لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 11-04-12, 12:39 PM   المشاركة رقم: 636
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة وردة الزيزفون مشاهدة المشاركة
   صباح الفل ......صباح الجوري .......صباح الحماس والابداع .....فديتك سهومة عسى ربي يبرد قلبك ولايحرمك الفرح والسرور زي مابردتي قلبي في هالبارت واكيد الجاي احلى واحلى ........مابغينا نتشفى في هالعلل بدت فيها شيوخ وخواتها وراها متأكدة كل وحدة منهم بتاخذ حقها بعد الذل والمهانة الي اخذوها من هالعايلة بس كل وحدة بطريقتها واسلوبها .......خلاص سهومة ابشرك انا وفتوما بطلنا نشتكي على منظمة حقوق الانسان دام البنات بيزين حالهم لانو هذا هدفنا نصرة المظلوم وخصوصا الجنس الناعم

عبوقة تسلمين ياقلبي على النقل

شيوخ وصقيران

هههههه وقسم مت من الضحك على سواياها اي هذي الحرمة السنعة الي تاخذ حقها بكيد الحريم وشيوخ مو ناقصها شي لاقوة ولا عقل لما فكرت عرفت كيف تجيب صقيران اجل يروح يخطب وحدة ماتجي شي عند بنت عمه واعتقد امه تعرفها او عندها فكرة عنها لانو قصدها بعايفها رجالها اكيد من افعالها لانو موكل مطلقة عايفها زوجها فيها عيب في البعض مظلومات من ازواجهم بس هي تقصد انو عللها سبب طلاقها
اجل صقيران بيوقف طول الليل على باب شيوخ .........اعتقد شيخة بتخليه يستوي زين وبتزيد العيار اكثر واكثر عليه الين يهجد شيطانه ويعتدل ويطلب يتفاهم معاها بالعقل مو بالضرب والهمجية ....ساعتها شيوخ بتفرض شروطها علشان ترضى عليه وترجع له واولها يترك وسمية وينساها ........ واعتقد بيكون بينهم جلسة مصارحة بعدين لانو هذا الي الاثنين محتاجينه

سهومة تعرفي ليه عرفت كيف بتتصرف شيخة لانها من البداية مو قشرة ولا هي ملسونة بس افتقارها للامان ولحظات الرعب الي عاشتها مو بسيطة واستمر معاها الوضع حتى بعد اهلها لانها من داخلة موحاسة بالامان اذا بحياة اهلها صار لها الي صار اجل كيف بعد موتهم وهم بنات ماعندهم سند يدافع عنهم ؟؟
هي الي خلاها تحب صقر مو لانه حبها لانو مابين لها حبه مثل مايبي بسبب تصرفاتها معاه بس قوته وهيبته حسستها بالامان الي فقدته غير كذا هي فقدت الحضن الدافي وانشغلت بتدبير لقمة العيش لها ولخواتها وصقر حتى يوم يضربها كان في اشد حالات الاستفزاز الي هي وصلته لها والا هي اكيد لمست منه خوفه عليها وحنانه من البداية كان مخليها على راحتها ماسوى فيها سوات غيره بس هي الله يهديها لسانها وتصرفاتها لاتطاق والحين هي ماتبغي تفقد هالامان وترجع لحياتها القديمة تصارع الخوف والحرمان وهي الي تسويه حق من حقوقها وصقر ملكها هي واولى فيه من غيرها لازم ترجعه بس بطريقة ماتهين كرامتها
غير كذا موقفها بعد ماشافت راعي التاكسي ورفضها انو اي احد يعرف سالفتها وهي في قمة رعبها وانهيارها بين لي مقدار قوتها وسيطرتها على نفسها وعقلها ماغاب في ذيك اللحظة لذلك مستحيل تبين لاي احد انكسارها بيكون بس من الداخل بينها وبين نفسها واعتقد خواتها بيصيرو مثلها

وضحى وفهيد

فهيد تصرفاته مثل ماقلت من قبل يبي يفرض قوته على وضحى والا هو منفتن بجمالها واعتقد حتى عدم تصريحه بمشاعره الحقيقية لوضحى الي متأكدة انو يحمل لها مشاعر مو بسيطة بسبب امه هي الي مسيطرة على تفكيره وهي الي طالبه منه هالشي بنظرها بتكسر وضحى وبتسكتها لانو لو وضح لها حبه بيكون ضعف وهو ضعيف قدام ابوه وغيره وحتى خواته ينظرو له نظرة تختلف كثير عن ضاحي الي اعتقد انو المقارنة فيه سبب من اسباب دشارته

وضحى اكتشفت انو خمار وانو الكل يدري وسكت وخدعها هالشي بيخليها تثور على نفسها وتبين للكل انها مثلها مثل غيرها ترفض واحد مثل فهيد حتى لو فيها مليون عاهة ........لانو الي فيها لايغضب ربها ولا يدخلها بالمعاصي غير فهيد الي موناقصه شي وهو يشرب ويعربد عطالي بطالي يبي مصروف من ابوه اجل عياله في المستقبل مين بيصرف عليهم ...........وضحى بتنتقم لنفسها من فهيد وامه عجوز قريح وهو الي بيجي لها يتمنى رضاها وبتقهر عمشاءانو دلوعها ماراح يكون مثل ماهو ....

سارة ونويفان

اصلا نويفان ذايب في سارة وجمالها وكلامه دليل على هالشي يقول عكس الي داخله ومايبي يكون مع سارة بمكان لانو عارف انو مابيقاومها وبيضعف وغروره الي رافعه فوق مايسمح له يبين هالشي ........بس مهما قال ومهما تصرف بيضعف وسارة هي الي بتنتصر .........خلاص هو تجبر كثير جاء الوقت الي هو ينكسر وبدون ماتخسر سارة الباقي من كرامتها ......
واعتقد انو بتتعدل اوضاعها مع خواتها اعتقد لو البنات يجتمعون كلهم مع بعض وكل وحدة تطلع الي داخلها راح يلقون حلول لكل مواجعهم لانو كل وحدة منهم بتواسي الثاني وبتقوي عزمها ......

نورة وسليطين

اشوف الاخ الي مايبيها ولا يبي شوفتها والي كان ناسيها يدور الاعذار بس علشان يكحل عينه بجمالها والله مثل مااهانها وكسر خاطرها بيجي يوم وهو الي بيداويها وبيطلب السماح منها والقرب بعد والولد بيكون حجة مثل ماقال في البداية بس الحين بيكون علشان يربط بينهم ويقربهم من بعض .........

سعد والريم

الله لايغير عليهم على الاقل في ناس بدايتهم سعيدة وحلوة ماابتدت بمشاكل واجبار مثل كل الي بالرواية ....

عمشاء هالعجوز الشمطاء ودي من يكسر راسها خلي رجلها ياخذ عليها وحدة ويحرق قلبها اجل جالسة عند الناس تفوشر وتتفاخر وتحرق قلب هاليتيمات سارة شوي ووضحى شوي اي ماعليها عتب بنات ومزوجتهم ومجهزتهم احسن جهاز اما هاليتيمات ماحد افتكر فيهن كأنهن ناقصات عن بناتها .........وربي قهر

منيرة هالحرمة ذي بلسم على القلب مافي ام مثلها واقفة مع البنات وهي حرمة مريضة صحتها على قدها يحز في الخاطر دمعتها الي مانشفت بسبب عيالها ........احساسها بالذنب وكأنها هي الظالمة مو عيالها يوجع القلب مستغربة بصراحة مافي واحد من عيالها مسوي لها خاطر يشوفون دموع امهم من القهر والغبينة تنزل وهم على راسها وسبب بكاها مافيهم واحد طخ وتوجع لدموعها ورحمها وسوى لها الي يسرها لو علشان تعبها معاهم وتربيتها لهم مالها قدر لهالدرجة .........لذلك كنت انقهر من شيخة لما تصارخ عليها منيرة مافي مثلها توقف ضد عيالها علشان بنات موبناتها ..........المفروض بنات ناصر وبالخصوص حريم عيالها يشيلونها على راسهم على وقفتها مع الحق اتمنى يكونون لها البنات الي ماجابتهم ........هند انا واثقة انها بتكون سنعة معاها وحتى سارة باقي شيخة تتعدل معاها هي مالها دخل لابفعايل الجد ولا بفعايل ولدها


الا بسأل سهومة سؤال يقرقع بقلبي فويرس ابو عيون زايغة كيف عرف انو شيوخ متكشكة ومتزينة اكيد حاطة جلال وساترة عمرها عنه ومتبرقعة بعد .......اجل كيف عرف والله هالفارس موقليل قاعد يتطمش على جمال حريم اخوانه ابو عيون ياخوفي بعدين ماتفتنه هنود وهو شايف فتنة خواتها


سهومة في انتظارك بنشوف ردة فعل صقيران بعد رقعة الباب على قولة هموس
اهم شي بعد رقعة الباب خخخخخخخخخخخ

ياهلاا وغلاا بزيزفونه
منوره ياعسل يسلم لك كل غالي
مشكوره ياقلبي على طلتك الرائعه لاخلا ولا عدم

 
 

 

عرض البوم صور عبق الرياحين   رد مع اقتباس
قديم 11-04-12, 12:40 PM   المشاركة رقم: 637
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة عبدالرحمن ناجي مشاهدة المشاركة
   مشكورة اختي على البارت


ياهلا باخوي
مشكور على مرورك

 
 

 

عرض البوم صور عبق الرياحين   رد مع اقتباس
قديم 11-04-12, 12:42 PM   المشاركة رقم: 638
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


بسم الله الرحمن الرحيم .. السلام عليكم ورحمة الله وبركاته
والحمدالله والصلاة والسلام على رسول الله (عليه افضل الصلاة والتسليم) صلوا عليه
اتمنى ان الجميع بحآل أفضل وصحة زينه يارب
..
بنات بالنسبه ان فيه حد شبّه روايتي بروايات والله العظيم توني اعرفها منهم .. واني
ماسمعت فيها ولا قريتها .. اكيد توارد أفكار .. حتى تدرون انصدمت في روايه
قطريه يمدحونها في المجلس ويقولون انها بدويه .. فتحتها بطّلع عليها انصدمت يمكن
حد يتوقع ان فكرة بنات ناصر استقيتها من ذيك الروايه بس والله العظيم ماعرفتها
غير من مجلسنا
كل شي إلا سرقة الإفكار والحبكه ( هالشي إهانه لصاحب الفكره ) واللي ماأرضاه
لنفسي مستحيل ارضاه لغيري
..
البارت هاذا مدري يبرد خطر اللي يحبون وضحى ولا يزعلهم بس اعرفوا انها بدايه
جديده لفصول قصتها .. وانا ع الوعد للي بيسوون ثوره علي .. اصلا فيه ناس
في الروايه تمردوا علي معاد اقدر اسيطر عليهم ههههه
..
بنات بالنسبه للي مافهم كيف لبس البراقع وكيف فارس مدح في شيخه .. انا تكملت
عن مجتمعي .. انا بدويه بحت وراعية برقع هع .. لا هو شافها متعدله ولابسه جديد
وكاشخه وأكيد معدله مكياج عيونها ع اساس يظهر في عيونها من ورى البرقع يارب
تكونون فهمتوني .. وفارس شاف زين عيونها وشكلها من ورى البرقع والاهم لبسها
وع اساس كذا حكم ( عسى فهمتيني حبيبتي زيزفونه )
سامحوني ياللي انتظروني البارح متأخر والله كنت بنزلها بس لو ماظهرلي شغل مهم
ع العموم هاذي الروايه بتبرد خواطركم لين ارجع .. ودعواتكم لي .. وصدقوني
اني ماأنساكم في كل صلاه وفي كل دعاء والله يوفق الجميع
** عطله سعيده للجميع **



مع اطيب الإمنيات بقراءه ممتعه
.
سهم المملكه
.
لإله إلا الله





( البارت الخامس والخمسـ 55 ـون )


حسيت بالقهر وهي تقول لي – يالله وضحى فهيد يقول تطلعيله

عند الباب

ألتفت أدور على شيخه بس مالها وجود قلت لها – قوليله ماني

برايحه ابقعد

ناظرتني شوي بعدين راحت .. مدري وش تفكر فيه .. هه تحسب

بعدي اللي صار البارح .. قمت مع نوره وانا اودعها .. وهند

خليناها تلم فنجايل القهوه والطوافير مع الشغالات

همست لي نوره – انتي وش فيتس .. ليه منتي برايحة لبيتس

همست لها بنفس نبرتها – بعدين اعلمتس روحي هالحين سلطان

يحتريتس

سمعنا جوالها يدق .. والله استانسنا لها وهي تورينا جوالها

مبسوطه فيه .. ماتجي تشوف حظي لاجوال ولا شي .. الخدمه

اللي حتى الإطفال صاروا يمسكونها في ذا الزمن .. الحمدالله فيه

وحده فينا مبسوطه .. وهاذا اهم شي

ودعتها وكنت برجع للملاحق .. بس سمعت صوته وهو

يقول بعصبيه – ماهب على كيفها تقعد

وصوت امه من وراه – اجل تصرف انت .. عجل احتريكم في

الموتر

بسرعه رحت امشي .. وكنت اقرب للركض .. لو ماطلعلي صقر

كان مستحيل يشوفني وهو جاي من جهة ملاحقنا – وضحى

ناظرت فيه ووقفت وانا ألتفت وراي واشوفه جاي يمنا – نعم

صقر معصب – علمي أختس السنع وذا الحركات ماهب علي

انا معرس معرس الله لايعوقني بشر .. والضنا اللي طرحته

بجيب بداله عشر

انقهرت من كلامه وانصدمت – بتعرس على شيخه !!

هز راسه وهو يقول – ايه بعرس وعرسي عقب اسبوعين

يويلي وش هالحظ علينا .. وصل فهيد – انتي وش تسوين هنا

حطيت حرتي فيه وصقر يروح عنا – مايخصك فيني رح

ألحق أمك

مسكني مع عضدي وصرخ في وجهي – اوقفي وكلميني زين

ماهب حرمه اللي ترفع حسها علي

تمسخرت عليه وانا أغلي – انا واقفه واتكلم زين .. ماهب مثل

وقفتك البيرح وكلامك اللي ماينفهم

حسيته عصب وهالشي بان في عقدة حواجبه وجرني – امشي

بنروح للبيت وهناك نتفاهم

فكيته مني بس قوته سيطرت على الموقف .. وجرني مع كم ثوبي

بقوه .. بغيت اتعثر واطيح وانا ارص على رجلي العرجاء

لين وصلنا الباب وصرخ علي – تلملي بذا العبايه بسرعه

مسكت دموعي وانا انفذ اللي يقوله .. ميته قهر .. هالحيوان

احرجني .. وفارس واقف يناظرنا

حسيته يبي يكلمني بس فهيد مسيطر على الموقف بقوه .. انقهرت

ومشيت وراه .. ركبت ودمعي يصب من تحت برقعي .. شخط

بالموتر بعصبيه وبقوه .. بغيت اطير عندهم قدام







انقهرت من الحيوان فهيد .. يجر وضحى جر .. ياليت لي سلطه

عليها اقسم بالله لإفقع خشمه اللي أخذ نص وجهه .. غمضني

حالها وشكلها .. وحسيت بإحراجها وهي تناظرني .. كان ودي

اقرب عندها واقول تبين مساعده تبين شي .. بس هو واقف

ويخزني بعيونه .. قليل أدب ووقح مثل نايفان مايختلف عنه

شي .. دخلت داخل وانا اسمع اصوات في المطبخ .. اكيد

امي واقفه هناك تعاون .. على كثر مانجيب لها خدم نبي

نريحها بس تحب العنا .. مالقيتها في المطبخ .. بس شدني

ساق بيضاء .. جبرت عيوني تتجهه إلها





رابطه جلابيتي على وسطي من عند طرفها .. وطالع اسفل

شلحتي .. اللي توصل نص ساقي .. إلتفت بحط الصحن في

الدالوب فوقي .. إلا اللي يخزني .. ناظرت فيه .. ولقيته مركز

عيونه على ساقي .. بسرعه نزلت ثوبي وانا اغلي .. شفته رفع

عينه وناظرني وإبتسم انقهرت منه وقلت بصوت ماينسمع – وقح

حسيته ضحك وكأنه سمعني وراح .. مسحت يديني بسرعه في

الجلابيه وطلعت له وقفته – فارس

وقف وناظرني قلت له – وينه اخوك

عقد حواجبه – أي اخو

قلت له بقهر – من غيره صقر

عطاني ظهره وهو يقول – والله معطاني جدوله وين يكون فيه ذا

الحين

مت قهر منه – عمي وينه

طلع الدرج وهو يقول – ابوي خذى جدي وجدتي وعمي وراحوا

للبل

خذت بعضي ورحت للملحق .. احس بغبنه على شيخه .. بيعرس

عليها قليل الخاتمه








قلت له وانا امسح مكياجي – انا مدري وش فيها علي بنتك

حسيته يفكر بكلامي وقال – بنتي متغيره .. ماهب هي اللي

اعرفها متمرده وصايره قليلة أدب

ألتفت عليه – محمد تذكر وش سويت لها بنتك ماهب صغيره

وتنسى .. يمكن انك مسوي أمر مزعجها

وقف واتجهه للسرير – لا ماأذكر اني سويت لها شي بس

هي تحب الدلع .. وسعد اعرس ماهب فاضلها

قلت له – لا مو معقول .. طيب فارس فيه يعني كل ذا غيره

انسدح وهو يقول – مدري عنها .. انا برقد لين العصر وبقوم

اشوف وش فيها







شاف غرفتها فاتحه .. وتذكر انها من زمان عنها .. مشى لها

وشافها قاعده وترسم .. رفعت راسها يوم شافته كملت شغلها

ابتسم – كل حياتس رسم

قالت وهي معصبه – احسن من العيشه في هالبيت

عقد ت حواجبي – ليش وش فيه البيت

ناظرت فيني وهي معصبه – البيت صاير لزايد ونواف وأمهم

وابوي اللي مدلعهم ويطلع كل يوم معهم

قلت لها – حتى انتي تظهرين معهم

قالت ودموعها تنزل ووجهها أحمر – اطلع بس ما أستانس

حزنت عليها - افا وش هالدموع .. طيب ليش ماتسناسين

قالت وهي تحط يدينها على وجهها ببرأه وتشاهق – لان بابا

يلعبهم ويدلعهم ويوم خالد كان عايش مكان يسوي لنا كذا كان

يضربنا بقوه ويعذبنا .. زايد ونواف يحبهم ويدلعهم ويشتريلهم

ألعاب حلوه

انقهرت من حركات محمد– ابوتس يحبتس ياحبيبتي

 
 

 

عرض البوم صور عبق الرياحين   رد مع اقتباس
قديم 11-04-12, 12:44 PM   المشاركة رقم: 639
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


وقلت اطيب خاطرها - طيب وش رايتس اطلع انا وانتي اليوم

ومانأخذ معنا أحد

حسيتها استانست ونقزت وجت تركض وحبت على خدي – هيييييه

ونااااااااااااااااسه بس بنأخذ عموه هند معنا

مطيت عيوني – ايشششششششششش









في الليل

وقفت المخابرات في الموقع اللي تحدد لهم .. وكان من ضمنهم

ضاحي اللي كان يبي يعرف الإسرار الكثيره اللي تحيط فيه

مايدري ليش عنده إحساس ان نور تشترك مع هالعصابه

او إن فيه معلومات تعرفها عنهم ويبون يتخلصون منها

أمر بالهجوم .. وكان في منطقه معتزله .. وكلها منتجعات

وإستراحات .. فيه منهم اللي فر وفيه اللي انمسك ومن ضمنهم

ابو سند الخطير .. ماهب مصدق عيني وهو واقف قدامي

قلت له – اخيرا لقيتك

حسيته معصب وهو يقول – صدقني بخليكم تندمون

هالمره بيكون تحت عيني .. هو اللي بغيته .. وهو الخطير

عقب ابو نور .. اكيد فيه اللي أخطر منهم وأرفع منهم .. بس

ماينعرفون .. لانا يوم نقرأ سيرتهم .. نلقى فيه من يمولهم بطرق

خارجيه .. وبعضها من جهات مبهمه في البلد









في إحدى المولات

شفتها واقفه وكوبها في يدها وسرحانه .. حسيتها مو معنا

اتطمنت ان خلود تلعب واتجهت إلها تحنحت ناظرت فيني – كنتس

مغصوبه على الروحه العذر والسموحه

هزت راسها وهي تحط يدينها الثنتين على الكوب – لا عادي

قلت لها – تبينا نرجع

ناظرتني وإبتسمت دوختني بإبتسامتها – قل انك مليت

إبتسمت لها وانا اصارع مشاعري اللي معجبه فيها وفي أختها

تناقض عجيب – لا مامليت انتي اكيد ماله وتبين تحطينها بظهري

مشت وجلست على الكرسي وهي تقول – اهم شي تستانس خلود

كان ودي اقول بس عشان كذا جيتي .. بس سكت

خلصت اللعبه وجتنا خلود مبسوطه وتضحك – عمو ابي وحده

غيرها

قلت لها وراسي دايخ – بس تعبت خلود

حبت على يدي وقربتني منها – عمه قوليله ابي ألعب

وقفت وهي تقول – هالمره اللعبه بتكون مني انا .. من مصروفي

يمكن عمتس هالبخيل خلصت فلوسه

صرخت عليها منقهر – انطقــــي

حسيتها ألتفتت لي خايفه هي وخلود

قلت لهم – خلاص انا مليت امشوا نرجع

وانا بالإساس خايف من مشاعري .. حاس اني تايهه ومدري

وين انا فيه .. مشن وراي .. وحبيت اراضيهن .. شفت غزل

البنات وضحكت وانا اروح للهندي اطلب منه ثنتين .. خلود

استانست اما هي عصبت – ماابيه ماابي منك شي شكرن

كتمت ضحكتي وقلت – خذيه عادي لاتستحين انا بعد تراني

احب طعمه .. بس كنت اكله وانا صغير والعيال يضحكون مني

ناظرتني بقهر وانفجرت ضحك معاد اقدر أكتم – خلاص خلاص

لاتعصبين

مشينا وشفت محل عطورات عاجبني .. وقفتهم وقلت – انتظروا

شوي وارجع

شريت العطر اللي عجبتني ريحته في سيارة خويي .. كان عطر

أخته .. ناسيته معه في السياره

طلعت لهم مالقيتهم .. عصبت .. شفت خلود تدور وعيونها تائهه

رحت لها بسرعه وانا معصب – وين رحتن

كنها افرحت يوم شافتني – عمه هند ضاعت

انصدمت – وش هوو .. وين ضاعت

قالت – هي قالت لي وقفي هنا برجع لك .. كنت بلحقها

بس ضاعت مني الحريم كثار

مت قهر وين اختفت .. مشينا ندورها في كل مكان ملقيناها

رجعنا للمكان حقنا .. ومالقيتها .. رحت ادور ثاني مره وخلود

تدور معي وكنها خايفه .. وانا بعد ميت خوف عليها .. ماتعرف

شي واول مره تجي هالسوق .. حسيت اني بنهبل وانا أتخيل

انها مخطوفه ولا صاير عليها شي .. حسيت بحد يهزني

شفت خلود تقول – عمو شوف شوف هاذيك هي عمه

رحت بسرعه وحسيت انها يوم شافتنا بتبكي قالت – وين

رحتوا

صرخت عليها في السوق – انطمـــــــــــــي

حسيتها اتفشلت واللي في السوق كلهم ألتفتوا علينا .. طلعت

معصب وهن وراي .. هاذي مشكلة اللي يروح السوق ومعه

حريم

ركبنا السياره وهي حسيتها تبكي .. حذفت عليها الكيس الفخم

وقلت لها – خذي ولو انتس ماتستاهلينه

عصبت وقامت تهاوش وصرخت بوجهي – مالك خص فيني

انا بعلم عمي يتفاهم معك .. قليل أدب ووقح .. فضحتني في

السوق .. خذ كيسك ماابي منك شي

بكت معها الثانيه نافخت – يقلعها من طلعه اللي فكرت اظهرتسن

فيها







دخلت الصاله .. وشفت الجميع فيها .. وهي جالسه بينهم .. يوم

شافتني لفت على جنب وإبتسمت

جلست جنب ابوي وانا اقول – مساء الخير

الكل – مساء النور

ناظرت في سعد – مشاءالله متى سفرتكم

ناظر في ريم وإبتسم – بكره الظهر

محمد ناظر ابوي – وش رايك

قال ابوي – بكيفكم

ناظرته – وش فيه

قال – بنظهر للبر يم ابيعرنا .. الجو زين وبراد ذا الايام بنروح قبل

الجو لايبرد بالحيل

همست – اها ( ولفيت اناظرها .. وشفتها تسولف مع موضي ماهب

يمي انقهرت وقلت – قومي جيبي مويه

مطنشتني وهالشي موتني قهر – شيخـــه

ألتفتت علي وهي تأشر على نفسها – تقصدني

قلت بعصبيه مبالغ فيها – ايه انتي من غيرتس

وقف وهي تقول – تبشر

لالالالا فيها شي .. ماهب صاحيه .. الحرمه انقلبت مليون درجه

جابت الكاس ومسكت يدها وقلت بهمس – لو عارف هالشي

بيغيرتس كان من زمان اعرست

غمزتلي وذبت وراحت وخلتني .. من يوم طلعت من بيت اهلي

وصورتها ماتفارقني .. اكيد مسوية فيني بلى

تمنيت الليل يسري والكل يروح .. عشان استفرد إبها .. لان

الليل شكله طووووووووووووويل

 
 

 

عرض البوم صور عبق الرياحين   رد مع اقتباس
قديم 11-04-12, 12:48 PM   المشاركة رقم: 640
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 


نزلت لهم شفتهم مجتمعين .. مدري وش نزلني قلته يوم نظراتهم

اتجهت علي .. حسيتهم طنشوني .. وانفشلت

مدري وين اروح وانا احس اني غريبه عنهم .. شيخه فيها شي

متغير .. ماهب شيخه اللي نعرفها .. رحت للمطبخ

بس صوت سعد وقفني – ساره

ألتفت عليه وقال – وينه نايف

بلعت ريقي وناظرت الموجودين .. حسيتهم مايبون يناظروني

وكأنهم يقولون وش يبي فيتس .. وانتي اللي غاصبته على ذا

العرس

مدري وش أقول بس دخوله هو اللي اسعفني – السلام عليكم

بسرعه رحت للمطبخ وانا اتذكر كلامه .. ماأكون موجوده يوم

يكون هو موجود .. شفت عمتي تقالب العشاء .. ساعدتها وهي

ساكته .. مدري وش في خاطرها

سألتها – عمه فيتس شي

قالت وهي تغرف العشا في الصحن – لا ابدن

قالت للشغاله تحط سفر العشاء .. وقعدت اجهز معهم السلطه

وانا ساكته .. احس عبرتي في حلقي .. وضعي يعورني في

هالبيت .. معاد يفيد الندم لو ندمنا خلاص

حطوا عشاهم في المقلط .. ودخلوا يتعشون .. ونحن احتريناهم

بنأكل عقبهم .. جلست على جنب .. وحسيت ان نظرات موضي

علي وعلى شيخه .. يافضيحتي .. أكيد بتنتبهه

ريم – وين فارس وهند وخلود

قالت موضي وهي تبتسم – عازمهن فارس برى

ضحكت ريم – حركات اجل

كنت اسمع وساكته .. وش احكي وش اقول .. واحس في عيني

كومة دموع .. ابيها تمسك مكانها وتقعد وياليت ماتفضحني وتطلع









شفتهم مجتمعين .. والنار اللي بصدري ماتنطفي غير لين أخذ

بحقنا .. كان جالس ومتفيزر بالنص

جلست وقلت وانا اناظره – وش اللي سويتوه في شيخه

ناظروني وساكتين

قال عمي – والله يابنتي ماعرفنا غير يوم هرج وسط الريجيل

وطلب البنت من ابوها

ناظرت فيه – مايتم شي غير عقب شورك

حسيته انفجر يوم قال – اختس ماهب حرمه اللي سوته لو ماهي

بحرمه ان اكوفناها في ارضها

انقهرت وقلت – مايحتاج تراك كوفنتها باللي سويته انت وبناخيك

قال وهو يناظر بعيد – بناخي رجال وادرى بأموره

سمعت الثاني يقول – انا ماقلت لتس مالتس لزوم

ناظرت فيه واحس اني بنفجر – انت اسكت لانطلع الفضايح

ناظرت عمشاء فيني وفي ولدها .. حسيته سود من العصبيه

ماتوقع كلامي .. اول مره ادري اني قويه يوم اعصب

طلع عقاله بس عمي صرخ فيه – فهيـــــــــــــــد

ناظر في ابوه وهو معصب – لاتلومون صقر يوم يعرس ترى

التربيه عنهن بعيد

هالمره انفجرت – الله وأعلم من المتربي يالسكااااااااار

ماقدر احد يوقفه وهو يخمني من ورى الشرشف ويمسكني بشعري

ويضرب فيني وهم جلوس .. حمدت ربي ان ضاحي ماهب فيه

ضربته جدتي بالعصا .. وعمي خمه بعيد عني .. ناظرت برقعي

اللي منقطع .. خذيته فوق وانا ولا دمعه نزلت بردت خاطري

رحت وطلعت شنطتي وشلت اغراضي وانا ميته قهر .. دخلت

علي امه وهي تقول – وضحى يابنتي لاتروحين

ناظرت فيها وحطيت كل غيضي عليها – انتي ياللي تدسين علي

بلاوي ولدتس .. تراني اعرف انه سكير .. ولايعرف لصلاه

ولا عباده .. ليش زوجتيني إياها هااااااااااه .. ولا قلتي هاذي

يتيمه .. وعرجاء بترضى وهي ساكته

حسيتها انصدمت من هجومي وسكتت .. مدري ليش دموعي

نزلت يمكن دموع الظلم ولا القهر والغبن

جمعت اغراضي ودقيت على جوال فارس اللي رقمه عندي في

ورقه حسيته انصدم وهو يسمع صوتي – فارس تعال خذني

مانيب قاعدة دقيقه في ذا البيت

قال انه بيمر علي هو وهند اللي معه وخلود .. مسحت دموعي

ولبست بشتي يوم دخل علي وهو يقول – على وين

أكيد امه حرشته .. ماعبرته وشلت شنطتي وطلعت .. بس مسكني

ودزني على السرير وصرخ علي – مالتس ظهره من هالبيت

يالعرجاء

انا عارفه اسلوبه يبي يستنقص فيني عشان يقول لو طلعتي من

هالبيت تراتس ناقصه منتي بحرمه .. انا كنت بسوي العمليه

اللي تعدل وضع رجلي .. بس عشانه ماني مسويتها لو يموت

حسيت اني برجع وركضت للحمام .. رجعت ومسكت راسي .. دخل

علي الحمام ووقف عند الباب ويناظرني .. ناظرته وصرخت فيه

وانا اشب جمر لاني تأكدت وش فيني – انت وش تبي انقلع ماابي

اشوفك

نزل وراح .. بكيت فتره من الوقت وانا مقهوره من اللي يصير معي

كنت ناقصه عشان احمل منه .. اخذت شنطتي وانا امسح وجهي

ونزلت .. لقيتهم جالسين ويتكلمون .. يوم شافوني سكتوا

قالت جدتي – وضحى يابنتي تعوذي من إبليس واجلسي ترى هذه

بيتس

انقهرت من كلامها وناظرت في الشايب اللي كل بلاء من تحت

راسه – إن شاءالله ان حوبتنا يابنات ناصر ماتعداك

لف وجهه علي وقام سميه المؤقر وقال – انقلعي داخل ترى

اللي متصلة عليه يجي يأخذتس راح

بغيت انهبل بس قلت – ماعليه اروح على تكسي

هالمره وقف وجته امه تركض يبا الفيت بتطيب خاطري .. مسكتني

وفكيت يدها – انا اليوم بايعه ابعدي عن دربي

حسيت فيني قوه .. والكل مصدوم من هالقوه .. انا اللي كان

مايسمع لي حس ..حسي ظهر وبان .. جتني الجازي اللي مسكينه

ياما بتشوف في هالبيت مثلي – خلاص وضحى تعوذي من إبليس

قلت لها – الجازي خلتس بعيد

مشيت وانا ماسكه عبايتي بقوه ومصممه اني اطلع .. بس وين

وهالزفت فيه .. وهو ناويها شر .. رجعني وهو يجرني وهم كلهم

يناظرون فيني مستمتعين وجرني على فوق .. كنت اسمع صوت

جدتي وهي تقول فكها فكها بس هو مصمم .. دخلني الجناح وقفل

علي الباب وطلع .. جلست على الإرض اندب حظي .. حيوان ووقح

ياليت لي ابو ولا أخو .. ياخذون بحقي منه ياليت







قمت من العشا وانا عيني تدورها .. مدري ليه مشتاق إلها

شفتها تلاعب ولد موضي وتضحك .. ضحكت معهم وكأني

اعرف وش يقولون .. دخل فارس وهند وخلود .. وشكل

فارس معصب سأل – وين ابوي

أشرت على المقلط – هناك يتعشى

راح وتركني

بس سمعت هند تقول – وضحى دقت علينا تبينا نجيها يوم رحنا

لهم عيا فهيد تطلع معنا

حسيت انها سوالف بايخه .. وجلست اناظر في شيخه اللي منشده

في السالفه .. معلوم وحده من خواتها تراها بتبيع الدنيا بكبرها







دخلت المقلط وانا مصمم افضحه عند ابوي قليل الخاتمه – يبه

ناظرني سعد اللي وقف والحيوان الثاني اللي يأكل

ابوي – نعم

علمته السالفه كلها .. وحسيت ابوي عصب – متى صار ذا العلم

قلت له وانا اغلي – قبل شوي

طلع جواله وهو يقول – قليل الخاتمه ذا السكير

ناظرت في نايف وقلت – لايصلي ولايدل بيت الله ويشرب ويضربها

حيوان ووقح

باين انه عصب من كلامي لانه قام وهو ينفض يدينه بعصبيه

خله .. بنات عمي ماهب لعبه لهم

كلم ابوي عمي وتناقشوا .. وعلت الإصوات .. بس في النهايه

هدت وانا ماطفت ناري .. وضحى تتعذب وماأقدر اسوي إلها

شي .. وضحى الغاليه بقلبي .. وفي منزلة أختي الكبيره

سكر منه وقلت – وش قال

ابوي – الله يصلح الحال ,, تراها خلاص حرمته .. وعمك قال

انه تصرف معه وخلاص تراضوا

سكت غصب عني .. ابوي فيه الضغط والسكر والقلب يعني انطم

احسن

راحوا كلهم للصاله .. بس انشديت لموقف صار يوم جوا يتعشن

الحريم ان ساره تتجنب نايف بقوه .. لدرجة يوم قال صبوا شاهي

وناظرت امي في ساره .. مشت مبتعده

 
 

 

عرض البوم صور عبق الرياحين   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:55 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية