لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 11-04-12, 12:51 PM   المشاركة رقم: 641
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اندق الباب علي .. حسيته ذا الليل ماهب معدي .. من اليوم يدق

ويتعذر مره بشاحنه اللي ضايع ويأخذ شاحني .. ومره قلم حاطه

بذ الغرفه .. و و و .. فتحت الباب وهالمره بشوف وش يبي بعد

حسيته مستحي ومنزل راسه قلت – تبي شي

دخل سلطان وهو محمر وسكر الباب - هالمره ابيتس

فتحت فمي .. هالطلب صدمني .. ماهب هو طاردني ومدري وش

يقول .. وش يبي فيني ذا الحين

ابتعدت عنه وانا اقول – لونسيت تراني اذكر انك قلت ماتبي

تشوفني وغطي وجهتس ومن ذا الكلام .. تراك حطيت حدود

في علاقتنا وانا راضيه بذا الحدود رجاء لاتخلفها

حسيته لصق في ظهري وهو يقول بعذاب واضح – ابي ولد

لا ماهب كل مره يوم اسمح بيرجع يجرح

ألتفت عليه وانا ابعد عنه مثل المقروصه – وبإي عباره

بتجرحني .. كلام ولا فعل









في الشرطه

انصدمت من المعلومه الخطيره .. واللي كنت متوقعه واحساسي

صدق .. مايجي صقر ويعرف ان احساسي مكان خاطئ

حسيت اللي حولي منهبل من ذا المعلومه .. نور عندها

معلومات سريه وخطيره .. يعني هي وحده في العصابه

لا مستحيــــــــــل








حسيت فيها وهي تجلس جنبي وتهمس لي – في مين سرحان

اكيد فيني

انا بنهبل .. اكيد بنهبل .. لفيت عليها ماني مصدق انها جالسه

جنبي وتهمس لي

بلعت ريقي وقلت لها وانا عارف وش مقصدها وبقهرها – لا في

وسميه

ضحكت والكل ألتفت علينا .. تفشلت من ضحكتها .. وحسيت الكل

انبسط برجعتنا لبعض

رجعت تهمس لي وهي تنظف ثوبي من عند كتفي – توقعت

يالله احسكم بتصيرون خبر الموسم

لفيت لها مصدوم معقوله ماتغار .. ناظرتني مبتسمه

وغمزت لي

انا هالإدميه بتهبل فيني .. مايقولون ان المره تغار متى صار

هالشي عادي .. سمعت ان المره هي اللي تداوي المره بس

هالإنسانه اللي قدامي بتهبل بعقلي







سمعت كلامهم وانا جالسه في الصاله الثانيه – وين راحت

ساره

قال سعد بضحكه – رح دور عروسك يالمعرس

انقهرت من تعليقه وهو يقول – لاتدلع الحرمه ويكبر راسها

انت بعد سو مثلي

حسيت بالعبره وهو يقول – هه هرجك هذه قله بعيد عني انا

ماصدقت نتلاقى

سمعت تعليق فارس – معاد باقي غير تغني لها هاااااااه

كلهم ضحكوا

وقفت وانا احس بالنار تحرق جوفي .. طلعت الدرج وهم

يسألون وش فيني – تعبانه برقد

سمعت تعليق موضي الخاطف – يالله قم عروسك بترقد

سمعته – انا مافيني نوم بقعد معكم

مدري وش قالوا له .. وانا اسمع خطواته في الدرج وهو يضحك

أكبر ممثل على وجهه الإرض .. قالي مايبي يشوف وجهي

مدري وين اروح .. شفت غرفة خلود قدامي ورحت لها

لقيتها ترسم .. سولفت معها شوي .. وعلمتني انهم ضيعوا

هند في السوق .. وشرالها فارس عطر .. لايكون بس

رشوه ويسوي فيها مثل ماسوى اخوه فيني

ضحكت على نفسي اللي يسمعني يقول اني انه هو اللي جاني

