لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 17-04-12, 12:29 AM   المشاركة رقم: 661
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


ونزلت .. في طريقي شفت هند وشيخه داخلات البيت

يوم شافوني حسيت انهم تفأجن وهن يشوفن شنطتي

كنت اتمنى وحده منهم تسألني وين رايحه .. بس مااااش

اظاهر ان خلاص شطبوني من حساباتهن .. ( سخرت من نفسي )

هه وش بقى فيني ماطاله الغبن والقهر .. من كل صوب اشوف

مافيه شي صفالي .. كيف بشوف الدنيا ورديه وانا طحت من عيني

دنيا سوداء .. مافيه شي حلو ابد

فتحت الباب وركبت جنبه .. حسيته مغصوب على هالروحه

وتأكدت يوم قال – لو مازعل امي مافكرت فيتس

شكرن على الجروح .. اجرح اجرح عادي .. انا تراني ماني

بشر .. انا في نظرك ميت مشاعر واحساس

تنفست بعمق .. ابي اعبي هواء .. واكتم مايصير فيني .. ألتزمت

السكوت .. حسيت بدموعي تنطف دمعه .. وراها دمعه .. وتتلاها

دموع







كنت في المطبخ ونرتب في الإغراض .. من اليوم خايفه يدخل

ويشوفني .. إن شاءالله يرقد لين نمشي

شفت فارس دخل وهو يقول – سعد يدور عليتس يمه بيمشون

معاد بقى شي على الطياره

راحت لهم عمتي .. وشفت فارس دخل يشرب مويه .. تذكرت

شنطة ساره وقلت – وين رايحين

ناظرني وهو يصب المويه – من تقصدين سعد وريم

قلت – لا ساره ونايف

رفع الكأس وقال – مدري عنهم ( وشرب مويه )

يبا الفيت بيسوون انفسهم طيور كناري مالت بس مالت .. دخلت

ريم وسلمت علينا وطلعت .. طلعنا معها وودعناهم

بعد فتره

شال فارس والسواق الاغراض في السياره .. وانا في داخلي

ادعي يارب مايقوم هالحين .. يارب مايقوم هالحين

بسرعه ركبت مع فارس وعمتي وعمي وهند والشغاله

ومحمد وموضي في سيارتهم

بس وين وهالصقر من بينحاش منه .. وهو يسمع يوم السيارات

اشتغلت وقفهم وفتح الباب حق فارس .. وألتفت وناظرنا

.. حسيت نظراته منصبه كلها علي وهو

يقول – هاه شيخه معكم

انقهرت انه كشفني .. قال وهو يناظرهم

ويضحك – انا مااستغني عن حرمتي .. امشوا ونحن بنلحقكم

مطيت عيوني .. انصدمت .. إلا خفت .. هاذي النار اللي ألعب

فيها هاه هاذي هي بتحرقني .. وش بيخلصني منه هالحين

حسيت اني بدوخ وهو يفتح بابي ويمسك يدي – يالله حبيبتي

انزلي

شفتهم يناظرونا .. ماكان قدامي إلا انزل ولا اعارضه .. بس

وين بيروح مني .. ان كانه صقر تراني شيخه

شفتهم يبتعدون طالعين مع البوابه .. وموضي ومحمد وعيالهم

وراهم

حسيت انه شرير وهو يقول – هاه شويخ وين رايحه

انا متأكده النار في يوم بتحرقني .. بس إن شاءالله ان اكون

وصلت للي ابيه

بسته بقوه في خده .. وحسيته مسطول

ابتسمت على شكله وهو يحسب اني ابتسم له – وه حبيبي

امس احتريت ( ولعبت في اصابعي وانا اضغط عليها واحد واحد

بدلع متقن ) هند ترقد .. وعمي .. وسمعت صوت في الحوش

وصوت سياره .. وفي الإخير سرقني النوم .. ماقمت إلا توني

بغيت ابكي

وانا اشوف الساعه عشر .. تذكرت اتفاقنا بس ماااااااش

حسيت وجهه تهلل وهو يقول – طيب معنا وقت هالحين

وش هو مطيت عيوني .. ياااااااااااااااربي انفذ خطتي واوصل

للنهايه لين يعرف منهي شيخه

ضحكت وانا اهمس في إذنه بشي عصب منه – ومتى شرفت

وانتي توتس انهيتي شهر ومدري كم يوم

ضحكت وقلت – وش اسوي

كان وده يسطرني وهو يقول – ووينه هالكلام امس وانتي تغريني

ومدري وش هو

ودي اضحك على شكله وقلت – كتبة الله بعد وش اسوي

امس كنت ابي اسولف معك من زمااااااااااااان وانا مشتاقه لك

حسيت عيونه ماهب مصدقتني .. بس تعابير عيوني متقنه الدور

يويلي من كيد النساء .. والله عظيم (( قال هالكلمه وهو يمشي

لسيارته مقهور ))

