – يالله أنزلي صلي

وذلف الله لايرده .. فتحت الباب ونزلت .. شفت حريم كثير

وزحمه في المصلى .. لقيت مكان عند حرمه كبيره وصليت

جنبها وانتهيت .. مشيت للسياره بس مالقيته .. اظاهر انه

يصلي .. وقفت عند بابها وأحس بأصوات وراي – شف

شف جسمها خبااااااااااال

ماأبي ألتفت خايفه .. فيه أحد يطلع من المسجد ويتغزل بحرمه

يمكن ماصلوا .. خفت وانا أسمع اصواتهم تقترب

لين سمعت صوته يقول بعصبيه – فيه شي انت وإياه

حسيت بخطواتهم ابتعدت .. فتح السياره وركب وركبت

ماخلاني أسكر الباب يوم مسكني بعضدي وشدني بقوه – وش

اللي تسوينه اخليتس بتصلين ارجع ألقاتس تغازلين

حسيت انه يبي يذبحني بشده لي قلت بوجع – والله ماشفتهم

ولا ناظرت فيهم آآآآآآآآآي فكني

قال بعصبيه – بتمشينها علي انا اعرفتس أكثر من نفستس

زينتس هذه تبين يشوفه أكبر عدد ممكن من الريجيل

نسيت وجعي وناظرت عيونه قلت بألم – اكررررررررهك

تطنز علي – لا ياشيخه ( دزني بقوه ) اصلا شعور متبادل

ولاتسوين لي هالفلم عشان انسى وش مسويه مع الصيع

يالصايـــــــــــــعه

مادرى غير يوم طبيت عليه اضربه في كل مكان تلمسها يديني

هالإنسان حارق قلبي ومشبعني ألم وإهانات .. ماهب أكيد في

شعوري يوم أضربه .. بس حسيت فيه يبي يكتفني بس ماهب

قادر علي .. لولا صراخ الناس كان انهيته من الدنيا اليوم

فتح رجال علي الباب – اختي صاير فيتس شي خاطفتس

هذا ( ويأشر عليه )

ياليتني قلت ايه .. بس انا تعبانه وابي ارجع ارقد

لفيت راسي عليه وناظرني وهو معصب ويسوي شماغه

وقلت – لا

أكد علي الرجال – متأكده

هزيت راسي بإيه .. بس هالرجال ماراح وأظاهر فيه مصيبه

ثانيه بدت يوم صرخ ونقزت انا والرجال – ايييييييييييييه

انت اظاهر اعجبك دور البطل يالله أذلـــــــــــــــــــــــــــــــف

حسيت الرجال خاف وراح .. والناس تفرقت يوم شخط

بالسياره وانا ماسكرت بابي .. وصكره الهواء القوي اللي

اندفع وانا ماسكه نفسي .. مدري وين عقلي وانا اسمع

صياحه وصراخه وتوعده وتهديده .. ضربني بوحده

من يدينه على راسي .. كنت بقوم واضربه بس كنا في

سياره وصرخت علي – بـــــــــــــــــــــــــــــــس

حسيته صكت ومره عينه علي ومره بالطريق .. ماأبي

ابكي يقهرني بموت من ناري في مكاني .. صديت بجسمي

وراسي للباب وجلست ابكي واشهق .. كنت ابكي من قهر

اني بكيت وشاف دموعي ويسمع صوت صياحي اللي

بيفجر السياره .. سكتنا وكانت السياره هدوء الإ من صوت

صياحي اللي ماهب راضي ينتهي







مدري وين راحت .. لاليلي ليل ولا نهاري نهار .. ماخلينا

مكان مادورناها فيه .. فص ملح وذاب

ربت على ظهري محمد وحنا داخلين بيت اهلي – بيفرجها ربي

وبنلقاها

كنت مقهور من اللي صار فينا .. ومن سواتها .. من رجعت لها

الذاكره شالت شلايلها وراحت

دخلنا البيت وشفت امي وجدتي وابوي وجدي جالسين

قال جدي وعيونه علي – عساك لقيتها

هزيت راسي بلا وجلست

محمد – والله مدري وين اختفت إسبوع ونحن ندور عليها

الله يستر

الجده بعصبيه – وين ذلفت وفضحتنا ( ناظرت فيني وانا ماهب

ناقص ) هاذي اللي اعرست عليها وخذتها بدون مشاورنا

شف وش سوت

كرهت كلام جدتي ووقفت رايح لفوق .. رقيت الدرج وانا

كل فكره شينه ركبت راسي خوف عليها







وضحى

أخذت عبايتي وشنطتي .. وطلعت وجلست بالصاله أحتريه

ورجعت أفكاري لقبل اسبوع وتغيره الجديد علي .. يبا الفيت

مهتم فيني .. ويسوي نفسه مهتم بالطفل .. وعنده أفكار زي

وجهه له .. وبيسوي غرفه ومدري وش

بس تذكرت يوم صفعته بهرجتي – من وين لك دراهم وانت

عاطل باطل .. لاتقول بعد انك بتأخذ من ابوك

حسيته في وسط تحمسه كسرته .. يستاهل .. هالطفل الشي

الوحيد اللي يجبرني اعيش معه ولا غيره لا

بس استانست يوم ذلف ذاك اليوم عني وانا تعبانه برقد الوحام

ذبحني وهو يهذر فوق راسي

آآآآآآآه تنهدت وانا احس بالتعب .. لو ماشيخه دقت وتبيني ولا

كان مارحت .. شميت ريحة عطره اللي اسكنت المكان وألتفت

عليه – خلصت

هز راسه ومشى عندي ومسك يدي .. دزيت يده – اعرف امشي

حسيته انكسح ومشى قبلي .. مدري ليش صار كلامه يوم يقول

عني عرجاء يرجعلي .. يحسب اني بطيح وانا اعرج واطرح ولده

اللي يبيه .. حسيته يستخف بي

نزلت تحت وشفت شيبة إبليس جالس ويناظرني .. اكرهه

كرهه .. مادري كيف صار ابو ابوي .. ابوي اللي كان طيب

وحنون .. ويحب الخير للناس .. بس استغفرالله هاذا عكس

ابوي في كل شي

سمعت جدتي وهي توقف – انا بروح مع فهيد ووضحى

مشيت وانا ساكته .. كل هالناس طاحوا من عيني .. وسكت

عن جدتي بس عشان احترام ابوي لها وكلامه الطيب في حقها

ولذلك انا محترمتها بس لان ابوي يموت فيها .. ودائم يعلمنا

بقصص هالمراه العظيمه في نظره

ركبت ورى وهو يقول – وين

قلت له واشوف جدتي وراي – جدتي بتروح معنا

سكت يوم جدتي ركبت – مساكم الله بالخير

قلت هلا بصوت ماينسمع .. اما هو يطتنز قليل الإدب – شكلتس

مضيعه الطريق وراكبة معنا .. ولا عشان يعني بيصير عندنا

طفل خلاص تركبين معنا

سمعت صوته تضحك وتقول – خلاص وقف ونزلني خربت عليكم

وانا جدتكم

قال وهو يضحك بيرقع – خلاص ركبتي وانتهينا

من زينك ومن زين وجهك .. اعرف ليش يسوي هالحركات

بس انا ماهب متقبله منه شي .. وصلنا البيت وكان في وجيهنا

سيارة نايف وساره في الكراج وهم ينزلون .. شفت ساره سكرت

الباب بقوه ومشت وسمعت صوته يتحرطم – صدق بقررررره

ناظرت فيني جدتي وسكتت .. وانا مت قهر

شافتنا ساره ووقفت سلمت على جدتي وهي تقول – شلونتس

ياجده عساتس بخير

قالت جدتي – وش بلاه رجلتس صوته فاقع طبال اذانينا

ناظرت فيني ساره وصديت وسكتت

ناظرتنا جدتي تحترينا نسلم .. مشيت وسلمت على ساره

ودخلنا البيت ورى جدتي ومانطقنا بحرف .. شفنا فيه

حرمه جالسه وعندها موضي ومنيره وهند

مشينا وسلمنا وعقب ماخلصنا .. شفت ساره عدت لفوق

ونطيت جنب هند وهمست لها – من هي ذا الحرمه السمينه

حسيت اني بطيح ومسكتها يوم قالت – هه حرمة صقر

دورت بعيوني شيخه .. يويلي شيخه وش صار فيها

بسرعه سألتها – شيخه درت عنها

هزت راسها – هي اللي معلمتني

ياقو قلبتس ياشيخه .. انا اللي ماحبيت فهيد لو يعرس علي

بسوي حريقه وهي بارده وانا متأكده انها تحب صقر

طلعت تاركتهن.. يوم جيت بطلع إلا شيخه بوجهي

 
 

 

عرض البوم صور عبق الرياحين   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:21 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية