كاتب الموضوع :
♫ معزوفة حنين ♫
المنتدى :
القصص المكتمله
//
مريم
،
بعد ما فتحت عيني اليوم حصلت نفسي في نفس الغرفة البيضا..
شكلنا ردينا موقع محمد ومنصور..
جفت ايدي لاافينها عدل..وعدّالي ادوية...
دوّرت بعيني ع ريم...
مب في الغرفة..؟
وينها..
.
جفت حد فتح الباب..
ودخلت ريم ووياه البنية الصغيرة..!!
ارتحت لما جفتها....يعني قدروا يدخلونها بالدس..
جافتني ريموو : مسااا الخييييير يا ماااما...حشى مب نووم هذا,,,!
عقدت حواجبي وقلت بصوت مبحوح : ليش الساعه كم الحين..؟
تكتفت : الحينة العصر يا ماما...
اففف...من امس ليين العصر وانا رااقدة..!
قرّبت مني وباستني ع خدي : الحمدالله ع السلامة..مييموو..
ابتسمت لها : الله يسلمج..
يلست وعدالها البنية الصغيرة..
قلت : وين كنتي حاطتنها...؟
ريم بحماس : فـ مكان اكتشفته...مافيه لا كاميرات ولا شي..سررري جدا جدا..
ضحكت بخفه بس بسرعه مسكت بطني لما عورني..
قالت وهي مبوزة : غبية..لا تضحكين بعد اللي صار...قال الدكتور انه في شي صار ببطنج...ممم تمزق..تقطع...شي كذي..
قلت : اففف...لهدرجة.!!!
انقلبت ملامحها فجاة للحزن : واحتمااال.....احتمااال...مااا..." غطت ويها بايدها بسرعه " خلاا.ص....ولا....شي..
؟؟!
قلت مستغربة : احتمااال شوو..؟
هزت راسها بلا : ماقد...ماقدر اقوووول..
خوفتني: لييش..!!؟
قالت بصوت باكي وهي بعدها مغطية ويها : لانه....احتماال.......تعيييشييييين..
قلبي بدا يدق بقووة...
لحظة...؟
قلت وانا استوعبت اللي قالته : نعم.؟
بعدت ايدها عن ويهها ونقعت ضحك...
صدق غبية هالبنت..
قلت : المعفنين ويينهم..؟
قالت : تطمني .....محد...الظاهر عندهم مهمة..
قلت وانا اتذكر : لحظة.....ياالغبية...كيف يبتي هاليااهل هني...؟!! اكيد في كاميرا مندسة هني..
ابتسمت بشطآآنة: ماعلييج....اكتسبت الخبرة من شهرزااد....ههههاااي....قردنت لي كم وحده من البشاكير اللي هني..وعرفت وين غرفة المراقبة....وقلتلهن يبندن الكاميرا..
قلت مستنكرة : وانتي شدرااج انهن ما يطلعن نذلات شرات الاولياات..؟
قال بثقة : لا حرام هذيلا شكلهم مسااكين...تخيلي ان كل العاملين اللي هني ما يقدرون يردّون بلادهم....قالتلي وحده....اي حد هني مستحييل يظهر...يا يمووت...او يتم هني للابد..
حشى..!
قالت ريم فجاة: ع فكرة ...جووفي خلييتهم اييبون تلفزيون هني....
اشرت عليه..
قلت بعد ما تذكرت : فجرر..!! صح...قال اليوم مباراتها..
قالت ريم بحمااس : هييه...بتجووفينها...
ساارت وبطلت التلفزيون..
وحطت ع القناة الرياضية...وتمينا نطالع التلفزيون نتريا المبااراة بشوق..
،
لما بدت المباراة...
دق قلبي بقووة وانا اجووف فجر..
شكلها تغير 180 درجة..
انا لما جفتها بالمووول...عرفتها من عيوووونها..
عيوونها غييير....لها سحر غرييب..
ومحد عنده هالعيون الا هي...
آآخ يالقهر...
كل ماجوف شكلها..يزيد قهري اكثر واكثر..