مشيت وراه وانا اكتم ضحكي وبدلع وميوعه – صقررررررر

ناظرني وابتسم وقال بنفس نبرتي – يا نعممممممم

مدري ليش ضحكت من صوته .. وكل السالفه اضحك من غبائه

ماعليه ياصقيران اجل بتعرس علي وتأخذ وسميه .. ان اخلي

هالشي بعيد عن شاربك .. ماني شيخه بنت ناصر .. وهاذا

تحدي ومن هالحين على نفسي قطعته








دز الكيسه علي – هاتس افتحيلي قارورة الماء افففففف

انقهرت من تأففه .. فتحت له القاروره وانا اغلي .. مديتها

عليه وانا في داخلي عساه سممم وقلت وانا اعني هالكلمه

بكل مافيها وانا ادغم الميم – سممممم

ألتفت علي معصب – تبينه سم انتي

سكت ماتكلمت .. إن شاءالله يعرف بعد اني ادعي عليه

في كل صلاه .. عساه مايمشي خطوه غير خسرانه .. ولايذوق

التوفيق في حياته .. ويوريني فيه اللي يشفي غليلي منه

بعد فتره طويله .. من السكوت .. وصلنا الشرقيه وماخلينا

فندق ولا مكان .. كله فلللللللل .. لان الوقت ربيع .. ونحن في

العطله النصفيه للمنتصف الثاني

مدري كم شارع لفينا .. وكم إشاره مسكتنا .. وكم فندق مالقى

فيها حجز

وصار الوقت ليل .. ونحن ندور .. شفته وقف في مطعم

مدري وش اخذ ورجع ومعه كيسه مدها وهو يقول – اكلي

انا ماابي

حسيت اني ضعيفه لو بأخذها وأكل .. خليتها في مكانها

ولا أخذنها .. سكت واحسه مطنشني

بعد تأفف .. وعصبيه .. وسب .. وكلمه شينه ماقالها الوسخ

لقى جناح .. شفته أشرلي انزل

نزلت ووصلت لين وقفت عنده .. شفته رجع للرسبشن

وهو يقول – ومتى يفضى الجناح اللي فيه غرفتين

ناظرنا السعودي وهو مريب من وضعنا – حاليا مافيه إلا هالجناح

ليه كم عدد افراد العائله

حسيته تفشل وانخرس وهو يقول بشين نفس – يالله هات المفتاح

يحسب كل الناس عبيد عنده .. انقهرت يوم فشل الموظف الضعيف

حتى حسيته متفشل وهو يمد المفتاح

خذاه وهو يقول للهندي – نزل الشناط وقفل السياره اوك

هز الهندي راسه وراح

مشيت وراه وفتح الإصانصر .. مقهوره اني بشاركه غرفه

وحده ماني طايقه شوفة خشته

انفتح الإصانصير وانا اشوف وش كثر فخم الفندق اللي نحن

فيه ووش كثر حلوه ديكوراتهم

فتح الباب بالكرت اللي معه ودخل .. ودخلت وراه سكرت الباب

وجلست على اول كرسي قابلني .. تفحصت الجناح اللي فيه

صاله لو أمدح فيها من هنا لبكره ماوفيت حقها فخمه وبقوه

والغرفه مفتوحه عليها .. مافيها نظام ابواب .. لا كل شي

مفتوح على بعضه .. شي رائع

شفته مشى للبلكونه اللي زجاجها أخذ نص مساحة الجدار اللي

فيها .. فتح البلكونه ووقف فيها فتره من الوقت .. وانا جالسه

اناظره وحاطه يدي على خدي .. اقسم بالله مهزله اللي

اعيشه مع ذا الإنسان اللي حرام كلمة إنسان عليه .. بس

ابي اعرف منهو اللي أخذ مقلب فيه ومسلمه شهادة دكتوراه

لا ومو أي شهاده جراحه بعد يمال الضعفه

نقزت يوم الباب اندق .. شفته ترك البلكونه وراح يفتح الباب

وقفت وانا ابتعد شفت البلكونه وانا واقفه .. يويلي وش هالمنظر

انصدمت .. وااااااااااااااااه بحرررررررر .. احب البحر .. يازينه

 
 

 

عرض البوم صور عبق الرياحين   رد مع اقتباس
قديم 17-04-12, 12:30 AM   المشاركة رقم: 662
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

ياناس يازينه .. اول مره في حياتي اشوف بحر .. ماقد شفته

إلا في المسلسلات

غمضت عيوني .. ورجعت للذاكره شوي لورى وهند معي

في بيتنا في الدوادمي

ألتفت على هند ونحن قدام التلفزيون – يوووووووووه هندوه بحر

كشت علي – يوووووووه ومدري وشهو وصبيتي قلبي وفي

النهايه بحر صدق بقره

حسيت اني بنهبل وانا اقول – امانه ماتحبين البحر .. يازينه

تخيلي انا وإياتس اللي نلعب فيه ماهب ذا المسطوله اللي

تناقز فيه

ضحكت علي – ياحليلتس ارقدي واحلمي مانتي بشايفة بحر

لو تموتين

فتحت عيوني وحسيت بدمعتي .. ياااااااه صايره ام دميعه

كل شي يبكيني حتى شوفة البحر

سمعت صوته يتأفف .. ألتفت وراي ... شفته يفتش شنطته

ويكلم نفسه – صدق غبي كيف بتروش هالحين

اظاهر انه ناسي فوطته .. شفته ترك اللي بيده ودخل الحمام

بيدور فوطه .. شفته رجع وهو معصب وينافخ – فندق معفن

يويلي مطيت عيوني .. فندق معفن .. اجل مشاف بيتنا اللي

معفن صح .. والصراصير جاحره فيها

صدق ان عينك وسيعه وفارغه ياذا الواطي

راح للتلفون ودق عليهم .. مدري وش يقول .. اصلا مطنشته

ووقفت في البلكونه .. كنت اسمعه يهاوش .. وكنت متأكده

انا الليله مابنبات في ذا الفندق اللي يالله لقيناه

شفته وقف جنبي وهو يقول – لاتصدقين نفستس وتفصخين

برقعتس وتتقنين الدور ياعاشقه

انقهرت من كلامه وقلت له – انت وش تبي

حسيته ماتوقع اني اتكلم .. ناظرني فتره ثم قال – عندتس

منشفه بتروش ثم بشتري جديد

قولبت الفكره في راسي .. حسيت اني مستانسه وانا اشوفه

منذل لي .. جعل عمرك ذليل ولا تشوف شي متوفق فيه يارب

مشيت بصمت وفتحت شنطتي .. عطيته منشفتي .. اخذها

ودخل الحمام .. جلست فتره اناظر البحر .. تمنيت الصبح

يطلع واشوف وش كبره

تذكرت كلامي مع هند

هند تتوقعين البحر وش كبره

هند وهي تأكل – وش عرفني وش كبره كبير وبس

قلت لها بغباء – ودي اقيسه

ناظرتني ثم ضحكت – انتبهي يدوخ راستس وتطيحين وانتي

تقيسينه ترى البحر غدار

كنت انقهر من كلام الناس يوم يقولون البحر غدار .. متى صار

البحر غدار .. البحر حضن كبير ووسيع .. يسمع هموم الناس

ويشوف دموعهم ويسكت .. ماهب صديق ويغدر فيك .. ولا

إنسان له مصلحه عندك .. ولا مثل خواتي اللي لفوا وجيهن

عني

تركت البلكونه وانا ماودي اتركها .. جلست على التسريحه

وفكيت برقعي .. وفكيت الشباصه اللي بشعري توجعني

دلكت فروة شعري وانا احس اني دايخه .. ماقدرت انام لين

راح من عندي .. كنت اسمع الباب يوم سكر .. ساعتها

قعدت وقت طويل شوي ثم رقدت .. يمكن على اذان الفجر

كان ماعلي صلاه .. ولا كان احتريت الصلاه ورقدت

وقفت وطلعت البشت اللي كان خانقني .. بشتي إسلامي

زي اللبس .. ينلبس من فوق

ناظرت في التنوره اللي علي السوداء .. والبلوزه السماويه

مشيت للشنطه .. طلعت لي قميص قطن مريح لونه ابيض

ناظرت السرير .. احس اني بموت وانا اعرف انه بيشاركني

هالغرفه .. توه قلبي يدق طبول .. بسرعه غيرت لبسي وانا

اتخيل انه بيطلع علي في إي لحظه .. ركضت لانوار الغرفه

وبسرعه طفيتها ورقدت .. ماابي احس بالفشيله وهو يشوفني

جالسه مارقدت

حسيت في الباب اللي انفتح .. وصوته وهو يتأفف .. حقير

اكيد يتأفف لاني رقدت على السرير .. وين يتوقعني برقد

إن شاءالله . رصيت على نفسي وساكته

شفته حذف المنشفه قريب مني .. حقير ووقح .. ماهب غريبه

ناكر المعروف

حسيت السرير ثقل .. رقد وراي .. انقهرت بس من التعب

رقدت وانا اتذكر بس ثقله على السرير يوم انسدح







من يوم وصلنا للبر وانا اشوف عيون وضحى فيها هم كبير

ودي انفرد فيها .. بس الخيمه وحده .. والحريم كلنا فيها

موضي – فقدنا ريم وساره الله يسعدهم

سكت .. ناظرت وضحى اللي ناظرتني .. متأكدات ان ساره

مستحيل تكون سعيده مع إنسان وينه ووين المرجله باللي

سواه فيها

وقفت وانا اغمز لوضحى تلحقني

وقفنا برى الخيمه وقلت لها - وش فيتس

حسيتها حزينه وهي تقول – ليش ولا وحده سعيده فينا

عقدت حاجبي – وش فيتس انتي بعد

صدمتني وهي تقول – انا حامل






( إنتظروني بإذنه تعالى .. يوم الخميس في بارت خطيررر )

 
 

 

عرض البوم صور عبق الرياحين   رد مع اقتباس
قديم 18-04-12, 01:09 AM   المشاركة رقم: 663
المعلومات
الكاتب:
اللقب:

البيانات
التسجيل: Apr 2010
العضوية: 161052
المشاركات: 52
الجنس أنثى
معدل التقييم: حويرش عضو بحاجه الى تحسين وضعه
نقاط التقييم: 22

االدولة
البلدSaudiArabia
 
مدونتي

 

الإتصالات
الحالة:
حويرش غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

يعطيك العافيه عبوقه ..من سير أحداث الروايه هل باقي كثير على ماتخلص متحمسه حدي لقرأتها بس أبيها تكتمل بالأول ياليت تفيديني ياعسل بأنتظارك

 
 

 

عرض البوم صور حويرش   رد مع اقتباس
قديم 19-04-12, 01:10 AM   المشاركة رقم: 664
المعلومات
الكاتب:
اللقب:
عضو راقي

البيانات
التسجيل: Mar 2012
العضوية: 239501
المشاركات: 9,417
الجنس أنثى
معدل التقييم: Q.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسي
نقاط التقييم: 5980

االدولة
البلدSaudiArabia
 
مدونتي

 

الإتصالات
الحالة:
Q.miiro غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

ا

الـــــسلام عليكم ورحمه الله ’

عبــــوووق الله يرزقك الجنه ويحرم يدينك على النار ...

وسهم المملكه فعلا كــــاتبه مبدعه أقولها من كل قلبي كتبتي روايه من اروع الروايات اللي مرة علي .

بالنسبه للبــــــــــــــــارت ^ ~ ^
ــ




ضـــاحي ونور:

أتوقع أنه أبو خضر يقرب لها يمكن من ناحية أمها او كان خاطبها بس
اللي أعرفه ومتأكده منه انه أبوها كان خايف عليها منه وهي اكيد مالها
ذنب .
تدرين عبوقه انـــا مستغربه من ضــاحي كان خايف من مشاعره تجاه نور لما كان مسافر فيها برا وفجأه عني طبعا ماعاد عرفت هو متقبلها ولامجرد تحصيل حاصل وكل هذا مهمه للوطن؟؟

ســــــــاره ونـــايف:

خطوه حلوه منه انه صار يخاف على سمعتها << ياخي بلا كذب لو راحمها من كلام الناس ماكان تعديت على شرفها من البدايه حتى لو كنت سكران لما صحيت أصريت على سوئها وتركيبها الغلط لوحدها حتى القذف ماسلمت منه وكله عشــــان عنجهيتك وغرورك اللي مايتنازل يعجب بهاليتيمه اللي مو من مـــــــــــستواك العالي .
ســـاره يـــاقلبي عليها فعلا معــــاناة مجموعة نســــــاء فوق حرمانها من
أعز ماتملك البنت كانها هي الامعتديه عليه مو هو( أستغفر الله) بس ماتضيق الايفرجها ربك. والشرقيه بتشهد بأول أنتصاراتها بإذن ربي.


شيخــــــــــه وصقر:

مليت من كثر ماأدافع عنها والله ياناس هالادميه اكثر شخصيه حبيتها وشدتني للروايه . وصقر ماعندك وقت ياخي كله تفكر في وناستك ياخي أستحك على وجهك وعاااتي كل دقيقتين أو حتى يومين تمرر عليها كلمه حلوه وإذا خسرت حاجه بدفع لك خخخ.


نوره وسلطان:

أتوقع كل السالفه أن سليطين مايعرف يعبر بس بــــــــــــاين الشوق واسراره ونوره صدقيني مايحتاج الاالصبروبس.


وضحى وفهييد:

لا يوضوح كله ولا الطلاق وأنا أختك صح كرامتك فوق كل شي بس فيه طرق تربيه مفيده وغير مضره مثلا أعتصمي في الملحق ومن غير حلفان أن يحترق ويذوب وينجن ويطير ولايوقع ويـــــــــــتوب عشان ترضين عليه
سواء حامل ببيبي او من غير لانه ردة فعله على حملك عجــــــــيبه والله ينصرك عليهم انتي وخواتك.


عــــــــــبوق سوري على التأخير في الرد بس عندي هالفتره شوية ضروف الله يفرجها من عنده.

---
ههههههه عبوقه من كم يــــوم نسخت الروايه وعطيتها أختي تقراها تخيلي
أسميها السلحفاه تقعد احيانا في الروايه كم أسبوع والاغلب ماتكمل من الملل تدرين لمى قرتها خلصتها في يومين وصارت تسنتر عندي كل شوي تقول نزلت ولا لا وتقول هالروايه عـــجيبه على غريبه بس حـــــماس.


