المنتدى :
الاسرة والمجتمع
هكذا هم الرجال
هم كده الرجاله ....
..
..
..
..
• اتجوز واحده عقليه و مثقفه .. يقولها العلم عمره ما كان مهم للبنت.. اهم حاجه انها تكون ست بيت .. !!
• اتجوز واحده ست بيت .. يقولها خليكي انتي بس في الطبيخ بتاعك.. !!
• اشتغلتي .. يقولك مش مشكلتي انك بتشتغلي محدش طلب منك .. أنا اللي اعرفه اني جاي من بره تعبان وعايز كل حاجه تكون جاهزه
• قعدتيله في البيت .. هيجي من بره يقولك .. انا طول النهار طالع عيني .. وانتي قاعده هنا في التكييف .. هتحسي بيا ازاااااااي حضرتك ؟؟!!
• اهتميتي بيه وأخدتي بالك منه .. يقول دي خانقاني ومش عارف اخد راحتي منها .. !!
• سبتيه علي راحته .. يقول مبقتش بتهتم بيا وهاملاني وهو انا متجوز عشان محدش يعبرني ؟؟ !!
• اتدلعتي عليه واهتميتي بنفسك .. يعتبرك فاضيه ومش حاسه بالدنيا وبالعيشه ولا حاسه أنه طالع عينه طول النهار ..!!
• تقلتي وكبرتي دماغك .. يقولك ده أنا متجوز واحد صحبي ..!!
• يفضل كل أما يشوفك يقولك انتي مش ملاحظه انك تخنتي أوي
• وهو أصلا قميصه مبيتقفلش من الكرش اللي عنده
• لبستي لبس عادي في البيت .. يبص للستات اللي لابسين سواريهات في بيوتهم "في التي في طبعا " ويقولك شايفه الستات عامله ايه لأجوازها ..!!
• قلتي خلاص هرضيه ولبستيله سواريه .. يقولك ايه اللي انتي عاملاه ده .. هي بعزقة فلوس وخلاص ..؟؟!!
• يجي يحكي عن زميلته اللي متألقه أخر حاجه وبتلبس علي سنجة عشره ..!!
• تلبسي كده وتيجي خارجه .. يقولك لا معنديش ستات تخرج كده بره البيت ..!!
• يقولك .. هو انتي نفس الشكل كل يوم من ساعة ما اتجوزنا .. مبتحاوليش تغيري من نفسك أبداا ؟؟!!
• تروحي تصبغي شعرك وتغيري قصته .. ولا بياخد باله أصلا ..!!
• يحطك في مقارنه مع كل الممثلات والمطربات .. ويقولك شايفه الستات عامله ازاي ؟؟!!
• ويزعل أوي ويتحمق لو بالصدفه جبتي سيرة مهند ..!!
مش قصدي أحبطكم
بس غالبا ده اللي بيحصل
م ن من ايميلى
|
07-09-11, 08:50 PM
جديد مواضيع قسم الاسرة والمجتمع
العرض الشجري