.
المعلّق " اوووووووووه بلنتي.....اصاااابة لللاعب فااارس..والحكم يعطي كرت اصفر للاعب عبدالرحمن....الـ.......سلاااماات يا فاارس ما تجووف شرر..."
شهقت بصوت عاالي لما طاحت بسبب الضربة اللي يتها..
الله ياخذهم الحقيرين..
كيف يخلّون بنية تلعب ويا شبااب..
هاا تعذييب..
عضيت شفايفي بقهر وانا اتابع المباراة..
.
قبل الشوط الثاني بدقاايق...
كانوا حاطين الكاميرا ع فجر....
بقتت عيني لما جفت الريّال اللي وياها..هيه ها مدربها....اظن اسمه يوسف..!
جفتها ما سكتنه من ياقته...وتتكلم وياه بعصبية...
" المعلّق : الظااهر في خلاااف بسييط بين اللاعب فارس....ومدربه الكابتن يوسف.. "
وبعد ما بدا الشوط الثاني...
حسيت بشي غريب فـ فجر..
طريقة لعبها صارت اعنف..
شو قالها الخاايس هذا..؟
اكييد نرفزها...شرات ما نرفزني امس..
هالشخص مستحيل حد يتحمّله..
.
حطّوا الصوورة عليها لما سجلت هدف..
جفت نظرتها..
عينها..
عينها ملياانة غضب..
تغيرتي..
تغيرتي يا فجر وااايد..
صرتي اقوى واقوى...!!
.
غمضت عيني براحه..
اكييد ...اكيد بتقدر توقف فـ ويههم..!
.
ابتسمت وانا اجوف ريموو تنااقز من الحمااس لما دخلوا فريق فجر اهدااف..
ريم وهي ماسكة غرشة الماي اونه مايك هههه : ايواااا..وتعدّي فجر...ايوا يا فقر..اقررررري..." فجر...اجررررري " ايواا كده اللعب ولا بلااااااش....!!! وتعدّي...وتمشييي...وتر رركض فجر....ووواا....قووووووووووووووووول....يآآآربآآآآآ ه الهدف الراااابع على التوالي لفريق الصقر....
جفت البنوتة تضحك ع خبال مريوم..
حلييلها بسرعه تعودت علينا...!!
كمّلت ريم : ماهذاا ياا فاارس...انك تُبهرناا..!! ياإلهي انهو وسيم بشكل غير طبيعي...!
ما هذا...كانه سمعني...انه....لحظة....انهووو يقف اما الكاميرا وو....وو....ينظر اليّ..!!
لااا يااااافاارس...كده بتكسفني انتاا ....اي ده..كمااان....بيعملي تحية..." وقفت وسوت تحية " افاا وهااي اكبر تحية للبطلة فجر...خخخخخ
يلست متفاجأة وانا اجووف فجر....
هيه...تطالعني الحين....جفت حركتها..
شديت ع قبضتي..وحطيتها ع صدري وانا ابتسم...
هالحركة دوم نسويها لبعض لما تكون وحده منا زعلانة من الثانية..
واول ما تسويها وحده منا..على طول نرضى..
لان هذي دليل ان نحن بنتم صديقات للابد..
حسيت بفرح يسري فيني..
ما نستني...بعدها تذكر الحركة..!!
.
سندت ظهري ع السرير براحه..
وتمينا نطالع المبارة باستمتااع لين ما خلصت...
.
انا وفجر فـ نفس المنظمة..
واحتماال نلتقي فـ بعض..
وان شاءالله يكون لقائنا قرييييب..!
//
علــــي
،
بين الشوطين
،
في اللحظة اللي ابتعدت فيها عن فارس..
دخلت غرفة التبديل بجوف اخبار الشبااب..
بس سمعت همس حد بين صفوف الخزانات..
حاولت ما يطلّع صوت العكاز..
تساندت ع وحدة من الخزانات..
وولمحتهم ,,,
.
بطلت عيني ع وسعهن لمّا جفتهم...!!
لااااا..
شوو اللي اجووووووووووووفه..!!
انصدمت فييييهم..!!
لييييش...!!
تنفست بسسرعه..من الصدمة اللي يتني..
منشطآآآآآآآآآت...!!
من متى...!!
ولييش..! ليش يستخدمووونها...!!
تحركت بظهر من المكان..وانا مصدووم من الاشخااص اللي جفتهم..!!
ما توقعتها ابدن منهم..!
بطلت الباب بهدوء وانا قلبي يعتصر من الالم والقهر عليهم..
ظهرت بردّ مكاني...
جفت فـ ويهي خليفة..
.
ابتسم لي : الله يهديييك اللي ريولهم مكسوورة لازم ما يتحركون..
ابتسمت له مجاملة : لا قلت بطمن ع الشباب وبزيد من معنوياتهم..
ضحك وقال بمزح : الا قااعد تغاايضهم..!
قلت وانا مب متفيج اكلم اي حد بعد صدمتي: يلا شد حيلك في الشوط الثاني..
قال بعزم : افاا علييك..بفووز عشاانك انت بس..! يلا بخلّيك بسير اجووف الشباب الكسالى ..
مسكتته بسرعه..
طالعني مستغرب..
قلت وانا احاول اخفي ارتباكي : لا خليهم قالوا الحين بيظهرون..تعاال بنقعد ويا الشبااب اللي براا..
ابتسم لي وقال : يلاااا..
رحنا وقعدنا ويا الشبااب..
تميت اتاملهم واحد واحد...معقوووله هذيلا بعد يتعاطوون منشطاات..؟
حطيت ايدي ع خدي وانا الاكتئاب فيني موصّل حدده..!
وو
ع بداية الشوط الثاني..
جفت الشباب اللي كانو في غرفة التبديل ظهروا..
صديت...مابي اجووفهم..
.
انا كنت ادري انه في من بيينا يتعاطون منشطآآآت...وادري اني بنصدم منهم..
بس لما جفتهم بعييني تألمت اكثر..
,
بدا الشوط...ودخلت فجر هدف عشاني...
ابتسمت بسخرية..لما جفت الشباب اللي ازدادت قوتهم فـ اللعب..
يت عيني بعين الكابتن يوسف..
اكيد هو السبب..!
ولا هذيلا من وين لهم منشطااات..!
بعّدت عيوني عنه وانا ارص ع ضروسي بغيض..
،
،
بعد ها خلصت المباراة..
بفووزنا 5-2..
ماحسيت بطعم للفووز..
كنت ابتسم بمجاملة للكل..
،
جفت المنصة يسحبوها لنص الملعب..
وبداا تكريم اللاعبين..
رحت صوبهم وانا مالي نفس..
مسكتني فجر بابتسامة..
حسيتها هي بعد مب مستاانسة..
بس تحاول تمثّل...
طلعنا ع المنصّة...ولبسونا الميداليات...
وعقبها....رفعت فجر الكااس بانتصاار..
اول كااس يااخذه نادينا..!
يلست وانا اسمع
صوت الجماهير اللي هز الملعب هزز..
وعقبها شغّلوا الالعاب الناااارية...
وو
اررتفع صوت المغنية..
اللفت للمنصة...و تفاجأت بشهرزااد..!!
جفت الشبااب كلهم عندها في المنصة..ويرقصون ويغنون وياها..
والدنيا مب واسعتهم من الفرحة..
،
يت فجر ويلست عدالي..
مدّت لي بعصير وخذته منها..
قالت : تفاجات بشهرزاد صح..!
هزيت راسي بهيه..
.
تميت انا وياها نسولف عن المباراة..
كنت ابا اقولها عن اللي جفته..
بس مادري ليش سكت..
هي مب نااقصة..
.
بعدها افترقنا عن بعض...كان عندنا لقاءات تلفزيونية..
عقب ما خلصت من لقائي..
يلست وانا احس بتعب ...
وايد مشيت اليوم وريولي عورتني..
.
جفت فجر ويا شهرزاد..يسولفون ومتحمسات ويا بعض..
يلست اراقبهم بهدووء..
متى بيتحررن منهم..؟
متى بيرتاحن من عذابهن هذا...؟
.
جفت فجر توقف بسرعه تطالع شهرزاد بصدمة..
خفت..
يمكن صاار شي..!!
بس بسرعه تغيرت ملامحها وردّت طبيعية..
تنهدت بارتياح..
.
التفت جفت واحد من اللي كانوا في الغرفة شكله مرهق...ومتوجه لداخل..
ترييته لين يدخل..
ووقف وسرت وراه..
جفته دخل غرفة التبديل..
سمعت خطوات حد ياية...
بسرعه انخشيت فـ مكان..
طالعتهم واحد ورا الثاني بالم وهم يدخلون الغرفة..
.
دقايق وطلعوا مرة ثانية..
وانا مشيت وراهم بدون لا يحسّون..
.
توجهوا للساحة اللي ورا الناادي..
رحت وانخشيت بين الاشجار القصيرة..
راقبتهم شو يسوون..
جفتهم فتحوا المستودع الكبيير ودخلوا كلهم داخل..
شو يسوون دااخل..؟
وبعدها بدقايق ظهروا وردّوا داخل النادي..
بس المستودع بعده مفتووح..
ييت بوقف..
..
.
.
لحظاات,,وتيبست لما حسيت بحد وراي..
سمعت همس : لا تخااف انا فارس..
صديت بسرعه..مسكتها وسحبتها صوب الاشجار..
قلت بتحذير : اوووشششش...لحد يجووفنا..!!
قال بصوت خفيف : ليش..؟ شو تسوي هني..؟
قلت بهمس : اراقب...
قالت باستغراب : منوو...؟
ماعرفت شو اشرح لها ..مب وقته اصلن..بس لازم اقولها عسب تفهم
قلت بهمس وبحزن : طلع في من لاعبينا يتعاطون منشطآآت..
جفتها تطالعني بصدمة : مستحيييل..!!....منوو هذيلاا..؟
تنهدت وقلت : بتعرفيينهم....." وقفت بهدوء " تمّي هنــي..بروح المستودع بروحي...ابي دلييل ضدهم...
قالت بسرعه : بروح ويااك..
قلت بحزم : لا تمّي هني وراقبي المكان..!
هزت راسها بموافقة...
ظهرت من بين الاشجار بحذر..
افف هالعكاز مسبب لي ازمة!
.
ابي دليل...ابي دلييل عشان اصدق اللي جفته..
قرّبت من المستودع بحذر..
القيت نظرة من الدريشة...
مححد..
دخلت ببهدوء..
تفحصت المكان بعيوني..
دخلت اكثر..
حاولت ادقق فـ الظلام..
جفت شي طايح ع الارض..
اقتربت منه....
ابـــرة..!!
كنت متأكد اني بلاقي شي ضدهم..
حطيت عكازي ع الارض..و انحنيت اخذ الابرة..
ضغطت عليها بقووة,,
.
بسس..
تيبست اطراافي لما سمعت صووت اعرفه..!
..: هلااا..هلاااا..!
غمضت عيووني بقووة....
لييش...لييش يآآآربي...
صديت ااطالع الشخص...
جفت عيونه تلمع في الظلام..
لا...
هالعيون انا ماعرفها..
هذي مب عيون صااحبها..!
ليش تغيرت...!! لييييييش...!!!!
قلت بقهر : لييش.!
ردّ ببرود : مافي داعي ابرر لك...
قلت بغيض : اي مبرراااات...!! ليش ضيعتوا نفسكم..!! ليش رحتوا هالطريق..!!
قال بجمود : الطريق اللي تتكلم عليه هو اللي وصلنا للقمة..
رديت عليه بعصبية : لا ما وصلكم للقمة..انت تتوهم...انتو لو استمريتو بالتمرين..بتوصلون للقمة بطريقة شريفة..
تفاجات لما ضحك بسخرية : اي تدريبات و اي خرابيط..نحن من زمان ونحن نتعاطى هالمنشطات..بس على جرعات خفيفة...لين ما تعود جسمنا عليها...وصرنا نزوّد الجرعات ع حبة حبة..وقوتنا صارت اكبر واكبر..
قلت بحزن وقهر : بسس...بس قبل ما كنتو جي...
قاطعني : لا تقوول قبل...قبل كناا ضعآآآف....ولا مرة خذنا البطولة..اصلا محد كان يعرف انه في نادي اسمه نادي الصقر..!! جووف بعيينك...هاا...وصلنا للشهرة الحين..وكييف..؟ .بكم جرعه بس..!!!!
تقدمت له وانا اعرج..وقلت بغضب : بتجووووف...بوقفكم كلكم عند حدكم...شكله في حدّ مسويلكم غسييل دمااغ..
قال بنبرة غريبة : شكلك تعرف اشياء واايد..!
ماعرفت شو يقصد..بس اللي متاكد منه ..ان يوسف هو السبب..
قلت بشك : شو تقصد.؟
قال : المهم......انت الحين جفت شي المفروض ما تجوووفه..
كمّل وانا اجوف فـ ايده شي يلمع : بس...للاسف..ما بتقدر تظهر هالكلام لحد..
قلت متفاجىء : بتقتلني..!!
قال بلامبالاة : اكيييد...
قلت وانا قلبي يعتصر اكثر واكثر : انت ما تعرف انا منوو..!! انا علي..!! بعد كل اللي بيينا...تقتلني..!!
قال بجمود : هيه بقتلك..وبقتل اي حد يوقف فـ ويهي..
اقترب منّي..وانا اطرافي تجمدت من الصدمة ..
جفت الشي اللامع يرتفع...ويخترق صدري..
ماحسيت بالالم..كثر ماحس بالالم النفسي..
الحين حسيت بطعم الخيانة ..
الخياانة صععبة....صعبة ومُرررة..!
سحب السكين....وردّ يطعنني فيه اكثر من مرة..
وطحت ع الارض..
وطاحت دمعتي..
.
مرّ شرييط حيااتي جدام عيوني..
امي..ابوي....حنان..عمتي..اهلي....ربعي....فجر...شهر زاد...بدر البدور...
نزلت دموعي اكثر..
لاني...مابقدر انقذهم من اللي هم فيه..
وو..............................
//
//
فجر
،
ترييت علي ربع ساعه..
اففف ما ظهر..
حسييت بنغزة فـ قلبي..
راقبت..
محد من الشباب ياا...
شكلهم ما بيردون مرة ثانية..
طول الوقت وانا ماسكة قلبي..مابي انصدم ف حد من الشبااب..
الفترة اللي تميت وياهم..حبييتهم من كل قلبي..
ابي اعرف منوو هم...؟!
سالم..؟ لا ماظن..ومستحييل بعد..
خلّووف..؟ هذا بعد مسكيين وطيب.
فهد..؟ فهد بعد طييب...بس مم يمكن هو واحد منهم...لالا حراام مب هوو..
ناصر..حميد,,,عمر..سيف ..جاسم..؟
..ماظن..
اففف...هو الاكيد انهم اكثر عن شخص..
بس منووو هم..!
.
يااربي ...علي تأخر واايد..
وقفت..
بسير عنده..واللي يصير يصير..
.
رحت للمستودع بحذر..
دخلت..المكان ظلام..
قلت بهمس : علـــــي...علووووه.....ويينك...؟
بس المكااان هااااااادي...و احسه مووحش..
مشيت ببطىء..وانا احاول اخلّي عيني تتعود ع الظلام عسب اجوف عدل..
رديت ازقره : علـــــي.....عــــلــ...
دست شي بريولي وطلّع صوت..
نزلت لمستواه..
ودققت فيه..
عكآآآآز علي..!
شو يسوي هني...؟!!!!!!!!
وقفت..
وقلبي بدا يدق بقووووووووووة..
حطيت ايدي ع صدري...اهدي دقاات قلبي..
قلت بصووت مرتجف : عـــــــــــلي...علي..!!
مشيت اكثر فـ الظلام..
وقفت..ودققت اكثر..
فركت عيوني..عل وعساا اللي اجوفه وهم..
اقتربت ببطىء من الشي اللي طايح ع الارض..
وقفت..ونزلت لمستواه بطىء وانا حاطه ايدي ع فمي اكتم اي شهقة ممكن تطلع..
لا اكييد ان احلم..
هيه هذا كابووووووووس...
: عـ....ــلي.....عـــ....لي...!!
ما ردّ عليّ...!!
مررت ايدي ع ويهه..
: علـــــــي....علـــي....مب وقته.....يلا قوووووووم..
هزيته....حسيت بشي حااار فـ ايدي...
قربت ايدي من ويهي..
دم..!!
حطيت ايدي ع صدره...
وتحسسته..
مجروووووح..!!!!
وينززززززززززززف..!!
.
يلست بخوف وبارتجاف وحطيت راسه فـ حظني...
قربت اذني..من ويهه...
الحمدالله...الحمـــــــــــدالله..يتنفس..!!
ضربته بخفه ع ويهه : عــ..ــلي...يلا قم....عـــلي...ادري انك بخيير...بس يلا قم..
جفت عينه تتحرك ...بس ما انفتحت..
قلت بسرعه : علي..علي..افتح عيوونك الله يخليييك..
سمعت صوته يطلع بصعوبة : فــ....ــجر..!
قلت : هيييه انا فجر..
تكلم بصعوبة : فجـ..ـر....بــ..سرعه.....اشــ..ـردي...طــ...ــلعي من...هنـ...ــي...بيـ..ـقتلونج..!
حسييت بكل قوتي انهاااااارت..
هزيت راسي بلا : لا ما بظهر واخلييك...الحين بظهرك من هني... " شهقت..قلت بصوت باكي " بس...بس لا تموت ..علي الله يخليك لاااااااااا تمووت..
حسيته بدا يتنفس بصعوبة..ويبا يتكلم بس ما يقدر..
قلت بسرعه : علي....قلي منووو سووااا فيك جذي.....منوووووو!!!!
ماردّ عليّ صرخت : علي لاااااااااا تموووووووت.....!!!
علي : مــ..ـا بمـ..ـوت......." تم يكح بقووة عقب كمّل " فجــ..ـر...انـ..ـا آآسـ..ـف..مــ..ـأ وفــ..ـيت بوعـ..ـدي لج...و لــ........شهـ...ـرزاد.....
قاطعته وانا احضنه بكل قوتي واصييح : بسسسس...بسس...انت قلتلي ما بتمووووووت..
علي...الله يخلييييييييييك لا تخلّييني برووحي....محد بقااا لي...الا انت...علي انا متحتاجتلك..
ردّ يكح مرة ثانية..
بعّدت عنه وانا اطاالعه..
قال بصعوبة : قتلـ.ـــلج....ما يمــ..ــوت..
قلت : انزييييييييين ليش تقوولي هالكلاااام...لا تخووووووفني...
وبصوت بااكي ترجييته : افتح عيوونك...ارجوووووووك..طاالعني...لا تناااااام...
فتح عيونه بصعوبة وطالعني..بنظرة..اول مرة اجووفها...انقبض قلبي قلت بصوت مرتجف : لا تمووت.....تراا ..اذا انت....مت...مستحيل اعيش عقبك...منوو اللي بيوقف وياي ضد المنظمة..!! منوو اللي بيرسم البسمة ع شفااتي....؟؟؟ منوو اللي بيزرع الامل فيني...
قلـــــــــــي منووووو....!!!
علي: فجـ....ــر...انتــ...ـي يـ..ــا فجر..
حطيت راسي ع صدره ..شهقت وبكييت بقووة : عـــلي....والله....والله انــ...ــي
................
احبــ.ــك..احبـــــــــــــــــــــــــك....لا تموووت...عشااااني لا تموووووووووت...
.
سمعت دقاات قلبه تزدااااااااد..
طالعته بسسرعه...
.
ابتسم لـــي...حسيت يبا يقول شي..من شفايفه اللي تحركّت .. بسس غمّض عينه....!!!!!!!!!
رديت احطّ راسي ع صدره..
وين نبضه...!!
اختفـــــــــــــــــــــــــــــــــى.!!
بدت اطرافي كلها ترتجف : لااا...عــلي....لا انت ما مت صح..!....
هزيته بخفييف : يلااا قووم...علي....علي تسمعني صح...لا تستهبل معااي..
ماردّ عليّ....لييش..؟؟؟؟
بديت اهزززه بعنف...
علي..مب وقتتتتتتته المززززح...!!
بس ما حسّ فيني..
بعّدت عنه بخووف..
وو
: لااااااااااااااااااااااااااااااااااااااااااااااااا اااااااااااااااااااااااااااااااا....علي لا تموووووووووووووت...!!!
حضنت ويهه ودموعي تنزل ع ويهه : علــــي... لا تموت...انت تسمعني صح..انا بمووت بداالك...بس انت لا تمووووت....
وقفت...وحاولت ارفعه..
حسيته ثقييل واااااااااااايد..
سحبته بصعووبة..
بس ما شي فاايدة..
ما قدر اظهره من هالمكان...
نزلت لمستواه وهمست له : علي...الحين برد....لا تنااام انزيين...الحين بروح ادّور حد يساعدك..
وقفت ورحت عند الباب..
التفت مرة ثانية له وانا اقول بتحذير : لا تناااااام...ساامع..!!
وظهررت وانا اركض واركض..
لحظة..!
اقوول لمنو يساعدني..!!
انا ماعرف منوو اللي خاانووه...وسوو فيه جذي...!
وقفت عااجزة....
شو اسوي....لمنوو اروووح..!!!
طالعت فـ ايدي..
كلها دم..
جفت بدلتي...
متخرررسه دم...
شديت ع قبضتي..
وين اروح...!!
اانا ما اثق غير فـ علي..!
وعلي الحين يحتاج مساعدتي..
.
ركضت صوب غرفة التبديل..
باخذ مفتاح سيارة عــلي..
حاوت افتح خزانته بس مب راضية تنفتح..
تميت اضربها بقووة ..
يلاااا...
الله يخليييج...انفتحي بسسرعه..
وبالموت قدرت اكسرها..
جفت المفتااح وخذته..
وركضت براا...
باخذ علي المستشفى بسسرعه..
.
تفاجات لما جفت شهرزاد فـ ويهي..
انصدمت من شكلي ومن ويهي...!!
قالت بصدمة : ويهيج ينزززف ولا شوو..؟
قلت وانا اتنفس بسرعه : شهرزااد.......مب وقته......علي....
سمعنا صرااخ الشبااب والنااااس....
حرييييييييييقة...حرييقة..!!
طالعت شهرزاد بخوف...
جفت خليفة وسالم ياايين صوبنا وهم يركضون..
وقف سالم يطالعني وهو عاقد حواجبه : سلاااماات فااارس...شو صار لك..!!!!
خليفة باستغراب : تضاربت ويا حد...ولا طحت ولا شوو...؟
قلت بسرعه : ماعلينا....الحين شو السالفة..!!
خليفة وكانه تذكر : يقووولوون فيه حرييقة فـ المستودع اللي ورااا...
بطلت عيوني بصدمة....
وقلبي طاااااح من الخووف..
علــــــــــــي...!!
تركتهم واناا اركض بكل قوتي ...
وصلت....
وو
انشلت ريوولي من الحركة..
طحت ع ركبــــــــي..
لمــــــــا جفت النـــــــــــااار..
.
.
تلتهم المستوودع بكل وحشية...!!!!!!!!!!!!!!!!!!!!!!!!!!
//
~| نهاية الهمسة الثالثة وعشرون |~
|
15-09-11, 10:16 AM
جديد مواضيع قسم القصص المكتمله
العرض العادي