ويــــــــــــــــــــسلمووو.ا

 
 

 

عرض البوم صور Q.miiro   رد مع اقتباس
قديم 19-04-12, 01:34 AM   المشاركة رقم: 665
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

صباح الخيرات ... صباح الورد سهومة ..........تسلم ايدك ياقلبي على البارت بس شغلتي تفكيري بكلامك عن البارت الجاي ومايحمله من احداث غير متوقعة وايش المفاجأة او اقول مفاجعة وتخص مين هل لها دخل ببنات ناصر والله شكل هالبر ماوراه غير المصايب كل ماطلعو صارت مصيبة الله يستر ....... شوفي سهومة اذا المصيبة لبنات ناصر بنط لك بروايتك وبسحبهم كلهم عندي وماحد بيعرف لهم خبر حتى انتي ..........عاد حوسي بعمشاء والجد حلال عليك اما رخوم القاسي ازواج الندامة لو تدفنيهم بالبر اضمن لك ماحد بيجيك لامنظمة حقوق الانسان ولا غيرهم عندك الضوء الاخضر ادعسيهم وريحينا من ظلمهم ...




عبوقة تسلم ايدك ياقلبي

شيوخ وصقيران

شيوخ وعرفتي تسكتي صقير هالمرة وعدت والحمد لله وجبتيه البر معاك بس كذبتك الي ممكن تنكشف مافكرتي فيها الحين لو صقير شاف امه والا جدته وقال لهم يخبروك انو يبيك لانك ماتردين على جوالك وخبروه انك تصلي داخل شراح تسوي ياحلوة ..........واثقة بزيادة وناسية انو الي عندك حجر مايلين ........الحين هو مفكر بزواجه من شينة الحلايا بيرتاح او بيتهنى الا بيسوي نفس سوات محمد بيتخيل وسمية هي شيخة وعاد متأكدة هذيك مو هينة وماراح تمشيها له غير كذا هو ماعرف سبب طلاقها ويمكن تجيب الشر والضرر معاها ...........وبتطلع كل ضربك لشيخة من عيونك ........اما شيوخ ياختي مااقدر اوثق بكلمتك انو ماراح تخلي صقير يتزوج لعدة اسباب اول شي انو زوجك الثور خطبها وسط رجاجيل وهذاك تمم على طول ........ثاني شي مابقى مدة طويلة على الزواج ويقدر حتى يقدمه وانتي ماسويتي شي مضمون يمنع الزواج .........ومانضمن ماتطيحي بشر اعمالك ...ولو كسبتي صقير وصار خاتم بأيدك كيف بيمنع هالزواجة الا اذا ناوية على شي يخلي اهل العروس هم الي يبطلون من الموضوع تدري لو خراب العرس يكون بسببك بدون ماحد يدري بتكوني ضمنتي انو صقير مايقدر يتزوج غيرك لانك بتكوني له بالمرصاد ويالله ياشيخة علمي وسمية قدرها الا شرايك بعد ماتعرفي سواة عمشاء بوضوح تاخذي عمك بكلمة راس عاد ماشاء الله عليك ماينقصك عقل كم دمعه على كم شهقة وتجيبي راس الشايب وتحلي شينة الحلايا بعيونه ونبي خطة ماتخرش المية تدبسي ابو فهيد الفاهي بالزواج وبدون مايصير شي منقود عند العرب عاد فلوس عمك على قلبه موعارف وين يصرفهم

وضحى وفهيد

وضحى مالك خلاص من فهيد لانو ناشب لك نشبة كيف وانتي الحين تحملين ولده ..........اجل يحب الاطفال اممم نقطة نقدر نستغلها ضد فهيد ومن هنا يبتدي الشغل العدل دامك ياوضحى جالسة مع شيوخ خبريها بكل شي وخططو بعقل مو بصراخ وهواش ........سوي نفس سوة شيوخ اقل شي تدلعي وتميرضي عند فهيد وخوفيه على ولده خليه مسنتر عندك يخدمك وحطي شروط بالتدريج .........لمحي له انو الولد يبغي ابو يهتم فيه ويراعيه ابو يرفع راسه عند ربعه ........ابو يعلمه الصلاة بأوقاتها ياخذ للمسجد ........يعني يسوي له الي تمنى هو انو ابوه يسويه له وماصار
اعتقد بهالطريقة بيعتدل
او عاد توقعي الشرير بيقول دام ابو طبيع مايجوز عن طبعه من فرحته بهالطفل بدل لايحمد ربه بيشرب السم الهاري وبيفقد عقله كالعادة وبيسوي شي يقهر وضحى وبترادده بالحكي طيح فيها طق بدون مايوعى الين يروح الولد وطبعا اذا صحى من سكرته وعرف الي سواه وانو قتل ولده راح يتأثر كثير ويمكن هالشي يخليه يتوب ويقطع هالمشروب الخايس


نورة وسلطان

والله ياسليطين شكلك بتعدي نورة بعقدك يااخي اعترف انك ميت عليها هذي زوجتك اذا ماحسستها انها تعني لك شي ماراح تكسبها ماقلنا تغزل فيها وحبها الحين لانك بتحبها مع الوقت والعشرة بس ارحمها من عقدك وكلامك الي يوجع لب خليت البنت تكره نفسها .......ربي معطيك نعمة حافظ عليها ترى النعمة زوالة .......والا بطلع لك عيوني الي ماتعرفها ونورة بخفيها عاد لو تحفي على كوعك مابرجعها لك ووريني بعدين كيف بتتحجج بقلمك وبرايتك عند نورة صدق رجال ماتستحي ولا تقدر


سارة ونويفان

ياقلبي ياسارة لو بتقعدي تقارني بينك وبين ريم بتتعبي اكثر وبيجيك الضغط والسكر جعلهم بالجد المخرف وعمشوه ...ماتنلامي اذا حسدتيها وانتي عايشة ضيم وقهر لاخوات واقفين معك ولا زوج يسر الخاطر .........والله شكل سفرية الشرقية بيصير فيها علوم ..واول خطوة نومت ابو الهول معاك بنفس الغرفة طبعا النذل جايبك هنا بيحبسك ويسمم بدنك بكم كلمة وهو يروح ويجي على كيفه ........بس حاسة انو نويفان ماراح يستمر في المكابر وجنبه فتنة مقفول عليهم باب واحد ..........بس ياخاطري سارة تكسحه وتقاومه والافضل انها تنقرف منه وتلوع كبدها من قربه ياانو وجه بيطيح ياانو بينكسح كسحة خخخخخخخخخ يااني بضحك ضحك فيس الشماته ......خليه يعرف كيف سارة صدق موطايقة قربه مو مثله يقول كلام ويفعل شي ثاني ...........ودعاوي سارة المستمرة عليه مابتتعداه لسى ماجاه الي سواه خويه فيه وباقي مصايب بتهل على راسه بس يصبر على سهومة مابتقصر فيه ...صح ياقلبي


نور وضاحي

نور بذبحك اذا طلعتي كاذبة علينا انا الي بقطعك مو ضاحي هذا الي ناقص اكتب وادافع عنك وخايفة على مشاعرك من هالهمج وتطلعي كاذبة علي غير اعلقك من اذانك بالسقف واخليك عبرة لكل كذاب ..........ابو خضر هذا صديق ابوها اكيد تسمع عنه كثير من ابوها او تسمع مكالماتهم الكثيرة وشكله هو همزة الوصل بينه وبين العصابة لانو كل طرف وفي وسيط بينه وبين الي اعلى منه في الشبكة ...........بس ضاحي بيخمن الي براسه والي اشوف الدخان طلع من راسه والله يستر ...........الا سهومة هم بيروحون البر لايكون العصابة بتخطف نور من هناك والا بتحاول قتلها وساعتها بترجع ذاكرتها ........بس ياخوفي تطلع سليمة والي سوته تمثيل يالهوي واطلع انا قوطي عندها هزلت


ريم وسعد

ريموه تدري انك عالة قلبي بهالبارت يااختي اثقلي مايحسد المال الا اصحابه موشايفة خير الي يشوفك الحين ويشوفك يوم يحددو العرس وبكاك واصل لعندي .........صدق بنت عمشاء كل وحدة تحرق قلب البنت من صوب وشكل سفرتك ووناستك بتقلب هوشة بسبب حرقة قلب يتيمة تسمع وتتحسر


في انتظارك ياسهومة وانتظار المزيد من ابداعك

 
 

 

عرض البوم صور وردة الزيزفون   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:43 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية