كاتب الموضوع :
عبق الرياحين
المنتدى :
القصص المكتمله
صباح الخير ات .......يسلمو سهومة على البارت وتستمر سلسلة المواجع لبنات ناصر ماادري ليه مافيهم وحدة عاشت نفس حياة امها وابوها ......يعني ابوهم مات وارتاح وهم الي يدفعون ثمن اغضابه وعقوقه لاهله لو كل واحد قبل مايتهور فكر بالمستقبل الي مقبل عليه ومصير عياله ماصار كل القطاعات الي نشوفها بواقعنا .... للاسف ناصر عاش حياته مثل مايبي وماحط بباله اليوم الي بيروح فيه عن الدنيا وبناته مالهم سند من بعده لو على الاقل طول سنينه الي كان شارد فيها مع زوجته كان يحاول يحط واسطات او هو بنفسه يروح ويجي يتسامح من اهله يمكن خفت هالكراهية الي بصدر ابوه وبناته صار لهن قدر .......مو الي يسوى والي مايسوى يلعب فيهن كأنهم جماد ماله حق في العيش بسلام ولا راحة .........مقهورة على هالذل الي كل وحدة تعيشه مع الثور الي ماخذته مافيهم واحد خاف ربه وفكر انو ممكن بيوم عيالهم يجنون نفس مصير هالبنات ....والي يقهر كبار العيلة مافيهم واحد حكيم يفكر بمصلحة هاليتيمات بعد كل هالضيم ...........والي مضايقني اكثر خوفي انو نهايتهم تكون ضدهم بعد هالشقى والظلم
سهومة لاتلوميني يعني كل وحدة تزوجت كانت بدايتها هم ومواجع مع زوجها ....الوحيدة الي شوي كانت اخف شيخة ماانذلت مثل خواتها ولا حسسها صقر انها شيء منبوذ من اول ليلة ولو ماعوابتها ووقاحتها وقلة حياها حياتها مشت عسل بعسل
عبوقة تسلم ايدك ياقلبي
نورة وسلطان
ابد ابد ماتوقعت انو سلطان بيسوي نفس فهيد بس بشكل ثاني ياخذ الي يبيه وبعدين يطردها شهالظلم مو حرام عليه وعذره مثل وجهه اعتقد هو شاف زينها قبل مايسوي الي سواه ليه ماتركها يوم انو خايف يظلمها وبعدين مثل ماجدته ظلمت البنت وماخافت الله فيها هو مافرق عنها .........اذا كان هو الرجال علشان حرمة لاراحت ولا جات كره الحريم وياليته سبب قوي او ينبلع الا بسبب قضاء وقدر من رب العباد هذا وهي ماتت مع اهله اجل لو هي الوحيدة الي نجت من الحادث ايش كان بيسوي ....... سلطان الي فيه مو عقدة لا الي فيه ضعف ايمان لانو لو هاليوم مو يوم اهله كان ماراح يختفون من حياته لو ماماتو بحادث بيموتو لسبب ثاني او حتى وهم على نومتهم ومثل مافقد اهله بيوم وبحادث واحد نورة ماتفرق عنه يعني هو الي بالثلاثينات مفتقد اهله ونورة الي ماتو اهلها وهي مادخلت العشرين اهون منه
ياليت يخاف ربه فيها لايجيه شي يندم عليه ...........البنت صغيرة وفاقدة حنان عاشت مع شيخة المتوحشة ووضحى المغلوبة على امرها وسارة وهند اصغر منها يعني ماحد عطاها حنان واحتواها وقت محنتها ويتمها والحين بدل مايكون لها الزوج والاب والسند والاخ يكون سبب المواجع ويذلها ........ مافرقت عن وضحى ولا سارة الي سمعو كلام يفتت القلوب من القساة الي ماخذينهم ........ومااعتقد سلطان بيكتفي بالي سواه لانو كل ماانفتن بنورة بيحط حرته فيها توقعته بيكون بارد وصامت معاها بس انخدعت فيه دام نص دمه من ال قاسي ماعليه شرهة ...وماادري نورة كيف بتتصرف لابد يوم وبتنفجر فيه وماراح تتحمل لانها حساسة حيل ومن البداية كانت خايفة من هالزواج الاغبر .......
سارة ونويفان
نويفان مو عارف شيبغي من حياته اشوفه ماصدق انو سارة صارت حلاله وقام يبي يعيش الدور وين الي عايف ومايبيها تقرب منه ولا يتدخل فيها اشوفه قام يطالبها بخدمته مثل اي زوج بس حامض على بوزه وزين الي سوته سارة لانها ضعفت كثير وايش فادها ضعفها خسرت ثقة الكل وصورتها صارت عدم بنظر الي كانو يحبونها ....عقابها كبير وفي نظري تستحقه لانها من البداية ماغضت نظرها لدرجة خلت واحد مثل نويفان يرمي عليها كلام وياليتها تعلمت وصانت كرامتها لو حطت ببالها القسمة والنصيب وانو لو لها نصيب بيجيها بدون لاتسعى له مثل هند الي اصغر منها حبت فارس بس ماحسسته ولا بينت له ........وهذا هي جنت الي سوته قاسي حيل
باقي دور نويفان يجني ثمار الي سواه طول السنين الي كان يغضب ربه ويشرب هالمنكر لاخوف ولا حياء من ربه ..وكملها بالحقارات الي سواها لازم بياخذ شي يكسر راسه وغروره .........وبيجي يوم بيتمنى رضا سارة وهو الي بيراكض وراها واصلا واضح انو مفتون فيها بس غروره وتكبره مسيرينه ومسيرين تصرفاته
انتظر الي بيسويه صقر فيه والحقليق الي بيرميها بوجهه وبنشوف كيف بيرفع خشمه فوق ....
وضحى وفهيد
بعد الي سواه سلطان مع نورة بديت اشك انو الثور فهيد يهين وضحى ويعايرها لنفس السبب لاني اذكر لما وصفتي بنات ناصر ذكرتي انو كل وحدة ازين من الثانية فيهم الي جمالها طاغي مثل سارة وفيهم الفتنة مثل نورة وفيهم الي جمالها وزينها ناعم وهادي وهو لوضحى وهند وفارس لما شاف هند انفتن فيها ..........فوضحى ماتقل عن خواتها واصلا هم ماخذين زينهم من امهم وابوهم .........ولالولا العرج الي فيها كان فهيد ماقدر يمسك عليها شي يعايرها فيه من ناحية الشكل ..........ولو ماهي مزيونة وفاتنته كان مالاحقها وجبرها عليه لانو مايقدر يقاومها ...بس عيال القاسي غرورهم مصور لهم انو هالافتتان والانجذاب مو صحيح .........بس بيجي اليوم الي وضحى بتحرق قلبه وبتخليه يتمنى الزمن يرجع لورى ولا ضيعها منه ..........لابد وضحى بتتغير وبتنفجر بوجه فهيد لسبب قوي ومايتحمل سكوتها بتطلع كل الي سواه من عيونه
صقر وشيخة
للان وضعهم على ماهو بس مازلت مصرة انو صقر ماراح يتزوج لانو عارف قصة محمد مع مريم وموضي ومااعتقد انو بيعيد نفس القصة لانو حتى محمد كان زواجه من مريم للانتقام ...........وحبه لموضي استمر ولا قدر ينساه وهو نفس الشي يحب شيخة ويعشقها ومايقدر يتركها ويحب غيرها .........مهما كانت اسبابه في انسانة بتنظل بذمته لو تزوجها وظلمها علشان ينتقم من شيخة بس هو يبي يقهر شيخة بس ماراح يسويها
اما شيخة خليها على عنادها الي بيضيع حياتها الى متى بتكابر يعني اغتقد بيظهر نفس الشخص مرة ثانية وهو الي بيخليها داك الوقت تطلع من طورها لانو شيخة ماراح تنطق دامها ماتكلمت لحظة رعبها ..........اتمنى مايكون ساعتها الوقت فات لانها بتندم قد شعر راسها
نور وضاحي
نور الي مكرهني فيها تسرعها وعنادها .......يعني شراح تستفيد من الي تسويه مفكرة بتغير حياتها مع ضاحي يمكن الي سوته ينهي حياتها معاه ليه ماحطت هالاحتمال ببالها غبية وتعل القلب ..........بنشوف الحين كيف بتحمي حالها لو وصل لها احد من العصابة هي الي بتنصدم وهي الي بتنهار اذا عرفت المخفي عنها .......بس مااعتقد انو ممكن يصير هالشي لانو عمشاء واقفة لها على الغلطة بتنتظرها تطلع وبتدق على ضاحي لانها عرفت انو طلعتها بدون شوره وهي تبيها من الله تبي مشكله تخلصها منها ........ونور تفكر سكوتها رضا ماعرفت عمشاء
ضاحي من خوفه على نور بيتصرف تصرف قاسي مع نور لانو اعصابه بتتلف واعتقد بيتصل على ريم ترجع قبل ماتبتعد وبتكون اعصابه خارج السيطرة او انو نور تطلب من ريم تطنش اتصال ضاحي وهذيك بتطيعها من الخبال وبيتسوقون وهذا من الخوف بيوقف قلبه على اخته وزوجته او الامانة الي برقبته ولما يرجعون مابيقصر فيها وبصراحة ماينلام انا معاه لانو الخوف والمحتاة تلعب دور كبير بأعصاب الانسان .........بس يمكن هالطلعة تلفت نظر العصابة لها ويبتدي الخطر ةالتهديد الحقيقي ..........ومازلت متوقعة انو ابو نور بيطلع عضو سري من مافحة المخدرات والا نور راح تعيش مكسورة طول عمرها ومنبوذة من ال قاسي وماراح يقبلون فيها بعيلتهم لانها بنت مروج مخدرات ...وصعب على ضاحي ومنصبه تكون زوجته بنت مجرم
سهومة في انتظارك يالغلا وفي انتظار تطورات الاحداث والمفاجات الجاية ....وماينتظر حياة الابطال من صدمات
|
22-03-12, 03:01 AM
جديد مواضيع قسم القصص المكتمله
العرض العادي