ماهب انا اللي رحت له برجلي







استأذنتهم وعيني عليه .. اليوم مستمتعه كثير وانا اشوفه

متحرقص مكانه – اسمحولي برقد تصبحون على خير

شفته بيوقف ناديت هند وانا كاتمه ضحكتي – هند سرينا

وقفت وهي تشيل قشها وخصوصا العطر اللي شرالها إياه

فارس .. ضحكنا من سالفتهم .. وعلقنا على فارس يبا الفيت

بيهدي .. بس مدري وش طرالها هند تقبل هديته

حسيته انقهر وهو يشوفني اطلع انا وهند .. مشينا بصمت واحس

بخطواته وراي .. هذا مايردعه هند ولا غيرها .. قلت لهند

تسبقني وانا نزلت اسوي جزمتي ( تكرمون )

شفته ماصدق يوم شافني .. سويت نفسي مشغوله وبعدين

اعتدلت يوم سمعت صوته – شيخه

ناظرته .. فيني – امشي فوق نتفاهم

ناظرت فيه وإبتسمت .. قربت له ومسكت يده ( انا ألعب في الجمر

بس عسى ماتحرقني ) – لاتقول انك مشتاق

حسيت وجهه استبشر وابتسم – اكيد انتي بعد اشتقتيلي

قلت له وانا اهمس بذوبان – كثير كثير فوق ماتتصور

فكني وضحك وحب يدي

قلت له وانا أتلفت حولي – بس مايصير لين العالم ترقد

بلعت ريقي وقلت – خل هند ترقد والعالم تهجد بجيك

حسيته ماصدق وضحك – خلاص خلاص طيب

صدق ان الريجيل أطفال كبار .. ضحكت له وانا اضحك من غبائه

لهدرجه مصدقني

ابتعدت وانا أأشر ان فيه ناس .. اشرت له مع السلامه ورحت

وقام هو يقول مع السلامه .. بغيت اطيح على بطني وانا اشوف لين

سكرت الباب وهو يقول مع السلامه .. ضحكت ضحك واحس مع

الضحك اللي يصير اطلع المكبوت فيني .. ماأحب الدموع ماأحبها

صقر هاني بقوه بقوه .. وماأكون شيخه ان مانتقمت لكرامتي

ياصقر .. جلست على الإرض وانا اقول ( بتتعب كثير وانت تحتريني

بكون انا اللي ماتقدر تطولها أكيد .. مستحيل تطولني لين تعرف

من أنا !! من انا ؟؟








سمعت اصوات ..وبسرعه طلعت من غرفة خلود .. مشيت للجناح

وانا ادعي اني مااشوفه .. بس لقيته جالس في الصاله

يوم شفته نزلت راسي ومشيت بإنكسار للغرفه اللي فيها

اغراضي

سمعته - وقفي

خذت نفس وانا اوقف .. ماألتفت عليه بس حسيته قرب مني

وقال ببرود – قدام هلي مثلي معي هاللعبه .. فتره بس وتنتهي

هزيت راسي بإسى – حافظه الوصيه

جلس وقال – روحي ارقدي انا انتظرهم لين يرقدون وبطلع

حسيت بالغصه .. ودمعتي نزلت .. مشيتها قبل أنفضح ودخلت

الغرفه .. سكرت الباب بهدؤ .. واحس الحياه شينه شينه بقوه

ياليتني ماعرفتك ولا حبيتك .. في عيني انت احقر واوسخ

واكره انسان عرفته .. جلست على الإرض ورصيت نفسي

على حافة السرير وبكيت وانا أمسك عبرتي .. ليش غيري

يعيش مبسوط ويضحك ويطلع شهر عسل .. وليه انا غير

عنهم .. هاذي فصول قصتي .. هاذي هي ابشع قصه

ممكن يسمع فيها إي إنسان .. الشرف .. والعار .. حتى

لو الكل هون علي ذا المصيبه .. تبقى في راسي شي

صعب نسيانه إلا مستحيل انساه مستحيل






( إنتظروني بإذنه تعالى يوم الاثنين .. ان رجعت سالمه )

 
 

 

عرض البوم صور عبق الرياحين   رد مع اقتباس
قديم 11-04-12, 04:41 PM   المشاركة رقم: 642
المعلومات
الكاتب:
اللقب:

البيانات
التسجيل: Jul 2010
العضوية: 178190
المشاركات: 3
الجنس أنثى
معدل التقييم: وفيت ومالقيت عضو بحاجه الى تحسين وضعه
نقاط التقييم: 12

االدولة
البلدSaudiArabia
 
مدونتي

 

الإتصالات
الحالة:
وفيت ومالقيت غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

البارت جداً رهيب وبنتظارك يوم الاثنين

 
 

 

عرض البوم صور وفيت ومالقيت   رد مع اقتباس
قديم 12-04-12, 01:45 AM   المشاركة رقم: 643
المعلومات
الكاتب:
اللقب:

البيانات
التسجيل: May 2010
العضوية: 162892
المشاركات: 220
الجنس أنثى
معدل التقييم: احلام 2 عضو على طريق التحسين
نقاط التقييم: 71

االدولة
البلدSaudiArabia
 
مدونتي

 

الإتصالات
الحالة:
احلام 2 غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

الله يعطيك العافية سهومة وتروحي وترجعي بالسلامة
وشكرا على النقل المميز

 
 

 

عرض البوم صور احلام 2   رد مع اقتباس
قديم 12-04-12, 01:59 AM   المشاركة رقم: 644
المعلومات
الكاتب:
اللقب:
عضو راقي

البيانات
التسجيل: Mar 2012
العضوية: 239501
المشاركات: 9,417
الجنس أنثى
معدل التقييم: Q.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسي
نقاط التقييم: 5980

االدولة
البلدSaudiArabia
 
مدونتي

 

الإتصالات
الحالة:
Q.miiro غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

عبوووووووووووقه ووه بس

عن جد يسلمو ياااااعسل على هالإبداع اللي عرفتينا عليه ومشكووووره على النقل الأحلى

:::::::::::::::::::
صقر وشيووووخ

""صقر معصب – علمي أختس السنع وذا الحركات ماهب علي

انا معرس معرس الله لايعوقني بشر .. والضنا اللي طرحته بجيب بداله عشر ""

وربي ضحكت على هالكلام طيب أعرس حد ماسكك يأخي عجبي يمكن يذكر نفسه قبل مايقولها خخخ

""هز راسه وهو يقول – ايه بعرس وعرسي عقب اسبوعين ""

متى لحق يحدد اابو الشباب وبكل ثقه بس عاااتييي بتطبخه شيوخ بهالأسبوعين وبتحرقه بعد

""جابت الكاس ومسكت يدها وقلت بهمس – لو عارف هالشي بيغيرتس كان من زمان اعرست ""

أنت بس أعرس "" عبوقه ترا انا من مناصرين صقر من البدايه لحتى اللحين بس تعرفين لاززم مناصرة المراءه وكذا يعني خخخ""

"""غمزتلي وذبت وراحت وخلتني .. من يوم طلعت من بيت اهلي وصورتها ماتفارقني .. اكيد مسوية فيني بلى """

حركااات شيوخ والغمزه منتي بحولنا .. أنا قلته هالانسان حبه عنيف مثله الله يكفينا شره

""انا بنهبل .. اكيد بنهبل .. ""

ذكرني [بــــــ يامدور الهين ترى الكايد احلى]

""ضحكت ضحك واحس مع الضحك اللي يصير اطلع المكبوت فيني ."""

حلو وحه من هاليتيمات تنتقم لنفسها عقبال الباااقين
:::::::
ووضوح وفهيد

""يقول بعصبيه – ماهب على كيفها تقعد "

أكيد على كيفك بس دوووورك جااي

"""حسيته عصب وهالشي بان في عقدة حواجبه وجرني – امشي بنروح للبيت وهناك نتفاهم ""

هو أنا متأكده انه ذااايب فيها بس ليش يكابر هالمسطول اففف

"".. شخط بالموتر بعصبيه وبقوه .. بغيت اطير عندهم قدام ""

أخسسس يالمعصب ارحمنا

"""شفتهم مجتمعين .. والنار اللي بصدري ماتنطفي غير لين أخذ بحقنا .. ""

الله يقويك لهم هالاغبياء ال*** وامه ال*** وجده ال** وتاخذين بحقكم ياااقادر يااكريم

""ناظر في ابوه وهو معصب – لاتلومون صقر يوم يعرس ترى التربيه عنهن بعيد ""

تكفى من كثر الببنات اللي يبونك صف عند باب بيتكم

"""هالمره انفجرت – الله وأعلم من المتربي يالسكااااااااار "

أحسن اديلوه على دماغوه المقلوبه

""
علي الباب وطلع .. جلست على الإرض اندب حظي .. حيوان ووقح ياليت لي ابو ولا أخو .. ياخذون بحقي منه ياليت ""

صدقيني لو كان فيه ماكان تزوجتي فهيد من الاصل بس ( عسى ان تكرهوا شئٌ وهو خيرُ لكم )

::::::
محمد وموضي " مدري ماااحبيت هالانسانه ابد""

""حسيته يفكر بكلامي وقال – بنتي متغيره .. ماهب هي اللي اعرفها متمرده وصايره قليلة أدب "

هالبنت احسها بتجيب العيد

:::::::
سارونه ونايف

"". شفت عمتي تقالب العشاء .. ساعدتها وهي ساكته .. مدري وش في خاطرها "

يمقن تخطط لحاجه بس برضو الله يسعدها هالادميه

""وقال ببرود – قدام هلي مثلي معي هاللعبه .. فتره بس وتنتهي "

وبعدين وين اللي يقول لاشوف رقعة وجهها بدين حركاات الاهل مالاهل علينااا بس بعديها هالمره

""لو الكل هون علي ذا المصيبه .. تبقى في راسي شي صعب نسيانه إلا مستحيل انساه مستحيل"

وربي زعلتني بس ان الله غفورٌ رحيمَ
::::
نوره وسلطان

""دخل سلطان وهو محمر وسكر الباب - هالمره ابيتس "
"حسيته لصق في ظهري وهو يقول بعذاب واضح – ابي ولد ""

هههههه مع انه حواراته قصيره في الروايه بس احلى شي قال ولد قال

::::
هنوده وفارس

لاتعليق بعد العطر

::::
الجازي وضاحي
""
حسيت اللي حولي منهبل من ذا المعلومه .. نور عندها معلومات سريه وخطيره .. يعني هي وحده في العصابه

لا مستحيــــــــــل ""

اتوقع تكون ضحيه بس ممكن تتظاهر بفقدان الذاكره ضحوووحي أمسك نفسك لاتروح تنهد على المسكينه وتصير مثل اخوك



وعبووووووووقه تسلم الانامل

 
 

 

عرض البوم صور Q.miiro   رد مع اقتباس
قديم 15-04-12, 01:12 AM   المشاركة رقم: 645
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,208
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

ياصباح الفل .........ياصباح النرجس على كل المتابعات والحضور ....ياصباح الابداع سهومة بسم الله عليك من عيني بارت مسكت ماشاء الله حلو ويسر الخاطر ........ماعليه في تطور مومثل الاول البنات يقطعن القلب ....... عسى الجاي العيار يكون اقوى واقوى .........ترجعين لنا سهومة سالمة غانمة


عبوقة وينك وحشتيني ياحلوة

شيوخ وصقيران

والله هالبنت تعجبني خليك كذا قال بيتزوج قال اي هين هذا وجهي اذا قدرت تتزوج وانت تشوف هالزين والدلع كل مرة يزيد .....اقول ياراعي وسمية اذا تزوجت وشفت الشين الي فيها بتشد شعرك لين تصلع قال بتزوج قال عندي لك حل مو انت مبتلش يومك خطبتها قدام الرجاجيل من ابوها ومايصير تتراجع شفت عمك الاغبر زوج عمشاء زوجه اياها شكله ملسونة وغبرة وعميش يبغي لها مثلها خلنا نطلع حرقة قلب وضوح ونور من عيونها كل ماجات تفتح فمها جاها الكلام مثل الرصاص

صقور اقول انت الي جبته لنفسك والله ذايب فيها من قبل تكابر وترفع خشمك وتخطب ليه ها مفكر بتكسرها مابتكسر الا راسك ...........شيوخ اطبخي له طبخة تاخذ وقت حتى تنضج واذا تبين افكار ازهليها مالك الا زيزفون ام الافكار .. وبنشوف صقور ابو وسمية شبيسوي رجال ماتجي الا بالعين البرتقالية ..........اكيد بيشب وبيحترق طول الليل وهو ينتظر واكيد شيوخ عندها الحل

وضحى وفهيد

وضوح يابعد قلبي زين سويتي ماعليه كل مرة من هالحركات وبتهجدي فهيد وامه مفكرينك بتظلي منطمة طول عمرك شوفي كيف الكل انطم حتي الشايب عطيهم كم دعوة الين يهتز بدنهم خليهم يحسو بمدى وجعك ويعني يتيمة مالها سند وعرجاء خلاص تنداس وتاخذ عربيد وتسكت وياليت بعد حاشم نفسه الا نازل معاير فيها بركات امه عساها تحترق من القهر مثل ماقاعدة تحرق قلوب هاليتيمات
لا ياوضحى انتي بتسوي العملية علشان نفسك مو علشان فهيد النذل اذا تبي تحرقي قلبه سويها وخليه مايرفع عينه فيك والحمل هذا ربي كاتبه بس عندي احساس انو وضوح بتسقط بسبب الهمجي الي عندها ياما بيضربها بقسوة لانها تعايره يااما بيسوي شي وهو مو بعيه بيسبب لها نزيف وطبعا هالشي ضربة له فالصميم ووضحى بتستغل وقت نفاسها وبعدها عنه وبتسوي عمليتها بدون مايدري .........واعتقد فارس بيساندها لانو اقرب واحد لها وهو يغليها حيل ومايبغي يشوفها مكسورة ...........ساعتها لافهيد ولا امه بيقدرو ينطقون حرف


هند وفارس

فويرس ياابو عيون والله مو هين حشى من تحت البرقع قزيتها وعرفت انها متزينة لو يدري عنك صقير علقك من رقبتك اهجد بس موعارف وين ترسي حشى موقلب عليك ........اقول مالك الا هنود رضيت والا نرضيت .....هذا الي ناقص .......اوه حركات بعد هداية لهنود وهي ماصارت حلالك اجل اذا تزوجتها او تملكت عليها بتسوي اعظم من سعد خخخخخخخخ
هند شمقومك انتي مكان ماتعرفين فيه شبر ياختي ماينلام فارس الزمن اغبر وبعد الي صار لنور اكيد بيهوجس عليك مامعاك احد كيف مايخاف ..........ترى الي سواه من حبه لك وخوفه


نورة وسلطان

سلطانوه خخخخخخ اجل تدور قلمك الي ماادري شبيجيبه عند نورة والا الشاحن مشى على رجوله ودخل غرفة نورة بالذات شفته انا ترى يوم يدخل .........اشوف تدور الاعذار الي اتقنع طفل وين كلامك وبرودك .......اجل تبغي ولد ها روح ياباب العب بعيد اول شي تعامل مع زوجتك على انها ادمية من لحم ودم ولها مشاعر وبعدين اطلب الولد مالت عليك وعلى اسلوبك شقالو لك مكينة تفريخ
التجربة الاولى ماحد خسر فيها الا نورة كسرتها وجرحتها مااهتميت للكلمة الي رميتها والحين بسهولة تبغيها تطيعك ولما تخلص منها تسمم بدنها روح طير بس

نورة ياقلبي ماعليك منه يايصير سنع ورجال ادمي والا بحريقة خليه يولع هو الي بيتعب وغصب عنه بيعتذر اجل ياخذ بدون مايعطي هزلت مفكر بالهداية بيجيب راسها


سارة ونويفان

ساروه تلحلحي وجع شوفيه النذل عايش ومبسوط ورافع راسه وجالس متفيزر عند اهله وانتي دافنة عمرك ليه وهو الي سواه مو يسود الوجه هذا هو بكل حقارة جالس وسط اخوانه واهله وانتي محرومة من كل شي ..........انتقمي منه وبردي خاطرك فيه على الاقل موهو يدب كلام سمع ومبسوط فيه .........اسمعي شوري تكشخي وابرزي جمالك اكثر واكثر واعصابك حطيها بفريزر يعني قد ماتقدري بيني له انو المكان الي يجمعكم فيه هم وغم على قلبك مو هو الي يحسسك انك شي لايطاق لا انتي الي بطريقة الانثى وصليها له واذا دب كلام ابتسمي واضحكي بوجهه كأنك صمخا هذا وجهي اذا ماصار نفس صقير وسليطين نويفان منفتن ورايح بخرايطها من زمان ومفكر انك للحين ذايبة فيه ومنتظرة كلمة ترتمي بحظنه بس اذا حس انو منبوذ وغير مرغوب وانك تنتظرين الخلاص منه علشان تتزوجي غيره وتشوفي حياتك صدقيني بيستخف اصلا هو ايش الي مخليه يتذكر هذيك النجسة انها رمته ولا اهتمت فيه وهو بهالمواصفات والزين وفضلت غيره عليه ..........واذا شاف نفس الشي معك بيشك بنفسه وبتطير ثقته مالت عليه بس
اجل انتي تحترقي وهو الي خسرك الراحة والحياة مثل الخلايق


نور وضاحي

لالالالا مااعتقد انو نور مجرمة مستحيل تكون كذا والا كان قتلوها قبل ابوها وهي الوصول لها كان اسهل من ابوها الي بالسجن بس هم يتبلو عليها لانهم شاكين بشي او عندها مستندات مهمة جدا جدا من عند ابوها ملاحقتها مولانها معاهم في سبب اكبر
ضاحي لايتهور بس .........صعب اصدق انها مجرمة لانو لو هي كذا ابوها ماامنها عند ظابط في مكافحة المخدرات ومو اي ضابط الا واحد موهين لو عرف انو لها يد مابيرحمها

في شي قوي بيصير وبيرجع الذكرة لها ومنها بتنكشف الاسرار


الريم وسعد

والله ياخوفي من كثر مفوشر امها وتفاخرها بسفرها تصكها عين ويرجعون متهاوشين يعني وحدة من المضيفات تسوي حركة من حركاتها الوقحة او شي ثاني عاد الريم ماراح تمشيها


محمد وموضي

ماوضحتي لنا حياتهم كيف ماشية وبصراحة مستغربه من محمد تعامله مع عيال عدوه بهالطريقة وبنته وحيدته مهملها بطريقة لاتطاق وربي حرام ماصارت علشان مويضي الي فضلت غيره عليه يسوي اي شي يرضيها وبنته ناسيها ماالوم خلود على كرهها للموضي وعيالها


ابو فهيد لاتعطي فهيدوه فلوس يدشر فيها زيادة مع سيافوه الفقران روح تزوج فيهم عندك وسميه خوش حرمة انصحك فيها ريح شيوخ منها واقهر صقيران روح له مع ابوك واخطبوها وتملك عليها واسحبها ببيتك واذا ابوها قال وكلمتي عند الرياجيل قول لهم انو الخطبة من الاول لي مولصقران لانو هو عنده بنت عمه مايبدلها بأي حرمة وغير كذا مايبغي مطلقة ............وجيبها تشغل عمشوه وتبرد قلبي فيها عجوز قريح


سهومة في انتظارك ياقلبي

 
 

 

عرض البوم صور وردة الزيزفون   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:22 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية